晚餐相約了我的日本客人的翻譯，之前她問我想吃什麼．．左想右想，在日本最煩就是食壽司，因為不懂日語，所以不懂看MENU．．食壽司吧！她可以幫手點菜～跟她相遇後，她已經訂了台，去了一間在酒店附近的野郎壽司！如搭ＪＲ前往，JR新宿站東出口 步行7分鐘就到～
因為訂了台，有包廂坐，真好！

她叫了很多很多呢，基本上全部都好好味，新鮮！特別推介蟹膏！！簡直是一絕，香港食到只是軍艦或者點一點在蟹腳上，這裡是一碟的，只是800YEN，物超所值值值！！！完全沒有腥味，鮮到不得了！好似我鍾意食蟹的人一定愛不釋手！！在日本，除了海膽，這蟹膏是十級推介！！！

溫泉酒店大多是一泊二食，即是包一晚住宿及包兩餐，晚餐及早餐～安頓好，到飯堂用晚餐，一去到先給我們壽司，其他就是Buffet形式，有天婦羅，有shabushabu，有西式焗的，中式烹煮的等等，味道比較家庭式！

是JL8739, 日航最夜回程香港的班機, 而且起飛的地方非常正, 因為在比較近市區的Haneda, 8點鐘飛機, 5點走都未遅. 從新宿迨, 搭JR到品川再轉車. 所需時間都不過半小時. 啱哂我地呢的短期滯留人士, 讓我們有多點時間感受東京.

不過, 始終羽田機場是以內陸機為主, 國際線也只限那些定期包機. 去到機場, 我們下火車之後, 按所乘航空公司指引去了第一航廈. 上酊去, 問了地勤, JAL的國際班次係由另一個機場航廈起飛的, 要乘坐接駁巴士才能到達. 

經過了第二航廈, 再向下一站國際航廈進發. 明顯地, 這個國際航廈地方非常之細, 而且設備簡陋. Duty Free是有的, 但不大. 次要機場就係咁, 來來去去都只是亞洲客, 而且航點也只有, 香港, 上海, 台北, 北京 及首爾. 不用弄得那麼華麗.

雖是一個簡陋的terminal, 但有多少旅客會真真正正enjoy你個機場, 最重要有飛機起到飛. 而且, 8點起飛的超夜機, 對來日本shopping的香港人, 當然好開心啦.

8點, 登上JL8739, 我們離開倭國國土, 零時12點30分, 準時到達香江, 叫做7天的愉快honeyweek, 就在這裡畫上句號. 之後, 正式開始去行人生的另一個階段.  

離開大美帝國既最後一餐, 竟然都是Burger King. 我們去程時, 領教過 JAL既難食飛機餐, 所以異口同聲地, 決意要食左個早餐先上飛機. 係food court, 揀下揀下, 始終都是Burger King 好.

早餐, 我係香港一路都想試既牛角包終於有機會試到啦. 是bacon, Cheese, 用牛角包夾, instead of 普通漢堡. 食落感覺幾light, 煙肉又脆脆地, 包仔又熱熱地, 幾好食架.

另外齋妹的Veggie Burger, 不再評了. 不過, Burger King 既 Coffee, 都係淡左D, 意大利飲到的Americano, 就是這一個味道. 而係呢一個trip, 亦明白了, American, 真係喜歡咁既淡淡地coffee.

行到咁上下, 到了晚飯時候了. 係街繼續食小食...不好了, 好讓兩隻腳休息一下, 不如找家餐廳, 坐低食個餐舒服一點.

誤打誤撞, 又看見名字特別, 咁就入左黎呢度, 好求其咁, 食個拉麵烏東. 其實間野有三層, 不過我們被安排了坐在樓下. 店趴知我地係外國人, 首先俾一個英文Menu我地. 不過一看一對, 好似英文Menu內既選擇比起全倭文的Menu少好多.

首先要安頓好齋妹先, 我們事先做定功課, print 了一張要求素食既日語 print out, 我們未落order, 對比侍應小姐, 看看店方有什麼介紹同安排. 店員小姐, 聽到我們說中國話, 之後便用國語回答, 說食素的, 要看看麼廚房怎安排, 因為湯底有魚肉. 我們要了一個炸豆腐烏東, 店員小姐答廚房可以改用清水煮.....咁我們便安心叫下. 而我, 按其日文Menu order, 叫了一個海鮮烏東湯飯.

不過, 出來的, 只是一個鹽水湯烏東, 豆腐呢.....原來改oeder時, 改錯了....沒有, 想加番, 不過齋妹說算數. 就沒有再追加了. 不過, 味道....就是普通啦. 沒有做功課, 求其..就隨時中招.

而我的烏東湯飯, 雖有尚可既烏東麵條. 但湯飯.....搞到好似食潮州粥咁. 覺得係香港, 搵一間烏東店, 都可以好過佢..........不過, 我地唔識叫, 係食唔到好野既一個因素. 而且姓"謝"個位妹妹仔又唔識介紹, 當服務員的經驗可算是甚淺, 唔係幾識安排.

下次去日本, 都係要做下功課先.

果間旅行社仔, 安排的兩個住宿, 要求已經不高的我們都喊面左一間. 抱著驚驚地既感覺, 入到黎新宿呢一間係正歌舞伎町入面既小酒店, 反而覺得不錯.

說房間, Semi-double roome, 係人都知是細細房. 不過, size, 其實同一些我住過既cheap歐洲酒店差不多. 而且日本人講求整潔, 房間雖小, 但感覺骨子企理. 最開心就係....等了咁多日, 終於有一個Bath, 享用一下.

位置方便, 房間不錯, 而且, check out時, 更有廣東人服務. 正價房好似係8,000yen 一晚. 下次來東京, 又想住返新宿呢頭. 再住返呢間都唔錯.

連轉機, 我們足足坐了10多個小時的飛機. 原本 on plan 既行程係去到酒店放低行李後, 直接去Pearl Harbor. 因為看過旅遊書, 說要上Airzona, 一定要早去, 越早越好, 事因有入場人數限制. 不過壤消息....原來Airzona內部裝修, 成個1月暫停開放....酒店職員勸我們不要浪費時間去....

之後, Plan B, 去 Honolulu Zoo...在排隊買飛時, 我看到......獅子館不開放, 長頸鹿館暫停, 河馬館暫停............兩次去旅行, 兩次想入Zoo....都係因為咁而...費事入.

之後, Plan C, 就地遊Waikiki呢一個超級遊客區了. Waikiki, 出名有個長沙灘, 不過我們只是在沙灘小休. 二人志不在"撻"沙灘, 點都要行下街, 看看Waikiki區既環境才開心.

氣溫不高, 但陽光猛烈, 行行下沙灘, 都係"攓攓"沙, 行返入內街. 圖中有一銅像, 是紀念夏威夷最出名的滑浪者.....名字不記得了. 之後, 行行非常Commercial既名店商場, 同一個冇乜野啱買既Internation Market Place.....呢個Market Place....同女人街賣既野差唔多. 而且, 夏威夷係超多日本遊客的.....我地成日俾人當做"倭人"....囧...

這間店子是BOKO無意間發現的... 當時被那張貼於玻璃窗上的抹茶甜品的竹筒賣相深深吸引著，於是在剛吃完炸豬扒套餐極飽的情況下也忍不住到這間新發現的甜品店試試~

店子雖小，但卻懂得善用顏色和光線，讓人有一種和諧而舒服的感覺。而店子的裝潢、餐具、以至食物均有著濃厚的傳統日式風味。後來於網上查看，得知這間店子的總店位於京都的嵐山，名為"嵯峨野湯"。這間樓高2層的建築物於大正時期曾為「錢湯」(即大眾浴場)，被廢置後有心人希望把它那份昔日情懷好好保留下來，故此把它改建為CAFE+GALLERY+SHOP。網頁上看到CAFE處處充滿昔日錢湯的特色，有機會真的很想親身到訪一遊呢~~~ 

而這間位於惠比壽的甜品店採用了總店售賣お土産的副線JAPANESE ICE OUCA作為名字，而暫時全日本亦只有這間分店。

店子設有堂食及外賣，主要是售賣日式雪糕，有牛乳、抹茶、黑胡麻、櫻小豆、かぼちゃ(南瓜)、かりんとう(花林糖)、きなこ黒蜜(黃豆粉黑蜜)等等。由於當時我實在太飽了，吃不下雪糕，於是叫了一杯"コーヒーフロート"(Coffee Float)，DEKO則叫了poster上的甜品"抹茶三昧ゼリー"。

別小看只是一杯咖啡加上一個雪糕球這般簡單，店子特意用了一塊跟雪糕一樣大的冰塊盛著雪糕，減慢雪糕沉下的速度，讓客人可以慢慢品嚐牛乳雪糕。另外溶掉的雪糕當作牛奶流入咖啡，咖啡也因而變得香濃，實在是一個十分巧妙的配搭。

到了冬天，我們2個抹茶迷又忍不住要來這間小店子。本來打算一試DEKO上次點的那個甜品，發現原來是夏日限定的甜品... 於是我有點失望的再點"コーヒーフロート"，DEKO則點了這個冬日限定的白玉あんみつ+抹茶牛乳~

這間店子是DEKO+BOKO的私人推介!!!

炸豬扒的專門店，於東京可謂多不勝數。而這間位於惠比壽，名為キムカツ的店子，是DEKO跟牠的日本朋友吃過而強烈介紹的。常常也聽說這裡的炸豬扒有多美味，今趟終於能夠前來親自一嚐了~

炸豬扒，日文為「豚カツ(とんかつ)」，即西洋料理的pork cutlet，經日本人改良後，變為使用筷子，並配合麵豉湯、漬物、白飯的日式料理。另外炸豬扒上會淋上特製的醬汁、也有些會配上芥末、檸檬、蘿蔔蓉及醋各式各樣的食法。

有關炸豬扒還聽過一則小趣事。就是由於日文炸豬扒「とんかつ」的「かつ」跟日文的勝利「勝つ (音: かつ)」的讀音一樣，故此有說是「縁起」(帶來好運) 的食物。但由於始終是油炸食物，須較長時間消化，不適合考試或比賽前進食，一般會於前一天作為晚餐。是否真的有效用，這個就不得而知了~

還是說回キムカツ的炸豬扒吧~~ 這間店子的吃法相當特別，落單後店員會為你詳細解釋吃法，若你不懂日語，店員也會很努力的用英語向你解釋 (但大概你不會聽得明白...)，不要緊，就讓我倆為大家詳細介紹吧~

這間店子的炸豬扒最特別之處，是有6種味道供選擇~ 不同材料的配搭，令炸豬扒的美味度更為提升，亦為客人帶來新的味覺享受。

單1款式為1480yen，而想試多幾款的朋友，可選「三品盛り」(2名客人可選3個味道) (3980yen)，另外又可配「炊きたてご飯セット」(有前菜、麵豉汁、白飯, 450yen)。

炸豬扒是即叫即炸的，大約須等15分鐘。而在落單後不久，店員會捧著一大盤堆得像小山一樣高的椰菜絲，食法是用長筷子挾一小撮放在面前的小碟上，再配合醬汁吃。不要小看它，平時在其他店子只有配角的份兒，這裡卻成為主角之一。按著不同季節，從日本國內最好的產地每天送來的椰菜，切成極幼的細絲，再配合店子特製的醬汁，如此簡單的配搭，就已經教你停不了口。在主角炸豬扒未端上前，就已經吃光了。店子有見及此，為客人提供了「おかわり」(即添吃) 的服務，真是貼心~~

這是我的黑胡椒炸豬扒套餐~ 炸豬扒的表面披著一層薄薄的黃金外衣，而內裡則是疊著25塊切成薄片的國產豚肩肉而成，故此能夠保持肉汁。口感既香脆而鬆軟，再配合微辛的黑胡椒，美味的程度真的難以形容。還不只這樣，白飯也是於炸豬扒的時間一起炊煮的，每顆飯粒均煙靭軟熟。吃到這個完美的配搭，感覺實在是太棒了~

睇「東京王」的介紹,10人以上去可以每人2100円任食壽司,去到本館問個店員,佢個樣仲無食過我o地,即係俾「東京王」呃o左,累其餘的朋友白行一趟orz...(旅遊書不可盡信!!)
但看到門外的價錢牌一點不貴,普通的壽司都是約100円,所以還是進去,當時約11點,算早所以不用等馬上有位,因我們人多(約10人),所以上到3樓,環境寬敞,要脫鞋就座,乾淨衛生。
大部份人都叫了套餐,13件壽司(見圖),還送薯仔沙律和面豉湯,連稅合計1554円,除開一件壽司都係100円左右,非常抵食。
壽司拼盆套餐有2種,一種是貴價的三文魚和吞拿魚較多,共約10件壽司,連稅也是1554円;另一種就是每款各一件,我選擇了後者(見圖)。
味道不算頂級,但亦非常可口,吞拿魚入口即溶,三文魚亦非常新鮮,亦不會像平時食到有筋,要拉扯才斷的感覺(可能我都是食開cheap o野...),套餐的份量剛剛好,女士有可能會覺得太多。如果不叫套餐,單叫亦不貴,約1200円就可落樓。