Ju Fan
我是Ju Fan。 我最喜愛到日本,捷克,瑞士旅遊 , 最鍾意遊覽自然景觀,歷史建築/遺跡,民俗風情,展覽館/博物館, 住宿通常會揀5星酒店。
留言  留言給此旅遊家
  遊記數目 4
  上載相片 31
  上載影片 0
最近分享過的旅程
充實的曼谷四天之旅
國家/地點: 泰國
旅程日期: 2009-07-23 至 2009-07-26
充實的曼谷四天之旅 (泰國)
(旅程日期: 2009-07-23 至 2009-07-26)
發表日期: 2009-09-02
今日一早坐泰國東方航空去曼谷,起飛時間係早上8:15,咁早機場巴士都未開工啦,唯有試下坐機場快線。嘩,只不過係20分鐘,就到達機場喇,當時團友們都只係過左青馬大橋咋。機場快線之快,可能會成為我第時去機場的交通工具首選。

去到曼谷機場,首先用左五百蚊做阿公錢,之後我唱左二千蚊,就向今次BOOK嘅酒店出發。車程要差不多45分鐘,行埋高速公路,車費要三百幾Baht。今次間酒店叫Le Fenix,晌NaNa站,但係極度唔近BTS囉。

因為係早機原故,去到曼谷都係當地時間11點到,去到酒店放低行李後,第一個景點係高山路,最多背囊友嘅地方。因為已經1點喇,就搵左間類似Dan Ryan嘅餐廳食lunch。

之後坐的士去臥佛寺,個臥佛真係好大喎。然後行去鄰近嘅碼頭,坐船去鄭王廟喇。呢個鄭王廟,D樓梯斜到呢,行上去唔係,唔行又好似好蝕咁,最終當然有上啦,但上山容易落山難,要我行反落嚟簡直要左我條命。唯有背住一級一級落囉,落到地面我feel到我對腳係震咖。之後幾日我對腳都酸酸痛囉。

辛勞過後,我地一行六人就坐的士(基本上晌曼谷最好係坐的士,又方便又平,除非你間酒店晌BTS隔離。)去Siam Paragon。因為有個團友話要去睇水族館,所以就晌food court食左野然後浩浩蕩蕩落去睇魚喇。入場費800Baht,係貴D,難得有人有興趣,因為我諗我其他朋友係唔會有興趣睇囉。睇完都好夜喇,所以再食D野就返酒店lu。
呢度就係鄭王廟喇。
呢度就係鄭王廟喇。
你睇D梯級斜到呢......
你睇D梯級斜到呢......
一D都唔似中國人D廟囉!當然,呢度係泰國嘛!
評分: 值得去3  
自由自在咁游下游下......
自由自在咁游下游下......
其實無咩做的話,呢到都叫做值得一遊。
評分: 值得去3  
臥佛寺 ok喇2009-09-02
金光閃閃嘅卧佛
金光閃閃嘅卧佛
呢到一個香港人都無咖(除左我地6個)。
評分: 值得去3  

房間都叫做寬敞,但係個企缸係無門咖,要將浴室到門拉向企缸,D水先唔會灑出嚟。
評分: 設備3   服務3   環境3   衛生3   抵住3
  0 個留言    |  加入你的留言
發表日期: 2009-09-02
都話今次去曼谷係一個新體驗啦,我今日會去學煮泰國菜,但係下午先開始,所以早上嘅時間,我地去左Dusit動物園。

之後坐的士去Blue Elephant到煮泰菜,煮完仲可以晌個到食埋,都幾開心。

之後我地坐BTS去Siam,沿住條天橋去World Trade買Naraya,又係香港人掃貨熱點。然後過對面嘅BIG C行超市。我最鍾意去BIG C,個度D野係最齊,可以買好多地道的泰式醬料,返到香港就可以煮泰國菜啦。

Shopping完就諗住坐的士返酒店,但係D的士一聽到話計meter,就灑手兼拎頭,要我地比70Baht,最初我地唔願意啦,就一架架的士問,問問下團友話見到有個security晌腰間拔出左一把匕首出嚟,我諗佢原意係叫D的士司機唔好阻住條路,但係我都有D怕怕喇,就上左一部的士,70Baht就70Baht啦,肉鎚砧板上,我淨係想快D返到酒店咋。SO驚險。
Dusit Zoo ok喇2009-09-02
泰國人都幾重視活動教學。
泰國人都幾重視活動教學。

呢個動物園應該係當地人經常去嘅,因為一個遊客同香港人都見唔到,只係見到D學生啦、當地人咁啦。D動物都幾多,如果你鍾意動物,都值得去。
評分: 值得去3  
學校外觀
學校外觀
這是課室,廚房晌隔離房。
這是課室,廚房晌隔離房。
呢個係我個朋友嘅製成品,我o個份晌佢斜對面。
呢個係我個朋友嘅製成品,我o個份晌佢斜對面。

其實Blue Elephant就位於BTS Surasak站對面,仲有條天橋駁住,交通方便。今次個課程要2500Baht,煮5個菜,包括:黃咖喱雞、銬蕉葉魚、酸甜蝦、燒牛肉沙律同埋Jasmine Cake(我估中文係綠豆糕)。

晌煮菜期間,有D助廚企晌我面前,係咁話:You can add this one. You can turn small fire,我估佢地係怕我燒左間學校。
每人消費: 約2500泰銖
  0 個留言    |  加入你的留言
發表日期: 2009-09-02
今朝六點半酒店出發,展開水上市場之旅。個水上市場叫Damnoen Saduak,位於曼谷市西南方,要由市中心搭VAN仔,大約一個半小時就去到。去到後要轉坐長尾船,先至到個市場。到左個市場,我地6個人就坐一架船遊覽喇。

遊左大約半個小時就埋岸喇,我地食左碗粉同雪糕後,又要上車去第二個景點,就係大象園。個到無咩特別,你可以騎大象,但係好貴,結果我地無人騎。

遊覽完大象園後,又車我地我去睇蛇,入場費好似係幾十蚊,一場嚟度,就當見識下囉。

由於我地係join half day local tour原故,我地兩點已經返到酒店喇。休息一會後,我地坐的去唐人街食lunch。行行下見到有一間叫阿趙魚翅嘅小館,就選擇左入去試喇。

之後向前行去林珍香,唱錢同買左D手信。由於豐收關係,我地再坐的返酒店,放低D野後又坐的去Sum Lum Night Bazzar。去到當然又大買特買啦,最後晌個 Bazzar 露天food court到食晚餐,之後就返酒店Z...Z...Z...

我地就係坐呢D接駁船喇
我地就係坐呢D接駁船喇
其實條河都幾污糟
其實條河都幾污糟
呢個先係水上市場
呢個先係水上市場
塞緊船喇
塞緊船喇
水上廚房
水上廚房
正宗泰式粉
正宗泰式粉

呢個市場同我上次去o個個大同小異,都係賣個D野啦,條河又窄喎,經常出現撞船情況。
大象與蛇 2009-09-02
呢D錢真係唔容易賺
呢D錢真係唔容易賺

睇完大象後,我覺得:活到老,做到老;
睇完蛇王後,我覺得:呢D真係辛苦錢。
認住呢個招牌喇
認住呢個招牌喇
泰式蒸鮮魷
泰式蒸鮮魷
粉絲蟹煲
粉絲蟹煲
海鮮炒飯
海鮮炒飯
酸甜魚
酸甜魚
呢樣無咩特別,只不過係通菜一碟
呢樣無咩特別,只不過係通菜一碟
呢個先係主角
呢個先係主角

故唔到一間以家庭式經營嘅餐館,D野可以咁好食。我地叫左幾個小炒,飽餐一頓後再點個冰糖燕窩,只係400Baht,勁足料,好抵食。
推介菜式: 冰糖燕窩
每人消費: 約800泰銖
評分: 味道5   服務4   環境4   衛生4   抵食5
典型嘅泰國手信
典型嘅泰國手信
唔明白點解林珍香會有呢隻野出現
唔明白點解林珍香會有呢隻野出現
唐人街
唐人街

我唔明白香港已經有林珍香D野賣,但係我仲可以係咁買,個價錢又唔係特別平喎,奇怪奇怪.....
  0 個留言    |  加入你的留言
發表日期: 2009-09-02

今日係行程最後一日,食過早餐後就坐BTS到翟道翟行街,晌咁熱的環境底下,要行呢個market,水+毛巾+風扇仔就一定唔少得,如果唔係,我實中暑啦。

估得無錯,我地逗留左兩個小時就要走喇。

跟住去返Siam Parogon到食lunch同行下,作最後衝刺。

之後返酒店拎行李,然後就到機場lu。

再見喇... 2009-09-02

希望不久嘅將來可以重遇啦!
  0 個留言    |  加入你的留言