八點半由太子上車...途經三水, 原來三水都幾靚架.....坐左四個幾鐘頭車, 終於到達肇慶喇...落車後, 先搵酒店落腳...我同Honey去左皇朝酒店...四星, 都唔錯呀...不過有少少貴啦, 要四百幾蚊...但我覺得最重要係間酒店一定要夠舒服囉.. 安頓後, 我地第一個目標係要去買車飛..... 我地本來想坐返回程車, 可惜都係無飛買..唯有去車站睇睇啦...去到見到有好多車去唔同既地方, 我地考慮到其實肇慶應該無乜特別野行, 所以決定第二朝去拱北由澳門返香港.

買飛後, 我地先去左kfc食lunch...其實都已經差唔多三點喇..不過好彩我地食左早餐, 所以都唔係好肚餓.. 肇慶既kfc同香港有少少唔同, 當然, d set係香港無架啦..食飽飽我地就向七星岩出發..

第一次企係馬路中心截車.幾型.....

到左七星岩行,大約六點左右離開, 第一次搭公車...比起深圳, 呢d都算係整齊, 舒服同靚啦~~坐返出市中心, 去左美食街, d野食都ok喎~~~ 咸香雞係幾好味... 下次可以再食....

第二日行程 [澳門]

起身梳洗後, 我地先去m記食早餐, 本來諗住有時間可以去行多陣..不過我地食完早餐已經十點三了, 而我地買左十點半車飛, 所以都急急地趕去車站. 去到等左一陣就可以上車了....架車比我想象中舒服得多而家算係新車... 坐左大約四個鐘左右就到達拱北, 第一時間我地唔係去食野, 係去玩小型賽車, 不過其實我唔玩的, 我只係睇已經覺得ok喇. 玩完就關去澳門.

到左澳門後, 我地先搭巴士去碼頭買船飛...去到見到都full得八八九九啦...其實都知道會有加班船, 但始終都係保險d好, 所以我地買左11點半豪華位...買左飛後, 我地先去乙水仔, 行舊城區, 都幾遠喎..不過都ok既, 當然要食木糠布丁啦~~! 好味..食完再行, 去小飛象再食.