wingwingman
我是wingwingman。 我最喜愛到日本,台灣,加拿大旅遊 , 最鍾意遊覽歷史建築/遺跡,主要地標,城市風貌,展覽館/博物館, 住宿通常會揀3星酒店,4星酒店。
留言  留言給此旅遊家
  遊記數目 8
  上載相片 226
  上載影片 0
最近分享過的旅程
沖繩hea爆遊
國家/地點: 日本
旅程日期: 2014-09-13 至 2014-09-17
立山黑部大阪精華遊
國家/地點: 日本
旅程日期: 2015-04-15 至 2015-04-21
立山黑部大阪精華遊 (日本)
(旅程日期: 2015-04-15 至 2015-04-21 ,  旅程性質: 觀光攝影, 消閒度假)
發表日期: 2015-08-24

本來4月係去京阪神,但係因為朋友唔方便出遊,最後要含淚同我地行程say goodbye,得返我同大少出發,所以……大少就叫我改去立山黑部
既然係咁……我地機票都買埋,唯有喺大阪出發去喇,基本上如果中途唔停車,由大阪機票出發,去到富山留宿,大約要5-6小時車程,我對大少好人道嘅XDXD
點捨得連廁所都唔俾佢去先,第一晚就唔好咁辛苦,去名古屋落吓腳喇 

燒鰻魚飯 笑臉2015-08-24
鰻魚蛋卷
鰻魚蛋卷
鰻魚飯定食
鰻魚飯定食
鰻魚飯
鰻魚飯
ひつまぶし備長
ひつまぶし備長
燒呀燒呀~
燒呀燒呀~

鰻魚蛋卷超好食, 日式甜蛋卷包惶燒香嘅鰻魚,蛋卷不會太硬實,軟淋淋~~

另外飯有3個食法,員工會喺你落單之後就拎出食用方法俾客人睇 

第一吃,當然係食原味嘅鰻魚飯喇~~~

第二吃,分一部份鰻魚飯去碗仔,放啲蔥花、山葵拌嚟食 (呢個方法我冇試,因為我唔係WASABI)

第三吃,亦都係分一部份鰻魚飯去碗仔,不過今次係加啲熱高湯當湯飯食

當然,我是比較鍾意第一個食法,因為可以食到鰻魚飯嘅原汁原味,冇太多花巧嘢~~

推介菜式: 鰻魚蛋卷、鰻魚飯定食
每人消費: 約4000日圓 (晚餐)
評分: 味道4   服務5   環境5   衛生5   抵食4
除咗ONLINE買嘅嘢之外,當晚去咗2間激安の殿堂掃貨
除咗ONLINE買嘅嘢之外,當晚去咗2間激安の殿堂掃貨

其實喺訂呢間酒店之前,我嘅行程係返大阪前一日先會路過名古屋住一晚,不過……因為我買唔到4月16日嘅立山黑部上山門票,只買到4月17日,所以……所有行程又要再改過,要第一日喺名古屋停一晚,因為我太遲才訂(出發前一個半月),只可以訂到比較細嘅房,一張雙人床 (本身我未買上山門票前係訂18號晚兩張單人床,相信有去過日本嘅朋友都知,日本酒店房係有幾細得幾細,喼都冇位開果隻)

當我預訂好所有酒店之後,又是發揮我網上購物嘅本色,我分開Amazon同日本樂天網買咗幾樣嘢,因為趕著用(汽車用空氣淨化機,因為我地係自駕遊,所以最好有部空氣淨化機,如果唔係,我鼻敏感就會好麻煩),就寄去名古屋 (有部份因為唔趕住用,就寄左去大阪酒店)

由於我地自駕遊,所以一早係大阪租車,去到呢間酒店發覺係冇自己嘅停車場,所以,要喺酒店附近用同酒店有合作嘅停車場,如果你泊好車,拿停車票俾酒店職員,他就會幫你吸一個酒店的印章,停車場就會俾8折……其實我們只是吸咗一次,200円1小時,因為大少話,8折,又唔係平好多,又鬼咁麻煩,20円由佢喇 

每晚價錢: 11600日圓 (雙人房)
其他消費: 停車場費用
評分: 設備3   服務3   環境3   衛生4   抵住4
  0 個留言    |  加入你的留言
發表日期: 2015-08-24

哈哈,唔知點解,每次去旅行,我編排行程起身、出發嘅時間,都冇一次係可以準時,大少呀大少,你可唔可以唔好賴床﹖

媽媽話我冇咩優點,最好就係永遠都唔駛佢苦惱點樣叫我起身返學、返工,哈哈,所以……去旅行我當然可以鬧鐘一響我就起身了,我幾叻~~(有啲發神經哩……)哈哈

呢間酒店我訂嘅時候係包早餐,所以我同大少先食早餐,再Check Out出發去白川鄉,因為中間路程都要2.5小時,所以唔可以再推遲出發

桜の鄉莊川
桜の鄉莊川
今次帶小矮人去旅行
今次帶小矮人去旅行

呢度係去白川鄉必經之路,經過桜の鄉莊川,大少話好靚,想落車影相,我當然沒有問題,因為揸車嗰個話事,他覺得想停嘅時候,就可以停,都好,可以放鬆一下手腳和去洗手間嘛~~

呢度應該都是一個休息站,因為其實都冇咩好睇,不過因為可以遠處看到雪山,所以風景都是好靚
 

推介項目: 洗手間XDXDXD
參觀時段: 早上
評分: 值得去4  
櫻花驚喜 笑臉2015-08-24
五平餅 - 比較特別,以為係年糕嘅口感,但係……雖然煙煙韌韌,但係又冇沒有年糕十足煙韌感覺,裡面重會有一啲飯粒,好特別,味道唔係太濃鹹,絕對係可以一試嘅小吃
五平餅 - 比較特別,以為係年糕嘅口感,但係……雖然煙煙韌韌,但係又冇沒有年糕十足煙韌感覺,裡面重會有一啲飯粒,好特別,味道唔係太濃鹹,絕對係可以一試嘅小吃
Sakura Sakura
Sakura Sakura
呢班大媽唔覺得咁樣洗手會重污糟咩﹖
呢班大媽唔覺得咁樣洗手會重污糟咩﹖
台灣加日本鐵騎車隊
台灣加日本鐵騎車隊

好快我地就嚟到白川鄉入口,超多旅遊巴士……真係很誇張……

當然,中間好多都係香港同內地嘅旅行團,真係好多人,或者可能係我地真係太遲去,不過只係朝早11點未到喎

哈哈,其實今次旅程真係冇心理準備會睇到櫻花(因為我去嘅時候都4月中),不過因為出發前日本天氣突然變凍咗差不多一個星期,所以……櫻花們喺白川鄉同高山市歡同我Say Hi~~

勁開心,不過……大少嫌棄啲櫻花唔係粉紅色而係白色,櫻花妹妹們……你地好可憐哦~~


推介項目: 成呎長雪糕
參觀時段: 早上
入場價錢: 每人0日圓
評分: 值得去4  
飛驒牛~~~~~ 笑臉2015-08-24
燒飯せット
燒飯せット
飛驒牛中華そば - 我地兩個都覺得中華麵的牛太難咬開
飛驒牛中華そば - 我地兩個都覺得中華麵的牛太難咬開
飛驒牛重 - 牛肉味重,燒得啱啱好,不會太硬,很香
飛驒牛重 - 牛肉味重,燒得啱啱好,不會太硬,很香
飛驒牛串 - 一款是鹽燒,另一款是醬燒,我覺得醬燒的比較好吃
飛驒牛串 - 一款是鹽燒,另一款是醬燒,我覺得醬燒的比較好吃
今次選擇嘅地方,係朋友介紹,之前我自己編行程嗰時,所選擇嘅是丸明,不過……出發前,大少睇一下資料,話……丸明太貴喇,因為我們在神戶會吃神戶牛,飛驒牛就不駛食太好喇
所以問吓朋友,佢就建議我地去“鍛冶橋”,朋友話,口味同價錢都非常大眾化,又可以吃到飛驒牛,是一個好選擇
推介菜式: 飛驒牛重
每人消費: 約2000日圓 (午餐)
評分: 味道4   服務4   環境4   衛生4   抵食5
俾大少嫌棄嘅白色櫻花
俾大少嫌棄嘅白色櫻花
我好喜歡這個燒丸子,好煙韌,比喺白川鄉食嘅五平餅好食好多……早知食多一、兩串~~
我好喜歡這個燒丸子,好煙韌,比喺白川鄉食嘅五平餅好食好多……早知食多一、兩串~~
整條街都好古舊,好有古式古香風味,如果鍾意行古街嘅朋友一定會鍾意
 
參觀時段: 下午
評分: 值得去4  
  0 個留言    |  加入你的留言
發表日期: 2015-08-25

一直以嚟,我出發旅行之前大約1至2個月就會開始整理行李,因為我經常都會突然諗起呢個要帶去旅行,嗰個要帶去酒店用,不過,因為今次突然改變行程去滿天大雪嘅立山黑部,而大阪、名古屋、富山天氣冇喺山上咁凍,所以我苦惱咗好耐我應該帶咩外套去,因為溫差太大,,帶太厚嘅外套去,就會將行李塞得超大超重,太薄又會凍,最後,我選擇了Superdry外套,不過今次唔係有絨毛嗰件,係我1月份美國官網訂返香港,呢件只是一件普通擋風外套……所以……上到山,-1度嘅時候,凍到我即刻沖返室內,哈哈

 

 由立山駅上山嘅第一款交通工具,一直擔心會太多人,可能因為落雨關係,所以遊人唔太多,架車都係一樣滿座
由立山駅上山嘅第一款交通工具,一直擔心會太多人,可能因為落雨關係,所以遊人唔太多,架車都係一樣滿座
海拔1329米
海拔1329米
室堂肉包
室堂肉包

我原本網上買咗朝早08:40分交通劵上山,當然又係因為我家大少賴床而遲咗出發,由我地富山所住嘅酒店出發去立山需要大約40分鐘,山路、彎位比較多,加上落起毛毛細雨,所以架車都唔可以開太快,去到立山駅嘅時間啱啱好08:40,哈哈,大少車都未汨好就趕我落車去換飛

落車之後我即刻跑去換飛,票站有分開2部份,2號窗口係網上預約乘車卷,另外3個係即場買票,所以如果你出發前就網上訂好票,去2號窗口就可以換到票~

我地遲到,所以票站小姐就同我講,我要去5號將原有08:40車票換成09:00的車飛才可以上山,所以……我就去5號窗口先換飛再出發~~

參觀時段: 全日
入場價錢: 每人9730日圓
其他消費: 午餐
評分: 值得去5  
-1度~~~~
-1度~~~~
哈哈,我對鞋已經融入白雪中~~
哈哈,我對鞋已經融入白雪中~~
因為4月開山嘅時段上山,氣溫會比較凍,如果喺開山第一個星期內去嘅朋友,我建議一定要帶禦寒衣物,重有……最重要……冷手襪,我沒有預備這個,所以在室堂一踏出雪山範圍,手指凍到薑晒~
唔可以唔俾我親愛嘅600円去買一對手襪,對手襪我重要同大少一人一隻,因為佢都好凍XDXD~~

因為天氣不是太好嘅關係,所以很難影得到雪牆頂部~~

真係一啲都唔可以睇低立山黑部雪牆嘅吸引力,雖然交通工具上面遊人唔多,不過……原來好多人都已經集結咗喺室堂,當日…聽到好多唔同國家嘅語言,有國語(聽得出好多都係台灣人),英語、泰語、日語(呢個唔駛講喇,呢度係日本嘛,我係傻的嗎﹖),竟然……廣東話都聽不少~~

超搞笑,當我同大少喺度苦惱點樣可以自拍立山黑部合照嗰時,突然……後面有廣東話出現“不如我幫你地影呀”,哈哈,我地嚇一跳,即刻話“好呀,唔該晒”~~

當佢幫我地影完,佢問“可唔可以都幫我影呀﹖”,原來因為佢係自己一個人嚟玩,我梗係無問題喇,
香港人要互相幫忙嘛~~

影咗兩張……佢竟然除低外套,只著短袖T-Shirt,哈哈,佢說要俾人睇佢不怕凍~~

(旅行完咗成個月,大少話佢當時都應該要同嗰個人一樣影低短袖衫,真係頂佢唔順,都成個月喇大佬,重講~~)

 
參觀時段: 早上
評分: 值得去5  
比想像中好 ok喇2015-08-25
Menu
Menu
富山炸豬扒咖哩
富山炸豬扒咖哩
立山三色重
立山三色重
立山三色重
立山三色重
味噌湯
味噌湯
前菜
前菜
前菜
前菜

當我地完成室堂外面冰冷雪山嘅冒險之後,大約11點半,我地要趕喺人潮未太多嘅時候完成我地嘅午餐

出發前都看過很多其他網路介紹,好多人都話唔好對呢個午餐有任何期待,但係食完之後,我覺得無其他人講得咁差呀,其實喺呢個雪山上面,你想人地俾咩山珍海饈你食﹖ 有呢啲基本和食我覺得已經好好喇,唔好要求太多,而且味道真係唔太差呀~~

每人消費: 約1500日圓
評分: 味道4   服務4   環境4   衛生4   抵食4
好似雪花和牛
好似雪花和牛
食完午餐之後,我地就出發去大觀峰同黑部平,其實以我個人嚟講,我係覺得黑部平比雪牆靚,重有氣勢,因為放眼出去都是滿滿都係雪,還有高低不齊嘅山峰,山峰積滿了厚厚嘅雪,大雪谷雪牆係很有氣勢,不過……黑部平比較壯觀
評分: 值得去5  
冰封水庫 笑臉2015-08-25
其實黑部水庫氣溫都有幾度,不過當加上啲風吹過,真係寒風刺骨
其實黑部水庫氣溫都有幾度,不過當加上啲風吹過,真係寒風刺骨

欣賞過咁有氣勢嘅山嶺之後,我地就出發去今次立山黑部之旅交通終點站-黑部湖,之後再行去黑部水庫

路程唔會太遠,好快就到,不過……去到水庫嗰時,黑部平嘅藍天白雲又唔見咗~~
黑部湖冬天時份基本上都會係結冰,同夏天水庫排水嗰種氣勢,完全冇得比,但係亦都有佢靜態一面

評分: 值得去4  
美味小飯糰 笑臉2015-08-25
回程時候,我地喺大觀峰買咗小飯糰做下午茶,一個係蝦仁飯糰,另一個係螺肉飯糰,小飯糰好好食,味道真係出奇咁,蝦仁嗰個有海帶、小蝦,雖然螺肉嗰款只有螺肉做配料,不過,味道很香~
評分: 味道5   服務5   環境5   衛生5   抵食5
  0 個留言    |  加入你的留言
發表日期: 2015-08-26

17號去完立山之後,18號就係我地返大阪之時,經過今次立山黑部之行,我深深俾呢座山吸引住,我決定…我一定會再嚟,不過下次就會揀喺秋天嘅時候出發,因為我想看滿山紅葉,一定好壯觀~~ 

*********

因為我地喺租車嗰時租咗ETC卡,所以按租車公司嘅規定,我係唔可以喺另一間分店還車,而且……原來難波間豐田租車公司係只設租車,而不設還車服務, 搞笑~~

所以喺行程上,我作出咗一個更改,就是由富山出發->經過南条PA->再去大阪新阪急酒店放低行李->大阪関西國際空港還車->心齋橋晚餐->神戶
我可以話俾大家知,我決定咁行,原來係大錯特錯~~ 

美味蜜瓜包 2015-08-26
南条PA休息站
南条PA休息站
雜菜天婦羅烏冬
雜菜天婦羅烏冬
唐揚雞
唐揚雞
飯糰
飯糰
美味雪糕蜜瓜包
美味雪糕蜜瓜包
由於我地今日要由富山揸車返大阪関西空港還車,所以我出發前已經將路線搵好~~
日本其實高速公路會有好多個中途休息站,所以要睇返自己去到邊個位置大約幾點,如果Miss咗呢個休息站,要幾耐先再到下一個,邊個休息站有啲咩嘢食,定係嗰個休息站只係俾人去放低幾兩,都要清楚知道
可以去NEX網址先搵齊資料﹕ http://sapa.c-nexco.co.jp/search/map 
而我就決定去富山<->大阪中間點,南条PA,呢個睇落都似係一個大少少嘅休息站,我地大約11點到休息站,搵嘢食,去吓洗手間
食完午餐,出去拎車嗰時俾我見到日本好出名嘅蜜瓜包,一定唔可以放過喇~~
個皮外面超級脆,麵包熱辣辣,但係又放咗雪糕,所以感覺又凍又熱,但係真係超級香甜好味~
 

當我地到達大阪嗰時,已經是晏晝4點幾,大阪嘅車路好縱橫交錯,我地只係搵酒店者,已經搵咗大半個鐘先搵到其實係邊個入口入停車場

泊好車後,先去寄放行李櫃台,因為我地其實係聽日先入住,但係又唔想拎太多嘢去神戶,所以大件行李就先放低喺大阪

放低行李之後,我地就即刻趕去関西空港還車,因為已經5點,我地租車時間係7時之前要還,不過……因為大阪啲高架橋太交錯,所以我地搞錯咗出口,又要再兜一圈上高速,去到関西空港,又因為錯過咗停車處去咗第2航廈,我地去到租車公司門口停車處,已經差唔多7點,真係比大阪啲路玩死,所以我覺得要自駕遊千祈唔好揀大阪、東京~~

還完車我地就出發去難波食晚餐,今晚我決定要去吃“自由軒”咖哩飯,所以我地要喺関西空港搭南海特急ラピートβ60到南海なんば駅

原來,南海特急ラピートβ60用ICOCA入駅之後,重要喺月台上面補票,冇記錯的話,大概係560円一個人,當然……我地唔會考慮太多,直接俾錢,因為時間已經晏,用錢買時間喺我嘅旅程中經常出現,哈哈

不試也罷 哭臉2015-08-26
差
差

之前一直都聽其他人講,自由軒啲咖哩飯好好食,好特別,我當然滿心期待喇,點知……當我食第一啖之後,覺得冇大家講得咁好食,其實我覺得很香咖哩味,不過,當加埋生雞蛋之後,整個飯都太濕立立,感覺一啲都唔良好,我相信……我係當晚自由軒入面,唯一一位食剩飯嘅客人~~

另外大少嗰款係有點似西式炒飯,反而我覺得呢個好食少少,當然……最好係冇咗中間隻生雞蛋,其實我一啲都唔討厭食生雞蛋撈飯,不過,首要係飯一定要夠熱,但係……呢兩個,飯完全唔熱,所以撈埋一齊之後,有啲腥味,我唔係好鍾意

大少哥哥好幾年前去大阪玩,話冇食到呢間好失望,當我食完了之後,我同大少講,你可以同你哥哥講,叫他唔駛失望,因為吃唔到都無損失,食完反而重失望

每人消費: 約680日圓 (晚餐)
評分: 味道2   服務4   環境3   衛生4   抵食3
おいいし~~~ 笑臉2015-08-26
肉包
肉包
燒賣
燒賣

食完一餐唔好食嘅晚餐之後,我地就出發去搭鐵路過神戶,因為我預約咗聽日神戶牛肉午餐,超期待,喺香港食日本和牛好貴,雖然喺日本唔平得過香港幾多,但係去関西,冇理由唔試一試吧~~

因為喺自由軒食得唔多嘅關係,所以我經過蓬萊嘅時候,忍唔住買咗肉包同燒賣,因為賣相實在太吸引我喇~~
我地帶去神戶酒店先食,所以已經變凍咗,不過,除了肉包凍咗沒有熱嗰時咁好食之外,我覺得燒賣真係好好味(可能因為真的肚餓),同香港食嘅豬肉燒賣好唔同,啲肉唔會好似我地酒樓嗰啲咁實的的,好軟熟 

推介菜式: 豬肉包、燒賣
評分: 味道5   服務5   環境5   衛生5   抵食4

我從來都冇諗過呢間酒店係咁似西式庭院,當我們走入去,真係嚇了一跳,Oh My God……好懷舊~~

我同大少好鍾意呢間酒店,尤其電梯,我地呢幾年去幾個地方旅行,都冇見過這麼舊式嘅電梯,就好似鐵達尼號裡面電梯一樣,係指針形式,不過……如果係日光日白,我諗我會覺得比較興奮,之不過……我地喺夜晚10點先去Check in,酒店裡面除咗Check in大堂之外,其他都熜晒燈,等電梯期間,我一直都覺得好陰森恐佈,哈哈~~

其實喺朝早,呢個庭園真係幾靚,哈哈

另外,酒店令我最驚喜嘅地方係,有一棟激安の殿堂在對面,超開心,去日本我鍾意就係去激安,因為除咗有藥妝買之外,重可以買到好多好得意嘅嘢(大少同媽媽會將呢啲得意嘢稱為 - 垃圾)~

所以當我地食完宵夜之後,梗係要去一次激安喇,咁樣又行咗個幾鐘,哈哈

每晚價錢: 11200日圓 (雙人房)
  0 個留言    |  加入你的留言
發表日期: 2015-08-26
尋晚行激安行到成點鐘,今朝就晏少少先Check Out喇,不過晏極都係9點半,哈哈
大鉄人28号 2015-08-26

第二日,我地Check out之後,放低行李喺酒店,先出發去睇大鉄人28号,因為今日冇太多行程,而且我訂中午12點去食神戶牛肉,所以,都唔敢去太多地方,驚誤咗時間

由酒店出發嘅話,我只需要去三宮駅搭鐵路到新長田就可以,好快,新長田一出駅口,唔太遠嘅地方就已經係大鉄人28 

呢個模型比我想像中要大好多,一開始我行緊過去就已經開始幫佢影相……大少還話我好變態……因為……我喺度影佢個屁股~~哈哈
其實當我地睇完了大鉄人之後,都差不多10點半,神戶都有一間西松屋,時間上容許我逗留15-30分鐘,所以我又再去多一間西松屋幫朋友買嘢,不過……因為呢間店比較細,15分鐘都已經行完,冇咩收鑊,只係買咗兩件T-SHIRT及兩對拖鞋俾小朋友
參觀時段: 早上
おいいし~~~ 笑臉2015-08-26
A5和牛
A5和牛
A5和牛,好香牛味,比神戶牛少油膩感
A5和牛,好香牛味,比神戶牛少油膩感
神戶牛肉
神戶牛肉
油脂多,比A5和牛油份高好多,好似食緊牛油一樣,肉質好淋好滑,不過真係太油膩
油脂多,比A5和牛油份高好多,好似食緊牛油一樣,肉質好淋好滑,不過真係太油膩
今次……我就選擇咗モ-りヤ三宮店,除咗因為係旅遊書推介之外(同埋近我酒店),朋友亦都大力推薦,雖然………午餐食神戶牛肉有一啲啲奢侈,但係……如果夜晚食嘅話……價錢應該會係午餐嘅2~
今日我地就揀咗一個普通神戶牛同A5和牛
 
每人消費: 約13000日圓 (午餐)
評分: 味道5   服務5   環境5   衛生5   抵食4
日本啲雪糕同香港好唔同,冇咁Creamy,食落口重有少少冰,好得意,我鍾意
日本啲雪糕同香港好唔同,冇咁Creamy,食落口重有少少冰,好得意,我鍾意
大大塊燒餅
大大塊燒餅
雖然我唔係非常鍾意,但係……朋友啲小朋友好鍾意呢個包包超人~~
原來神戶呢間,出面有一個好大嘅摩天輪,如果我係夜晚上嚟嘅話,應該會重靚,其實博物館裡面除咗購物店之外,還有食店、遊戲地方,不過……因為我地冇小朋友嘛,就冇入去遊戲地方~
麵包超人博物館最好食就是肉包,另外重有蒸馬拉糕同芝麻包,包上面有麵包超人樣,好可愛~ 
推介項目: 肉包
地道拉麵~~ 笑臉2015-08-26
特製らー麺
特製らー麺
煮玉子
煮玉子
つけ麺
つけ麺
沾麵汁
沾麵汁

今日其實本來係諗住食燒肉放題,但係最後我有朋友推介我食拉麵,佢話呢間拉麵係要地道日本人先會去食,無乜遊客,好值得去食
佢知我本身食得偏濃味,佢話呢間店啲沾麵可以滿足到我“咸蟲”嘅要求
我用Google Map入晒地址去搵,行咗好耐都搵唔到,經過20分鐘之後,我終於見到佢喇,真係好靜,由商店街一路行,除非真係住喺嗰頭,如果唔係,基本上唔會行過去,因為黑漆漆,冇嘢行,冇嘢買~~
呢間點係門口就有部售票機,你要預先決定自己想食咩,買完票就搵位,其實佢位就一眼見晒,因為係一條過吧枱型式,大約得10幾個位,而廚師亦只得一位,一個人做晒洗碗、煮麵發餐嘅工作,所以基本上大家食完之後,都會好合作咁自己抹乾淨張枱,將食完嘅餐具放上出餐位

推介菜式: つけ麺、特製らー麺
每人消費: 約830日圓
評分: 味道5   服務4   環境4   衛生5   抵食5
方便但細~~ 2015-08-26
其實我去旅行對住酒店方面冇乜要求,最緊要方便,同埋唔係青年旅舍、民宿就OK,所以當初同事推介呢間新板急酒店俾我,我諗都冇諗直接預訂,有人住過就最好喇,我唔駛煩~
我今次訂係雙人房,兩張雙人床,本身諗住雙人床房會大啲喇,點知………我訂呢個嘅雙人床房係細到同平時普通單人房咁,灘開兩個行李,你好自然唔駛行,成條走廊俾佢地霸咗~~
不過佢真係好方便(自駕除外),一落去就已經係梅田駅,地下街行前少少就新大阪駅,樓下重要好多嘢食~
樓下除咗有間藥妝店之外,又有便利店,對面重要有間好大嘅Yodobashi,而且去機埸嘅巴士,就喺正酒店門口~~
每晚價錢: 14000日圓 (雙人房)
  0 個留言    |  加入你的留言
發表日期: 2015-08-26
今日終於都要去USJ,可惜,今日天氣唔好,當夜開始就落雨,其實香港出發前已經知,一直都祈求唔好落雨,點知都係會落,好彩嘅係,佢只係毛毛雨,唔係大雨,都重可以行下吓USJ,因為我同大少都唔係好玩機動遊戲
去完USJ我地就去行吓難波、心齋橋

主題公園日 2015-08-26
其實我同大少都唔玩機動遊戲,都真係黎到此一遊吓架咋,同埋主要睇吓有咩紀念品買吓囉,因為Online買唔到架嘛,佢場內限定嘅嘢,所以睇啱就好買,唔好返到香港先後悔,因為唔係好多代購會去USJ架~~
門票我地一早喺香港東瀛遊買咗,因為我地擔心哈利波特預約劵好難拎,所以都係喺香港買定係最安全,1萬円包USJ入場劵、関西地鐵1 day pass、哈利波特預約劵,當然……有人話我蠢嘅,但係當你同行者係大少,你就唔可以樣樣嘢都到時先算,因為大少好大安旨意,萬事覺得早做同遲做都係一樣架喇~~
我就樣樣嘢都要出發前confirm晒先安落(所以搭完今次廉航之後,我都未必會再搭,睇情況佢係唔係真係平到唔買對唔住自己嗰啲)

 
參觀時段: 全日
入場價錢: 每人10000日圓
其他消費: 午餐、購物
半熟芝士撻 哭臉2015-08-26
呢個芝士撻我相信好多人去大阪都會食過,我就唔食芝士嘅,本身諗住睇吓有冇細細個,可以買俾大少一個人試就算,點知……佢係冇,得大大一個買,佢又話買喎,癡線,咁大個,佢自己一個點食~
返到酒店,我地就切開試,見佢啲芝士熟與唔熟之間,我個人覺得……好古怪~
食落口,我就唔鍾意呢個質感,大少都麻麻,但係死死地氣都要食兩件,叫唔好蝕嘛~
點知……食完都唔夠10分鐘,就開始肚痛~
真係唔食好過食,最後我地成個芝士撻掉咗~~ 
跟住我地就開始出去搵食~~
每人消費: 約850日圓 (其他)
評分: 味道1   服務4   環境4   衛生4   抵食2
蟹膏壽司
蟹膏壽司
蟹腳
蟹腳
因為無碗放豉油同蟹醋,所以用酒店隻茶碗XDXD
因為無碗放豉油同蟹醋,所以用酒店隻茶碗XDXD
個豉油樽都係蟹嚟架,超得意~
個豉油樽都係蟹嚟架,超得意~
我地本身係諗住食大阪燒,點知………好辛苦咁搵到間大阪燒喇,佢原來今日休息,唔開,咁大少話不如食かに道樂喇,去到門口,今日full booking嚕,所以……無得食,但係……佢本店門口有外賣買,大少話,不如果返酒店食喇,咁我地就買咗蟹腳同蟹膏壽司返酒店食,當然……返去前我地都要去搵嘢食一食先喇,蟹腳唔飽架嘛~~
每人消費: 約5000日圓 (宵夜)
評分: 味道5   服務5   環境5   衛生5   抵食5
美味拉麵~~ ok喇2015-08-26
走蔥濃味辣拉麵
走蔥濃味辣拉麵
濃湯拉麵
濃湯拉麵
抹茶杏仁豆腐
抹茶杏仁豆腐
其實2012年去東京嗰時已經想食,點知人在東京嗰時因為太多好嘢食完全忘記咗,決定嚟大阪就一定要食,我想知道日本同香港究竟有咩分別
經常都分開兩幫人,一邊就話香港好食過大阪、東京店,一邊就話,大阪、九州本店、東京都好食過香港~
香港我就臨出發前兩個月先試到,因為我一向都唔去香港島,所以要我過去,真係難過登天(好彩依家尖沙咀都開咗間者)
本來我地係去道頓堀本店食,點知,因為太多人,又落雨,所以佢地就開始帶客人去渠嘅另一邊嘅屋台,我地又未試過,喺店入面排緊隊嗰時問我地要吧枱座定係要屋台,我同大少都想試吓屋台
買票嗰時,因為俾個店員老點,我地買咗980円嗰款,原來嗰款係加麵底……我地兩個食完果晚真係飽到嘔咁滯~~XDXDXD
另外大少重叫咗個抹茶杏仁豆腐……嗯……唔好食囉~~ 
每人消費: 約1000日圓 (晚餐)
評分: 味道4   服務5   環境5   衛生5   抵食5
  0 個留言    |  加入你的留言