第一天剛到埗沒追太多景點（其實之後幾天也是超hea 沒追很多 - -")，所以先集中介紹一下是次投宿的旅店吧www。Bounce Sydney, 店如其名，staffs 都是年輕人而且超級 helpful 又友善熱情，跟店名一樣有活力~ (雖然其實悉尼人都很好<3 )

我們住的是8 人女生房，share 一個 private bathroom。房間空間都足夠的，每人有一個大locker 可以將成個行李篋塞入去，另電源座都係入面的，半夜要放低手機叉電都唔怕。當然，請自備密碼鎖。
由於各床位有諸位房客的私人物品，所以都不好意思將房貌放上來了w，只看看設施吧w 

另外，旅舍實在很體貼銀彈有限的背包客需要，幾乎每晚(有一兩晚冇)都會有一樣食品平價發售 (大約是 $1-2 AUD)，通常是包類食物，於晚上七點半係4/F 即叫即煮。係物價偏貴的悉尼，確實可以為各位荷包慳番唔少。 詳細會在第五日遊記再講。

係旅店擺低行李之後，梗係去經典打卡位 Sydney Opera House 參觀下啦。

中午去到旅店，然後沖涼，小休，再出門到 Circular Quay 已經係接近當地時間四點。
其實 Opera House 定期會有tour 可以帶各位入內參觀。有興趣可以預早 d 時間過去，詳細導賞時間可以去官網 check。不過我地遲去，就咁係外面影相自high一樣開心 www

Circular Quay 呢個地方係遊客重鎮，因為 Sydney Harbour Bridge，Sydney Opera House 和Rocks Market 等都係呢一帶。Rocks Market 逢週五至日開，週五主要是賣食品，六日據聞就係工藝品為主。不過佢五點收檔，所以我地都冇時間去，只係旅程第六日去睇過。

係悉尼港睇日落，是一大享受。不過......小心入夜著涼，傍晚時分已經開始大風架啦，氣溫轉得好快

睇完Opera House 後已近夜晚。忽然一陣涼風吹來，兩個女仔至發現瀨野，原來一到夜晚市區溫度都可以變得好勁 - -" (何況是海邊) 於是拿拿臨搵個地方鑽入去暖身... 就隨意去左附近的 Hungry Jack's。

Hungry Jack's 其實就是香港的Burger King。在悉尼，邊度食野都貴 (嚴格黎講，在往後六日食過的餐廳，以其份量和質素我唔可以話佢貴。係香港食其實都差不多。所指的貴係難以避免接近港幣三位數的消費金額) 。如果但求慳錢飽肚，快餐店是不二之選。

反正整日未食飯就係度食好了。我們叫了一個套餐，約AUD $11，有兩個漢堡(華堡+Cheese Burger)，兩盒薯條 (其實本來應該是一薯條+一麥樂雞，但因冇哂雞件而以薯條取代)和一杯飲品。平均每人約港幣三十多元，在悉尼算是很相宜了。

味道就是普通快餐店質素，不贅。薯條比香港的少鹽味淡，算是稍為健康一點。不過快餐店有樣野好就是醬汁包調味料可任取任點。其他餐廳醬汁是另外收費的。 

由於實在太涼的關係，兩個女仔食完就匆匆返 hostel 攞褸著至再出門。

Sydney Tower Eye 距 St James Staton 約五分鐘路程。順帶一提St James Station 是個挺有懷舊格調的車站，不妨留意一下。
當時大約是晚上七時，但街上行人已寥寥無幾...可以數到出黎。雖然外國店舖一向早關門，但真係冇諗過七點就收咁早 而且好歹也算是遊客區呢...

幸好旅遊塔還是營業中的(笑)。但其實 Westfield 入面的店舖已經全部關門，遊客生意都唔做，果然有生活態度www。 

 入場費為AUD$26.50，包括觀賞一段約十分鐘介紹悉尼的3D短片及上360度觀景塔。第一次上呢類旅遊塔，本來諗住都係到此一遊算，估不到悉尼夜景是很遼闊美麗的 <3 加上人少少，好有整個城市皆沉睡唯我獨醒的感覺。靜靜觀景，一直到觀完回程走在無人的街道上，竟有幾分宛如夢遊的錯覺，彷彿只有自己掌握著整個沉睡城市的脈絡。

當日的營業時間是直到2100，但好似有時會開到2200。各位自己上網睇啦。

好啦，想太多了。總結是值得看看的。畢竟香港地少夜景望極都只有維港兩岸 -,-" 

第一日行程大致係咁多。遲 d 再介紹之後幾日去過的其他景點 ^^

悉尼是沿海城市，海產也很豐富。

其實來Fish Market 的最佳時間是11、12點，不過嘛...遲起就是遲起了w，來到已經是三點幾，見住個場空蕩蕩，差 d 以為去錯地方 - -"
其實呢個時間大家已經準備收檔（大約四點收哂)，我地差少少就冇得食，各位看官千其唔好學我地... (默)

叫左兩打生蠔，一款係比較常見，好像叫 Pacific。另一款色澤較淡黃的就是澳洲特有。 個人認為後者比較鮮甜，當然前一款也不差。
其實本人比較少吃生蠔，唔係好識分好唔好。只可以講比香港 buffet 質素好好多起碼真係夠鮮味~何況圍返只是港幣$8就有一隻，咩都抵啦，唔通期望 $8 港紙就食到龍肉咩。
 
個度都有店舖賣熟食及壽司。煎魚還不錯，肉質仍嫩。熟食擺左一日始終冇熱辣辣食咁好ge。但壽司就真心一般啦...

食到實Q都過黎催我地，各位真係唔好咁遲黎哈哈哈... 

食飽飽就梗係要行下~不過由於已經接近五點，好多店舖都相繼關門...所以，就黎到一定冇咁早收檔 ge... The Star 啦~

The Star 位處 Darling Harbour 一帶。場外有海濱長廊可以散步。 

賭場設施都是那些。不過有趣的地方是入面近正門設置左一個小檔口，職員會教你一些遊戲例如百家樂的玩法和規則。對於我等只懂盲中中拉角子機的人來說，倒是挺貼心的小亮點呢。 

另外一個悉尼到夜晚都重燈火通明的地方，就是 China Town 啦~

China Town 就在light rail 的 Paddy's Markets 站。短短十分鐘的步道，個人認為沿途其實沒什麼看頭，兩邊都是像香港見到那種針對內地人而設的藥房和手信店，所賣的產品也是很遊客的貨色啦... 像我們這些二十來歲的實在不會看上那種手信 -,- 不用多說了

唯一可取是這裡聚集了不少亞洲菜餐廳，如果吃厭了西餐或者可以來這裡看看有沒有合胃口的，當然價錢比在香港不划算啦~ 

唔覺唔覺又到九點，係時候要食下晚飯/宵夜啦。

Pancakes on the Rocks 係 Circular Quay 靠近 Harbour Bridge 一帶，就是在很多紀念品商店那條街 w。店舖招牌不是很亮眼，我地最後都係遇上好心市民帶路才到達~

店舖24小時營業。係悉尼實屬難得。對於我等係香港夜訓慣的人十分方便~

我地叫了茄子Pizza，薯角，飲品及pancakes。pancakes 有好多選擇，我地個份配料有香蕉、核桃同雪糕，份量都幾大下。 而且pancakes 超厚，真係要兩個人share。

pizza 同薯角都唔錯。點薯角茄汁同sour cream 要另外收費(大約是AUD $1-2)。不過見澳洲好多餐廳都係咁。

埋單兩個人共食左AUD 42。唔算平不過以其份量，我唔會話佢貴 ge。

PS: 等待食物期間隔離枱有人慶生，全場熄哂燈然後侍應捧左個插住微型煙火蠟燭的蛋糕過去...都幾搶眼。如果大家想要咁璀璨的生日慶祝的話...可以諗諗。