美食兵團
我是美食兵團。 我最喜愛到台灣,泰國,馬來西亞,最重要是去安全同政治穩定的地方旅遊 , 最鍾意遊覽自然景觀,民俗風情,公園/遊樂場/渡假區,戶外活動, 住宿通常會揀3星酒店,渡假村,合理價錢。
留言  留言給此旅遊家
  遊記數目 41
  上載相片 2732
  上載影片 0
最近分享過的旅程
美食兵團去首爾
國家/地點: 韓國
旅程日期: 2015-06-26 至 2015-07-01
吉隆坡+熱浪島優閒渡假之旅
國家/地點: 馬來西亞
旅程日期: 2014-07-23 至 2014-07-29
美食兵團去廈門
國家/地點: 中國
旅程日期: 2014-12-25 至 2014-12-28
昆明、麗江、香格里拉六天自由行(18/04/2014 - 23/04/2014)
國家/地點: 中國
旅程日期: 2014-04-18 至 2014-04-23
美食兵團去清邁+芭堤雅+曼谷10天遊
國家/地點: 泰國
旅程日期: 2013-07-12 至 2013-07-21
又再去台北
國家/地點: 台灣
旅程日期: 2013-07-02 至 2013-07-05
台灣環島15天遊
國家/地點: 台灣
旅程日期: 2012-07-20 至 2012-08-03
曼谷Shop, Spa, Eat
國家/地點: 泰國
旅程日期: 2012-06-27 至 2012-07-03
澳門3天尋玩尋食之旅
國家/地點: 中國
旅程日期: 2011-08-20 至 2011-08-22
海南三亞豪嘆hea
國家/地點: 中國
旅程日期: 2011-08-13 至 2011-08-16
21-26/4/2011 廣西龍脊梯田及陽朔三人自由行 (中國)
(旅程日期: 2011-04-21 至 2011-04-26 ,  旅程性質: 背包旅遊, 消閒度假)
發表日期: 2011-05-25


這次的廣西陽朔同龍勝之旅很容易plan, 起初計算旅費要用成HK$10,000, 很貴, 貴過去東南亞, 後來再重新plan過, 這5天半的費用如下(人民幣):

A) 交通 共 3020元 :

1. 來回火車票(軟卧) 2284元

2. 來回桂林至龍脊梯田 240元

3. 來回桂林至陽朔 108元

4. 由陽朔至楊堤巴士 28.5元

5. 由興平至陽朔巴士 22.5元

6. 由陽朔至金龍橋巴士 18元

7. 由舊縣(遇龍河)至陽朔包車 40元

8. 香港至廣州直通巴士 252元

9. 廣州地鐵 27元


B) 門票及遊玩費用 共 1185元

1) 龍脊梯田門票 150元

2) 印象劉三姐新貴賓票 510元

3) 銀子巖半日遊 210元

4) 租漓江竹筏 120元

5) 遇龍河上游半漂竹筏 195元


C) 住宿 共 308元

1. 寨花樓 60元

2. 陽朔花田錯 128元

3. 陽朔無名堂 120元


D) 食 共 1219元

1) 廣州沈生湯館 134元

2) 大寨午餐 38元

3) 水稻田頭下午茶 35元

4) 美景樓晚餐 136元

5) 水稻田頭早餐 61元

6) 陽朔麥記 40元

7) 雪糕 + 果汁 + 沙冰 30元

8) 紅星餐廳小食 44元

9) 麪包(共5次) 100元

10) "沒有" 飯店消夜 131元

11) 樂得法式餐廳晚餐 131元

12) 街頭小吃 5元

13) 德國啤酒花園餐廳午餐 237元

14) 沙冰 30元

15) 超市飲品 35元

16) 杯麪 12元


E) 按摩 共 116元


F) 手信及購物 共 435元

1. 手信 180元

2. 裙 35元

3. 幾米畫T-shirt 90元

4. 人像T-shirt 35元

5. 頸巾 60元

6. 耳環 5元

7. 購物袋2個 30元


全部合共人民幣6,283元, 即HK$7,477, 約每人HK$2,492

整個旅費最貴的是交通費, 火車軟卧已佔了差不多三分之一的費用; 為何不選飛機呢? 由於以下:

1) 它比坐火車更貴, 從深圳飛, 來回要(620元 + 120元稅) x 2 = 1480元 (人民幣)/人, 另要再加來回HK至深圳車費, 即差不多1800人仔/人,  今年四月份的機票都唔平, 可以話係好貴, 而香港飛仲貴;

2) 坐飛機時間不好, 不是一早, 就是深夜時份, 浪費較多時間;

3) 坐火車既慳時間, 又慳回兩晚酒店錢......

在廣州中山四路的199商業廣場, 交通方便
在廣州中山四路的199商業廣場, 交通方便
在廣州有三間分店
在廣州有三間分店
五指毛桃炖瘦肉(18元), 苦瓜干蚝炖瘦肉(15元)
五指毛桃炖瘦肉(18元), 苦瓜干蚝炖瘦肉(15元)
拍薑香煎馬友魚, 客家豆腐煲及客家蛋角煲
拍薑香煎馬友魚, 客家豆腐煲及客家蛋角煲



這間沈生湯館是吃藥膳, 在廣州有三間店舖

點了拍薑香煎馬友魚(32元), 客家豆腐煲(28元)及客家蛋角煲(26元), 味道不錯

最"正" 的是燉湯, 燉湯由15元至超過100元都有

當晚消費是134元

推介菜式: 炖湯
每人消費: 約45人民幣元 (晚餐)
評分: 味道4   服務4   環境4   衛生4   抵食3
兩車相撞, 好彩冇人受傷
兩車相撞, 好彩冇人受傷
龍脊大寨入口
龍脊大寨入口
大寨, 由此處一直向上走, 便是田頭寨
大寨, 由此處一直向上走, 便是田頭寨
3號景點金佛頂下
3號景點金佛頂下
1號景點西山韶樂下
1號景點西山韶樂下
已灌水的梯田
已灌水的梯田
2號景點千層天梯 (七星伴月)
2號景點千層天梯 (七星伴月)
大瑤寨
大瑤寨


22/04 早上7:35到達桂林火車站, 去了火車對面的賓館解決生理需要後, 8:30 就回火車站前面的停車場, 找已約了的潘先生, 坐他的車入龍脊

由桂林去龍脊梯田要兩個半小時, 還差5分鐘便到達大寨(目的地), 前面架上山的中型旅遊巴同落山的小車相撞, 為免阻礙時間, 潘先生叫我們自行走上山; 其實兩架車的司機都不對, 兩人都沒有響"安"通知對方上山下山, 又入5波為慳油, 兩車相撞後亦沒有即時煞車急停, 好彩車上的乘客全部冇事

落車後行上山, 天氣十分清涼, 山中的空氣十分清新, 好耐冇吸過咁新鮮的空氣了.....

行咗差唔多10分鐘, 就到了大寨門口, 要出示入山前買的入寨証, 每張証比舊年加了10元, 現價60元/成人, 學生30元, 但五一黃金週(4月29日)起, 就加價至80元, 真係識做生意....

入大寨的小路沿途都會有D 瑤族阿姐叫你比個背嚢佢地拎上山, 當然要收費啦!

行了一小時去田頭寨check in, 放低行李後, 向梯田的最高點出發 - 西山韶樂; 此處是看日出的最佳點; 西山韶樂下的梯田, 大部份都灌水, 在夕陽斜照下, 田是反光的, 用自己眼睛觀看比相機照出的相片更美......

從一號點走到二號景點千層天梯, 上落最快約要20分鐘, 千層天梯有一個特別的景點 - 七星伴月

第二天早餐後, 出發到3號景點 - 金佛頂, 由田頭寨至金佛頂再回大寨停車場, 慢走約兩小時, 沿途都有指示牌, 而路上所遇見的瑤族村民都好有禮貌, 不但向我們打招呼, 而且非常樂意幫助遊客.....

後來發現由田頭寨有條捷徑行去2號景點, 只須5分鍾, 就是從水滔田頭上去寨花樓, 再行過寨花樓後面, 抄小路至.....

龍脊梯田是一個非常值得去的地方,  無論好行山者, 好攝影者, 好看風景者, 都是極之适合也.......

*** 如住田頭寨(2日1夜), 提議路線是: (1) 中午到達田頭寨;  (2) 於田頭寨午餐/下午茶/休息片刻; (3) 到3號景點 - 金佛頂睇日落; (4) 回去晚餐;  (5) 早上先到1號景點 - 西山紹樂睇日出; (6) 回去早餐; (7) 抄小路到2號景點 - 千層天梯; (8) 下山回大寨
推介項目: 行山, 1號景點西山韶樂; 2號景點千層天梯; 3號景點金佛頂
入場價錢: 每人60人民幣元
其他消費: 瑤寨阿姐幫手拎行李
評分: 值得去5  
大寨農家菜用餐環境幾好
大寨農家菜用餐環境幾好
腐竹炒肉片, 太鹹; 炒土豆絲, 可以接受
腐竹炒肉片, 太鹹; 炒土豆絲, 可以接受
棚外的風景的確好"正", 可惜食物唔得
棚外的風景的確好"正", 可惜食物唔得


在大寨(梯田山腳)的第一餐午飯, 就在入大寨左邊約第四間屋解決, 那裡有一木棚, 坐在此處吃飯幾有feel, 不過.......

第一餐農家菜, 我點了三款菜, 炒土豆, 腐竹炒肉片及紅燒豆腐, 先來前者兩蝶, 我只吃了三口就不吃了, 太多油及太鹹, 我們把肉片給了小狗吃, 好彩冇試土雞, 要成75元, 最後紅燒豆腐冇來, 馬上埋單走人, 承惠38元, 好彩玩呢幾日, 只是這餐唔好食........
每人消費: 約12.7人民幣元
評分: 味道1   服務3   環境4   衛生2   抵食2
門口位置
門口位置
茉莉花茶, 8元/壺
茉莉花茶, 8元/壺
白粥連配菜, 配菜有腐乳, 花生, 自家醃菜(辣), 14元,
白粥連配菜, 配菜有腐乳, 花生, 自家醃菜(辣), 14元,
兩碗麪條, 裡面有煎蛋同菜, 14元
兩碗麪條, 裡面有煎蛋同菜, 14元
Homemade 土豆餅, 好味道!!
Homemade 土豆餅, 好味道!!
上田頭寨沿途的景色
上田頭寨沿途的景色
入大寨後, 由右邊的路就能直上田頭寨
入大寨後, 由右邊的路就能直上田頭寨
水稻田頭位於田頭寨, 室內外佈置都十分典雅, 與其他大寨民宿不同, 又其是全店是吃素的.....

我原先一早sent email 比老板娘預定了304號房, 因只有204及304是連洗手間, 其他房都是要用共用toilet, 一晚110元, 有一張3呎床同一張5呎床, 出發前一天, 再sent email reconfirm, 但我們來遲一步,佢比了另一香港人check in

水稻田頭老板親自做了土豆餅給我們吃以示say sorry, 味道好西化, 不似中式食品, 好味道! 我們亦order了兩碟小菜, 炒筍及炒野菜, 都好好味!

由於我們是想住連衛生間的房間, 水稻田頭只得2間房連衛生間, 所以老板娘介紹了她的朋友, 就在水稻田頭後面的寨花樓住......

第二天就試佢哋嘅早餐, 個白粥煲得好靚, 個粥仲添了兩次, 正! 正! 正!
同時order了兩碗麪條, 裡面有煎蛋同菜, 不是太濃味, 只有辣味, 不是太大碗, 是一人份量, 14元

雖然今次不能住水滔田頭, 但非常推介此民宿, 除了佈置舒適外, 位置適中, 原因是田頭寨是在大瑤寨山頭的中間位置, 上1及2號景點相當方便, 行去3號景點最多都是1小時, 下山亦只須35分鐘左右. 真是 "進可攻, 退可守"; 如住美景樓或燒掉了的全景樓, 它的位置較高, 如不慣行山的會較辛苦.......



每晚價錢: 110人民幣元 (三人房)
其他消費: 早午晚餐
評分: 設備4   服務5   環境5   衛生3   抵住4
竹筒飯(18元), 韮菜煎蛋餅(20元)
竹筒飯(18元), 韮菜煎蛋餅(20元)


當吃完在大寨第一餐午飯後, 沿路上山, 遇到一位來自廣州的遊客, 他介紹我們去美景樓食雞, 佢話D雞非常新鮮, 仲話老板娘煮得好好味, 而且又招呼周到......

為了要吃美食, 我們倒轉行山路線; 所以先去一號景點 - 西山韶樂, 然後去埋二號景點 - 千層天梯, 才回去美景樓吃飯,  不但行多咗路, 仲犧牲了去看日落的最佳點, 二號景點 - 金佛頂 

美景樓晚餐, 老板娘親自煮, 好味! 我們點咗竹筒飯走腊肉(18元), 煎韮菜蛋餅(20元), 仲有酒煮土雞(78元)及番茄煮豆腐(20元), 這餐飯食咗136元, 個酒煮土雞好正, 用藥材煮土雞, 有雞食又有湯飲

在美景樓食完飯, 天色已黑, 老板娘話帶我們回水稻田頭, 好彩我們有帶電筒, 都好容易返到去.......
推介菜式: 酒煮土雞, 竹筒飯
每人消費: 約46人民幣元
評分: 味道4   服務5   環境3   衛生3   抵食3
從房間可觀日出
從房間可觀日出
由水稻田頭右邊的小路上, 就是寨花樓
由水稻田頭右邊的小路上, 就是寨花樓
兩張4呎床, 床單同被都是白色的
兩張4呎床, 床單同被都是白色的
有電熱水爐, 算乾淨
有電熱水爐, 算乾淨
窗外風景怡人, 可望到2號景點千層天梯的七星伴月
窗外風景怡人, 可望到2號景點千層天梯的七星伴月
回望田頭寨
回望田頭寨
由大寨或金佛頂去田頭寨必經的木橋小路
由大寨或金佛頂去田頭寨必經的木橋小路
金佛頂下的的梯田
金佛頂下的的梯田


6:15分 從所住的房望出去, 開始有晨光, 唔需要走上去西山韶樂一號景點, 坐係床上都可以睇日出
 
水稻田頭老板娘感到十分抱歉, 我所預定的房給了別人, 帶了我們去後面她朋友的寨花樓, 此民宿較簡陋, 她給了我們最好的一間房連衛生間, 可看日出, 開價80元, 我還價60元, 成交....
寨花樓由水稻田頭右旁行兩層石級才到, 位置比水稻田頭高, 景觀較開揚同靚

衛生間有電熱水爐, 但貯熱水不夠, 當晚第一個沖涼的, 有熱水; 第二個沖時暖水+凍水; 第三個沖時只得冷水, 凍得騰騰震

每晚價錢: 60人民幣元 (雙人房)
評分: 設備2   服務3   環境3   衛生2   抵住5
舊廣州站大堂
舊廣州站大堂
火車軟卧鋪
火車軟卧鋪


21/04/2011, 因為有事先要到廣州處理, 所以我哋不是在深圳上火車, 而是在廣州舊站上車, 時間是在7:32pm, 因此有足夠的時間在廣州嘆埋個dinner先上車;

乘7:32 K952列車, 明天(22/04) 早上7:35到桂林; 軟卧在樓上貴賓室等車; 我們是坐第10列的軟卧, 兩上一下, 上軟卧是313元, 下軟卧是326元;

此乃我的港童第一次坐火車, 第一次就坐軟卧, 真幸福! 但由於不習慣火車開動時睡覺, 港童整夜不能入眠.........

我們在出發前10天(10天前預售火車票), 即4月11日在深圳先買去程(廣州至桂林), 4月15日在深圳再買回程(桂林至深圳), 好好彩可以買到來回軟卧車票, 在途中遇見很多香港客, 他們有些連硬卧回程票都買不到......
 
入場價錢: 每人762人民幣元
評分: 值得去5  
  0 個留言    |  加入你的留言
發表日期: 2011-05-25
23/04/2011, 中午約11:30 由金坑梯田坐潘先生的車回桂林, 約下午1:05到達桂林火車站對面的新凱悅酒店,  便馬上走去桂林汽車站, 10分左右到了汽車站, 剛好能買1:25去陽朔的車, lucky.....

約下午3:30到達陽朔, 在22號打電話查問預定了無明堂房間狀況, 他們已將我預訂的給了別人,  冇法, 我不能在入住前入錢給他們, 星期六在陽朔的住房很多都爆滿, 所以想盡快到陽朔找房......
Lobby位置
Lobby位置
旅館天台可望陽朔山景
旅館天台可望陽朔山景
旅館在國美電器左邊後巷
旅館在國美電器左邊後巷
点亮的鋪面
点亮的鋪面
在陽朔汽車站走入新西街, 左邊第二個鋪
在陽朔汽車站走入新西街, 左邊第二個鋪


23/04, 由於是星期六, 加上五一前一星期, 所以陽朔很多房都爆棚, 當天3:30才到, 馬上去找"点亮" 幫手,  "点亮" 是什麼? 稍後再講;

"点亮" 介紹了一間新開業的旅館,  名字叫 "花田錯, 蹋蹋米連衛生間, 108元+20元床舖費, 即128元,  房間冇影相, OK嘅, 這是最後一間房了, 看完了房馬上付錢, 跟住陸續有人上來租都要失望而回 

由於是剛開業, 還未裝修好, 其他設備都在添置中, 走廊及樓梯都掛滿衣物, 當然有底衫褲啦, 幾咁home feel!!! 房間熱水爐亦是貯水式, 容量雖較龍勝的民宿好, 但沖涼至第3個,  D熱水都用到七七八八了; 整幢旅館是一所舊住宅改成, ", 位置都幾難找, 冇人帶都搵唔到, 在後巷位, 又冇招牌; 而receiption及lobby位較好樣D, receiption旁邊的兩部電腦是免費給客人用的, 接待員都幾好人;

花田錯旅館的天台, 可遠眺陽朔的山景, 旁邊靠著另一旅館 - 太陽谷, 旅館貼住一小山峰而建,  旅館內可看到山腳

這間 "点亮" 其實它是間Travel Agent, 叫佢幫忙找旅館外, 也同佢哋傾埋陽朔行程問題; 佢哋有個叫 "去陽朔論壇" 的website, 可以幫人安排在陽朔旅遊的事宜, 包括訂旅館, 行程安排, 我一到陽朔, 馬上搵佢幫忙找23/04晚的住宿, 其他如印象劉三姐, 銀子巖半天團, 租筏遊漓江及遇龍河, 另外坐公車及包車都是他安排的, 只有劉三姐貴了每人5元, 其他都差不多, 其實出發前已找了很多資料, 但唔想煩, 算了, 搵点亮可省用腦.....

点亮位於新西街, 由陽朔汽車總站行入新西街, 第二個鋪就是, 主理人筆名叫 "風雨", 是個肥男士
每晚價錢: 108人民幣元 (雙人房)
其他消費: 加被鋪20元
評分: 設備2   服務4   環境3   衛生3   抵住3
無明堂門面
無明堂門面
一張5呎大床
一張5呎大床
房內有電腦, 可上網, 當然香港網站是上不到
房內有電腦, 可上網, 當然香港網站是上不到
我們的房有露台, 仲有吊千秋
我們的房有露台, 仲有吊千秋
房間有閣樓, 有3呎闊蹋蹋米
房間有閣樓, 有3呎闊蹋蹋米
有櫃放嘢
有櫃放嘢
浴室是長方型, 是淋浴, 不是電熱水爐, 熱水長開長有
浴室是長方型, 是淋浴, 不是電熱水爐, 熱水長開長有
有露台120元, 冇嘅就100元
有露台120元, 冇嘅就100元


24/04 無名堂有房了, 23/04的下午專程去問他們24/03有冇房, 有便馬上落訂100元; 我們揀了有露台房, 露台有個吊千秋, 房間方向是樓景, 但好寧靜, 但又好近西街, 靜中帶旺, 有張5呎床, 上層閣樓是3呎半的蹋蹋米, 三人夠瞓;

比起花田錯旅館, 無明堂更方便, 更抵住, 更企理, 更驚喜, 因為有個千秋露台.......

無明堂的門口及lobby, 裝修幾好, 不過好多人在裡面抽煙, 男女都有;  無明堂位於府前巷, 有很多旅館在此, 如懶人堂, 棒棒堂, 這條街D 旅館都有自己的格調, 睇落都唔錯, 無明堂附近是公安局
每晚價錢: 120人民幣元 (三人房)
評分: 設備4   服務3   環境4   衛生4   抵住5
銀子巖入口旁的風景
銀子巖入口旁的風景
音樂石屏, 真的有琴聲
音樂石屏, 真的有琴聲
廣寒深宮
廣寒深宮
獨柱擎天
獨柱擎天
很貴的茶葉
很貴的茶葉
茶博士家
茶博士家


24/04 早上9:00,  由"点亮"安排參加了半日團遊銀子巖, 70元/成人, 包車來回及入場費, 仲有得試 "茶".....

銀子巖是一個開發了約12年的鐘乳石洞, 入面都好大, 好宏偉, 由於我們的港童未看過鐘乳洞, 今次專程帶佢嚟......

參觀完銀子巖, 導遊帶了我哋嚟嚐 "茶", 由於導遊是 "義工", 當然要搵番D車馬費, "点亮"的風雨已提醒了我哋有此環節, 可以飲完茶唔買都得; 雖然D茶好好飲, 特別是桂花茶, 都有D心陏想買, 但我哋唔係 '水魚', 小小一盒桂花茶要成100元, 得300g, D桂花糕同梅類食品要成30元/盒, 買都傻嘅, 不過佢哋都冇強逼人買嘢 

這間嚐茶地方是叫 "茶博士家", 我見廣東省都有, 我唸是集團式經營
參觀時段: 早上
入場價錢: 每人70人民幣元
其他消費: 買茶葉及手信
評分: 值得去4  
我們所乘的筏
我們所乘的筏
竹筏其實是"塑膠"竹
竹筏其實是"塑膠"竹
當日天氣清涼, 陰天,  好舒服
當日天氣清涼, 陰天, 好舒服
釣魚翁與他的鷺鷥
釣魚翁與他的鷺鷥
九馬畫山, 數唔數到有九隻馬, 我只數到7隻
九馬畫山, 數唔數到有九隻馬, 我只數到7隻
桂林山水 "甲天下", 就是此景
桂林山水 "甲天下", 就是此景
漓江有好多大小船艇, 淺起好多大小浪花
漓江有好多大小船艇, 淺起好多大小浪花
人民幣20元背面的漓江景
人民幣20元背面的漓江景



完成了上午的銀子巖行程, 下午約2:00, 就去遊精華段漓江

漓江精華段是由楊堤至興平古鎮, 漓江最靚的景色就在此段, 約遊2小時, 唔須要由桂林作起點遊4個多鐘

我們先在陽朔車站乘車約1小時多到楊堤, 其實路程不須要1個多小時, 最多40分鐘左右, 便可由陽朔到楊堤, 但由於巴士要沿途兜生意, 所以就要焗住遊車河;

到達楊堤後, 竹筏師傅就在車站等我們, 跟住就出發坐"塑膠"筏遊漓江;

以前是用竹筏的, 為了提高生意額及效率, 全部筏都用了塑膠造, 用摩打推動, 不用人手撐筏了, 而且最多可坐6個人,甚至有D較大的筏都可坐8個人, 如有6個人, 租筏都幾抵架;

其實地方政府已在楊堤成立了有限公司, 打算把漓江旅遊業 "賺錢化", 原本想在今年的3月18日起, 在楊堤上筏或徒步遊漓江都要先比每人80元門票, 如租筏就由120元/筏漲價至400/筏, 呢D "食錢" 招數當然是由地方政府唸出嚟啦, 真係食人唔吐骨......  好彩D筏工反對, 佢哋話一下子加咁多會影響生意, 如果係咁嘅價, 我都唔嚟玩啦! 所以現時暫不收門票, 但記住只是暫時不收, 終有一日會實行的, 要遲d睇吓反對聲有幾大, 現在佢哋傾向於只加租筏錢, 而可能今年之內會加至200元/筏

遊江時, 沿途可上岸拍照兼小解, 臨時厠所收費1元;  有大小船隻及膠筏經過, 都會淺起大小水花, 打入筏面, 為免濕腳及濕身, 要舉起雙腳及坐在第二排椅, 用第一排椅擋水花, 都幾激

在小時候, 同阿媽細妹及親戚跟團嚟桂林, 那時的漓江風景是非常秀麗同純樸, 沿岸有好多小朋友玩水游水, 婦女們在江邊洗菜弄飯; 現在漓江依然漂亮, 但失去純樸, 帶來商業及富裕.......
推介項目: 坐筏遊江
參觀時段: 下午
入場價錢: 每人40人民幣元
評分: 值得去5  
興平上岸處
興平上岸處
周圍在修路
周圍在修路
興平古鎮細細, 都有好幾間Cafe, 裝修都幾別緻
興平古鎮細細, 都有好幾間Cafe, 裝修都幾別緻
Cafe幾有情調, 價錢比西街平, 其實我想係度食飯, 不過怕夜, 較少車回陽朔, 所以作罷
Cafe幾有情調, 價錢比西街平, 其實我想係度食飯, 不過怕夜, 較少車回陽朔, 所以作罷
個鎮上的房子好多都擺檔賣工藝品
個鎮上的房子好多都擺檔賣工藝品
亦有手作物品出售, 如酒及糖
亦有手作物品出售, 如酒及糖
賣自釀酒
賣自釀酒


在"20元景點"上岸後, 這裡就是興平鎮農村, 上岸處有很多三腳雞車在兜生意, 每位2元至5元載你去古鎮或汽車站, 其實路程好短, 慢慢走路只須15分鐘, 我哋當然冇坐, 但當天興平在修路, 人多車多, 沙塵滾滾, 沿途走路去古鎮時無奈地要變成 "秦俑"了

興平古鎮面積好細, 不用15分鐘就可走完, 不過都值得一遊的, 感受下古鎮的風味
推介項目: 漫遊古鎮
評分: 值得去4  
餐廳近西街尾
餐廳近西街尾
菠蘿Pancake 12元, 同想像中的不同, 但味道OK, 菠蘿不酸 + 香蕉奶昔 12元,
菠蘿Pancake 12元, 同想像中的不同, 但味道OK, 菠蘿不酸 + 香蕉奶昔 12元,
公司三文治 20元, 好似大家樂同美心, 都幾好味呀!
公司三文治 20元, 好似大家樂同美心, 都幾好味呀!
23/04, 在花田錯旅館check 完in, 馬上去西街走走, 差不多5:30了, 還未食lunch的我, 實在要食D嘢, 因今晚要去睇印象劉三姐, 成9:00pm 先開場, 食少少, 返來再食宵夜, 這間紅星的價錢算比較相宜, 但品質唔錯, 全部只須44元, 好抵, 周圍環境都唔錯

每人消費: 約22人民幣元 (下午茶)
評分: 味道4   服務3   環境4   衛生3   抵食4
印象劉三姐 ok喇2011-05-25



我們是經 "点亮" 買了新貴賓票, 170元/成人, 包車來回接送;

睇印象劉三姐的會場,  可容納三千人, 當晚由於星期六, 非常多國內外旅行團, 我們坐的觀眾席算乾淨, 在較高位置的中央坐位(第廿九排), 原來越高越貴, 因為低位看不到表演效果; 較平的票是135元, 就是坐較低位;

那邊較多國內團, 較嘈及好多人抽煙, 進場時被幾個國內人士push了我哋幾次又打尖, 都不明白佢哋為何要咁做, 佢哋D文化水平真的有待改善; 而表演地點是位於漓江邊, 地方很空曠, 當晚唔記得帶外套, 越睇越凍呀!

個人評語整個表演值75分, 以人多, 大堆頭作買點, 主題是以劉三姐的愛情作引線, 當中有唱歌, 跳舞及一大班人做集體表演, 與08年北京奧運開幕式相似, 當然冇北京奧運開幕式咁宏偉, 但都OK嘅

冇辦法在看台上拍照, 因太遠, 我旁邊個老外, 用佢部靚Canon都影唔到, 何況我部傻瓜機, 如果唔係咁, 鬼有人吼佢哋嘅DVD喎!
參觀時段: 晚間
入場價錢: 每人170人民幣元
評分: 值得去3  
餐廳二樓
餐廳二樓
看完印象劉三姐回西街已是11:15, 上了一間名字叫 : "沒有" 飯店, 見佢幾特別, 裝修幾好, 在2樓, 我們揀了露台位, 有免費歌聽

點了一隻小刀鴨, 即烤鴨, 65元; 金銀蛋上湯小白菜, 28元; 寶蓮綻放, 即蒸豆腐(老少平安), 38元;

D餸菜忘記照相, 但冇所謂, 冇特別, 冇驚喜

個寶蓮綻放賣相很好, 將搓好的豆腐砌出一個蓮花, 中間做成一個蓮蓬, 好可惜佢個汁 "酸"既, 攪到個豆腐都酸, 浪費了; 小刀鴨好油, 不能全部吃掉它, 好浪費

在樓下是另一間食店, 是吃著名的啤酒魚, 由於本人不好吃淡水魚, 所以冇試
每人消費: 約44人民幣元
評分: 味道2   服務2   環境4   衛生3   抵食3
鴨胸配薯菜
鴨胸配薯菜
鋪面
鋪面
由興平鎮回到陽朔已是晚上約七時, 就在西街找食, 去了這間 "樂得法式餐廳" 吃晚餐, order了揚州炒飯 (18元), 炒西蘭花 (20元), 鴨胸配薯菜 (56元), 7吋什錦Pizza (37元), 味道幾好, 據聞是法國人開的

這間"樂得法式餐廳"食物雖然唔錯, 不過他們的侍應服務態度有待改善, 問其問題, 完全是不想回答你, 一句起一句止, 唔會同你講多句, 冇表情+面黑; 我以為我們是中國人, 佢會有咁嘅態度, 原來外國人都係咁serves, 當晚餐廳8成客人都是外國人, 得兩張枱是中國人, 包括我們......
每人消費: 約44人民幣元 (晚餐)
評分: 味道4   服務1   環境4   衛生4   抵食3
金龍橋, 竹筏師父除了撐筏外, 仲做埋導遊, 介紹沿途風景
金龍橋, 竹筏師父除了撐筏外, 仲做埋導遊, 介紹沿途風景
遇龍河是漓江的支流
遇龍河是漓江的支流
第一個壩, 衝壩好好玩
第一個壩, 衝壩好好玩
已超過600年歷史的遇龍橋, 曾拍攝劉三姐
已超過600年歷史的遇龍橋, 曾拍攝劉三姐
沿途風景優美
沿途風景優美
牛耕田
牛耕田
河水好清澈, 河水涼涼的
河水好清澈, 河水涼涼的
差不多到上游終點 - 舊縣
差不多到上游終點 - 舊縣


25/04 早上, 乘車到遇龍河的金龍橋漂筏, 由於時間關係, 我們只能漂上游, 即由起點金龍橋至舊縣(中間位置), 咁都要用兩個多小時, 如全漂至工農橋要5個鐘

遇龍河漂筏是用真竹筏, 用人手撐, 所以只能每筏坐兩個人, 由於我們有3個人, 多了一個, 所以要跟別人"併筏", 上漂租筏130元, 再加併筏, 我們共付195元, 併筏當然由点亮安排啦! 我哋同一位來自重慶的小姑娘併筏, 她讀大學2年級, 一個人來陽朔玩.......

遇龍河上漂會有9個堤壩要衝, 第一個同第八個壩較高, 會淺濕衫褲及鞋, 好好玩, 好激, 這些堤壩有高有低, 以前是用佢嚟灌溉農田, 去到有高堤壩的點, 有人會幫你拍照, 賣番比你

在陽朔遇到一些旅客, 佢哋話遇龍河上游風景較優美, 点亮的風雨也是這樣講

這裡有好多人踏單車入村, 可以由此處租車, 在陽朔還車, 約5至10元, 睇車款而定, 在舊縣起踏車至陽朔較多泥頭車及貨車,  点亮的風雨說在陽朔市租車踏至月亮山再回陽朔市會較安全, 因在工農橋起會有單車徑, 但我們最終都冇踏單車, 因港童的技術不太好, 怕會危險, 所以作罷了

在舊縣上岸後, 点亮幫我們book了包車回陽朔, 是麪包車, 約可坐9人, 無論有多少人, 都是40元, 走了15分鐘回陽朔
推介項目: 全筏漂流及玩水槍
參觀時段: 早上
入場價錢: 每人65人民幣元
評分: 值得去5  
東北蛋卷 ok喇2011-05-25
加蛋漿造蛋皮
加蛋漿造蛋皮
旁邊是餡料的材料
旁邊是餡料的材料


東北小食, 用這塊"皮"包住生菜, 香腸, 香蔥及油條, 是東北薄餅, 5元一件, 我們看了他做了幾個, D材料都算新鮮, 除了那條香腸, 個鍋又唔多落油, 我問了個鬼佬和香港人, 佢哋都話掂, 所以就買了一個走香腸的來試, ok啦!
每人消費: 約5人民幣元
評分: 味道3   服務3   環境2   衛生3   抵食4
鋪面
鋪面
推介此包, 好味, 食一件, 唔夠喉.....
推介此包, 好味, 食一件, 唔夠喉.....
當日promote蛋撻, 好多人買, 因為1元/個
當日promote蛋撻, 好多人買, 因為1元/個


這間吉悅麪包店解決了我們在陽朔三天的早餐, 23/04及25/04的晚餐, 24/04的午餐, 我們在此用了約100多元買包和蛋糕, 品質很好, 價錢同香港山崎差不多, 在國內都算貴的

除了有肉餡的麪包外, 基本上我們都買了7成的麪包/蛋糕來試, 好多的蛋糕同麪包水準不錯, 鋪面有幾張枱櫈給人吃包/蛋糕同飲咖啡, 又有個透明小工場比客人睇佢哋整麪包蛋糕, 感覺乾淨, 企理, 售餅員亦有禮
推介菜式: 蜂巢蛋糕, 維也納芝士條, 椰撻
每人消費: 約7人民幣元
評分: 味道5   服務5   環境5   衛生5   抵食3
飲品餐牌
飲品餐牌
夏威夷Pizza
夏威夷Pizza
千層麫, 48元, 裡面有芝士及免治牛肉, 好味!!
千層麫, 48元, 裡面有芝士及免治牛肉, 好味!!
土豆白菜肉卷, 58元,  科隆牛肉卷, 78元
土豆白菜肉卷, 58元, 科隆牛肉卷, 78元
牛肉卷除了有牛肉外, 裡面有煙肉, 蔬菜, 好味, 不過外形似.......
牛肉卷除了有牛肉外, 裡面有煙肉, 蔬菜, 好味, 不過外形似.......
蒜蓉包, 15元
蒜蓉包, 15元
餐廳內的壁爐
餐廳內的壁爐
餐廳內的酒吧
餐廳內的酒吧


25/04/2011, 由舊縣遇龍河中游乘包車回到陽朔, 下午約12:00多,  在西街搵食, 選了間德國餐廳; 這間餐廳叫德國啤酒花園, 在西街中心點, 是玫瑰木集團裡其中一間餐廳, 玫瑰木集團是香港人開的, 除一列餐廳外(約5至6間), 樓上是旅館; 此餐廳主理人是德國籍老板娘, 佢親自煮我們所點的菜, 佢D普通話講得唔錯架........

夏威夷Pizza, 38元, 唯一這個不是老板娘做的, Pizza是玫瑰木集團一手包辦,是柴火燒焗, 味道幾好, 不過唔夠脆, 可能放得太耐; 千層麫, 48元, 裡面有芝士及免治牛肉, 好味!!

土豆白菜肉卷, 58元, 肉卷有牛豬肉, 大白菜包裹, 旁邊是薯蓉, 味道清新; 科隆牛肉卷, 78元, 全部都有跟凱撒沙律, 好味! 再後加蒜蓉包, 埋單237元, 吃了全程最貴的一餐, 但覺得非常值, 在香港, 根本用唔到呢個價錢去吃正宗歐洲菜.......

餐廳下面有條小溪, 又種了好多值物, 所以都幾多蚊, 是唯一美中不足
推介菜式: 德國菜
每人消費: 約79人民幣元
評分: 味道5   服務5   環境4   衛生4   抵食4
西街有好多西餐廳, 上面都是旅館
西街有好多西餐廳, 上面都是旅館
西街靜的一面
西街靜的一面
西街有好多T-shirt檔
西街有好多T-shirt檔
晚上的西街完全與早上的情景不同
晚上的西街完全與早上的情景不同
在西街有好多此類豆腐檔, 看上去都OK, 但始終唔敢試, 因為驚D油同醬汁有問題, 兩磚豆腐5元
在西街有好多此類豆腐檔, 看上去都OK, 但始終唔敢試, 因為驚D油同醬汁有問題, 兩磚豆腐5元


陽朔有名的西街, 西街在晚上是最繁忙的, 人多食肆多零售店多, 賣唱, 叫賣聲, 好嘈, 好彩唔係住在此處;  由於是遊客區, 西街的物價是好高的,

西街有很多檔口畫人像, 我選了一檔在一間 Cafe門口擺檔的, 我見他畫得好神似, 初頭佢話要收70元 (連顏色), 後來我和他用英文溝通, 佢改收我35元, 幅人像當然畫得唔錯啦; 這位畫家叫林棟, 英文名叫Forest, 是陽朔繪畫院的副院長, 多次入選全國美展, 仲送了兩本書給我, 主要是介紹他的作品同佢嘅履歷, 佢擅長中國畫及西洋畫


推介項目: 吃喝玩樂+shopping
參觀時段: 全日
入場價錢: 每人0人民幣元
評分: 值得去5  
全身鬆晒 笑臉2011-05-25
西街街尾, 對面就是足浴店 - 元之源
西街街尾, 對面就是足浴店 - 元之源
價目表
價目表
按摩技師資料
按摩技師資料


食完德國菜, 悠閒得不想動, 外面烈日當空, 氣溫應該有30度以上,  好彩冇去踩單車, 如果唔係一定變 "燒豬" 同成身濕晒, 今晚要坐火車返深圳, 冇得沖涼好唔舒服呀, 在咁嘅情況下, 我哋決定去做足浴...

在西街尾(桂花路陽光100西街廣場E幢120A號)找到呢間 "元之源"做足浴, 58元/60分鐘

我的港童是由唐師父按, 而我是何師父按, 一句講晒, 好得, 好正, 好舒服, 好正宗, 我哋都瞓著了.......
推介項目: 按摩
參觀時段: 全日
入場價錢: 每人58人民幣元
評分: 值得去5  
鋪面
鋪面
芒果沙冰, 好大杯
芒果沙冰, 好大杯
士多啤梨隻味幾好, 冇藥水味
士多啤梨隻味幾好, 冇藥水味
部份的戰利品
部份的戰利品
幾米T-shirt
幾米T-shirt


足浴完, 出面天氣好熱, 走去飲沙冰, order 了兩個芒果同一個士多啤梨, 杯沙冰真係用芒果同冰打出來的, 好飲, 10元一杯, 一路飲, 個心都涼浸浸, 真係消暑佳品!!!

原本打算行多陣, 約5:30左右再去食多餐才搭車離開陽朔, 但實在太飽, 真係食唔落, 在畫檔訂完3件 "幾米"畫 T-shirt後, 就回無明堂拿行李, 再走多轉西街, 睇吓仲有什麼要買,  跟住在"吉悅" 買了幾個包作今晚充飢之用, 最後返到畫檔攞番D T-shirt, 就到車站乘7:10班車回桂林, 時間啱啱好, 回到桂林時已8:45pm, 由桂林汽車站行番去火車站, 剛剛係時侯上火車, 火車準時在9:20分開車, 歸途了......

26/04, 準時10:35 am到達深圳, 就此結束龍脊陽朔之旅!!愉快的旅程!!!!
推介菜式: 芒果/士多啤梨沙冰
每人消費: 約10人民幣元
評分: 味道4   服務3   環境3   衛生3   抵食3
  0 個留言    |  加入你的留言