酒店大堂非常寬敞，大梳化坐得都幾舒服。由concierge，到酒店接待處，至執房隊伍，所有高低級職員都同樣友善有禮，我地每位住客都覺得自己好受歡迎，舒適得很！

我地八個人分開四間房，其中一間集合房係比較高級o既"Studio Suite"。其實普通雙人房都已經好夠大夠住，不過有間Studio Suite就方便大家約見。大家見到此大房中o既Nespresso咖啡機尤其驚喜！Studio Suite除左房較大，配備齊全Ｄ，房租仲包有報紙，wifi，早餐，及Club Lounge許可證。Club Lounge提供早餐，下午茶，同happy hour（有酒），亦有免費wifi，如果用得盡，其實條數返哂黎。

第一次歐遊o既小肥真係唔知米貴，上網查閱酒店價錢先知原來英國酒店間間都係咁貴，我地依間已經係算平，長輩門個個都話抵住。