爨底下村係一條係北京山區的古村，在北京已是絕無僅有的文化遺產，呢度都幾難去，基本上冇公共交通工具可以直達，要轉兩次車再坐順風車或的士入村，所以我地一行六人決定包車，盛惠人仔1200，有部靚靚七人van係酒店接你，玩足成日，又唔駛搵路同埋同人迫公車，一句講晒抵! 不過呢個地方唔係個個司機都識去，book車時候間車行都話要搵個熟路的司機先掂!

一早出發大概要兩個鐘頭車程，當中不斷上山落山，好似去咗好偏遠的地方咁。「終於到啦!」我地一見到個好大的爨字的時候忍唔住叫咗出來。條村好荒涼冇乜人，更莫講話遊客。司機建議我地先搵個地方settle，叫定餸再去玩。我地去咗一間叫如意客棧，入到去又有一個重大發現，原來投名狀係係呢度拍嫁!劉華、金城武、長毛都係度留低過腳毛，超興奮呀~一叫完餸就立刻飛奔上山。

上山全部都係樓梯唔算難行，可能因為冬天的關係四周的農作物已經枯萎，樹只係淨噃樹枝，寒風刺骨，感覺好妻涼，十足十好似拍戲咁。我地d長短火不斷咁影，基本上唔需要咩技巧都可以影得好靚。無論係一間破屋，一隻花貓，一堆玉米都極有藝術氣息。一路行，終於去到山頂，望噃落去d四合阮屋仔真係好靚!