黃亞華最有名嘅, 就係燒雞翼, 果然係名不虛傳。

黃亞華小食店位於亞羅街差唔多街尾位置, 我哋在7點幾到達時已好多人,  當我哋order完後, 已坐無虛席了。

講番所享用的菜餚, 食後感如下:

1) 燒雞翼, 係成條亞羅街燒得最好味嘅, 雞翼入味又香脆, RM3元一隻, 比鄰近多檔貴RM0.5 ~ RM1, 其他檔口完全冇得同黃亞華比! 我亦在當中試了三檔, 唔得囉, 咪貪平呢;

2) 炸中蝦, 好香口, 可以遮蓋到幾隻不夠新鮮的蝦, 價錢唔平, RM55元;

3) 豆豉炒聖子, 幾好味, 價錢唔太貴, 只係份量略少;

4) 奶油骨. 同香港常食嘅沙拉骨好似;

5) 炒蜆, 麻麻地, 又少又唔夠熱, 最唔好係唔夠鑊氣;

6) 馬拉盞炒通菜及蒜蓉生菜, OK啦!

7) 炒麵, 唔係乾炒, 在馬拉炒粉麵通常都會較濕, 加大了都係好似香港一般份量, 都係唔夠食,

總括而言, 除了燒雞翼較出眾外, 其他都是一般及不過不失吧!