午餐食咗外國菜, 晚餐就食番中菜, 不如就試吓納西菜啦!

出發前，參考咗TripAdvictor上麗江古城食肆排名，石破天江湖莱館排名亦在前十名，而且亦在當旺的五一街，食完方便打度回府。

點菜篇: 

1) 野生菌雞煲, 48元, 唔太大煲, 但夠食, 雞味尚濃而野菌鮮甜, OK;

) 過江茄龍, 30元, 好大一條茄子, 切成龍形, 把茄子炸後, 再加酸汁淋面, 樣好靚, 不過實在太多油, 真係食到成口油, 唔推薦;

3) 西紅柿牛肉, 48元, 好穩陣嘅配搭, 當然係有穩陣嘅味道, 牛腩鬆軟及有濃濃嘅牛肉味, 唔錯;

4) 炒白菜, 16元, 係小白菜, 好清甜;

5) 水性楊花, 22元, 估唔到最好味係佢, 平平冇奇嘅菜, 竟然隱藏住美味無窮; 水性楊花真係呢種菜嘅名字, 係當地所種植嘅菜種, 菜味香甜又冇臭草味, 一碟清哂。

最後埋單係164元, 好抵食呀!