其實係Fish Market都食唔飽,加上天氣凍又食凍海鮮,個人僵硬晒。來到Darling Harbour行左一陣商場,之後本地朋友推介的Lindt Cafe飲番杯熱朱古力。本來諗住食件朱古力牛角包,點知賣晒所以最後點了黑朱古力同牛奶朱古力一人一杯。

白痴的我忘了澳洲人嗜甜,將整杯牛奶朱古力倒入杯拌勻熱牛奶,真係甜到漏。應該倒半杯朱古力加整杯牛奶先啱飲。男友飲黑朱古力,佢話好甜。我叫佢試埋我杯牛奶朱古力,結果即變臉。杯牛奶朱古力到最後都飲唔晒。