由於時間緊逼, 喺長富時尚旅店check 完 in, 馬上去江記華隆買豬肉紙。

由中山站乘捷運至民權西路站, 再轉黃色蘆洲線去大橋頭站, 在1號出口出, 過對面馬路, 沿民權西路行至大路口, 向左轉入延平北路, 見萊爾富便利店, 就過對面馬路, 就在此有一小路口直入至迪化街, 再轉右, 其實轉右第二間舖就係江記華隆喇。

江記華隆係冇試食, 入去就直接買, 我共買了7盒原味豬肉紙 (270元台幣)及一盒櫻花蝦豬肉紙 (300元台幣), 可用紙箱盡入8盒, 老板娘話唔好寄倉, 要Hand Carry, 佢哋唔收信用咭, 要Cash嫁, 要買此手信, 記住留番D現金呀!

江記華隆喺台灣賣比香港永安平差唔多一半, 原味永安賣$138, 櫻花蝦賣到158, 舊年去唔到買, 就响黑橋牌專門店同九份買咗D, 細細pack, 約十塊左右, 都賣150-180元台幣, 江記華隆大大盒仲有保鮮盒, 300G 賣270元, 反而化算好多。