星星人
我是星星人。 我最喜愛到泰國旅遊 , 最鍾意遊覽歷史建築/遺跡, 住宿通常會揀4星酒店。
留言  留言給此旅遊家
  遊記數目 4
  上載相片 14
  上載影片 0
最近分享過的旅程
外星人手牽手曼谷遊
國家/地點: 泰國
旅程日期: 2008-08-26 至 2008-08-31
共找到 4 篇遊記, 正顯示第 1 至 4 篇遊記
外星人手牽手曼谷遊 (泰國)
(旅程日期: 2008-08-26 至 2008-08-31)
 整個旅程  (共4篇遊記)
 分享至Facebook 
發表日期: 2009-05-10
第二日(今日係火星人既生日呀!!)

第二日本來打算去大皇宮, 不過火星媽係前一晚打俾我地, 話泰國政變, 為左安全所以取消左, 於是我地轉左去睇"爸爸", 買完野都已經成點鐘, 又係時候食mum mum喇, 今日我揀左去建興食, 我地叫左生蝦, 咖哩蟹, 魚, 菜, 涼拌魚鰾同冬陰功, 生蝦比前一晚China Town既彈牙, 不過個冬陰功太辣, 我飲左兩啖就無飲喇, 埋單大約1200 baht, 抵呀!!

食完野都已經三點幾, 出面又落雨, 於是返酒店抖抖, 先再出發去今晚既戲肉, 呵呵~~ 呢個時候火星人仍然係咩都唔知架, 就連食飯既地方, 佢都唔知我呃緊佢~~

樣樣好有水準, 係個冬陰公湯辣左小小, 環境同service都幾好, 三個人食左1200baht, 都抵食

每人消費: 約400泰銖 (午餐)
評分: 味道4   服務4   環境4   衛生4   抵食3
  3 個留言    |  加入你的留言
外星人手牽手曼谷遊 (泰國)
(旅程日期: 2008-08-26 至 2008-08-31)
 整個旅程  (共4篇遊記)
 分享至Facebook 
發表日期: 2009-05-07
去完China Town之後, 夜市都無去就返酒店喇, 因為驚行到過左時間呀

我地一路食住係Siam Paragon買既ham一路等枝香檳(當然火星人仍然傻下傻下唔知咩事啦), 直到12:30am有人按門鐘, 我同朋友仔賴死唔去開門, 指佢去開(我諗其實佢都驚驚地架, 因為果陣已經係夜晚12:30, 我地仲要住尾房)

佢一開門就見到有人推住架車仔係門口喇, 仲有枝玫瑰花, 巧令架, 跟住火星人首先O晒咀, 然後再笑笑口咁問我枝酒幾時買架

當佢以為已經surprise完既時候, 佢估唔到仲有另一個surprise係聽日等住佢

就係為左呢枝野, 搞左我成日
就係為左呢枝野, 搞左我成日
舊小小既四星酒店, d房都幾大, 我地加左床之後都仲好闊落
評分: 設備3   服務3   環境3   衛生3   抵住3
  1 個留言    |  加入你的留言
外星人手牽手曼谷遊 (泰國)
(旅程日期: 2008-08-26 至 2008-08-31)
 整個旅程  (共4篇遊記)
 分享至Facebook 
發表日期: 2009-05-07
食完飯之完就返酒店join埋朋友仔喇, 其實佢係stay behind join我地既, 出發之前我已經叫佢幫我預早買定枝香檳, 叫酒店係夜晚十二點送上房, 點知... 朋友仔居然唔記左左泰國晏晝偽 無酒賣既, 唉 ...咁點算好呢, 一路行街我都心不在焉咁, 不停諗住點先買到枝酒, 因為我知火星人一定會痴住我行既, 我根本無機會走開, 朋友都無大袋, 就算買到酒都無袋放, 三個人就只有我拎住個大袋, 好彩, 個天都幫埋我, 行下行下, 去到Siam Paragon既super market, 果陣已經係四點幾五點, 朋友仔提議買枝紅酒番去飲, 我地去super market入面既wine cellar, 我扮好攰話唔行喇, 叫佢入去上樓上果層睇紅酒, 我見到佢地行左上去之後, 就拿拿聲叫Sales幫我拎枝香檳, 跟住再用極速俾錢同放入袋, 成功!!! yeah~~

成功運左枝香檳番酒店之後, 抖一抖我地就去China Town食海鮮喇

碳燒海鮮 ok喇2009-05-07
差, 無料既, 有d俾呃既感覺
差, 無料既, 有d俾呃既感覺
門口出面, 店員燒碳中, 嘿嘿
門口出面, 店員燒碳中, 嘿嘿
有d似廟街, 味道一般啦, 不過唔知點解仍然有咁多人
評分: 味道3   服務3   環境2   衛生2   抵食3
  1 個留言    |  加入你的留言
外星人手牽手曼谷遊 (泰國)
(旅程日期: 2008-08-26 至 2008-08-31)
 整個旅程  (共4篇遊記)
 分享至Facebook 
發表日期: 2009-05-07
出發日, 因為朝早八點機既關係, 而我同HONEY又住到天各一方咁遠, 於是就去左佢屋企訓, 火星人話咁樣唔驚我盪失路  果晚世伯話車我地去機場, 我仲話唔洗 (諗住唔好麻煩人嘛, 要咁早起身) 點知......

較左鬧鐘四點半, 點知個鬧鐘唔響呀, 五點半火星人聽到佢媽係門口嗌我地, 一望個鐘,  成個彈起 , 死火!! 五點半, 咁大個女都未試過5分鐘內可以出到門口, 當我地起身時, 世伯已經換好晒衫, 拎定車匙等我地, 真係唔好意思, 之前仲大大聲話唔洗添

去到機埸六點三, CHECK-IN, 然後去食早餐, 本來想食Burger King架, 不過唔夠時間, 所以求求其其搵d野食就算, 兩個人食左成七十幾八十蚊, 食完之後就夠鐘上機喇))))))))))))))))))

九點幾到左曼谷機場之後, 拎埋行李就同火星人一齊上4/F搵的士喇, 我地兩個大郷里揀左架粉紅色既的士黎搭, 無其他原來, 只因為靚丫嘛, 嘿嘿嘿, 我地同司機講"猜Meter" 佢話ok我地先上車架, 一開車我地就好似雷達咁四圍search佢個咪錶係邊, 點知個佢突然話400Baht, 我同火星人發揮我地既心靈感應, 異口同聲咁一齊講"NO", 嚇到個司機立即"OKOK" 跟住我地兩個都忍唔住笑左出黎

到左酒店之後我地check-in完就拎埋地圖去叫雞........飯食喇, 真係好鬼熱, 我地兩個行到身水身汗, 終於都搵到喇, 一人一個飯, 一枝冰涷可樂, 火星人見到果野咁up dup, 不停問我好唔好食架?? 會唔會好鞋架?? 我無理佢, 照嗌, 果陣已經好肚餓, 不過都未食得住, 因為佢又同碟飯影寫真呀, 同枱既泰國人仲望住我地兩個陰陰咀笑, 可能佢笑我地兩個低B, 飯都影一餐, 呵呵~~

火星人一試就話好味, 不嬲唔臭米氣既佢, 居然成碟食晒呀




雞胸都好好味, 正!!
雞胸都好好味, 正!!
加埋板冰凍可樂仲perfect
加埋板冰凍可樂仲perfect
未試過連雞胸都咁滑, 正
份量小, 男仕可能唔夠飽, 不過泰國咁多野食, 可以留肚食下其他野嘛
推介菜式: 海南雞飯
每人消費: 約50泰銖 (午餐)
評分: 味道4   服務3   環境3   衛生3   抵食4
  1 個留言    |  加入你的留言