V3F
我是V3F。 我 最鍾意遊覽自然景觀,歷史建築/遺跡,主要地標。
留言  留言給此旅遊家
  遊記數目 18
  上載相片 266
  上載影片 0
最近分享過的旅程
Sydney 幸褔 8天遊
國家/地點: 澳洲
旅程日期: 2013-10-06 至 2013-10-13
新春韓國遊
國家/地點: 韓國
旅程日期: 2013-02-16 至 2013-02-21
慶七一廣州遊
國家/地點: 中國
旅程日期: 2011-07-01 至 2011-07-02
六天星馬自遊行
國家/地點: 馬來西亞, 新加坡
旅程日期: 2010-05-16 至 2010-05-21
珠海美食遊
國家/地點: 中國
旅程日期: 2010-01-09 至 2010-01-10
共找到 18 篇遊記, 正顯示第 11 至 18 篇遊記
慶七一廣州遊 (中國)
(旅程日期: 2011-07-01 至 2011-07-02 ,  旅程性質: 飲食購物, 消閒度假)
 整個旅程  (共2篇遊記)
 分享至Facebook 
發表日期: 2011-09-14

之前係團購網買左package,直通車來回+酒店一晚一人$400。難得七一,五六日連住三日假期,所以就七一北上慶回歸。乘坐12:15的直通車,約2:00到達廣州,先到放下行李,就出發醫肚,第一站去北京路,那已是4點了,行到5點幾。下一站是太古倉,行到約8點,便去沙面食晚飯。之後行左去上下九路,不過太夜了,店舖都關了,連地鐵都沒有,最後乘的士回酒店。

城市客棧 ok喇2011-09-14
位置都幾偏遠,大堂殘舊,不過房間尚算寬敞,可惜沒有窗,但有一褔外景貼係窗簾後面,哈哈,真幽默。
評分: 設備3   服務3   環境4   衛生4   抵住3
北京路 ok喇2011-09-14
北京路是廣州駐名的步行街。這裡兩旁除了有不少連鎖店外,還有很多商場。最特別的莫過於北京路中間的古城街道遺跡。在玻璃下可看到幾個朝代氣的(宋/元/明/清)路面。附近仲有一條食街,行到累可以坐下醫肚。
參觀時段: 下午
入場價錢: 每人0人民幣元
評分: 值得去4  
花樣雲吞 ok喇2011-09-14
雲吞麵店其實香港都有好多,亦都食過唔少。不過知道這間雲吞麵出名,特意前來一試。兩口子點了一碗五寶雲吞同炸醬撈麵。

五寶雲吞包括蟹籽雲吞、鮮蝦雲吞、鮑魚仔雲吞、貝柱雲吞、鮮蝦蟹籽雲吞。 花樣雲吞創意十足,不過味道一般,除了涵料不同,其實味道都係一樣。

炸醬撈麵咯為鹹,而且太多汁,麵算爽口彈牙。 
每人消費: 約20人民幣元 (午餐)
評分: 味道3   服務2   環境3   衛生3   抵食4

廣州有很多食布拉腸粉的店舖,銀記係其中一間。先在門口收銀點菜,付錢,拿了一個號碼牌,便坐下等。

我兩口子點齋腸、豬腰腸粉、腩汁蘿白 。腩汁蘿白先到,蘿白很甜,偶有一兩舊會有渣。雖然細細碟,不過都有十件。之後腸粉到啦,齋腸餡有菜,粟米等;豬腰腸粉有好多豬肝,不過就有陣味,好似洗唔乾淨咁。總括兩款腸粉都好油,可能多油先會咁滑啦。

每人消費: 約15人民幣元 (午餐)
評分: 味道3   服務4   環境3   衛生3   抵食4
由地鐵站行過來都幾舒服,兩旁先有住宅,後有大樹。我地本來預計黃昏來可以睇日落,但過來時天已黑了。不過夜晚的太古倉著了燈也很美。這裡是由貨倉改建而成,其中一倉是戲院,原來晚上都好多人來看戲。另外一倉是紅酒倉,內有好多賣紅酒的小店。還有些倉做了辦公室,有些還沒有用途。

這裡的海濱長廊連繫珠江,還能遠眺珠江橋,風景不錯,加上微風迎面,所以吸引了不少附近的居民一家大細、情侶來散步,更有一大班師奶聚集一齊跳舞。
推介項目: 夜景拍攝
參觀時段: 晚間
入場價錢: 每人0人民幣元
評分: 值得去4  
餐車 笑臉2011-09-14
火車頭在香港是很出名的越南餐廳,來到廣州就是法國餐廳。這間餐廳特別之處是分開兩部分, 一邊是正常餐廳,一邊有真的車卡。我們當然選特別的。 車廂內有優雅卡座,隔著玻璃可望到窗外的景色,車廂中還有掛畫和彩色的玻璃燈,很美麗。我地8點去到,因為我地諗住坐火車,仲以為要等位,點知個侍應叫我地直接入車卡就得。入到去有三四枱人,車廂空間有限,一邊是二人餐桌,另一面是四人餐桌,中間有一條可供一人行走的通道。

看了餐牌,點了兩個 2 dishes 餐,一個包湯,主菜,一個包主菜,甜品, 
加兩杯酒(一紅一白)。湯是牛肉湯,主菜有羊鞍配焗薯雜菜,香草汁魚柳配焗薯。甜品本來要火焰雪山,但當天沒有供應,最後改了焗香蕉配雪糕。

牛肉湯都幾水。羊鞍不錯,不太羶,雜菜酸酸的很開胃,焗薯也不錯,不過用了忌廉焗,有點膩。魚柳好鹹。甜品意料之外好吃,焗香蕉好甜,雪糕加上熱辣辣的香蕉,冰火的感覺不錯。

內地人比較早吃飯,所以餐廳去到9點多都係得返兩枱客,有客人約9點來到,侍應都話餐車快關了,叫佢地去室內餐廳用餐。
每人消費: 約160人民幣元 (晚餐)
評分: 味道5   服務2   環境5   衛生4   抵食3
  0 個留言    |  加入你的留言
六天星馬自遊行 (馬來西亞, 新加坡)
(旅程日期: 2010-05-16 至 2010-05-21 ,  旅程性質: 畢業旅行)
 整個旅程  (共6篇遊記)
 分享至Facebook 
發表日期: 2010-06-04
第六天一大清早七點就由酒店出發,搭Monorail去KLCC站排隊拎票上Sky Bridge。不過去到KLCC都無指示去邊拎票,唯有問商場經理先知。好在我地早到,7:45已經打蛇餅,排到9點先開始派票。我地拎左9:45,拎完之後去對面的便利店買點早餐吃,之後我地就上Sky Bridge。高空觀光完,就係KLCC行下,去Madam Kwan's食午飯。之後我地就有一段酸苦的經歷。

我地本來諗住去Imbi那邊做Spa,但我地趕時間,一出KLCC就上的士。那個黑人的士司機向我地揮手,一上車就較低佢個座位,搞到坐係佢後面的男友好迫郁唔到,佢無按過咪錶就開車。之後又問我地係咪遊客同我地傾下閒話。不足十分鐘車程就到,佢要我地畀MYR294,這相對700港幣。我地同佢理論左一陣,但佢話在KLCC前的的士是貴的,而的士錢可以向酒店取回。我地當然不信啦,但佢又畀張收據我地,抄埋牌照號碼,車牌號碼。我地都唔知點,佢又停左係個位隔離有架車頂住左,我地又落唔到車。最後,我地叫佢寫埋佢公司電話,畀左錢就走。

因為昂貴的車費,我地唔夠錢做spa。結果帶著不快搭地鐵回酒店。返到酒店,我地拎張收據畀酒店職員睇,佢地都嚇左一跳,因為真係好貴。佢地話就算係機場去Bukit Jalil都係五十多馬幣,我地都知畀人騙,但我地真係唔知點算。佢本身話我地去旅遊協會舉報的士司機,不過我地4:40會上機,趕唔切。咁佢就教我地係機場搵旅遊協會專櫃舉報,不過我地去到機場,又問人,又行左幾個圈都找不到。我地好唔開心,無晒心情,執埋行李check-out,酒店職員就幫我地call車(MYR90)去機場。

黑仔經歷一而再,再而三,本來上左機,不過過左十分鐘,機長話飛機有故障要轉第二架機。我地又落機,係候機室等左十分鐘,又上番機,上左機又要等十五分鐘先起飛。結果返到香港遲左差不多兩個鐘。

這個旅程算是先甜後苦啦......
Sky Bridge ok喇2010-06-04
無晒位啦~
無晒位啦~
Sky Bridge
Sky Bridge
遠眺風景
遠眺風景
每人先拿一張參觀證,跟住入左一個迷你戲院睇短片介紹Twin Towers。之後跟著參觀證的顏色分兩組,在外面等候。當上段時間的朋友落返黎,下一組就經過保安檢查就可以上41樓。41樓就是Sky Bridge,領隊先講介一些基本資料,之後就講遊客十分鐘在橋上自由活動,影下相。其實一條橋很普通,只是可以高空遠眺吉隆坡的景色,沒甚麼特別。不過這條橋不能任意上去,所以才可貴。十分鐘過後就落返地下,出口有一個展覽廳,有一些小遊戲玩。

這景點勁受歡迎,9點已截龍,我地食完早餐門票只剩下黃昏時間。如真的有心參觀,請早點起床,早點排隊。Early Birds Catch the Worm.
參觀時段: 早上
入場價錢: 每人0馬元
評分: 值得去3  
肥姐椰漿飯 ok喇2010-06-04
椰漿飯
椰漿飯

11點幾來到,剛開門沒有人,在門外拿了一張卡片,很有趣。卡片不是普通的四四方方,而是一個女人,貌似肥姐。

時間有點早,未係好肚餓,所以兩人只叫一碟飯,試下馬來西亞既椰漿飯。

椰漿飯:有一些魚乾,肉鬆伴碟。我地唔好辣,所以果得個汁好辣,將肉鬆拌勻,可減輕辣度,味道又不錯。飯真係好有椰香,有一點驚喜。

檸茶:忍唔住叫一杯檸茶解解辣。哈哈,無咩特別。

推介菜式: 椰漿飯
每人消費: 約17.6馬元 (午餐)
評分: 味道4   服務5   環境5   衛生4   抵食4
  0 個留言    |  加入你的留言
六天星馬自遊行 (馬來西亞, 新加坡)
(旅程日期: 2010-05-16 至 2010-05-21 ,  旅程性質: 畢業旅行)
 整個旅程  (共6篇遊記)
 分享至Facebook 
發表日期: 2010-06-03

今次是我同男友的畢業旅行,亦是美食之旅。一大清早就出發往機場,9點去到機場,先check-in。今次乘搭Tiger Airways 11:00航班。拎左登機証,時間尚早,在機場吃個早餐先。之後去閘口登機。經過三小時的機程,我地到達新加坡啦~第一時間買張ez-link card(類似香港的八達通卡),一張S$15,有S$10可用車費,S$5行政費,搭地鐵(MRT)到Harbour Front站去聖淘沙(Sentosa)。早餐之後都未食過野,好肚餓,五點九去到Vivo City先食晚飯,所以在Food Republic食吐司工坊和椰漿飯。之後係商場第三層乘坐Sentosa Express (S$5)去聖淘沙島。

我地係Beach Station落車,入到去已經成7點,先去酒店Check-in。我地搭島上的巴士到Siloso Beach,落左車之後又無咩指示,個天又黑麻麻,又落雨,結果搵左好耐先搵到間酒店。最奇怪的是Reception不在地下,是在七樓。拎左房,放低行李之後,我地就行去睇Song of the Sea水幕表演(S$10)。原來不足十分鐘路程,我地又行番去sentosa express落車的地方,即是我地搭巴士行左一個圈。

8:40表演開始,不過雨越落越大,表演長大約二十分鐘。表演完畢,我地又有點肚餓,但島上的食肆大多已關了,只有少數酒吧仍營業。結果,我地還是回酒店叫Room Service,吃了一個Chicken Burger (S$20)。

渡假享受 笑臉2010-06-03
雙人房間
雙人房間
酒店門口
酒店門口
房外環境
房外環境
吃早餐時有松鼠陪伴
吃早餐時有松鼠陪伴
環境優美,一行出酒店門口就是沙灘,而且周圍很寧靜,很適合渡假享受。

房間不是很大,有兩張單人床,一個電視,衣櫃。有兩枝水供應。
每晚價錢: 1210.58港元 (雙人房)
其他消費: Chicken Burger (S$20)
評分: 設備5   服務5   環境5   衛生5   抵住4
Song of the Sea
Song of the Sea
我地出發前已在網上預訂了門票,所以我地先在sentosa station換左門票,8:40到表演場地就可入場。

表演故事簡單,就是一個唱歌很好聽的男孩透過歌聲喚醒沉睡的神靈。除了水幕,還有激光,音樂,舞蹈,煙火去襯托整個故事。
參觀時段: 晚間
入場價錢: 每人10新加坡元
評分: 值得去4  
大食代 ok喇2010-06-03
Food Republic
Food Republic
吐司工坊
吐司工坊
椰漿飯
椰漿飯
雖然Food Republic香港都有,不過話晒新加坡先係佢的發源地,當然要來參觀下。而且這間Food Republic的裝修充滿懷舊味道,最適合拍照留念。

吐司工坊: 味道同香港差不多,咖央多不會太甜,多士不夠熱。半熟蛋略為熟透了,飲品則選了當地特產美祿~哈~

椰漿飯: 每樣配料自選,點了椰菜絲,芽菜,魚蛋,魚片。飯有淡淡的椰漿味,很香,可配以辣醬食,不過我地都唔食得辣,所以只是撈左少少辣醬。
每人消費: 約5新加坡元 (晚餐)
評分: 味道4   服務4   環境5   衛生4   抵食4
  0 個留言    |  加入你的留言
六天星馬自遊行 (馬來西亞, 新加坡)
(旅程日期: 2010-05-16 至 2010-05-21 ,  旅程性質: 畢業旅行)
 整個旅程  (共6篇遊記)
 分享至Facebook 
發表日期: 2010-06-03

第二天早上在酒店吃早餐,由8:30-10:30供應。我地9點落去食早餐,是中西式的自助餐,食物種款不多,但已足夠。食完早餐成10:00,趁有陽光,我地就係Siloso Beach行下。本來我地仲想玩Sentosa Luge & Skyride,不過真係唔夠時間,見到人地玩,其實同大陸個d斜坡滑車差不多。行到大約10:30就回酒店check-out,拎埋行李去Imbiah Station,看看聖淘沙的魚尾獅(The Merlion Tower)。影左幾張相之後就去新加坡新開的環球影城。

12:00去到,先租用一日大locker (S$20)放行李,然後出發玩樂。由12點玩到收園7點,除了一些比較無聊的活動(King julien's Beach Party-Go-Round - 旋轉木馬, Treasure Hunters - 馳車天地,  Dino-Soarin - 小飛象)外,其他有開的都玩左。之後就乘Sentosa Express出番新加坡。在此一提,除了入sentosa那一程列車外,在聖淘沙島上的sentosa express,巴士,beach tram都係唔洗錢的。

出番新加坡,第一時間搭mrt去酒店。我地的酒店座落於芽龍紅燈區.check-in放低行李,又出去搵食啦。搭地鐵去Burgis(武吉士),本來諗住去食逸群海南雞飯,不過去到已經9點半關門了,行左去後面條街,見到有間食海南雞飯的就入左去。之後食完晚飯,我地就一直行去Esplanade,魚尾獅個邊睇夜景。睇左一陣,影下相就一直行去Raffles Place附近尋找老巴刹食夜宵。食完宵夜就搭地鐵回酒店。

門口
門口
Madagascar - 荒失失奇兵跳舞表演
Madagascar - 荒失失奇兵跳舞表演
Far Far Away - Shrek 4D Adventure
Far Far Away - Shrek 4D Adventure
The Lost World - Jurassic Park
The Lost World - Jurassic Park
Ancient Egypt - Revenge of the Mummy
Ancient Egypt - Revenge of the Mummy
Sci-Fi City - 無開的過山車
Sci-Fi City - 無開的過山車
The Lost World - WaterWorld - On Show
The Lost World - WaterWorld - On Show
Chicken Wrap
Chicken Wrap

遊樂設施雖然只開了八成,但已好玩過香港迪士尼。其實機動遊戲的原理同迪士尼的一樣,不過環球影城的會比較刺激。這裡比較適合年青人。

我地一入到去就睇下d表演時間,見到WaterWorld 12:30有一場,行經Madagascar,大部份遊戲未開,得個King Julien's Beach Party-Go-Round (旋轉木馬)。不過幸好還有一些荒失失奇兵的主角出來跳下舞,同遊客影下相,不過排隊影相就有點混亂。我地睇完佢跳舞影左幾張相,就趕去睇WaterWorld。

我地坐係微濕區,表演開始前,演員好識同現場觀眾搞氣氛,玩下人浪,用水炮向觀眾潑水,我男友都有中招。表演大約半小時,故事緊湊,有煙火,水花的效果,又有搞笑的成分,好精彩。睇完WaterWorld,我地行番去Far Far Away玩Shrek 4-D Adventure。這個似迪士尼的米奇幻想曲。4-D影院除左有噴水效果,仲有張椅會震,有野會撩你對腳,真係好好玩。

之後我地行去The Lost World的Jurassic Park那邊,見到Canopy Flyer (吊腳過山車),不過要排成50分鐘,我地就唯有臨時放棄。之後行左去Ancient Egypt,這時差不多3點,又肚餓啦。去左Oasis Spice Cafe食左條Chicken Wrap (S$8.5),都幾大條,幾多料,兩個人食都暫時能醫肚。食完野就去玩Revenge of the Mummy (室內過山車),不過遊客要自行行上最高處乘列車,而且內部陰森恐怖,起時還以為是鬼屋。其實這遊戲同迪士尼的飛越太空山差不多,不過就多左會向後跌,突然向後真的嚇左一跳。不過又真係幾刺激好玩。順帶一提,玩個遊戲前,所有攜身物品都要放在遊戲旁的儲物櫃內,首45分鐘是免費的。

玩完就一直行去Sci-Fi City,這裡有點像死城,不是建築,而是氣氛。因為主要兩個過山車都無開,最刺激的遊戲我地無緣了。唯有玩唯一開的Accelerator,即是迪士尼的瘋狂搖搖杯。繼續行落去New York,一行到過去,就見到有街頭舞蹈表演,睇完又供遊客拍照留念。再行過一些就到Lights, Camera, Action! 見到好似唔洗排隊就入左去,原來係由Steven Spielberg (史提芬 史匹堡)製作,一個在片場的特技效果示範。再行前d去到Hollywood,見到Pantages Hollywood Theater 5:30有一場表演,仍是當天最後一場,於是入去睇。表演是一班吸血疆屍唱rock-n-roll。我覺得中間有點悶,整個表演大約30分鐘。

6:00天開始晚,我地行番去Far Far Away,先見到Enchanted Airways,原本是專為小朋友而設的過山車,不過因為主要兩個藍紅過山車都無開,所以都好多成人去排隊。去樂園,唔玩過山車又點算玩過機動遊戲呢?所以我地都排左10分鐘左右玩這個過山車。這個過山車形狀是一條龍,由上車至下車不足5分鐘,快得很。除左車程短外,其實佢都開得好快,都幾好玩。之後我地行過d見到Canopy Flyer只需等10分鐘,即刻排隊玩。初頭以為吊腳過山車好驚,點知原來速度比較緩慢。這應該是觀光車,不刺激,一點驚喜都沒有。最後行番去Hollywood行下商店,買左兩張明信片(S$0.6 each)。臨走前,再影下影城外的地球夜景。

推介項目: Revenge of the Mummy, WaterWorld, Shrek 4-D Adventure
參觀時段: 下午
入場價錢: 每人66新加坡元
其他消費: locker (S$20), Chicken Wrap (S$8.5)
評分: 值得去5  
寧靜的沙灘 ok喇2010-06-03
Siloso Beach
Siloso Beach
前往人工島
前往人工島
Beach Tram
Beach Tram
可能我地早上去,所以沙灘無咩人。其實沙又不是很滑,不過有椰子樹就構成很美的景色。
參觀時段: 早上
入場價錢: 每人0新加坡元
評分: 值得去4  
Sentosa Express
Sentosa Express
Sentosa Express
Sentosa Express
魚尾獅是新加坡的地標,除左濱海區有之外,聖淘沙島都有一條,而且係三條之中最大的,高六十米。其實佢係一個觀光塔,遊客可在獅子口或獅子眼遠眺聖淘沙景色。不過我地唔夠時間無入去,只是在外面影下相就算。
參觀時段: 早上
入場價錢: 每人8新加坡元
評分: 值得去3  
不過不失 ok喇2010-06-03
不近地鐵站,不過這區算方便,有地鐵和巴士到達。房間有一張雙人床,電視,衣櫃,枱和椅。廁所沒有浴缸,沖涼區仍沒有浴廉。不過亦有牙刷,洗頭水,沐浴露供應。房間有一個保溫水瓶,不過就沒有熱水供應,只有一杯杯預先包裝的水。房間也算寬敞。
每晚價錢: 685.73港元 (雙人房)
評分: 設備3   服務4   環境3   衛生4   抵住4
海南雞飯? ok喇2010-06-03
甘榜雞飯
甘榜雞飯
海鮮炒河
海鮮炒河
一心諗住去逸群食海南雞飯,佢關左門,唯有退以求其次。入左新瑞記,看看餐牌,看勻都無海南雞飯,得甘榜雞同燒雞。睇色水,甘榜雞同海南雞差不多,所以點了一個甘榜雞飯一人餐同海鮮炒河。

甘榜雞飯一人餐: 有湯同油菜一碟,不過湯是味精湯,越飲越口乾。雞沒有味道,要醮甜醬油。

海鮮炒河: 配料充足,有蝦,魷魚,魚片。不過炒河有點奇怪,佢係先用醬油乾炒河粉,再淋上海鮮和羮汁,看似濕炒,其實係乾炒。不過味道都不錯。
每人消費: 約6新加坡元 (晚餐)
評分: 味道3   服務4   環境4   衛生4   抵食4
駐名沙嗲街 ok喇2010-06-03
炒粿條
炒粿條
Tiger Beer
Tiger Beer
我地去到,入面的食店只餘少數仍在營業,行到出去馬路就好繁榮,成條街都係賣沙嗲。不過我地無食到沙嗲,入番去裡面食左個炒粿條(S$3)同飲左一罐當地啤酒(S$2.50)。

炒粿條: 有蠟腸,蠔仔,芽菜作配料。都幾濃味。

Tiger Beer: 都幾苦,不太冰涼。
每人消費: 約5.5新加坡元 (宵夜)
評分: 味道3   服務4   環境3   衛生4   抵食4
新加坡地標 笑臉2010-06-03
魚尾獅主雕像
魚尾獅主雕像
魚尾獅小雕像
魚尾獅小雕像
榴槤+摩天輪
榴槤+摩天輪
新賭場
新賭場
濱海藝術中心Esplanade
濱海藝術中心Esplanade
來到新加坡,當然要去魚尾獅,摩天輪同榴槤這些主要地標看看。一天見晒3條魚尾獅,這個Merlion Park有兩條魚尾獅。主雕像高8.6米,重70噸。另外,還有一條小雕像,與成人身高差不多。

其實行過d有條橋,那裡可以望到榴槤,摩天輪,魚尾獅同對面新賭場。
參觀時段: 晚間
入場價錢: 每人0新加坡元
評分: 值得去5  
  0 個留言    |  加入你的留言
六天星馬自遊行 (馬來西亞, 新加坡)
(旅程日期: 2010-05-16 至 2010-05-21 ,  旅程性質: 畢業旅行)
 整個旅程  (共6篇遊記)
 分享至Facebook 
發表日期: 2010-06-03
第三日一早起身就搭地鐵去Farrer Park站,行左大約10分鐘,就到左黃亞細肉骨茶餐室吃早餐。食完早餐就搭地鐵去Orchard Road站行下,不過那邊是商場區,同香港銅鑼灣尖沙咀差不多。大約12點,我地就嘗試搭巴士去Newton Food Centre吃午飯。行程好緊湊,吃過午飯,我地又起程搭地鐵去Raffles Place看看主要地標的日景。之後本來諗住行過去Chinatown,不過小妹著涼鞋行到腳痛,唯有搭地鐵去。

到達Chinatown個邊行下,買豬肉乾同手信。之後黃昏就去左Chinatown Food Centre吃晚飯。因為Chinatown晚上六點會有條食街出現,所以我地食完野就去行下。點知得一兩間開左,我諗夜d好熱鬧好多。係Chinatown行多一陣,就搭巴士回酒店。點知我地搭錯左對面線,去了Redhill那邊。幸好司機好好人,畀我地坐番架車返酒店個邊,司機仲提我地落車添。本來我地仲諗住返酒店休息一陣,夜d去附近食田雞粥做宵夜。不過不幸地小妹唔舒服,食左藥就好眼瞓,唔願再落街了。
胡椒味勁重 笑臉2010-06-03
混合肉骨茶+油條+白飯
混合肉骨茶+油條+白飯
我地點了一碗混合肉骨茶,白飯同油條。

混合肉骨茶: 混合係指有排骨同肉骨,肉骨茶勁重胡椒味,飲完成碗就覺得個口會噴火。不過有油條醮肉骨茶同白飯送,就容易入口一些。排骨同肉骨都不會覺得鞋口或者靭,幾好味。

食完之後,我地飲功夫茶,原本以為是送的,不過埋單的時間才知要收S$2。功夫茶的茶葉是小月甘,好甜,甜得有點不正常。不過飲完功夫茶之後,口腔的熱同辣完全消除。
每人消費: 約12新加坡元 (早餐)
評分: 味道5   服務5   環境5   衛生5   抵食3
雪糕三文治 笑臉2010-06-03
雪糕三文治
雪糕三文治
這個雪糕三文治好得意,好特別,不是澳門禮記的以威化餅夾著三色雪糕,而是以有顏色的甜麵包夾住三球不同味道的雪糕球(玉米,朱古力,亞米籽),夠冰涼,又好味。而且價錢相當便宜,只是S$1而已。係Orchard行街行到又累又熱,來一件雪糕三文治就最好不過啦。
每人消費: 約1新加坡元 (其他)
評分: 味道5   服務5   環境3   衛生4   抵食5
多選擇 笑臉2010-06-03
福建炒麵
福建炒麵
魚片米粉
魚片米粉
薏米水
薏米水
芒果紅豆冰
芒果紅豆冰
松記潮州魚片米粉(S$4): 魚片很滑,又大件,又多。不愧為老店。

福建炒麵(S$3): 先醮下青檸汁,拌勻,味道清新,不過麵條有點漿口。配料亦多,有蝦同魷魚。

薏米水(S$1.50): 又唔夠凍,又無味。

芒果紅豆冰(S$2.50): 在炎熱的天氣下,最適合消暑。都幾大碗,碗底有紅豆,涼粉,龍眼肉,冰山面就先淋上焦糖同草莓糖漿,再淋上芒果汁。配料豐富,不過焦糖糖漿太甜了,夠晒冰涼,透心涼。
每人消費: 約5新加坡元 (午餐)
評分: 味道4   服務4   環境3   衛生4   抵食4
平靚正 笑臉2010-06-03
螃蟹麵
螃蟹麵
魚丸撈麵
魚丸撈麵
水粿
水粿
明發魚丸撈麵(S$3): 味道普通。

勿洛水粿(S$1 for 4 pcs): 是新加坡人的早餐,碗狀粉粿上面放有鹹香的菜脯,份外惹味。不過,我覺得菜脯過鹹,還可醮少許辣醬吃。

老巴刹螃蟹麵(S$4): 有很多蟹肉,還有蝦和炸豬油,味道不俗。

本來想飲哲成奶茶,不過行到去佢就話奶茶賣晒了,於是就去第二間買。
每人消費: 約4.5新加坡元 (晚餐)
評分: 味道5   服務5   環境4   衛生4   抵食4
魚尾獅
魚尾獅
榴槤
榴槤
魚尾獅小雕像
魚尾獅小雕像
日景的魚尾獅好似比晚上更有氣勢。
參觀時段: 下午
入場價錢: 每人0新加坡元
評分: 值得去5  
  0 個留言    |  加入你的留言
六天星馬自遊行 (馬來西亞, 新加坡)
(旅程日期: 2010-05-16 至 2010-05-21 ,  旅程性質: 畢業旅行)
 整個旅程  (共6篇遊記)
 分享至Facebook 
發表日期: 2010-06-02
第五天早上先在唐人街逛逛,不過大部份東西都未開,特別的是一些橫街小巷會有一些地攤同熟食大排檔。原來早上既橫街小巷有好多人做生意,賣既可能係執返嚟既野,或者舊東西。不過行左一陣,我地睇唔啱食咩,之後就去左附近的麥當勞食早餐。問當地人點去馬六甲,知道左長途巴士站係邊,之後我地就搭地鐵去Bukit Jalil站,轉長途巴士去馬六甲。我地搵左個巴士站好耐,直到我男友見到架巴士駛左入個運輸站,我地先搵到。那裡有好多唔公司的巴士,先購票後上車,我地一入去就有人問我地去邊,都未知發生緊咩事,之後就帶我地買票(MYR13 each)。兩小時的車程,本是睡覺的好時間,不過架車無咩冷氣,我地又坐車尾好登,所以都覺得好辛苦。

長途巴士只送到馬六甲的MELACA SENTRAL ,我地都唔知自己係邊,幸好有個華人經過,問我地係咪去紅屋,帶我地去附近的巴士站搭車,真係好人。一見到紅屋廣場就落車,一落車就行去中華茶室吃午飯。食完飯就係附近行下街,買下手信咁。當天烈日當空,成三十五度,行兩步個人都溶左。行完街就行番去睇下紅屋,炮台。最後5點幾就搭返車出返SENTRAL,回程的車程長很多,約20分鐘,嚇得我以為搭錯車。再轉六點班長途巴士出返Bukit Jalil站。回程長途巴士公司不同(Transnasional),座位舒服好多,又有充足冷氣,車上仲有電視播電影,而且車費仲便宜一點,每人只需MYR12.40,真好!大家記住呢間公司。

回到吉隆坡,返酒店放低戰利品,就近近地係唐人街吃晚飯。食完飯又係附近行下,夜晚唐人街熱鬧好多,多左好多檔口開左。原本想行下酒吧街,不過攰死左,又下雨,取消了。
很容易認得出,一定有人下車。有噴水池附近有好多載遊客遊覽的車。附迎有很多歷史建築物,教堂,炮台,墳墓,仲有幾個MUSEUM,可以行好耐,不過熱到溶啦,所以無逐一參觀。也有一個商埸,快要溶解的我們就像看見綠州一樣,歡喜到不得了,雙腳自動走進去。環境很好,有一個很多錦鯉的水池,真係唔捨得走。山頂的建築物最值得去,可以看到馬六甲全景。
參觀時段: 下午
入場價錢: 每人0馬元
評分: 值得去4  
煙韌雞波飯 笑臉2010-06-02
雞球飯
雞球飯
一甫入去就有職員問我地要半隻雞定小一點,我地唔係好明佢講咩,佢就問我地一個定兩個人食,又指向隔離張枱兩位的份量,我地就要相同的。先來兩碟五粒雞飯粒,隨後就送上雞件。試試雞件,無咩味,不過幾滑,可醮上酸辣辣醬,幾開胃。雞飯粒有淡淡的雞味,煙煙靭靭,好似糯米咁,好得意。所有野都簡單食原味,正。

店內沒有冷氣,只有大掛吊風扇,懷舊的裝潢更添味道。我地食完飯走出去,見到佢門口只係得番兩隻雞掛住。到我地行完街,再次經過已關門了,那時大約是四點。

每人消費: 約6馬元 (午餐)
評分: 味道5   服務5   環境4   衛生4   抵食4
消暑涼品 笑臉2010-06-02
刨冰
刨冰

這裡自助式,要行出門口畀錢買野拎番座位。我地點了兩個Chendol(即係刨冰),西米紅豆樂同精米樂。這個甜品真的透心涼。其實這店還有其他食品,如叻沙。裝潢又係懷舊型,我地坐係天井,環境都幾舒服。唔知店主從哪裡收集到很多懷舊的物件。

西米紅豆樂: 冰底有紅豆(腰豆),椰子條(綠色),冰面淋上西米同焦糖糖漿。

精米樂: 冰底有紅豆,粟米,龍眼肉。

 真係食到爽歪歪,估唔到栗米同冰一齊咁好味

每人消費: 約3馬元 (下午茶)
評分: 味道5   服務3   環境4   衛生4   抵食4
飲得的湯底 笑臉2010-06-02
大雜麵
大雜麵
叉雞麵
叉雞麵
水餃
水餃
油菜
油菜
雲吞麵係香港食得多,不過之前係亞羅街撞到個個香港人話唐人街有檔由四十多歲的男人主理的雲吞麵好好食,d湯仲飲得。所以我地就搵下,其實早上以為搵過,不過唔多覺。今晚我地再搵,雖然我地唔肯定係咪這間,不過食食下個廚師話d湯飲得嫁喎。我諗香港人介紹係這間,我地無去錯。我地經老闆娘(唔知係咪?!)介紹,點了一碗大雜麵,叉雞麵,淨水餃,一碟油菜。

大雜麵: 有叉燒,雞絲,雲吞,冬菇。湯很清甜,沒有鹼水味,又唔會飲到口乾。

叉雞麵: 叉燒當然唔及香港啦,不過唔緊要咩都試下MA,湯底真的不錯。

淨水餃:都係抱住試餐飽心態,無咩特別。

油菜: 就是油菜

主要是麵沒有鹼水味,湯沒有味精。這裡還有撈麵,我們沒有試。
推介菜式: 大雜面
每人消費: 約13馬元 (晚餐)
評分: 味道5   服務5   環境3   衛生4   抵食3
大熱羅漢果 笑臉2010-06-02
羅漢果經呀蘇介紹過之後就大受歡迎,來到馬來西亞都有,買左一包試下。沒錯,係一包。當地喜歡飲品外賣用膠袋裝,一包的價錢同細杯一樣。

份量足夠,兩個人飲都夠。很冰涼,略嫌甜左,一過飲到底亦有龍眼肉。

旅行飲飲涼茶,唔洗咁熱氣。
每人消費: 約1.2馬元 (其他)
評分: 味道5   服務5   環境3   衛生4   抵食5
  0 個留言    |  加入你的留言
六天星馬自遊行 (馬來西亞, 新加坡)
(旅程日期: 2010-05-16 至 2010-05-21 ,  旅程性質: 畢業旅行)
 整個旅程  (共6篇遊記)
 分享至Facebook 
發表日期: 2010-06-01
第四天早上到著名的亞坤吃早餐。之後搭地鐵去Eunos站食叻沙同買榴槤泡芙。之後因為趕時間,就搭的士返酒店,執埋行李就check-out,再搭地鐵去Changi Airport站去機場。我地去到機場搵左好耐先搵到AirAsia的航班係邊個Terminal。我地班機係14:35,所以拎晒登機証,趁仲有時間就食多個叻沙,因為一陣又無飛機餐。之後就上機啦,經過50分鐘的機程就到達馬來西亞機場LCCT。

我地起初知道機場有Express出番市區,不過我地搵唔到。後來才知道機場有兩個Terminal,KLIA才有Express的。最後我地搭巴士去Chinatown。經過大約一小時,到達唐人街,先到酒店放低行李。安頓好就立即出發去Masjid Jamek,我地由chinatown行過去,大約10分鐘,先到達回教寺,國會大廈,獨立廣場。外觀過後,我地就行番去搭LRT去Hang Tuah站,再轉去Bukit Bintang站去亞羅街吃晚飯。正當我地係黃亞華度食緊野,前面有個來公幹的香港人同我地相認,之後佢仲帶左我地到Imbi附近行下。佢約略介紹過,之後就走左啦。我地就食肉骨茶做宵夜。之後就向著Twin Tower方面,跟住大馬路一直行,大約二十分鐘就到啦。係個度影下夜景,成11點幾,就趕去搭Monorail返Pasar Seni站,行返去酒店。

曱甴集中地 哭臉2010-06-01
間房好細,張床三邊都貼住牆,床邊距離廁所不足三個階磚,形成一條「走廊」,狹窄得佷。廁所是玻璃隔開,沐浴同座廁沒有分隔,沖涼要小心不要弄濕座廁。我地放晒d行李係「走廊」,只剩下門口少許位置,有時真的好有壓迫感,真想開門站出門外走廊。

另外,房間沒有食用水供應,不過樓梯口就有水機,可以自己加水落水樽。小枱和電視都是掛牆式,小枱斜左,有點想塌下來似的。房間牆上還有一小燈,不過很光,晚上又不想熄晒全部燈瞓,但開任何一盞燈都好光。最後我地搞左好耐,開廁所燈再用紙圍住盞燈,先無咁光,才能入睡。

我地第一晚已發現床帶有隻曱甴,我見到的時間是在我男友腳下壓住左,不知是我男友壓死它定它本身已死了。第二晚回來的時間,又發現廁所地下有兩隻已死的曱甴。衛生情況真的很差,不過幸好我見到的都已死,不是活生生的在爬。

不過酒店職員卻很好人,我地問路,佢地都耐心答我地。
每晚價錢: 59.8馬元 (雙人房)
評分: 設備2   服務4   環境2   衛生1   抵住4
脆卜卜多士 笑臉2010-06-01
生熟蛋
生熟蛋
咖央多士
咖央多士
西多士
西多士
雜錦曲奇
雜錦曲奇
咖央醬
咖央醬
早餐有A(咖央多士),B(厚吐司),C(西多士)餐。不過佢只推銷A和C餐。

咖央多士: 又薄,又脆,加上咖央醬甜甜地,又有牛油的香味,好好味。

西多士: 比較普通,醮上咖央醬先有點味道。

生熟蛋: 加一點胡椒粉,加一點黑醫油,搞搞搞,用來送多士食。

咖啡: 星馬既咖啡都鐘意用煉奶,唔落糖同花奶。而煉奶重身會沉底,要攪拌一下先岩。不過我唔知佢加左煉奶,飲到未發覺愈飲愈甜,很有先苦後甜的感覺。哈哈。咖啡不錯,微酸,比較厚身,也很香。

薏米水: 好甜,又多冰,不過都幾有清清的薏米味。

這裡的員工都好熱心,送上食物時會教埋我地點食,生熟蛋要混合胡椒粉及老抽,咖央多可醮上蛋漿食。除了熱心,店員也很有性格,好留意我地食法夠唔夠正宗,教我地正宗食法。另外還有一位流利廣東話的推銷員,推銷員店內的手信產品:咖央醬同曲奇。最後我地都買左兩支細的咖央醬(S$5),一盒雜曲奇(S$8.5)同三包曲奇(S$2.5 each)。我地不知道曲奇味道如何,這是亞坤的新產品,不過包裝適合做手信,所以我地先買咁多。
推介菜式: 咖央多士
每人消費: 約4新加坡元 (早餐)
評分: 味道5   服務5   環境5   衛生5   抵食4
椰香叻沙 笑臉2010-06-01
叻沙
叻沙

係MRT 行左好耐先行到................足足有4個字,建議大家坐的士或巴士去。幸好當天未熱到死。
原來店子有兩個鋪位,第一眼見到門口擋住了,以為太早未開,再看隔離的招牌都是328 才知道唔洗摸門釘。為了過口癮,而且很趕時間,所以兩口子只點了一碗SHARE。 落單時會問你要不要加獅蛤,未試過當然要一試。坐在室外的摺枱位,幾有風味

叻沙: 獅蛤原來係精髓,好鮮味,湯很有椰漿味,不太辣,很開胃。

桔水: 很消暑,也很健康。

每人消費: 約5新加坡元 (午餐)
評分: 味道5   服務5   環境4   衛生4   抵食4
齒頰留香 笑臉2010-06-01
S$11有二十榴槤泡芙,沒有份量少的。泡芙有著濃郁的榴槤味,真的齒頰留香。雖然得小妹一個人食榴槤,但都好想試下,於是就買左。因為泡芙內有榴槤醬,需要冷藏。但去到馬來西亞的酒店沒有雪櫃,到第二天已經變壞了,有陣酸味。我只是吃了五件,雖然很浪費,但真的值得一試。
每人消費: 約11新加坡元 (其他)
評分: 味道5   服務4   環境3   衛生4   抵食3
因為剛吃完好味的加東叻沙,來到機場吃多一碗,不過味道就差很遠了。沒有椰漿的香,配料也不是新鮮貨,只吃到辣的味道。奶茶也不怎麼樣,很奶味,不喜歡,早知留返D錢食飛機餐。
每人消費: 約5.35新加坡元 (下午茶)
評分: 味道3   服務4   環境4   衛生4   抵食3
黃昏遊 ok喇2010-06-01
國會大廈
國會大廈
獨立廣場
獨立廣場
先到回教寺,雖然我地仲見到有人行入去,不過旅遊書寫六點就收,我地都係費事博,係外面睇就算囉。之後行左去獨立廣場同國會大廈,其實附近的建築物都差不多,都唔知係咩黎。由於過左六點,全部景點都關門了。所以我地只係外觀同影下相咁就走。
參觀時段: 下午
入場價錢: 每人0馬元
評分: 值得去3  
地道燒烤 ok喇2010-06-01
燒雞翼
燒雞翼
雜錦串燒
雜錦串燒
燒魔鬼魚
燒魔鬼魚
椰青
椰青
青檸話梅水
青檸話梅水
燒雞翼(MYR10): 有兩隻全翼,燒得過燶,不會很乾身,但又沒有太多肉汁,味道普通。

雜錦串燒: 有10串,有4串雞肉,3串豬肉,3串羊肉。肉不鞋口,醮上沙嗲汁,甜甜地,幾好味。伴以青瓜,可令口腔清淡。

燒魔鬼魚: 鹹鹹地,都好多肉,可醮辣汁一齊食。邊邊既軟骨位好脆口。

椰青(MYR5): 唔夠清涼,水又少,好快就飲晒,肉又唔甜。

青檸話梅水: 酸酸甜甜咁,幾好飲,幾開胃。

店中很多都是香港客,人人都帶著旅遊天書,哈哈。聽聞,亞羅街其他食市的水準都一般,相比之下黃亞華已經最好,但試食後感覺也不是非常正,雞翼燒得乾身就唔掂。
每人消費: 約25馬元
評分: 味道3   服務5   環境4   衛生4   抵食3
甘甜肉骨茶 笑臉2010-06-01
肉骨茶
肉骨茶
馬來西亞的肉骨茶比較重藥料味,不過帶點甘甜,不難入口。肉骨茶內不只排骨,還有豬肚,豬肉,不過有點鞋口。

我地以為好似新加坡咁,要以白飯送肉骨茶,所以點了一個白飯。不過味道不同,不用白飯,空口飲肉骨茶也可以。另外,我地好耐無食過菜,所以點了一碟油菜。

湯的味道,我地較喜歡馬來西亞的,但就較喜歡新加坡的肉排。所以我地買左佢的肉骨茶湯包MYR60有10包,可以用來做手信,不過價錢不平。
每人消費: 約14馬元 (宵夜)
評分: 味道5   服務4   環境4   衛生4   抵食4
燦爛夜景 笑臉2010-06-01
倒影
倒影
吉隆坡的地標,就像九龍旺角的朗豪坊一樣,看見它你就知道方向。經香港人介紹,到KLCC外面的那個湖,沒有噴水泉,平靜得是一塊鏡面。雖然池水只深一尺,但當你行到Twin Towers對面盡頭,看到水面的倒影,真的有錯覺水深幾十米,真的很壯觀。不知何解,晚上公園部份地方不准進入,我們不知道,被管理員叫阻了兩次,但他們都很有善。
參觀時段: 晚間
入場價錢: 每人0馬元
評分: 值得去5  
  0 個留言    |  加入你的留言
珠海美食遊 (中國)
(旅程日期: 2010-01-09 至 2010-01-10)
 整個旅程  (共1篇遊記)
 分享至Facebook 
發表日期: 2010-01-17

第一天遊完澳門,傍晚在關閘過關到拱北。由於人生路不熟,先坐計程車去7天連鎖酒店checkin同放低行李。6點係酒店附近行下睇下有咩好食,點知無咩特別,吸引唔到我同男友。因為去旅行前睇過旅遊書介紹灣仔海鮮街,於是我地6:30就搭公車去灣仔,車程大約15分鐘,再行5分鐘就到啦。我地先由頭行一次條街睇下有咩食,旁邊的食店知客不停拉攏,我地最終被一個堅持到底,由街頭跟到街尾的呀姐「感動」。佢仲幫我地講價,我地一心諗住食蠔,每斤$9,要左4隻($27)。之後去左第二檔買蟶仔,一扎$15。仲有扇貝,10蚊三隻,買左6隻。我地仲想買鮑魚仔,諗住要2隻,個檔主叫我地買4隻,不過我地得兩個人怕食唔晒,堅持要2隻。本來佢話$18一隻,平d俾我地主16一隻,呀姐就幫我地講價$30兩隻啦。就係咁買料用左$92。買齊料,就入食店坐低,問下你d海鮮點煮,之後就等食。上菜好快,食完行出門口,呀姐仲俾咭片我地同講拜拜添。之後行返出大街,本身諗住去對面行下,點知經過巴士站,見到62號公車尾班車係8:30,但個陣已經係8:35,好驚,因為除左62,無車返拱北。我地博一博,係巴士站等一陣,如果等多5分鐘都無車,我地就行埋街先搭計程車回拱北。點知俾我地博到,62係2分鐘內就到,立即上尾班車回拱北。回到拱北,因為見時間尚早,諗住去附近行下,睇下有無夜宵,不過我地行到有條類似酒吧街,仲有d小食賣,見到賣的食物同旺角街頭都一樣,日式章魚丸,魚蛋,冰糖胡盧,珍珠奶茶...所以無買到野就回酒店。

第二天9點起身,先到附近真功夫吃早餐,第二次在內地吃真功夫,中式的快餐店。樓梯連裝修就好似以前麥當勞咁,我懷疑佢的位置上手係麥當勞,哈。我地發現真功夫同其他快餐一樣,都有提供生日派對,不過本人就無咩興趣生日會都要食中菜,哈。一朝早就有好多父母帶埋小朋友來吃早餐,不過人流不算多。吃完早餐,返酒店拎行李checkout,之後去附近搭99公車去情侶南路行下。一落車,看到的就真係只有一條普通的海濱長廊,好失望。我同男友行左一陣,影左幾張相就走左,前後都唔夠15分鐘,可想而知係幾悶。之後,我地還要趕著第二天在澳門的行程,所以搭公車回拱北口岸,過關返澳門。

珠海美食遊 笑臉2010-01-17
海鮮街
海鮮街
蟶子
蟶子
扇貝鮑魚仔
扇貝鮑魚仔
蠔
豆苗
豆苗
啤酒
啤酒
豉掓炒蟶子(料價$15,加工$13)
d汁好好味,煮得剛好,蟶子不會老,唔靭,仲有點爽口,辣辣地,幾開胃。d殼仲排番整齊,唔食得都睇得下,何況佢都好味添。

蒜茸粉絲蒸扇貝鮑魚仔(扇貝$20,鮑魚仔$30,加工$15)
因為扇貝同鮑魚仔放埋一齊整就收一碟加工費,所以我地放埋一齊蒸。扇貝蒸完好細粒,不過我懷疑本身都係細粒(其實買個陣佢無開俾我地睇),味道普通。蒜茸蒸鮑魚第一次試,比較鹹,不過鮑魚唔靭,ok。

炭燒生蠔(料價$27,加工$16)
好似落左d芝士粒燒,不過無乜味道,同埋燒得唔夠乾,一咬落去仲好水。最奇怪,我地買生蠔時係無連殼,但上菜時係有殼,究竟d殼係邊度來,係咪循環再用?

金銀蛋豆苗($23)
成餐都海鮮,所以叫個菜食下,有抄有上湯煮,我地叫個湯煮既。好大鍋,豆苗好清甜,不錯。

總括來說,雖然唔算係出色之作,不過火侯剛好,味道不俗,也值得一試。佢仲送一盅例湯俾我地,最後仲有飯後果,d橙仲要係甜。我地食左咁多海鮮,買料加工,加埋一枝啤酒,這餐都唔洗$170,真係抵到爛。最重要是這裡咁近海,海鮮應該比較新鮮同靚,唔識揀都唔怕揀到差野。
每人消費: 約84人民幣元 (晚餐)
評分: 味道4   服務5   環境4   衛生5   抵食5
整潔寬敞 笑臉2010-01-17
如果入住7天酒店,大家記住先登記做會員。因為只要是會員,你可以在臨訓前到大堂櫃台拎包睡前牛奶,免預付租金,19:00前CHECK IN,仲可以13:00 後CHECK OUT。

本店旁邊是KTV,晚上可能比較噪。 
每晚價錢: 189人民幣元 (大床房)
評分: 設備4   服務5   環境3   衛生5   抵住4
李小龍早餐 ok喇2010-01-17
菜乾排骨粥($6.5)
不是排骨,是瘦肉,一舊骨都無,被騙了。

腸粉豆漿餐($8)
齋腸粉,除左豉油味,就咩都無。熱豆漿,甜甜地,幾好飲。

細雞肉米粉($7.5)
好清淡

麥當當中式版,一字記字,快! 
每人消費: 約11人民幣元 (早餐)
評分: 味道3   服務4   環境4   衛生4   抵食3
海濱長廊 哭臉2010-01-17
海水又污濁,又無景,望出去只是一望無際的海。不過當天有霧,白茫茫一片,即係咩都睇唔到。

這裡就好似香港維港兩岸,有專業即沖照相服務。不過這裡咩景都無,幾平都不值。

珠海有名景點........................ 
參觀時段: 早上
評分: 值得去2  
  0 個留言    |  加入你的留言