今次旅遊最主要去曼谷同芭提雅,芭提雅住4日,曼谷兩日
享盡陽光與海灘,對住個海唔洗諗野,簡直係一大樂事
每日面對住工作咁沉重既壓力,有時候都要休息吓

今次既行程係去曼谷芭提雅7日遊
Day 1 乘坐CX713 早上８：５５機由香港前往曼谷準時10:35分到達曼谷，臨去曼谷前一日已經係網上BOOK左BELL SERVICE由曼谷機場PICK UP送到芭提雅酒店，到左芭提雅BELL SERVICE既OFFICE(其實位置就係芭提雅既BUS TERMINAL個度再轉VAN接送到當地芭提雅酒店,全程個半鐘由機場到酒店Total:200bath，Day 1－２住HARD ROCK PATTAYA HOTEL,到左酒店已經４點幾，之後係酒店休息左一陣就去炳嫂度唱錢，網上ｄFANS話個RATE好ｄ喎，一場嚟到咁就要見芭提雅大名頂頂既炳嫂同炳叔啦，上次去曼谷驚污漕所以唔敢食街邊野，今次直頭豁出去，帶定哂藥，食盡所有大排檔，睇吓死唔死得

Day 2一早起身，坐兩排車泰文又稱"爽條"到PIER再轉街渡到格蘭島KOH LARN ISLAND既TAWAEN BEACH其實由HARD ROCK PATTAYA HOTEL到PIER全程只不過係20bath，可能因為我地唔識問佢價，佢就開成100 bath/person，唔知就緊係照比啦，回程既時候問返同車既泰國人先知比人左搵笨，由PATTAYA到格蘭島坐船全程大約40分鐘，到左格蘭島要再轉爽條20bath到TAWAEN BEACH，不過後嚟去到TAWAEN BEACH先發現原來係有船由PATTAYA直到TAWAEN BEACH重唔洗轉爽條添呀，又笨一次，TAWAEN BEACH真係好靚，ｄ水又清ｄ沙又細，好似可以做磨沙咁滑，海天一色，唔怪之得ｄ人咁鍾意泰國，重可以每年嚟一次啦，ｄ野食又平又好味，ＳＰＡ又正，陽光與海灘，死啦諗諗吓又想去添
中午係沙灘傍邊既食市食左個冬陰公湯同泰式炒粉，味道都ＯＫ既，之後再坐返3點船返PATTAYA，休息一陣再去CENTRAL FESTIVAL既PEPPER LUCH度食DINNER

係TAWAEN BEACH發生左一件不愉快事件,有個女人識講小小普通話突然走埋嚟幫你按摩,重同你講話唔緊要,結果同你修埋手甲跟住話收200bath,見佢都好似無咩嘢,就比佢繼續整,跟住重修埋腳甲,到佢完成左之後佢突然同你講話收600bath,按摩200bath,修手甲200bath,修腳甲200bath, Total :600bath,跟住態度突變點埋煙邊食邊話我地慢慢講,好似癩死唔走,跟住我地話淨係比200bath,佢都唔肯,後來我個friend講到話比300bath,不過我唔肯,我講係佢最先開200bath, 200bath就比,佢開頭都唔肯,後來我話我會係網上公開佢地既惡行,佢地連生意都無得做,之後佢先肯收,即時個日咩野心情都無哂 

Day 3因為今日要搬去North Pattaya 既ASIAWAN酒店所以唔洗咁早起身訓到9點幾,跟住落去酒店泳池游番轉水哂吓太陽先再慢慢check out再去食lunch.食完lunch再番酒店攞番d行李再坐爽條直去ASIAWAN,其實今日無咩行程,只係係酒店游吓水再join個LOCAL團聽日去真理寺（The Sanctuary of Truth）本來每人650bath比我講價到600bath/person

住係ASIAWAN其實一ｄ都唔方便因為地點好偏僻，重要係無爽條到既，如果唔叫包車係無車會入去既，所以佢有自己既SHUTTLE BUS由HOTEL去BIG C開出時間（10-21點每個鐘頭一班），而由BIG C返酒店只得(18:15, 19:15, 20:15, 21:15)，所有SHUTTLE BUS圴要預先預約攞TICKET．因為爽條人數有限，不過坐咁多次都未識過滿座，可能ｄ人見唔方便就叫酒店幫忙訂包車，我未試過坐包車所以唔知大約幾錢，不過本人覺得如果係嚟得渡假唔係咁趕時間既話間唔時放慢吓節奏都唔錯架

Day 4　今日join左個local團去真理寺(The Sanctuary of Truth),整棟真理寺全是由木材建造而成,寺廟四面正面的屋頂採大城府時期式的建築風格,而呢個行程既特色就係有海豚表演,表演完畢後只要付出40bath你就可以同海豚shake hand Or KISS,好平架,整個團完成左佢地會包埋車送你返酒店,返到酒店後book左shuttle bus去lex's relex做herbal massage大約兩小時,不過呢度既massage本人覺得唔太舒服只係好一般,晚餐去左BIC C 對面個間頌塞餐廳食飯,不過一D都唔好味,D蝦餅唔新鮮,重有D臭味,椰青唔甜又唔好飲,泰式炒粉好一般,哂左個QUOTA食好野添

Day 5早上食完早餐再去泳池游水就坐車出BUS TERMINAL坐12:40分大巴出返BANGKOK,到BANGKOK已經兩點幾,於是爭取時間去睸南河坐船遊覽再落台唐人街食飯同買手信,唐人街D大排檔野食真係好正好美味,我地叫左個炒粉,湯粉,同泰式沙律,比起之前係PATTAYA好食好多,食完之後再去林真香買手信,再步行到火車站塔地鐵返落SIAM去行商場,行到十點幾就返酒店休息

Day 6之前網上BOOK左一個LOCAL TOUR去Damnoen Saduak Floating Market, 早上6:30AM 到酒店PICK UP7:00AM到KAO ＳＨＡＮ　ＲＯＡＤ　ＪＯＩＮ埋其他人向Damnoen Saduak Floating Market出發，車程大約個半鐘，係間屋既前面突然停車叫我地全部人落車，原來穿過暑屋出面已經係條河，Ｄ河水重好污濁添，無幾耐有條船泊埋嚟，於是個司機叫我地上船，落船個吓唔可以咁大力，如果唔係成架船反轉都有份，好驚！！！
遊船河大約１個鐘，坐船有９９％係遊客，不停有船係你傍邊售價食品及各類精品，之後有１個鐘頭自由活動，於是我地就去左食碗湯粉同飲左個椰青，個椰青好新鮮，好味到不得了，於是再嚟多個，勁滿足！！跟住行吓行吓見到有梆子雪糕，嘩！！不知幾好味，ＶＥＲＹ　ＧＯＯＤ！！
之後個司機就車我地返去ＫＡＯ  SHAN ROAD解散.跟住再去Chatuchak Weekend Market不過個日係星期五,無咩野睇,行左一陣再返去SIAM 逛商場

Day 7 好唔捨得又要BACK TO HK啦

13日第三日行程(清境) 瑞典假期山莊

早上8點幾食早餐準備去清境,早餐都幾好食架多士自己整,不過我唔係幾鍾意台灣d牛油,d味道好怪,食完就拿拿淋坐南投客運去埔里再轉車落清境去到埔里要等成個鐘先有車去清境,所以就週圍行吓,嘩d火鍋店買d丸好多種類,街市d雞係向天瞓係到擺架,好攪笑

死啦!!突然發現成袋零食漏左係由日月潭出嚟架巴士度,於是同票務員講叫佢問吓個司機睇吓有無,如果有我地明日會由清境回來取回,希望搵得番啦因為有卉妍係日月潭買既茶葉瓜子架

巴士嚟啦,上車去清境啦,沿途沿山上路,d路好高好灣好斜,感覺都有d危險架,架巴士又舊又殘,點知佢個break有無問題架,合埋雙眼算啦

噢!!終於到國民賓館落車,成個山頭都有好多好歐洲色彩既旅館,好靚架,本來旅館主人叫我地落車之後打比佢佢地開車出嚟載我地入去,不過我地就自己睇住過地圖大約行左15分鐘到終於搵到瑞典假期山莊,好靚呀,唔知係唔係又係因為假期所以又係無咩人呢,成間旅館淨係得我地同埋另一pair情侶兩組客人,不過旅館主人話假期好full架,放下行李就去搵野食,

好鬼肚餓,清境近國民賓館有個shopping mall,不過好似無咩好食又啱食,於是我地就揀左國民賓館裡面一間中餐廳叫左一個二人套餐,有一個羊肉火鍋,泥溶豆腐,泡菜炒牛肉,唔錯好好味架,好彩無揀錯

飯後就沿山路樓梯一路行上山去青青草原進發

嘩!!唔係呀嘩,原來要行成500級樓梯先到架,行吓抖吓,我地呢d現代人好耐味試過行咁多路啦,當運動吓啦,難得有咁既機會,

終..............終於到啦,索哂氣啦,青青草原地勢高,好接近雲海,好似再行出d就好似會企係雲上面,好靚,呀食番支羊奶雪條先,eeeee.....!!!!!!!!!!!!有羊群啦,d好得意呀,嚟呢度行樓梯行得咁辛苦都係為左睇羊咩渣,園外仲有人買蜂蜜

睇完羊,沿路行番落去,食番件臭豆腐先,不過無咩特別,再去番國民賓館食晚飯,食完飯,成個天黑哂,行都行唔到番旅館,因為條路實在太黑又無街燈,於是call 旅館開車接我地返去旅館,好早番到旅館又係得一個節目就係睇電視

11日第一日(忠孝敦化,五分埔,饒河街夜市)天成飯店

我同MANDY坐KA486,而卉妍坐CX460之後再相約係TERMINAL等,一齊再坐飛狗落台北,飛狗好奇怪坐坐吓途中無端端叫你落車,之後企係個街度等轉第二架普通巴士,好彩卉妍之前有塔過,唔係就真係比佢嚇死,無端端係個街度趕人落車

到左天成飯店放低行李,即刻去台北西站買明日早上7:30分車票落日月潭,之後就塔捷運去忠孝敦化鼎泰豐食小籠包,皮簿唔錯,跟住再去度小月食擔擔麵,OK啦,,叫做食過咁話啦,無咩特別,重有去天仁茗茶買左杯野飲,行吓行吓見到NARAYA喎,走入去買左個花花袋同咭片套要嚟放八達通

食飽再去五分埔行街,好多批發不過質料款式無香港咁好,而價錢亦無香港咁平,更何況已經係日本同香港買左一大堆,所以都無咩興趣買,叫做行過就算啦

唔經唔覺已經天都黑埋,於是再問吓人再埗行去松山饒河街夜市,嚟到第一檔見到好多人排隊就係福州胡椒牛肉餅,之後再食奶油胡椒蝦,燉排骨,牛肉麵,食飽再坐火車返台北飯店休息準備

12日第二日行程(日月潭) 朝霧渡假餐飲小棧

坐早上7:30分國光客運由台北直到日月潭,竟然成架車full哂,好彩早一日買飛,如果唔係真係上唔到就慘啦,3個小時車程,中途有2個點可以休息比你去吓洗手間

去到日月潭唔埋咁多買定票9點半車票落埔里先,以免到時又full晒,之後再埗行去我地今晚住既旅館朝霧渡假餐飲小棧,好似係家庭式經營,房間唔錯仲新裝修緊,每間房露台都會對住日月潭,好relax,個view好正,不過可能係平日成間旅館得我地一班客人

我地買個package係包埋下午茶同遊船河,所以無幾耐佢地就送上下午茶,有兩壺茶,個茶好特別叫做阿莎姆紅茶,好好味架

到3pm旅館主人開車送我們到碼頭等3:30分游船河忝坐觀光碼頭號游船河,沿途仲會停係d島仔比我地行吓影吓相,其中一個島上既阿女麻香菇茶葉蛋/ 日月潭蛋(SUNＭＯＯＮ　ＬＡＫＥ EGG)仲話好出名喎你地睇吓盤水鹵水汁就知啦,呢個導遊重好鬼攪笑架!!

唔錯唔錯!!係日月潭夜晚無咩野做,唯一既娛樂就係煲台劇,仲有台灣電視台好多韓劇睇架