美食兵團
我是美食兵團。 我最喜愛到台灣,泰國,馬來西亞,最重要是去安全同政治穩定的地方旅遊 , 最鍾意遊覽自然景觀,民俗風情,公園/遊樂場/渡假區,戶外活動, 住宿通常會揀3星酒店,渡假村,合理價錢。
留言  留言給此旅遊家
  遊記數目 41
  上載相片 2732
  上載影片 0
最近分享過的旅程
美食兵團去首爾
國家/地點: 韓國
旅程日期: 2015-06-26 至 2015-07-01
吉隆坡+熱浪島優閒渡假之旅
國家/地點: 馬來西亞
旅程日期: 2014-07-23 至 2014-07-29
美食兵團去廈門
國家/地點: 中國
旅程日期: 2014-12-25 至 2014-12-28
昆明、麗江、香格里拉六天自由行(18/04/2014 - 23/04/2014)
國家/地點: 中國
旅程日期: 2014-04-18 至 2014-04-23
美食兵團去清邁+芭堤雅+曼谷10天遊
國家/地點: 泰國
旅程日期: 2013-07-12 至 2013-07-21
又再去台北
國家/地點: 台灣
旅程日期: 2013-07-02 至 2013-07-05
台灣環島15天遊
國家/地點: 台灣
旅程日期: 2012-07-20 至 2012-08-03
曼谷Shop, Spa, Eat
國家/地點: 泰國
旅程日期: 2012-06-27 至 2012-07-03
澳門3天尋玩尋食之旅
國家/地點: 中國
旅程日期: 2011-08-20 至 2011-08-22
海南三亞豪嘆hea
國家/地點: 中國
旅程日期: 2011-08-13 至 2011-08-16
共找到 41 篇遊記, 正顯示第 1 至 10 篇遊記
美食兵團去首爾 (韓國)
(旅程日期: 2015-06-26 至 2015-07-01 ,  旅程性質: 飲食購物, 消閒度假)
 整個旅程  (共1篇遊記)
 分享至Facebook 
發表日期: 2017-06-21
原本開心預備重遊首爾, 誰知出發前一個月, 韓國爆發 "中東呼吸綜合症" , 令到人心惶惶, 家人非常反對出發, 而我所選的航空公司 - 香港快運, 真係比佢 "激"到呢 ........   最後我咃一家三口瞞住家人及朋友, 如期出發, 竟然有意外的收穫喎!

講回這次旅程在安排上最令我困擾的, 就係香港快運嘅 " 好心做壞事"。在處理突發嘅  "中東呼吸綜合症" 手法上, 在網上已令大眾髮指, 就以我作例, 約出發前一個月, 佢宣佈因疫症而允許改機票而不用收附加費, 但要補回所選的目的地機票差價, 這亦屬合理, 佢好似為大眾著想, 但原來係越攪越亂同令客人勞氣。 既然宣佈可改機票, 係咪應該要配合大量客人嘅查詢及更改事宜來電, 但原來該公司係未準備好就宣佈, 在宣佈後我已第一時間致電查詢, 當然要先聽3小時以上嘅音樂至搭通熱線啦! 而熱線以官腔的口吻答覆係話唔係由呢條主要熱線處理這次所有韓國機票更改, 現在只會為客人留下訊息, 要等公司再宣佈用什麼方法才可進行更改, 總之其有關同事會直接揾已留訊息的客人云云;  終於三日後, 出了另條一熱線處理, 當然馬上致電做更改, 但聽了3個多小時的音樂, 終於接了我的來電, 但回覆係未能馬上更改到機票, 會跟留下的客人訊息排隊處理, 還叫我放心, 公司一定會致電留了訊息的客人.......

不過當時改機票的差價已跟幾日的價位有好大分別, 如轉去台中, 在宣佈可改機票的第一天, 由原本補差價嘅港幣2000元有找(三張機票), 至我三日後打通熱線問而升至差唔多6000元, 再加埋我本身買了的機票價6900元, 去台中淨機票要成12,000元成本了, 我比得呢個價, 我不如坐國泰去啦, 如轉去日本仲離譜, 由最初的補差價3XXX元(以名古屋線計), 升至要補15,XXXX元, 真係有搵笨及"肉除針板上"嘅感覺囉。

過了幾日, 香港快運嘅客戶服務依然冇打比我!  咁係咪講一套做一套, 真係令客人好困擾同浪費時間, 最後我亦已被高昂的差價嚇親了, 所以選擇唔改啦! 諗住照原定日期出發, 誰知到出發前一星期, 香港快運就發了一個電郵嚟話我當日出發的航班已取消, 當時佢哋由每日兩班機改為每星期只得三班機, 今次可全套機票取消而不收取費用, 但另一半及港童仍然非常想去首爾, 所以選擇先全套機票取消, 然後再重新買機票出發, 這令我哋慳番$2083, 就咁令我哋在首爾享受到一個輕鬆美食之旅。
天羅地網 哭臉2017-06-21
弘大機鐵/地鐵站, 兩旁有自動電梯及升降機, 上落地面亦有自動電梯
弘大機鐵/地鐵站, 兩旁有自動電梯及升降機, 上落地面亦有自動電梯
安國站, 可能地鐵站較舊, 多個出口上落地面都冇自動電梯
安國站, 可能地鐵站較舊, 多個出口上落地面都冇自動電梯


仁川機場一出海關, 馬上去閘口旁的便利店買張T-money, KRW10000一張, 包含咭費KRW3000及KRW7000餘額。

T-money相等於香港的八達通咭, 方便搭地鐵, 巴士及購物, 用它乘地鐵及巴士仲有些少優惠添!

在仁川機場出首爾, 可乘機場巴士或機場鐵路, 巴士可在出境大堂外的巴士站乘搭, 不過先選定下車地點的巴士路線才好, 而機場巴士又分優等和一般兩種,優等機場巴士座椅較一般寬敞。但要注意市中心地點,有多台車同時行經之可能,這時可以自由選擇要搭乘優等或者一般巴士。 而費用大致如下:

優等: 仁川->金浦機場6,500韓元 ; 蘆原,倉洞13,000韓元,其餘首爾各地皆為14,000韓元。
一般: 仁川->金浦機場5,000韓元 ; 首爾各地8,000~9,000韓元。 

雖然搭巴士較方便, 點對點落車不須拎住行李走上走落, 不過我就較推薦乘仁川至首爾的機鐵,  好處係唔怕塞車同慳時間, 而且價錢比乘巴士平差唔多一半, 唯一唔好係要拖行李上落站, 但大致上機鐵站都有自動電梯及升降機設備(注意其他較舊的地鐵站就冇自動電梯或升降機), 當然要不用再轉乘其他地鐵為首選,  及要衡量所住酒店位置如何而決家搭機鐵或巴士呢!

而機鐵亦分兩種, 第一種名為是直達列車, 由仁川直達首爾站, 當中完全冇途經站停, 車廂較豪華及有free wifi, 票價為8000韓元/位; 第二種係一般列車, 由仁川機場出發, 經9個站, 第10個就係終站首爾站, 車程約1小時多些, 與首爾一般地鐵車廂冇異, 但票價就係4150韓元, 如為遷就乘搭機鐵, 就要在機鐵站附近搵住宿, 較多選擇為弘大站, 西江大站 (近新村站) 及首爾站。

首爾地鐵站的路線繁多, 就以明洞為例, 可在綠色線的乙支路站或藍線的明洞站下車, 一個地方有兩條線嘅站, 有D 站仲會重疊在同一地區, 所以要注意出入口地點是否係自己要去嘅地方, 因為有D出口行錯或出錯閘, 係返唔到轉頭的, 我哋亦在弘大站及鍾路站啪錯咭出錯閘而要兜大圈走或再啪多次咭(即比多次錢)而出到所須上落地面出口, 雖然話可以找地鐵職員開閘給乘客, 但很難找地鐵職員, 要按對講機對話, 真係雞同鴨講, 唔想煩咪再 "嘟" 咭囉。

首爾地鐵月台或售票處嘅冷氣只在標準溫度或以上, 特別在月台處, 完全感覺唔到冷氣, 車廂就OK, 好過日本大阪的地鐵同電鐵的弱冷氣, 所以夏天乘地鐵都唔係好似香港咁涼爽。
推介項目: 機場鐵路
參觀時段: 全日
評分: 值得去4  
三人房內的其中兩張單人床
三人房內的其中兩張單人床
另一單人床
另一單人床
寬大的浴室
寬大的浴室
三人房內有一露台, 可作曬衣
三人房內有一露台, 可作曬衣
地下的用餐區, 以綠色小貸車作點綴
地下的用餐區, 以綠色小貸車作點綴
小貨車旁是廚房
小貨車旁是廚房
由弘大地鐵站3號出口一直走, 轉入Yeonnam-dong, 見此街口轉入, 向右望見第一個小巷子, 就係This is Guesthouse
由弘大地鐵站3號出口一直走, 轉入Yeonnam-dong, 見此街口轉入, 向右望見第一個小巷子, 就係This is Guesthouse


由於我哋係搭機鐵到首爾, 所以揀住宿, 都係以機鐵沿線站點為首選, 以首爾站, 西江大站及弘大站為主打搜尋, 最後選定了弘大站一帶, 在出發前一個月就算定了呢間 This is Guesthouse。

This is Guesthouse  距離地鐵3號出口約10分鐘步行路程, 位處住宅小區內, 亦算寧靜, 只是民宿冇招牌, 所以到前要查定Google Map,  搵定條路點樣走。在3號出口走出, 一路直走, 沿途會見到有一路軌小公園及一片小草地,  兩旁是行車小路, 行至第4個車行街口及見到一間叫Yoger Presso 的餐廳, 就轉左走至交通燈位過對面馬路, 然後繼續向前走(不要向左或右走), 會經過一個叫東橋兒童公園及對面有一警局, 那就走對了, 由此再走3個街口, 就係延南路3街(Yeonnam-ro3-gil)街口了(見照片) 轉入及見到右面第一個小巷口的盡頭就係This is Guesthouse了, 如在街口有招牌指示就易見好多。如怕找不到, 可先約民宿主人Mr. Lee在地鐵站3號出口等都可以。

由於中東呼吸綜合症, 當日入住只有我哋一家三口同一對新加坡女孩子, 所以更覺寧靜, 但對主人Mr. Lee 就係好大嘅損失, 不過佢都算樂觀面對整個退房潮, 佢仲奇怪問我為何仲嚟首爾, 我梗係答佢支持首爾旅遊業啦!  

Mr. Lee 是一位約三十多歲的肥先生, 能操流利英語, 好幫忙, 整間三層民宿都係由佢親自參與裝修, 當時佢間民宿有D地方仲未完成修理, 佢一個人自己做, 好投入囉! 而執房佢就聘請咗位泰藉姐姐幫手, 泰藉姐姐年約三十歲, 樣貌不錯, 佢同我講都係嚟咗首爾一個月, 要適應一下, 特別係同韓國人溝通。

整間民宿是3層高的小房子, Mr. Lee 會比密碼兩個給客人, 一個是由外面入屋, 另一個是由屋內大廳上樓, 入房就用拍咭入。房子係冇升降機的, 所以要拿行李自行上房。我哋住2樓的三人房, 所以唔覺上落樓梯太辛苦。

房間以藍色為主調, 房內有三張單人床, 有小雪櫃, 鞋架及一個三層架, 冇椅及枱放嘢, 亦冇電視嘈吓, 所以整間房好簡單, 房內浴室算寬敞, 只係冇提供沐浴露及洗頭護髲設備, 所以去了弘大的Diaso買, 都係6000韓元三支(每支有100ML) , 而椅子就喺隔離的五人房攞嚟用住先,  床, 枕及被都唔錯, 乾淨企理價錢抵, 每晚的三人房都只是港幣461連稅, Agoda訂, 好抵住。

晚上此處靜中帶旺, 有不少餐廳在此, 所以完全不愁食方面, 中西韓日菜式都有, 樣樣都想試, 但都唔夠時間, 附近亦有便利店及一間Homeplus 小超市, 好方便。 

好可惜, 呢間民宿在2016年結業了。
每晚價錢: 461港元 (三人房)
評分: 設備4   服務4   環境4   衛生4   抵住4
套餐含的凍湯, 湯底已結冰, 唔辣, 味不濃
套餐含的凍湯, 湯底已結冰, 唔辣, 味不濃
鹵豬手, 唔辣, 超好味
鹵豬手, 唔辣, 超好味
呢個沙律真令人一試難忘
呢個沙律真令人一試難忘
呢個套餐含鹵豬手, 沙律, 涷湯及配菜, 足夠我哋一家三口享用
呢個套餐含鹵豬手, 沙律, 涷湯及配菜, 足夠我哋一家三口享用


check in 完民宿, 馬上出外發掘弘大區的美食, 當時係傍晚5點左右, 在弘大當旺的和諧廣場走走, 和諧廣場大多是食肆店舖居多, 已是放工時間, 所以食肆開始人多等位, 走了一個圈, 見咁多放工一族特別係OL在等位, 我哋都等埋一份啦.......

Myth Jakbol 原來在首爾是人氣食店, 後來在TVB"街坊廚神" 韓國篇都有介紹。此店主食推介係鹵豬手, 非常啱華人口味, 特別係鹵豬手的汁料, 同我哋華人做嘅味道十分相似。

我哋叫了一個適合3人享用嘅原味豬蹄套餐, 包含有凍湯一鍋, 原味豬蹄, 醋汁沙律及3款醃菜, 29000韓圓。

先講原味豬手, 原隻薄切片上碟, 唔辣, 汁料不但似華人的鹵水汁, 而且味道做得好好, 肥瘦均勻, 整片豬蹄入口即感受到肥肉爽瘦肉入味, 一點肥膩感都冇, 真係正到爆;

雜菜沙律, 用一個長碟端出, 好有份量, 內裡另有生洋蔥及小蕃茄, 最驚喜係佢嘅醋汁, 簡直係整個沙律嘅靈魂, 我到現在仍然回味無窮;

凍湯, 起初不知中間啡色一團是什麼, 以為是材料之一, 點知用湯匙一撥,  才發現呢團嘢是結了冰的湯底, 其實湯的味道清淡, 全冇肉味, 材料有青瓜, 大豆芽, 白蘿蔔等蔬菜, 不過最好係完全唔辣, 這可沖淡豬蹄的濃味及消暑之用, 據知冬天就會改為熱湯+白麵條上。

整體係我在首爾所食的韓菜中最難忘的一餐, 無論味道, 價錢及份量都係100分 。推薦呀!
推介菜式: Myth原味猪蹄套餐
每人消費: 約9667韓圓 (晚餐)
評分: 味道5   服務4   環境5   衛生5   抵食2
芒果雪糕沙冰大大碗, 完全足夠二至三人分享, 13000韓元
芒果雪糕沙冰大大碗, 完全足夠二至三人分享, 13000韓元


食完豬手, 沿住弘大東橋洞慢走, 在Diaso 買完個人護理用品後, 見對面有一間叫Mango Six的Cafe', 樓下Banner上的甜品相都係以芒果為主, 愛芒的另一半同港童見到就已馬上跑上Cafe' 即試。

可能已是9點半後, Cafe'人流不多, 在室外的坐位較多人坐, 可能可吸煙掛, 另一半同港童馬上出去收銀處點了一客芒果雪糕沙冰, 承惠13000韓圓; 嘩!  折實成"舊水"港幣食一個甜品, 咁貴嘅, 點知送到過嚟, 成個湯碗都裝滿, 雖然唔係大湯碗, 但用香港酒樓食飯碗盛起, 都可分到4碗, 份量都算係值番; 至於味道方面, 芒果雖然算多, 可惜係一個酸芒果, 唔夠甜, 好彩係個雲喱那雪糕縱和番個酸芒果, 加上沙冰內加了奶昔, 都算唔錯, 其實酸芒果都可幫助消化呢!
 
每人消費: 約13000韓圓
評分: 味道5   服務4   環境4   衛生4   抵食3
瘋狂購物 笑臉2017-06-21
明洞主街很多小販攤檔
明洞主街很多小販攤檔
有衣屐鞋襪包包外, 仲有小食攤檔
有衣屐鞋襪包包外, 仲有小食攤檔
好多韓國連鎖店都可以找到
好多韓國連鎖店都可以找到
6月尾通常都係減價至7折左右
6月尾通常都係減價至7折左右


6月27日第一個行程, 就係嚟明洞shopping, 最開心嘅係港童, 樣樣都啱買, 最後連上首爾塔同4D藝術館都reject 埋添, 可想而知明洞幾咁吸引年青人啦!

明洞係集中了韓國各大品牌化妝品店, 潮流服飾, 百貸店及免稅店集中地, 高中低檔次貨品都有交易, 而連鎖食店及特式食店都有分店, 而且小販攤檔亦集中在步行街的中央位置, 有食有賣, 有平有貴, 鍾意shopping 同掃街嘅當然在此忙個不停啦!

PS : 由於6及7月不是韓國士多啤梨嘅季節, 去了多個熱門連鎖食店都吃不到, 但在明洞小販檔竟然比我搵到士多啤梨糯米糍, 雖然貴了點, 要成3000韓圓一粒, 但實在可一解想食士多啤梨的渴望, 而且味道相當不錯, 好甜呢!
參觀時段: 下午
評分: 值得去5  
充滿芝味 笑臉2017-06-21
芝士溶緊嘅時候, 係令人非常期待呢!
芝士溶緊嘅時候, 係令人非常期待呢!
食完燒排骨, 最好留番些少芝士嚟做炒飯
食完燒排骨, 最好留番些少芝士嚟做炒飯
捲了芝士的燒排骨好正啊!
捲了芝士的燒排骨好正啊!
明洞店比較難找係在樓上舖, 好彩有招牌
明洞店比較難找係在樓上舖, 好彩有招牌
餐牌
餐牌


上午11點半嚟到明洞, 連早餐都未食, 在中央街行咗個圈, 見到詹姆士芝士排骨個招牌, 馬上走上去食晏喇!

我哋叫了一份輕量芝士排骨(14000 韓圓) 同一份中量芝士排骨 (16000韓圓),  再加一份炒飯 (1000韓圓), 同三罐桃汁(2500韓圓/罐), 合共承惠38500 韓圓。

一鍋滿佈芝士上鋪了約6件排骨, 唔算好大份, 初時想起其他韓國食肆份量, 詹姆士就算小份量了, 叫咗兩份就只得6件排骨, 望落好似唔係好夠食, 後來加了炒飯, 就差唔多了, 可能芝士較飽肚吧!(如喜歡食肉, 真係要叫每人一份嘅量了) 燒排骨 + 芝士捲埋一齊, 果然配搭我好好, 芝士係整鍋嘅主角, 令燒排骨更好味同更膩, 所以不能經常食呢! 完全有犯罪感呀!

炒飯有兩種選擇 :  魚子炒飯 或 白飯加紫菜, 我哋選了後者, 留番些少芝士, 加隻蛋就可炒出完美的炒飯, 個肚好滿足了。

PS : 詹姆士芝士脊骨 其實有好多分店, 在弘大已有兩間, 新村, 東大門, 梨大及惠化都有分店, 去開邊處, 咪喺嗰處食囉!
每人消費: 約12833韓圓 (午餐)
評分: 味道5   服務4   環境4   衛生4   抵食3
美味烤肉 笑臉2017-06-21
王妃家明洞3號店
王妃家明洞3號店
專人用炭烤給客人享用
專人用炭烤給客人享用
牛脊里150g, 34000韓元
牛脊里150g, 34000韓元
醬牛排150g, 33000韓元
醬牛排150g, 33000韓元
牛肉拼盤 150g, 32000韓元
牛肉拼盤 150g, 32000韓元
正在燒牛背肉
正在燒牛背肉
2015年的餐牌
2015年的餐牌
好好味的紫米飯
好好味的紫米飯


行咗成日, 買到冇哂現金, 順便去埋中國大使館旁的大使館找換店唱埋錢, 就沿住大使館條路行落去, 去到今晚食晚飯的餐廳 - 王妃家。

王妃家主要是食韓式定食, 有韓牛, 豚肉及醬蟹等, 今晚我哋主要食韓牛。

王妃家在明洞有三家分店, 街頭街尾街中間都有, 佢都係以做遊客生意多, 雖然疫症令首爾遊客大減9成, 佢亦深受影响, 當晚佢哋都有幾枱客人, 但就冇本哋客喎, 唔知係咪因為遊客價呢?

我哋今晚就食咗整個首爾旅程最貴嘅一餐, 有專人燒埋 :

1) 牛脊肉 150g 34000韓圓, 此韓牛肥紋分佈均勻, 上桌時侍應話此牛肉不會預先醃製, 佢烤好後, 可以海鹽或醬汁點食, 牛味會更突出, 果然冇錯, 不肥不膩, 烤得好均勻, 好食!

2) 醬牛排 150g 33000韓圓, 呢款係侍應推介給我哋嘅, 佢話呢款較多港人點選, 好啱我哋口味, 烤後牛味都唔錯, 醬料果然係容易接受嘅味道, 雖然此牛係預先醃製, 但侍應話絕對係新鮮韓牛, 食後真係喎, 好得!

3) 牛肉併盤 150g 32000韓, 係韓牛大雜會, 侍應講咗包含咗牛嘅幾個部位, 但已忘記了, 總之一句講哂, 好味!

其實每份牛都只是150g, 雖然有青菜包裹韓牛食, 但都係唔夠飽麻, 所以就叫了三碗紫米飯(佢哋就冇白飯供應),  食完都未有7成飽, 咁都好嘅, 咁就可以比籍口食多一餐。







推介菜式: 牛脊肉
每人消費: 約29700韓圓 (晚餐)
評分: 味道5   服務5   環境5   衛生5   抵食3
好藝術呀! 笑臉2017-06-21
Cafe' 外型好搶眼
Cafe' 外型好搶眼
售及取食物處
售及取食物處
蛋糕選擇
蛋糕選擇
黑板餐牌
黑板餐牌
蕃茄芝士蛋糕 6800 韓圓及西柚芝士蛋糕 5800韓圓
蕃茄芝士蛋糕 6800 韓圓及西柚芝士蛋糕 5800韓圓
Tiramisu 6500韓圓, 味道麻麻
Tiramisu 6500韓圓, 味道麻麻
餐廳坐位低密度, 方便客人傾計, 而且樓底高, 唔太嘈
餐廳坐位低密度, 方便客人傾計, 而且樓底高, 唔太嘈
Cafe'內有好多書給客人閱讀
Cafe'內有好多書給客人閱讀


食完韓牛, 便乘地鐵回弘大返民宿, 在3號出口走出回民宿途中, 有好多食肆, Cafe', 西餐廳及韓式餐廳, 好多都好吸引, 由於食韓牛唔係太飽, 港童已嚷著要食宵夜, 後來經過呢間Cafe' Bonjur, 就入去睇吓有咩蛋糕麵包, 可能真係比較晏, 好多麵包都賣哂, 好彩仲有幾款Cake, 我哋就買了以下3款蛋糕做甜品:

1) 西柚芝士蛋糕 5800韓圓, 係三個蛋糕中最好味嘅, 估唔到西柚同芝士Cake 都可以咁夾, 比食檸檬芝士Cake更好, 唔太酸, 中和咗芝士嘅膩, 而西柚又係我至愛嘅生果, 好like呀!

2) 蕃茄芝士蛋糕 6800韓圓, 係三個蛋糕中最貴嘅, 又估唔到蕃茄可以用嚟造芝士Cake, 蛋糕內亦有蕃茄味道, 其實呢個蛋糕味道唔錯, 但我就較鍾情西柚芝士Cake;

3)  Tiramisu 6500韓圓, 係三個蛋糕中最差嘅, 可能放在雪櫃太耐, 唔係太新鮮, 只食到酒味, 整個Cake嘅外形塌咗, 好唔得!

由於已過9點, 所以未有試咖啡, Cafe' Bonjur 室內佈置簡潔舒適, 仲有圖書角給客人挑選圖書閱讀, 而室外亦甚有藝術氣色, 一座兩層的房子改成Cafe', 無論地下, 1樓及天台都有精緻嘅藝術品裝飾整個Cafe', 店主實很有心思又落本, 在此優雅嘅Cafe'品嚐食物, 簡直係一種享受呢!
推介菜式: 西柚芝士蛋糕
每人消費: 約6500韓圓 (宵夜)
評分: 味道4   服務4   環境5   衛生4   抵食3
身心舒暢 笑臉2017-06-21
延南洞文青公園
延南洞文青公園
有噴水池, 又有小草地
有噴水池, 又有小草地
公園兩旁都有好多Cafe'及餐廳, 特別呢間Cafe' Bonjur
公園兩旁都有好多Cafe'及餐廳, 特別呢間Cafe' Bonjur
公園另一邊的Cafe'
公園另一邊的Cafe'


28-06-2015 中午出發, 當日陽光普照, 走出延南路, 慢慢欣賞延南洞文青公園。

由民宿行去公園, 首先會見到中央位置是一組噴水池, 連綿兩條街, 水池邊是小石路和青蔥的樹苗, 可讓行人悠閒散步, 再向地鐵方向走去, 一列小草地有假路軌作點綴(我覺得以前係真路軌), 好有書卷氣息, 果然朝早有年青人坐在公園兩旁的Cafe' 又或在樹下看書, 而每晚亦見好多年青人坐在草地上拿著啤酒邊飲邊傾計,  可能正值夏天, 晚上亦有涼風陣陣, 佢哋都甚為享受在公園的休哉悠哉, 嚟到弘大此區, 都覺回復以前的 "青蔥歲月"
 
參觀時段: 早上
評分: 值得去5  
發現新大陸 笑臉2017-06-21
Lemonade 及橙汁 4000韓圓
Lemonade 及橙汁 4000韓圓
Seafood Cream Spaghetti 13000韓圓
Seafood Cream Spaghetti 13000韓圓
Handmade Hamburger Pan Steak  13000韓圓
Handmade Hamburger Pan Steak 13000韓圓
餐廳水吧位置, 老闆+侍應+大廚共三人
餐廳水吧位置, 老闆+侍應+大廚共三人
餐廳不大, 約10張2人枱
餐廳不大, 約10張2人枱
餐廳在2樓, 樓下係酒吧, 但當日中午有得食Sunday Brunch Buffet 7900韓圓
餐廳在2樓, 樓下係酒吧, 但當日中午有得食Sunday Brunch Buffet 7900韓圓
此小巷一直走出去就係地鐵3號出口
此小巷一直走出去就係地鐵3號出口
星期日冇得食Set Lunch, 只可食Special Plate
星期日冇得食Set Lunch, 只可食Special Plate


慢遊完延南洞文青公園,已經是12點幾,係時候搵食喇!

今次就去公園另一邊嘅小巷探吓路,見了有幾間西餐廳在此,點指兵兵,就揀咗小屋第二層嗰間,枱不多,2人枱約10張左右,老闆係識講英文,真好!可以溝通吓。 

老板約50多歲的紳士, 好nice, 佢經常去中國, 特別係上海同廈門係常去嘅城市, 仲講好鍾意食中國餐, 佢介紹我咃食如下 :

1) Seafood Cream Spaghetti, 13000韓圓, 非常值, 佢哋嘅海鮮唔係急凍海鮮如魷魚, 青口或小蝦等已失去鮮味嘅所謂海鮮, 而係新鮮蟹肉同蝦, 好豪華呀!個忌廉汁煮得好好味, 而且份量都好多, 仲有多兩片法包添!

2) Handmade Hamburger Pan Steak 13000韓圓, 漢堡牛肉係用韓牛造的, 煎後牛肉好香, 調味相當好, 我哋選唔辣, 加埋沙律菜同白飯, 好大碟呢!

3) 飲品係檸檬汁及橙汁, 各4000韓圓, 兩者都好似果汁先生那種, 雖然唔係好抵, 但我哋只叫了兩個主菜三人享用, 唔叫飲品好似唔係咁好, 不過好大杯, 我哋都飲唔哂!

總括而言, 海鮮忌廉意粉好有驚喜, 除好多蟹肉外, 忌廉汁調得好, 整個餐廳氣氛舒適和諧, 老板同侍應待人親切有禮, 如再去首爾, 一定會再到。

 
每人消費: 約12000韓圓 (午餐)
評分: 味道5   服務5   環境5   衛生4   抵食4
由安國站2號出口影出嚟的大街
由安國站2號出口影出嚟的大街
安國站2號出口沿路直上的大街, 有零星的禮品店
安國站2號出口沿路直上的大街, 有零星的禮品店
慢行了10分鍾, 終於到了北村韓屋起點, 韓屋外的一排牆畫
慢行了10分鍾, 終於到了北村韓屋起點, 韓屋外的一排牆畫
韓屋外的小花園
韓屋外的小花園
韓屋仍有人住
韓屋仍有人住
沿路都有一些DIY飾品店, 呢間就賣舊玩具
沿路都有一些DIY飾品店, 呢間就賣舊玩具
禮品店
禮品店
DIY 手作店
DIY 手作店


選了先由安國站2號出口向前直上, 打算行一個半圓, 然後在附近吃午飯後, 再行入三清洞走埋另一邊的韓屋區, 就走番安國站行去仁寺洞。

由安國站2號出口直上, 沿路經過市政府的裁判所, 零星的工藝品店, 較多的是租借韓服店, 港童已嚷著要試, 後來食完晏, 挑了一間韓服店比佢一嘗心願, 就係咁冇時間行埋三清洞那邊的韓屋。

由於韓國一向深受中國文化影響,  佢哋好多傳統嘅文化亦同中國相同, 如中國節日, 飲食習慣, 醫學, 建築等等都同中國文化有著關係, 而韓屋的建築風格跟我哋中國的簡直如出一轍。

在韓屋區不單只看韓屋建築群, 亦有較多飾品店, DIY手作店, 如皮革店, 自製併布等特色小店, 當然亦有好多小型Cafe'及果汁店等, 所以唔係只斋睇歷史建築, 仲可以走入租韓服店租番套韓服, 以韓屋作背景自拍靚相留念, 以我所租那間嘅租金, 租出外約兩小時, 約30000韓圓, 只租在店裡影樓拍照就約20000韓圓, 以上是不包梳頭及化妝, 要另加錢的。


 
參觀時段: 下午
評分: 值得去5  
人參雞湯 笑臉2017-06-21
一進餐廳, 門口就貼滿名人明星的光臨相片及簽名
一進餐廳, 門口就貼滿名人明星的光臨相片及簽名
餐牌
餐牌
有手信賣呢!
有手信賣呢!
人參雞湯其實都幾大碗的
人參雞湯其實都幾大碗的
黑蒜人參雞, 15000韓圜, 湯底較濃及深色, 黑蒜只得3顆
黑蒜人參雞, 15000韓圜, 湯底較濃及深色, 黑蒜只得3顆
普通人參雞湯, 13000韓圜, 湯底較清
普通人參雞湯, 13000韓圜, 湯底較清
室外用餐區, 好雅緻的環境
室外用餐區, 好雅緻的環境
北村百年土種雞湯門面, "突眼雞"卡通造形有突出呀!
北村百年土種雞湯門面, "突眼雞"卡通造形有突出呀!


由Bukchon-ro 的北村韓屋慢走至三清洞入口, 不經不覺已是三點, 另一半話好肚餓, 冇力行了, 就在附近見到北村百年人蔘雞的logo - 突眼雞, 我哋決定就在此午餐。

原本計劃在遊覽北村後品嚐人蔘雞, 已鎖定兩間 : 1) 北村百年人蔘雞湯 2) 土俗村人蔘雞湯, 由於後者未有到達, 而前者就在景福宮附近, 同我哋有一段距離, 所以取了近者。

北村百年位於安國站2號出口附近, 擁有清幽的室內外環境用餐區,  室外被一片青蔥植物包圍, 環境很好, 可惜夏天有蚊, 而且6月尾的首爾下午亦有30度氣溫, 所以梗係留在室內用餐啦!

我叫了一個普通人參雞湯及黑蒜人參雞湯, 當然有2份泡菜及蘿蔔, 普通人參雞湯味道清甜, 小雞內依舊有糯米紅棗, 而人參雖然不是名貴種, 但亦甘甜非常,雞雖不肥膩, 但雞味欠奉; 黑蒜人參雞湯內有4粒黑蒜, 湯味則比普通的較濃, 黑蒜連雞湯一起烹調的, 所以湯有黑蒜的甜味, 人參味就被削弱了, 不過論人參味就以普通的較好, 黑蒜湯底反而一般而已。

其實韓國食肆好守原則, 每人最好叫一份餐, 但由於我哋一路行就一路食, 個肚實在都經常半飽, 所以至叫兩份餐免浪費, 再加每人一杯飲品, 令有原則嘅韓國人都認為每人都有幫襯麻。
 
推介菜式: 黑蒜人蔘雞湯
每人消費: 約9000韓圓 (午餐)
評分: 味道4   服務4   環境4   衛生4   抵食4
工藝品小區 笑臉2017-06-21
森吉街(Ssamzigil) - 人人廣場
森吉街(Ssamzigil) - 人人廣場
森吉街內有很多不同的工藝品店及紀念品店
森吉街內有很多不同的工藝品店及紀念品店
森吉街由地下至上共五層, 每層都有特色飾品舖
森吉街由地下至上共五層, 每層都有特色飾品舖
森吉街第四層有文具店及Cafe'
森吉街第四層有文具店及Cafe'
仁寺洞的食店都以韓式為主
仁寺洞的食店都以韓式為主
仁寺路旁
仁寺路旁
出名的韓文招牌星巴克
出名的韓文招牌星巴克
森吉街頂層
森吉街頂層


影完韓服照, 慢慢行落仁寺洞, 走至地標建築 - 森吉街(Ssamzigil), 此處就係仁寺洞的中心點, 整條仁寺洞路都係步行街。

仁寺洞的店舖主要售賣工藝品或記念品為主, 租韓服的小店亦不少, 感覺文化氣息較濃厚, 食店亦以韓式為主打, 如想買紀念品, 可在仁寺洞尋寶, 特別係在森吉街(人人廣場),  裡面的小店售賣很多特色文具, 飾品及工藝品, 價錢有平有貴, 唔幫襯都要上去window shopping一下, 包你大開眼界呢!
參觀時段: 下午
評分: 值得去4  
韓式糕餅店門口
韓式糕餅店門口
韓式糕餅種類很多
韓式糕餅種類很多
有些包裝精美
有些包裝精美
糕餅禮盒裝
糕餅禮盒裝


沿仁寺洞路漫走, 除了有較多工藝品店及精品店外, 當然亦有一系列韓國化妝品牌店駐守, 在這群商店對面, 有一間韓式糕餅店, 名字是韓文的, 相片1有韓文招牌。

糕餅店內的小糕餅賣相十分似日式的草餅, 外形很討好, 其實味道都很似, 餅餡有紅豆, 豆沙及綠豆蓉, 甜度亦可接受, 我哋買了幾款, 有些雪凍了, 味道仲好, 但保鮮期有限, 所以未能買來作手信, 此店除了賣糕餅, 亦有賣甜品, 可以坐低食架。
每人消費: 約1000韓圓 (下午茶)
評分: 味道4   服務5   環境5   衛生5   抵食4
地道辣火鍋 笑臉2017-06-21
火鍋好大盤, 以蔬菜較多
火鍋好大盤, 以蔬菜較多
豚肉魷魚鍋, 好辣呀!
豚肉魷魚鍋, 好辣呀!
叫了個鴛鴦蛋餅, 最好係唔辣呀!
叫了個鴛鴦蛋餅, 最好係唔辣呀!


由於在鍾路地鐵站內行錯方向, 攪到差唔多9點至返到弘大, 在弘大站3號出口直行至大路口, 見到間宵夜火鍋店充滿人氣, 年青人又多, 招牌是寫韓文, 應是食韓式地道火鍋。

餐牌有中文, 亦有相片, 讓外國人容易點餐,  我哋點了一客豚肉+鮮魷魚火鍋及一客鴛鴦蛋餅, 由於唔記我得叫走 "辣" , 整鍋都是 "紅"色湯底, 馬上問可否換少辣, 侍應亦知我哋係遊客, 有禮告之已順應情況幫我哋少"辣" 了, 可惜另一半依然頂唔順而辣到"飛"起, 狂飲三大支茶, 我同港童尚算頂得住; 事實上, 個辣鍋材料相當豐富份量又多, 除了豚肉和魷魚外, 蔬菜如椰菜, 紹菜及洋蔥特別多, 而由於店員見我哋"辣到飛起", 免費給我哋三碟芽菜解辣, 真周到呢!

至於鴛鴦蛋餅, 雖然很普通, 但蛋味豐富, 又可給我哋解辣, 當然欣賞呢!
 
每人消費: 約13000韓圓 (晚餐)
評分: 味道4   服務4   環境4   衛生4   抵食4
餐廳內
餐廳內
餐牌 1
餐牌 1
餐牌2
餐牌2
飲品餐牌
飲品餐牌
Recotta Cheese Salad - Ciabatta Bread  11500韓圓
Recotta Cheese Salad - Ciabatta Bread 11500韓圓
朱古力Latte  4500韓圓
朱古力Latte 4500韓圓
Strawberry Yogurt  5500韓圓
Strawberry Yogurt 5500韓圓
Rye Bread Bulgogi Sandwich + Saland 9000韓圓
Rye Bread Bulgogi Sandwich + Saland 9000韓圓


29-06-2015, 今日算早出門口, 11:30AM, 由民宿出去轉右方向走, 周圍遊蕩, 經過此間Cafe', 見裡面都坐了四五枱客人, 於是就選此間作早午餐解決之所。

朱古力Latte 4500韓圜, 起初飲時味道剛好, 但飲到尾段就好甜了;

士多啤梨乳酪 5500韓圜, 終於叫到有士多啤梨的飲品, 酸"May May"的, 好好味;

Recotta Cheese Salad + Ciabatta Bread, 11500韓圓, 主角當然是Ciabatta Bread (一種意大利麵包的名稱)及Recotta Cheese, 芝士包住沙律菜及已加沙律醬的薯仔, 加埋提子乾, 麵包鬆軟煙靭, 唔錯;

Rye Bread Bulgogi Sandwich + Salad 9000韓圓, 韓式烤肉唔辣加埋沙律菜同薯仔, 連同麥包一齊食, 都算飽肚;

總括來說,  I'am a Bruch Cafe' 感覺良好, 環境既warm, 飲品同三文治沙律又做得唔錯, 值得推薦。

每人消費: 約9500韓圓 (早餐)
評分: 味道5   服務5   環境5   衛生5   抵食3
兩位女士正在造糯米糕, 好似中式茶果和糯米糍
兩位女士正在造糯米糕, 好似中式茶果和糯米糍
市場有不少賣醃蟹
市場有不少賣醃蟹
韓式囍慶食品
韓式囍慶食品
乾糧雜貨
乾糧雜貨
好多種類的生果
好多種類的生果
熟食攤檔
熟食攤檔
熟食區,  由於當時正是中午時分, 烈日當空, 很熱, 簡直冇胃口掃街
熟食區, 由於當時正是中午時分, 烈日當空, 很熱, 簡直冇胃口掃街
呢檔嘅魚條非常好食, 彈牙非常
呢檔嘅魚條非常好食, 彈牙非常


食完個完美嘅Brunch, 就行出去弘大的Yangtwa-ro大街乘巴士603號去廣藏市場, 巴士上有韓, 英及中文廣播提醒乘客下車, 所以下車不成問題。

廣藏市場咁出名, 真係要拜韓國節目 - Running Man所賜, 而市場售賣貨品種類繁多, 有床上用品, 衣服, 生熟食品, 乾濕貨品等, 就連工藝品都有售, 真係一處包羅萬有嘅大市場。 

由於正值1點多鐘, 烈日當空, 氣溫十分高, 整個廣藏市場又冇冷氣的,  走過熟食區, 見到炸及烤的熟食, 完全冇胃口, 但在熟食與醃蟹區之間有一檔賣魚旦魚條批發小舖, 門口有售關東煮的魚條, 大大條, 1000韓圜, 非常好食又彈牙, 我哋只幫襯此間, 跟住就向賣生果區出發........

老實說, 韓國的生果售價都幾貴, 同日本價錢差唔多, 初頭以為廣藏市場咁出名而提高市場價錢, 但現場見都幾多韓國本地人幫襯, 之前亦在超市睇過吓生果價錢, 見都算比超市平D, 就買了小梨子, 提子, 紅蘋果和西瓜, 約港幣300元, 另一半話同在香港的價錢差唔多, 不過嚟到都要親身試吓嘅......

生果食後感 :  

小梨子酸甜參半, 個人覺得台中的較好同鮮甜;

提子樣子似巨峰, 味道亦相近 - 好酸呢;

紅蘋果, 清甜爽脆, 同中國出品差唔多, 只冇日本黃林蘋果咁香;

西瓜, size比馬來西亞西瓜大, 不過我哋選了個細碼點, 非常多汁甜美, 係四種生果中最好食嘅。
 
推介項目: 食魚蛋
參觀時段: 下午
評分: 值得去4  
舒暢的一刻 笑臉2017-06-21
在東大門
在東大門


去完廣藏市場, 都只係兩點幾, 天氣都幾熱, 而且行咗四日, 成身都散哂, 真係覺得好勞累, 另一半提議話去汗蒸幕體驗吓, 馬上whatapp問香港嘅朋友, 佢就叫我去呢間易去價錢平嘅Sparex。

Sparex就在東大門Good Morning City地庫B3, 乘地鐵就在東大門歷史文化公園14號出口一出就係, 價錢非常抵, 5400韓圜, 呢個係非繁忙時間價錢, 門口幾位女職員係"阿珠媽" 年紀, 比咗套制服給客人, 我咃就分男女進入更衣室, 入更衣室前, 要把鞋子放進鞋locker, 更衣室另有locker放衣服, 由於入了更衣室後, 就不能拿出電話, 裡面亦禁拍, 我哋一路都冇攞手機出嚟影相,  所以此段相片欠奉。
 
Sparex 唔係豪華型嘅韓蒸幕, 係大眾化類型, 所以受好多韓國上了年紀的人士歡迎, 環境算乾淨, 只係拿室好舊, 感覺唔太乾淨外, 其他都OK; 沖涼係冇浴簾或間隔門的, 完全係大解放, 有花灑及坐式沖身, 旁邊有小膠盤供應, 在花灑沖涼位中央位置有三個浴池, 兩個熱嘅, 約40度, 另一個就水喉水溫度兼有按摩的浴池, 而另落一層就係大蒸房及休息室所在地, 蒸房共4個, 各個都係不同的高溫房, 冷凍室共一個, 裡面是零度, 而休息地亦以韓式古代裝修為主, 有餐廳, 價錢唔貴, 我咃買了雪糕, 都係超市價。

如果諗住小休吓, 平平地初試韓蒸幕,  可以到Sparex, 如平時享受慣豪華慣嘅, 就唔好揀呢間了!
推介項目: 睡一覺
參觀時段: 下午
入場價錢: 每人8000韓圓
評分: 值得去4  
文物同新建築融會一齊
文物同新建築融會一齊


去完汗蒸幕, 行過對面就係首爾地標 - 東大門設計廣場, 外型設計非常前衛時尚, 但當中又有歷史意義文物出土, 為咗文物及現代建築, 當然要過去謀殺吓我部相機啦!

設計廊內有售賣來自韓國及外地的設計家的物品, 眼見有文具, 玩具, 家庭用品和裝飾擺設等.....亦有定期嘅展覽, 只係要另比錢參觀, 唔買都嚟欣賞吓呢度嘅建築設計啦!
參觀時段: 下午
評分: 值得去5  
啤酒炸雞 笑臉2017-06-21
東大門分店, 現在已關了
東大門分店, 現在已關了
酸蘿蔔非常好吃
酸蘿蔔非常好吃
水果沙律, 生果很新鮮, 只是太多沙律醬
水果沙律, 生果很新鮮, 只是太多沙律醬
辣味和原味炸雞
辣味和原味炸雞
炸雞餐牌
炸雞餐牌
其他主菜餐牌
其他主菜餐牌


好快行完東大門設計廣場, 就行去two two 東大門店食炸雞,此店亦有中國籍店員為各位客人服務, 我哋叫了一客 "鴛鴦炸雞",有外皮金黃酥脆的原味炸雞和招牌為辣味炸雞兩款,店員話係呢處最有人氣嘅招牌炸雞,兩種口味嘅炸雞肉質都幾滑嫩多汁,在原味炸雞淋上Two Two炸雞獨門調配的醬料,醬汁辣中帶甜,融合雞汁與外皮的辣味,又香、又脆、又辣、都幾好吃!

港童就點了一客去骨炸雞, 但就好"鞋"口, 可能大部份都係雞胸肉吧!  另叫了一大杯啤酒, 果然同炸雞非常配合, 另外鮮果沙律裡的水果非常新鮮, 有蘋果, 梨, 提子乾, 小蕃茄及芒果, 只係沙律醬較多, 附上清爽高麗菜絲配沙律汁,爽口解油膩,
口感清爽的醃酸蘿蔔,吃起來清脆開胃,十分消暑,和其他韓國餐廳一樣都是無限供應呀!

 
每人消費: 約12000韓圓 (晚餐)
評分: 味道4   服務3   環境3   衛生4   抵食3
甜美窩夫 笑臉2017-06-21
Cafe' URP 正門
Cafe' URP 正門
Cafe' 室內環境
Cafe' 室內環境
幾位年青人負責調咖啡及整甜品
幾位年青人負責調咖啡及整甜品
美式咖啡及凍檸茶
美式咖啡及凍檸茶
原味窩夫
原味窩夫
芒果雪糕窩夫
芒果雪糕窩夫


在民宿一出門轉右邊行至街尾, 見到呢間cafe', 最吸引我哋係門口張大banner, 有個好靚嘅士多啤梨雪糕窩夫作招牌, 我哋就入去早餐+午餐了。

cafe'裝修好有書卷味, 整間Cafe' 面積細細但有好多書及雜誌襯托著, 感覺優閒舒適; 當日裡面嘅職員只有3名, 3位都似是90後的年青小伙子, 我點餐時他們都不能簡單會答我, 只能yes or no, 唔緊要啦, 最緊要佢哋都非常有禮貌, 由於6,7月已不是士多啤梨產期, 所以自然令我哋有點失望, 佢指住另一幅芒果窩夫的相片, 示意叫我哋order呢款, 好, 反正我家都是芒果迷, 好可惜, 佢哋又同我講唔夠芒果給我做窩夫, 但會用其他嘢補償云云..... 最後原來係.......

我哋叫了如下飲食 :

1) 原味窩夫和芒果窩夫 : 份量好大, 很脆, 芒果因不夠, 店員送了兩個大雪糕球, 變成芒果雪糕窩夫,     芒果較酸, 雪糕配窩夫當然係最夾啦;

2) 美式涷咖啡, 冇特別之處;

3) 涷檸茶, 以解喝之用

窩夫雖然大大件, 雪糕好好味, 不過窩夫仲未達到好脆口嘅水準, 有可改善的空間。

 
推介菜式: 窩夫
每人消費: 約9000韓圓 (早餐)
評分: 味道5   服務5   環境5   衛生5   抵食4
合井 Mecenatpolis Mall 內
合井 Mecenatpolis Mall 內
合井 Mecenatpolis Mall 內佈置
合井 Mecenatpolis Mall 內佈置
合井Homeplus 超市
合井Homeplus 超市
超市內有好多不同種類的沙律菜, 好新鮮
超市內有好多不同種類的沙律菜, 好新鮮
蘋果很新鮮
蘋果很新鮮
今次韓國之旅最好味的生果就係西瓜
今次韓國之旅最好味的生果就係西瓜
合井Homeplus 在Mecenatpoils Mall 地庫
合井Homeplus 在Mecenatpoils Mall 地庫


食完窩夫飽飽哋, 由弘大慢慢散步到合井, 一條直路, 好好行, 約慢行20分鍾就到, 當然就係去合井Homeplus 超市掃貨啦!

Mecenatpolis Mall 除了包含Homeplus 呢個大品牌超市外, 仲有好多時裝連鎖店, 家品店及食店, 另外亦有樂天影院, 室內以店舖為主, 室外型造成一個優閒花園, 小朋友可暢懷遊玩, 旁邊當然以食店咖啡店為主, 很適合家庭消閒。

Homeplus 就在Mecenatpolis Mall 地庫, 面積都幾大, 包含超市同小型food court, 最開心係買到最愛嘅生果及零食, 大家買得好開心。
推介項目: Homeplus 超市購物
參觀時段: 下午
評分: 值得去5  
炸豬排冷麵定食, 6000韓圜
炸豬排冷麵定食, 6000韓圜
海鮮湯麵5000韓圜, 唔貴
海鮮湯麵5000韓圜, 唔貴
Homeplus的food court 唔係好大, 只得6間食店
Homeplus的food court 唔係好大, 只得6間食店


買完手信, Homeplus 超市旁邊係一個小型food court, 只有6間小食店, 以韓日式為主, 我哋見門口的食物模型同價錢好吸引, 就入去試吓。

我哋各自點了自己嘅選擇如下:

1) 炸豬排喬麥冷面定食, 6000韓圜, 唔錯, 喬麥冷麵好多, 炸豬排很脆;

2) 海鮮湯麵 X 2 , 5000韓圜/碗, 有蝦及扇貝, 亦有蔬菜 , 蝦雖然不大隻但很新鮮, 味道OK。

總括來說, 呢處食嘢係今次旅程最平的, 但又唔差, 滿意! 
每人消費: 約5000韓圓 (午餐)
評分: 味道4   服務4   環境4   衛生4   抵食5
整條街的建築都充滿著東洋風味
整條街的建築都充滿著東洋風味
小店門面設計特別
小店門面設計特別
周圍有好多特式小食店
周圍有好多特式小食店
 好得意的壽司店, 連泊在門前的車都有壽司作裝飾
好得意的壽司店, 連泊在門前的車都有壽司作裝飾


在Homeplus 食完嘢, 行出嚟, 天色唔太好, 快步由Mecenatpoils Mall 行去對面上水區方向, 經過了渣打銀行轉入內街, 又係另一美食天地。

由於走了不到10分鐘已下大雨, 有傘都不能再走了, 唯有就企在街角欣賞上水區內街的特式小食店, 這裡的食店都有自家的門面設計, 令人目不睱及, 真係要多謝天降大雨, 令我這怱忙的都市人有閒情注足細味每間特式小店的設計, 來這裡要慢走同影相呀! 很有味道呢!
參觀時段: 下午
評分: 值得去5  
八種不同味道的五花腩, 一排小碟上, 出場好有氣勢
八種不同味道的五花腩, 一排小碟上, 出場好有氣勢
除八小碟五花腩, 蔬菜出場都好宏偉
除八小碟五花腩, 蔬菜出場都好宏偉
八種味道的五花腩, 各有特式, 好好食
八種味道的五花腩, 各有特式, 好好食
店員會為客人把五花腩剪開, 放在鐵板上, 旁邊放埋芽菜
店員會為客人把五花腩剪開, 放在鐵板上, 旁邊放埋芽菜
店員久唔久走嚟同客人煎吓D五花腩, OK就會再剪細叫客人品嘗
店員久唔久走嚟同客人煎吓D五花腩, OK就會再剪細叫客人品嘗
用粗牙簽插著的白蘿蔔, 唔係比客人燒嚟食, 係用嚟把鐵板擦乾淨
用粗牙簽插著的白蘿蔔, 唔係比客人燒嚟食, 係用嚟把鐵板擦乾淨
呢個湯比在弘大食豚肉的火鍋更辣
呢個湯比在弘大食豚肉的火鍋更辣


店内的招牌是8种不同味道的五花肉(大蒜、葡萄酒、松叶、香草、咖喱、大酱辣椒酱高丽人参)。店員話選用韓国產的新鲜生肉,品質绝對有保证。果然五花肉的肉質超爽, 肉味香, 肉味完全冇比以上八種調味覆蓋, 港童同另一半都食到豎起大姆指呢!

五花腩各種味道都有其特色, 仲好好味外, 我哋好欣賞此店的卓頭, order完畢, 馬上把一排八小碟五花腩擺上, 每隔都有肉的調味資料, 而上蔬菜時亦大堆頭, 一大籃菜是作包裹著燒好的肉食用, 當上大盤湯時, 見湯清澈, 所以未有要求走"辣", 點知就出事了, 呢個湯後來越煮越紅, 更越煮越辣, 湯裡的海鮮有蝦及青口, 但太辣了, 真係吃不消了

我哋所選的是 八色燒肉套餐, 大致供2-3人, 35000韓圜, 份量剛剛好, 蔬菜係冇限添加, 此套餐係冇包含白飯, 如要就要另加錢。
推介菜式: 八式燒肉
每人消費: 約11666韓圓 (晚餐)
評分: 味道5   服務4   環境4   衛生4   抵食4
雪糕並不太甜, 味道清新天然
雪糕並不太甜, 味道清新天然


昭福的冰淇淋是為了追求健康與美味crossover而成,強調没有添加色素、人工调味剂等化学物質。用玄米、白米、豆、南瓜、柿子、糖稀等天然材料,走純自然路線。

昭福的招牌冰淇淋,用玄米、豆、牛奶做出来的雪糕口感很濃郁香甜, 最吸引人的是插在雪糕旁邊的那朵白色的雛菊,點缀在旁的有香軟的豆粉雪球、甜糯的南瓜、香甜可口的蜂巢,仲有香脆的堅果以中和甘甜的味道,口感層次非常豐富,而且還夠兩人享用,非常啱情侶拍拖一齊食。
每人消費: 約5200韓圓
評分: 味道5   服務5   環境5   衛生5   抵食3
餐廳門口
餐廳門口
餐廳外的佈景
餐廳外的佈景
餐廳內
餐廳內
餐廳內的Hello Kitty 場景
餐廳內的Hello Kitty 場景
餐廳內的Hello Kitty 睡房場景
餐廳內的Hello Kitty 睡房場景
Tiramisu 非常唔好食
Tiramisu 非常唔好食
十多啤梨蛋糕仲難食
十多啤梨蛋糕仲難食
調味料擺放處
調味料擺放處


Hello Kitty Cafe' 就在弘大八色燒肉隔離, Cafe' 位於一間大宅內, 有好多大樹圍繞, 如冇招牌就真係好難搵。

在大雨及隱蔽的林蔭下, 無意間見到Hello Kitty 小招牌, Cafe'外的小花園有很多影相位及布景, 而室內的的場景位亦標緻可愛, 有Hello Kitty大廳同睡房

唔幫襯都可以在餐廳影相的, 但一場來到, 當然小試其餅食, 叫了士多啤梨蛋糕(10,000韓圓),  個蛋糕應該雪了太久, 蛋糕嘅質感已變了硬, 那片士多啤梨外層, 太甜了, 非常差嘅出品, 簡直不能下嚥, 至於Tirmisu (10,000韓圓)稍為可以入口, 但都不新鮮, 亦都是雪了太久的主因, 在咁靚嘅主題餐廳吃難食的甜品, 好失望囉!
每人消費: 約5000韓圓 (宵夜)
評分: 味道2   服務4   環境5   衛生5   抵食4
弘大很多小商店, 全部都非常迎合年青人
弘大很多小商店, 全部都非常迎合年青人
弘大是越夜越精彩
弘大是越夜越精彩
弘大的街邊檔, 煎魚條都係廣藏市場好食D
弘大的街邊檔, 煎魚條都係廣藏市場好食D


弘大是一個非常年青嘅社區, 在此地走走, 令人都 "後生"D, 在弘大有很多小店及小餐廳, 大部份都是非常合年青人style, 衣履鞋襪及飾物全部都屬潮流尖端, 餐館都是年青一代的聚腳點, 由於很多年青人都係學生哥, 在此消費都不是太貴, 非常推薦在弘大住宿。
參觀時段: 晚間
評分: 值得去5  
在派出所旁邊, 旁晚才開店
在派出所旁邊, 旁晚才開店
室內以美式為主打裝修, 好多美國歌星黑膠碟
室內以美式為主打裝修, 好多美國歌星黑膠碟
餐廳佈很多懷舊物
餐廳佈很多懷舊物
熱狗+薯條+忌廉湯
熱狗+薯條+忌廉湯
正
正
正
正


行完弘大, 已累到不得了, 港童又嚷著要去近民宿那間熱狗店。

由於仲係好飽, 所以只叫少少試吓味:

1) 雙層芝士熱狗, 4500韓圜, 味道好豐富, 醬汁帶起整個熱狗的味道, size都算大;

2) 芝士薯條, 3500韓圜,不醮茄汁而是沾芝士醬,香脆的薯條+芝士醬,真的好好味;

3) 忌廉湯, 2500韓圜,不太濃,湯有很多麵包粒,好飽肚啊!

完滿地完成整個重遊首爾的旅程,總結後旅費用如下:

1)來回首爾連稅包行李X 3 HK$4578;

2)唱錢HK$2000;

3)This is Guesthouse 5晚3人房 : HK$2305;

4)   食, 買及交通 : HK$8000

合共HK$16883, 平均每人約HK$5628。
每人消費: 約3150韓圓 (宵夜)
評分: 味道5   服務3   環境4   衛生4   抵食3
  0 個留言    |  加入你的留言
吉隆坡+熱浪島優閒渡假之旅 (馬來西亞)
(旅程日期: 2014-07-23 至 2014-07-29 ,  旅程性質: 飲食購物, 消閒度假)
 整個旅程  (共1篇遊記)
 分享至Facebook 
發表日期: 2016-06-16
終於嚟到7月, 已計劃了一年嘅重點暑期之旅 - 吉隆坡熱浪島之旅, 又係原班人馬朋友一家四口+我哋一家三口共7人

喺2013年7月初, AirAsia又做2014年暑假promote, 買吉隆坡去程係HK$355/人, 但回程香港就貴到落唔到手, 要RM520/人, 約港幣$1300, 原來7月29日咁啱係回教新年, 馬來西亞有四日假, 唔怪得機票咁貴, 一路都冇減過價, 最後喺2014年5月, AirAsia終於肯減少少, 減到RM420/人, 咁就成交咗7張比以往買得貴嘅回程機票......
 
我哋所乘嘅亞航航班AK139, 準時起飛
我哋所乘嘅亞航航班AK139, 準時起飛
KLIA 吉隆坡國際機場2號大樓, 基本上係以亞洲航空為主要航空公司
KLIA 吉隆坡國際機場2號大樓, 基本上係以亞洲航空為主要航空公司
但仲有些少廉航客機在此停泊
但仲有些少廉航客機在此停泊
KLIA 內, 入面店舖外觀幾特色
KLIA 內, 入面店舖外觀幾特色
Sentral站呢個出口上去,就係Nu Sentral Mall,穿過Mall就係Monorail站
Sentral站呢個出口上去,就係Nu Sentral Mall,穿過Mall就係Monorail站
Sentral 機場鐵路站, 好靜, 多數人都係搭巴士到KLIA, 平好多麻
Sentral 機場鐵路站, 好靜, 多數人都係搭巴士到KLIA, 平好多麻


23/07/2014, 我哋所乘嘅亞航AK139準時在香港11:45起飛, 到達吉隆坡係下午3:35。

KLIA 係新建嘅吉隆坡國際機場2號客運大樓,  2014年5月開幕, 入面商舖食店都好多, 又新又靚, 指示牌清晰, 喺度行街食嘢都可以用到兩三個鐘, 係非常好嘅消閒一站通。

現時在KLIA 2嘅主要航空公司係亞洲航空, 仲有幾間廉航公司喺度停泊航機, 在客運大樓旁, 亦新開咗一間Tune Hotel, 完全係亞航做東道主。

至於由KLIA 出吉隆坡Sentral車站, 非常方便, 除咗有多間巴士公司來回外(票價一律RM10), 仲有機場鐵路, 巴士來回約一個鐘左右(唔塞車) 。
參觀時段: 下午
評分: 值得去5  
見到個門口, 好似開房公寓, 門口有好多 "姐姐"
見到個門口, 好似開房公寓, 門口有好多 "姐姐"
三人房, 同網站張相一樣, 但間房較細
三人房, 同網站張相一樣, 但間房較細
雙人房, 呢間房較寬敞, 不過呢間房就係最嘈嘅位置
雙人房, 呢間房較寬敞, 不過呢間房就係最嘈嘅位置
浴室都算乾淨, 水力都夠
浴室都算乾淨, 水力都夠
1至4號位係較嘈嘅位置, 唔好住呀!
1至4號位係較嘈嘅位置, 唔好住呀!
呢個方向係最嘈, 樓下係大門及便利店
呢個方向係最嘈, 樓下係大門及便利店
斜對面係基督教靈糧堂, 夜晚又車又人, 好塞車
斜對面係基督教靈糧堂, 夜晚又車又人, 好塞車
雙床房, 間房好OK, 同網站一樣
雙床房, 間房好OK, 同網站一樣


由KLIA好順利搭到5:00鐘班巴士出吉隆坡, 諗住可以喺6:30前可以到達Alor 酒店, 點知大塞車, 在去吉隆坡嘅公路塞咗個幾鐘, 攪到差唔多8:00至到Alor酒店。

在Sentral 車站再行10分鐘 (主要由NU Sentral Mall 穿出去), 搭Monorail輕軌到 Bukit Bintang, 在左邊出站, 沿Jalan Sultan Ismail轉入Jalan Bukit Bintang, 沿路直行, 見有大街口及紅燈籠, 就係Alor街了。

見到Alor Boutique Hotel門面, 有D比佢嚇親, 門口好多媽媽級嘅流鶯在鈎搭單身男士, 心諗唔係咁麻, Book咗「架部」呀

我哋係訂咗兩間三人房, 朋友一家再加床墊, 房嘅面積唔大, 如加床真係好逼, 所以三日後返嚟, 朋友話要轉兩間雙人房。

講返間房, 酒店樓高三層, 冇電梯, 亦冇Bell Boy幫忙拎行李, 二, 三及四樓為客房, 一層約有九間房。

三人房有一張5呎床及一張三呎單人床, 眼見房內同網上相片係一樣, 床軟硬適中但枕頭就低咗D, 但可接受, 而浴室算乾淨, 水壓尚可, 好彩係熱天, 熱水唔係好熱, RM150, 好抵住。

雙床房及大床房亦係同網站一樣, 每房RM130, 房內唔錯, 景觀係望亞羅夜市, 喺網上好多人話呢間酒店半夜嘈到不得了, 所以我原本住三晚改為住兩晚,。真係如網上所說, 真係嘈到不得了, 但如住5號至9號房, 望向亞羅夜市竟然唔係太嘈, 不過住1號至4號房, 窗望樓下便利店方向, 斜對面係靈糧堂教會的話, 第二朝就要飲杯咖啡幫忙提神了, 樓下便利店旁會有檔烤肉小檔, 開咗幾張枱做生意, 好多外籍人士, 特別係非洲裔及南亞裔, 啤酒, 流鶯及佢哋自製嘅K場, 音樂聱嘈到拆天, 所以奉勸打算住嘅人士, 千奇唔好住1至4號房, 及要住三及四樓, 較乾淨。
每晚價錢: 150馬元 (三人房)
評分: 設備3   服務4   環境2   衛生4   抵住5
海南雞飯
海南雞飯
豬肉炒粗條, 較大碟, 味道亦不錯, 賣相好似上海粗炒
豬肉炒粗條, 較大碟, 味道亦不錯, 賣相好似上海粗炒
亞參喇沙, 味道唔得, 湯底只有酸辣味, 完全冇鹹香魚味
亞參喇沙, 味道唔得, 湯底只有酸辣味, 完全冇鹹香魚味
鴨蛋炒棵條, 幾好味, 可惜炒埋唔夠一碗, 好唔抵食囉
鴨蛋炒棵條, 幾好味, 可惜炒埋唔夠一碗, 好唔抵食囉
咖哩麵及福建蝦麵, 比亞參喇沙好D
咖哩麵及福建蝦麵, 比亞參喇沙好D
十號胡同全是典型嘅中高檔Food Court
十號胡同全是典型嘅中高檔Food Court


Check 完 In, 都差唔多9:00, 大家都好肚餓, 快D出外搵食喇.....

由於吉隆坡現正起緊地鐵, 市中心好多旺區都成為地盤, 行街都要兜路, 我哋行咗去Bukit Bintang 最旺嘅Lot10 商場, 見到蔡瀾推介 - 十號胡同,  朋友話太肚餓喇, 入面又係Food Court, 鍾意食咩由自己決定吧!

大家各自去咗不同嘅小店揀咗如下醫肚 :

1) 亞參喇沙, 如果食過檳城極樂寺下面嗰間原裝亞參喇沙, 就會覺得呢碗係失敗之作, 湯底只有酸辣味,  完全冇咗鹹香魚餚嘅味道, 攪到整碗麵唔三唔四, 所以呢間名叫 Chua Brother嘅小店現巳結業;

2) 鴨蛋炒棵條, 炒得非常有镬氣, 味道非常好, 可惜係太少, 不足一碗份量囉!

3) 海南雞飯, 不過不失, 冇驚喜囉! 雞味唔濃;

4) 福建麵及咖喱麵, 湯底還可以, 都係用蝦餚嘅, 但麵亦唔多, 都係在檳城小檔食嘅較好。

綜合以上, 價錢比街舗冇冷氣嘅小店貴差不多一倍, 但食物質素同份量就強差人意, 有時唔係有名人推介就等於有好嘢呢!

 
每人消費: 約25馬元 (晚餐)
評分: 味道2   服務2   環境4   衛生4   抵食1
Subang Airport ok喇2016-06-16
晨早4:00 就要由Alor搭嚟Subang機場, 的士要收200元馬幣
晨早4:00 就要由Alor搭嚟Subang機場, 的士要收200元馬幣
所搭嘅Firefly航機係新機, 機上椅子及機身新簇, 上機時已嗅到新簇的味道
所搭嘅Firefly航機係新機, 機上椅子及機身新簇, 上機時已嗅到新簇的味道
Subang機場交通冇KLIA咁方便, 但有Shuttle Bus來回市中心, 但班次較疏
Subang機場交通冇KLIA咁方便, 但有Shuttle Bus來回市中心, 但班次較疏
Subang機場
Subang機場
24/07/2014  一早3:30起床梳洗準備出發去Subang Airport 搭Firefly Airline 7:20 am FY2100航班去丁加奴(即登嘉樓 Kuala Terengganu), 真係超貴嘅車費去機場呀!

當買完Air Asia 直航到吉隆坡, 已密切留意由KL 到登嘉樓的內陸航班,AirAsia及Firefly兩間航空公司一直有留意,最後選了Firefly, 由KL去登嘉樓來回程各49元連稅, 共約244港元, 好抵, 而當時Airasia一程機都要三百幾, 所以二話不說就買咗Firefly, 後來就知後悔了。

Firefly係用吉隆坡較市區點的Subang (梳邦)機場, 跟Airaisa用的KLIA2 完全係兩回事。

Subang係以前吉隆坡的國際機場, 現在已改為只飛內陸航班嘅機場, 所以就冇KLCC及新的KLIA2機場交通咁方便, 咁多交通工具選擇, 在網上找資料, 就只有如下的公共交通工具選擇:

1)  可乘LRT先到Pasar Seni搭Rapid KL BUS No. U81或No. 9, 見到Sky Park Terminal就要下車, 巴士會停在有Firefly廣告的天橋下, 每程2元馬幣, 6:00am - 12:00 am;

2) 在Pekeliling Terminal 乘KL City Airport 專用巴士到Subang機場, 途中會經過Plaza Damas站, e Curve Mutiara站, LRT Kelana Jaya站, 最後便到Subang 機場, 一個鐘一班車; 

3) 在KL Sentral 乘KTM火車到 Subang Jaya KTM station (Keretapi Tanah Melayu Commuter), 但此不是直接到達Subang 機場, 再在此站轉乘的士才可到。

以上三種方法到Subang機場是較便宜的方法, 但我完全用不到呢! 因要搭7:20 am FY2100班機, (此時間可趕及10:00 am Resort 的快艇時間), 以上三種方法的第一班車開出時間都是早上6時正, 而且又要先乘一程的士才到乘車站, 又驚時間太急趕, 所以最後決定選搭的士去......

要提醒是12:00 am - 6:00 am 前在吉隆坡要加收多50%額外車資, 正常價由市區乘的士到Subang機場價約80~100元馬幣, check in 時我請Alor酒店櫃枱幫我找的士, 佢開償比我要300元馬幣(7人計), 朋友馬上答應了, 後來食完晚飯, 另一櫃枱職員跟我講再為我搵的士, 開價200元馬幣(7人計), 約500元港幣, 我個心仍然有D痛, 但冇法, 為有Say OK啦!

當日朝早的士準時在5點半到達, 我哋約在6:10 am到達Subang, 約乘40分鐘, 的士司機仲開價150元回程時接我哋, 朋友又馬上答應司機回程接機, 我都截唔切佢, 後來當然知道係貴咗啦!  算啦! 起碼一程車攪掂, 唔駛轉來轉去搵路行。

個人覺得KILA2 及KLCC 較方便, 交通選擇多, 如乘早機, 亦可住在那邊的酒店, 如Tune Hotel等, Subang那邊酒店不多, 又不太近機場, 始終都係要再乘車至能到, 雖然Firefly 嘅航機較好, 又有小食及果汁招待, 但再揀的話, 我都會揀番Airasia, 較方便麻, 可以慳番時間同搭的士錢囉!

Subang機場雖然現時是內陸機場, 但內裡裝修及外觀都不錯, 餐廳都算多選擇, 比泰國曼谷廊曼機場好好多。
參觀時段: 早上
評分: 值得去3  
海景房, 長屋型, 每人平均440馬幣, 3曰夜包三餐及3個浮潛出海
海景房, 長屋型, 每人平均440馬幣, 3曰夜包三餐及3個浮潛出海
房裡是1張Queen Size 床及1張單人床, 冷氣24小時, 當然不在房, 就應關掉吧!
房裡是1張Queen Size 床及1張單人床, 冷氣24小時, 當然不在房, 就應關掉吧!
廁所兼浴室, 舊式基本裝修, 雖然唔豪華, 但乾淨寬闊
廁所兼浴室, 舊式基本裝修, 雖然唔豪華, 但乾淨寬闊
由機場至碼頭的接送客Van, 來回30元馬幣
由機場至碼頭的接送客Van, 來回30元馬幣
Redang Kalong Resort
Redang Kalong Resort
所乘的快艇, 約半小時內就可到Redang Island, 房費已包船費來回
所乘的快艇, 約半小時內就可到Redang Island, 房費已包船費來回
由海景房望向Resort 的私人碼頭及沙灘
由海景房望向Resort 的私人碼頭及沙灘
海景長屋外的有蓋露台, 一個好舒服的優閒地方
海景長屋外的有蓋露台, 一個好舒服的優閒地方


在2014年2月已與Resort確實Booking, 安排了由登嘉樓機場出發至Resort一切嘅交通安排及3日兩夜嘅食宿, 每人439元馬幣, 約港幣1100, 當中包括如下:

1) 來回登嘉樓機場至碼頭車費; 

2) 來回碼頭至Resort(樂浪島)船費;

3) 兩晚海景房;

4) 3次出島浮潛船費, 不包括浮潛用具及救生衣;

5) 兩早, 兩午餐及兩晚餐(其中有BBQ晚餐;

6) 島上免費卡拉OK, 麻雀耍樂, 自由在Resort海灘暢泳

Resort派人接機, 當日有十多人,  共兩架Van 由登嘉樓機場出發至碼頭, 約20多分鐘抵達, 碼頭有counter收每人5元馬幣上島費, 快艇約20分鐘左右就到Redang Kalong Resort。

Redang Kalong Resort 不豪華, 但實際, 上岸右邊係Canteen, 左邊就係房間, 整個Resort 自成一角, 好寧靜, 海灘水清沙幼, (但都幾多小石), 當日Resort冇國內同胞, 只有我哋兩家香港人, 當地華人及歐洲數個家庭, 完全冇Laguna 那邊人多熱鬧。

我哋今次選了海景房, 全個Resort都係以馬拉的長屋型式木造建成,   長屋比沙灘地勢高, 面對著大海景, 每間房外有一露台,  房間內都有一張1.5米大床及一張3呎單人床, 獨立浴室廁所, 佈置簡潔, 雖然唔華麗但乾淨企理, 床及枕都OK, 而且價錢比非海景房只貴了每人約廿多元馬幣左右, 見價錢唔貴, 當然要享受吓啦! 而海景房嘅後面及旁邊是無景房或山景房, 房內設與海景房一樣, 只係景觀不同。

喺呢三日兩夜中, 完全感覺良好, 冇wifi, 冇whatapp及上網騷擾, 真係可以令整個人放鬆, 唔須要思想任何嘢, 任由個腦休息, 令我真係感覺到寫意呢! 

** 全個resort係冇免費wifi, 要另付費20元馬幣/位, 但接收不強, 最好係要在canteen上網, 據知resort位置較偏, 島上嘅發射裝置比較照顧Laguna那邊, 所以Resort都唔想咁多人分享其wifi。

每晚價錢: 439馬元 (三人房)
評分: 設備4   服務5   環境5   衛生5   抵住5
肉醬意粉及雞翼, 自助形式
肉醬意粉及雞翼, 自助形式
BBQ晚餐, 除豬肉外, 雞, 牛, 羊都有
BBQ晚餐, 除豬肉外, 雞, 牛, 羊都有
鮮炸魷魚, 好鮮味, 是BBQ晚餐
鮮炸魷魚, 好鮮味, 是BBQ晚餐
自助形式的好處係鍾意食什麼, 就選什麼
自助形式的好處係鍾意食什麼, 就選什麼
Redang Kalong Resort的餐廳及接待處
Redang Kalong Resort的餐廳及接待處
不是吃飯時間, 餐廳亦會有咖啡奶茶麵包供應, 亦可自製多士, 有齊備的醬料
不是吃飯時間, 餐廳亦會有咖啡奶茶麵包供應, 亦可自製多士, 有齊備的醬料
最好就係有時間表跟住, 安排好哂食同玩, 唔洗諗咁多
最好就係有時間表跟住, 安排好哂食同玩, 唔洗諗咁多


Redang Kalong 跟以往在馬拉住過嘅B&B 或大眾化Resort 一樣, Package形式包三餐, 價錢唔貴麻, 所以要求會不高, 以食得飽就算的精神, 可能會有驚喜囉.......

早餐 : 基本一定有咖啡奶茶麵包提供(基本全日供應), 另有炒米粉, 白飯, 白粥, 配白粥的配料如花生, 菜圃等, 炒清菜, 煎蛋, 仲有些少馬拉餸菜, 我覺得算豐富。

午餐 : 白飯, 炸雞, 兩款炒清菜, 再加三個炒餸,  汽水橙汁任飲, 食飽就算啦! 

下午茶 : 片裝蛋糕, 優閒坐在餐廳裡跟朋友吹吹水, 以及被風扇及海風吹著吹著, 舒服到想睡一睡呀!

普通晚餐 : 跟午餐差不多, 但有甜品及生果供應, OK啦!

BBQ :  牛羊雞BBQ, 炸魷魚, 肉醬意粉, 白飯, 燒雞翼, 炒菜, 沙律, 生果及甜品, 最豐富及最有睇頭的一餐, 肉類醃味當然不及香港啦! 但OK囉, 肉醬意粉幾好味, 我哋滿意喇!
評分: 味道3   服務5   環境4   衛生4   抵食4
藍天 藍海 笑臉2016-06-16
我哋就係坐呢架船出海三次
我哋就係坐呢架船出海三次
呢個海係Resort對出的, 就在此處浮潛, 水清魚多, 珊瑚都唔錯
呢個海係Resort對出的, 就在此處浮潛, 水清魚多, 珊瑚都唔錯
Redang Island嘅Marie Park, 呢處水清沙幼, 好靚好舒服, 玩到唔想走
Redang Island嘅Marie Park, 呢處水清沙幼, 好靚好舒服, 玩到唔想走
藍天, 藍海, 魚好多, 仲有大鰻魚同海龜
藍天, 藍海, 魚好多, 仲有大鰻魚同海龜
沙灘上有枱有櫈, 放私人物品及休息好方便
沙灘上有枱有櫈, 放私人物品及休息好方便
Marine Park上的建築, 應該唔係酒店, 似係公園的辦事處
Marine Park上的建築, 應該唔係酒店, 似係公園的辦事處
在島上又見到蚚蜴, 不過呢條唔算好大
在島上又見到蚚蜴, 不過呢條唔算好大
岸邊及沙灘邊都有好多魚
岸邊及沙灘邊都有好多魚


Resort會安排3次出海浮潛, 其中一處浮潛點就係Redang Marine Park, 在此享受了兩個多小時嘅陽光與海灘, 很爽呀!

Redang Marine Park係馬來西亞有名的海洋公園, 海水顏色特別碧綠,  在灘邊附近浮潛暢泳都是一件樂事, 淺灘已有大量大小魚群, 較深水仲有機會與海龜同遊添, 碼頭底, 亦見大中海鰻, 好刺激呢!

沙灘嘅沙幼白細滑, 躺臥在沙上曬太陽亦感非常輕鬆舒暢, 感覺比沙巴的馬寶島更勝一籌, 美好嘅時光就係過得特別快啊!
推介項目: 浮潛
參觀時段: 下午
入場價錢: 每人5馬元
評分: 值得去5  
夏日麼麼茶拍攝場景, 現已成為精品店
夏日麼麼茶拍攝場景, 現已成為精品店
Laguna Redang Resort前的沙灘
Laguna Redang Resort前的沙灘
沙灘水清沙幼
沙灘水清沙幼
沙灘旁仲有其他guesthouse
沙灘旁仲有其他guesthouse
在沙灘旁的小路回望Laguna Redang Resort
在沙灘旁的小路回望Laguna Redang Resort
其他的guesthouse
其他的guesthouse
Laguna Redang Resort 外觀不錯
Laguna Redang Resort 外觀不錯
好多人在玩浪
好多人在玩浪


由Redang Kalong有小路行去Redang Laguna Resort, 約慢行10分左右, 沿途要經一片小榭林及石灘, 呢處係島上最多廢物的地方, 所以非常多蚊, 大家都被釘了幾口, 點解當地政府就向每個遊客收海島保育費, 但又唔整理下島上嘅廢物處理問題, 令我覺得當地政府講一套, 做一套囉! 破壞哂樂浪島嘅形象.......

話咁快就行到Redang Laguna Resort, 此Resort外觀及位置較有優勢, 唔怪得整個Resort都係充滿住普通話的聲音, 當日睇有7成住客都係國內同胞, 其餘係當地華人, 星加坡人, 台灣及香港人.......

起初, 除了Redang Kalong Resort外, 亦有留意Laguna Resort, 見網評話好多強國人入住, 又評佢好嘈唔寧靜, 房間裝修陳舊及用餐食物麻麻等等.......  而價錢約每人635馬幣 (海景房),  價錢比Redang Kalong貴約二多元馬幣, 如住一般標準房就貴約一百多元馬幣左右, 所以最後選了寧靜嘅Redang Kalong Resort。

雖然此處比較人多, 但的確沙灘係比Kalong Resort靚及舒服, 大家各有所長, 要睇用家嘅要求了。
參觀時段: 下午
評分: 值得去5  
登嘉樓唐人街
登嘉樓唐人街
唐人街面積不大
唐人街面積不大
小小的一條街特別多車
小小的一條街特別多車
在唐人街中見到的桃紅老爺車
在唐人街中見到的桃紅老爺車
唐人街旁是登嘉樓Waterfront
唐人街旁是登嘉樓Waterfront


早上11點巳由Resort出到登嘉樓碼頭,因為咁早,就諗住去登嘉樓唐人街行吓,食吓嘢,所以買咗下午7點嘅回程機返吉隆坡,用一個下午嚟行吓呢個小市鎮,但原來只係用咗3個半鐘就行完食完個小鎮,知得買5點半班机啦!

講返登嘉樓唐人街,街仔短短,唔駛5分鐘就行完,登嘉樓主要係馬來人聚居及信奉伊斯䔵為主,如當地華人要買豬肉,就只可在唐人街唯一兩檔豬肉檔購買。另外唐人街多數都係食店及雜貨店為主,所以整條唐人街係冇乜嘢行,所以再向外圍行一個圈,都係零星小舖及有間酒店,要行街食嘢去到5點, 就真係好困難囉 ⋯⋯



參觀時段: 早上
評分: 值得去3  
海龜巷的入口處, 面對住Waterfront
海龜巷的入口處, 面對住Waterfront
海龜保育標示了相關保育組織的詳情
海龜保育標示了相關保育組織的詳情
好有意義嘅標語, 海龜仔係陶瓷造的
好有意義嘅標語, 海龜仔係陶瓷造的
另一馬賽克海龜裝飾畫
另一馬賽克海龜裝飾畫
瓷畫講述登嘉樓的小學生也有保育海龜的課外活動
瓷畫講述登嘉樓的小學生也有保育海龜的課外活動
牆上的瓷畫
牆上的瓷畫
破舊的牆上, 砌了好多五顏六色嘅馬賽克海龜
破舊的牆上, 砌了好多五顏六色嘅馬賽克海龜
小巷地下都砌了馬賽克的海龜
小巷地下都砌了馬賽克的海龜


在登嘉樓唐人街(向海方向)走入一條橫巷, 原來係當地有名嘅海龜巷, 巷仔小小窄窄, 但充滿住藝術同介紹保育海龜嘅好地方。

小巷打造為宣傳保育海龜的焦點, 用了好多馬賽克及瓷磚畫粉飾了小巷破舊嘅牆壁及地下, 主要介紹海龜係登嘉樓的重點保護海洋生物, 同時亦提倡及教育各位要好好保護海龜, 不要捕殺牠們。

雖然小巷只有55公呎, 但值得入內走走, 除了可欣賞漂亮嘅馬賽克砌成的海龜外, 亦對認識保育海龜有著重大的意義。
 
參觀時段: 早上
評分: 值得去4  
好味小食館 笑臉2016-06-16
門口的燒味檔
門口的燒味檔
正! 燒肉+半隻燒雞40元馬幣, 燒肉脆口非常
正! 燒肉+半隻燒雞40元馬幣, 燒肉脆口非常
燒雞飯, 4元馬幣, 就係試食咗燒雞, 至再叫燒肉+半隻雞
燒雞飯, 4元馬幣, 就係試食咗燒雞, 至再叫燒肉+半隻雞
魚蛋河, 又爽又彈, 好食
魚蛋河, 又爽又彈, 好食
其中一個魚蛋, 係混合咗魚肉同豆角做, 好有家鄉風味
其中一個魚蛋, 係混合咗魚肉同豆角做, 好有家鄉風味
鮮果汁, 飲嘢貴過食嘢, 6元馬幣一杯, 好大杯
鮮果汁, 飲嘢貴過食嘢, 6元馬幣一杯, 好大杯
燒味價錢
燒味價錢
小食館在唐人街中間位置, 紅燈籠高掛, 全售家鄉食品
小食館在唐人街中間位置, 紅燈籠高掛, 全售家鄉食品
登嘉樓唐人街街仔細細, 但有6成都係食肆, 行咗一個圈後, 大家決定去呢間登嘉樓家鄉小食館食午餐, 見佢客人絡繹不絕, 又以大排檔形式經營, 內裡有6間食檔, 有多樣選擇麻。

搵咗位坐低, 大家就分散各自買自己嘅心水美食, 我哋揀咗以下品嘗:

1) 燒雞飯, 4元馬幣, 超級平, 靚 , 正, 燒雞香滑有雞味, 令我哋再加多半隻燒雞+燒肉雙併;

2) 半隻燒雞+燒肉雙併, 40元馬幣, 燒肉同香港的製法不同, 但亦夠香脆, 屬半肥瘦, 係燒腩仔也, 唔怪得一個上午就賣哂;

3) 家鄉魚蛋河, 內有4款魚蛋, 有炸嘅, 有魚片嘅, 有白色魚蛋及另一豆角魚蛋, 全部彈牙魚味足, 當然河粉又夠滑, 5元馬幣;

4) 鮮紅火龍果汁, 5.5元馬幣, 雖然比河粉及雞飯貴, 但佢係紅火龍果+水鮮榨少甜, 又大杯, 入面仲有幾粒荔枝, 唔錯喎!

5) 鮮芒果汁, 5元馬幣, 同樣大杯, 味道當然穩陣啦!


6) 自家製新鮮小麵包, 一排6小個, 熱辣辣又鬆軟, 有牛油同咖央醬, 令麵包更香更好味, 就係因為掛住食包, 冇同個美味嘅包包影相留念添!

以上都係食咗70元馬幣, 喺馬國食嘢認真平靚正。
 
每人消費: 約24馬元 (午餐)
評分: 味道5   服務4   環境3   衛生4   抵食5
質數欠佳 笑臉2016-06-16
係唐人街唯一一間甜品店
係唐人街唯一一間甜品店
由華人經營, 全程講廣東話
由華人經營, 全程講廣東話
望落幾OK, 但甜品質素就一般喇
望落幾OK, 但甜品質素就一般喇
最差呢個, 個窩夫酸嘅! 6.9元馬幣
最差呢個, 個窩夫酸嘅! 6.9元馬幣
布朗尼冰淇淋, 5.9馬幣, 正常口味
布朗尼冰淇淋, 5.9馬幣, 正常口味
香蕉船, 6.9元馬幣, 忌廉太多, 一般囉
香蕉船, 6.9元馬幣, 忌廉太多, 一般囉
餐牌
餐牌
餐牌
餐牌
食完午飯, 再沿唐人街外圍行了兩個大圈, 已冇地方可走了, 索性返唐人街搵個地方坐底飲杯嘢, 等到兩點車來接我哋.......

在唐人街搵到一間由華人經營的甜品店, 諗住係自家製, 會有好出品, 點知原來質素一般, 所點品食評價如下:

1) 冰淇淋窩夫, 6.9元, 見張相幾靚, 但當日冇芒果, 用香蕉代替, 都唔係問題, 最大問題係個窩夫酸嘅, 應該係個窩夫漿底已變質, 我咪馬上同老板講囉, 點知佢一D反應都冇, 聽完就行開, 完全唔解釋, 唔解決, 算吧! 我只食哂隻蕉同D雪糕, 個窩夫咪唔食囉, 我仲要等陣搭飛機返吉隆坡架;

2) 香蕉船, 6.9元, 雪糕普通, 忌廉太多,  一般啫;

3) 布朗妮冰淇淋, 5.9元, 好D, 起碼個布朗妮唔酸, 朱古力味都可以, 有進步嘅空間。

總括係我哋想搵個地方坐下, 上吓網, 等車嚟接, 佢又有免費Wifi同冷氣, 都算坐得舒服, 都係一次啫, 唔會再嚟喇! 
每人消費: 約7馬元 (晚餐)
評分: 味道4   服務3   環境2   衛生2   抵食3
每張床都係Queen Size, 家庭非常適合
每張床都係Queen Size, 家庭非常適合
這房仲有書房, 唔係間間房有, 要睇位置
這房仲有書房, 唔係間間房有, 要睇位置
浴室, 兩個洗手盤位置係面對住花灑房及廁所, 沖涼, 辦事及洗手可同時進行
浴室, 兩個洗手盤位置係面對住花灑房及廁所, 沖涼, 辦事及洗手可同時進行
房間屬寬敞舒適
房間屬寬敞舒適
仲有平台花園無邊界泳池, 泳池旁有露天餐廳
仲有平台花園無邊界泳池, 泳池旁有露天餐廳
泳池景觀不錯
泳池景觀不錯
酒店是在公路旁, 方向可望中央車站, 吉隆火車站及中央市場
酒店是在公路旁, 方向可望中央車站, 吉隆火車站及中央市場
酒店shuttle bus 時間表, 路線是去中央車站, 但班次較少及要預訂
酒店shuttle bus 時間表, 路線是去中央車站, 但班次較少及要預訂


Best Western Premier 係世界級國際性酒店集團, 其酒店評價一向唔錯, 今次book 呢間酒店, 係因為佢雙人房張床夠大, 非常適合家庭, 而且價錢唔算太貴, 自助早餐兩位連稅約每晚740元港幣。

此酒店屬四星, 設備唔錯, 有免費Wifi, 房間寬敞光猛, 雙床房有兩張Queen Size 床, 枕頭床舒服合
適, 浴室乾淨冷熱水OK;  泳池係無邊界設計, 面向中央車站, 感覺relaxed。

雖然有以上嘅 "讚", 但可惜就地點而言係屬 "隔洩"類, 完全冇公共交通可直達, 只有的士同酒店shuttle bus, 有D的士司機都唔係太熟路, 要左兜右搵, 同朋友分別搭的士由Alor Street出發去, 由於朋友那部嘅的士司機唔識路, 所以攪咗成個鐘只到酒店。

其實由酒店到中央車站及中央市場(茨廠銜)係好近,  但因酒店在公路旁邊, 跟本就冇行人路直達, 所以雖然好近, 但唯有每次都搭的士或shuttle bus。

PS 1) 我哋有試過由酒店一直行去茨廠街, 只須約15分鐘, 但由於冇正規嘅行人路, 一路是行沿路嘅石壆, 所以感覺有點危險。

PS 2) 吉隆坡的士司機(多數印度裔) 非常唔老實, 經常開天殺價, 比睇咪錶價貴1至兩陪不等, 認真要留意。
每晚價錢: 740港元
評分: 設備5   服務4   環境5   衛生5   抵住4
亞羅街大部份的店舖都係大排檔同手信店
亞羅街大部份的店舖都係大排檔同手信店
晚上有零星小攤檔及大排檔都會擺出路面
晚上有零星小攤檔及大排檔都會擺出路面
亞羅街經常塞車, 人車爭路, 附近又起地鐵, 路面狀況很差
亞羅街經常塞車, 人車爭路, 附近又起地鐵, 路面狀況很差
亞羅街街頭的其中一檔榴槤檔
亞羅街街頭的其中一檔榴槤檔
貓山王, 63元馬幣
貓山王, 63元馬幣


由於第一晚要早睡, 冇行亞羅街, 返回吉隆坡呢晚就在亞羅夜市搵食。

亞羅街係吉隆坡有名的夜市, 店舖主要係大排檔, 食品手信店, 按摩店及零星專做遊客嘅零售店, 另有賣榴槤攤檔, 而整條街都有好多流鶯搵生意, 令到成條銜人車爭路, 用 "混亂" 及 "污穢" 嚟形容呢條街係最貼切.......

個人覺得亞羅街唔係咩特色夜市, 只係條街人多熱鬧, 食嘢買嘢又唔平, 如果冇時間, 可以唔駛嚟囉!
參觀時段: 晚間
評分: 值得去3  
馳名燒雞翼 ok喇2016-06-16
蔗水, 5元馬幣
蔗水, 5元馬幣
燒雞翼, 7隻, 馬幣21元
燒雞翼, 7隻, 馬幣21元
炸中蝦, 幾冶味, 55元馬幣
炸中蝦, 幾冶味, 55元馬幣
豆豉炒聖子, 唔錯, 25元馬幣
豆豉炒聖子, 唔錯, 25元馬幣
奶油骨, 21元馬幣, 跟香港酒樓的沙拉骨一樣
奶油骨, 21元馬幣, 跟香港酒樓的沙拉骨一樣
炒蜆, 25元馬幣, 唔夠鑊氣
炒蜆, 25元馬幣, 唔夠鑊氣
再加埋加大炒麵, 兩個菜連啤酒及飲料, 共265.5元馬幣
再加埋加大炒麵, 兩個菜連啤酒及飲料, 共265.5元馬幣
多數嚟幫襯嘅都係遊客
多數嚟幫襯嘅都係遊客


黃亞華最有名嘅, 就係燒雞翼, 果然係名不虛傳。

黃亞華小食店位於亞羅街差唔多街尾位置, 我哋在7點幾到達時已好多人,  當我哋order完後, 已坐無虛席了。

講番所享用的菜餚, 食後感如下:

1) 燒雞翼, 係成條亞羅街燒得最好味嘅, 雞翼入味又香脆, RM3元一隻, 比鄰近多檔貴RM0.5 ~ RM1, 其他檔口完全冇得同黃亞華比! 我亦在當中試了三檔, 唔得囉, 咪貪平呢;

2) 炸中蝦, 好香口, 可以遮蓋到幾隻不夠新鮮的蝦, 價錢唔平, RM55元;

3) 豆豉炒聖子, 幾好味, 價錢唔太貴, 只係份量略少;

4) 奶油骨. 同香港常食嘅沙拉骨好似;

5) 炒蜆, 麻麻地, 又少又唔夠熱, 最唔好係唔夠鑊氣;

6) 馬拉盞炒通菜及蒜蓉生菜, OK啦!

7) 炒麵, 唔係乾炒, 在馬拉炒粉麵通常都會較濕, 加大了都係好似香港一般份量, 都係唔夠食,

總括而言, 除了燒雞翼較出眾外, 其他都是一般及不過不失吧!


 
推介菜式: 燒雞翼
每人消費: 約40馬元
評分: 味道4   服務4   環境3   衛生3   抵食3
成功廣場頂層的遊樂場
成功廣場頂層的遊樂場
射箭場
射箭場
射箭場的package
射箭場的package
射箭場
射箭場
下午茶
下午茶
熱辣辣嘅墨西哥包 + 一杯凍朱古力咖啡
熱辣辣嘅墨西哥包 + 一杯凍朱古力咖啡


成功時代廣場(Berjaya Time Square) 位於 Imbi 站, 非常近Bukit Bintang, 由亞羅街行去都係10分鍾左右。

Berjaya Time Square 係吉隆坡其中一個大型商場, 走中檔路線, 屬大眾化類別, 而且商場頂層係遊玩娛樂場, 非常適合一家大細在此消閒活動; 7樓及6樓是遊樂場, 較矚目嘅就係過山車, 好有規模, 聽到陣陣的哇哇叫聲, 就知刺激度如何了, 不過要付入場費。

由7樓落一層, 有射箭場, 3位港童嚷著要玩, 我哋就揀咗RM34那個package, 包含45支箭再送8支, 工作人員會簡單教拉弓手勢及射箭技巧, 就咁快在此消磨了一個小時,  然後就去下午茶。

在商場地牢走走, 聞到香噴噴的出爐麵包味, 見有一大招牌標示有一個墨西哥包+一杯凍咖啡, 價錢有2個, 有忌廉凍啡就RM11.9, 冇cream 就RM10.9, 就被吸引咗入去坐低食個包; 食麵包最好就係新鮮熱辣辣, 呢個包正合要求, 外皮亦做到鬆脆, 而餡料亦不錯, 甜度適中, 不過就冇流沙感, 但亦屬不錯, 咖啡係走美式路線, 全冇馬來風味, 非常適合年青人口味。

Berjaya 成功時代廣場係非常適合一家大小消遣嘅地方, 唔怪得咁受當地歡迎呢!




 
參觀時段: 早上
評分: 值得去4  
重遊舊地 笑臉2016-06-16
夜晚的中央市場
夜晚的中央市場
小店及小攤檔主要都係售賣手工藝品, 豐儉由人
小店及小攤檔主要都係售賣手工藝品, 豐儉由人
朝早的中央市場
朝早的中央市場


年少時, 背住背嚢, 曾到過此一遊, 現在內裡改變都唔係太大。

中央市場主要係個小型商場, 主要售賣工兿品, 手工兿品及小飾物為主的小店, 亦是馬拉的一個重要景點之一, 共有兩層, 仲有餐廳小食店, 亦附有吉隆坡市旅遊咨詢處, 鄰近茨廠街及KL City Gallary, 建議可行完茨廠街, 走路嚟中央市場, 再由此後門行去City Gallary, 較順路。

 
參觀時段: 下午
評分: 值得去4  
KL City Gallary 笑臉2016-06-16
紙製嘅KL City Gallary
紙製嘅KL City Gallary
紙製婚紗, 幾靚架!
紙製婚紗, 幾靚架!
城市模型展, 用英語介紹吉隆坡市的發展
城市模型展, 用英語介紹吉隆坡市的發展
用木製嘅飾物牌
用木製嘅飾物牌



行完中央市場, 由市場後門出, 再轉左又轉右直出, 走過大坑渠, 望見一排古舊英式建築群, 就係要去望一望嘅地方 - KL City Gallary喇。

KL City Gallary主要係介紹吉隆坡的藝術, 城市發展及展覽其自家藝術品嘅地方, 入場不用付費, 但有D展覽就會有收費, 除可睇吓藝術品, 在城市模型展中, 佢哋亦用咗藝術方式去介紹吉隆坡的嘅長遠發展, 幾有趣嘅, Gallary內亦有Cafe' 及文具飾品出售, 如買紀念品, 在此亦可尋到寶。

參觀時段: 下午
評分: 值得去4  
其他景點 笑臉2016-06-16
國會大樓 (Sultan Abdul Samad Bldg)
國會大樓 (Sultan Abdul Samad Bldg)
國會大樓前面的大草地 Merdeka Square
國會大樓前面的大草地 Merdeka Square
近中央市場的LRT站
近中央市場的LRT站
Merdeka Square
Merdeka Square
當日黃昏天色灰濛濛
當日黃昏天色灰濛濛
晚上亮燈後的雙子塔又真係幾靚嘅
晚上亮燈後的雙子塔又真係幾靚嘅
去完KL City Gallary, 附近就係好有歷史價值嘅國會大樓樓群, 在此影番幾張到此一遊嘅相, 就搭LRT到KCCL 雙子塔, 睇埋呢個吉隆坡個主要地標, 行埋雙子塔內的大shopping mall, 喺時候搵地方食晚飯吧!
參觀時段: 下午
評分: 值得去4  
鴻記的檔口
鴻記的檔口
客人就坐在路邊或沒有裝修的空舖內
客人就坐在路邊或沒有裝修的空舖內
瓦煲雞飯, 好香好味, 一煲足夠兩人吃飽
瓦煲雞飯, 好香好味, 一煲足夠兩人吃飽
燒秋葵, 好食過炒
燒秋葵, 好食過炒
燒海蝦, 鮮甜好味
燒海蝦, 鮮甜好味
在馬來西亞必叫的青檸桔仔水
在馬來西亞必叫的青檸桔仔水
已經8點幾, 仲好多人嚟消夜
已經8點幾, 仲好多人嚟消夜
招牌菜
招牌菜


去番茨廠街搵食, 但見成條街都人山人海, 行到街尾, 見在一間空舖有一大枱正在埋單, 馬上叫班細路坐底, 即刻就聞到一陣焦香撲鼻嘅煲仔飯香, 雖然吉隆坡天氣濕熱, 但仍舊吸引很多人幫襯, 梗係有原因啦!

我吔order咗 如下 :

1) 招牌菜瓦煲雞飯(大) X 3, 一煲飯約有兩碗半飯左右, 我哋共有7人, 所以叫咗三煲; 雞的份量都算OK, 差唔多半隻啦, 但雞味唔夠大陸雞濃, 但都不錯, 好在醃味上下了功夫, 飯裡有幾片臘腸, 為雞飯增添香濃味, 豉油冇香港咁甜, 帶鹹味多點, 但把飯+雞+臘腸+豉油, 再由薑絲吊出整煲飯嘅香濃味道, 我比佢80分;

2) 燒焗蝦, 以中蝦煮, 橙色的辣汁, 好似勁辣, 其實辣度可以接受, 中蝦新鮮美味,  蝦被汁包著不致乾身, 有秋葵及四季豆作拌伴菜; 

3) 燒焗魔鬼魚, 有兩塊魚, 汁和伴菜與燒蝦一樣, 煮法亦一樣, 只是魚同蝦的分別, 不過材料都算新鮮;

4) 馬拉炒通菜, 例牌叫個菜平衡吓食海鮮肉類, 冇咩特別。

 總括嚟講, 價錢稍微平過黃亞華, 唔會因為遊客區而偏高, 食物品質亦唔係將貨就價, 係唔錯嘅選擇, 只係食飯環境麻麻, 在路邊車來車往嘅街邊及冇冷氣。
評分: 味道4   服務3   環境2   衛生2   抵食3
1.8 馬幣, 羅漢果龍眼冰, 大大杯, 真材實料, 又唔太甜, 好正啊!
1.8 馬幣, 羅漢果龍眼冰, 大大杯, 真材實料, 又唔太甜, 好正啊!
檔口充滿著慕名而來的客人, 老板做到手唔停
檔口充滿著慕名而來的客人, 老板做到手唔停


食完飯, 順路走, 但見一檔口人頭湧湧, 原來係出哂名嘅AIR MATA KUCING.羅漢果龍眼冰糖燉冬瓜。啱哂, 呢幾日食咗日咁多煎炸嘢, 係時侯清吓熱氣喇!

檔口只賣以上兩款, 當晚只得羅漢果龍眼冰, 果然清涼可口, 又唔太甜, 味道剛好, 最好嘅係價錢相宜, RM1.8就大大杯, 呢D古老傳統嘅飲品, 有益健康過超市賣嘅樽裝飲品, 值得繼續流傅和延續呢!
 
每人消費: 約1.8馬元 (宵夜)
評分: 味道5   服務5   環境3   衛生4   抵食5
茨廠街約中央位置的一個小攤檔
茨廠街約中央位置的一個小攤檔
有香噴噴嘅雪山包食, 仲有多種口味添!
有香噴噴嘅雪山包食, 仲有多種口味添!
好味嘅自家製雪條, 細細條, 唔平囉!
好味嘅自家製雪條, 細細條, 唔平囉!


飲完羅漢龍眼冰, 經過一小檔, 竟然有可愛得意雪條賣, 仲有墨西哥包賣添, 小檔老板話絕對係自家手工製作及用料上乘, 所以冇得同一般雪條比較, 我哋太飽了食唔落個包, 大家就賣了支得意雪條作為是晚的甜品。

1) 貓山王雪條RM10.9/支, 真係幾貴架, 外型係三層蛋糕狀, 唔大條, 拆開係非常香的榴槤味, 老闆拍哂心口話用正宗的貓山王製作, 所以售價較貴, 味道當然得啦, 但太細條喇, 真唔夠喉囉;

2) 芒果雪條RM6.9/支, 似朱古力方格排裝, 幾香芒果味, 老闆話係用本地芒果, 如果係呂宋芒造更好味呢! 但都唔錯又穩陣;

3) 菠蘿桃雪條RM6.9/支, 外形係最cute的熊仔腳板, 味道剛剛好, 冇搶走大家嘅原有菠蘿同桃味, 比想像中好;

4) 紅色火龍果味, 一樣係RM6.9/支, 外型係一個笑哈哈, 深紫紅色, 味道清甜可口。


 食完呢幾款特式雪條, 就回酒店執拾細軟, 明天回港了。


呢個旅程唔算用好多錢, 最主要係貴咗回港機票, 食買玩都用得不多, 以下是今次旅費(3位計)

 1) Airasia 來回香港及吉隆坡機票連稅 : HK$4,215(去HK$355/位, 回 RM420/位)

 2) Firfly來回丁加奴及吉隆坡內陸機票 : HK$735 (每程RM49/位)

 3) Redang Kalong Resort Package : HK$3,292.5 (RM439/人)

 4) Alor Boutique Hotel 2晚 : HK$850 (RM340)

 5) Best Western Premier Dua Sentral2晚 : HK1,488

 6) 陸上交通 : HK$800 (RM320)

 7) 飲食及買嘢 : HK$2500 (RM1000)

 工人合共 : HK$13,880 

 即每人HK$4,626, 雖然比以往去馬拉貴咗D, 都算抵過跟團, 更可況冇旅行團去樂浪島呢! 哈哈


 
每人消費: 約10.9馬元 (宵夜)
評分: 味道5   服務5   環境3   衛生4   抵食3
  0 個留言    |  加入你的留言
美食兵團去廈門 (中國)
(旅程日期: 2014-12-25 至 2014-12-28 ,  旅程性質: 背包旅遊, 觀光攝影, 飲食購物, 消閒度假)
 整個旅程  (共1篇遊記)
 分享至Facebook 
發表日期: 2015-02-06


自8月中去完泰國5日後, 一直工作非常忙, 每日差唔多要做12至13個鐘, 其實冇諗過聖誕再出遊, 畢竟今年已出埠4次了;  點知另一半見我辛苦, 就提議聖誕平平地去廈門走走, 優閒冇計劃嘅方式行吓, 食吓, 感受吓廈門, 反正以前都去過, 所以完全可以唔需要諗點玩, 去一次冇計劃嘅旅程........
檢票閘口, 清楚列明車次, 開閘時間及最後入閘時間
檢票閘口, 清楚列明車次, 開閘時間及最後入閘時間
D2308車次, 我哋坐3號車廂
D2308車次, 我哋坐3號車廂
3號車廂隔離就係餐卡
3號車廂隔離就係餐卡
餐卡出售嘅簡餐及飲品
餐卡出售嘅簡餐及飲品


本已托朋友在出發前20天幫我買12月25日嘅10:45嘅D2XXX車次嘅高鐵票, 點知朋友諗住一定會買到, 所以遲咗兩日至幫我買, 當然買唔到啦! 最後就只能買到08:35嘅D2308車次, 咁就要上午5點45分搭港鐵直去落馬洲過關, 再搭地鐵龍華線去深圳北高鐵站。

25/12/2014, 一早5:50分由家出發, 去到落馬洲已是7:25, 好多人過關, 因為大部份嘅旅行團都係呢D時間集合, 雖然人多擠迫, 過關都算快, 只用了20分鐘, 然後馬上跑去地鐵站買票搭地鐵, 到達深圳北高鐵站已是8:15, 在B出口出閘再跑入檢票處排隊驗車票及大小行李照X-Ray, 好彩可趕及到閘口入閘, 上車擺好背包, 高鐵已開動了; 真的"馬不停啼", 如打算高鐵自由旅行, 奉勸最好買9:30至10:30左右出發的高鐵, 咁就冇咁趕喇!

 記住開車前十分鐘要到高鐵站入閘口, 過鐘就關閘呢!
參觀時段: 早上
入場價錢: 每人311人民幣元
評分: 值得去5  
住206號房, 係細房, 一上樓梯第一間房
住206號房, 係細房, 一上樓梯第一間房
入門口就係廁所, 好細呢!
入門口就係廁所, 好細呢!
在廁所行出的第一步, 就係大床, 床係5呎闊
在廁所行出的第一步, 就係大床, 床係5呎闊
房只有大床及一張約兩呎嘅小書枱, 根本唔夠位擺嘢
房只有大床及一張約兩呎嘅小書枱, 根本唔夠位擺嘢
民宿唔算難搵, 在旺區後面
民宿唔算難搵, 在旺區後面
周圍都係民宿, 大門前有個小花園
周圍都係民宿, 大門前有個小花園
仲有桌球玩
仲有桌球玩
民宿lobby
民宿lobby


呢間民宿係在攜程網訂的, 原先係訂石敢當客棧, 但普通房已訂滿, 只有較貴嘅房, 攜程網工作人員打長途通知是否改, 我便揀我的第二選擇 - 廈門一米陽光客棧。

喺廈門高鐵站出口左邊行, 就係公交車站, 我哋搭咗943路公車在海韵站落, 差唔多個半鐘至到, 落車行出環島路, 就可見到一片海洋景色, 然後徒步約1500米到曾厝垵, 原本可以同另一半浪散步到曾厝垵, 可惜雨越落越密, 真係要快步行, 令我哋唔可以慢慢細膩沿途風景, 真可惜。

沿環島路一直走到阿川海鮮酒家(有兩家阿川海鮮, 一間舊D, 一間新D, 在新那間走入), 就會見到曾厝垵嘅大牌坊, 沿路直入, 再穿過小巷, 終於搵到一米陽光。

我訂咗兩晚, 25號係星期四, 所以係101元人民幣, 26號星期五就139元, 合共240元, 非常抵住, 但房就係屬超細房....... 

超細房在2樓, 我哋住206號, 一上樓梯就係, 一入去, 房間真係好細, 整個房冇十步距離, 而且係劏房形式, 廁所係自行間出, 面積都係非常細; 床係5呎, 旁邊有一書枱, 約2呎多些少, 所以好肯定間房連廁所不足100呎, 雖然如此, 但整體總算乾淨企理, 床褥有D軟及枕頭有D低, 其餘都OK, 平均120元一晚, 算係咁喇!

至於地點, 係在曾厝垵最旺嘅位置, 只須走出兩旁其中一條小巷, 就能走出旺點逛街, 屬旺中帶靜, 係好位置。


 
每晚價錢: 120人民幣元 (大床房)
評分: 設備4   服務3   環境3   衛生4   抵住5
好多唔同特色嘅小舖
好多唔同特色嘅小舖
古厝村屋改成攝影店
古厝村屋改成攝影店
雪糕店
雪糕店
 除了精品店, 亦有好多連鎖零食茶葉店, 包裝精美吸引, 當然價錢唔平啦!
除了精品店, 亦有好多連鎖零食茶葉店, 包裝精美吸引, 當然價錢唔平啦!
曾厝垵小街地圖
曾厝垵小街地圖
曾厝垵牌坊位, 亦是中心小街主要入口位置
曾厝垵牌坊位, 亦是中心小街主要入口位置
除了街上小店, 亦有可愛壁畫
除了街上小店, 亦有可愛壁畫
精品店門口擺設別緻
精品店門口擺設別緻


曾厝垵以前係廈門嘅一條古老漁村, 村民主要以捕魚為生, 近呢幾年, 村民轉謍旅遊業, 將曾厝垵改成另一鼓浪嶼, 現在小村充滿著好多特色小店, 尤其係精品店及零食茶葉店, 店舖裝修美輪美奐, 不乏又靚又可愛嘅精品店或連鎖小食店, 遊客完全會被佢吸引內進購物, 仲非常適合年青人行街添。

購物小貼士 :

曾厝垵嘅精品店比鼓浪嶼略平些少, 有D舖在鼓浪嶼都有, 如睇中心頭好, 睇多幾間隔吓價, 比較吓至好買, 不然街頭至街尾個價, 可以相差一半不等。
參觀時段: 全日
評分: 值得去5  
自家製酸奶, 好得呀!
自家製酸奶, 好得呀!
仲有龍蝦, 瀨尿蝦食
仲有龍蝦, 瀨尿蝦食
街上有好多以大排檔式經營嘅食店, 海鮮小菜一樣供應
街上有好多以大排檔式經營嘅食店, 海鮮小菜一樣供應
好似台灣嘅雞蛋布丁, 5元一個, 好平啊! 仲係暖食添!
好似台灣嘅雞蛋布丁, 5元一個, 好平啊! 仲係暖食添!
周街裝修特別嘅茶葉店, 賣價當然稍貴啦!有包裝麻!
周街裝修特別嘅茶葉店, 賣價當然稍貴啦!有包裝麻!
日式叮噹豆沙餅店連coffee shop
日式叮噹豆沙餅店連coffee shop
賣蛋卷
賣蛋卷


曾厝垵除咗有得行街街外, 掃街搵食都好掂。

曾厝垵嘅小食店舖或攤檔隨處都係, 小食款式好多, 甜酸苦辣, 冷熱飲食, 周街都係, 仲有好多連鎖食店, 炸蝦, 海鮮, 甜品, 甚至咖啡奶茶, 比比皆事, 而且仲有好多手信店, 如賣零食或茶葉等; 在手信店食完零食糖果, 行過隔離舖飲杯茶, 清清個口, 又食過, 唔使買都食到飽啦!

 
參觀時段: 下午
評分: 值得去5  
醫住個肚先! ok喇2015-02-06
排骨粥, 30元, 好食
排骨粥, 30元, 好食
活蝦麵, 20元, 蝦好鮮呢!
活蝦麵, 20元, 蝦好鮮呢!
整體兩款食物都唔錯
整體兩款食物都唔錯
價錢算不太貴, 但亦唔太平, 中等價
價錢算不太貴, 但亦唔太平, 中等價
小食店面積不大, 有5張枱在前面, 後面亦有枱
小食店面積不大, 有5張枱在前面, 後面亦有枱
店內有黑魚火鍋海報, 冇試
店內有黑魚火鍋海報, 冇試
店內魚缸有少量海產, 鮑魚15元一隻
店內魚缸有少量海產, 鮑魚15元一隻


喺一米陽光放低D背囊, 已經差唔多兩點半, 又凍又落雨, 由民宿向右行就係天泉街, 屬旺街之一, 就喺處覓食吧!

隨便走入一間有得食粥粉麵飯嘅小店, 叫食堂小灶, 由於天氣幾凍, 所以叫咗個排骨粥同活蝦麵, 老闆話包好食喎.....

排骨粥, 以小瓦煲上, 好有風味, 令到個粥更香, 粥底同我哋廣東粥有分別, 米同米水分開, 但又唔似潮州粥, 佢有些少綿綿感, 鹹排骨完全融入粥裡, 所以令粥更香, 份量都算OK, 可分到5小碗, 30元人民幣。

活蝦麵, 睇住老闆在魚缸攞起幾隻蝦, 佢話碗麵包新鮮, 就走入去做麵; 果然真係好鮮味, 蝦好甜, 雖然湯底冇點餚製, 湯味完全係由鮮蝦出嚟, 如果唔係活蝦做, 整個麵一定唔得囉! 只係個麵焯得過了火, 軟身咗, 整體屬唔錯, 份量就一般, 算夠食。
每人消費: 約25人民幣元
評分: 味道4   服務4   環境4   衛生4   抵食4
賣相好得, 可惜食落唔得
賣相好得, 可惜食落唔得
熊如意手工料理嘅餐牌
熊如意手工料理嘅餐牌
佢話係招牌食品嘅超級左右腿, 睇人哋食好似pizza咁, 係雞肉
佢話係招牌食品嘅超級左右腿, 睇人哋食好似pizza咁, 係雞肉
店內堂食處, 面積頗窄, 好在門口夠大
店內堂食處, 面積頗窄, 好在門口夠大
門面幾吸引, 有畫作及曾厝垵手繪地圖做裝飾
門面幾吸引, 有畫作及曾厝垵手繪地圖做裝飾
舖細細, 都有4至5個店員做嘢
舖細細, 都有4至5個店員做嘢


喺食堂小灶食完粥麵後, 就沿天泉路走, 轉入國辦街, 見到呢間門面咁卡通嘅小食店吸引咗, 就走埋去睇吓有咩食同影相。

熊如意手工料理, 主要係食吐司及飲品, 淨喺响曾厝垵, 我都見到有3間分店, 另鼓浪嶼及廈門中山路都有分店, 完全係連鎖式經營。

店內堂食好窄及坐位唔多, 得5至6張小櫈, 客人買完都係喺街邊食或一路行, 一路食; 我哋點咗一份巧克力厚吐司, 諗住先試吓味.......

個厚吐司賣相幾靚, 但一D都唔夠熱及脆, 麵包心仍然係凍嘅, 非常失敗, 當時客人又唔多, 店員又有5個, 完全有充份嘅時間煎多1至兩分鐘至拎出嚟比客人享用, 好馬虎囉!

呢個小食係我喺廈門食咁多餐中, 最唔得嘅一餐 。
每人消費: 約10人民幣元 (下午茶)
評分: 味道3   服務4   環境4   衛生4   抵食3
芝士卡餅, 46元, 薄餅好香脆
芝士卡餅, 46元, 薄餅好香脆
餡選了辣牛肉, 一D都唔辣, 好香口就真, 加埋配菜, 好食
餡選了辣牛肉, 一D都唔辣, 好香口就真, 加埋配菜, 好食
海南Pizza, 好豐富, 有雞肉, 洋蔥, 茄醬及菠蘿
海南Pizza, 好豐富, 有雞肉, 洋蔥, 茄醬及菠蘿
餐廳外貌, 周圍環境好優美, 旁邊有小路上小山丘觀海景
餐廳外貌, 周圍環境好優美, 旁邊有小路上小山丘觀海景
餐廳門口
餐廳門口
餐廳燈光較昏暗
餐廳燈光較昏暗
當晚8點前, 都係得我哋一張枱, 冇其他客人
當晚8點前, 都係得我哋一張枱, 冇其他客人
在天泉路見呢舊石頭招牌, 沿小路走入去, 就可見到餐廳
在天泉路見呢舊石頭招牌, 沿小路走入去, 就可見到餐廳


其實在食堂小灶食完行過幾個舖, 就見到有個大石頭招牌, 寫上"紅犰狳", 就走入去睇吓係咩嚟。

原來裡面有一間民宿及一間西餐廳, 西餐廳英交名叫 Roy's red armadillo, 有位小姐走出嚟用廣東話招呼我哋, 仲推銷佢哋係美國人開嘅餐廳, 食物質素好好等, 而且仲叫我哋上去餐廳旁邊嘅小山丘, 睇睇環島路一帶的海景, 好熱情呀!

由於時間尚早, 又剛食完粥麵, 所以就打算晚上七點左右再嚟食晚餐。

我哋亦約7點幾返嚟食晚餐, 點知整間餐廳都冇客人, 只有寧靜嘅輕音樂聲, 不過我哋仍照舊坐低點菜........ 第一次包場啊!

另一半一向喜歡食Pizza, 所以就叫咗個海南Pizza, 材料主要係雞肉, 洋蔥, 菠蘿及茄醬, 76元; 份量好大, 材料好足, 賣相好好, 五顏綠色, 好吸引, 最好就係薄批, 又熱辣辣, 批脆料足, 正!

另外女店員介紹我哋食芝士卡餅, 46元; 佢講話餅底同pizza 同樣都係自家搓製, 所以一定可靠, 我選了辣牛肉做餡, 卡餅嘅牛肉一D都唔辣, 加上沙律配菜一齊食, 好正呀! 餅身好脆口, 要趁熱食, 果然冇介紹錯。

其實亦想試其他食品, 佢亦有介紹肉醬意粉, 但以上兩樣都令我哋飽到不得了, 可惜啊!

我哋食完, 已經8點幾喇, wifi上完網, 仍未有第二枱客人入嚟, 其實餐廳整體唔差吖, 環境食品都好喎, 價錢亦唔係太貴, 可接受呀!  希望佢唔好執笠啦!



推介菜式: 辣牛肉芝士卡餅
每人消費: 約61人民幣元 (晚餐)
評分: 味道5   服務5   環境5   衛生5   抵食4
平價蟹黃包 ok喇2015-02-06
店內光猛企理
店內光猛企理
所賣嘅食品
所賣嘅食品
門口有熱辣辣嘅蒸爐
門口有熱辣辣嘅蒸爐
店內算乾淨衛生
店內算乾淨衛生
熱辣辣嘅蟹黃湯包
熱辣辣嘅蟹黃湯包
醬爆魚丸, 10元
醬爆魚丸, 10元
店內介紹蟹黃湯包嘅歷史文章
店內介紹蟹黃湯包嘅歷史文章
食完西餐, 就慢步行吓天泉街同國辦街呢兩條旺街, 就行到國辦街街尾(近公廁), 有間蟹黃湯包店, 門面光猛企理, 可以用大眾化嘅價錢食蟹黃小籠包, 一於入去試吓啦!

蟹黃湯包有三款, 有魚翅, 貢品及普通, 我哋只叫了28元的普通蟹黃湯包及一碗10元嘅秘製魚丸湯; 湯包有8粒, 外皮唔太厚, 只係封頂位嘅位較厚皮, 內裡湯唔太多, 清甜有蟹黃味, 但唔濃, 豬肉味較重。如此價錢, 要求就唔好咁高, 有70分啦! 而魚丸湯係醬爆類,  湯底係好清甜, 有紫菜味, 但佢最唔好係有落味精, 魚丸都算OK, 但得四粒, 唔抵食。

此店屬連鎖店, 好多旺區都有, 如行得累, 都可以坐低休息食個湯包嘅!
每人消費: 約19人民幣元 (宵夜)
評分: 味道3   服務3   環境4   衛生4   抵食4
靚粥 笑臉2015-02-06
粥店在最旺街嘅中央, 但裝修陳舊, 好唔起眼
粥店在最旺街嘅中央, 但裝修陳舊, 好唔起眼
活蝦粥 28元, 好鮮好味, 呢D就係鮮味
活蝦粥 28元, 好鮮好味, 呢D就係鮮味
手工水餃, 18元, 味道就普通D
手工水餃, 18元, 味道就普通D
菜牌
菜牌
菜單
菜單


26/12/2014, 一早已起床出去搵食, 其實已鎖定一間食店, 就係响國辦街中間的一間家庭式小食店, 主要賣粥及水餃, 叫曾嫂粥店。

由於喜歡食蝦, 所以又係叫一碗活蝦粥, 28元及一份手工水餃18元。

曾嫂活蝦粥比昨日在食堂小灶嘅粥更好食, 蝦味更鮮, 粥更香滑; 手工水餃就普通咗D, 材料主要係豬肉同菜,咁又唔係唔好食嘅, 有家庭feel囉,總算食到一餐暖笠笠又滿足嘅早餐。
每人消費: 約23人民幣元 (早餐)
評分: 味道4   服務3   環境2   衛生3   抵食3
好貴嘅船費! 哭臉2015-02-06
由曾厝垵搭112路公車去第一碼頭總站, 再轉搭1號公車到郵輪碼頭
由曾厝垵搭112路公車去第一碼頭總站, 再轉搭1號公車到郵輪碼頭
廈門國際郵輪碼頭
廈門國際郵輪碼頭
碼頭內的鼓浪嶼渡輪售票處
碼頭內的鼓浪嶼渡輪售票處
去鼓浪嶼的船期
去鼓浪嶼的船期
碼頭內的鼓浪嶼旅遊諮詢處
碼頭內的鼓浪嶼旅遊諮詢處
碼頭內人頭擁擁
碼頭內人頭擁擁
鼓浪嶼渡輪碼頭
鼓浪嶼渡輪碼頭
廈門鼓浪嶼船票, 回程要查票
廈門鼓浪嶼船票, 回程要查票


食完早餐都係9:30, 在曾嫂粥店向海邊方向走, 行至曾厝垵公交站(分站), 乘112號車到廈門第一碼頭公交總站落車, 全程約坐12個站, 半個多小時左右, 1元車費, 再在此公交總站轉乘1號公交車到廈門國際郵輪中心, 車費亦是1元, 再乘遊客渡輪到鼓浪嶼。

奇怪!點解唔喺第一碼頭搭船而去郵輪碼頭嘅?原來在2014年10月20日, 廈門已不准外來遊客, 包括中國公民等非廈門市居民及鼓浪嶼居民者, 全部都要到廈門國際郵輪中心乘遊客專船去鼓浪嶼, 船票一律每人35元/來回, 咁咪冇得搭8元來回嘅渡輪囉!呢D福利只留比廈門居民,  嘩! 真係"禁"住嚟比佢搶, 除非唔去鼓浪嶼, 否則都要 "硬比"啦! 5分鐘船程收來回35元人仔, 真過份, 心想尖沙咀去中環真係好抵呀!

唔好以為咁貴冇人坐, 就係大把人坐, 所以唔係去到就有船搭, 我哋約11:00到碼頭, 都只可搭12:50嘅船, 買完票, 排在我後面買飛嘅亦只能買下一班(13:10)嘅船, 可想而之呢條渡輪線幾好賺呀!

PS : 如想搭早上嘅船到鼓浪嶼, 最好提早一日到碼頭買票, 否則多數都只能買到個幾兩個鐘後嘅班次。






參觀時段: 下午
入場價錢: 每人35人民幣元
評分: 值得去5  
鼓浪嶼美景 笑臉2015-02-06
鼓浪嶼到處都係西式歷史建築物
鼓浪嶼到處都係西式歷史建築物
红地毯趣味蠟像館
红地毯趣味蠟像館
基督教協和禮拜堂
基督教協和禮拜堂
美國領事館舊址
美國領事館舊址
舊房子改造成Cafe'
舊房子改造成Cafe'
日光岩
日光岩
龍山洞
龍山洞


多年前已曾嚟過鼓浪嶼, 以前冇咁多遊客, 島上亦冇咁多店舖, 主要係海鮮飯店,另外都會到島上嘅名勝睇睇, 而且仲唔駛門票添; 但今時唔同往日, 昔日免費嘅景點, 通通都要收入場費, 最平都要收30元, 而日光岩就收60元, 又要行餐死上山, 又要比錢, 真係......

如要去島上名勝, 千萬唔好續個景點比錢參觀, 可買100元參觀5個景點嘅套票, 在郵輪碼頭諮詢處有售;另外亦可在攜程網買套票, 仲平多10元, 只須90元, 套票包含五個島上景点: 日光岩、菽庄花園、皓月園、風琴博物館及國際刻字藝術館, 可在島上嘅旅遊中心取票。另外亦可在所住嘅民宿隔價, 好多民宿客棧都有提供以上呢!

而我哋就冇買任何名勝嘅門票,  無受門票景點嘅路線及時間束縛, 總之隨處行, 隨處睇啦!
推介項目: 周圍食, 周圍買, 周圍睇
參觀時段: 全日
入場價錢: 每人35人民幣元
評分: 值得去5  
風螺及蠔, 即燒即食
風螺及蠔, 即燒即食
小食攤檔, 好似台灣夜市模式
小食攤檔, 好似台灣夜市模式
零食及茶葉店, 裝修越靚, 產品包裝越正, 價錢就越貴
零食及茶葉店, 裝修越靚, 產品包裝越正, 價錢就越貴
最多牛軋糖及鳳梨酥賣
最多牛軋糖及鳳梨酥賣
炒蟹, 20元一碗
炒蟹, 20元一碗
龍頭路中段成日都人山人海
龍頭路中段成日都人山人海
街頭小食, 鵪鶉蛋炸蝦, 賣相靚又好食
街頭小食, 鵪鶉蛋炸蝦, 賣相靚又好食
龍頭路前段
龍頭路前段


鼓浪嶼除咗有靚景睇外,周街都係美食。

由碼頭向左行,約十幾分鐘,就會行到食街 - 龍頭路,所有小食店,小飯店都集中此處,真係一個掃街好地方。而有幾間食店或攤檔喺曾厝垵及廈門中山路都有分店,如之前錯過某些小食,都仲有機會搵到。



 
推介項目: 周圍食
參觀時段: 下午
評分: 值得去5  
鄭家墨魚丸 笑臉2015-02-06
鄭婆婆親自sell 自家製墨魚丸
鄭婆婆親自sell 自家製墨魚丸
D墨魚丸都算大粒, 仲好彈牙添
D墨魚丸都算大粒, 仲好彈牙添
鄭婆婆就係呢條街擺檔, 都幾近碼頭
鄭婆婆就係呢條街擺檔, 都幾近碼頭


鼓浪嶼碼頭附近,有幾檔賣魚丸,而呢檔鄭家墨魚丸,鄭婆婆就非常強調其墨魚丸係由佢親自主理,每日用新鮮嘅墨魚手打而成,由製造、烹調及銷售都係由佢負責,行過見佢D魚丸幾大粒,又幾好樣,咪買咗一碗試吓,15元有8粒,口感非常好,好彈牙,唔太多粉,仲有實質嘅墨魚小粒在魚丸內,果然真材實料,雖然有落味精,但可接受,呢個墨丸喺我喺廈門食嘅魚丸中較難忘,味道、份量同價钱都係較好,值得推薦。
每人消費: 約15人民幣元 (午餐)
評分: 味道5   服務5   環境2   衛生4   抵食4
右邊紙包裝,有齊4款餅食: 鳳梨酥, 紅豆餡餅, 蜜柚餡餅及綠豆餅各一, 售10元
右邊紙包裝,有齊4款餅食: 鳳梨酥, 紅豆餡餅, 蜜柚餡餅及綠豆餅各一, 售10元
店內裝修非常歐洲風味
店內裝修非常歐洲風味
鼓浪嶼趙小姐的店, 隔離就係張三瘋奶茶, 兩間店都係以歐洲風格裝修
鼓浪嶼趙小姐的店, 隔離就係張三瘋奶茶, 兩間店都係以歐洲風格裝修
除咗餡餅, 仲有茶葉賣, 主打英式紅茶
除咗餡餅, 仲有茶葉賣, 主打英式紅茶
仲提供快遞服務幫客人送貨
仲提供快遞服務幫客人送貨
中山路的分店
中山路的分店


趙小姐的店喺廈門都算係名牌字, 名下除趙小姐的店, 仲有張三瘋歐式奶茶及潘小蓮酸奶。

趙小姐的店主要係賣餡餅, 茶葉及歐式茶具精品; 據聞此店係由趙小姐後人由南洋回流中國開嘅, 趙小姐家住廈門鼓浪嶼, 接受西方教育, 懂得自製西式餡餅, 後來移民至南洋, 家人好喜愛其餅食, 於是在改革開放後回歸故鄉開咗趙小姐的店。

由於趙小姐的店裝修華麗, 真係比佢吸引咗入去睇吓, 入到店裡真係好想幫襯佢哋買嘢, 包裝好吸引, 店員又打哂bow 呔或著住女僕製服, 餅食唔太貴, 但茶葉就唔平, 因重量太輕喇。

我買咗一包10元嘅餡餅, 裡面有4種味道各一, 包括鳳梨酥, 蜜柚餡餅, 紅豆餡餅及綠豆酥; 鳳梨酥味道一般, 而且係冬瓜餡, 冇得同台灣微熱山丘比啦! 蜜柚餡餅唔算太甜,  綠豆酥都係喺南普陀寺買嘅好, 主要係餡唔得; 三款較好嘅係紅豆餡餅, 唔太甜。

所以唔好睇佢係名牌就一定啱食, 好彩只買散裝包, 試過就算吧! 
每人消費: 約10人民幣元 (午餐)
評分: 味道3   服務4   環境5   衛生5   抵食3
張記腸粉 ok喇2015-02-06
門口窄窄, 但內裡都有5張4人枱
門口窄窄, 但內裡都有5張4人枱
鮮蝦腸, 仲有菜及雞蛋做配料
鮮蝦腸, 仲有菜及雞蛋做配料
賣相冇香港嘅腸粉咁整齊, 不過味道唔錯
賣相冇香港嘅腸粉咁整齊, 不過味道唔錯
腸粉款式及價錢
腸粉款式及價錢
食店內
食店內


我哋本著掃街精神, 繼續覓食, 見到有人排隊買嘢食, 門口咁多蒸氣, 原來賣腸粉也。

走入去, 買票叫咗個鮮蝦腸+蛋+肉+菜, 18元, 用大紙杯裝住一條大腸粉, 賣相有D唔整齊, 但顏色配合得幾靚, 有蝦有肉有蛋有菜, 鼓油味有調過, 蝦好鮮及夠彈牙, 共有4隻蝦, 配合蒸豬肉, 係唔錯嘅選擇。


每人消費: 約20人民幣元 (午餐)
評分: 味道3   服務4   環境3   衛生3   抵食3
醬烤豬腳 笑臉2015-02-06
只能買走食, 冇堂食
只能買走食, 冇堂食
檔口前有位識廣東話嘅男士在拉客叫人幫襯買豬腳
檔口前有位識廣東話嘅男士在拉客叫人幫襯買豬腳
原隻豬腳燒
原隻豬腳燒
燒好嘅醬烤豬腳, 30元
燒好嘅醬烤豬腳, 30元


食完腸粉, 沿龍頭路行, 好多小食店, 人頭擁擁, 遊客企哂喺店前等做好嘅小食, 我哋當然在其中, 等燒好嘅醬烤豬腳, 約五分鐘後, 整好嘅豬腳就在手中, 企在街旁慢慢品嘗。

豬腳當然骨膠原好豐富, 醬汁亦唔錯, 當然唔及阿媽嘅手筆, 但味道OK, 只係豬腳冇豬手咁多肉, 骨較多,  其實我覺得在大陸30元一隻豬腳都幾貴, 但遊客區, 就係咁喇!
推介菜式: 醬烤豬腳
每人消費: 約30人民幣元 (午餐)
評分: 味道4   服務4   環境2   衛生3   抵食3
熱朱古力 熱奶茶
熱朱古力 熱奶茶
奶茶加咗提子乾同瓜子, 一路飲一路食
奶茶加咗提子乾同瓜子, 一路飲一路食
鼓浪嶼店
鼓浪嶼店
曾厝垵店
曾厝垵店


食咗咁多嘢, 要飲番杯嘢解吓渴, 在趙小姐的店旁就係張三瘋奶茶, 在廈門係好有名嘅奶茶店, 網上個個讚, 就試吓係咪真先.....

我叫咗奶茶, 另一半叫咗朱古力, 兩款都係20元一杯,  先講朱古力, 真係非常普通, 完全係喺超市買返返嚟嘅朱古力粉開嘅一樣, 完全冇特別; 而奶茶就同係台灣或香港嘅街邊茶店差唔多, 唔會太差, 不過佢嘅特色係喺奶茶裡加咗提子乾同瓜子, 可以一路飲茶, 一路食小食, 而奶茶又配合到提子乾同瓜子嘅味道, 真係非常好嘅配搭。

除咗奶茶, 佢哋仲有咖啡, 芝士餅同牛軋糖及曲奇餅賣, 另外亦有佢哋隻貓做商標嘅紀念品賣添, 牛軋糖同曲奇餅又細又少, 賣36元, 認真唔平呀! 不過就深受年青人歡迎喇。
推介菜式: 熱奶茶
每人消費: 約20人民幣元 (下午茶)
評分: 味道5   服務4   環境4   衛生4   抵食3
呢間小店都係响食街 - 龍頭路中
呢間小店都係响食街 - 龍頭路中
爆炒鮮蝦, 35元, 其實味道唔錯, 可惜唔夠熱
爆炒鮮蝦, 35元, 其實味道唔錯, 可惜唔夠熱
花蛤 15元, 味道OK, 可惜有沙嘅
花蛤 15元, 味道OK, 可惜有沙嘅
炒聖子, 25元, 又係有沙嘅
炒聖子, 25元, 又係有沙嘅
海瓜子, 15元
海瓜子, 15元
炒芥蘭, 15元, 好苦嘅芥蘭呀!
炒芥蘭, 15元, 好苦嘅芥蘭呀!
海鮮價錢牌
海鮮價錢牌


我哋在鼓浪嶼食完又行, 行完又食, 都行咗食咗幾個鐘, 好彩唔係主食, 喺以小食為主, 所以行到入黑, 就喺處食番餐海鮮晚餐至搭船返廈門。

在食街龍頭路走咗個圈, 睇吓D食店海鮮價, 有平有好貴, 貴到拍得住香港西貢區都有, 兩個人食吓蠔, 蝦, 蟹等, 冇魚嘅話, 都要5至6百元, 我寧願返西貢食啦!, 最後搵到間小店, 叫國耀小吃店, 個男知客猛咁落咀頭, 猛話平靚正, 好, 因為真係唔貴, 就入咗去試吓!

我哋叫咗5個餸, 4個海鮮1個菜, 其實海鮮嘅味道係OK嘅, 海鮮算新鮮, 而我哋嘅海鮮一律用同一個汁烹調, 簡直係連個鑊都唔駛洗, 一口起煮哂佢, 10分鐘後, 5個餸一齊上, 但全部都唔熱嘅, 我覺得係煮完咗, 放咗喺度冇人拎比客人咁囉, 而蜆及聖子雖然新鮮, 但好似冇洗過咁, 好多沙囉, 而海瓜子係第一次食, 味道同質感好似淡菜, 亦有些少沙喺裡面, 而較差竟然係個芥蘭, 唔單止苦, 而且仲有D生添, 雖然價錢好平, 只係整數100元, 但真係有D失望囉!

 
每人消費: 約50人民幣元 (晚餐)
評分: 味道2   服務4   環境3   衛生3   抵食3
鷺江夜東面
鷺江夜東面
鷺江夜景西面
鷺江夜景西面


食完餐失望海鮮餐, 慢慢走去碼頭搭船, 一路沿海邊行去, 順便欣賞埋廈門鷺江夜景, 有D似縮細咗嘅上海黃埔灘, 原來廈門都真係好繁華喎, 不過都係香港維港夜景最靚!
參觀時段: 晚間
評分: 值得去5  
店外嘅外牆畫上`五月天漫畫版, 好搶眼!
店外嘅外牆畫上`五月天漫畫版, 好搶眼!
阿信厚吐司店嘅老闆及老闆娘
阿信厚吐司店嘅老闆及老闆娘
老闆正在做我哋嘅芝士厚吐司
老闆正在做我哋嘅芝士厚吐司
店內係貼滿顧客留言報示貼及五月天照片
店內係貼滿顧客留言報示貼及五月天照片
老闆娘自家製雙皮奶, 6元及雙層奶酪厚吐司, 15元
老闆娘自家製雙皮奶, 6元及雙層奶酪厚吐司, 15元
煉奶厚吐司, 9元, 非常好味
煉奶厚吐司, 9元, 非常好味
又滑又唔凍嘅雙皮奶, 最好係甜味適中
又滑又唔凍嘅雙皮奶, 最好係甜味適中
吐司店都做埋早餐, 老闆好勤力
吐司店都做埋早餐, 老闆好勤力


回程返廈門嘅渡輪唔駛去國際郵輪中心, 而係去第一碼頭上岸, 咁就方便搭車, 上岸唔係行去碼頭前面嘅巴士站, 而係行去(向番曾厝垵方向行)十幾米嘅另一公交車站, 乘29號返曾厝垵(阿川海鮮對面)落車。

同另一半拍拖行返去客棧, 在天泉路行吓, 見到一間非常colourful嘅小食店, 主要售吐司, 咁就食埋宵夜至返客棧休息。

阿信吐司店係由年青兩夫妻經營, 兩小口子嘅偶像係五月天, 所以整間店就以五月天做主題, 在店外牆身畫上五月天的漫畫俏像, 店內又掛上五月天的演唱會照片, 又放上電子結他作裝飾, 而店內牆壁貼滿五顏六色嘅報示貼, 報示貼上面寫上客人嘅心聲及支持阿信吐司店嘅留言, 既溫馨又可粉飾牆身, 一舉兩得。

我哋先叫咗一客雙層奶酪吐司及一客雙皮奶試試, 老闆娘極力推薦佢自家製嘅雙皮奶, 只係6元, 試吓都冇妨, 果然冇介紹錯, 雙皮奶好滑, 做法有D似啫喱, 可能有落魚膠粉, 而且最好係唔凍又唔太甜, 好啱口味; 而吐司就係由老闆負責, 睇住佢即做, 約10分鐘送上, 熱辣辣嘅厚吐司, 芝士融化喺麵包上, 又香又脆, 鹹甜交雜, 而麵包心熱烘烘, 超好味嘅厚吐司啊! 所以再encore多一份煉奶厚吐司, 9元一份, 好抵又好味; 相比在熊如意手工料理, 老闆就用心做好吐司給客人, 而熊如意就超級馬虎快做給顧客, 真係天淵之別。

 
每人消費: 約10人民幣元 (宵夜)
評分: 味道5   服務5   環境5   衛生5   抵食5
馳名斋菜 笑臉2015-02-06
香泥真藏(小), 35元, 係我同另一半嘅至愛, 竽泥又香又滑
香泥真藏(小), 35元, 係我同另一半嘅至愛, 竽泥又香又滑
鮑魚併盤 (小), 30元, 質感真係似鮑魚
鮑魚併盤 (小), 30元, 質感真係似鮑魚
羅漢斋 (小), 35元, 好多菇類, 好味!
羅漢斋 (小), 35元, 好多菇類, 好味!
當歸麵筋湯(小), 30元, 好香嘅當歸味
當歸麵筋湯(小), 30元, 好香嘅當歸味
套餐及散叫價錢
套餐及散叫價錢
斋堂, 完全舊式酒樓feel
斋堂, 完全舊式酒樓feel
海會樓賣票處
海會樓賣票處
三餸一湯, 共125元
三餸一湯, 共125元


27/12/2014

10:30 天氣非常唔好, 一路落大雨, 天氣又寒冷, check out 一米陽光客棧後, 連早餐都唔食, 搭751號公交車出發去南普陀寺, 只須坐到廈門大學總站落車, 車站旁就係南華寺同廈門大學, 非常方便。

到南普陀寺主要唔係拜佛, 只係為美食而來, 南普陀寺斋菜一向有名, 多年前嚟嘅時候已一試難忘, 今次重遊舊地, 斋菜依然美味, 特別是"香泥真藏", 真係我嘅至愛, 一向唔太愛食芋頭嘅我亦被 "佢" 打動呢!

除咗斋菜, 南普陀寺亦自家製作糕点餅食零售, 我亦買咗幾款試試, 特別係普提蘇, 味道及品質亦相當不錯, 推薦!

PS : 南普陀寺有兩處斋堂, 我所去嘅係海會樓, 內裡裝修較舊, 要到售票處點菜買票, 如只得2至4人, 此處較適合及可點例牌(小), 價錢約30幾元左右; 但如去近公交總站那間, 那裡裝修較華麗, 招呼較好, 不用出去買票, 而斋菜大致差唔多及有得獎斎菜選擇, 但就冇例牌供應, 最少都要選中牌, 而得獎斎菜多數係供10人以上享用, 當然價錢較貴點, 大家要留意吧!
每人消費: 約65人民幣元
評分: 味道4   服務4   環境4   衛生4   抵食4
南普陀寺 笑臉2015-02-06
南普陀寺大門
南普陀寺大門
已完成翻新嘅大雄寶殿
已完成翻新嘅大雄寶殿
廈門大學公交車總站
廈門大學公交車總站


食完斋, 雨冇咁大, 順便入寺走走, 寺廟仍在進行翻新工程, 大約已完成7成修葺, 翻新後的殿裡內外非常堂皇華麗, 雖然天氣唔好, 但仍然有好多遊客, 特別係旅行團, 一定必到, 但就冇得喺處食斎。

當然南普陀寺亦屬名勝, 而且交通方便, 又鄰近廈門大學, 值得到此一遊!
參觀時段: 早上
評分: 值得去5  
廈門大學 笑臉2015-02-06
廈大圖書館
廈大圖書館
大學體育館
大學體育館
湖旁的小動物
湖旁的小動物
廈大主樓 + 芙蓉湖
廈大主樓 + 芙蓉湖
廈大宿舍
廈大宿舍
宿舍掛滿學生的 "底底", 認真係萬國旗宿舍
宿舍掛滿學生的 "底底", 認真係萬國旗宿舍
廈門大學門口就係公交車總站
廈門大學門口就係公交車總站


參觀完南普陀寺, 順便去埋廈門大學睇吓, 廈門大學係中國其中一間美麗大學之一, 以前亦曾參觀其運動場部份, 好宏偉, 今次再重踏校園。

從南門入口入大學前, 一律要交身份証比保安員檢查及Scan, 先至可入內參觀。

其實廈門大學好大, 近南普陀寺嘅廈大喺其中一處入口, 屬南門處, 另可從曾厝垵那邊入廈大, 那邊則屬西門入口。

大學內周圍綠樹成蔭, 環境優美, 由於我冇買大學地圖, 所以就以 "有路就行, 有景就影"嘅原則"隨意走, 約走10分鐘, 就見到主要地標 - 芙蓉湖及廈大主樓, 影完幾張相, , 原本想再行入去參觀魯迅紀念館及人類博物館及去埋大學裡嘅咖啡街嘆coffee, 但雨就越落越大, 實在唔可以再行入去了, 唯有馬上出去搭車在7天連鎖酒店check in, 真掃興啊!
參觀時段: 早上
評分: 值得去5  
5呎大床, 係望落較乾淨嘅地方
5呎大床, 係望落較乾淨嘅地方
浴室, 燈光頗暗, 洗手盤唔乾淨
浴室, 燈光頗暗, 洗手盤唔乾淨
終於可以有枱擺嘢喇
終於可以有枱擺嘢喇
大床房有分有窗房及冇窗房, 有窗主要都係望後巷
大床房有分有窗房及冇窗房, 有窗主要都係望後巷
12ife lobby
12ife lobby
二樓layout plan
二樓layout plan
wifi 密碼
wifi 密碼


在booking.com訂此酒店, 好平, 只係人民幣176一晚, 地點唔錯, 可惜清潔方面唔得全面。

去完廈門大學參觀, 就喺公交總站等959路車到中山公園對面落車, 落車後向右邊走10米左右就見到7天。

(PS : 在廈大公交站等959號車, 要在路線牌旁路邊等, 959號冇站頭, 司機會在總站旁上落客)。

第一次住7天連鎖, 呢間中山公園分店座落在一幢住宅大廈嘅地下至4樓, 附設一間擺貨凌亂嘅便利店; 第一個印象係好唔整齊, 大堂張梳化仲好污糟同凹咗添。

我要求要一間有窗嘅大床房, 在二樓, 一入房, 即見浴室門口的地板破損但未有修理, 這容易令客人拌倒; 洗手盤外底有好多污漬; 淋浴玻璃門同樣有污垢及關不到, 最可怕是房裡的牆身, 有很多被打死嘅蚊子屍骸黏在牆壁上, 但仍沒有清理, 所以對此酒店印象認真麻麻。

自主大床房的大床夠大, 床褥軟硬適中, 只是枕頭較扁; 雖然房間在清潔上做唔出基本水準, 但幸好床舖尚算潔淨。

至於地點, 交通方便, 慢行10分鐘就到中山路; 門口有公交車站, 坐4路公交車到二市站下車, 在此轉BRT公車就可到機場, 火車站及廈門北高鐵站。

整體酒店已稍舊, 應要再裝修, 如在清潔加把勁, 是非常推薦 。

每晚價錢: 176人民幣元 (大床房)
評分: 設備3   服務2   環境2   衛生2   抵住3
中山路頭段, 此建築物係叫中閩百匯商場, 只有地下商場, 二三樓全封了
中山路頭段, 此建築物係叫中閩百匯商場, 只有地下商場, 二三樓全封了
中山路中段部份有間教堂
中山路中段部份有間教堂
中山路橫街有條小食街, 同鼓浪嶼嘅小食店同出一同轍
中山路橫街有條小食街, 同鼓浪嶼嘅小食店同出一同轍
中山路頭段有條古城東路橫街
中山路頭段有條古城東路橫街
中山路頭段有條橫街係賣茶葉, 價錢唔算好貴
中山路頭段有條橫街係賣茶葉, 價錢唔算好貴
中山路地下有好多鋪咗小石嘅古代地標
中山路地下有好多鋪咗小石嘅古代地標
中山路後段嘅夜景
中山路後段嘅夜景
中山路另一邊嘅夜景
中山路另一邊嘅夜景


中山路步行街係廈門最古老嘅商業街, 亦同中國其他城市嘅步行街一樣, 用古建築群襯托著現代零售店舖, 而廈門係以古南洋騎樓式樓群串連, 同廣州北京路及上下九相對成姊妹作品, 樓群外部有油漆翻新, 夜晚配合燈光, 的確幾靚。

同其他中國步行街一樣, 主街主要係連鎖式集團店舖, 所以我較喜歡行橫街, 可發掘到特色小店, 而且有時貨品價錢仲比主街平添。

中山路橫街主要以一條街形式經營, 成條街一係賣茶葉, 又或掃街小食, 甚至係淡水珍珠等一條街, 想買咩嘢, 就行嗰條街隔價又隔貨就得。

參觀時段: 下午
評分: 值得去5  
門口已經寫住百年老店, 強調老字號
門口已經寫住百年老店, 強調老字號
至尊鯊魚丸, 20元, 得5粒, 超貴呀!
至尊鯊魚丸, 20元, 得5粒, 超貴呀!
薄餅, 餡料主要係蔬菜, 8元兩條
薄餅, 餡料主要係蔬菜, 8元兩條
價錢牌
價錢牌
室內環境, 好古式古鄉
室內環境, 好古式古鄉
門口
門口


由7天酒店慢步至中山路約10分, 見在中山路頭段有間外型古色古香嘅建築物, 就被佢吸引咗, 原來係賣魚丸及廈門小食, 即刻入去試佢出名嘅至尊鯊魚丸湯, 同時叫多一客簿餅, 先試試味......

至尊鯊魚丸湯, 內裡只得5粒, 20元, 都幾貴, 魚丸size唔係好大, 諗住好味補番數, 點知食落唔係好特別, 只係幾彈牙, 但食唔出係鯊魚定其他魚味, 反而鼓浪嶼鄭婆婆嘅墨丸仲好味。

至於簿餅, 8元兩條, 餡料以蔬菜為主, 有紅蘿蔔絲, 青瓜絲, 蛋絲及生菜絲, 其實係一個唔錯嘅素小食, 但唔知點解簿餅外好多油, 一喺煎餅時用好多油整, 攪到整個餅油淋淋咁, 失哂色囉!

其他嘢就冇試喇, 所以千奇唔好被個"百年老店"四個字就諗住一定有好嘢食。
 
每人消費: 約14人民幣元 (午餐)
評分: 味道4   服務2   環境4   衛生3   抵食2
小豬找茶 笑臉2015-02-06
吧枱有兩位姐姐仔負責
吧枱有兩位姐姐仔負責
麥兜望住嘅就係原味熱紅茶拿鐵同煉奶烤吐司
麥兜望住嘅就係原味熱紅茶拿鐵同煉奶烤吐司
芝士烤地瓜, 10元兩客
芝士烤地瓜, 10元兩客
飲食單張
飲食單張
價錢
價錢


喺中山路行咗個幾鐘, 個肚開始打鼓, 又係時候坐底食杯嘢, 食個包。

在中山路中後段, 有一間樓上Cafe', 叫小豬找茶, 最得意係上樓處有隻高過大人嘅麥兜毛公仔作招牌, 一於入去食嘢。

小豬找茶唔係以主食為主, 零星有幾種飯食, 如咖哩雞飯同牛腩飯, 佢主要係飲嘢同包點小食, 我哋各叫了一杯美式凍咖啡及原味熱紅茶拿鐵, 分別係14元及12元, 唔係貴D就好D, 相反係原味紅茶拿鐵好飲好多, 唔加糖都好飲過凍咖啡, 另一半又揀錯嘢飲喇!

另外又叫咗個芝士焗地瓜10元, 一客兩件, 細細個, 焗地瓜香口又香甜, 好食; 乳酪烤吐司9元, 即係煉奶烤吐司, 都好好味, 冇揀錯地方嘆茶。

小豬找茶環境舒適, 一共有兩層, 仲有免費Wifi, 所以我哋都喺處坐咗個幾鐘上網, 好讓雙腳休息吓, 繼續周圍行。
每人消費: 約22.5人民幣元 (下午茶)
評分: 味道5   服務4   環境4   衛生4   抵食4
老廈門菜館 笑臉2015-02-06
餐廳門口
餐廳門口
一邊為土樓風格, 一邊上海feel
一邊為土樓風格, 一邊上海feel
當歸枸杞炖赤肉, 18元, 超清甜
當歸枸杞炖赤肉, 18元, 超清甜
古法醋燒雞, 28元, 賣相唔得味道得
古法醋燒雞, 28元, 賣相唔得味道得
酸菜魚, 42元, 又大份又抵食
酸菜魚, 42元, 又大份又抵食
金蒜娃娃菜, 16元, D鼓油好似蒸魚鼓油, 令到個菜好入味
金蒜娃娃菜, 16元, D鼓油好似蒸魚鼓油, 令到個菜好入味
花生綿綿冰, 20元, 估佢唔到咁好飲
花生綿綿冰, 20元, 估佢唔到咁好飲
餐廳裝修好風土味, 以土樓作模範
餐廳裝修好風土味, 以土樓作模範


離開小豬找茶已經5點, 個天都黑哂, 我哋從小豬出嚟向右轉入另一旺街, 又再行過, 經過一個大型商場, 叫南中廣場, 見全部嘅廣告都係食肆, 咁就入咗去睇吓有咩嘢食先。

地下商場舖, 都係零售時裝同飾品為主, 都好凋零, 上二樓睇吓, 全部都係酒樓飯店, 有粵菜, 私房菜, 川菜及閩菜, 行咗二樓一個圈, 決定選一間廈門菜試吓, 但時間尚早, 所以諗住出去行多一個鐘再返嚟食。

一小時後, 返嚟呢間叫 "清菜家老廈門菜館", 但見人山人海, 好多人等位, 咁旺場嘅, 全層最好生意係呢間菜館; 我哋最終都等咗個幾鐘( 約8:00)至有位。

馬上叫菜, 在等位時已click定菜式如下 :

1) 當歸枸杞炖赤肉, 一盅18元, 賣相及材料都係非相唔靚同簡單,  個湯係呈透明,真係估唔到佢超甜超好味, 全冇味精, 真係只有以上三種材料, 但竟然可以炖到呢個效果, 好嘢!

2) 金蒜娃娃菜, 16元, 最特別係個豉油, 佢係加咗豬油一齊住嘅豉油, 所以令到個菜好香甜。

3) 古法醋燒雞, 28元, 用甜醋炆雞, 第一次試, 雖然賣相「黑蚊蚊」,  一D都唔靚, 但醋令雞有酸甜味, 酸甜鹹融入雞裡, 唔錯喎, 而且例牌都有半隻雞, 抵食。

4) 酸菜魚, 42元, 超大鍋, 大魚片在面, 娃娃菜同酸菜在底, 賣相唔錯, 大魚好甜好新鮮, 雖然我唔好食淡水魚, 但真係被佢嘅配菜同湯味吸引, 辣得好好味, 但由於得兩個人, 實在食唔哂, 我覺得好浪費囉, 早知唔叫 金蒜娃娃菜啦! 

5) 花生綿綿冰, 20元, 係佢哋嘅招牌飲品, 果然好飲, 濃濃嘅花生味, 凍飲唔太甜, 剛好中和番食酸菜魚嘅辣味。

 清家菜除咗菜式好得外, 環境同服務都一樣咁得, 最初揀呢間都係見佢裝修唔錯, 又多人等位, 價錢又唔貴, 可以話抵食夾大件添, 所以至選呢間, 果然選擇正確。
每人消費: 約64人民幣元 (晚餐)
評分: 味道5   服務5   環境5   衛生5   抵食5
台灣小吃街 笑臉2015-02-06
呢個入口係位於第一碼頭對面
呢個入口係位於第一碼頭對面
而呢個門口就近中山路
而呢個門口就近中山路
經營模式同檔口都相當台灣feel
經營模式同檔口都相當台灣feel
中間檔口, 好多都係賣燒烤食品
中間檔口, 好多都係賣燒烤食品
我哋成9點幾到, 都仲有好多人食嘢
我哋成9點幾到, 都仲有好多人食嘢
台灣芒果, 好甜, 半個10元, 幫埋切粒
台灣芒果, 好甜, 半個10元, 幫埋切粒


台灣小吃街,位於第一碼頭對面嘅一條小街,由碼頭過去有行人隧道,亦好近中山路,係一個小吃掃街嘅好地方。

據知,呢條街係由一班台灣人嚟到廈門做生意而攪起,整條短短小街,中間及兩旁都係小食店,中間攤檔全部賣台灣小吃,如烤海鮮, 烤魚丸, 章魚小丸子等, 連鐵板牛排都有, 就坐喺檔口度据排, 真係另有風味; 一入到呢條街,真係好似置身於台灣夜市,特別係同宜蘭夜市相當似,形式都係一模一樣,所以深受遊客及當地市民歡迎,條窄窄嘅街都被遊客包圍住食嘢,而我哋只係幫襯買咗半個芒果食,因為剛食飽麻。 

個芒果好甜好掂, 10元, 其實都幾貴, 半個都要10元, 整個要25元, 為起上嚟個芒果要差唔多要30元港幣, 廈門消費真係幾高呢!
參觀時段: 晚間
評分: 值得去4  
煎餃子配鮮蝦粥, 15元, 好抵食
煎餃子配鮮蝦粥, 15元, 好抵食
雖然唔係活蝦, 但蝦一樣鮮甜彈牙, 粥底好綿, 用魚仔餚的
雖然唔係活蝦, 但蝦一樣鮮甜彈牙, 粥底好綿, 用魚仔餚的
美式早餐, 樣樣雙份, 好飽肚
美式早餐, 樣樣雙份, 好飽肚
Pizza Hut一向座位寬敞
Pizza Hut一向座位寬敞
正
最正係跟套餐嘅熱飲係冇限添加, 我哋各飲咗三杯 熱Latte
最正係跟套餐嘅熱飲係冇限添加, 我哋各飲咗三杯 熱Latte


28/12/2015, 今日下午要南下回港了, 所以8:30就出去食早餐, 7天連鎖係唔包早嘅。

其實我已一早鎖定食早餐嘅地方, 就係世界連鎖店Pizza Hut, 中山路頭段有分店, 因昨日經過見佢show牌有早餐食, 而且款式幾多, 中西都有, 價錢都係十幾廿元, 一於試吓!

咁早, 餐廳只開樓下一半地方, 亦只有兩枱客人, 我哋中西各一點了如下早餐 :

1) 鮮蝦粥配煎餃子, 15元,  個粥雖然唔大碗, 但都唔太少, 唔係之前食嘅活蝦粥, 但都唔差喎, 蝦一樣鮮甜彈牙, 個粥好綿, 係廣東粥, 而煎餃子有5隻, 整個中式早餐份量及價錢非常合理 。

2) 經典美式早餐, 21元, 含麵包, 烟肉, 薯餅, 煎蛋各兩件, 仲有熱飲冇限添飲, 飲Latte 唔加錢, 我哋最後各飲咗三杯, 超級抵呀! 埋單都係36元, 香港食大家樂都唔得啦!
 
每人消費: 約18人民幣元
評分: 味道5   服務5   環境5   衛生5   抵食5
在7天連鎖酒店門口嘅公交車站搭4路到市二站轉搭BRT
在7天連鎖酒店門口嘅公交車站搭4路到市二站轉搭BRT
BRT 路線圖
BRT 路線圖
我哋搭快一線去廈北站
我哋搭快一線去廈北站
廈北高鐵站
廈北高鐵站
廈北站嘅BRT總站
廈北站嘅BRT總站
好清楚嘅指示牌
好清楚嘅指示牌
下午, 廈北站二樓唔係開好多電燈, 全用自然光, 又慳電又環保
下午, 廈北站二樓唔係開好多電燈, 全用自然光, 又慳電又環保
D2317車次回深圳
D2317車次回深圳


食完早餐, 由橫街行返7天check out, 酒店職員教我哋在門外的公交車站搭4號巴士至二市站(搭三個站)落車, 再轉搭BRT就可去到廈北高鐵站會快好多, 果然真係在一個半鐘內到達車站。

當時真係唔明咩嘢係BRT, 以為係軾輕軌鐵路, 原來係起咗條高架來回單線路,  全部只准指定巴士行駛, BRT有3條線, 其中一條係往廈門國際機場及廈北高鐵站, 我哋在市二開始搭至高鐵總站, 都係約50分鐘, 全程唔塞車, 票價係3.5元/位, 比一般巴士貴1.5元, 好合理。

廈北高鐵站, 建築得美輪美奐, 可以講係幾宏偉, 果然係有大車站風範,  其實來往嘅交通公都算係多選擇及方便。

我哋係搭2:49嘅D2317車次返深圳北, 約在6:35到達。
參觀時段: 下午
評分: 值得去5  
一尊食尚匯 笑臉2015-02-06
姜母鴨套餐36元
姜母鴨套餐36元
姜比鴨肉仲好味, 但鴨肉都唔差
姜比鴨肉仲好味, 但鴨肉都唔差
一尊食尚匯
一尊食尚匯
廈北站二樓大堂, 基本上入閘都喺呢層
廈北站二樓大堂, 基本上入閘都喺呢層
二樓KFC位置
二樓KFC位置


我哋早咗到廈北高鐵站, 仲有成個幾鐘至開閘上車, 一於搵處地方坐低食吓嘢先。

廈北站雖然面積大, 但食店就唔多, OK嘅就只得兩間, 就喺二樓嘅KFC及一間叫一尊食尚匯, 主要售中式飯餐為主, 我當然揀呢間, 因為佢有售姜母鴨。

我當然叫姜母鴨套餐啦!, 喺廈門冇食呢個名菜, 套餐係36元, 如要例湯再加5元, 我冇加, 不過嗰套餐都算豐富, 有白飯, 油菜, 小蕃茄及熱茶, 最重要係主角 - 姜母鴨, 味道唔錯, 姜味濃郁, 姜好味過鴨, 鴨肉瘦但唔"鞋", 如果喺酒樓食此菜, 可能仲好仲地道, 希望下次嚟廈門/福建其他地區時食得到。

今次旅費(人民幣二人計)如下 :

1)  來回高鐵票2套 : 622元

2)  一米陽光客棧兩晚 : 240元

3)  7天連鎖酒店1晚 : 176元

4)  全程公交車費 : 23元

5)  廈門鼓浪嶼渡輪來回兩套 : 70元

6)  茶葉及飾物 : 400元

7)  全程用餐費 : 920元

以上合共2451元/2 = 1225.5元/人
 
後記 : 一向都係以 「民以食為天」作出外旅遊最重要嘅部份, 可能920元作為兩人嘅用餐費會貴一點, 但各人睇法吧! 能享受各地美食係一件樂事, 最緊要開心。

現在嘅廈門係一個非常方便旅遊嘅地方, 由香港出發搭高鐵, 3個幾鐘就到, 係又平又快嘅方法, 而市內交通方便, 今次完全冇搭過的士, 對此我非常樂意, 又慳錢又可體驗當地人生活, 如時間許可, 我亦想去埋金門及福建各地。
 
每人消費: 約36人民幣元
評分: 味道4   服務4   環境5   衛生5   抵食3
  0 個留言    |  加入你的留言
昆明、麗江、香格里拉六天自由行(18/04/2014 - 23/04/2014) (中國)
(旅程日期: 2014-04-18 至 2014-04-23 ,  旅程性質: 消閒度假)
 整個旅程  (共1篇遊記)
 分享至Facebook 
發表日期: 2014-11-25
一路以來都好想到雲南麗江走一轉,計來計去,交通費就係令我最頭痛原因之一,由香港直飛到麗江,連稅起碼都要三千幾,如在旺季出發, 費用更高,由深圳飛都平唔到幾多,而且仲要遷就港童放假,肯定就要响旺季出發,但在2013年Hong Kong Express 做咗廉航,年尾就幫襯佢買咗2014年4月18日去昆明, 4月23日返香港3張連稅包兩組來回行李嘅機票,共HK$2,658; 雖然唔算最低價,但亦算合理了,因為始終係復活節長假期麻。

今次因時間唔多,主要都以優閒為主, 只去三個地方: 

18/04             昆明,主要去南屏步行街

19/04             麗江古城

20-21/04        香格里拉 - 長江第一灣, 虎跳峽, 獨克宗古城, 藏民歌舞, 龜山公園, 普達措國家公園

22/04             束河古鎮及白沙古鎮

23/04             到昆明及回香港

 
先進新機場 笑臉2014-11-25

18/04/2014  由於要搭9:05早機到昆明, 我哋要搭最早嘅機場巴士出發, 因為Hong Kong Express 不可在網上做check in, 但可以提早3小時在機場做mark 位check in。Hong Kong Express 其實要改善下喇, 基本上大部份嘅航空公司都可以做網上check in, 咁樣競爭性就會弱好多囉, 希望佢哋快D upgrate 其電腦系統啦! 方便好多架!

好彩, Hong Kong Express算係準時起飛,但就要喺跑道等咗40分鐘至起飛,到達昆明係11:45; 昆明長水機場係新機場,有機場巴士及地鐵(地鐵暫時只能到達東部汽車站,要待昆明地鐵正式通車後,來往機場嘅交通就會更方便)到市區,內部有多間食肆及免稅店,配套算完善,機場巴士叫「空港快線」,有多條路線來往市區,我哋因為要寄存行李,所以我哋選搭空港快線2號線到昆明火車站,每位人民幣25元,如去昆明火車站落車,車會在錦江酒店停,乘客再向火車站方向行5分鐘便可。

在長水機場, 一出閘,已有很多旅行社的男女職員向各旅客問是否要車、參團否、買了火車票......等,非常煩厭,我一路都不理睬佢哋,但另一半就同佢哋講價坐車到市區,佢哋起初會用好平嘅價去吸引旅客坐佢哋嘅車,然後就會遊說旅客參團包車等,我已同另一半不用理會他們,可惜佢依然被他們緊盯住而"落搭",仲話二十元人仔可車我哋去昆明火車站...... 唉! 我就即管睇呢班人攪咩嘢!

起初佢帶我哋到樓下停車場話攞車,在一路落停車場其間,不停遊說我參加佢哋嘅麗江團,又叫我包佢哋架車一天在昆明到處遊,又話幫我在麗江訂旅館等等....... 我一一推佢我已全部攪掂,不用他操心,我亦坦白同佢講我只想去火車站,不用佢哋嘅旅遊產品喇,佢見我企硬不動容,佢就婉轉咁推我不如坐空港快線, 因佢哋仲要等其他人云云...... 好囉,等另一半知道呢班人係想點,好彩佢哋都冇咩威逼利誘我哋,只係浪費咗D時間,我馬上上返樓上空港快線坐2號線去火車站,真幸運係一上車就即刻開車,算係順利了。

上到空航快線,車上服務員同我哋講不用到火車站寄存行李的,叫我哋在第二個站的泰麗酒店落車,哪處有好多店子可寄存行李喎,而且較方便行街添,咦....攪到我一頭霧水呀!

最後我哋信咗服務員所講落車,不過我哋搵唔到寄存行李嘅店子,我哋走咗去泰麗酒店寄存行李,酒店方面好好,我哋冇喺處住都可以免費寄存,而大堂經理知道我哋第一次嚟昆明,仲教我哋點様搭車去南屏路添,真好呀!錯有錯著呢! So Lucky!

 

參觀時段: 早上
評分: 值得去5  
金槍魚茸野菜卷 21元, 千島汁+沙律菜, 好舒服; XO妯醬炒飯, 好冶味, 不過好辣
金槍魚茸野菜卷 21元, 千島汁+沙律菜, 好舒服; XO妯醬炒飯, 好冶味, 不過好辣
野菌肉醬撈麵 26元, 野菌肉醬其實做得唔錯, 可惜個麵煮得太軟, 失咗分呀!
野菌肉醬撈麵 26元, 野菌肉醬其實做得唔錯, 可惜個麵煮得太軟, 失咗分呀!
蒜泥白肉 19元 白肉不肥膩, 好爽
蒜泥白肉 19元 白肉不肥膩, 好爽
手拍青瓜 6元, 爽脆麻辣
手拍青瓜 6元, 爽脆麻辣
我哋每人叫咗呢個炖湯, 一股香皂味直衝入口, 好似比洗潔精洗口一樣
我哋每人叫咗呢個炖湯, 一股香皂味直衝入口, 好似比洗潔精洗口一樣
意大利黑醋燒軟排, 做到不倫不類,賣相同味道都失敗
意大利黑醋燒軟排, 做到不倫不類,賣相同味道都失敗

泰麗酒店經理教我哋出咗酒店轉左,直走見紅綠燈便過馬路,再向左方向走150米,就會見到公交車站,就在此站等5號巴士,約6至7個站左右,南屏街口落車便可。

就在南屏街口下車,約走5分鐘就到步行街, 由於已是2:30,大家個肚都在打鼓,於是就在此處搵食。

原來昆明市好多餐廳都會在下午2:00後收市,最後在百大新天地(昆明市中心的一個大型商場)內8樓搵到呢間荷叶香閤餐廳,主要食function, 中西合壁,可惜佢哋做到不三不四呢!

餐廳在商場的8樓, 呢個百大新天地係行中產路線, 唔係低價貨商場,所以場內的餐廳亦是走中檔路線,裝修亦唔差,原本在6樓揀咗兩間餐廳,一間食泰菜, 一間食韓食, 但全部都收市,只有8樓呢間餐廳全天候營業,見佢食品種類繁多, 本餐牌印刷又精美,亦比佢嘅相中食物吸引, 所以就入咗去囉!

我哋真係好肚餓,見價錢亦唔係太貴,於是大家都點咗多款相中非常吸引嘅菜餚喇,評價如下:

1) 手拍青瓜,6元人仔, 地道菜, 所以有水準,味道好,青瓜脆,就因為第一道送嚟嘅菜,所以咪有期待囉;

2) 金槍魚茸野菜卷,21元人仔, 類似西方的沙律卷,千島汁,裡面有好多菜,入口清新, 沙律+菜+少少吞拿魚肉,唔錯;

3) 蒜泥白肉,19元人仔,地道菜,有水準,我哋叫少辣,味道好,肉不膩及爽脆,好食;

4) XO 醬炒飯,16元人仔,熱辣辣,飯亦辣辣辣,好香口,冇選錯;

5) 野菌肉醬撈面,26元人仔,本身野菌肉醬味道唔錯,又唔辣,可惜麵條煮過火大軟,就咁失分;

6) 意大利黑醋燒軟排,29元人仔,佢想做到中西合壁,不過失敗咗,肉排被醋汁醃到太酸,又唔似中式嘅鎮江肉排,而黑醋又太多,調味不好,真係不倫不類,同餐牌張完全不一樣;

7) 楊枝金露,16元人仔,餐牌相中好吸引,但嚟到就係兩回事,芒果顏色係淺黃色,芒果好少, 而且有少少酸,又冇柚子,甜味主要來自人工芒果汁,期望越大,失望越大;

8) 凍荷香金桔特飲,15元人仔,金桔味唔夠,只可說可以解渴;

9) 蘆薈桂花雪梨蜜,9元人仔,竟然比7) 及8)好飲好多,桂花好香,雪梨係切粒粒,蘆薈就唔多,算係咁,幾滋潤;

10)姬蟲茸竹笙炖湯,10元一盅,見唔到有姬蟲茸,内裡有幾種菇同竹笙,第一啖飲落去,唔係有正常飲湯味,而係好似飲緊番梘水,有浸番梘香味,所以我哋全部退回。

以上全單一共173元,雖然唔算好貴,食品一半ok,一半唔得算打和啦!唔係太差就算吧!

推介菜式: 蒜泥白肉, 手拍青瓜
每人消費: 約43人民幣元 (午餐)
評分: 味道3   服務3   環境4   衛生3   抵食3
南屏步行街
南屏步行街
轉入景星里
轉入景星里
馬家大宅側門
馬家大宅側門
昆明花鳥市場
昆明花鳥市場
福林堂藥行, 全用木材建成, 好古老, 藥行仍然營業
福林堂藥行, 全用木材建成, 好古老, 藥行仍然營業
景星里中段, 全部攤檔賣工兿品, 飾物及玉石等
景星里中段, 全部攤檔賣工兿品, 飾物及玉石等
馬家大宅正門
馬家大宅正門
昆明花鳥市場另一邊
昆明花鳥市場另一邊

食完飯, 已是下午四點了, 原本打算去翠湖公園睇吓海鷗, 另一半同港童就話留在南屏街走走, 都係唔去了。

漫無目的咁行,南屏步行街其實都係同中國其他步行街一様,冇咩分別,但當轉入正義路,感覺就完全唔同, 一條古代小街就在眼前, 雙腳就跟住古代小街走入去。

原來呢條小街叫景星街,裡面有一座古老嘅庭院,叫馬家大院,係二十年代三合院設計,已成保護文物,又係民初劇外景拍攝場地,眼見大門口售賣玉器,大院裡就賣茶葉,應該睇嚟就唔似有人住喇。

由馬家大院出嚟,繼續沿景星里走,兩旁都係小攤檔,全賣遊客喜歡的手工藝、玉器、茶葉、小飾物等⋯⋯沿路亦順道去埋昆明出名嘅花鳥市場。

其實由南屏街轉入景星里,再出正義路,所有街鋪售賣嘅貨品,新舊交替,平中高檔,比比皆是,琳琅滿目,大家都能和諧共融。

 

 

推介項目: 隨意行
參觀時段: 下午
評分: 值得去5  
正義路上的全忠牌坊, 係呢處嘅地標
正義路上的全忠牌坊, 係呢處嘅地標
穿過全忠牌坊, 就會見到兩旁都企咗班穿著住白袍嘅盲人,
穿過全忠牌坊, 就會見到兩旁都企咗班穿著住白袍嘅盲人,
白袍盲人按摩, 20分鐘20元人民幣
白袍盲人按摩, 20分鐘20元人民幣
昆明最繁忙地區之一 - 金碧廣場
昆明最繁忙地區之一 - 金碧廣場
金馬碧雞坊廣場內
金馬碧雞坊廣場內
不知是否少林和尚, 佢同拍檔在廣場上賣武
不知是否少林和尚, 佢同拍檔在廣場上賣武
而呢邊行入去, 食肆都頗多, 我哋亦在此食晚飯
而呢邊行入去, 食肆都頗多, 我哋亦在此食晚飯
在斜陽影照下的金馬碧雞坊, 真係幾金碧輝煌
在斜陽影照下的金馬碧雞坊, 真係幾金碧輝煌

行到熱熱地, 想起今晚冇得沖涼, 靈機一動, 不如搵間有得沖涼嘅按摩中心鬆一鬆啦!

左睇睇、右睇睇,周圍望 ,問行人,幾位行人都叫我哋一路沿正義路行,見到牌坊就會搵到云云,行到牌坊,見兩排都有一列盲人著住白袍,企在路邊同人按摩,吓!喺路邊按,我想沖涼後,在有私隱度的舒服地方按摩喎!

而朋友就急不及待走去問價,又去問按摩中嘅客人按後感等等,然後二話不説,搵啱盲人師父就按,朋友話D客人都話得,咪試吓囉,好唔好都係廿元一part,啱咪揼多part,唔啱咪走囉,見佢咁講,我都加入埋一份,另一半同港童就話唔慣當街當巷按摩,所以佢吔揀咗繼續行街。

我就㨂咗位盲人阿姨,可能係佢件白袍夠乾淨吧!起首佢先按頭部,約5分鐘,然後按肩膀,因我較累,佢約按了8分鐘,跟住就係背及手,真係好到位,都可以一解我燃眉之累話咁快廿分鐘就過,見朋友仲揼緊,我都encore 多一part,如果有得沖埋涼,瞓喺張按摩床上按多個半鐘,仲正啊!

參觀時段: 下午
評分: 值得去5  
宣威火腿 笑臉2014-11-25
燙菜心, 用薑絲+蒸魚豉油, 有股魚味在菜心, 可惜菜老咗D
燙菜心, 用薑絲+蒸魚豉油, 有股魚味在菜心, 可惜菜老咗D
主角宣威火腿 - 小腿部位, 好味又抵食, 69元
主角宣威火腿 - 小腿部位, 好味又抵食, 69元
涼瓜炒蛋, 涼瓜冇拖水, 好苦
涼瓜炒蛋, 涼瓜冇拖水, 好苦
雜菌氣煱, 清甜可口, 冇洗潔精味
雜菌氣煱, 清甜可口, 冇洗潔精味

揼完骨, 又買完手信, 我哋就行入金馬碧雞坊旁邊尋食喇!

我哋走咗入去金馬碧雞坊旁,周圍亦有好多小檔賣小飾物及食肆,行咗個圈,見呢間酒樓幾多人,個名又幾攪笑,宣威「杀豬」飯酒樓,「杀豬」?原來呢間酒樓係專門食宣威火腿,金華火腿就食得多,宣威火腿就未食過,不如就試試啦!

酒樓裝修一般,好平民式,我哋被安排響樓上一間房坐, 1房4張4人枱,我吔㨂近窗口位置,比較通風,因當日天氣都幾熱,室內係冇冷氣。

講番菜式,我哋點咗宣威火腿脾肉位例牌, 雜菌氣鍋、兩個青菜、苦瓜炒蛋,最好味係首兩味。

宣威火腿脾肉肉質嫰滑,唔喺太䶢,好甘香,好好食啊!

雜菌氣鍋,冇洗潔精味,裡面有幾種菌類及木耳,有龍骨在內,湯味清香,大家都喜歡。

最後埋單都係176元,價廉物美。 

推介菜式: 宣威火腿
每人消費: 約42.5人民幣元 (晚餐)
評分: 味道4   服務4   環境3   衛生3   抵食4
昆明火車站, 位處市中心, 交通非常方便
昆明火車站, 位處市中心, 交通非常方便
由昆明出發去麗江嘅軟卧火車, 係新車
由昆明出發去麗江嘅軟卧火車, 係新車
但冇舊咁好, 門口位頂部冇咗個擺行李位, 我哋嘅行李要擺在床下底
但冇舊咁好, 門口位頂部冇咗個擺行李位, 我哋嘅行李要擺在床下底
原來門口頂嘅行李位, 偷咗位整多一層, 成為三人卡, 內有一張大床及上隔小床
原來門口頂嘅行李位, 偷咗位整多一層, 成為三人卡, 內有一張大床及上隔小床
早上7點:40分準時到達麗江火車站
早上7點:40分準時到達麗江火車站
藍色小VAN在麗江係主要嘅的士之一, 可坐9人
藍色小VAN在麗江係主要嘅的士之一, 可坐9人
要搭夜車回昆明了
要搭夜車回昆明了



由於2014年3月1日發生咗昆明火車站維族人亂斬人事件,曾經忐忑是否應継續原本嘅計畫,但最後都係保持原有計畫,因為較慳時間,容易多去幾個地方遊覽。

我托朋友在4月6日喺深圳先買去程票(昆明至麗江,車次K9614 22:35開),再在4月12日買埋回程票(麗江至昆明,車次K9620 21:28),兩程車都係約9小時左右。

** 溫馨提示

如在攜程網訂火車票,可在出發日前20日訂票,但親臨火車站或火車售票點買票,就要在出發前15日至可買到票,火車售票點要每張票加5元手續費,另要出示回鄉証副本。

晚上嘅昆明火車站,燈火通明,警車不停巡查,紅藍燈隨處可見。喺入口處,有關卡檢查車票,核對票上持票者身份証,跟住所有嘅行李要放進X-Ray,包括小手袋、小腰包,通通都要查,都幾嚴呀! 

** 溫馨提示

行李放上X Ray 前,最好用膠袋包好大包小包,因架X Ray 非常污糟。

我哋喺乘22:35 K9614/K9615班次,由昆明出發至麗江(終站)嘅軟卧火車,全程行車9小時10分鐘,我哋一共四人,所以順理成章要到一間房,不須有陌生人同房。呢架車有兩層,仲好新淨,原來兩層高嘅車箱,多咗一排三人房,房內係一大床及一吊床,空間比四人房細,亦是一樣軟卧價226元人民幣,上車如有空房或空床,可直接跟車上服務員詢問轉房,網上暫時冇得賣,但可到火車站或售票點查詢出發班次是否雙層車。

參觀時段: 晚間
評分: 值得去5  
舒適, 溫馨 I 笑臉2014-11-25
民宿內的庭園
民宿內的庭園
房間名稱叫 "花之戀", 係圓床, 好似好浪漫, 但其實瞓得唔舒服
房間名稱叫 "花之戀", 係圓床, 好似好浪漫, 但其實瞓得唔舒服
"花之戀"外的小庭園, 係自成一角, 私隱度頗高
"花之戀"外的小庭園, 係自成一角, 私隱度頗高
upgrade後所住的 "花靜好", 在2樓
upgrade後所住的 "花靜好", 在2樓
"花靜好" 的房間設計好書卷味呀! 好有文人雅士嘅風格
"花靜好" 的房間設計好書卷味呀! 好有文人雅士嘅風格
房間名稱叫 "花忽夢", 係整間民宿唯一的雙床房
房間名稱叫 "花忽夢", 係整間民宿唯一的雙床房
客棧的浴室大致是這樣, 大花灑頭在天花頂, 面積都幾寬敞
客棧的浴室大致是這樣, 大花灑頭在天花頂, 面積都幾寬敞
毛巾, 牙刷, 牙膏, 洗頭水, 沐浴露一應俱全
毛巾, 牙刷, 牙膏, 洗頭水, 沐浴露一應俱全

過年前(24/01/2014) 見到Booking.com呢間民宿做promote, 由人仔376元減至188元, 即刻訂咗三間房, 其中一間是幫朋友預訂的。

19/04/2014早上, 一早已電郵民宿老闆替我哋訂車由麗江火車站到其客棧, 一趟40元人仔, 直接比司機; 我亦提醒老闆我哋嘅名字, 叫佢帶人名牌接我哋, 但佢冇同司機講, 只企响火車站旁的停車場等我哋出嚟。 唉! 當時真係幾徬徨, 火車站出站的人已散, 只剩我哋, 我哋又冇大陸手提, 周圍搵公共電話, 但服務員話整個火車站都冇提供公共電話, 好彩出門遇貴人, 有位年青人剛買完火車票走出車站, 見我嘅情景, 佢非常好心借其手電比我致電民宿老闆, 最後終於揾到司機, 真係非常多謝呢位年青人, 佢仲叮囑我小心麗江旅遊陷阱, 提醒我哋街上的旅行社用好平嘅價錢吸引遊客參團, 其實好多附加費用, 計埋仲貴過實際嘅市場價等等..... 我在網上亦見過佢所講嘅資訊, 所以亦非常多謝佢嘅提醒。

講番客棧, 同網站所述一樣, 非常對板, 客棧設計優雅古典, 共有十間房, 每間房都有自家名稱, 我哋共兩晚分別住咗佢哋五間房:

花忽夢 : 房間喺二樓, 有小木欄圍繞, 有吊藍喺門口,圍成一角,私穏隱度好高,房內最觸目嘅,就係張圓床,可惜好睇唔好用,張床直徑太短了,眼量就唔過1.75厘米,我同另一半都凸腳囉,成晚都瞓得唔好,所以我要求老闆小劉同我換過另一房。我相信佢亦知圓床既問題,後來換過二樓另一大床房。

花靜好 : 房間亦在二樓, 有30平米大, 設計好書卷味, 有一張古雅嘅長椅及枱, 房間中央有一6呎古式大床, 而且此房光線充足, 窗又大, 呢間嘅房價比其他貴80至100元左右。原本老闆係換呢間房比我, 但我另一朋友一家三口原住地下另一榻榻米房 - 花亦尋, 所以我把房轉讓比佢哋, 佢哋反映房間晚上好靜, 床好舒服, 一家三口瞓6呎床非常夠。

花相悅 : 由於我讓了「花靜好」比朋友, 小劉就轉給了二樓另一大床房 - 花相悅, 房間面積比以上兩間房較細, 但足夠, 一樣有小梳化同茶几, 可惜係開窗不方便, 因為門及窗外就係對住走廊, 睡覺為有關門關窗, 開著浴室嘅抽氣扇, 另此房有玻璃天窗, 可瞓在床上看星星, 有窗簾, 早上不怕陽光照入。

花忽夢 : 港童和朋友住呢間,係客棧唯一嘅雙床房,陳設大致跟「花相悅」差唔多,床同枕頭適中,唯一係晚上頗嘈吵,因此房係位於接待處旁,亦係所有住客必經之處,所以較吵。

花亦尋 : 是榻榻米床,我另一朋友一家三口住,大致亦不錯,但亦同「花忽夢」一樣較吵,此房係响「花忽夢」隔離,亦是所有住客必經處,所以朋友話太吵而轉房。

另以上房間內的浴室潔凈, 有沐浴露及洗頭水供應, 牌子係威露士, OK嘅, 但冇護髮素, 冷熱水水壓暢順, 冇斷水情況。

 

每晚價錢: 188人民幣元 (雙人房)
評分: 設備4   服務5   環境5   衛生4   抵住5
二樓花靜好外觀, 窗可打開而不受騷擾, 陽光充沛
二樓花靜好外觀, 窗可打開而不受騷擾, 陽光充沛
呢間就係民宿最TOP嘅房 - 花之戀, 又大又靚
呢間就係民宿最TOP嘅房 - 花之戀, 又大又靚
民宿裝飾好有中國味
民宿裝飾好有中國味
全部房間都係用呢種鎖, 好鬼難開呀!
全部房間都係用呢種鎖, 好鬼難開呀!
二樓另一標準房, 叫花相悅, 係5呎牀, 比圓牀舒服好多
二樓另一標準房, 叫花相悅, 係5呎牀, 比圓牀舒服好多
老闆小劉
老闆小劉
老闆娘小羽
老闆娘小羽

暖花居除咗房間好 "得"外, 老板小劉及其太太小羽亦好"幫忙" 呢!

但仍有些少投訴,佢倆唔多願覆電郵,由其是email問佢哋去香格里拉行程及包團安排,佢哋只覆一次,後來小劉解釋話行程安排可到達麗江至攪都唔遲喎!所以咪唔覆我囉!我明白佢嘅意思,但都應該覆我一次告之麻

不過經過正面接觸,小劉真係好盡責,雖然喺麗江火車站擺了烏龍,差點接晤到我哋,佢亦親自在客棧對出路口接我哋;另我房嘅大圓床唔夠長,唔夠我哋瞓,佢亦馬上幫我換房;佢亦幫忙為我安排出遊香格里拉,搵佢朋友扎西帶我哋去玩,雖然行程唔係我心中所想,但都ok啦!

每晚價錢: 188人民幣元 (雙人房)
評分: 設備4   服務5   環境5   衛生4   抵住5
普通的早餐 ok喇2014-11-25
餐廳早至晚都做生意, 真勤力
餐廳早至晚都做生意, 真勤力
原來古城好多早餐店都有類似嘅自助早餐, 都係做10元一位
原來古城好多早餐店都有類似嘅自助早餐, 都係做10元一位
晚餐嘅餐牌, 價錢大致都係30-70元不等, 食肉當然貴D
晚餐嘅餐牌, 價錢大致都係30-70元不等, 食肉當然貴D
雞肉湯米線, 幾舊碎雞肉, 12元人仔
雞肉湯米線, 幾舊碎雞肉, 12元人仔

暖花居老闆小劉帶我哋去食麗江嘅第一餐 - 食早餐也。

其實另一半見到呢間餐廳,唔係好想喺處食,但見到唔多早餐店開,"是但"啦! 又近民宿,食碗熱嘢暖吓肚先仲好過。

餐廳門口有個黑板,上面寫住10元自助早餐,包括有白粥、油條、小饅頭及涼菜,另一半試咗呢個,佢既comment係除咗白粥有少少暖外,其餘都係凍冰冰,硬掘掘,唔得。

我就叫咗碗雞肉米線,米線算多及大碗, 但雞肉碎濕濕,都食唔到鷄肉嘅質感,咁孤寒,又係唔得囉,所以我哋冇再幫襯。

推介菜式: 米線
每人消費: 約12人民幣元 (早餐)
評分: 味道3   服務3   環境2   衛生2   抵食2
五一街在早上好靜, 但晚上就人來人往
五一街在早上好靜, 但晚上就人來人往
其實古城的店舖售賣嘅貨品大致差唔多
其實古城的店舖售賣嘅貨品大致差唔多
價錢都唔平, 特別係衣履皮具, 售價都好高
價錢都唔平, 特別係衣履皮具, 售價都好高
五一街上及官門街附近都有呢種以Food Court經營的大排檔, 價錢劃一
五一街上及官門街附近都有呢種以Food Court經營的大排檔, 價錢劃一
小販小食攤檔
小販小食攤檔
我哋買咗一角甜糕, 見佢新鮮做出嚟; 有買咗D類似炸蕃薯, 可惜D油唔得, 所有炸物都有股油益味
我哋買咗一角甜糕, 見佢新鮮做出嚟; 有買咗D類似炸蕃薯, 可惜D油唔得, 所有炸物都有股油益味
雖然唔太甜, 但味道就一般, 一咬就在口中散哂, 冇口感
雖然唔太甜, 但味道就一般, 一咬就在口中散哂, 冇口感
超好味嘅麗江酸奶, 包裝又精美, 售價係8至10元
超好味嘅麗江酸奶, 包裝又精美, 售價係8至10元


check in 完,梗係即刻去睇吓麗江古城啦!

由民宿走出去,就係五一街,由於時間尚早(早上11:00左右), 所以只有零星店舖開門做生意。

其實整條街與麗江其他大小街巷差唔多, 售賣貨品大致差唔多,只係價錢唔同,買嘢就要講價。
推介項目: 散步
參觀時段: 下午
評分: 值得去5  
Latte 25元, 芒果奶昔 25元, Mocha 30元
Latte 25元, 芒果奶昔 25元, Mocha 30元
熱辣辣嘅Latte, 咖啡香濃
熱辣辣嘅Latte, 咖啡香濃
瑪婭咖哩雞 + 印度式沙律及烤餅, 唔辣又美味
瑪婭咖哩雞 + 印度式沙律及烤餅, 唔辣又美味
印度式咖喱牛肉, 好得呀
印度式咖喱牛肉, 好得呀
瑪婭雜錦薄餅, 超多料, 超豐富
瑪婭雜錦薄餅, 超多料, 超豐富
New York Cheese Cake 30元, 芝士味濃但略甜
New York Cheese Cake 30元, 芝士味濃但略甜
瑪婭咖啡店正門
瑪婭咖啡店正門
瑪婭咖啡店旁有棵開滿茶花的樹, 好靚!
瑪婭咖啡店旁有棵開滿茶花的樹, 好靚!

今次嚟麗江, 參考咗TripAdvisor嘅麗江食店排名去嘗美食, 我真係專程由五一街行去玉緣路, 雖然路程頗遠, 好在麗江古城店舖多, 行吓睇吓, 經過完大水車, 向黑龍潭公園方向走多5分鐘就到。

可能已過兩點, 咖啡店人不多, 老闆都坐喺門口嘅梳化同人傾計, 見我哋入嚟就馬上招呼。我哋揀咗二樓坐低, 港童即刻睇餐牌揀嘢食, 先嚟飲品, 芒果奶昔, 好好飲呀! 好香嘅芒果味! 熱辣辣嘅Latte, 又係好正, 咖啡香濃, Mocha, 賣相好靚, 起初味道適中, 但飲到中段就較甜。

主菜就聽咗老闆娘嘅介紹, 佢係正宗印度人, 個樣一D都唔似印度人, 而且又識講普通話, 真係以為係自已人呢! 老闆娘幫我哋叫咗瑪婭印度咖哩雞, 唔辣帶甜, 同在香港嘅印度咖哩味道截然不同, 老闆娘就話佢印度家鄉喺咁煮, 印度咖哩都有好多種類, 所以都會有唔同, 另外所叫嘅牛肉咖哩又唔同味, 呢個有些少辣, 但唔過份, 咖哩汁比牛肉更好味, 附有的印度沙律可沖淡吓咖哩嘅濃味, 好得呀!

港童同另一半就非常欣賞瑪婭雜錦薄餅, 又多料, 又大個, 又好味, 除清邁Duck's那個海鮮薄餅令佢哋回味外, 呢個Pizza真係令佢哋一試難忘。

甜品我哋叫咗一件New York Cheese Cake, 都幾大件, 30元, 港童同另一半比較喜歡, 我就略覺甜咗D, 但芝士味好濃, 用料的確十足。

果然在TripAdvisor高居第一位, 值得推薦

推介菜式: 瑪婭雜錦薄餅, 瑪婭印度咖哩雞
每人消費: 約85人民幣元
評分: 味道5   服務5   環境5   衛生5   抵食4
麗江古井
麗江古井
小河畔
小河畔
四方街另一角
四方街另一角
四方街
四方街
大水車
大水車
川菜館
川菜館
官門口
官門口

食飽,梗係周圍行啦!

由Maya Cafe 直出轉左,沿玉緣路一直行就見到大水車了。

因為大水車係麗江嘅icon, 所以喺咩嘢時刻,都係人山人海,要排隊至可以影到張到此一遊嘅相。 

四方街四通八達,餐廳及商店周圍都有, 但個人認為行四方街又好,行五一街亦好,精品舖頭售賣嘅貨品大致相同,只有少數特色店舖係冇相同,如大把時間喺麗江,條條小街行吓亦冇妨。
參觀時段: 下午
評分: 值得去5  
黑龍潭最美的一景
黑龍潭最美的一景
以前, 黑龍潭的湖水係自然噴出的, 但由於天然環境被破壞, 現由政府每天泵水入潭中
以前, 黑龍潭的湖水係自然噴出的, 但由於天然環境被破壞, 現由政府每天泵水入潭中
黑龍潭後部的美景
黑龍潭後部的美景
黑龍潭公園的花卉佈置好靚
黑龍潭公園的花卉佈置好靚
當日黑龍潭湖水算多, 有時冇泵水, 會見到潭底的泥濘
當日黑龍潭湖水算多, 有時冇泵水, 會見到潭底的泥濘



由Maya Cafe' 轉右一直走約十幾分鐘就到黑龍潭公園,門口跟一般國內嘅公園冇咩分別,而且不斷見到好多國內旅行團出出入入,人頭擁擁,而門票要80元人仔,嘩!巧貴囉!在猶豫好唔好入去,就有幾位阿姨走埋嚟,開價30元入去,我哋冇理佢,跟住佢再開20元,就即刻帶我哋入公園。

原來幾位阿姨帶我哋走「後門」,一路靜靜走,佢哋就四周望實有冇公園管理員,最後爬落公園後面的小溪,直至走到公園𥚃,再爬上公園內的小路就成功。當然此做法係相當不好,我決定以後有幾「荀」都不再嘗試,始終都係壞榜樣吧!

黑龍潭公園嘅主要亮點,就係黑龍潭中的自然湧泉泡出來的奇景。好幸運,我哋能睇到,而且此景亦是公園內唯一最有睇頭,除此之外,一切與其他公園冇分別。不過黑龍潭當然屬於華麗版的公園,特別係廁所呢!

所以,個人認為如要比80元人仔入公園, 係非常唔值嘅, 可以唔入去囉。

PS

1) 如比咗麗江古城維古費80元, 可憑該收據免費入公園。

2) 民宿老闆説湧泉係假的,因為人為破壞大自然,令湧泉唔係常出現,只係政府為保旅遊業,就會泵水進潭中,形成湧泉。 噢!原來係咁.......

參觀時段: 下午
入場價錢: 每人80人民幣元
評分: 值得去2  
抵食夾大件 笑臉2014-11-25
石破天就在當旺嘅五一街
石破天就在當旺嘅五一街
門口好大個嘅餐牌
門口好大個嘅餐牌
石破天餐廳內
石破天餐廳內
水性楊花, 好清甜, 好好食; 西紅柿牛肉, 都算多牛肉; 清炒白菜
水性楊花, 好清甜, 好好食; 西紅柿牛肉, 都算多牛肉; 清炒白菜
過江茄龍, 好睇好多油
過江茄龍, 好睇好多油
餐牌
餐牌

午餐食咗外國菜, 晚餐就食番中菜, 不如就試吓納西菜啦!

出發前,參考咗TripAdvictor上麗江古城食肆排名,石破天江湖莱館排名亦在前十名,而且亦在當旺的五一街,食完方便打度回府。

點菜篇: 

1) 野生菌雞煲, 48元, 唔太大煲, 但夠食, 雞味尚濃而野菌鮮甜, OK;

) 過江茄龍, 30元, 好大一條茄子, 切成龍形, 把茄子炸後, 再加酸汁淋面, 樣好靚, 不過實在太多油, 真係食到成口油, 唔推薦;

3) 西紅柿牛肉, 48元, 好穩陣嘅配搭, 當然係有穩陣嘅味道, 牛腩鬆軟及有濃濃嘅牛肉味, 唔錯;

4) 炒白菜, 16元, 係小白菜, 好清甜;

5) 水性楊花, 22元, 估唔到最好味係佢, 平平冇奇嘅菜, 竟然隱藏住美味無窮; 水性楊花真係呢種菜嘅名字, 係當地所種植嘅菜種, 菜味香甜又冇臭草味, 一碟清哂。

最後埋單係164元, 好抵食呀!



 

評分: 味道4   服務5   環境4   衛生3   抵食4
Mix & Match 笑臉2014-11-25
朱古力鮮奶麵包, 熱辣辣香噴噴, 士多啤梨及芒果布丁, 生果好甜, 酸奶好酸, 好配合
朱古力鮮奶麵包, 熱辣辣香噴噴, 士多啤梨及芒果布丁, 生果好甜, 酸奶好酸, 好配合
店內設有郵寄明信片服務
店內設有郵寄明信片服務
預寄明信片服務, 如想在2015年12月至寄明信片, 付了郵費後, 明信片放在所屬嘅年及月抽屜裡就得
預寄明信片服務, 如想在2015年12月至寄明信片, 付了郵費後, 明信片放在所屬嘅年及月抽屜裡就得
亦有淨食酸奶布丁, 8元人仔
亦有淨食酸奶布丁, 8元人仔

食完晚飯, 就慢慢行返客棧, 晚上的五一街越夜越多人行, 經過一間叫丁丁酸奶的餐廳, 主要係賣酸奶, 鮮奶麵包等, 一於入去食甜品。

我哋叫咗芒果及士多啤梨+酸奶布丁各一,另外又叫了一客鮮奶麵包。

芒果+ 酸奶布丁:芒果新鮮,仲好甜,當然要睇季節,而酸奶布丁係原味,賣相似軟雪糕,混合一齊食,甜酸合一,好好味呀!

士多啤梨+酸奶布丁:同樣士多啤梨新鮮又夠甜,唔同平時食士多啤梨味酸奶,酸味加「糖」味,好假,食呢個就新鮮無比。

鮮奶朱古力麵包同香港食嘅分別唔大,但包型較大,唔似香港嗰D中間空心,面頭有塊朱古力, 有D似菠蘿包那塊皮一樣, 食食吓會掉落嚟! 食落都算飽肚,味道同我哋平時食嘅差晤多,而且夠鬆軟,最好係熱辣辣麻。

推介菜式: 芒果酸奶布丁, 士多卑梨酸奶布丁
每人消費: 約17人民幣元 (宵夜)
評分: 味道5   服務5   環境5   衛生5   抵食3
紫藤花園客棧門口, 門口唔係好起眼
紫藤花園客棧門口, 門口唔係好起眼
入門口轉右就係一個小型用餐區
入門口轉右就係一個小型用餐區
內裡佈置簡單
內裡佈置簡單
我哋全部食Set Breakfast, 選煎荷包蛋或炒蛋, 好大份呢!
我哋全部食Set Breakfast, 選煎荷包蛋或炒蛋, 好大份呢!
早餐及飲品價錢
早餐及飲品價錢

20/04/2014,一早起床準備check out出發去香格里拉,小劉已幫我哋約咗佢嘅朋友導遊扎西9:30嚟接我哋,執好嘢,7:45就出去食早餐。

港童同另一半都想食西式早餐,所以決定沿五一街搵吓有冇西餐廳開咗,約行咗5分鐘,終於搵到喇!

紫藤花園客棧,一間唔係太起眼嘅民宿,係由一間民宅改成,如果唔係見到張白紙寫住「coffee」貼喺個窗處,行過都唔知餐廳喺對外開放。

入門口左轉,就係用餐區,馬上睇吓有乜食,我吔點咗全早餐及一份麥皮。全早餐好豐富,有兩隻大荷包蛋、3片煙肉、兩片大方包,煮呢個早餐根本係冇難度,將所有材料煎煮同方包烘底,只要全部唔過火就得,味道相當穩陣,食完一定飽;不過話係全早餐,但唔包餐茶架!咖啡或茶要另計嘅。

另麥皮一大碗,12元人仔仲係用中式中型湯碗盛載,明副其實中西合壁,味道同阿媽煮嘅差唔多,唔太甜,但麥嘅成份頗多,又有香蕉再加蜜糖, 係呢碗麥皮甜味主線, 所以又係飽肚之選。

喺麗江住期間, 都係喺呢度食早餐。

 

推介菜式: Set Breakfast
每人消費: 約18人民幣元 (早餐)
評分: 味道5   服務4   環境4   衛生4   抵食5
長江第一灣 笑臉2014-11-25
觀景台另一邊, 遠眺哈巴雪山
觀景台另一邊, 遠眺哈巴雪山
睇長江第一灣嘅木榙觀景台
睇長江第一灣嘅木榙觀景台
此乃長江第一灣也
此乃長江第一灣也
近鏡影長江第一灣
近鏡影長江第一灣
導遊扎西嘅七人車, 都幾闊落舒適
導遊扎西嘅七人車, 都幾闊落舒適



8:30am 我哋準時返到客棧,西藏導遊扎西馬上把我哋嘅行李放上佢架銀色8人私家車,然後出發去第一個景點 - 長江第一灣。

其實今次嘅香格里拉兩天遊安排唔係我心中所想,我一直屬意麗江論壇魚頭嘅行程,因為上次去陽朔都係搵佢嘅朋友幫手, 而且我亦介紹了魚頭給我幾位朋友, 朋友話魚頭好盡責, 安排麗江周邊旅遊到位, 可惜魚頭唔肯接我呢單生意,我諗係我唔係住佢間民宿有關係,魚頭嘅兩天香格理拉行程係如下:

第1天 : 8:00 am 出發 > 拉市海 > 坐船及自費騎馬 > 虎跳峽 > 自費午餐 > 香格里拉 > 獨克宗古城 〉自由活動 > 自費晚餐> 包住三星商務酒店 (可自費參觀松贊林寺每人120元)

第2天 : 普達措國家公園 > 回程麗江 > 旁晚到達麗江

 

全程乘私人四驅車, 一定要四人同行, 費用係850元/人

而西藏導遊扎西嘅行程如下:

第1天 : 8:30 am 出發 > 長江第一灣 > 虎跳峽 > 自費午餐  > 香格里拉 > 藏族歌舞表演 >自費晚餐 > 宿獨克宗古城民宿 (開心時光客棧)

第2天 : 8:30 am 出發 > 普達措國家公園 > 回程麗江 > 旁晚到麗江

全程乘扎西私人7人車, 最好5人同行, 留番一個位擺行李, 現費用係900元/人 (5至6人有得再平D)。

以上都係私人包團嘅行程,司機就係導遊,全程唔包餐,亦不須請導遊食,費用包括門票丶車丶路費及住宿,唔須要比小費,如自家想比亦可。如想去行程不包嘅景點,可同導遊再商量,順路的話都會帶,但門票要自理。

扎西係藏族人,廿多歲,高大健壯,在昆明大學畢業,能講字正腔圓嘅普通話,家住香格里拉,佢主要係接私人團,整個雲南省及西藏旅遊都可搵佢,可用微信接洽佢以上地點嘅行程安排。


喺麗江古城內, 有好多旅行社小店辦麗江周邊地方嘅旅行團, 有大班團, 亦有私人包團, 費用參差; 由於在網評好壞參半, 所以我完全冇考慮呢D旅行社, 我一路都係參考攜程網嘅local tour, 而攜程商譽亦較好, 佢哋有D團都幾抵, 我亦安排了我另外同行嘅朋友參加玉龍雪山一天遊, 690元一人, 包旅遊巴酒店接送, 午餐及水, 入場費, 索道費, 朋友参團後嘅評語話係只要唔介意與同胞同行同食, 就會覺得冇問題。

講番長江第一灣,只係帶到一個高點觀景台遠眺,並唔係落到長江第一灣。事實上,真係要喺高位至睇到實景,如低地平望,係完全睇唔到第一灣。

除可遠眺俯瞰長江第一灣外,仲可仰望哈巴雪山,可惜當日天色較朦,睇得唔太清楚,不過唔緊要,去香格里拉途中仍可欣賞到。

參觀時段: 早上
評分: 值得去3  
麗江縣上虎跳峽入口, 呢度轎坐至觀景台落石級附近,160元一趟
麗江縣上虎跳峽入口, 呢度轎坐至觀景台落石級附近,160元一趟
上游金沙江非常平靜
上游金沙江非常平靜
沿途有多個山洞, 行到熱熱哋, 走入山洞好爽啊!
沿途有多個山洞, 行到熱熱哋, 走入山洞好爽啊!
虎跳峽景區沿途風景優美
虎跳峽景區沿途風景優美
虎跳峽觀景台入口, 有舊石介紹虎跳峽形勢
虎跳峽觀景台入口, 有舊石介紹虎跳峽形勢
麗江縣虎跳峽老虎狀跳石像
麗江縣虎跳峽老虎狀跳石像
虎跳峽觀景台可近距離欣賞江水洶湧澎湃情況
虎跳峽觀景台可近距離欣賞江水洶湧澎湃情況
江水中央那舊大石就係虎跳石
江水中央那舊大石就係虎跳石

嚟到第二個景點, 亦是其中的重點景區 - 虎跳峽

經導遊扎西介紹, 虎跳峽分為上虎跳, 中虎跳及下虎跳峽, 我哋只會到上虎跳遊覽, 行麗江區那邊, 因為時間關係, 中下虎跳都不會去。

上虎跳峽主要分為兩個景區, 麗江縣嘅上虎跳同香格里拉縣嘅上虎跳, 其實係以金沙江作分界, 在麗江縣上虎跳對岸就係香格里拉縣嘅上虎跳, 大家在岸邊都有隻老虎狀似跳躍對岸嘅石像。

麗江縣嘅上虎跳位於金沙江玉龍雪出腳下, 在景區入口行至虎跳峽景區約走2公里, 沿途係棧道, 當中有幾個山洞,山洞清涼無比, 一路都係平路, 行得相當舒服, 如覺累亦可坐轎 160元一人一程; 只係到達虎跳峽風景區, 要落約幾十級樓梯, 總計上落都不用100級樓梯, 所以較適合唔想行長梯級嘅人士。

至於香格里拉縣嘅虎跳峽, 呢邊嘅觀景台設計較新穎, 而車輛可直接停在虎跳峽觀景台處, 所以大部份嘅旅行團都會在此觀虎跳峽, 但就要走落約100米的石級, 睇完亦要走上番100米石級至可上車, 我在對岸見到嗰排100米石級都滴哂汗, 上落100米石級都幾攞命架。

起初嘅1公里多, 金沙江十分平靜, 河水碧綠, 完全感覺唔到虎跳峽嘅氣勢, 直至到了觀景台入口, 沿路落石級, 就聽到河水澎湃洶湧嘅聲音, 落到觀景台, 嘩! 激流水花淺入欄杆, 好勁呀! 果然名不虛傳, 不枉行咗2公里多加埋幾十級石級, 值啊!

推介項目: 麗江縣虎跳峽觀景台
參觀時段: 早上
入場價錢: 每人55人民幣元
評分: 值得去5  
入咗黑店 哭臉2014-11-25
一間無甚特別路邊的中餐廳, 原來暗藏 "劏客" 伏線
一間無甚特別路邊的中餐廳, 原來暗藏 "劏客" 伏線
餐廳係普通裝修
餐廳係普通裝修
呢邊就係揀材料的地方, 完全冇餐牌, 價錢牌給客人參考
呢邊就係揀材料的地方, 完全冇餐牌, 價錢牌給客人參考
三款菜式 + 滾湯 + 一桶飯 人民幣224元, 超唔值囉
三款菜式 + 滾湯 + 一桶飯 人民幣224元, 超唔值囉
只是清炒茶樹菇+西椒, 係三碟菜中最好食, 完全冇肉在內, 但硬說加了肉, 就要收68元
只是清炒茶樹菇+西椒, 係三碟菜中最好食, 完全冇肉在內, 但硬說加了肉, 就要收68元
呢碟腌肉炒樹芽, 有些少肉收48元, 嗰D樹芽臭青味好濃, 成碟冇食過
呢碟腌肉炒樹芽, 有些少肉收48元, 嗰D樹芽臭青味好濃, 成碟冇食過
西椒炒肉片, 68元
西椒炒肉片, 68元



今次係我旅遊生涯中,第一次入咗黑店食飯,真係第一次「黑店經歷」。

遊覽完虎跳峽,已經係兩點多,導遊扎西就車咗我哋去一間路邊中餐廳,遠離虎跳峽風景區,但仍然係沿金沙江岸邊。 

夢里灣食府冇豪華裝修,冇優質嘅服務,亦冇美味嘅菜餚,但就有既高昂又神秘嘅收費。

食府冇餐牌, 伙計帶我哋去雪櫃旁自行選擇食物材料烹調,所有肉類,素菜類及河鮮等,就放在客人面前自行挑選,材料算是新鮮,而食府伙計猛力推薦河鮮,問價錢多少,佢哋只講 「很便宜」「放心吧」,完全唔講價錢,好彩我唔係太鍾情食河鮮,如果唔係就比佢哋 「劏」得一地血.......

由於當日天氣炎熱乾燥,大家都唔想食得太重口味,所以只挑了以菜為主的食材,而肉類係伙計話加的,說是用來調味,只加少少,反正肉顃係配角, 所以我亦冇問價錢, 諗住貴得幾多吖.....最多都係150元人民幣左右埋單,點知唔係囉......

茶樹菇炒西椒,細細碟,一D肉都冇,只係清炒,味道好清甜,菇同椒幾新鮮,係3個餸中最得我哋歡心,全部食哂。雖然較合我哋口味,但呢碟菜完全唔值68元,食府屈我哋有肉炒,但根本就冇肉,佢哋仲好惡話我哋食哂至話冇肉,但我有相為証,但佢哋仍然硬要收呢個價。

肉片炒紅西椒,味道亦唔差,但油較多,冇食哂, 68元人民幣, 因為有肉炒, 所以較貴。

醃肉炒樹芽,初時選材料時唔知樹芽係乜嘢,伙計話好食,咪試吓囉! 點知係..... 樹芽含有好重嘅草青味, 仲有D苦;  醃肉係好似臘肉, 唔特別, 但唔難食, 因只得幾小片, 醃肉size同成人手指甲(食指)大小差唔多, 整個菜唔係難食嘅, 係我哋食唔慣啫...... 係48元人仔。

蕃茄蛋花湯, 係一個非常普通嘅即滾湯, 毫冇難度, 味道穩陣, 佢哋收28元, 但麗江古城D菜館大致都係10元至20元之間,當然係同級食店啦!

找數時當然非常驚訝,我哋完全冇諗過會超過180元人民幣,竟然要224元找數,咁普通又平凡嘅餸菜,而且仲係細細碟;相對昨日在麗江古城石破天,兩肉三菜,又大碟過佢吔,都係收164元咋,明屈啦! 佢哋嘅回應係地處山區及偏遠,物價會較貴等籍口,但我見佢地在江邊種莱攞河鮮,唔係所有食材都由外面供應,而且佢哋根本自由向客人開價,客人完全冇反抗能力。

我當然要據理力爭, 導遊扎西見我哋同侍應氣氛不大對勁, 過來調解 (當時扎西係坐在菜館外的枱吃零食), 我哋堅持茶樹菇嗰碟冇肉片, 如果硬要比224元, 我會報公安, 侍應商量完後, 答應200元埋單, 我見時間都不早, 佢哋係地頭虫, 唔想再耽誤, 所以比了200元了事, 點知.......

一比完錢, 成班侍應就變得兇神惡剎, 特別有一男一女嘅侍應, 竟然陏手推撞我哋, 更甚是想用拳頭解決佢哋啖氣, 扎西馬上把我哋同侍應隔開, 叫我哋即刻上車, 佢就攔住那一男一女, 我當時未及時間拍下呢兩個人嘅相, 所以未能放上網給大家參考, 扎西亦馬上開車離開。

上車後, 扎西馬上同我哋道歉同解釋在虎跳峽及金沙江一帶因係遊客區, 所以飯店相對較麗江古城貴好多, 佢話呢間已經唔算太過份, 但亦同我哋講剛才那幾碟餸的確份量很細, 亦真係唔合理, 不過都冇辦法, 周圍都係咁開價云云.....

我哋亦明白, 整個中國嘅遊客區都係以劏遊客而出名, 出入公園或各大景點要比高昂嘅入場費, 食飯要驚比人劏, 甚至比人打, 現在嘅中國就係因為咁, 令我已卻步不少, 中國美好山河美景通通都放在"錢字頭上一把刀",  唉!  中國地方政府幾時可以唔好咁貪腐呢?

 

 

 

 

 



 

每人消費: 約50人民幣元 (午餐)
評分: 味道2   服務1   環境1   衛生2   抵食1
藏家室內佈置
藏家室內佈置
呢D就係西藏姑娘跳舞姐姐
呢D就係西藏姑娘跳舞姐姐
好多國內旅行團嚟睇
好多國內旅行團嚟睇
圍住個圈不停跳, 我哋睇到頭暈暈, 同胞睇到慶合合
圍住個圈不停跳, 我哋睇到頭暈暈, 同胞睇到慶合合
自費嘅燒雞同燒羊, 全部係國內旅行團order
自費嘅燒雞同燒羊, 全部係國內旅行團order
 白色嗰砵嘢又"宿" 又臭, 就係要放落D熱水處沖嚟飲, 有D似發酵咗嘅臭芝士
白色嗰砵嘢又"宿" 又臭, 就係要放落D熱水處沖嚟飲, 有D似發酵咗嘅臭芝士
免費提供嘅酥油茶及小食
免費提供嘅酥油茶及小食
就係呢間藏族民房睇歌舞
就係呢間藏族民房睇歌舞

在網上已睇過此表演嘅評價,主要正負面都有,如參團(大陸團)嚟香格里拉,當然會安排此行程,大陸網多數話遊客唔加錢食羊或雞,或買紀念品,會被導遊遺棄喺荒山公路等,真恐怖啊!

而導遊扎西 就同我哋講絕冇此情況會喺我哋處發生,其實我喺唔想去,但扎西話此歌舞表演可令遊客更了解藏族人的文化, 誠意我哋去睇睇, 如中途覺悶, 可馬上叫歌舞團嘅工作人員call佢接番我哋, 所以至答應睇藏族歌舞。

到達藏家, 門口已企咗幾位中年男子迎接每位賓客, 先幫客人戴上白色哈達, 再奉上一杯水酒, 中年男子要客人干杯, 唔干係冇禮貌喎! 我就唔怕飲酒, 至怕個杯用完又用, 至慘係另一半一向滴酒不沾, 今次難為咗佢啊!

我哋講明唔幫襯加料美食, 所以被安排坐第三行坐位, 前兩排係比國內旅行團包咗, 坐位嘅枱上已放咗幾碟小食及酥油茶材料, 客人一坐低, 工作人員會馬上沖熱水在壺內, 然後教客人加上枱面嘅酥油茶材料沖水即飲, 哎呀! 咪攪我, 以前喺九寨溝都試過, 超難飲, 但朋友就飲咗一啖, 佢話唔難飲, 不過就唔啱我哋口味喎!  真廢話呀!

歌舞表演前, 前排嘅國內團就獲分派到加料美食 - 烤羊及烤雞, 雖然幾香, 嗰樣都唔差, 但對羊完全冇興趣嘅我, 一D都唔吸引呢!

攪咗差唔多個幾鐘, 歌舞先至開始, 一班舞蹈員圍圈又轉又跳, 另一舞蹈員就用唔係太純正嘅普通話作旁白, 又講笑話, 見國內強人好多都識笑又投入, 但我哋就完全唔識笑, 連自認普通話唔錯嘅港童, 都話聽唔明, 啊.......

睇咗半個鐘, 最精彩嘅係作旁白嘅舞蹈員放低支咪高峰, 走到中間位置, 跟隨藏音樂, 極速自轉咗幾分鐘, 然後打咗幾個後空翻, 係呢個情節令到我突然醒神, 不過我亦馬上叫工作人員幫我call扎西嚟接我哋, 由於室內人多, 又多人抽煙, 空氣實在混濁, 我哋都走咗出屋外吸吸新鮮空氣。

而太陽已落, 香格里拉果然比麗江嘅溫度低好多, 麗江入夜都有18至20度, 但當日香格里拉剛入夜時應只有11至12度左右, 都幾寒呀!

等咗15分鐘, 扎西嚟喇, 扎西問我哋看後感, 我哋當然唔可以講唔啱睇啦, 只推說聽唔明, 笑唔出囉! 扎西後來話連佢都聽唔明, 更何況我哋喎!

 

 

參觀時段: 晚間
其他消費: 燒雞, 烤羊宴
評分: 值得去2  
花茶, 38元人仔/壺, 清熱解燥及滋潤喉嚨
花茶, 38元人仔/壺, 清熱解燥及滋潤喉嚨
牦牛肉眼排, 賣相就差D, 但肉質好正
牦牛肉眼排, 賣相就差D, 但肉質好正
肉醬意粉
肉醬意粉
餐廳設計幾溫馨
餐廳設計幾溫馨
幸福味覺附設的郵局有多款香格里拉風景明信片揀
幸福味覺附設的郵局有多款香格里拉風景明信片揀
美式早餐, 30元人仔, 其實幾貴架
美式早餐, 30元人仔, 其實幾貴架
幸福味覺附設有郵局, 方便遊客寄明信片
幸福味覺附設有郵局, 方便遊客寄明信片
餐廳令人有家的感覺
餐廳令人有家的感覺

真後悔去咗睇藏族表演, 浪費咗我兩個鐘, 令我未能去到龜山公園睇夜景.....

已是7點半, 天氣又冷又乾燥, 係時候坐低食嘢喇!

由於獨克宗古城燒咗一大半, 令原本好旺嘅四方街變得好肅條, 扎西就載到我哋較近民宿, 又較多食肆嘅小街, 全條街最搶鏡就係呢間幸福味覺, 一於入去開餐暖胃啦!

幸福味覺係小品式裝修, 好溫馨優雅嘅感覺, 食物亦以西方咖啡為主, 大多是外國遊客, 唔多人食煙, 好舒服啊!

餐廳嘅餸菜由老板娘親自主理, 我哋叫咗如下:

秏牛肉眼排, 79元一客, 賣相唔靚, 非常唔吸引, 老板娘刻意裝飾個碟, 佢煮咗個較黑嘅黑椒汁, 肉眼扒嘅份量亦唔係好大塊, 普通size, 我哋每人有四分一, 下刀一切, 感覺相當容易切, 一D根都冇, 亦唔多肥肉, 係7至8成熟, 冇血水, 一淡入口, 嘩! 真係唔好比佢個衰樣呃咗而唔食, 一定係你嘅損失, 肉質鮮嫩, 牛肉味濃而不酥, 老板娘冇用醃肉粉, 係原汁原味, 雖然個汁好黑, 但相當配合到秏牛肉, 果然冇揀錯;

肉醬意粉, 同樣賣相唔得, 個茄汁係啡色唔係橙紅色, 將肉醬撈勻意粉, 味道唔差喎, 仲幾好味添;

楊州炒飯, 賣相稍好, 係比較穩陣嘅選擇, 材料係好簡單嘅火腿, 紅蘿蔔粒及蔬菜, 炒得都乾身唔多油;

吉列豬排飯, 賣相好靚, 豬排幾大塊, 夠juicy同脆口, 唔錯;

花茶一壺, 喺咁乾燥嘅環境下, 有此茶潤一潤, 舒暢啊!

連埋兩碟炒青菜, 280元人民幣找數, 唔平架, 但坐得舒服, 食得開心......

我哋亦在翌日早上7:30 過嚟幫襯食早餐, 原本佢哋係上午9點至開門做生意, 老板娘知我哋要7:30食早餐, 所以專登開早就我哋, 好體貼呀! 多謝老板娘呢!

早餐雖然冇麗江紫藤花園客棧咁大份量, 而且都唔平, 一份30元人民幣, 含一杯熱咖啡, 但喺度食嘢感覺良好, 雖然貴D, 都係一次啫, 又有免費wifi, 睇埋報紙至出發去普達措國家公園。

另幸福味覺茶餐吧附設郵政局, 亦有明信片賣, 有好多款以香格里拉風景嘅明信片選擇, 寄到返香港, 約要1個月。

 

 

 

推介菜式: 牦牛肉眼排, 花茶
每人消費: 約70人民幣元 (晚餐)
評分: 味道4   服務5   環境5   衛生5   抵食3
藏族民宿 ok喇2014-11-25
民宿的大廳, 在地下, 藏式格局
民宿的大廳, 在地下, 藏式格局
陽光大床房, 除有一大玻璃門外, 係冇窗嘅
陽光大床房, 除有一大玻璃門外, 係冇窗嘅
大床旁係浴室, 冷熱水係完全唔協調, 沖涼好困難
大床旁係浴室, 冷熱水係完全唔協調, 沖涼好困難
雙床房嘅浴室嘅熱水爐係假嘅, 熱水爐係响地下主人起居室裡
雙床房嘅浴室嘅熱水爐係假嘅, 熱水爐係响地下主人起居室裡
雙床房內, 亦是藏式佈置
雙床房內, 亦是藏式佈置
地下起居室門口
地下起居室門口
大廳的另一角
大廳的另一角
我哋所住的2樓房間, 叫陽光大床房, 房外是上落天井位及大陽台, 係睇星星嘅好地方
我哋所住的2樓房間, 叫陽光大床房, 房外是上落天井位及大陽台, 係睇星星嘅好地方

一入獨克宗古城, 車走兩分鐘就到今晚住嘅藏族民宿 - 開心時光客棧。

扎西話佢屋企亦係民宿, 但衛生條件關係唔適合我哋住, 而佢話呢間民宿較好, 我哋應該可以接受。其實當初我係想由我自已揀住宿, 但魚頭或小劉都極力推薦由佢哋攪掂, 而攜程網就可以自行定住宿, 當然價格就由住宿房費決定包團旅費嘅價錢。

開心時光客棧完全係一間傳統嘅藏族房舍, 由泥及木所建, 非常近大街及龜山公園, 好方便。

地下係民宿主人起居室, 大廳中央有煤炭暖爐, 所以晚上好溫暖, 樓上二樓就係客房, 一共四間房, 最前嘅兩間價錢較貴一點, 但都好抵住, 120元 - 140元人民幣(攜程價), 分別係溫馨大床房及陽光大床房, 我同另一半就住呢間房, 朋友同港童就住藏式雙人房(100元), 位置在後面。由於民宿係木板建造, 所以晚上行路要細聲, 房裡說話要輕聲, 另三樓係閣樓, 就係星星房, 但冇獨立浴室。

陽光大床房, 房內係藏式佈置, 由於用咗唔同嘅油漆顏色, 咁就可以令簡陋嘅房美化不少;天花有盞吊燈, 都令房間冇咁單調; 一張6呎大床, 床有電暖毯,  床同枕頭軟硬尚可, 大床旁邊係浴室, 浴室係自行改建, 地台比房間高一截, 浴室打掃唔係太清潔, 洗手盤同坐廁旁有頭髮及塵埃, 感覺係打掃馬虎, 最麻煩係冷熱水調節, 一係就熱到熟哂, 一係凍到過緊冷河, 完全唔可以冷熱水一齊用, 最差係咁。而最重要係整個房係冇窗, 得一道玻璃門, 開門又唔安全, 唔開又空氣不足, 雖然香格里拉比麗江冷好多, 晚上就只有8-10度左右, 半夜仲會再冷D, 但因太乾澡, 只有十幾度濕度, 在瞓覺時好似有D呼吸困難, 真係非常唔慣。

藏式雙人房, 同樣係藏式佈置, 只係用咗光管, 好用唔好睇, 但浴室較大床房乾淨及闊大, 沖涼冷熱水都係調節問題, 不過都好過大床房一點。

二樓房外有一大陽台, 有椅有枱, 係望星星嘅好地方, 四月份天朗氣清又少雨, 可惜晚上太冷太大風, 只能望星一會兒.....可惜啊!

民宿老闆娘係藏人, 好幫忙, 因本人及港童不能適應乾燥天氣, 在到麗江第二日已開始流鼻血, 當晚在民宿簡直係流血不止嘅狀態, 原本老闆娘要在晚上12點要關熱水爐, 但我哋因以上未能及時沖涼, 她索性當晚不關爐, 又教我哋如何止血, 真多謝她! 如民宿在衛生及熱水方面有改進, 亦不失係一間好住嘅民宿。

每晚價錢: 140人民幣元 (雙人房)
評分: 設備3   服務5   環境3   衛生2   抵住5
屬都湖
屬都湖
彌里塘高原牧場
彌里塘高原牧場
彌里塘牧場內有好多野生動物, 如牦牛, 野馬等
彌里塘牧場內有好多野生動物, 如牦牛, 野馬等
碧塔海
碧塔海
碧塔海的觀光船, 每位另收50元人民幣
碧塔海的觀光船, 每位另收50元人民幣
遊完碧塔海上岸後, 沿小路漫步, 好寫意
遊完碧塔海上岸後, 沿小路漫步, 好寫意
回望碧塔海, 如6月初到此, 這黃草地是花海呢!
回望碧塔海, 如6月初到此, 這黃草地是花海呢!
除可享受美麗的風景外, 仲可以近距離見到野馬及牦牛在吃草
除可享受美麗的風景外, 仲可以近距離見到野馬及牦牛在吃草

早上8:30,check out 出發香格里拉重點景區 - 普達措國家森林公園。

從獨克宗古城乘車到公園,約半小時就到。 

公園外觀頗有規模,一大片停車場,井然有序分開旅遊車、 轎車、摩托車等; 扎西導遊帶我哋入了公園售票部,裝修不俗及面積頗大,拿了門票,就走向公園嘅遊覽專車站,搭專車遊覽公園。

門票都幾貴, 要258元/成人, 坐埋遊覽船仲要另加50元, 但我覺得 "值" 呢!

公園有指定嘅遊覽路線,大概最快可在3小時至4小時內完成遊覽,但會較急趕。扎西冇同行,但就叫我哋乘專車在第二個站至落車,因第一及第二個站都係屬都湖,在第二個站落車嘅觀景台影相會較靚及較容易上番車繼續遊覽,然後就跟住公園嘅專車順路遊覽便可,遊覽船要我哋自費,如唔坐船,佢就話要行快幾步,約定我哋1點15分喺入口停車場等我哋。

我哋跟咗扎西嘅指示落車,果然第二個站係冇錯,路線如下:

普達措國家森林公園入口 > 屬都湖觀景台第二個站 > 彌里塘高原牧場 > 碧塔海 > 碧塔海棧道走2公里/乘遊覽船 > 終點 > 乘專車回公園入口

普達措國家森林公園喺中國第一個國家公園,海拔約4000米,整個公園係以屬都湖、碧塔海及彌里塘高原牧場為主要景區,一路搭專車在主要景點上落,慳時間兼可睇到重點,主要走路點係响碧塔海棧道,都係行兩公里,由於我哋趕時間,又要到處影相同欣賞美景,所以我哋寧願比多50元搭觀光船,因此冇走哂全個棧道,如有時間,其實行棧道會較有風味,但就要預留多2個鐘時間了(停吓影吓係咁上下)。

喺天朗氣清下,雖然當日早上時分只有5度,大風又寒冷兼乾燥,但對整個國家公園嘅感覺好好,屬都湖同碧塔海風景好靚,山清水秀,兩個湖嘅水都好清澈,彌里塘牧場有秏牛,野馬及羊,動物隨處在草原走動,遊人可近距離見到以上動物嘅活動情況,所以令我哋都感覺到此刻嘅自由自在,可惜4月底只能見到小花蕾及花苗,不過仍然都非常籍得到此一遊,如果在6月初,整個公園嘅草原會成為花海,那時會另一番美的景象,希望有機會在6月初再嚟睇花海吧!

參觀時段: 早上
入場價錢: 每人258人民幣元
其他消費: 乘游湖船人民幣50元
評分: 值得去5  
漫山遍桃花 笑臉2014-11-25
龜山公園係位於獨克宗古城內的月光廣場上
龜山公園係位於獨克宗古城內的月光廣場上
公園依著小山而建
公園依著小山而建
公園內興建了藏傳佛教的大殿
公園內興建了藏傳佛教的大殿
龜山公園的夜景超靚, 晚上10時至關燈
龜山公園的夜景超靚, 晚上10時至關燈
當日公園滿山開滿桃花, 靚絕呀!
當日公園滿山開滿桃花, 靚絕呀!
全世界最大的經輪, 要由8人以上至可推動運轉
全世界最大的經輪, 要由8人以上至可推動運轉
呢邊係未有受火災破壞的獨克宗古城, 我哋住嘅民宿亦在此處
呢邊係未有受火災破壞的獨克宗古城, 我哋住嘅民宿亦在此處
公園內的藏傳佛教大殿
公園內的藏傳佛教大殿

雖然昨晚好夜至瞓(流鼻血),但亦冇阻我咃早起去龜山公園一遊。

晚上,龜山公園嘅夜景好漂亮; 朝早,龜山公園嘅日出好寧靜。

6:00 AM,由客棧行去公園嘅月光廣場只係3分鐘,廣場只有零星嘅老人家在做運動,冇下午商販遊人出動嘅熱鬧,好寧靜呢!  時間剛好,廣場同整個山頭都開滿桃花,好靚呢! 謀殺咗好多相機記憶咭嘅位; 在桃花滿開襯托下,早上嘅龜山公園一D都唔遜色,莊嚴嘅喇嘛廟,加埋金燦燦嘅巨形經輪,小小嘅龜山公園就成為獨克宗古城嘅地標,在月光廣場完全可影到全景。

走上幾十級石級,就可上到公園上的喇嘛廟同巨形經輪,一早人流稀疏,影相參觀都非常舒服,經輪被日光照得非常耀眼,要帶太陽眼鏡,佛殿已有喇嘛頌經,在此亦可360度俯瞰整個獨克宗古城,一面係完整古老小房舍,一座高樓都冇,好古樸啊! 另一面就喺已被火吞噬後變成一片荒涼平地,可惜啊!

嚟龜山公園, 一定要早晚都嚟一次, 咁至可以睇到唔同嘅景色呀!

 

 

推介項目: 飽覽獨克宗古城全貌
參觀時段: 早上
評分: 值得去5  

在我哋去普達措國家公園途中,比我哋睇到大禿鷹搶食腐屍嘅場景,猶如睇天葬一樣,不過屍體係一隻病死嘅豬,但已經好震撼,唔單止我哋第一次睇到,連西藏導遊扎西都係第一次見到,所以大家都不停用手機或相機拍下奇景,我吔係第二部車停喺度,唔洗5分鐘,車龍已長長排在一邊,車上嘅人就落車影相拍片。

參觀時段: 早上
評分: 值得去5  
景紅天茶 + 脆香雞堡餐 30元
景紅天茶 + 脆香雞堡餐 30元
景紅天茶 + 脆蝦堡 32元
景紅天茶 + 脆蝦堡 32元
裝修似麥記
裝修似麥記
由餐廳望出, 係一片草原牧場, 有秏牛, 馬及羊
由餐廳望出, 係一片草原牧場, 有秏牛, 馬及羊

我哋12:00PM 由遊覽船上岸, 行約一公里左右就到終點, 大家都有D肚餓, 睇吓有冇嘢醫肚, 就喺終點有間美式快餐店, 主食漢堡包, 都好, 要快, 因為約咗扎西1點鐘呢!

呢間漢堡餐廳裝修好似麥記, 睇落都乾淨企理, 價錢貴過麥記, 我哋叫咗兩個不同套餐, 一個係雞堡+薯條; 一個係蝦堡+薯條, 全部改飲景紅天茶, 所以每個餐加多2元

雞堡同蝦堡香脆無比, 個人覺得蝦堡較好味, 景紅天茶係第一次飲, 甜甜哋, 易入口, 完全冇中藥味, 餐廳話景紅天茶防高山症, 雖然身處4000米海拔高山地帶, 嚟到至飲有鬼用咩, 不過喺咁寒冷嘅時候飲杯熱嘢, 真係暖在心頭呀!

 

每人消費: 約32人民幣元 (午餐)
評分: 味道5   服務5   環境5   衛生5   抵食3
風光如畫 笑臉2014-11-25
哈巴雪山
哈巴雪山
遠眺哈巴雪山
遠眺哈巴雪山
金沙江
金沙江
香格里拉
香格里拉

由麗江去香格里拉時, 扎西千叮萬囑我哋千祈唔好在車上瞓覺, 因由金沙江去香格里拉都要2個鐘, 如瞓著覺醒番會較易有高山症, 所以扎西馬上開強勁音樂, 令我哋精神精神, 不過反正在夢里灣黑店都令我哋一肚氣瞓唔著

而扎西亦在途中停吓車, 好讓我哋睇吓風景影吓相, 順便感受下氣溫逐漸下降嘅感覺, 果然在影哈巴雪山時感受到

在回程由香格里拉到麗江, 沿途嘅感覺剛好同以上相反, 由高到低, 由冷到暖, 仲可重溫此段路嘅風景, 真好啊!

推介項目: 千萬不要瞓著覺, 否則容易有高山症
參觀時段: 下午
評分: 值得去4  
高朋滿座 笑臉2014-11-25
下午6:00 就高朋滿座
下午6:00 就高朋滿座
腊排骨火鍋 48元
腊排骨火鍋 48元
雪山魚 38元
雪山魚 38元
再後加蔬菜及雲耳
再後加蔬菜及雲耳
晚上8:00之後較少人, 但8:30又多番人食宵夜
晚上8:00之後較少人, 但8:30又多番人食宵夜

由香格里拉普達措公園回到麗江古城, 真的足足走了4個鐘, 當中完全冇停下休息或上洗手間, 都要5:30PM 才到暖花居客棧, 因扎西要馬上返回香格里拉, 所以佢都幾辛苦

放下行李, 告別扎西, 我哋就出去搵食, 今次去搵另一間TripAdvisor麗江食肆十大名次的中餐館 - 和叔食府

由五一街走去不到10分鐘, 但亦不好找, 因和叔食府位處小街後巷, 要轉入小路後巷, 所以6:10PM 才到, 但小店已人頭擁擁

等咗約十分鐘, 有枱喇, 食府不大, 約20張枱, 大多是四人小枱, 中間有兩三張大枱

馬上叫餸, 價錢唔貴, 大眾化, 叫了如下:

1) 腊排骨煲, 48元, 認真抵食夾大件, 排骨唔會因價錢咁平而得幾舊, 仲幾多添, 仲有娃娃菜, 木耳, 大蒜, 排骨嘅鹹味滲入湯中, 令湯底呈白色, 再加菜同大蒜, 整個湯底味道清甜冇比, 排骨應該腊了較短, 但仍然非常入味加肉質鬆軟, 好正, 後再加一碟娃娃菜, 蕃茄及雲耳, 每碟都係8元咋

2) 雪山魚, 38元, 唔係太大條, 但對我哋嚟講就啱啱好, 魚好鮮好甜, 怕食淡水魚嘅最忌多小骨同有泥味, 不過呢魚一掃我對淡水魚嘅誤解, 好味道啊!

我哋只叫了以上兩個餸菜, 再加咗三個蔬菜作打火鍋, 冇叫白飯及飲料, 埋單117元人民幣; 朋友問我計錯數架, 咁平嘅, 我答當然係真啦!

大家一致認為平靚正絕對係和叔食府評價

推介菜式: 雪山魚, 腊排骨火鍋
每人消費: 約30人民幣元 (晚餐)
評分: 味道5   服務3   環境3   衛生3   抵食5
束河古鎮 笑臉2014-11-25
束河古鎮正門
束河古鎮正門
束河古鎮四方街四方聽音廣場
束河古鎮四方街四方聽音廣場
束河古鎮內的小店
束河古鎮內的小店
束河古鎮四方街
束河古鎮四方街
束河古鎮地圖
束河古鎮地圖
束河古鎮較寧靜
束河古鎮較寧靜
束河古鎮外面種滿好多茶花, 就喺呢處搭巴士去白沙古鎮, 冇巴士站牌架
束河古鎮外面種滿好多茶花, 就喺呢處搭巴士去白沙古鎮, 冇巴士站牌架
在束河買的牛肝菌
在束河買的牛肝菌

今晚要搭21:28 K9620/K96火車返昆明, 所以一早出去紫藤食早餐, 然後快快回客棧執好行李check out, 客棧短期靚仔義工阿驕幫忙搵車去束河古鎮, 原本想坐公交車, 但阿驕話公交車站距離客棧頗遠, 要行差不多半小時, 所以提議坐的士, 他幫忙為我們截車, 問了幾架藍色小Van及的士, 都要收我哋30元, 咁我哋就搭咗藍色小Van去

司機提醒我哋會在束河古鎮正門外旁邊遠些少放低我哋, 叫我哋輕鬆走入人群中, 就可免比古城維修費50元, 我哋走過正門附近, 有幾個小亭子, 但唔覺有人收古維費, 所以我哋亦順利免費入鎮

束河古鎮比麗江古城細好多, 冇麗江古城咁人多擠擁, 所以亦較寧靜及舒服, 物價亦冇麗江古城咁貴及上落大, 如買手信或紀念品, 可考慮束河古鎮的小店, 大致上同麗江古城差唔多貨式

我哋在古鎮見到有藥材舖, 走入去睇睇, 見D牛肝菌幾靚, 另一半同朋友就各買了半斤, 講價後成交價係230元一斤, 返嚟喺裕華國貨睇番個價錢, 另一半就後悔買得少, 好啊! 有籍口再去雲南喇!

 

參觀時段: 早上
評分: 值得去5  
招呼周到 笑臉2014-11-25
過橋米線 中 28元
過橋米線 中 28元
肉絲炒青椒絲, 28元
肉絲炒青椒絲, 28元
氣鍋雞 68元 細
氣鍋雞 68元 細
清炒娃娃菜 18元
清炒娃娃菜 18元
整條食街都有侍應在企外拉客
整條食街都有侍應在企外拉客
全部嘅食店外觀都唔差, 睇自已眼緣吧!
全部嘅食店外觀都唔差, 睇自已眼緣吧!
束河古鎮美食街
束河古鎮美食街
阿媽美食坊食品介紹
阿媽美食坊食品介紹

行到咁上下, 有係食飯嘅時候, 走咗入束河古鎮嘅美食街睇睇, 有好多食店, 任君選擇

美食街的食店, 全部都有侍應企喺門口招客, 大致上都係以食納西菜及雲南菜為主, 我哋都係合眼緣, 走咗入一間叫阿媽美食坊

嚟到雲南都冇食過雲南米線同氣鍋雞, 今次要叫嚟試吓 :

1) 氣鍋雞68元, 叫咗個細, 夠食, 約有半隻雞, 湯底清甜, 雞亦新鮮, 唔錯;

2) 雲南米線, 叫咗個中份, 非常夠食我哋四個人食, 都幾大鍋, 由侍應幫我哋逐小碟餸放入熱湯中, 最後放入米線, 港童非常喜歡, 食咗三碗, 唔洗講好唔好味啦!

3) 叫咗多兩個小菜, 肉絲炒青椒絲及清炒娃娃菜, 味道穩陣可靠

其實仲有好多菜式係想試, 例如麗江粑粑同秏牛乳扇都好想食, 但實在肚皮唔爭氣, 咁快就飽喇

食到飽飽, 都係156元埋單, 可知夢里灣黑店收費幾咁過分吧!

每人消費: 約156人民幣元 (午餐)
評分: 味道5   服務5   環境5   衛生4   抵食5
白沙壁畫門口, 睇畫要比入場費, 公交車站就在此處
白沙壁畫門口, 睇畫要比入場費, 公交車站就在此處
白沙古鎮內有幾間幾雅緻嘅時裝店Cafe'
白沙古鎮內有幾間幾雅緻嘅時裝店Cafe'
白沙古鎮入口就在白沙壁畫後面, 要行去後面直行約5分鐘
白沙古鎮入口就在白沙壁畫後面, 要行去後面直行約5分鐘
白沙古鎮正門
白沙古鎮正門
白沙古鎮比束河古鎮更細, 而且寧靜好多
白沙古鎮比束河古鎮更細, 而且寧靜好多
遊客亦唔太多
遊客亦唔太多
古鎮裡仍有村民住, 未改為民宿
古鎮裡仍有村民住, 未改為民宿
白沙古鎮的四方街
白沙古鎮的四方街


在束河古鎮行完食完買完,就去下一站 - 白沙古鎮

只知道有公交6號車去白沙古鎮,問咗幾個人,都話公交站在束河古鎮外正門一直走就可見到,一直走,一直問人,都話在前面,走咗二十分鐘,都唔見個站,直至行到大路迴旋處,過咗對面大路,有個靚巴士站,當中有6號巴士路缐,等咗5分鐘,有架6A公交車,司機話到白沙; 上車後,車轉返入束河古鎮條直路,原來在束河大道中間位,可上落客,但就冇站牌比人睇嘅,唔係老馬識途都唔知道上車點啦!行咗咁多寃枉路添。

公交車約走40分鐘,就在白沙壁畫正門前落車。由於白沙壁畫要比入場費,所以冇入。於是向白沙壁畫後方行,直走約5分鐘,就到白沙古鎮。

白沙古鎮比束河古鎮更細,唔係太多強國人遊客,反而外國遊客較多,而四方街或橫街就唔似麗江古城或束河古鎮嘅店舖倒模般一式一樣,仍然有原居民係處住,而由民宅改為旅館或出租比外來人成商業舖唔多,但較有個性嘅特色舖及餐廳都可搵到,而且裝修及舖面設計唔錯,就算係賣手作工藝品或飾品,價錢亦比束河古鎮仲平,感覺白沙較純樸。

回程時搭了6A,問咗女司機是否經麗江古城,佢話經及行古城外圍,點知去到束河古鎮,架巴士就𨍭咗個大彎,行回返白沙古鎮條路,原來呢架6A係循環缐,終於都係兜番去白沙壁畫個站,走去問番女司機,點解話會經麗江古城,點知佢話諗住我會知道轉車喎,嘩!咁都得,我問得都知唔熟啦!真係亂咁嚟⋯⋯

落咗車,睇清楚個公交車站牌,得6A同6B,都冇6號車⋯😳😒 唔⋯ 要快D揾車走喇,唔係就連食飯都唔夠時間。後來我哋揾咗架藍van,䦕價10元/位返麗江,跟住再有3位廣東遊客上車,大家都係响麗江古城落車。




 
參觀時段: 下午
評分: 值得去5  
手掰面, 15元, 都幾大碗
手掰面, 15元, 都幾大碗
韮菜豬肉餃, 20元, 有20隻, 叫咗兩碟
韮菜豬肉餃, 20元, 有20隻, 叫咗兩碟
正
正



係好急趕嘅情況下,返到麗江古城已是5:45, 行番五一街仲要十幾分鐘, 我哋要搵間速食店解決晚餐問題, 就喺五一街見到呢間東北餃子店,還掂成個行程都未食過餃子,就試吓吧!

餃子店面積不大, 只放了四張小枱, 以快餐店形式經營, 先在櫃位落單付錢, 佢哋就即煮稍後送上; 我哋坐低叫嘢食時已有兩枱客人, 全部都係年青人, 都把舖面擠得水洩不通; 我哋約等咗15分鐘至20分鐘至有嘢嚟, 因為佢哋真係手作工夫, 係咪慢工出細貨, 評價如下:

1) 手掰面, 15元, 有D似公仔麵, 但老闆話係佢哋手造嘅麵條, 唔怪得粗幼不一, 麵條灼得剛好, 軟硬適中, 而整個麵嘅味道主要來源係個汁, 係乾撈麵, 個汁唔辣, 味道較普通, 好住家式, 味道未算突出, 但都OK;

2) 韮菜豬肉餃, 係較好味, 韮菜好香好新鮮, 豬肉餡唔太多, 共有20隻, 我哋encore多一次;

3) 芹菜豬肉餃, 味道較清淡, 芹菜未算太香, 所以未能夠帶到整個芹菜豬肉嘅鮮味人民幣

佢哋用嘅材料算新鮮, 亦係老闆手作工夫, 勝在有家庭感覺同乾淨企理, 價錢又平, OK之選人民幣

 

每人消費: 約19人民幣元 (晚餐)
評分: 味道3   服務4   環境4   衛生4   抵食5
百年老店 笑臉2014-11-25
此乃傳統過橋米線, 20元
此乃傳統過橋米線, 20元
湯底好熱, 湯面浸油都好勁, 份量仲好夠
湯底好熱, 湯面浸油都好勁, 份量仲好夠
我哋今次有得玩, 依次序放料入熱湯裡
我哋今次有得玩, 依次序放料入熱湯裡
老字號的湯碗
老字號的湯碗
份量大到食唔哂, 覺得好浪費呀!
份量大到食唔哂, 覺得好浪費呀!
老字號多人幫襯, D人食完就走, 清理得好快, 又做下輪生意
老字號多人幫襯, D人食完就走, 清理得好快, 又做下輪生意

上午6:40分準時到達昆明火車站, 另一朋友提議去百年老號 - 建新園昆明站店食過橋米線。

由昆明站出閘, 轉右, 第一間食店就係建新園, 旁邊仲有美式快餐店同康師傅牛肉麵專門店。

總括幾間食店外觀, 裝修最普通嘅就係建新園, 門口就係落單付錢處, 有d似以前開放初期d食店, 只係電燈光猛好多。由於尚早, 胃口未到, 但又想食過橋米線, 所以大家都揀咗傳統過橋米線, 20元。

好快米線就到, 送菜阿姐架輕就地先放上小碟材料, 大碗米線, 冇耐就大叫 "滾水"到, 熱湯就送上, 又問我哋是否知道點下材料, 都算細心, 今次我哋自已嚟, 先放生豬肉片, 好薄, 一灼即熟, 然後放兩片醃火腿, 跟著係腊鴨肉及熟豬肉, 再把整碗乾米線放進, 最後放埋隻生雞蛋, 枝竹及蔥段, 好玩, 完成使命, 大家即刻試味, 個湯好熱好濃, 好多胡椒, 所以都幾辣口, 但好暖胃, 而店裡又冇空調, 個個食到大汗搭細汗人民幣

講番碗米線, 材料唔錯, 算新鮮同豐富, 米線份量好大, 知得叫兩個比我哋一家三口食, 我哋都食唔哂, 好浪費囉! 20元咁嘅價而食到咁嘅質素同份量, 非常收貨啦!

總括整個行程, 雲南麗江非常商業化, 原住民都唔多住在古城裡, 城內多數都係外來人士來開店做生意, 冇我想像中嘅古城風貌, 而麗江政府好有錢, 在基建上非常配合到麗江發展旅遊業, 就以麗江香格里拉高速公路, 路旁嘅花卉裝飾及園藝設計好靚, 路燈亦採用了LED燈, 而路面及隧道非常整潔, 呢D都係花費不少, 而旅遊點嘅保養都做得好到位, 尤其係洗手間, 完全係配合各地遊客嘅須要; 至於香格里拉雖仍有美麗嘅自然風景, 但隨環境嘅變化亦趨向商業化, 向錢看嘅地步。

我希望下次再嚟雲南, 能去下大理, 瀘沽湖及稻城亞丁等地方, 導遊扎西亦講2015年年尾或2016年年初, 由麗江去瀘沽湖女兒國高速公路會開通, 到時會由六小時車程減至三小時, 時間會慳好多, 但荷包就慳唔到喇!

總計今次旅費如下(3人計) :

1) 3套來回香港至昆明機票 : HK$2,658

2) 3套來回昆明至麗江軟卧火車票 : 1,386 人民幣

3) 兩晚暖花居客棧住宿 : 564 人民幣

4) 香格里拉包團團費 : 2,700 人民幣

5) 用餐, 手信及雜項使費 : 3,000 人民幣

以上全數約港幣12,220, 即每人HK$4,074, 依加去國內省外線, 係一D都唔平囉!

每人消費: 約20人民幣元 (早餐)
評分: 味道4   服務3   環境3   衛生3   抵食5
  0 個留言    |  加入你的留言
美食兵團去清邁+芭堤雅+曼谷10天遊 (泰國)
(旅程日期: 2013-07-12 至 2013-07-21 ,  旅程性質: 飲食購物, 消閒度假)
 整個旅程  (共3篇遊記)
 分享至Facebook 
發表日期: 2014-04-27
又係一年前開始計劃行程,今次主角係清邁,4日4夜;配角係曼谷,4日3夜;甘草係芭堤雅,共3日2夜。Air Asia 一向出機票都係早過人家,又係一年前就買咗三程機票,由澳門至清邁,再由清邁至曼谷,最後由曼谷返香港。今次亦係同番旅行partner一家一齊出發,一行七人,由舊年七月䦕始,買完機票,每月訂下酒店房,最後plan埋清邁local tour,唔經唔覺已經六月尾,直至七月初去完台北,話咁快就起程喇。
泊喺銀河門口嘅豪華長型房車
泊喺銀河門口嘅豪華長型房車
清邁航班資料
清邁航班資料
澳門國際機場內
澳門國際機場內
機場面積好細
機場面積好細
12/07/2013  上午仍要返工, 忙到連早餐都唔得閒食;  1:00PM, 與同事食咗個Quick Lunch,  就馬上趕去港澳碼頭會合一眾團友, 然後就搭3:00PM嘅金光飛航到氹仔(澳門船飛係响金光飛航加價前買定嘅, HK$140/張, 有效期至2013年8月31日)。               

4:15PM 到達澳門, 選擇搭銀河Shuttle Bus先到銀河food court 食個下午茶 (今晚會約10:30至到清邁), 因銀河15分鐘就有Shuttle Bus 去機場, 時間較易控制;  其實喺銀河food court慢慢食吓, 去吓手洗間, 都已經差唔多6:00PM, 行去車站搭shuttle bus, 啱啱走咗6:00嘅車, 好心嘅車站員叫我哋十分後至行出嚟, 因等車位置係西斜位;  果然就响6:15PM有架較細嘅旅遊巴駛過嚟,  計埋我哋, 約有15位乘客去機場, 相比去拱北, 真係小毛見大毛吧!

由於塞車, 6:30PM至到機場, 澳門機場真係比香港舊啟德機場細, 但查行李就非常嚴謹, 每件寄倉行李過完X-ray後, 仍要再打開比安檢人員check 多次, 攪到好多乘客都好狼狽,  當然包括我哋啦!不過我哋班FD2953去清邁嘅客機準時在7:55PM起飛, 機上有7成乘客係強國人, 兩成人係港客, 約1成係外國人, 所以整架機都充滿著普通話及開關頭頂行李箱的聲音。

 
參觀時段: 下午
入場價錢: 每人1013泰銖
評分: 值得去5  
溫馨細心 笑臉2014-04-27
5號房, 係6呎床, 又大又舒適, 最緊要係乾淨
5號房, 係6呎床, 又大又舒適, 最緊要係乾淨
但最敗北就係這床架, 多出嘅圍邊有成呎闊,經常被比佢撞到腳嘅上5吋下5吋
但最敗北就係這床架, 多出嘅圍邊有成呎闊,經常被比佢撞到腳嘅上5吋下5吋
大床放在中央位仍有好多空間
大床放在中央位仍有好多空間
浴室燈光較黑, 特別淋浴位置
浴室燈光較黑, 特別淋浴位置
民宿提供的主要物品
民宿提供的主要物品
地下2號房, 每間房主題一定是Bird, 呢間連窗都有Bird裝飾
地下2號房, 每間房主題一定是Bird, 呢間連窗都有Bird裝飾
2號房呢張大床冇圍邊, 安全好多, 但早上較嘈
2號房呢張大床冇圍邊, 安全好多, 但早上較嘈
Early Bird Lobby, 入屋要除鞋, 但地板不太乾淨, 可放定對乾淨拖鞋喺門口換
Early Bird Lobby, 入屋要除鞋, 但地板不太乾淨, 可放定對乾淨拖鞋喺門口換
Early Bird 呢間民宿真係超溫馨, 超細心, 超體貼。

清邁有好多平靚正嘅民宿,本身已鎖定三間,分別係Baanpordee Guesthouse、Gord Chiang Mai、 Early Bird B&B 及後備就揀咗Lanna House,全部都位於舊城區及有Free WiFi(舊城區無論飲食、購物及交通都較方便,而且亦有好多歷史景點,用雙腳亦可周圍逛)。其實一直想住 Baanpordee ,四間中網上評分最高,位置好,整體係一間溫馨嘅民宿, 有9.3分以上,而佢哋只得5間房,每房有露台,本身有一個花園,冇早餐供應,約200港幣一晚,但可惜佢哋不能加床,所以被刪除了;而Gord 本身條件亦唔錯,網評有8.4分以上,有免費單車提供比住客使用,房間設計時尚及寬敞,床夠大,同Early Bird 一樣價,亦是約250港幣一晚,但佢輸蝕地點比其他三間偏,冇咁方便;Lanna 就四間中最平,約160港幣,早餐是食素,有朋友住過,對其評價唔錯,仲非常推薦,位置近Thapae Gate,出入方便,房間泰式設計,室內設計較深色,不過佢哋亦不能加床,所以有緣冇份喇。所以最後在12月預定咗Early Bird 四晚共3間房再加床一張,訂完後,民宿已full booking。

Early Bird 真係好受歡迎,佢哋嘅網評有8.8分。 其實以上所提的兩間民宿都經常爆滿,如睇中要訂,最少都要半年前,因供應量有限呀!

Early Bird 共有三層,一共有9間房,地下有兩間房,一樓共有四間房,其中一間係雜物房,所以只得三間房提供,二樓就有四間房,而我哋訂了兩間大床房及一間雙床房,其中一大床房喺地下,雖然攞行李較方便,但較嘈,特別係在早上,另外兩間就在一樓,所以相對較寧靜,而且拎行李亦只須行一層,完全冇難度; 講番張床,又大又舒服,床有6尺闊,枕頭高度軟硬適中,好正。房間面積亦夠大,床放中央位置,房間空間感仍非常足夠;浴室面積亦夠大,唯獨燈光實在不夠,有沐浴露及洗頭水,但牙膏牙刷就要自備了。整體房間設備及舒適度係非常滿意,係超值之選。

另有要提醒係一樓5號房的大床有一道一尺闊的圍邊,一不留神會撞到雙腳上5吋下5時的部位,都好痛架。 
 
每晚價錢: 990泰銖
評分: 設備4   服務5   環境5   衛生5   抵住5
賣相好掂嘅蘑菇奄列早餐, 奄列份量好大, 多士同沙律作伴碟, 食完到午飯時候都唔覺餓
賣相好掂嘅蘑菇奄列早餐, 奄列份量好大, 多士同沙律作伴碟, 食完到午飯時候都唔覺餓
燒肉飯, 有上湯, 燒肉脆卜卜, 好食
燒肉飯, 有上湯, 燒肉脆卜卜, 好食
雜錦粿條, 內有豬大腸爽; 燒肉脆; 豬皮香; 瘦肉焾, 可惜我唔食內臓
雜錦粿條, 內有豬大腸爽; 燒肉脆; 豬皮香; 瘦肉焾, 可惜我唔食內臓
乳酪麥片生果早餐, 減肥啱哂
乳酪麥片生果早餐, 減肥啱哂
煎雙蛋火腿香腸, 有沙律及多士, 最攪笑係兩隻雙蛋, 蛋黃咁高嘅
煎雙蛋火腿香腸, 有沙律及多士, 最攪笑係兩隻雙蛋, 蛋黃咁高嘅
Early Bird 門口位置, 客人亦在此吃早餐
Early Bird 門口位置, 客人亦在此吃早餐
雖然係門口位置, 但環境唔錯架
雖然係門口位置, 但環境唔錯架
門口位置
門口位置



講完BED, 要講BREAKFAST喇!   真係要比5個LIKE呀! 因為實在太「華麗」喇!

我哋好榮幸住咗四晚,所以有四次早餐享用。 Early Bird 共提供6款不同類嘅早餐,每晚,民宿職員Green同New都會溫馨提示每位客人明早食哪一種早餐,佢哋兩位體貼到暈,細心講解各早餐的材料。

Early Bird 嘅早餐不作外銷, 只供應比每位住客; 而份量方面係好足, 男人都話好夠飽, 而且款款味道都好, 尤其是蘑菇奄列, 個奄列又大又足料, 除蘑菇外, 仲有洋蔥同蕃茄粒, 好味又夠飽呢!

飲品有熱花茶、咖啡、奶茶及椰青,食完仲有每人一大片西瓜,超豐富到午餐都可以延遲食。

推介菜式: 蘑菇奄列, 焼肉飯
評分: 味道5   服務5   環境5   衛生5   抵食5
歷史古蹟 笑臉2014-04-27
15/07/2013  Early Bird 向右行出過對面馬路就係Wat Chedi Luang, 中文名叫柴迪隆寺。  

War Chedi Luang 其實都非常值得參觀,除有歷史價值外,裡面亦加建咗幾棟金碧輝煌嘅寺院,香火鼎盛,就算晚上,仍有好多人入內參拜,燈火通明啊!

 
參觀時段: 早上
評分: 值得去5  
對換匯率好 笑臉2014-04-27
Super Rich 當日的價位
Super Rich 當日的價位
Super Rich 對面的店舖, 其實呢處較近Thapae Gate
Super Rich 對面的店舖, 其實呢處較近Thapae Gate
去完柴迪隆寺, 就行去Super Rich唱錢喇!

由Early Bird行出𨍭左再走出大路,轉右行至燈口位,再𨍭右直行就見到Superrich。

當日價位係3.99,個價都相當靚,而曼谷Big C隔離嘅Superrich 再高一點,係對4,當然唔等到去曼谷啦,就喺處各唱HK$8000。

後記:唱錢時要睇passport, 店員檢查完我嘅passport冇比番我,我亦掛住數錢而忘記咗我嘅護照,直至到第四日玩完Eagle Track 至發現,馬上請Early Bird 嘅New幫忙問Superrich,終於尋回重要物件,真的非常感謝New的幫忙。 
參觀時段: 早上
評分: 值得去5  
市場共有3層
市場共有3層
在地下, 大多數賣食品, 擺放整齊
在地下, 大多數賣食品, 擺放整齊
第二及第三層多數賣衣履, 較多本地人行
第二及第三層多數賣衣履, 較多本地人行
反而地下最吸引遊客
反而地下最吸引遊客
好耐冇見過奶油蛋糕喇!
好耐冇見過奶油蛋糕喇!
Warorot Market附近幾間舊藥房
Warorot Market附近幾間舊藥房
藥膏成藥價錢實惠
藥膏成藥價錢實惠
所買嘅腰果及夏威夷果仁
所買嘅腰果及夏威夷果仁
完唱錢返民宿接番D港童,仲見爽條女司機坐响度,阿GREEN話我知原來佢係等我哋,嘩,女司機真有耐性同閒情,香港司機一定會用呢D時間走多兩轉啦!

嚟Warorot Market 主要係買手信,順便感受一下網評所講平靚正嘅地道街巿。

的確冇講錯,呢度賣嘢價錢平,唔太貴,見有遊客都冇開天殺價。開價還價都唔太過份,其實有D貨都標明,實價發售,都冇得購價。

今次買咗較多腰果及夏威夷果仁,大包小包,腰果共4大5小包,果仁就1大4小,共1800B,當然夏威夷果仁較貴價,其實小包都唔細架,送禮都好得體。老闆娘見我買咁多,都主動送多兩包細嘅比我哋,但佢就話講價免問喇! 不過佢賣嘅nuts真係公道嘅,所以老闆娘企硬唔減囉!

朋友亦買咗其他食嘅手信,最抵嘅就係肉鬆米通,20B一大包,內有十至十二塊左右,比泰國其他地方平好多,朋友同我都大出血呢!


買完食嘅,就行去Warorot Market 斜對面嘅箹房買葯膏。朋友受托,幫人買40支痱疺膏同30樽蚊膏,我亦順便買冷及暖按摩膏,掃完貨,睇睇錶,差唔多1:30 喇,大家嘅肚仔自然打鼓啦!
推介項目: 買手信
參觀時段: 早上
評分: 值得去5  
燒豬仔骨配薯條
燒豬仔骨配薯條
海鮮千島醬的薄餅, 好食到拍案叫絕
海鮮千島醬的薄餅, 好食到拍案叫絕
鮮牛肉漢堡飽
鮮牛肉漢堡飽
附送的沙律及燒餅
附送的沙律及燒餅
意式肉丸意粉
意式肉丸意粉
燒牛肉沙律配甘筍蛋糕
燒牛肉沙律配甘筍蛋糕
The Duke's 的大門口
The Duke's 的大門口
見到呢個招牌, 就要叫司機落車
見到呢個招牌, 就要叫司機落車
行完Warorot Market, 又買完手信兼成藥, 已差唔多兩點喇, 肚仔餓了!

原本想由Warorot Market行過去,亦問過3位當地人士,佢哋都話約行15至20分鐘,過咗河就得,點知比其中兩個當地人士點錯路,行咗相反方向,唯有揚手搭爽條啦!都係20B一位。

爽條好快就載到我哋去到Duke's,餐廳是走美國路缐, 好美國feel,室內燈光昏暗,初時被安排坐較入位置,仲昏黑,連餐牌都睇唔到,要開手機電筒照明點菜,後來見近門口位置埋單,馬上搬位,有室外光缐照入,先至能睇清楚D菜式。真建議揀近門口位坐,埋邊位得一點燭光,真係好唔慣囉!

講番菜式,我哋樣樣都試吓,但樣樣都好味:

海鮮芝士大薄餅, 超大嘅鉄盤配超大嘅薄餅,我哋揀咗係薄底 ,件件卜卜脆,海鮮芝士非常豐富, 唔漏又唔濟,我哋掃清。

燒豬排骨配薯條,香口肉味濃,薯條薯仔味也濃。

燒牛肉沙律,薄切燒牛肉加新鮮羅馬生菜, 清新之選。

意大利肉丸, 雖然得三粒,但粒粒大大粒,肉質鮮美,配蕃茄汁,絕配。

漢堡包,薯條羅馬生菜作伴碟 , 漢堡牛肉好juicy,牛肉味重,加上包內的生洋蔥,味道更鮮,可惜包唔夠大,我哋七個人,用刀切只能每人一小口,如一人享用漢堡包,會另有體驗呢!
推介菜式: Shrimp Scampi Pizza, Ribs, Steak
每人消費: 約300泰銖 (午餐)
評分: 味道5   服務4   環境4   衛生5   抵食4
見到呢間教堂, 再行多一百米, 就係入去Love At First Bite 的小巷了
見到呢間教堂, 再行多一百米, 就係入去Love At First Bite 的小巷了
就係由此小巷進入Love At First Bite
就係由此小巷進入Love At First Bite
入了小巷, 再直行多3分鐘, 就見到Love At First Bite 嘅門口
入了小巷, 再直行多3分鐘, 就見到Love At First Bite 嘅門口
果汁沙冰, 好味好清新, 凍啡都唔錯
果汁沙冰, 好味好清新, 凍啡都唔錯
Oreo 芝士蛋糕, 係幾好味, 不過略甜, 但班港童最鍾意
Oreo 芝士蛋糕, 係幾好味, 不過略甜, 但班港童最鍾意
朱古力雲石蛋糕, 濃濃的朱古力香味
朱古力雲石蛋糕, 濃濃的朱古力香味
芒果慕思蛋糕, 穩陣之選
芒果慕思蛋糕, 穩陣之選
薄荷朱古力蛋糕, 薄荷味係主打
薄荷朱古力蛋糕, 薄荷味係主打

食完大餐,順便去埋網上人人讃好嘅Love At First Bite食番個甜品。

Love At First Bite其實好近Duke's, 𣎴用過馬路,由Duke's出門轉右,約走數分鐘,見有一小路,路口處有一小招牌,轉入再走多三分鐘,就到終點。 

入到Love At First Bite, 鳥語花香,一片小草地旁,枱唔係太多又唔密,果然係一處High Tea 好地方,可惜蚊太多,所以坐外面嘅,最好就做好防蚊措施。

講番蛋糕, 由於我哋仲好飽, 所以都係叫咗四件蛋糕一齊食, 總括蛋糕出品都唔錯, 不過比較馬拉嘅Secret Receipt, 我會較喜歡後者, 因Love At First Bite 嘅蛋糕出品較甜。

但我就欣賞Love嘅鮮果沙冰, 好爽好清新, 我哋叫咗芒果, 菠蘿, 熱情果, 好正呢!

 

推介菜式: Oreo Cake, Banana Cream Pie
每人消費: 約120泰銖 (下午茶)
評分: 味道4   服務5   環境5   衛生5   抵食4
好特色的T-shirt
好特色的T-shirt
手工藝或DIY貨品就冇星期日市場咁豐富了
手工藝或DIY貨品就冇星期日市場咁豐富了
好平嘅壽司, 嗰樣仲唔差添, 不過就唔敢試喇!
好平嘅壽司, 嗰樣仲唔差添, 不過就唔敢試喇!
熱辣辣嘅炸物, 好香口呢?
熱辣辣嘅炸物, 好香口呢?
文具, 飾物到處都是
文具, 飾物到處都是
有鹹點, 當然有甜點啦!
有鹹點, 當然有甜點啦!
除咗食同買外, 仲有小表演睇
除咗食同買外, 仲有小表演睇
呢隻小狗好得意, 仲識踏單車
呢隻小狗好得意, 仲識踏單車

星期六市場顧名思義就係逢星期六嘅夜市, 小攤檔在長長的Wualai Road上一路伸廷.......

 

小食, 小飾物, 小文具, 衣履鞋襪, 通通都可以喺度搵到, 雖然亦有DIY自家製的小品擋攤, 但就冇星期日市場咁種類繁多, 不過有D攤檔喺星期六市場擺完, 星期日市場都仍然會見到佢哋嘅踪影。

我哋喺星期六市場完全冇斬獲, 只係幫襯咗D食檔, 主要係擺買攤檔嘅貨品唔夠特色, 只係一般類似女人街嘅款式, 而飾物文具亦好普通, 真係吸引唔到我哋喺處駛錢買手信囉!

 

參觀時段: 晚間
評分: 值得去3  
好味炒雪糕 笑臉2014-04-27
星期六市場內的抄雪糕檔
星期六市場內的抄雪糕檔
呢位年青靚仔負責抄雪糕, 手勢非常純熟
呢位年青靚仔負責抄雪糕, 手勢非常純熟
靚仔又抄又拉平, 跟住又壓又捲雪糕
靚仔又抄又拉平, 跟住又壓又捲雪糕
我哋選完味道, 生果材料溝入奶裡, 混合後, 就倒在大平鍋中待抄
我哋選完味道, 生果材料溝入奶裡, 混合後, 就倒在大平鍋中待抄
抄好的雪糕就由老板娘加醬
抄好的雪糕就由老板娘加醬
醬料, 餅乾, 朱古力及糖果樣樣都可以加做配料
醬料, 餅乾, 朱古力及糖果樣樣都可以加做配料
Oreo香蕉抄朱古力雪糕, 好食
Oreo香蕉抄朱古力雪糕, 好食
士多啤梨+芒果抄雪糕, 加咗Yogurt, 好食啊!
士多啤梨+芒果抄雪糕, 加咗Yogurt, 好食啊!

行咗粒幾鐘星期六市場, 都買唔到嘢, 肚仔又開始打鼓喇! 於是班港童又到處覓食.....

沿Wualai Road星期六市場一直行至中後段, 右邊另有一幅小地, 入面有上面小狗表演踏單車, 抄粉麵及泰式小食, 仲有零星攤檔, 再走入去就有檔抄雪糕檔, 非常籍得推薦。

檔仔有一幅大banner manu, 清楚說明雪糕配搭, 以及加料價錢等, 所有配搭都可以由自己選擇, 由自已揀料配製雪糕, 正啊!

靚仔年青人應是少東, 由佢負責抄雪糕, 可惜係佢英文唔好, 解釋唔到雪糕嘅材料同醬料配搭比我哋知, 不過好彩有Banner, 有相片睇, 而佢都非常落力抄雪糕, 仲抄得D雪糕好靚添!

抄雪糕, 首先見靚仔將奶昔混合埋我哋所選嘅味道, 然後倒到平板鍋上, 跟住佢起手就抄, 又拉平, 約兩三分鐘, 佢就把雪糕壓成一塊一塊, 再用鏟張D雪糕片捲成小圓桶, 數量剛好全數放入紙杯裡, 最後由老闆娘(應該係靚仔嘅阿媽)加醬及生果餅乾之類嘅配料, 咁就完成咗喇!

味道方面, 我哋各自選咗自己嘅心水, 我所選嘅士多啤梨+芒果, 只加Yogrut, 冇加其他配料, 只係40B, 味道配合得好好, 最正係唔甜又夠凍, 我哋個個行到成身汗, 食咗呢杯雪糕認真爽呀!

推介菜式: 士多啤梨+芒果雪糕
每人消費: 約40泰銖 (宵夜)
評分: 味道5   服務5   環境3   衛生4   抵食5
睇咗幾檔, 最企理係呢檔
睇咗幾檔, 最企理係呢檔
起碼都算衛生, 材料都熱辣辣
起碼都算衛生, 材料都熱辣辣
麵檔細小, 但佢哋就係路旁放咗幾張枱做生意
麵檔細小, 但佢哋就係路旁放咗幾張枱做生意
粉麵同價, 一D都唔貴
粉麵同價, 一D都唔貴
由星期六市場影過去, 就係一排小麵檔的位置
由星期六市場影過去, 就係一排小麵檔的位置
叉燒雲吞麵, 雲吞材料較差, 其他都可以
叉燒雲吞麵, 雲吞材料較差, 其他都可以
雖然喺星期六市場掃咗一輪街,但都係食咗好少嘢,大家都覺得唔充實, 所以在回程時路過一大排檔,就索性喺度再開餐。

基本上,主要嘅檔口都係賣麵食之類,只有一兩檔有飯食。於是就選咗一間較企理同有位坐嘅小麵檔坐低宵夜。

呢檔粉麵處理食物都算衛生,招呼都唔錯,我哋每人各自叫了一碗一餸麵/粉,湯底好似即食麵嘅味道,而麵同粉都入味,麵嘅梘水味就略濃,但可接受,雲吞饀料較差,魚蛋、叉燒及牛肉都幾好,唯一係唔夠喉,好細碗,得兩啖麵,如女士們最少要食兩碗呢! 不過都好,食宵夜唔好咁飽麻。
每人消費: 約35泰銖 (宵夜)
評分: 味道4   服務5   環境2   衛生3   抵食4
  0 個留言    |  加入你的留言
美食兵團去清邁+芭堤雅+曼谷10天遊 (泰國)
(旅程日期: 2013-07-12 至 2013-07-21 ,  旅程性質: 飲食購物, 消閒度假)
 整個旅程  (共3篇遊記)
 分享至Facebook 
發表日期: 2014-04-27
14/07/2013, 清邁之旅 "戲玉"就喺呢兩日進行, 我哋只參加咗兩個local tour - 騎大象同玩Eagle Zipine Bronze, 原本都想參團去埋金三角一天遊及學煮泰菜, 但時間實在安排不了, 後來決定唔好貪心, 最多下次再嚟清邁玩過........
有趣騎大象 笑臉2014-04-27
大象公園停車處, 紅屋頂建築物係食午餐嘅地方
大象公園停車處, 紅屋頂建築物係食午餐嘅地方
每兩人坐一隻大象
每兩人坐一隻大象
騎大象起點
騎大象起點
要過完爛吊橋至到騎大象的木榙台及表演台
要過完爛吊橋至到騎大象的木榙台及表演台
過完吊橋就有一排大象歡迎大家, 亦係上大象的木搭台
過完吊橋就有一排大象歡迎大家, 亦係上大象的木搭台
騎大象算不顛簸, 只係大象會玩吓遊客, 用長鼻向人噴吓泥花灑
騎大象算不顛簸, 只係大象會玩吓遊客, 用長鼻向人噴吓泥花灑
過河感覺唔錯
過河感覺唔錯
當過河時, 好多遊客都好興奮
當過河時, 好多遊客都好興奮

由Early Bird 做中介,參加呢個Safari Elephant Riding,價錢亦係5間中介隔價中最抵,每人只須800B,包來回接送,騎大象一小時,騎牛車,睇大象show, 午餐及竹筏游河。本身曾在出發前兩個月寄電郵到漢清及另外3間當地旅行社詢問,包括問埋Eagle Track Zipline ,結果係Early Bird 報價最平最實惠,Eagle Track 報價亦比其他中介及直接平每位150B,詳情以下再講。 

7:30AM 導遊就嚟Early Bird接我哋,我哋係佢第一班,嚟接嘅車係架10人VAN,都蠻舒服; 跟住順路接多6個人,就離開舊城,坐差唔多一個鐘至到大象公園。

大象公園真正嘅名就唔清楚, 睇完整個公園都唔見招牌,而導遊亦叫大象公園做Saifri Park。

公園旁亦有得玩Jungle Flight, 不過見D設備就好似好簡陋,冇參與都係唔好評論喇。

導遊首先帶領我哋行入Canteen,同我哋Briefing一次整日嘅行程:

騎大象 > 坐牛車 > 睇大象Show > 食飯 > 坐竹筏遊河 > 離開大象公園 > 蘭花園 > 送回所住酒店 

由於時間尚早,騎大象唔係太多人,而呢處嘅大象唔係好大隻,屬中等Size,每隻象可載兩個人,如單身前往,佢哋亦會拼人坐象。

上象後,搖晃都頗厲害,真係要緊手崗位,扶實呀!  沿途風景都算幾好,上上落落,穿梭森林外圍, 去到中段, 象伕會停下為遊客拍照,亦會幫遊客用番自已嘅相機影,我坐個隻一見相機影,就擺甫士, 又伸象鼻,好鬼攪嘢呢!

騎大象最寫意嘅就係落河段, 河水淙淙, 清風送爽, 好relaxed呀!

約半小時後,就返到起點位, 導遊已在此等候我哋去下一個項目 - 坐牛車。

 

 

推介項目: 騎大象
參觀時段: 早上
入場價錢: 每人890泰銖
其他消費: 買照片150B
評分: 值得去5  
牛車就泊哂入公園嘅公路旁
牛車就泊哂入公園嘅公路旁
牛車在公路浩浩蕩蕩行駛
牛車在公路浩浩蕩蕩行駛
呢處就係睇大象Show嘅觀眾席
呢處就係睇大象Show嘅觀眾席
大象開始表演喇
大象開始表演喇
有觀眾自願被大象按摩, 女孩子好好多.....
有觀眾自願被大象按摩, 女孩子好好多.....
幫觀眾戴帽
幫觀眾戴帽
男觀眾就被按重要部位, 真攪鬼呀!
男觀眾就被按重要部位, 真攪鬼呀!
小象多次用後雙腳企定定
小象多次用後雙腳企定定
騎完大象,導遊馬上帶我哋過返大馬路上牛車。

每4人一架牛車,就喺公路𨍭個圈,所有嘅車都停低,等我哋架牛車轉彎後至行,真有公德,好彩公路唔多車,架牛車又行得幾快,冇令公路塞車。約15分鐘後,又返到公園門口,導遊又帶返我哋去睇大象show, 雖然距離開show仲有半個小時,但眼見一團又一團嘅旅行團,有歐洲,又有強國同台灣,見咁多人,都係上去坐定定,等睇show。

大象Show一開始,6隻大象一齊同各位觀眾鞠躬say hello, 大象表演多元化,有動有靜,最神奇係大象畫畫,真係估佢唔到,畫得好靚,司儀話500B就可擁有佢,好想同大象及佢嘅傑作影張相 ,但實在太多人欣賞,冇辦法影到,可惜。
參觀時段: 早上
評分: 值得去5  
呢間紅屋頂屋仔, 又係大象公園嘅總部, 又係canteen
呢間紅屋頂屋仔, 又係大象公園嘅總部, 又係canteen
自助午餐, 雖然款式唔多, 但都算唔差, OK啦!
自助午餐, 雖然款式唔多, 但都算唔差, OK啦!
遊竹筏, 風景又一般, 好鬼悶呀!
遊竹筏, 風景又一般, 好鬼悶呀!
有小象在河中洗澡
有小象在河中洗澡
撐竹筏都好用氣力呀!
撐竹筏都好用氣力呀!
睇完大象show,馬上去canteen食午餐也。

去到Canteen,導遊話樓上樓下都可享用午餐,當然上樓上啦!通風兼冇咁逼人嘛!

午餐係自助餐形式,有炒飯炒麵,蔬菜蚊肉片,炸雞、炒雜菜,白飯任裝,西瓜菠蘿做飯後果, 咖啡及茶無限添飲。味道可以啦,食飽就算吧! 佢哋有工作人員趕烏蠅,客人夾完餸,佢哋都馬上清理,所以都算衞生。

食完飯,導遊又帶我哋去遊竹筏。係四項遊玩項目中最沈悶嘅,可能係剛食完飯,但最重要係竹筏張凳超唔舒服囉,矮凳仔,冇倚靠,坐到腰骨都疼,真係以為自己老,原來班港童都係咁,比起武夷山下的九曲溪竹筏同陽朔遇龍河竹筏,呢處差好遠,起碼上述兩處張凳坐成個鐘都唔會腰酸背疼,而且後者風景確實秀麗好多呢! 
參觀時段: 下午
評分: 值得去4  

參觀蘭花園係呢個local tour 嘅最後一個項目,由大象公園到此約15分鐘車程。

起初對蘭花園冇咩感覺, 因網上嘅評語大致都話較悶, 冇咩嘢睇等等...... 但其實都唔係嘅, 呢度嘅蘭花品種頗多, 蘭花卉好靚, 如喜愛蘭花者, 此處係賞蘭的好地方。

落車冇耐, 本想行出外圍賞蘭, 可惜落起大雨, 為有留在室內觀賞; 另外, 裡面亦有多架古老房車作展覽,仲有售賣同蘭花有關的紀念品, 行完就坐喺裡面嘅Cafe' 飲杯咖啡, 食杯雪糕休息吓, 呢度嘅咖啡價錢都唔係好貴,都係85b-95b左右。

參觀時段: 下午
評分: 值得去4  
The 3 Sis Cafe旁的Seven-Eleven, 我哋晚晚都嚟幫襯
The 3 Sis Cafe旁的Seven-Eleven, 我哋晚晚都嚟幫襯
公司三文治+炸薯條及Mocha
公司三文治+炸薯條及Mocha
  The 3 Sis Cafe的泡沫咖啡
The 3 Sis Cafe的泡沫咖啡

玩咗成日,導遊準時3:30 將我哋送返Early Bird 門口,雖然有D攰,但大家都想嘆番個下午茶至返回民宿梳洗,就決定近近地去Early Bird 隔離嘅The 3 Sis B&B裡嘅cafe' 試試。  

其實The 3 Sis B&B 外觀比Early Bird 吸引,格調較高檔,大家都話呢間B&B應該幾掂,後尾check 咗價,都要港幣500以上,以民宿嚟講唔平架。住唔到,索性試試食嘢啦! 以環境,The 3 Sis Cafe' 係一間幾寧靜嘅餐廳,可坐室外或室內,當然天氣咁熱,清邁又多蚊,梗係坐室內啦!

食物方面,我哋叫咗公司三文治兩份,160B/份,形象似大家樂嗰D,當然呢份公司治嘅材料豐富好多啦,伴碟嘅薯條又非常好食,所以encore 多兩份炸薯條,80B一份,班港童第一時間搶哂嚟食; 另外批淮港童飲Mocha,我哋大人就飲Latta同Ice Coffee,80至95B。 難得係可以偷得浮生嘆下午茶。

推介菜式: 公司三文治, 炸薯條
每人消費: 約150泰銖 (下午茶)
評分: 味道5   服務5   環境5   衛生5   抵食4
好多泰式手袋及飾物
好多泰式手袋及飾物
女裝涼鞋價錢都唔算貴
女裝涼鞋價錢都唔算貴
小飾物最啱作送禮用
小飾物最啱作送禮用
衣裙款式都唔錯, 比曼谷翟道翟平多一半
衣裙款式都唔錯, 比曼谷翟道翟平多一半
自家DIY小吊飾, 好靚, 好有心思
自家DIY小吊飾, 好靚, 好有心思
油畫放在地上任揀
油畫放在地上任揀
油畫時鐘
油畫時鐘
街尾嘅街頭表演
街尾嘅街頭表演

想買平靚正又有心思嘅手信, 星期日市場啱哂......

食完Tea, 立刻返去B&B梳洗下, 旁晚5:00就行出Ratchadamnoen Road (即上面相中的Seven Eleven), 就係出名多嘢睇嘅星期日市場。 小攤都係啱啱開檔, 成條Ratchadamnoen Road加埋D橫街小巷, 通通都擺滿小地攤, 有食, 有買, 有歌聽, 有舞跳, 好熱鬧呀!

貨品方面, 個人覺得星期日市場出售嘅較靚較吸引, DIY嘅飾品亦較多, 五彩繽紛, 趣緻可愛, 我哋都喺呢度買到心頭好, 而價錢又唔貴, 真係比曼谷平好多, 而且連兩旁店舖嘅貨品都拎埋出嚟售買, 而有D星期六市場亦見過嘅小攤, 喺星期日市場都會再出現, 如錯過咗星期六市場嘅, 星期日市場亦可補番數, 不過如喺星期日市場見到嘅手製貨品, 建議見到就講價即買, 通常都打個七折起講價, 佢哋都係約八折至九折還價, 但有D都鐵價不二, 要睇個人牙力了。

 

參觀時段: 晚間
評分: 值得去5  
格仔餅, 有好多口味
格仔餅, 有好多口味
有炸魚蛋, 又有湯滾魚蛋
有炸魚蛋, 又有湯滾魚蛋
幾彈牙嘅肉丸, 加埋酸辣汁, 正呀!
幾彈牙嘅肉丸, 加埋酸辣汁, 正呀!
好似港式碗仔翅嘅魚肚羹, 味道淡咗D, 但都OK
好似港式碗仔翅嘅魚肚羹, 味道淡咗D, 但都OK
香腸及肉乾
香腸及肉乾
而掃街小食攤檔, 琳琳種種特色小食, 擺放企理, 望落都算衛生, 我哋只揀熱辣辣嘅小食, 真係好似食buffet咁, 樣樣都買些少試吓, 都食到好飽, 不過就搵唔到星期六市場嘅靚仔抄雪糕呢!
參觀時段: 晚間
評分: 值得去5  
青咖哩+白飯, 蛋包炒飯, 冬蔭公, 豬肉炒飯
青咖哩+白飯, 蛋包炒飯, 冬蔭公, 豬肉炒飯
由於餐牌好多食品都話冇, 為有有得供應嘅都打孖上
由於餐牌好多食品都話冇, 為有有得供應嘅都打孖上
呢杯甘荀特飲味道幾好
呢杯甘荀特飲味道幾好
餐牌D食品好吸引, 但好多都話賣哂
餐牌D食品好吸引, 但好多都話賣哂
食品價錢唔貴
食品價錢唔貴

行行吓星期日市場,突然一場大雨灑下, 梗係搵地方避雨啦! 咁就入咗呢間以橙色為主題嘅Coffee Shop - Kaldi Coffee。

剛巧時間亦差唔多8:00PM,順便食埋晚飯,頭先掃街時食咗好多小食, 於是就主打叫D較飽肚嘅炒粉麵飯,呢間Cafe',裝修幾好, 坐得幾舒服,佢哋好似係家庭式經營,一家大少都喺店裡幫手。

首先嚟咗飲品, 雖然呢間係Coffee shop,但唔係淨係賣咖啡嘅,我哋都叫咗D特飲,味道都唔錯,另外主食嘅粉麵飯,味道的確得,只係份量少D,所以我哋都打孖上,好彩價錢唔貴,埋單都係600B,認真抵食。

推介菜式: Fried Rice with Shrimp, Chiangmai Noodle
每人消費: 約137泰銖 (晚餐)
評分: 味道5   服務5   環境5   衛生5   抵食5
教練一路教, 一路同我哋玩, 好識攪氣氛
教練一路教, 一路同我哋玩, 好識攪氣氛
叢林中的高台
叢林中的高台
要由呢棵樹滑下, 好刺激啊!
要由呢棵樹滑下, 好刺激啊!
除了飛樹外, 亦有幾個冇驚險嘅難關要過
除了飛樹外, 亦有幾個冇驚險嘅難關要過
有時單人飛,有時又雙人飛
有時單人飛,有時又雙人飛
叢林上的風景也不錯啊!
叢林上的風景也不錯啊!

15/07/2013 一早起身,食完Early Bird個豐富早餐,Eagle Track嘅車就嚟接我哋,嚟清邁其中嘅「戲玉」,今日終於實現。 

Eagle Track 嘅網站直接訂就冇折扣,如經旅行社訂就反而有平D,我問過五間旅行社,經漢清或Early Bird  訂Golden Package 嘅價都係一様同是1800B(打折後),但漢清嘅Silver同Bronze就跟Eagle Track網上價一樣,冇得平,而Early Bird就比到我Bronze 1450B,都平到150B,個價都唔錯。所以我哋都係由Early Bird 安排。

由於怕班港童唔知醒,又怕太晏好熱,所以㨂咗早上10:00 嗰埸,約8:00,Eagle Track 就有車嚟接我哋,同車就有兩對外籍男女,佢哋都係編埋同一組玩Golden Package,而有小朋友嘅,多數都會揀Bronze,其實我係想揀Golden嘅,有35個plantforms玩, 而Bronze 只係得15個Plantform ,而且刺激度及抵玩度當然係Golden 啦!   價錢只係相差少少,再者班細路都唔係小朋友啦,但朋友就話怕佢哋太驚,玩到一半唔玩仲麻煩,點知剛好相反,最後班港童嘈住話唔夠喉添!

由於我哋都有七個人,所以有兩個教練跟我哋。一個就領先用我嘅相機幫我哋影相,一個就負責睇住我哋飛越叢林。

首先由教練為我哋配對適合嘅安全帶及頭盔,帶頭盔玩之前,我哋都要戴上不織布帽,保障衞生,(雖然如此,但不織布帽只衛生到頭頂,衛生唔到條頭盔索帶,條索帶有一浸濃烈嘅臭汗味,真係好臭味,玩完要馬上洗頸呀! )跟住就坐幾分鐘車到達起點。教練先同我哋briefing 注意嘅事項,特別係強調Eagle Track係雙威也,非常安全云云.....  的確,比起在大象公園哪邊又真係新淨好多,畢竟Eagletrack 都係開業一年多呢!

起初心情的確有點緊張,玩到第四五個plantform就開始習慣了,而且越玩越順暢,好快就過咗個多小時,話咁快就玩完,而那兩對外籍人士都同我哋差唔多時間完,原因係我哋人多過佢,等侯時間比我哋短吧!

玩完就去食飯,雖然話係buffet,但選擇唔多,不過都唔錯、炸魚、肉片、蔬菜菇類,白飯炒麵都有供應,生果就係西瓜、清水、咖啡及茶亦係無限添飲。

臨走時,教練每人送一件Eagle Track T-shirt, 好彩要大一碼,原來洗後會縮水;而我哋亦比咗兩位教練各200B 作為小小心意,下次再嚟一定玩Golden Package。

 

推介項目: Gold Package
參觀時段: 早上
入場價錢: 每人1450泰銖
評分: 值得去5  
平價Spa之選 ok喇2014-04-27
Montha Massage 是在一幢小洋房裡, 共有3層
Montha Massage 是在一幢小洋房裡, 共有3層
Montha Massage 的Receiption
Montha Massage 的Receiption
朝早玩完刺激嘅飛越叢林,下晏梗係嘆一嘆啦!

又係Early Bird 幫我哋安排,買一送一,全價係1900B,即係每人只須950B,包括:Body Scrub、Aromatherapy Oil massage、Relaxing Thai traditional massage,仲有老闆娘私家車接送,嘩!好抵喎!

雖然係平,環境唔算豪華,但服務同手勢一d都唔差,總算ok,唯一缺點是唔係每間房有私人浴室,  我哋7人中只有朋友兩夫婦間房係有私人浴室, 我哋其餘人等間房就要走出外面沖涼, 雖然按摩阿姐幫我哋看守門口, 但都係唔方便麻!
推介項目: Aromatherapy Oil massage
參觀時段: 下午
入場價錢: 每人950泰銖
其他消費: 小費50B
評分: 值得去3  
即叫即做嘅薄餅, 香噴噴呢!
即叫即做嘅薄餅, 香噴噴呢!
材料豐富又可自選
材料豐富又可自選

做緊Spa嘅時侯, 已行雷閃電落大雨, 做完Spa仍然落住中雨, 原本打算係Naimmanhaemin Road搵地方食晚飯, 當時約5:30PM, 但有D食店因之前落大雨而關門, 只有少數酒吧同幾間Pizza店有開門, 行咗兩個圈, 因落雨而要叫停, 就在停嘅位置, 有位哥哥仔擺咗個小攤檔响個騎樓底, 見都幾多人幫襯, 班港童就埋去睇吓係咩嘢嚟, 原來係賣甜薄餅, 有好多口味, 材料自選, 有朱古力, 香蕉, 各式果醬等, 當然每人整番件啦!

個皮即叫即做, 熱辣辣, 仲脆卜卜, 我就要咗朱古力碎+香蕉+朱古力醬, 唔落Cream, 好好味呀!真係又平又正呀!

每人消費: 約30泰銖 (下午茶)
評分: 味道5   服務5   環境3   衛生4   抵食5
好有特式嘅泰式建築
好有特式嘅泰式建築
餐廳後面係附屬嘅民宿, D房唔錯架
餐廳後面係附屬嘅民宿, D房唔錯架
鮮蝦春卷兩客250B, 好清新; 老抽豬肉炒飯85B及泰式湯炸麵 85B, 都好味
鮮蝦春卷兩客250B, 好清新; 老抽豬肉炒飯85B及泰式湯炸麵 85B, 都好味
青木瓜沙律125B, 酸中帶辣, 好醒胃啊!
青木瓜沙律125B, 酸中帶辣, 好醒胃啊!
炒茄子 85B, 好似肉呢! 好濃味嘅椰子雞湯 85B
炒茄子 85B, 好似肉呢! 好濃味嘅椰子雞湯 85B
Dash! Restaurant 嘅Manu封面
Dash! Restaurant 嘅Manu封面
泰式湯炸麵, 好特別, 唔辣架
泰式湯炸麵, 好特別, 唔辣架
餐廳餐枱數目唔多, 可以用疏落, 樓上只有5張枱
餐廳餐枱數目唔多, 可以用疏落, 樓上只有5張枱

喺街邊食完個甜pizza, 真係精神爽利, 可惜仍然落住中雨, 原本打算喺Naimmanhaemin Road搵飯店食晚餐嘅計劃為有取消。

為有返Montha Massage 店, 請老闆娘車回我吔返舊城, 我要求佢車我哋去到Moon Muang Road嘅Dash! Restaruant, 但佢唔識呢間餐廳, 佢就响Moon Muang Road路口放底我哋, 我哋行咗幾分鐘, 就見到一座泰式木屋, 馬上入去問有冇位食飯, 唉呀! 佢哋話Full Booking喎! 失望之餘, 突然有位身型細小, 面孔係外國人樣嘅一位較高級餐廳主持人走嚟問我哋是否現在就可以食飯, 因為當時都係約6:00, 時間尚早, 其實餐廳只得三張枱有客人, 其他枱係空嘅, 我哋表達咗我哋非常有誠意嚟食嘢云云....佢就用普通詰答我哋比5分鐘佢準備一吓, 好嘢! 即係有位啦!

就在等枱期間, 我哋就周圍影相, 餐廳後面其實係佢哋附屬嘅民宿, 呢度鳥雨花香, 住同食都不失為一個環境幽美嘅好地方 (佢哋係提供3房一廳2浴室嘅家庭式住房, 約6000B/晚)。

終於坐低, 餐應內裡燈光較昏暗, 情調唔錯, 餐廳主持人親自過嚟招呼我哋, 當然問佢有冇好介绍, 佢就用普通話跟我介紹餐廳嘅出名菜式, 咁就一於跟佢嘅介紹而order, 果然冇跟錯.......

椰子雞湯 85B, 湯底係白色, 有香葉, 冇胡椒, 味濃唔辣, 一定要點呀!

鮮蝦春卷 125B, 唔係炸嘅, 菜多蝦鮮, 好清新!

青木瓜沙律伴花生 125B, 酸中帶辣, 醒胃又醒神呀!

泰式炸麵伴湯85B, 炸麵好脆, 冇油益味, 加湯伴食好得呀!

少辣肉碎沙律伴生菜 85B, 好好味呀!

老抽豬肉炒飯 85B, 粒粒米飯, 穩陣又飽肚!

蠔油炒茄子75B 及泰式炒通菜 75B, 好中式嘅炒法, 唔辣!

再叫埋啤酒及特飲, 好滿足的一餐呀!

值得一讚係餐廳CEO講嘅普通話好好, 樣子雖然似外國人, 但佢話佢祖籍福建, 上兩代已嚟清邁定居, 所以佢一見客人係華人, 佢會主動同客人講普通話, 練習一下自己的母語呢! 真佩服佢啊!

 

 

每人消費: 約186泰銖 (晚餐)
評分: 味道5   服務5   環境5   衛生5   抵食5
行逛舊城區 笑臉2014-04-27
舊城周圍有好多平靚兼有特色的民宿
舊城周圍有好多平靚兼有特色的民宿
Early Bird隔離嘅烹飪學校, 可惜今次冇緣參加
Early Bird隔離嘅烹飪學校, 可惜今次冇緣參加
通常都係截呢種棗紅色的爽條在舊城周圍遊
通常都係截呢種棗紅色的爽條在舊城周圍遊
夜晚就嚟呢D小食店食碗魚蛋粉, 平靚正
夜晚就嚟呢D小食店食碗魚蛋粉, 平靚正

其實嚟清邁唔一定參加local tour,嚟呢處無所事事都好呀!喺舊城周圍行吓、食吓、買吓,hea吓, 真係非常優悠寫意, 比起曼谷嘅城市購物等指定項目, 清邁顯出平淡但有實際; 比起芭堤雅或布吉嘅陽光海灘同夜夜笙歌, 清邁更顯出其自身的自然生態更清麗脫俗, 所以我一定會重遊清邁, 更想入清萊等地區呢!

參觀時段: 全日
評分: 值得去5  
超方便之選 笑臉2014-04-27
酒店的豪華池景露台房, 面向的是另一泳池, 門口就望到此泳池
酒店的豪華池景露台房, 面向的是另一泳池, 門口就望到此泳池
呢個泳池環境唔錯, 泳池深度及面積都OK
呢個泳池環境唔錯, 泳池深度及面積都OK
本身房間望到的泳池景, 環境都幾好, 不過泳池較細
本身房間望到的泳池景, 環境都幾好, 不過泳池較細
呢個係較貴嘅豪華冰池房, 可直接進入泳池範圍
呢個係較貴嘅豪華冰池房, 可直接進入泳池範圍
Tim 哥其中一架嘅十人Van, 車內裝置豪華舒適
Tim 哥其中一架嘅十人Van, 車內裝置豪華舒適
此乃豪華池景露台房, 雙床房床闊3呎半, 枕頭同床褥係唔錯, 可惜門口位及洗手間唔多掂
此乃豪華池景露台房, 雙床房床闊3呎半, 枕頭同床褥係唔錯, 可惜門口位及洗手間唔多掂
其實露台環境算OK, 不過房間清潔唔得, 當時露台有煙頭同紙巾等垃圾
其實露台環境算OK, 不過房間清潔唔得, 當時露台有煙頭同紙巾等垃圾
普通房大床房, 床有5呎, 其實日頭係好光猛架, 又冇地毯酸臭味, 價錢又合理
普通房大床房, 床有5呎, 其實日頭係好光猛架, 又冇地毯酸臭味, 價錢又合理

對呢間酒店真係又愛又恨呀! 愛佢超方便同算舒適, 恨佢哋D酒店大堂職員超冇禮貌......

16/07/2013  當日朝早別過清邁Early Bird B&B 嘅New及Gel, 就搭的士去清邁機場坐12:05嘅AirAsia FD3436航班到曼谷, 再乘一早已訂定Tim 哥嘅十人豪華兼超舒服嘅Van直去芭堤雅, 真係要讚Tim哥安排嘅十人靚Van, 我唔知佢係咪好貴, (第一程 : 曼谷舊機場至芭堤雅Sabai Wing 2300B ; 第二程 : 芭堤雅Sabai Wing至Nasa Vegas Hotel 2050B 及由Salil Sukhumvit Hotel 至曼谷舊機場1200B) 但我覺得值, Tim 哥已聲明佢所有嘅車係十人VAN, 如果少人就唔好搵佢, 如一有7-10人, 搵佢就化算D, 而且Tim哥係香港移民去嘅, 大家同聲同氣, 好有交帶, 所以坐長途車坐得非常有信心呀!

講回呢間Sabai Wing, 我分別在Booking.com訂咗一間豪華池景露台房及Agoda訂咗兩間普通房; 點解會咁訂呢? 原先我一早已在Booking.com訂咗三間豪華池景露台房, 每房約HK$345連稅, 算係合理價; 後來Agoda比咗個9折碼比我, 如訂以上房就冇Booking.com咁平, 但訂普通房就平過各大酒店網站, 只須HK$247.5/房連稅, 可惜只得兩間雙床房, 所以我為有先訂住兩間普通房, 睇吓到時情況如何, 如豪華房OK, 咪試吓可唔可以換或Upgrade囉, 點知........

當在大堂櫃枱check in 時, 那位三十多歲嘅女招待已黑口黑面, 問一句, 唔答你, 問到第三句, 佢至勉強回應, 我唔知道是否在我之前有中國人激親佢, 唔理解佢為何有此態度, 我當然亦有問可否upgrade 啦! 但佢就串樣話唔會比我upgrade, OK...妳話唔比咪唔比囉, 而普通房又話唔同層等, 佢只有冷漠拒絕, 完全唔係做服務業嘅有禮態度; 最後我回應佢可否體諒一下比兩間普通房比班港童可近我哋其中一pair大人呀! 佢就免為其難話只能比大床房....... 唉! 態度好差囉!

首先就去睇吓間豪華池景露台房啦! 該位女招待比咗3樓起首的第二間房比我哋, 但該房係完全睇唔到池景, 因為喺二樓有一大簷篷, 根本係遮檔整個景, 我要求換房, 佢竟然比我更不滿, 把房匙大聲放在枱上, 我朋友已感覺佢嘅態度好有問題, 但我就話睇哂D房先.......  而呢間係5樓起首嘅第五間房, 終於可望到整個泳池, 但房內嘅感覺唔好, 玄關位好黑, 地毯及衣櫃傢俱都係用上深啡色, 而且有股霉味, 加上整間房嘅燈光昏暗, 我哋係三點幾上房架, 但房內都好黑, 唯一係兩張床有潔白的床上用品反射, 未至於太差, 原先想比班港童用此房, 佢哋即刻拒絕喇!  睇埋個露台, 地面根本冇清潔, 煙頭, 紙巾, 灰塵都可以比人用肉眼見到, 咁都得呀!  在門口見到執房阿姐, 馬上告知, 佢就係咁咦同我掃哂D垃圾, 露台地上及傢俱嘅灰塵就原裝喇! 朋友好激氣, 算啦! 呢間房比我同另一半啦!  原來房內都有好多問題陸續浮現, 浴室面積頗大, 係80年代嘅裝修, 沖涼中會有小蟑螂同一隊隊嘅黃絲蟻同客人打招呼, 深啡色嘅地毯是歷史久遠嘅酒店產物, 就送比客人一股酸臭味, 最好算係張床, 床褥同枕頭都好合心意, 算係唯一嘅安慰, 所以決定第二日轉普通房, 雖然冇得退回差價, 但都覺冇選擇錯誤吧!

而兩間普通房竟然比貴百多元嘅豪華房舒適好多, 可能剛裝修不久, 牆身白油新淨, 地板係白色地磚, 床都係一樣乾淨舒適, 果然決定冇錯。

其實Sabai Wing Hotel只係豪華池景露台房較舊外, 新翼呢邊嘅普通房雖然景觀冇咁好, 不過新淨光猛, 如果豪華房那邊重新裝修, 加上唔好用地毯, 我諗都唔差架, 而且兩個泳池嘅環境都幾好, 如果在清潔同客戶服務加把勁, 佢可以攞高分D, 唔駛比客人咁多批評啦!

另一有讚嘅地方係超方便, 行去前面係沙灘路, 行去後面就係Big C 同Central Festivial, 整條旺街, 晚上非常熱鬧呢!

 

 

 

 

 

每晚價錢: 247.5港元 (雙人房)
評分: 設備4   服務1   環境4   衛生3   抵住5
好味小食 笑臉2014-04-27
60B份卡巴, 遊客區算係咁
60B份卡巴, 遊客區算係咁
卡巴除咗有肉外, 仲有生菜同蕃茄肉, 醬汁就自選
卡巴除咗有肉外, 仲有生菜同蕃茄肉, 醬汁就自選
雖然是小攤檔, 但都幾企理衛生
雖然是小攤檔, 但都幾企理衛生

喺Sabai Wing check 完in, 就向沙灘路方向行, 一路慢行沙灘路, 見路邊有一檔Kebab小檔, 班港童又係第一時間走埋去買嚟試吓! 好香嘅燒牛肉同燒豬肉, 仲有雞肉, 佢哋真食得, 每人叫牛及豬各一份, 我哋班大人就食佢哋嘅口水尾, 不過D Kebab真係好好食, 原本真係想再買嚟食, 但係我哋將會食大餐, 所以都係留肚吧!

每人消費: 約60泰銖 (下午茶)
評分: 味道5   服務4   環境4   衛生4   抵食5
海水很污濁
海水很污濁
海灘窄了, 政府又用沙再拉闊番海灘的闊度
海灘窄了, 政府又用沙再拉闊番海灘的闊度
雖然有日落的美景, 但冇咩遊人註足欣賞
雖然有日落的美景, 但冇咩遊人註足欣賞
芭堤雅海灘沿岸仍有好多新建設
芭堤雅海灘沿岸仍有好多新建設

一路在沙灘路慢步, 一路覺得芭堤雅又改變了不少, 始終什麼事及地方都要有新建設, 至會有進步......

唯一冇變的是海裡仍然有很多垃圾, 沙灘窄了, 廿年前來時都是如此, 十年前來亦是垃圾處處, 今次也是不枉多樣, 海水都是污濁得很, 可能是旅遊的代價吧!

所以一直以來對此海灘無甚感覺呢!

參觀時段: 下午
評分: 值得去3  
物cheap不值 哭臉2014-04-27
好似係波士頓龍蝦那樣大, 味道不過不失
好似係波士頓龍蝦那樣大, 味道不過不失
穩陣之選係魚蛋湯粉
穩陣之選係魚蛋湯粉
小肉蟹, 海蝦都可以, 賣相好似好掂
小肉蟹, 海蝦都可以, 賣相好似好掂
燒烤指定食品, 腸仔, 豬排, 牛排
燒烤指定食品, 腸仔, 豬排, 牛排
自選沙律菜
自選沙律菜
好斎嘅壽司
好斎嘅壽司
園林池景中食自助餐, 真係比佢門面氹咗嚟食嘢呀!
園林池景中食自助餐, 真係比佢門面氹咗嚟食嘢呀!
酒店外觀唔錯架, 一隻船嘅外型作餐廳及Coffee Shop
酒店外觀唔錯架, 一隻船嘅外型作餐廳及Coffee Shop

點解唔買卡巴食, 就係要搵地方食大餐, 原因係同行的朋友當日正日生日呢!

原本係訂房時, 我已經透過Booking.com同Agoda留言,希望酒店能有驚喜比我的朋友,始終3星即係3星,冇驚喜就只有激氣。

咁就靠自己搵地方同朋友食飯慶祝吧!  沿住沙灘路走, 經過呢間A-One酒店, 一股燒烤味就從酒店飄出來, 班港童就走咗入去看個究竟, 一出嚟就話好抵食嘅自助燒烤晚餐云云..... 朋友見環境都唔錯, 就決定係處食生日飯。

酒店標榜係以燒烤海鮮為主題, 主要是中蝦, 小瀨尿蝦, 枇杷蝦, 麵包蟹, 小肉蟹及中型龍蝦, 亦有魚塊及多春魚, 蚌類有扇貝, 青口,蠔及一般燒烤肉食等.......

熱食就有魚蛋湯粉, 茄汁或白汁意粉(只有汁, 冇料架), 仲有义燒同燒鴨, 冷盤有齋壽司(青瓜/蟹柳/黃瓜)及火腿, 亦有沙律吧, 生果就只有兩樣 -  西瓜同菠蘿, 甜點就只得四款西餅及啫喱糖, 咁就已經講哂呢餐自助餐嘅食品喇! 可以用寥寥可數同全屬cheap 品嚟形容最啱!

酒店好叻轉移視線, 除咗燒海鮮同中式燒味檔得一處外, 其餘嘅食物都會在其他區重複擺放, 所以望落整個用餐區好似好多款食品提供, 其實都係假象嚟架......

款式少都算, 品質都係好一般, 除咗中蝦同枇杷蝦有D鮮味外, 其餘嘅海鮮都冇味嘅, 而且每次叫完D海鮮都要等好耐, 最快都要成半個鐘至有得食, 事關得一個哥哥仔燒, 梗係做唔切啦!  燒味可以用合格嚟形容, 跟住兩款生果都算鮮甜, 湯粉算係呢處嘅上品, 其餘都係唔合格, 特別係煮意粉, 可以講係全場最差, 難食! 而且亦冇茶或咖啡汽水供應,認真cheap!

至於價錢,大人就800b, 雖然優惠唔駛加一, 但完全唔值,因為客人應該食唔到800b, 就算全部點哂以上海鮮嚟食,事關order3次,佢都係只送上一次,根本佢哋就會miss 咗客人嘅order, 送上一次就算係佢記得同比番個安慰啫,所以我真係好後悔喺處為朋友慶祝生日。

 

每人消費: 約800泰銖 (晚餐)
評分: 味道2   服務3   環境5   衛生1   抵食1
  0 個留言    |  加入你的留言
美食兵團去清邁+芭堤雅+曼谷10天遊 (泰國)
(旅程日期: 2013-07-12 至 2013-07-21 ,  旅程性質: 飲食購物, 消閒度假)
 整個旅程  (共3篇遊記)
 分享至Facebook 
發表日期: 2014-04-27
去完清邁, 跟著嘅行程就係去芭堤雅同曼谷, 朋友一家未去過, 所以指明想今次泰國之行兜一轉, 亦希望喺芭堤雅陽光與海灘, 仲想去曼谷Shopping.......為咗朋友嘅要求, 好啦, 所以就用隨遇而安嘅心態去計劃呢5日嘅行程。
當日沙美海灘較大浪, 不太適合游泳
當日沙美海灘較大浪, 不太適合游泳
沙灘上九成的女士們係著比堅尼, 而且大部份都係歐洲人
沙灘上九成的女士們係著比堅尼, 而且大部份都係歐洲人
租沙灘椅好平, 40B連傘, 而且好新淨
租沙灘椅好平, 40B連傘, 而且好新淨
藍天白雲, 配水清沙幼, 陽光與海灘, 好正啊呀
藍天白雲, 配水清沙幼, 陽光與海灘, 好正啊呀
芭堤雅公眾碼頭內去珊瑚島的櫃位, 出船時間及價錢150B
芭堤雅公眾碼頭內去珊瑚島的櫃位, 出船時間及價錢150B
去沙美灘要在C碼頭上船
去沙美灘要在C碼頭上船
去沙美海灘的公眾船, 多數逼爆, 遲上船要硬企
去沙美海灘的公眾船, 多數逼爆, 遲上船要硬企
碼頭櫃位頂嘅沙美灘出船時間表
碼頭櫃位頂嘅沙美灘出船時間表

17/07/2013 一早起床出外食早餐,然後坐爽條去公眾碼頭搭9:30船去珊瑚島嘅沙美灘。

朝早8:00,整個芭堤雅都仍在休息,想入去Central Festival 食早餐,又未開,原來真係「食宵夜易,食早餐難」。最後去咗Subway食咗個豐富嘅三文治,馬上截咗架爽條去公眾碼頭。

去到啱啱9:00,船家話剛走了一班船,叫我哋搭9:30,原本就係咁打算。

去Samae Beach 較去Koh Larn其他沙灘貴,一般公眾船去Koh Larn Na Ban pier係35B,到達後再坐電單車(即雞車)去一般跟團去嘅Tong Lang 沙灘或Twaen 沙灘。當日所見,較多強國人去坐35B公眾船,而去Samae 或Tien就較多外國人,買咗船票,船家已叫我出去上船位置,但另一半話太曬,想過15分鐘至行出去,點知.........

其實應該聽船家講,即刻行出去。我哋喺響9:15行出,行到C碼頭時,仲差5分鐘就開船,原來船上已坐滿乘客,下層只得四個位,所以都係應該聽人講嘅。約坐咗45分鐘,就到Tien Beach,呢處冇泊岸碼頭,要坐駁艇上岸,然後再坐船家安排嘅電單車或爽條去Samae Beach,呢程車都係船家包嘅,唔駛再比額外錢,約5分鐘就到喇!船家帶領我哋進入沙灘,一排綠色沙灘椅,船家會問要幾多張椅,40B一張連太陽傘,平布吉蛋島好多,我哋要3張,另外佢哋又細心問會唔會玩水上活動、又問要唔雪糕汽水啤酒,甚至小食午餐,都一條龍服務,真係好叻做生意。當然我哋都樂意幫襯。講番嗰灘,都幾清,沙亦滑,雖然冇布吉或沙巴那邊咁靚,亦冇魚睇,又冇得玩浮潛,但都有75分,只因較大浪,所以亦不太適合游水,不過可在近岸玩浪亦唔錯喎。另外Samae 好多歐洲人,特別係俄羅斯人,亞洲人只有我哋同另一強國人家庭,直至到下午1:00之後,至有多幾組年青港人到。總括而言,Samae感覺係舒服,冇旅行團,幾正。 PS : 回程時, 全船逼爆, 主要在Tien Beach再上超多人, 連企位都冇, 但船家仍然照舊上人, 所以船家非常草管人命, 妄顧遊客安全, 希望泰國旅遊部關注吧!

參觀時段: 早上
入場價錢: 每人150泰銖
評分: 值得去5  
船家開設的餐廳
船家開設的餐廳
餐廳包羅萬有
餐廳包羅萬有
冬陰公好多蝦, 好好味; 中蝦沙律好清新
冬陰公好多蝦, 好好味; 中蝦沙律好清新
甜酸蝦好啱送飯
甜酸蝦好啱送飯
菠蘿炒飯主要材料是蝦同菠蘿, 炒得好乾身
菠蘿炒飯主要材料是蝦同菠蘿, 炒得好乾身
蕃茄洋蔥炒海鮮意粉, 同甜酸蝦味道差唔多, 海鮮好新鮮
蕃茄洋蔥炒海鮮意粉, 同甜酸蝦味道差唔多, 海鮮好新鮮
到中午,船家拎住餐牌過嚟問每家人是否要叫嘢食,我哋見價錢唔貴,而且周圍都冇乜食肆,都決定幫襯船家,點完菜,佢話安排好,就會過嚟叫我哋埋位。15分鐘後,佢哋已擺好位,餸菜就跟住上,我哋全叫中size,所以都算夠份量。  

冬蔭公,微辣,海鮮材料多,特別係蝦,班港童個個讚。

菠蘿炒飯,菠蘿好多但肉唔多,只有火腿,但味道都OK,炒得幾乾身。

甜酸蝦意粉,汁好多,送飯一流,唔辣,班港童搶哂嚟食。 

大蝦沙律,酸辣味,有好多青瓜作底,so fresh。又飲又食又雪糕啤酒,加埋3張沙灘椅連傘,都只是850B,真係好抵,比布吉平好多。總括而言,船家的一條龍服務非常到位,雖然每樣都要收錢,但價錢合理唔貴,食物質素都唔錯,令我哋感到非常滿意。 
每人消費: 約150泰銖 (午餐)
評分: 味道5   服務5   環境5   衛生4   抵食4
平靚正SPA 笑臉2014-04-27
始終乾淨企理, 價錢公道
始終乾淨企理, 價錢公道
好有私隱嘅一人房
好有私隱嘅一人房
去完沙美灘,完成一個鐘嘅船程,就去搵爽條去Health Land,問咗幾架爽條,佢哋都企硬價30B,算喇早去早按摩,上車出發。 其實由碼頭到Health Land 都幾遠。

Health Land Pattaya 分店貫徹Health Land style,乾淨企理,豪華中帶平實,最重要係平做Spa麻,朋友非常喜歡。推油淨做價係800B/1.5 小時,我哋亦是買6500B/10張coupons,佢哋嘅coupon可以喺其所有分店使用,返到曼谷,我哋亦會去Asok嘅分店做推油。完成1.5小時舒服嘅享受,大家都一致讚好,所以都比按摩師每人50B,真係非常感謝佢哋嘅手勢。 
推介項目: 推油
參觀時段: 下午
入場價錢: 每人650泰銖
其他消費: 貼士50B
評分: 值得去5  
义燒拉麵, 仲有餃子白飯, 好飽呀! 180B
义燒拉麵, 仲有餃子白飯, 好飽呀! 180B
最貴係呢set壽司刺身套餐, 320B
最貴係呢set壽司刺身套餐, 320B
燒豬排定食 180B
燒豬排定食 180B
最平嘅蛋丼豬排, 120B
最平嘅蛋丼豬排, 120B
做完Spa, 都已經成下午6:00,係時候醫肚喇,所以截番架爽條返Central Festival搵食。班港童話要食日本菜,梗係帶佢哋去Fuji啦,又唔貴,仼佢哋叫定食都唔算大出血。

Fuji喺芭堤雅其中一間分店就在Central Festivial地下,對我哋嚟講相當方便。大家一致叫定食,每人一份,最貴係320B嘅壽司刺身定食 ,最平係炸豬排蛋丼定食,120B,豐儉由人,泰國嘅連鎖食店嘅價錢真係唔貴。讚! 
推介菜式: 定食
每人消費: 約150泰銖 (晚餐)
評分: 味道5   服務4   環境5   衛生4   抵食5
香蕉船 65B
香蕉船 65B
西瓜汁做特價, 45B/2杯, 好抵呀!
西瓜汁做特價, 45B/2杯, 好抵呀!
火鍋紙巾盒, 好鬼盞呀!
火鍋紙巾盒, 好鬼盞呀!
食完日本菜,班港童又話要食甜品,朋友就行過對面嘅MK Restaurant 睇Manu,原來MK除食火鍋外,都有甜品食,咁方便,唔諗喇,就行入去食。除咗我,大家都叫咗一個香蕉船,而我就叫咗個特價鮮果汁,45B兩杯,有西瓜、橙、同蜜瓜。其實我哋都想再去MK食火鍋,可惜泰國美食多,未能食到,下次吧! 
每人消費: 約60泰銖 (晚餐)
評分: 味道4   服務5   環境5   衛生5   抵食5
凍Mocha及凍Latte, 65B/大杯
凍Mocha及凍Latte, 65B/大杯
蝦餅 95B/6件
蝦餅 95B/6件
卡邦屁煙肉意粉 108B, 份量太少
卡邦屁煙肉意粉 108B, 份量太少
蕃茄汁蘑菇肉碎飯, 85B 汁多過飯, 雖然味道唔差, 但賣相唔靚囉
蕃茄汁蘑菇肉碎飯, 85B 汁多過飯, 雖然味道唔差, 但賣相唔靚囉
炸薯條含有香濃薯味, 62B, 唔似麥記出品, 好食!
炸薯條含有香濃薯味, 62B, 唔似麥記出品, 好食!
甜酸蝦炒金邊粉, 98B
甜酸蝦炒金邊粉, 98B
排骨意粉, 中西合壁, 108B
排骨意粉, 中西合壁, 108B
18/07/2013 今日返曼谷,約咗Tim哥架靚Van 2:00pm,所以可以瞓晏D,約定大家11:30出外搵食。當然就腳去番Central Festival啦!昨晩去咗Fuji同MK,今日上1樓,經過Black Canyon,有個特價咖啡大招牌喺門口,凍Mocha同凍Latte 大杯都係65B,班港童一見,即刻衝入去坐底,順利成章我哋就喺處開餐喇!除咗咖啡,我哋各自叫了自己嘅心水。

蝦餅,幾厚,蝦膠算實及爽。煙肉卡邦尼意粉,分量略少,味道不過不失,另一半話自家製好食D。泰式酸辣蝦炒河,蝦爽,河粉較濕,唔夠乾身,但味道唔錯少辣少酸,啱啱好。 肉碎鮮茄飯,我就覺得太水汪汪,唔吸引,但班港童就話好食。日式咖哩炸豬排飯,朋友話好隱陣,雖然普通,但味道唔錯。總括唔差又唔貴,環境舒服,而且泰國好多地方都有分店,推薦! 
推介菜式: 凍Mocha
每人消費: 約200泰銖 (午餐)
評分: 味道4   服務4   環境4   衛生4   抵食5
標準大床房, 床係4呎半, 房間好細, 牆紙好舊, 但好過雙床房
標準大床房, 床係4呎半, 房間好細, 牆紙好舊, 但好過雙床房
雙床房, 只得床旁的梳妝台燈及一盞小射燈, 所以房間好黑暗, 呢間房地毯有霉味
雙床房, 只得床旁的梳妝台燈及一盞小射燈, 所以房間好黑暗, 呢間房地毯有霉味
房間好細, 根本冇地方擺行李
房間好細, 根本冇地方擺行李
酒店大堂都幾有氣派架, 比佢呃咗
酒店大堂都幾有氣派架, 比佢呃咗
Receiption嘅職員外表都好Professional架, 可惜笑容欠奉
Receiption嘅職員外表都好Professional架, 可惜笑容欠奉
酒店門口唔好亂過馬路呀!唔止巴士的士, 仲有火車, 頭頂就係机鐵, 轟隆隆啊!
酒店門口唔好亂過馬路呀!唔止巴士的士, 仲有火車, 頭頂就係机鐵, 轟隆隆啊!
18/07/2013 由芭堤雅去到曼谷Nasa Vegas只須個半鐘,比由曼谷去芭堤雅快15分鐘。去到曼谷NASA Vegas係3:30 pm。Tim 哥收我哋呢程2,050B。

呢間酒店係響12年12月喺AirAsiaGo訂嘅,當時係做promote,標準雙人房連稅一晚只係港幣88元,睇咗其網站及房相,又睇埋其他訂酒店網站及評語,大概比分都有7.2分左右,又話交通方便、房間幾好唔錯等等,而以前亦曾響AirAsiaGo訂過平酒店,諗住博一鋪,就訂三間房住三晚,但訂完後唔知點解,仍然忐忑不安,一路出發前幾個月都有留意住呢間酒店嘅評語同周圍嘅環境,而且都做埋後著,搵定後備酒店.....點知真係用得著。

落車時,朋友見間酒店外型新淨宏偉,又有Bell Boy出嚟幫我哋搬行李,大堂lobby都唔差,Reception女職員一律穿紫色泰式製服,又有大電腦螢幕指引客人如何遊曼谷,又提供Gym房比客人,器材唔差架,只係冇冷氣咋,朋友同另一半都猛講平靚正喎,但我就話睇埋間房先至讚啦!

我所訂都係大床房,全部係13樓,入房後,大家都緊係打個突啦! 尤其係班港童,嚷著要upgrade間房,佢哋覺得間房好陰暗好唔舒服,我哋大人都唔滿意啦!但諗住咁平,都打算忍三晚,但.....

房好細、好舊、好黑、燈好暗、牆紙甩、地毯臭,唯一係廁所乾淨,有洗頭水護髮素沐浴露提供。落去同reception講,我哋想upgrade,但佢哋竟然唔建議,只話同我哋換雙床房,轉上18樓,Bell Boy帶我哋睇完ok至轉,最後港童𨍭,為方便照顧,我哋都跟住𨍭,而朋友就按兵不動。行完街,10點半至返到酒店。晚上酒店亮燈後,外形都討好架,但內部真唔得囉。而最基本嘅風筒竟然冇提供,打電話到服務部要求,佢哋話冇呢個服務,話比錢租,都話唔能夠幫到我,令我哋要等到差唔多凌晨三點,頭髮只有七成乾都要瞓喇,在等瞓期間,就用番之前嘅兩手準備再搵酒店......

由於房細,根本冇櫈或椅喺房內,唯有坐在床上上網,而就坐在床上呢三個幾鐘,我所瞓嘅床係呈U形,中間床褥位置簡直係下陷,真係令我決心𨍭酒店。而朋友嘅大床同港童嘅雙床都有此情況,但冇我嗰張咁嚴重呢!另一要提上網每位計24小時要400B,冇電視,加上我嗰間房有兩盞射燈壞咗,只得一盞黃燈,令我更感房間陰森。真係唔明白網評會有平均7.1分囉?? 
每晚價錢: 88港元 (雙人房)
評分: 設備2   服務1   環境1   衛生2   抵住5
標準大床房, 床係5呎, 好溫馨典雅嘅歐式設計
標準大床房, 床係5呎, 好溫馨典雅嘅歐式設計
浴室冇浴缸, 係淋浴設備, 水力好夠
浴室冇浴缸, 係淋浴設備, 水力好夠
我哋嘅房號分別係308, 208及107
我哋嘅房號分別係308, 208及107
107號房的標準大床房
107號房的標準大床房
107號房的另一角
107號房的另一角
308號房係三樓中最大的一間
308號房係三樓中最大的一間
308號房的另一面
308號房的另一面

19/07/2013  我整晚搵酒店嘅幸勞都冇白費,最後搵咗三間4星,價錢都約四百多元左右,至四點至瞓。

第二朝,同朋友商量後,馬上晌酒店大堂上網訂房,最後都係揀Salil,舊年我住過Salil Though Lor,覺得唔錯,包早交通又方便,今次試下呢間開業不到一年嘅另一分店- Sali Sukhumvit Hotel,見相中裝修精緻華麗,班港童一見相就鍾意。

馬上check out Nasa Vegas, 打的直去Salil,果然冇揀錯。

由於時間尚早,酒店未能check in,酒店櫃台職員亦好細心將我哋嘅行李擺好,叫我哋先出外食午餐,而且有禮貌地向我哋解釋希望能提供一個乾淨舒適嘅房間給我哋,有禮親切同冇禮木口木面嘅reception女職在一小時內都見識過,真係強烈嘅對比啊!更加令我冇決定錯誤,放棄其餘兩睌cheap 房。

講番間房,由於標準房嘅twin bed room已滿,我哋要咗三間大床房,房裡裝修果然典雅華麗,同網站相片一樣,我們三間房都分別在一樓、二樓及三樓,四樓起係Delux Room。三間房嘅面積都唔一樣,最大係三樓嗰間,應該有二百多呎,浴室都幾寬敞,花灑水力好夠,五尺大床好舒服,枕頭床褥軟硬適中,同Nasa Vegas差好遠,真係一分錢,一分貨。

每晚價錢: 1900泰銖 (雙人房)
評分: 設備4   服務5   環境5   衛生4   抵住4
後巷小食店 笑臉2014-04-27
雙蛋泰式肉碎飯, 40B 雖然肉碎好辣,但非常冶味
雙蛋泰式肉碎飯, 40B 雖然肉碎好辣,但非常冶味
魚蛋+肉丸河, 40B, 好味, 只係丸較細粒
魚蛋+肉丸河, 40B, 好味, 只係丸較細粒
泰式雞翼, 好味唔油膩, 想再叫多碟都冇喇, 賣哂!
泰式雞翼, 好味唔油膩, 想再叫多碟都冇喇, 賣哂!
海南雞飯, 好食, 40B
海南雞飯, 好食, 40B
小食店內自成一角, 自製園林, 小橋流水, 係幾特別, 但就好多蚊呢!
小食店內自成一角, 自製園林, 小橋流水, 係幾特別, 但就好多蚊呢!
小食店在後巷內, 日頭唔太多人行, 晚上整條後巷熱鬧非常
小食店在後巷內, 日頭唔太多人行, 晚上整條後巷熱鬧非常
一整晚至朝早都掛住搵房,都冇理個肚,終於喺Salil 放底咗行李後,就叫咗出嚟,加上又未係時候check in,出去搵嘢食先。

由Salil 向BTS Nana站方向行約幾個舖位,見有一小巷,右旁一面有湯粉小食檔,走入去,小橋流水,竹棚下有小高台作用餐區,入內亦有其他的用餐位,幾特色,而且亦兼有學泰菜班。

我哋因太餓,除咗辣嘢外,餐牌上的粉麵飯及小食都叫哂,好食:

海南雞飯,40B,油飯不太油,雞亦滑;

魚蛋肉丸河,40B,雖然細粒D,但算爽,粉亦滑,湯底係清鷄湯,配合唔錯;

酸辣肉碎飯,40B,好野味,唔算好辣,加埋隻荷包蛋,好食;

炸雞翼,40B,外表好似乾身,但實質幾juicy,味道好好,想再叫多兩碟,但已賣晒,噢!

總括食店環境唔錯,雖然冇冷氣,但唔算好熱,唯一係有蚊,可能係食店種咗好多植物,有造了條小河(好似坑渠),所以要注意蚊患,食品唔錯,價錢唔貴。 
推介菜式: 海南雞飯
每人消費: 約100泰銖 (午餐)
評分: 味道5   服務4   環境4   衛生3   抵食5
搭ASIATIQUE 免費船嘅碼頭, 要等15至20分鐘船
搭ASIATIQUE 免費船嘅碼頭, 要等15至20分鐘船
Asiatique上嘅小商店賣嘢唔貴
Asiatique上嘅小商店賣嘢唔貴
除小商店及小攤檔外, 亦有好多食肆及Food Court
除小商店及小攤檔外, 亦有好多食肆及Food Court
Asiatique 的碼頭
Asiatique 的碼頭
除了Food Court及連鎖式食店外, 仲有小食攤檔, 迎合喜歡掃街人士
除了Food Court及連鎖式食店外, 仲有小食攤檔, 迎合喜歡掃街人士
街頭表演
街頭表演
Asiatique掠影
Asiatique掠影

去完大路嘅 Siam Centre 同Siam Pigenon等遊客必去嘅商場, 我哋就出發去Asiatique。

我哋由Siam BTS 站搭BTS 深綠線去S6 Saphan Taksin 站, 喺2號出口出, 大把人都喺去呢個方向, 行到Central Pier, 轉左邊, 已有條長龍排隊等上免費船, 我咃約等咗15~20分鐘, 隻船雖然大, 但人實在太多, 好多人要硬企, 完全企滿, 根本就係超載.....泰國流行麻。

Asiatique 前身係貨倉, 現活化成河岸夜市, 我覺得佢哋好成功, 店舖食肆林立, 人流當旺。

上岸有幾間較高檔嘅餐廳, 價錢OK嘅, 再入就有泰式小攤檔, 煎炒煮炸甜品壽司樣樣齊, 迎合大眾, 豐儉由人。

經過完小食攤檔, 就係衣履飾品小店, 係小小型嘅翟道翟, 雖然冇翟道翟咁多選擇, 但就好行好多, 而且店與店之間夠寬敞及涼爽, 冇翟道翟咁焗促同熱, 最緊要係價錢唔算好貴麻。

行過小店及食店, 盡頭會見到地標 - 摩天輪, 由於時間關係, 我哋為有下次至幫襯啦!

 

 

 

參觀時段: 晚間
評分: 值得去5  
香港冇Sukiya 連鎖式餐廳
香港冇Sukiya 連鎖式餐廳
細牛肉飯, 加錢有沙律, 牛肉較吉野定鹹些少
細牛肉飯, 加錢有沙律, 牛肉較吉野定鹹些少
日式咖哩牛肉飯, 附加溫泉蛋, 港童最愛
日式咖哩牛肉飯, 附加溫泉蛋, 港童最愛
細雞飯, 雞肉都幾多, 豉油味重D
細雞飯, 雞肉都幾多, 豉油味重D
豚肉豆角飯, 豚肉同豆角味配合得宜, 冇牛肉咁鹹
豚肉豆角飯, 豚肉同豆角味配合得宜, 冇牛肉咁鹹
豬排飯, 同雞飯味差唔多
豬排飯, 同雞飯味差唔多

喺Aisatique買完又行到咁上下, 又喺食晚飯嘅時候, 左睇睇, 右睇睇, 真係好多選擇, 搜索一輪, 因為仲有其他地方未行, 所以想坐低速食一餐後再買過, 就揀咗呢間日式牛肉飯店 - Sukiya。

香港冇Sukiya分店, 牛肉飯嘅味道完全同吉野家唔同, 我就覺得偏鹹D, 跟餐加錢有沙律及麵豉湯, 唔太貴; 而Sukiya唔止牛肉飯, 仲有好多款式嘅飯餐揀, 我哋仲叫咗不同嘅飯餐試吓:

日式咖喱牛肉飯, 唔辣帶甜, 牛肉約有五件, 算係咁啦, 朋友話滿意。

細雞飯, 同吉野家完全唔同口味, Sukiya冇把雞烤焗及煎過, 只用炆煮方法, 豉油味幾重, OK啦!

最好味係豚肉豆角飯, 肉片簿身入味, 配合豆角一齊送飯, 好正!

至於沙律, 有兩種汁揀, 我哋全部揀咗千島汁, 生菜+青瓜及栗米, 穩陣。

總括嚟講,牛肉飯以吉野家較合口味,但試吓其他亦冇妨。

 

每人消費: 約100泰銖 (晚餐)
評分: 味道4   服務5   環境5   衛生5   抵食5
晚上的Nana 區比日頭熱鬧好多
晚上的Nana 區比日頭熱鬧好多
攤檔在傍晚時分擺檔至零晨至收檔
攤檔在傍晚時分擺檔至零晨至收檔
Soi Sukhumvit 11 近街尾BTS站, 已有多間藥房
Soi Sukhumvit 11 近街尾BTS站, 已有多間藥房
Soi Sukhumvit 11周圍有好多Live Band 餐廳同Pub
Soi Sukhumvit 11周圍有好多Live Band 餐廳同Pub
呢間cafe' 價錢同Starbuk差唔多
呢間cafe' 價錢同Starbuk差唔多
夜晚嘅Breakfast & Lunch Sukhumvit 唔係食早午餐, 變成一間Pub
夜晚嘅Breakfast & Lunch Sukhumvit 唔係食早午餐, 變成一間Pub
Nana區嘅日與夜完全係兩個世界。

日頭唔係太多人行, 周圍有垃圾, 清潔工人忙於清理, 遊人不多; 而夜晚人來人往, 車又多, 熱鬧到不得了, 酒吧, 餐廳, 小販, 通通係為夜鬼服務, 住呢區嘅酒店住客完全唔駛擔心個 "悶" 字跟住尾!

 
參觀時段: 晚間
評分: 值得去5  
小小地下街 笑臉2014-04-27
地下街最好係有冷氣, 但店舖就只有十多間
地下街最好係有冷氣, 但店舖就只有十多間
雖然舖店唔多, 但賣嘅貨品都唔差架
雖然舖店唔多, 但賣嘅貨品都唔差架
除店舖, 有四五檔小食檔在做生意, 我哋幫襯咗三檔
除店舖, 有四五檔小食檔在做生意, 我哋幫襯咗三檔
呢檔主要係賣泰式湯粉及粉卷, 呢個素粉卷入面好多菜, 好清新, encore咗兩次, 40B
呢檔主要係賣泰式湯粉及粉卷, 呢個素粉卷入面好多菜, 好清新, encore咗兩次, 40B
好味魚蛋粉, 隱陣之選
好味魚蛋粉, 隱陣之選
第二檔主要係泰式濃味菜式為主, 靚姐主理, 亦係即叫即做
第二檔主要係泰式濃味菜式為主, 靚姐主理, 亦係即叫即做
冬陰公蝦麵, 好好食啊! 45B
冬陰公蝦麵, 好好食啊! 45B
蝦炒飯, 乾身粒粒米, 料多味道唔錯,
蝦炒飯, 乾身粒粒米, 料多味道唔錯,

21/07/2013 一早10:00便到翟道翟行咗三個鐘,當然未行完啦! 另一半都話唔夠喉,但朋友已投降,要搵地方休息吓,仲要食吓嘢!

 

雖然當日天氣唔算熱,仲有風添,但我知另一半一定唔肯响翟道翟嘅大排檔食,所以諗住坐地鐵去番Asok食,一落Kamphaeng Phet MRT站,就見有一條商店街,雖然得十多間小商店,但感覺唔差,最重要係有冷氣,小街內仲有幾檔小食粉麵,而且又設有枱櫈,方便食客,相當體貼,順理成章,就喺度開餐啦!

我哋主要揀咗相中兩位阿姐級主理嘅小食檔,肥阿姐那檔主要食湯粉類及泰式春卷,味道較清新,魚蛋粉及素粉卷做得唔錯,特別係素粉卷,我哋encore咗兩次。

另一檔靚太阿姐主要提供煎炒類食品,味道較濃,冬蔭公湯粉味道吸引,炒飯乾身蝦仁又爽,泰式炒河夠鑊氣,雖然阿姐用電爐炒。

最好係兩檔價錢唔貴,平均都係40至50銖,同翟道翟大排檔價錢差唔多,而呢處有冷氣,唔駛食到大汗疊細汗呢!

 

參觀時段: 早上
評分: 值得去5  
4樓主題國家係英國
4樓主題國家係英國
4樓厠所門口, 以英國為主的樓層
4樓厠所門口, 以英國為主的樓層
4樓入廁所必經之英倫地鐵, 直入就係廁所
4樓入廁所必經之英倫地鐵, 直入就係廁所
此層係以日本做主題, 所以較多時裝店
此層係以日本做主題, 所以較多時裝店
日本相撲模型
日本相撲模型
好有心思嘅T-shirt店, 門口有小豬模型作裝飾
好有心思嘅T-shirt店, 門口有小豬模型作裝飾
呢層以美國做主題, 亦是食肆林立之處
呢層以美國做主題, 亦是食肆林立之處

熱門旅遊點 - Terminal 21, 內部裝修主題係機場離境大堂,每層亦有不同國家作背景主題,所有店舖食肆都緊貼主題,最有特色係四樓嘅英國主題及六樓嘅美國金門橋,嚟呢處行街shopping外,仲可以當景點周圍影,設計師真識諗計。

最好係商場內的店舖唔係全部係連鎖式,好多都係小店舖,而且亦有自家設計,衣履配飾都好有創意,唔係大財團壟斷整個商場,但食肆就主要係連鎖式經營,不過唔算貴,頂層亦有food court,豐儉由人,唔怪得此處咁受大眾市民年輕一代歡迎啦!

參觀時段: 下午
評分: 值得去5  
不過不失 ok喇2014-04-27
炸魚薯條
炸魚薯條
炸魚炒飯+薯條, 這款係咁多樣中最夠份量了
炸魚炒飯+薯條, 這款係咁多樣中最夠份量了
三啖就飲完嘅忌廉湯
三啖就飲完嘅忌廉湯
海鮮茄汁意粉, 好酸, 調味唔得
海鮮茄汁意粉, 好酸, 調味唔得
烤雞意粉, 好一般嘅味道
烤雞意粉, 好一般嘅味道

喺Terminal 21行完買完,梗係要搵食啦!

班港童話想食西餐,所以就選咗呢間美國餐廳。 

當然Manhattan Fish Market  𣎴能同清邁嘅Duke's相比,無論格調、食物質素等,都係Duke's好好多呢!Manhattan係名符其實嘅連鎖式餐廳,莱式係一般,冇驚喜,但又唔係太差,只係份量冇想象中豐富及多。尤其餐湯,三啖飲完;海鮮意粉同炸魚意粉份量唔大,只夠女士們份量,男士一定唔夠,可再去食消夜。以上兩種味道oK,只係意粉未夠入味啫!

 

每人消費: 約200泰銖 (晚餐)
評分: 味道3   服務3   環境4   衛生4   抵食4
熱食如粥及白飯, 就在此處攞
熱食如粥及白飯, 就在此處攞
炒麵, 多士及火腿
炒麵, 多士及火腿
香腸及白烚蔬菜
香腸及白烚蔬菜
沙津吧
沙津吧

Salil Hotal 間房唔錯,但早餐就不過不失啫!

早餐是自助餐形式,熱盤主要係粥,有炒麫同白飯,其他都係冷盤為主,選擇唔多,OK啦!唔難食,最緊要可以填飽個肚。

評分: 味道3   服務4   環境4   衛生4   抵食4
海鮮湯飯套餐, 唔錯
海鮮湯飯套餐, 唔錯
雞飯套餐連三件雲吞, 都幾好味!
雞飯套餐連三件雲吞, 都幾好味!
蝦撈麵套餐連炸雲吞, 都唔算太乾
蝦撈麵套餐連炸雲吞, 都唔算太乾
燒肉飯套餐連燒賣兩粒, 算OK喎!
燒肉飯套餐連燒賣兩粒, 算OK喎!
舊機場只得三四間食店, 選擇唔多
舊機場只得三四間食店, 選擇唔多
此間以套餐為主, 約250B - 350B左右
此間以套餐為主, 約250B - 350B左右

21/07/2013  嚟到最後一站,泰國舊機場 - 廊曼機場,此機場主要係以廉價航空為主,嚟呢處唔係太多公共交通,只得兩架機場巴士,冇新機場咁交通方便,我哋當然喺搵咗丅im哥車我哋去機場啦! 其實應該同佢講價,應該可以平D,因為Nana 區比NASA Vegas Hotel 較近舊機場。

去到機場,check 完 in, 朋友話有D肚餓,就响泰國食埋呢餐,舊機場食肆唔多,得3、4間㨂,遲D應該好D,佢哋依家裝修緊幾間餐廳,希望下次嚟可以多D選擇啦!

總結旅費, 泰國因貨品及飲食比較迎合港人, 所以特別用得多D錢 :

1) Early Bird B&B 4晚平均住宿 : 約HK$1600

2) Sabai Wing 2晚平均住宿 : 約HK$950

3) Nasa Vegas Hotel 3晚平均住宿 : 約HK$400

4) Salil Hotel 2晚平均住宿 : 約HK$1460

5) 唱錢 : HK$8500 (包括食, 玩, 交通及購物)

6) 澳門船票 : HK$420

7) 機票 (澳門>清邁, 清邁>曼谷, 曼谷>香港)共3程連稅, 行李及飛機餐 : HK4940

全程約每人: HK$18270/3 = HK$6090

 

每人消費: 約220泰銖 (午餐)
評分: 味道3   服務3   環境3   衛生3   抵食2
  0 個留言    |  加入你的留言
又再去台北 (台灣)
(旅程日期: 2013-07-02 至 2013-07-05 ,  旅程性質: 飲食購物, 消閒度假)
 整個旅程  (共1篇遊記)
 分享至Facebook 
發表日期: 2013-08-23
2013年3月起一直忙到6月, 原本想復活節出外走走, 始終劃不出時間, 唔通點都要等到暑假? 今年暑期已一早plan好去清邁+芭堤雅+曼谷十天遊了, 終於冇心插柳柳成蔭, 6月尾比我响永安網站搵到個又平又抵嘅台北Package, 決定同另一半及其哥哥一pair共4人再去台北兜個圈, 補償舊年打風去唔到食唔到嘅地方.....
方便之選 笑臉2013-08-23
由於飯店的冇窗房已滿, 加咗HK$70/2晚, 住咗間有窗三人房
由於飯店的冇窗房已滿, 加咗HK$70/2晚, 住咗間有窗三人房
浴室乾淨企理
浴室乾淨企理
所住樓層Lift Lobby, Wifi接收器在此, 所以呢處訊號特別強
所住樓層Lift Lobby, Wifi接收器在此, 所以呢處訊號特別強
冇窗雙床房, 感覺良好
冇窗雙床房, 感覺良好
由東龍出門向左直走不用五分鐘就到捷運西門站6號出口
由東龍出門向左直走不用五分鐘就到捷運西門站6號出口
7月2日 上午10:00 乘CX450飛台北桃園,11:30左右已在第一航廈入境B1層的巴士乘車處乘國光1819號到台北車站,沿途冇塞車,45分鐘就到台北車站外門口,馬上乘的士直去東龍飯店,70幾台幣的士費就到飯店,好過乘捷運兜來兜去。

東龍飯店位置好,旺中帶靜,夜晚唔太嘈,雖然唔係咩嘢豪華五星酒店,但房裡設備算唔錯,雪櫃、風筒、小電視都有,床舖舒適,浴室乾淨,大家都非常滿意!  本身嘅Package係包CX機票來回(時間係30天內使用)+包稅+兩晚東龍飯店連早餐, 共HK$3,244/2人,即HK$1,622/人,仲想要求咩嘢,抵過返大陸長隆玩3日兩夜啦!

 
每晚價錢: 2000新台幣 (雙人房)
評分: 設備4   服務4   環境4   衛生4   抵住4
難忘常添加 笑臉2013-08-23
腰內豬排較里脊豬排好食好多
腰內豬排較里脊豬排好食好多
舊年嚟台灣, 都幫襯咗勝博殿兩次, 今次專登帶另一半嘅哥哥嚟試吓。

由於在東龍飯店check in 及上房擺好行李後, 都已經成2點半, 而萬華區勝博殿就在東龍飯店隔兩條街, 只行5分鐘, 所以順便去食個遲來的午餐。 網上好多人讚九州杏子日式豬排, 但台灣朋友講普遍的台灣人較喜歡勝博殿, 除價錢平少少外, 最好係冇限供應高麗菜、蘿蔔或牛蒡及黑豆作沙律, 而白飯及面豉湯亦無限添加, 淨食高麗菜沙律都抵啦! 而且冇因為係無限添加而材料馬虎, 所有嘅材料都係非常新鮮同講究。 
推介菜式: 腰內豬排套餐
每人消費: 約319新台幣 (午餐)
評分: 味道5   服務5   環境5   衛生5   抵食4
好有藝術氣質的畫牆
好有藝術氣質的畫牆
日落中的碼頭
日落中的碼頭
淡水老街的烤魷魚檔
淡水老街的烤魷魚檔
炭爐烤魷魚, 好有風味呀!
炭爐烤魷魚, 好有風味呀!
老街其中一間豆花店, 呢間D豆花同甜品唔掂, 老闆亦唔多想招呼客人
老街其中一間豆花店, 呢間D豆花同甜品唔掂, 老闆亦唔多想招呼客人
雖然價錢唔算貴, 可惜......
雖然價錢唔算貴, 可惜......
呢碗石花凍+檸檬, 非常普通兼唔好食
呢碗石花凍+檸檬, 非常普通兼唔好食
豆花唔滑, 連招牌嘢都唔用心做好, 唔怪之冇咩人幫襯
豆花唔滑, 連招牌嘢都唔用心做好, 唔怪之冇咩人幫襯
淡水黃昏景特別靚, 而且不是假日, 淡水周圍都不是太多遊人, 慢走細嘗淡水周遭, 陪覺寫意呢!
推介項目: 睇日落
參觀時段: 下午
評分: 值得去5  
再來乾杯 笑臉2013-08-23
冇香港燒肉店咁懶, 主動頻密換燒烤網
冇香港燒肉店咁懶, 主動頻密換燒烤網
牛肉三種組合
牛肉三種組合
淡水分店的乾杯冇ATT 4 FUN 信義店咁熱鬧, 可能此店地方較小, 二樓只有5張坐4人的枱, 當然亦不及信義店的氣氛, 淡水分店嘅感覺與一般燒烤店差不多, 雖然如此, 幸好食物質素仍保持到, 比香港牛角好好多, 不過台灣朋友介紹我去另一間燒肉店, 叫胡同燒肉, 有多間分店, 下次再嚟台北, 一定會去試吓。
推介菜式: 澳洲和牛相拼組合, 牛肉三種組合
每人消費: 約320新台幣
評分: 味道4   服務5   環境4   衛生4   抵食3
經此一路 笑臉2013-08-23
瑞芳火車站對出的燈明路, 有好多巴士去九份
瑞芳火車站對出的燈明路, 有好多巴士去九份
瑞芳火車站月台
瑞芳火車站月台
瑞芳火車站嘅行人隧道
瑞芳火車站嘅行人隧道
03/07/2013, 一早起床享用完飯店提供嘅簡單早餐, 就向今日主要的景點 - 十分出發......  

舊年因打風, 令我未能盡慶玩到平溪及十分, 今日天朗氣清, 終於可以睇到十分沿途的真正面貌。乘捷運到台北車站, 剛巧送走了10:10莒光號去瑞芳嘅火車, 唯有搭下一班10:32嘅區間車, 由於區間車係站站停, 所以用咗成50分鐘先至到瑞芳,  幸好都比我搭到11:45嘅小火車去十分, 見仲有20分鐘, 出去瑞芳火車站外兜個小圈先...... 

 
參觀時段: 早上
評分: 值得去5  
鬆軟無比 笑臉2013-08-23
飛碟麵包好似牛角包的味道
飛碟麵包好似牛角包的味道
酥烤羅宋, 麵包外形好靚, 軟綿綿, 好食
酥烤羅宋, 麵包外形好靚, 軟綿綿, 好食
丹麥菠蘿就係菠蘿包
丹麥菠蘿就係菠蘿包
其他麵包賣相都唔錯嫁
其他麵包賣相都唔錯嫁
佢哋D 鳳梨酥及其他餅類食品都唔平
佢哋D 鳳梨酥及其他餅類食品都唔平
只得20分鐘, 決定在火車站對面向左走走, 這邊有兩間麵包店, 舖面都幾吸引, 但都係比呢間 "幾分甜" 吸引咗入去幫襯....

原來呢間 "幾分甜" 亦係集團式經營, 佢哋張D麵包分咗名次, 所以我就跟佢排嘅名次買咗三種包喇! 

第一名係飛碟麵包, 50台幣, 比一般包大, 包面上有一層類似糖漿舖在頂部, 味道不太甜, 糖漿可吊出整個包的味道, 其實可以講此包係牛角包的改良版,  正喎! 

第二名係酥烤羅宋, 38台幣, 比一般包大少少, 麵包內是冇餡, 軟綿綿, 好香奶味, 美味可口, Good! 

第三名係丹麥菠蘿, 32台幣, 亦係一個大包, 其實亦是香港菠蘿包嘅改良版, 呢個包上面的菠蘿皮唔會咁容易跌出嚟或散哂, 個包亦好軟, 都唔錯! 

其實最想買佢哋嘅冠軍作品 - 雞蛋布丁, 一盒有9個, 230元台幣, 用個雞蛋殼裝住D布丁, 賣相好靚, 亦唔太貴, 但佢話買後要馬上雪藏兼只有三日食用期, 所以未能買嚟做手信。
推介菜式: 雞蛋布丁
每人消費: 約50新台幣 (早餐)
評分: 味道5   服務5   環境5   衛生5   抵食4
體會十分 笑臉2013-08-23
去平溪線一定要睇清楚火車班次, 如果唔做好預算, 就會浪費時間等火車
去平溪線一定要睇清楚火車班次, 如果唔做好預算, 就會浪費時間等火車
十分老街
十分老街
好舊嘅郵筒
好舊嘅郵筒
手畫十分地圖
手畫十分地圖
靜安吊橋
靜安吊橋
搭14:38嘅小火車回瑞芳
搭14:38嘅小火車回瑞芳
我哋嘅天燈順利升空
我哋嘅天燈順利升空
順利搭到11:45嘅菁銅線小火車, 今次只會到十分, 不去平溪, 因時間不許可。  

上次天氣差只能在菁桐站逗留, 未能去十分及平溪, 今次補番數遊十分。

由於從來未曾放過天燈, 想同另一半玩吓; 當日天朗氣清, 唯獨不是晚上, 因晚上放天燈較有氣氛。整個十分賣天燈嘅價都一樣, 亦可同佢講吓價, 我只揀咗單色, 開價100元台幣, 都唔太貴所以都冇講價, 寫吓畫吓都撹咗成個鐘, 最後順利把天燈放上天, 希望願望成真啦!
推介項目: 放天燈
參觀時段: 早上
入場價錢: 每人32新台幣
評分: 值得去5  
風味小食店 笑臉2013-08-23
門口冇招牌, 只有菜牌橫列在門口頂
門口冇招牌, 只有菜牌橫列在門口頂
門口就係open kitchen
門口就係open kitchen
店主將所有嘅菜都放在門口, 比客人揀選
店主將所有嘅菜都放在門口, 比客人揀選
招牌牛腩麵, 味道唔錯, 不過都幾辣
招牌牛腩麵, 味道唔錯, 不過都幾辣
沙拉白筍感覺清新, 但呢碟份量較少
沙拉白筍感覺清新, 但呢碟份量較少
係咪好似蔥呢! 珠蔥好好味啊!
係咪好似蔥呢! 珠蔥好好味啊!
其實整條十分老街好短, 行吓買吓食吓, 一個多鐘已行完, 想搭火車去下一站平溪或回瑞芳, 亦要等個幾鐘至有火車, 為有喺火車站左邊一間小麵店坐底食D嘢, 順便等火車麻.....

小麵店全店冇冷氣, 我哋揀咗外面坐, 較涼爽。點咗3碗細招牌牛腩根麵,一碟清炒珠蔥, 一碟沙拉白筍, 承惠560台幣。雖然只叫細牛腩根麵, 份量都算OK, 忘記叫佢小辣, 結果店主好慷慨, 一大匙嘅辣醬, 使整碗麵都係紅紅的, 當然超辣, 另一半同佢阿哥見到都滴哂汗, 感覺更加熱, 其實頭幾淡麵真係幾辣, 食落就習慣了,  辣度是可以接受嘅。 牛腩方面, 炆得好焾, 牛根焾中帶爽, 好家庭式的風味呢!  店主介紹我哋食清炒珠蔥同白筍, 前者樣子同蔥分別不大, 但味道就完全不一樣, 珠蔥口感似韮菜, 但冇韮菜咁味濃, 珠蔥帶點甜及菜味較鮮, 今次係我第一次食, 阿哥話香港都有得賣, 但不常見, 有時見到唔留意, 亦會誤會珠蔥係一般嘅蔥; 另一好食之選就係白筍, 台灣較流行用沙拉醬撈白筍食, 但店主的沙拉醬味道較淡, 所以冇搶走白筍的爽甜味, 夏天食此感覺很好, 所以此碟亦是全部最貴的, 要200元台幣。
推介菜式: 清炒珠蔥
每人消費: 約140新台幣 (午餐)
評分: 味道4   服務4   環境2   衛生3   抵食3
忍者餐廳門口
忍者餐廳門口
室內充滿忍者完素
室內充滿忍者完素
沙律好大盤
沙律好大盤
忍者飛標炒飯, 好食到不得了
忍者飛標炒飯, 好食到不得了
忍者女侍應殷勤招待
忍者女侍應殷勤招待
另一半唔飲酒, 另叫了一杯超大杯嘅芒果沙冰, 220台幣, 好抵飲
另一半唔飲酒, 另叫了一杯超大杯嘅芒果沙冰, 220台幣, 好抵飲
炒雜菇味道一般, 燒雞串用把未開封嘅日本刀作擺碟好特別
炒雜菇味道一般, 燒雞串用把未開封嘅日本刀作擺碟好特別
烤魚, 外乾內軟, 魚肉香口
烤魚, 外乾內軟, 魚肉香口
由於一早已約了台灣朋友歡聚, 所以未能再到平溪及九份, 要馬上搭回火車由瑞芳返台北。

返到台北已是3:45, 回酒店洗個面又出發去忠孝東路應約。

台灣朋友真攪鬼, 帶咗我哋去呢間忍者餐廳, 呢度唔單止只係食嘢咁簡單, 佢哋仲會同每位客人玩吓把戲, 攪吓氣氛。 進入餐廳大廳前, 先要在門口大聲叫 " Ninja", 機關門打開, 一道雨簾在入口處, 要忍者知客擔傘至入到去。 餐廳裝修以黑色做主調, 所以都幾暗, 因此影出嚟嘅相片較黑。

台灣朋友叫咗個八人套餐, 應該要成4988元台幣另計加一, 其實有一個套餐較平, 壽司刺身天婦羅小食連飲品, 每人價398台幣, 但朋友話4988嗰個D嘢食比較正, 佢做東道主, 唔准我比錢, 所以reject咗我嘅提議。

未食嘢前, 有忍者店員走埋嚟同每枱客人玩魔術, 令到每個客人都好開心。

上菜了, 忍者女待應先向我哋奉上雞尾酒,  然後幫我哋分好每份食物, 佢哋笑容可掬, 好細心, 真係抵讚!

食方面真係非常滿意, 最正就係飛標炒飯, 好貼題嘅炒飯造型, 材料豐富, 而且炒得好乾身, 粒粒飯又不偏硬, 炒得好好; 其次係刺身, 好新鮮; 沙律亦好大盤, 醋同麻醬與蔬菜配合得好好, 另一造型特別係燒雞串, 在雞串下面係用一把未開光的日本刀作裝飾, 真有意思。整個餐八個菜+雞尾酒一大壺+水果拼盤, 除了蔬菜火鍋同炒雜菇味道較一般外,  其他菜式的確唔錯。

食到8:00PM, "戲玉" 嚟喇, 一位辣妹出場, 佢著住小Tub Top, 超短熱褲, 大跳辣身舞, 每台男士都會有份參與同辣妹跳吓舞,  辣妹嚟到我哋呢枱, 我另一台灣朋友跳咗出去同佢一齊跳, 令到我哋幾位男士冇緣與辣妹一齊玩, 最後, 辣妹選了另一枱的少男一齊在吧枱上跳, 辣妹攞咗一筒冰, 解了該少男的褲頭, 然後將冰倒進....... 

辣火冰息後,  忍者女待應又出動與眾同樂, 與每枱玩猜迷語, 輸咗就要由女待應將 "豉油", "白醋" , "辣椒"等醬汁注射到口中, 真好玩兼攪嘢......                


PS : 如果係外國人, 餐廳會送給每位外國人兩支小試管雞尾酒 。另8月中忍者餐廳大改革,冇咗辣妹跳舞同玩魔術, 會有其他新玩意推出。
推介菜式: 飛標炒飯, 剌身
每人消費: 約690新台幣 (晚餐)
評分: 味道4   服務5   環境5   衛生5   抵食5
客人在台上唱歌,台下跳舞,很是陶醉。
客人在台上唱歌,台下跳舞,很是陶醉。
喺忍者餐廳食完飯, 一班台灣朋友話未飲夠, 未玩夠, 要繼續唱, 玩, 跳......仲要同我哋飮勝。

台灣朋友帶咗我哋去一間 Live Band (1人電子琴)音樂餐廳, 可以在此延續唱, 飲, 食, 跳........

啱啱食完晚飯, 都仲有七成飽, 台灣朋友又叫了幾碟小菜、小食及開了一支威士忌, 就咁比佢不停添酒, 我就靜靜加冰溝淡D酒......呢間餐廳多數招呼熟客, 當日係平日, 未有坐滿, 但都有七成客人, 客人主要嚟呢度唔係食嘢, 喺嚟飲酒, 唱歌及跳舞, 台灣朋友喺呢度嘅熟客, 經常在此流連, 亦啱啱同餐廳訂了一箱威士忌, 所以開咗一支同我哋品賞, 唉哎! 紅酒就好D, 威士忌對我有難度麻......

其實餐廳d小菜唔差嫁, 但分量就唔大, 每人少少試吓, 另一半就叫了芒果沙冰, 較細杯, 價錢比忍者餐廳貴, 佢話忍者餐廳好飲D喎。餐廳現場氣氛唔錯, 晚上九點後, 台灣嘅餐廳及酒吧可以吸煙。台上客人即席點歌現場唱Live, 香港好似冇咗呢種形式嘅卡啦OK好耐喇, 真係有懷舊感。每枱客人可唱最多三首歌, 個個客人歌喉都不俗, 而其他客人亦隨歌起舞, 在酒精嘅醺陶下, 每個客人都非常陶醉。值得一讚餐廳琴師, 佢不但彈得一手好琴, 和音唱功一流外, 對客人亦非常nice。 台上有一個小小圖書館, 珍藏住琴師嘅歌譜, 客人隨意點中英文歌, 佢亦隨手就拿起彈奏歌曲, 指揮客人入歌, 唔怪得佢嘅玻璃Tips盤載得滿滿啦!

 
推介菜式: 聽歌, 唱歌, 跳舞,
每人消費: 約600新台幣 (宵夜)
評分: 味道4   服務5   環境4   衛生5   抵食4
提供的紙箱最多放8盒, 紙箱不用加錢
提供的紙箱最多放8盒, 紙箱不用加錢
江記華隆地圖
江記華隆地圖
櫻花蝦豬肉紙, 更有鮮味, 喜歡有蝦味可買此
櫻花蝦豬肉紙, 更有鮮味, 喜歡有蝦味可買此
由於時間緊逼, 喺長富時尚旅店check 完 in, 馬上去江記華隆買豬肉紙。

由中山站乘捷運至民權西路站, 再轉黃色蘆洲線去大橋頭站, 在1號出口出, 過對面馬路, 沿民權西路行至大路口, 向左轉入延平北路, 見萊爾富便利店, 就過對面馬路, 就在此有一小路口直入至迪化街, 再轉右, 其實轉右第二間舖就係江記華隆喇。

江記華隆係冇試食, 入去就直接買, 我共買了7盒原味豬肉紙 (270元台幣)及一盒櫻花蝦豬肉紙 (300元台幣), 可用紙箱盡入8盒, 老板娘話唔好寄倉, 要Hand Carry, 佢哋唔收信用咭, 要Cash嫁, 要買此手信, 記住留番D現金呀!

江記華隆喺台灣賣比香港永安平差唔多一半, 原味永安賣$138, 櫻花蝦賣到158, 舊年去唔到買, 就响黑橋牌專門店同九份買咗D, 細細pack, 約十塊左右, 都賣150-180元台幣, 江記華隆大大盒仲有保鮮盒, 300G 賣270元, 反而化算好多。
推介菜式: 櫻花蝦杏仁紙
每人消費: 約270新台幣 (其他)
評分: 味道5   服務5   環境5   衛生5   抵食5
超級好味!!! 笑臉2013-08-23
Cute版鼎泰豐小籠包公仔
Cute版鼎泰豐小籠包公仔
超級好味小籠包  200元台幣
超級好味小籠包 200元台幣
蝦肉餃子  230元台幣
蝦肉餃子 230元台幣
炸排骨 110元台幣
炸排骨 110元台幣
醒神涼菜  65元台幣
醒神涼菜 65元台幣
點菜單
點菜單
去完江記華隆買手信, 馬上回長富旅店放低8盒豬肉紙, 即刻由中山站搭捷運到新開嘅東門站, 直行去到永康街口, 一上就見到鼎泰豐, 門口勁多人, 點都要攞張飛先, 知客小姐有禮地叫我哋睇吓食咩嘢先, 有枱就即刻叫菜, 咁就會好快有嘢食。諗住點都要等半個鐘, 點知佢五分鐘後就叫我哋個號碼。

由於已差唔多2:00, 又要掃街食其他嘢, 今晚又要食Buffet, 唯有叫精不叫多, 叫大家每樣只食一淡, 又再食下一家。

小籠包果然名不虛傳, 好正! 蝦肉餃子都唔錯, 另叫了炸排骨同涼伴小菜, 都好掂呀!  唔怪得中外聞名啦!
推介菜式: 小籠包, 蝦肉餃子
每人消費: 約166新台幣
評分: 味道5   服務5   環境5   衛生5   抵食5
擔仔麵及肉臊飯細
擔仔麵及肉臊飯細
龍蝦卵河粉卷, 好清新, 好好味
龍蝦卵河粉卷, 好清新, 好好味
去完鼎泰豐, 就行入永康街, 搵度小月也。

度小月舖內裝修舒適, 但燈光較暗, 我哋只點了小份量嘅小食試味。肉臊飯細細碗, 每人真係一小啖, 肉汁味濃而不膩, 擔仔麵加蝦, 湯汁鮮甜, 麵條爽軟, 但最好味同最清新嘅味道, 就係龍蝦卵河粉卷, 如果唔係要繼續掃街, 真係叫多兩碟encore
推介菜式: 龍蝦卵河粉卷
每人消費: 約84新台幣
評分: 味道4   服務4   環境5   衛生5   抵食4
清燉牛肉粉絲, 紅燒半筋半肉麵都係細, 但份量都唔細, 炆豬手, 好焾入味, 好食!
清燉牛肉粉絲, 紅燒半筋半肉麵都係細, 但份量都唔細, 炆豬手, 好焾入味, 好食!
完成度小月嘅「三啖」美食,馬上去下一站 - 永康牛肉麵。 

雖然在鼎泰豐、度小月只食幾啖,但個肚已經飽咗一半,不過為咗美食,點都要努力落去 ....

行到去永康牛肉麵,已是3:00,舖內唔係咁多人, 坐咗冇幾耐,舖內又坐滿客,大部份都係港人。

叫咗一碗細紅燒半筋半牛肉麵、一碗細清燉牛腩粉𢇁、一碟炆豬手。 紅燒牛筋同牛腩又焾又入味;清燉牛腩應係紅燒牛腩, 加咗清燉湯底都非常夾, 粉絲靱度剛好, 麵感亦爽;豬手五小件, 焾身但皮仍爽脆, 全部好食, 正呀! 

 
推介菜式: 牛肉麵
每人消費: 約110新台幣 (午餐)
評分: 味道4   服務3   環境2   衛生3   抵食4
芒果皇帝 笑臉2013-08-23
新鮮芒果雪花冰, 150元台幣
新鮮芒果雪花冰, 150元台幣
新鮮草莓雪花冰, 亦是150元台幣
新鮮草莓雪花冰, 亦是150元台幣
唔似甜品店, 似間coffee cafe', 最緊要係有冷氣麻
唔似甜品店, 似間coffee cafe', 最緊要係有冷氣麻
完成永康牛肉麵嘅 "任務", 輪到食甜品喇。

網上同旅遊書主要推介永康街的冰館, 經過其門, 非常擠擁, 帳篷下企位食, 而且冇冷氣, 愛吃甜品嘅另一半見到此環境, 就話唔想試。

就此同時, 有人派傳單, 叫我哋去試吓街尾一間專食芒果嘅甜品店, 仲推介佢哋嘅座位舒適有冷氣云云.....

後來去永康牛肉麵經過King Mango店舖, 大家一致決定食完牛肉麵, 就嚟呢度食芒果。    

走進King Mango店, 外面就下著滂沱大雨, 註定我哋一定要幫襯;  店內裝修似一間Cafe' , 比冰館舒適好多, 亦可坐室外, 不過主要是吸煙客人較多。由於要在兩小時後去食Buffet, 所以諗住試吓味, 叫兩個......點知..........

我哋叫咗一個新鮮芒果雪花冰, 一個新鮮草莓雪花冰, 除咗份量非常十足外, 生果新鮮味道又好, 真係冇入錯嚟。                                

PS  : 如要碗或碟,要加每份5元台幣                                   
推介菜式: 新鮮芒果雪花冰
每人消費: 約77新台幣 (下午茶)
評分: 味道5   服務4   環境5   衛生5   抵食3
食完再食 笑臉2013-08-23
好掂嘅剌身
好掂嘅剌身
好新鮮, 好多款式嘅壽司
好新鮮, 好多款式嘅壽司
好味冷盤, 有好多選擇
好味冷盤, 有好多選擇
熱食仲多選擇
熱食仲多選擇
鐵板煎厚牛排, 此乃牛排調味
鐵板煎厚牛排, 此乃牛排調味
蛋糕款式超多, 有好多都未能品嚐
蛋糕款式超多, 有好多都未能品嚐
呢個蛋糕櫃內的蛋糕都未能試盡
呢個蛋糕櫃內的蛋糕都未能試盡
雪糕係Haagen-Dazs, 共有十二款揀
雪糕係Haagen-Dazs, 共有十二款揀
今次再encore饕食天堂, 主要係帶阿哥嚟, 而另一半亦難忘此處又抵又平又靚嘅自助餐, 如下次再嚟台北, 仍會再嚟食, 不過會去京站店試。 台灣實在太多嘢未被我發掘,唔怪得咁多朋友每年都嚟台灣飲飲食食。為有下次再嚟台北尋覓新事物......                                  

今次使費主要係在食方面, 台北4天2人費用共如下:4天機票連稅及兩晚東龍住宿 HK$3,244  +  長富時尚旅店冇窗雙人房 HK$540  +  手信豬肉紙HK$516  +   飲、食、玩、交通費: HK$2,000  +   機場Hello Kitty 手信: HK$400 =  HK$6,700/2人,即每人HK$3,350,真係好抵玩呢!
推介菜式: 剌身, 鐵板煎厚牛排
每人消費: 約845新台幣
評分: 味道5   服務5   環境5   衛生5   抵食5
  0 個留言    |  加入你的留言
台灣環島15天遊 (台灣)
(旅程日期: 2012-07-20 至 2012-08-03 ,  旅程性質: 飲食購物, 消閒度假)
 整個旅程  (共13篇遊記)
 分享至Facebook 
發表日期: 2012-10-09
2012年6月尾同朋友去咗一趟泰國曼谷, 7月尾就同家人去台灣環島14天 (因颱風蘇拉襲台, 冇機返港, 要多逗留台北一天, 所以一共留台15日)

我早在10個月前以飛行里數換取了3張台灣來回机票, 而在2012年5月初, 我聯同我嘅台灣朋友商量訂台灣民宿, 其中三晚住宿係須要台灣本地人訂, 外地人是訂不到的, 有d比較有特色但較貴, 有d比較樸實但便宜, 咁可平衡旅費預算.....

我哋會由台北出發, 順路落台中 - 清境 - 台南(可惜實在太大雨, 當地大水浸, 所以未能到台南) - 屏東 - 高雄 - 墾丁 - 台東 - 花蓮 - 宜蘭 - 回台北 - 回香港

真係非常感謝我哋嘅台灣朋友, 佢專登請假陪我哋環島10日, 出錢出力, 又為我哋編排適合嘅行程; 唔係佢, 我哋唔會環島咁順利, 唔會食到台灣地道美食, 唔會有一個愉快難忘的旅程
室外坐位
室外坐位
洋豆子咖啡屋有車位提供給客人泊車
洋豆子咖啡屋有車位提供給客人泊車
望住個海飲咖啡, 正!
望住個海飲咖啡, 正!
北海岸海岸線好長, 面向太平洋
北海岸海岸線好長, 面向太平洋
其實室內環境都唔錯, 好Home Feel, 又有免費Wifi
其實室內環境都唔錯, 好Home Feel, 又有免費Wifi
三個餅都幾大件, 大圓蛋糕好鬆化, 大蛋撻有d似葡撻, 但唔甜, 芝士餅芝士濃而不膩
三個餅都幾大件, 大圓蛋糕好鬆化, 大蛋撻有d似葡撻, 但唔甜, 芝士餅芝士濃而不膩
芒果沙冰
芒果沙冰
水果冰茶
水果冰茶


20/07/2012 搭10:00am CX450班機到台北桃園機場, 11:45 am 到達台北, 台灣朋友已在機場等我哋

上咗佢架私家車, 佢即刻車我哋北上, 直去基隆轉入金山北海岸, 當日風和日麗, 藍天白雲; 約1小時後, 朋友就响一間似希臘白色小屋前停車, 呢間小屋叫洋豆子咖啡屋

洋豆子咖啡屋就在北海岸旁, 面向太平洋, 對住個海飲咖啡, 食件cake, 真係非常寫意; 咖啡屋有室外同室內, 室內有冷氣,不可抽煙; 室外正面對住大海, 吹住海風好舒服; 當日由於室外已滿座, 我哋為有坐室內喇!
 
朋友自行叫了三件餅, 水果冰茶, 芒果沙冰同朱古力沙冰

三件餅都好大件, 我哋四個人食, 都差d食唔晒; 水果冰茶造形好典雅, 真係有d唔捨得破壞佢, 味道就稍甜, 係因為加了半個好甜嘅橙同其他生果; 芒果沙冰係用新鮮芒果製, 芒果相當甜; 朱古力沙冰就較普通d, 但我嘅港童鍾意, 冇法!

由於係朋友請, 所以我唔知呢餐幾多錢, 但應約700元台幣左右
評分: 味道5   服務4   環境5   衛生5   抵食4
食粟米要等架, 唔係做定等人買
食粟米要等架, 唔係做定等人買
要客人order, 先至搽醬燒烤
要客人order, 先至搽醬燒烤
燒完要等分半鐘, 至入紙袋交比客人
燒完要等分半鐘, 至入紙袋交比客人
熱辣辣, 好香, 食咗一半都好飽呀!
熱辣辣, 好香, 食咗一半都好飽呀!
小攤檔係北濱公路旁
小攤檔係北濱公路旁


其實去洋豆子咖啡屋之前, 朋友在路邊停車話買粟米食, 佢話呢間小舖出名食燒烤粟米, 咁就買咗每人一支

原來呢條係糯米粟, 喺上面塗上一層烤肉醬汁, 食落好似食燒烤肉類般, 感覺粟米粒黏黏的, 真係同香港嘅超甜粟米d質感唔同, 食完真係唔洗食飯, 好鬼飽呀!

 


每人消費: 約50新台幣
評分: 味道5   服務5   環境3   衛生5   抵食4
仙女鞋
仙女鞋
女皇頭
女皇頭
以前可以企响女皇頭旁影相, 依加有專人睇住, 唔可以企埋去影喇!
以前可以企响女皇頭旁影相, 依加有專人睇住, 唔可以企埋去影喇!


二十年前曾跟團嚟過台灣環島8天, 最有印象係呢個景點 - 野柳

在與朋友編行程時, 我提議去此處, 因為呢個景點真的令我印象深刻, 另一半同港童從未蹈足台灣, 而台灣朋友都十年冇嚟過, 所以朋友就順路由北海岸入野柳

依加嘅野柳靚咗好多, 修路造橋, 有埋個旅遊中心, 收埋門票50元,  仲打造埋卡通人物代表野柳石象, 好鬼可愛

野柳現場所見, 本地人好少, 最多就係祖國同胞, 一團又一團, 周圍都係佢哋嘅踪影, 當然有d唔守規矩啦! 如踩上d風化石上影相, 隨地吐痰, 想打尖影女皇頭等等.....唉! 真失禮! 當然都唔係個個係咁嘅!
推介項目: 女皇頭
入場價錢: 每人50新台幣
評分: 值得去5  
冷水坑溫泉池開放時間告示牌
冷水坑溫泉池開放時間告示牌
呢處就係冷水坑泡腳處
呢處就係冷水坑泡腳處
泥黃色的溫泉水泡腳
泥黃色的溫泉水泡腳
山坡後上面是男溫泉, 溫泉水由此流出
山坡後上面是男溫泉, 溫泉水由此流出
冷水坑巴士站
冷水坑巴士站
有兩架小型巴士上嚟泠水坑
有兩架小型巴士上嚟泠水坑
由文化大學體育館下可睇到台北市全景
由文化大學體育館下可睇到台北市全景


行完野柳,朋友就揸車直去陽明山。

我曾在網上搵資料,好似係冇直接嘅巴士由野柳去陽明山,要轉車先至可以去到,又或者包車。

今次朋友只帶我哋遊咗陽明山嘅東北及東南面,而因時間同順路関係,今次係冇去西面同北投,下次去台北再補數吧!

在陽明山遊車河,感覺很好,氣溫稍涼,約攝氏23度, 同山下的台北氣溫成強烈對比。

朋友就响冷水坑放底我哋,呢處有免費溫泉提供,可全身浸或浸腳,我哋只係浸腳。

全身浸溫泉嘅地方比較簡陋,外型是公廁模式,前面小屋是男温泉,後面係女溫泉,的確浸身區較舊,裏面有一個小池,約可容納6個人左右,溫泉池旁是沖身處,而浸溫泉的人大部份都係上咗年紀嘅公公婆婆,溫泉內裡大家都是赤條條,所以唔方便影相。 

陽明山嘅溫泉,係屬於硫磺溫泉,所以有浸硫磺味。浸完腳後, 都覺得雙腳滑咗D。

跟住又出發去下一個景點 -  文化大學新建體育館,係呢處可以望晒全台北景色。
參觀時段: 下午
評分: 值得去5  
靚景餐廳 笑臉2012-10-09
酸辣海鮮湯, 超大碗, 可夠10個人飲, 不過味道較酸但淡, 唔係原煲湯煮嘅, 溝咗好多水
酸辣海鮮湯, 超大碗, 可夠10個人飲, 不過味道較酸但淡, 唔係原煲湯煮嘅, 溝咗好多水
台灣泰式蝦餅, 好薄, 口感冇香港或泰國嘅蝦餅咁有質感, 蝦味唔濃, 雖然係咁, 但佢嘅味道又唔差喎
台灣泰式蝦餅, 好薄, 口感冇香港或泰國嘅蝦餅咁有質感, 蝦味唔濃, 雖然係咁, 但佢嘅味道又唔差喎
銀牙菜炒水蓮梗, 係全部餸最好味, 水蓮梗有d似韮菜, 但較粗同爽, 與芽菜配合一齊炒, 簡單好食
銀牙菜炒水蓮梗, 係全部餸最好味, 水蓮梗有d似韮菜, 但較粗同爽, 與芽菜配合一齊炒, 簡單好食
油淋椒麻雞, 一d都冇好似個名咁油淋淋, 味道幾好, 不過未夠入味
油淋椒麻雞, 一d都冇好似個名咁油淋淋, 味道幾好, 不過未夠入味
櫻花蝦炒飯, 好大碟耶
櫻花蝦炒飯, 好大碟耶
埋單NT1650連加一, 其實唔貴, 淨係對住個靚景食飯都值回票價
埋單NT1650連加一, 其實唔貴, 淨係對住個靚景食飯都值回票價
5:45 到咗門口, 都要等位45分鐘, 只有包廂先至可以訂位
5:45 到咗門口, 都要等位45分鐘, 只有包廂先至可以訂位


喺文化大學新建體育館走落50米, 就係今晚食飯嘅地方 - 屋頂上。

嚟呢間餐廳最主要原因, 係呢間餐廳可飽覽台北市全景。佢哋有室內同室外嘅枱, 當然室外係最多人揀, 因為可以睇景麻! 而且佢哋亦在餐廳中間位置設置咗共用間, 有8張長椅比客人坐, 共用間係唔可以食嘢, 只可以比客人影相同睇景, 有d喺室內嘅客人食完嘢就走出嚟睇景, 真週到啊呀! 如果係香港, 一定唔會有共用間, 餐廳一定放多四張枱搵食。

食方面我覺得OK嘅, 雖然唔係真係好味到令人難忘, 但對住個靚景食飯, D菜式都零舍好味嘅!

價錢方面係唔貴, 我哋一共叫咗5個菜, 碟頭又大, 味道又唔錯, 都係NT1650, 約HK$441/4個人, 只是香港一般餐廳酒樓價; 如果係香港, 一定收高檔價, 點會咁大眾化呢!

推介菜式: 銀芽水蓮梗
每人消費: 約412.5新台幣 (晚餐)
評分: 味道4   服務4   環境5   衛生4   抵食5
  0 個留言    |  加入你的留言
台灣環島15天遊 (台灣)
(旅程日期: 2012-07-20 至 2012-08-03 ,  旅程性質: 飲食購物, 消閒度假)
 整個旅程  (共13篇遊記)
 分享至Facebook 
發表日期: 2012-10-09
21-07-2012

台灣朋友一早8:00就嚟民宿接我哋出去食早餐,然後就開始我哋嘅環島之旅,今日行程如下:

台北巿 ~ 桃園縣兩蔣文化區 ~ 桃園縣大溪老街 ~ 苖栗縣棗莊午飯 ~ 苖栗縣清安豆腐街 ~ 苖栗縣勝興車站 ~ 台中巿 ~ 逢甲夜巿

**可惜今次享受唔到清安出名嘅手工豆腐,因為出名嘅豆腐店関門裝修7日,要7月31日先至開門做生意 。
台灣總統府 笑臉2012-10-09


原本在兩個月前已預約咗响8月1日去總統府參觀, 但最後決定取消唔去, 原因係總統府規定男女不可穿背心短褲及著拖鞋入內參覲, 台灣實在太熱, 38度下點樣著住條長褲呀! 所以決定打電話去取消預約。

雖然唔入去參觀, 但經過總統府, 就影番張相算是到此一遊。
參觀時段: 早上
評分: 值得去5  
慈湖係蔣介石嘅墓園所在地
慈湖係蔣介石嘅墓園所在地
慈湖環境優美
慈湖環境優美
呢度就係蔣介石葬身之所
呢度就係蔣介石葬身之所
裡面就係蔣介石嘅陵寢, 但台灣朋友話好似已經搬走咗蔣介石個真身
裡面就係蔣介石嘅陵寢, 但台灣朋友話好似已經搬走咗蔣介石個真身
駐守陵園嘅衛兵
駐守陵園嘅衛兵
衛兵換班儀式, 規模較忠烈祠細
衛兵換班儀式, 規模較忠烈祠細
周圍都係蔣公石像同銅像
周圍都係蔣公石像同銅像
慈湖雕塑公園
慈湖雕塑公園


約上午11:15到達兩蔣文化園。

出發去台中, 途經桃園縣慈湖, 又唔洗入場費, 當然入去參觀吓啦!

起初以為兩蔣文化園都係一般嘅景點,心想都係抱住到此一遊嘅心態,但原來唔係架!

我哋先入慈湖遊客中心參觀, 門口有兩個得意Q版嘅蔣介石同蔣經國嘅銅像, 中心嘅中間位置係一個小型博物館, 主要簡單介紹兩蔣生活點滴, 國共政治, 台灣經濟及建設等, 而中心兩旁分別係餐廳同紀念品店。

遊客中心後面有小路直上慈湖, 綠葉成蔭, 雖然當日好熱, 但在樹蔭下都有清風送爽, 經過牌樓, 就會見到風景優美嘅慈湖, 走過慈湖, 就係蔣介石陵寢, 同忠烈祠一樣, 有兩位衛兵守護陵寢, 衛兵全副武裝, 睇見佢都熱, 兩位兵大哥滿面汗水。

十分鐘後, 係換班儀式, 五位兵大哥操完約10分鐘嘅換班操後, 我哋就離開陵寢, 走回遊客中心方向, 順便去埋慈湖紀念雕塑公園, 公園入面一大片草地, 擺放咗好多蔣介石銅像, 大大小小嘅銅像不下數十個, 好一個個人主義公園 。影完相, 馬上走返入遊客中心過冷河, 順便食番支Q版梅花形雪條解吓暑, 我揀花生味試吓, 好濃嘅花生香, 而芒果味當然唔會差得去邊啦! 食完就爽晒!

呢個景點主要招呼大陸同胞旅行團為主, 對強國人來講, 當然係幾值得參觀, 第一唔洗入場費, 第二亦比佢哋了解吓國民黨同蔣介石嘅嘢, 唔洗喺國內只睇到一黨專政嘅一面。
 
參觀時段: 早上
其他消費: 泊車台幣50元
評分: 值得去5  
大粒水蜜桃 NT240/3粒
大粒水蜜桃 NT240/3粒
中粒水蜜桃, NT130/3粒, 講價後NT120/4粒, 好味呀!
中粒水蜜桃, NT130/3粒, 講價後NT120/4粒, 好味呀!
梨, 唔係水晶梨, 不過一樣咁清甜
梨, 唔係水晶梨, 不過一樣咁清甜
大大粒石榴, NT50/3粒, 一樣甜, 一樣爽
大大粒石榴, NT50/3粒, 一樣甜, 一樣爽
有D檔口會幫埋客人切好生果, 用個盒裝好
有D檔口會幫埋客人切好生果, 用個盒裝好
我哋買咗個鳳梨, 檔主幫我哋切好, NT80, 嘩! 甜到不得了, 如果冰一冰佢, 仲正!
我哋買咗個鳳梨, 檔主幫我哋切好, NT80, 嘩! 甜到不得了, 如果冰一冰佢, 仲正!


兩蔣文化園入面嘅停車場旁, 亦即係慈湖遊客中心對出, 有拉拉山農民嘅水果展銷攤檔 。

拉拉山最出名就係水蜜桃 ,經講價後,我哋用咗台幣120買咗4個中型嘅。台灣D水蜜桃好香好甜, 水份充足, 用手輕撫水蜜桃, 連對手都充滿住水蜜桃的香氣 。

除咗水蜜桃外, 又試咗好多台灣地道生果, 如石榴, 梨, 蘋果同鳳梨, 一樣咁正!

台灣朋友話台灣除咗台北外, 每個地方都有佢哋特有嘅農作物, 我哋今次台灣環島遊一定要慢慢品嚐台灣農作物 。
推介項目: 拉拉山水蜜桃
參觀時段: 早上
評分: 值得去5  
大溪市場, 直行就係大溪老街
大溪市場, 直行就係大溪老街
大溪市場售賣物品價錢大眾化
大溪市場售賣物品價錢大眾化
大溪老街
大溪老街
舊樓已改成樓下做商舖, 樓上做住宅
舊樓已改成樓下做商舖, 樓上做住宅
以前大宅, 門牌都有英文架, 真摩登啊!
以前大宅, 門牌都有英文架, 真摩登啊!
大溪老街大部份商舖都係售賣各類小食為主
大溪老街大部份商舖都係售賣各類小食為主
老街另一邊
老街另一邊


去完兩蔣文化區,跟住就到大溪老街行街兼掃街。

我哋先行咗街巿,再又街巿進入老街。

大溪老街唔係好長,短短的兩旁舊樓已活化成商業及文化兼備嘅「商用民宅」,老街大部份商舖都係買食品, 令到成條街都好熱鬧, 食物香氣亦充滿著整條街呢!
參觀時段: 早上
評分: 值得去5  
自選鹵水豆腐拚盤, 好入味, 個汁好香濃
自選鹵水豆腐拚盤, 好入味, 個汁好香濃
呢間就係大溪出名食斎鹵水嘅小店, 真係名不虛傳
呢間就係大溪出名食斎鹵水嘅小店, 真係名不虛傳
好大個嘅蔥油餅, 又大又熱辣辣
好大個嘅蔥油餅, 又大又熱辣辣
手造麥芽糖, 100元/盒, 幾好味
手造麥芽糖, 100元/盒, 幾好味
芋粿巧, 好大件, 好重芋頭味。隔離嗰條腸係糯米造, 外型真係好似....
芋粿巧, 好大件, 好重芋頭味。隔離嗰條腸係糯米造, 外型真係好似....
有d後悔冇買黃糖鬆糕同呢兩款糕點, 又大又熱辣辣, 又唔貴
有d後悔冇買黃糖鬆糕同呢兩款糕點, 又大又熱辣辣, 又唔貴
黃大目係其中一間出名賣豆干, 我覺得呢間最好食, 所以咁多人幫襯
黃大目係其中一間出名賣豆干, 我覺得呢間最好食, 所以咁多人幫襯
廖心蘭亦係出名賣豆干, 但我覺得有黃大目咁好食
廖心蘭亦係出名賣豆干, 但我覺得有黃大目咁好食



一去大溪, 朋友馬上帶我哋去食全鎮出名嘅鹵水斎, 名字已忘記, 成間店係冇冷氣, 人頭擁擁, 完全坐無虛席, 梗係好食先至咁多人啦! 嚟大溪, 一定要去食呢間鹵水斎店呀!

大溪係出名豆干,豆干名店有兩間,分別係黃大目和廖心蘭。兩間都有幫襯,豆干口味都有好多款,如鹵水、芝麻油、麻辣等,亦有各種口味腐乳,最推介係黃大目嘅鹵水豆干,一包開封,一定食唔停。

大溪老街幾乎都係售賣食品, 亦係一條手信街, 完全可以係度買大溪出名嘅食品 。

後悔豆干買得少, 喺其他地方買唔番黃大目嘅鹵水豆干同芝麻油豆干, 可惜;

後悔糕點買得少, 怪責我哋個胃唔夠大, 樣樣食少少, 飽晒;

後悔生果買得少, 買幾款試完味, 又响第二處買唔番, 無奈!

 

 

參觀時段: 早上
評分: 值得去5  
梅菜干扣肉, 紅棗白飯, 紅棗饅頭
梅菜干扣肉, 紅棗白飯, 紅棗饅頭
出面熱辣辣, 飲杯凍紅棗茶, 消暑解渴, 爽!
出面熱辣辣, 飲杯凍紅棗茶, 消暑解渴, 爽!
洋蔥豬面青, 是涼菜, 兩樣材料配合得好, 爽脆好味!
洋蔥豬面青, 是涼菜, 兩樣材料配合得好, 爽脆好味!
豬油渣小炒, 好香呀!
豬油渣小炒, 好香呀!
紅棗醉雞, 係呢味唔太好, 雞唔夠入味, 酒香亦唔夠
紅棗醉雞, 係呢味唔太好, 雞唔夠入味, 酒香亦唔夠
棗莊餐廳門口, 好有中國農村特色
棗莊餐廳門口, 好有中國農村特色
餐廳內, 好寬敞
餐廳內, 好寬敞
紅棗芋頭糕, 芋頭自家種嘅, 濃, 甜, 香, 飽
紅棗芋頭糕, 芋頭自家種嘅, 濃, 甜, 香, 飽



離開桃園縣大溪老街, 朋友專程車我哋嚟苗栗縣棗莊, 此乃食特色私房客家菜, 兩點多就到達棗莊食午飯, 啱啱過咗午飯繁忙時間, 所以我哋等一陣就有位喇!

呢處唔屬於著名旅遊區, 所以外地遊客係冇, 只有本地台灣人士揸車去食飯; 我覺得棗莊好有台灣本土特色, 飯菜係台灣客家菜,  我哋所點嘅菜式都具備鄉土風味, 呢餐盛惠1100元台幣, 好值呀!

推介菜式: 紅棗茶
每人消費: 約275新台幣 (午餐)
評分: 味道5   服務5   環境5   衛生5   抵食5
公館棗莊 笑臉2012-10-09


棗莊除了有餐廳供客人食飯外, 莊周圍環境都唔錯, 棗莊內種咗好多佢哋嘅主題樹 - 紅棗樹。

喺門口擺攤檔賣當日新鮮所摘嘅紅棗, 每盒NT200, 新鮮紅棗味道與曬乾紅棗不同, 新鮮紅棗初摘時是綠色的, 莊員話過一段時間會變紅色的, 而味道不酸, 即摘即食,  爽脆清甜

其實棗莊不但有心思做私房客家茶, 喺餐廳同莊園布置都好有心思, 主題以舊時農民生活為主, 傢俱陳設雖舊, 經重新裝飾後, 別緻優雅 。
參觀時段: 下午
評分: 值得去5  
勝興車站是位在一個山凹之中
勝興車站是位在一個山凹之中
維修車剛巧經過
維修車剛巧經過
勝興車站的「台灣鐵路最高點」紀念碑
勝興車站的「台灣鐵路最高點」紀念碑
鐵路旁的coffe cafe'
鐵路旁的coffe cafe'
木造車站, 門口打造咗一個車長公仔
木造車站, 門口打造咗一個車長公仔
勝興老街, 好濃日本味啊!
勝興老街, 好濃日本味啊!
車站的另一邊
車站的另一邊
日式店舖, 可惜空置了
日式店舖, 可惜空置了


喺棗莊食完個遲來的午餐後, 又喺棗莊買咗些少手信, 又出發去搵食, 唸住去清安豆腐街, 好可惜我哋去到清安, 出名食豆腐嗰間豆腐店休息一星期裝修, 為有去另一景點 - 勝興車站, 沿路我哋都係跟住舊大黑雲走(落大雨), 好彩, 去到勝興只係落小雨,  大雨就係車上, 好天就落車玩, 好彩啊!



勝興車站係全台灣最高海拔嘅車站, 每日只有兩三班蒸氣火車行駛, 屬於台中舊山路線; 現在車站主要為觀光景點, 日式木造車站, 日冶味濃, 車站旁係勝興老街, 老街好短, 但都好有當地特色, 美食處處
評分: 值得去5  
飲擂茶 ok喇2012-10-09
勝興客棧, 出名食客家菜
勝興客棧, 出名食客家菜
客棧內一角
客棧內一角
碗入面有黑芝麻, 白芝麻, 花生同瓜子
碗入面有黑芝麻, 白芝麻, 花生同瓜子
大家輪流擂茶
大家輪流擂茶
加熱水, 黃糖粉, 綠荼粉等再擂滑
加熱水, 黃糖粉, 綠荼粉等再擂滑
分成4小碗, 加炒米飲, 可惜炒米稔嘅, d茶太甜, 飲唔慣
分成4小碗, 加炒米飲, 可惜炒米稔嘅, d茶太甜, 飲唔慣


勝興客棧出名客家菜, 但我哋唔食客家菜, 喺嚟飲擂茶 。

我嘅另一半係海豐人, 家鄉一樣飲擂茶, 佢哋主要有兩款: 菜茶同鹹茶, 都係鹹味 。

菜茶係最好味,  擂茶內有芝麻, 花生同茶葉, 擂好茶底, 加埋幾種蔬菜, 腊味, 蝦米, 炒米同原粒花生食; 而鹹茶就冇蔬菜腊味同蝦米; 由於做菜茶較複雜, 所以過年先至有得食, 平時就做鹹茶 。

今次嘅擂茶屬甜味, 店主先將黑芝麻, 白芝麻, 花生同瓜子放在磨碗內,  讓我哋輪流玩擂茶 。直至磨至混合物到滑身, 就加熱水, 黃糖粉, 綠茶粉, 再擂一陣, 便分成四小碗, 加炒米便成; 不過......嗰甜擂茶唔得, 最唔掂係炒米, 腍晒, 有益味, 另個茶太甜, 都係菜茶好味好多 。
推介菜式: 特色糕點
每人消費: 約62.5新台幣 (下午茶)
評分: 味道3   服務5   環境4   衛生4   抵食2
特式炸物 ok喇2012-10-09
一早已炸定, 揀好味道, 老闆娘就會再番炸, 然後加味粉
一早已炸定, 揀好味道, 老闆娘就會再番炸, 然後加味粉
台灣嘅電視台曾訪問老闆娘
台灣嘅電視台曾訪問老闆娘


喺勝興客棧玩完飲完一碗甜擂茶, 走出客棧向左望, 就見到有一小攤檔賣炸物, 又走去試吓!

炸物主要材料係地瓜同薯仔, 有幾種口味, 一係加辣粉, 另一係加孜然粉, 仲有係加沙糖含椒鹽粉, 我哋冇要辣味, 要咗NT100地瓜同薯仔, 味道ok啦, 不過不失, 但一定要熱食,  唔係就會腍夾更油,
不然掉了它吧!
推介項目: 炸地瓜
參觀時段: 晚間
入場價錢: 每人100新台幣
評分: 值得去4  
夜夜食飽 笑臉2012-10-09
後悔買咗呢個甜筒比薩, 比佢塞飽咗個胃, 令到食得唔多嘢, NT65
後悔買咗呢個甜筒比薩, 比佢塞飽咗個胃, 令到食得唔多嘢, NT65
買咗兩串帶子, 每串5粒, NT40/串, 幾好味
買咗兩串帶子, 每串5粒, NT40/串, 幾好味
軟雪糕, 好似拉得好長, 其實過兩間店仲拉得長
軟雪糕, 好似拉得好長, 其實過兩間店仲拉得長
叫咗兩碗, 都唔錯
叫咗兩碗, 都唔錯
呢碗有白蘿蔔, 未腍, 豆腐, 黑輪同生菜包都唔錯
呢碗有白蘿蔔, 未腍, 豆腐, 黑輪同生菜包都唔錯
見呢間鹵水咁多人排隊買, 咪排埋一份, 可惜.....
見呢間鹵水咁多人排隊買, 咪排埋一份, 可惜.....
鹵水唔夠入味, 都唔平架, 叫咗鴨舌豆干鴨腎, NT250
鹵水唔夠入味, 都唔平架, 叫咗鴨舌豆干鴨腎, NT250
鴨卷, 有d似北京填鴨, 不過不失, NT25, 唔算貴
鴨卷, 有d似北京填鴨, 不過不失, NT25, 唔算貴


由勝興車站到台中, 一路都係跟住舊黑雲, 行雷閃電, 一路在公路上行走, 一路d閃電喺左右隔離閃來閃去, 真係好驚, 就因為咁, 公路上有交通意外, 所以塞車塞咗兩個幾鐘至到台中。

去到台中都7:30 pm, 即刻去今晚所住嘅地方check in, 然後馬上去逢甲夜市掃街。

真好彩, 冇落雨, 逢甲夜市規模都幾大, 有嘢食, 有嘢買, 好啱年青人嚟食買睇, 我真係睇到眼花, 港童就係度掃貨買手信比同學, 我就負責比錢, 另一半就同朋友搵食。

呢度真係有好多花款嘢食, 不過都好多double檔, 我哋都係行到邊, 食到邊, 鍾意食咩就買, 全冇跟書上網上所推薦嘅去食, 都滿意囉!

入場價錢: 每人220新台幣
評分: 值得去5  
平正住宿 笑臉2012-10-09
3張床, 大家都訓得好舒服
3張床, 大家都訓得好舒服
基本設備都有, 嗰窗係露台
基本設備都有, 嗰窗係露台
房間外走廊, 有架冷熱水機, 裝修停留在70年代後期
房間外走廊, 有架冷熱水機, 裝修停留在70年代後期
合作社大堂, wifi唔錯, 幾快, 裝修就停留在60年代末期
合作社大堂, wifi唔錯, 幾快, 裝修就停留在60年代末期
房間冇wifi, 我哋都係坐喺呢度上網
房間冇wifi, 我哋都係坐喺呢度上網
台灣合作社聯合社台中會館門口
台灣合作社聯合社台中會館門口
呢度冇外國人住, 全部台灣本地人住宿
呢度冇外國人住, 全部台灣本地人住宿


由於22/07/2012正值週末(星期六), 台灣各地嘅住宿都較貴, 而且係暑假添, 經台灣朋友思索, 佢提議去呢間合作社住, 4人房, NT1500/晚, 好抵呀!

起初真係冇咩期望, 上網睇, 好似間學校咁, 好似幾舊添, 但沒法, d房價真係幾貴, 又要平衡番d旅費, 所以冇理港童同另一半點唸, 都去馬算喇!

哈! 去到又唔係太差, 嗰Lobby雖然舊d, 但上網好快, 間房雖然亦舊d, 但當可接受, 有兩張3呎半單人床同一張5呎雙人床, 張床都幾好訓; 一切基本設備都有, 奶茶咖啡, 風筒即用毛巾牙刷等都有供應, 港童都話OK, 當然得啦!

每晚價錢: 1500新台幣 (多人房)
其他消費: 唔包早餐
評分: 設備4   服務4   環境3   衛生3   抵住5
  0 個留言    |  加入你的留言