早上十一點半前，酒店為我地預訂o既巴士已經喺門口等緊我地。帶上白色手套o既司機叔叔非常有禮地向我地十個人鞠躬問好，並為我地續一安放好共二十多件行李上車。見司機叔叔以英語同我地對答頗有困難，XO仔就自薦同佢以簡單o既日語溝通，仲乘機坐上車頭；得悉唔洗講太多英文，叔叔當堂輕鬆哂，其感激之情亦全寫於面上，更一邊開車，一邊向我地介紹沿途o既不同地標。我地當日架巴士由酒店出發，到橫濱「大さん」橋郵輪碼頭，只係遇上輕微o既擠塞，全程都係個幾鐘頭，收費為35,000日元+ 900日元稅，一切順順利利，團友們都覺得價錢合理！

我地架巴士一到達橫濱「大さん橋」郵輪碼頭o既落客區，已經有幾位臉帶笑容o既哥哥姐姐帶埋推車黎迎接我地，並幫忙搬運又大又細o既行李，其中有兩位更可用流利o既國語溝通，團友們都覺得深受歡迎！不收小費o既服務生不但帶領客人辦理手續，而且仲一直陪同客人，直到Crystal收妥所有行李為止，服務細心周到。

「大さん橋」碼頭圍繞住大堂有幾間商店，中央設有服務中心，旅客可免費索取不同資料，如不同巴士路線之詳情，購物指南，地圖，postcards，旅遊wifi咭等，所有工作人員除咗友善，亦好樂於助人。碼頭上層為觀光層，遊客可24小時觀看橫濱海岸景色；嘻嘻，小肥同哥哥都有走上去玩，仲拍下多張相片，細佬覺得最靚都係郵輪Crystal Serenity張夜照。

橫濱市政府非常好客，特別喺「大さん橋」碼頭提供免費穿梭巴士服務，由早上八點半到傍晚六點半，接送郵輪搭客來回橫濱市中心；車程約二十分鐘，每半個鐘頭一班。最感動就係橫濱市政府更派人駐守橫濱市中心及「大さん橋」碼頭兩個站作嚮導。

闊別兩年，Crystal Dining Room依然高雅潔亮，豪華舒適，而且仍不失嗰種好似置身於屋企o既溫暖感。肥肥家族對Crystal郵輪其中一個最深刻o既印象就係其超級和藹可親、幽默灰諧o既船員，尤其係餐廳入面o既各級人員，即我地所感受到o既溫暖感之泉源。今次我地十個人被分成兩長枱，每張枱都有兩位服務生，即係話我地共有四位；佢地分別係名網球星祖高域o既同鄉Zoran，英國代表Lloyd，來自Croatia的Angela 及Zdravko。因為幾位姨媽姨丈們將於數月後前往Croatia觀光旅遊，得悉Angela，Zdravko及Zoran母語同為Serbo-Croatian時，XO仔就好學地叫佢地每日教一兩句常用o既字句，好等姨媽姨丈們去到Croatia都可以對答兩嘴（真係用心良苦！）；三位老師二話不說就開始授徒，第一課為 “Dobar Dan”，即「午安」！

Crystal Serenity上o既膳食出名質高又美味，兩年前喺歐洲同兩年後喺日本，水準仍能保持高超，真係難得：

廚師推介之“Ebi Mayo” – Japanese Style Fried Shrimp Tossed in a Creamy Honey Sauce： 炸蝦細細隻，一口一隻易入口，外層o既炸皮香脆，內層o既蝦肉爽口彈牙，配上甜甜o既忌廉蜜糖醬更覺香甜野味！

廚師推介之Cream of Zucchini with Parsley-Lemon Pesto & Whole Wheat Croutons：忌廉湯一啲都唔溜，味道又唔會話好齋，當中o既香草檸檬味輕輕刺激味蕾，飲落幾醒神！

Spaghetti Pasta – Bolognese Sauce & Parmesan：記得Crystal每日都會烹調出不同款色o既意大利粉，當日o既肉醬意粉其實係小肥由細到大都好鍾意食o既其中一款，當然係唔會錯過啦！意粉彈牙，肉醬味香甜又夠肉，食得細佬好滿足。

Ice-Cream Sundae "Mint Julip" - Mint Chocolate Chip Ice-cream：自從驗出有脂肪肝，XO仔已經停咗冇食雪糕，不過既然自己放緊假，理應放開懷抱，盡情享受，所以就決定比自己任性一次，喺Crystal郵輪上大喝大吃！小肥最愛吃薄荷朱古力脆脆雪糕，仲要加忌廉，清新香甜滑溜，正呀！

今次Crystal Serenity東瀛遊每間附陽台廂房原價每位為USD 15,490，因為我地於推廣期內購票，除咗可即享買一送一之外，更可額外慳USD 1,000！此外，所有舊搭客亦可享有Crystal家族折扣，如於出發前指定日期內全數付清又再加奬賞，結果我地每人大約比咗USD 6,000，船上o既所有食物，酒水，服務費等全包，同我地去歐洲時差不多，不過旅程最抵就係唔洗買機票返香港，因為郵輪o既終站就係香港！

仔亦深感安慰！

因為我地會喺横濱停留兩日，上船當日食完午餐又只剩餘兩個多小時活動時間，所以團友們都同意先坐橫濱市政府所提供免費穿梭巴士服務，到横濱市中心o既Sogo行街，第二日先到其他景點暢遊。

同兩年前遊歐洲時一樣，上船第一個晚餐名為“Bon Voyage Dinner”，用o既同樣都係嗰套橙色o既Bon Voyage餐具，感覺一啲都唔陌生，環境格調仍依舊高雅舒適。唯一不同之處就係親切o既服務生同時化身成為語文老師，每次見面都會有新課題，每餐最少會教XO仔一個新語句，當晚就學咗句“Dobar Vecher”，即“Good Evening”。

如上文提到，我地喺Crystal Serenity郵輪上o既所有膳食餐飲都已經係比哂錢，就連小費都包埋，所以小肥點食物時都唔會話特別留力，不過第一晚可以話係整個旅程中最保守o既一日啦，因為頭盤、主菜、甜品都只係各選一：

Today’s Drink Special - “Rising Sun”（Gordon’s Gin, Orange Curacao, Angostura Bitters, Fresh Orange Juice, Fresh Lemon Sour & Soda Water）：以橙汁為主材o既雞尾酒外表猶如太陽升起時那麼橙黃艷麗，而味道亦如陽光般清新醒神，個名真係改得非常貼切！

廚師推介之Crab Chowder – Sweet Corn, Butternut Squash & Peas：蟹肉同粟米乃crab chowder之精髓，兩者香甜濃郁，無得彈！

Pork “Tonkatsu” – Panko Crusted, Crisp Fried Pork Cutlet, Traditional Garnish, Japanese Rice & Tonkatsu Sauce：小肥喺Crystal Dining Room食過咁多餐真係從未投訴過食物唔好食，不過今次真係對個炸豬扒有少少失望！雖然豬扒夠薄，但係就一啲肥都冇，故此肉質偏乾偏嚡，整體唔夠鬆化。

廚師推介之Nougatine – Nougat Mousse w/ Simple Vanilla Yogurt：Nougatine外層為薄薄o既朱古力脆，內層為香滑o既nougat mousse，配上簡單o既雲尼拿乳酪，可令本身頗甜o既nougat mousse更加易入口，感覺冇咁溜。

唔知係落雪o既關係，亦或係週末o既關係呢，嗰朝早無論喺街道上，亦或喺地鐡上，人流都少之又少，就連平時門口排長龍o既美登利壽司店都冇人企喺門口，真係有種杳無人煙o既感覺。

雖然街上冇乜人，但係原來壽司店內已經差不多爆滿，嘻嘻，好在咁啱有三張吉枱，剛剛好比我地十一個人坐哂。闊別四年，美登利壽司店外貌同以前一樣，無論係室內裝修、枱櫈、餐具等，毫無陳舊feel，衛生依然，而且人氣似乎亦冇減弱，因為我地坐低冇耐，門口已經排滿哂人，走時仲打哂蛇餅添。

店舖冇乜改變，不過識講國語o既妹妹仔就唔見咗，溝通變咗主要用日文。食物方面，因季節同上一次唔同，壽司店所推介o既食品及其提供o既精選套餐亦有所不同：

旬特選Nigiri（季節週末套餐，2,625日元）：哥哥位靚女朋友極力推介，所以我地三個人叫咗一份黎分。套餐除咗有多款壽司外，每客亦包有一碗美登利獨有o既名菜「迷你蟹肉味噌沙律」（Mini Kani Miso Salad）、一碗迷你燉蛋、豆腐、及醃蘿蔔；當中「迷你蟹肉味噌沙律」真係名不虛傳，蟹肉鮮甜，配上味噌醬同時又覺野味，沙律頓時變得既清新又香濃！美登利絕不吝嗇，套餐o既壽司種類並非平野，更有大拖羅、中拖羅、海膽等貴價貨，只售2,625日元真係抵到爛呀！

間八刺身（Kanpachi）：靚女姐姐話間八正正係當做期，依段時間食可稱得上最為肥美。間八刺身貌似油甘魚，味道亦頗為相近；個人覺得間八冇咁溜，口感較為爽口彈牙，清麗脫俗，果然冇介紹錯！

精選金槍魚片拼盤（2,940日元）：餐牌例明，此拼盤選用「極上」金槍魚，即吞拿魚，握製兩款壽司及一款吞拿魚碎卷，連湯同燉蛋。如相所示，葱花吞拿魚碎卷色澤鮮亮，味道更加係鮮甜香脆；兩款壽司亦不弱，又長又美味，而且魚油充足，超正！

燒鱈場蟹：我地一坐埋位，服務生就立刻推介，話今朝早新鮮來貨，但只剩兩客，團友中多位係「蟹痴」，當然係要哂啦！蟹痴們評語為：「蟹肉鮮甜幼嫩，比起香港所食到o既美味得多，最重要係價錢平成三分之二，三個字講哂：平、靚、正！」

肥肥家族已經係第二次黎美登利壽司專門店用膳，雖然兩次所食o既魚生款色不同，不過美登利所選用o既魚材新鮮，提供o既食物全為高質，每次都食得咁開心、咁滿足！就連第一次黎o既兩位靚女auntie都話想臨走前再返黎食多餐呀！

Mieko Uesako係日本名設計師，所設計o既衣物配備大多適合高爾夫球員，其中最為有名o既系列全以狗狗做主題。多年前，媽咪同幾位姨媽們去澳門遊玩，行街時見到此系列o既狗仔T-shirt，覺得其設計可愛，衣物質料高級軟熟，就立即愛上依個品牌。

今次我地出發黎日本前三個月，靚靚媽咪同幾位姨媽已經落定order，要小肥搵出品牌o既銷售處，仲話無論如何都要去Mieko Uesako啱啱新開不到半年o既旗艦店度添！所謂旗艦店原來地方都唔算係好大，不過班女士們都可以逗留成兩個鐘，真係幾誇張；哈，又好在佢地揀咗咁耐，因為到佢地差不多準備比錢o既時候，設計師老闆娘突然帶埋仔仔及其靈感愛犬出現。Uesako女士一啲架子都冇，仲好客氣地同大家影相傾計（由佢仔仔代為翻譯），可以話係我地臨走前o既意外收穫。

四年前黎日本睇櫻花時，除咗食過令人回味無窮o既美登利壽司之外，大家亦對Toshi Yoroizuka甜品店o既Egg Soufflé念念不忘，故今次重臨東京，各人都想再次品嚐。

甜品屋內外都冇乜改變，地方依然光鮮企理，門口條龍一樣咁長，我地十一個人大約三點半開始排隊，結果要等成大半個鐘先有得續一入座，最後入去o既小肥同姨丈就等足一個鐘添。座位圍繞住o既開放式廚房入面除咗幾位年輕師傅仔外，最令團友們驚喜o既就係見到名廚老闆Toshi Yoroizuka先生企喺中央烹調甜品！比起剛剛巧遇嗰位名設計師老闆娘Uesako女士，Yoroizuka先生態度就較為囂張啦，對於不懂日語溝通o既團友們更加係不偢不睬，不甚友善！

打開餐牌，發現Egg Soufflé唔見咗，當堂唔知食乜好，唯有叫咗一客朱古力口味o既糕點及一客法國名甜品Tarte Tatin同姨丈分：

Amuse Bouche：每位客人上座，姐姐仔隨即送上一杯開心果甜湯作餐前小點。開心果甜湯味道偏苦，食完小肥唔多覺開胃囉！

Dessert Ecuardo Chocolat（1,400日元）：此乃餐牌中唯一一款朱古力甜品，亦係Yoroizuka先生負責所炮製，味道有少少過甜，但總算香滑。似乎名廚都有失手o既一刻，因為其中二姨丈嗰客朱古力甜品未上枱前，嗰件應該樹立o既香蕉突然倒下，橫訓喺碟上，師傅仔只好硬著頭皮拎返比大廚執手尾；大廚玩咗一輪後，雖然件細咗o既香蕉企返起身，不過大家o既食慾亦相對地減咗一截。

Tarte Tatin（1,200日元）：由蘋果批演變出黎o既法國名甜品Tarte Tatin味道冇朱古力嗰款咁甜咁過火，面層塊蘋果幾清香，不過XO仔就嫌其底層嗰批偏腍，唔夠香脆。

先生助陣，代客之道卻不大如前，佢

美味，下次再黎日本應該無緣再臨。

女團友們都愛買精品衣物，中肥哥哥卻愛行書店，但小肥就鍾情睇食物；得知XO仔對甜品超感興趣，靚女姐姐就介紹細佬入Midtown商場B1層一間甜點專門店pâtisserie Sadaharu AOKI paris。據說，Aoki（青木）先生係Toshi Yoroizuka先生其中一位徒弟，主要賣法式甜品及西餅，係日本OL近期超人氣商店之一，以店內獨有o既Chocoron最為聞名！

Pâtisserie Sadaharu AOKI paris店舖光鮮潔亮，陳列企理吸引，服務生亦會主動推介及講解食品，友善好客，行入去o既第一刻已經覺得自己係一位尊貴o既客戶。為咗要了解及認清靚女們o既口味，XO仔當然係好潮地買咗兩盒七彩Chocorons同團友們分啦！店舖擠滿哂人，好在收銀小姐同負責包裝嗰位姐姐仔夠默契，效率高，顧客唔洗等好耐就攪掂。細佬所買o既Chocoron禮盒為六件裝，每盒3,565日元，保存期例明為21天：

Chocoron Citron：六個唔同口味中以黃色o既Chocoron Citron最酸，因檸檬味濃，但好在又不失朱古力o既甜味，絕對值得一試。

Chocoron Macha：綠色o既Chocoron Macha抹茶味清香，食落好有法日fushion feel。

Chocoron Chocolat：深啡色o既Chocoron Chocolat朱古力香甜濃郁，但個人覺得酸味嗰幾款更為有特色。

Chocoron Framboise：鮮紅色o既Chocoron Framboise果味酸甜得黎幾清新，食完有種特如其來o既心花怒放感，係三款酸味chocorons當中最易入口o既一味！

Chocoron Café：淺啡色o既Chocoron Café甜中帶苦，好似食緊一杯mocha咖啡落肚咁。

Chocoron Cassis：紫紅色o既Chocoron Cassis酸得黎有種好純好高貴o既感覺，好難用字句黎描繪。

六款中，小肥like哂三種以酸味調製o既黃色Chocoron Citron，鮮紅色Chocoron Framboise及紫紅色Chocoron Cassis，亦在此誠意推介！每盒3,565日元，即約600日元一粒，一啲都唔平，不過香港食唔到，口味獨特，試完一粒後覺得啱feel的話，不妨買黎做手信，一定唔會失禮！

記得讀書時代成日睇日劇，男主角收工後總愛流連居酒屋一邊飲酒煲煙，一邊吹水聯誼。因為團友們黎過日本咁多次都未有一個入過一間居酒屋，小肥亦一即渴望感受一吓居酒屋o既氣氛，所以就特地叫班日藉朋友們推薦一間，等大家可以體驗一翻！

大學同學仔所推介o既「朝日食堂」地點好隱蔽，當日我地雖然有日本地膽靚女姐姐帶路，但係都要喺條街度徘徊咗好耐先搵到間餐室。居酒屋就有如日劇中所見，正門為趟門，店舖中央有個吧形開放式廚房，食客可圍繞廚房坐吧櫈，亦可以揀坐旁邊o既卡位散座，我地十個人就只可以坐正門旁o既一張大枱；座位全位高櫈，年長o既食客上座極有難度。食客主要係年輕o既一輩，所以行入黎都會不由自主地望一望我地枱中o既六、七旬長輩。

入到居酒屋，小肥就馬上同鬍鬚哥哥以日語打招呼，並先指聲明講團友中只有細佬可用有限o既日語同佢溝通，所以好多時會需要佢多作說明，希望佢多多包含及諒解。鬍鬚哥哥非常客氣地話感激我可以唔洗佢用英語，仲話其實大家用手語及漢字加以配合應該唔會有太大問題，XO仔即時放鬆咗好多！

鬍鬚哥哥真係細心，比餐牌我地睇時不忘送上兩份英文版比大家參考，佢話如果大家第一次黎食，最好就係先揀選佢地用橙色螢光筆油咗嗰幾款食品，因全為店內最人氣之菜式，我地當然係聽取提議，先叫各款人氣佳餚啦！

是日推介之八爪魚刺身（480日元）：生食八爪魚唔係好多人啱食，不過入口其實同魷魚刺身相近，爽脆滑溜，個人覺得八爪魚刺身比起熟咗o既八爪魚更為美味，每客只售480日元，認真超值！

是日推介之油甘魚刺身（480日元）：油甘魚鮮甜、肥美、魚油足，每客有四件，480日元，真係抵食到暈呀！

是日推介之「炙りしめ鯖」，即火焰Mesaba刺身（480日元）：即叫即切，鬍鬚哥哥負責喺食客面前即燒；睇住佢以熟練o既手藝邊燒邊加檸檬汁，我地食得真係好過隱！半生熟o既鯖魚肉質爽嫩，皮層香脆，魚味鮮甜，輕輕以檸檬汁點綴，效果非常清新！

人氣推介之「チーズ豆腐」，芝士豆腐（480日元）：起初大家對此味芝士豆腐不太感興趣，決定不如先叫一客，有人食過好食先加碼啦；哈，點知，食完一碟唔夠喉，大家最後加咗兩客！芝士豆腐連麵包上，唔講真係唔係好食得出個碗醬係由芝士同豆腐攪拌而成，只係覺得用黎加上麵包面o既醬滑溜香甜，幾得意。

人氣推介之Avocado Fry，炸牛油果（580日元）：炸牛油果外層香脆，內層嫩滑，加上伴碟o既吞拿魚芥辣忌廉秘醬食落好野味。

茄子餃子（580日元）：所謂茄子餃子（Nasu Gyoza）原來係我地中國人o既「釀茄子」。據鬍鬚哥哥所講，佢地所煮製o既茄子餃子係先燒後炸，所以做出黎先能夠外皮同內餡都同樣香脆。

人氣推介之芝士春卷（580日元）：春卷香脆，芝士味香滑濃郁，嘩，原來用芝士黎做炸春卷係咁好食架！

人氣推介之「地鶏焼き」，即燒地雞（1,480日元）：地雞日語拼音為Jidori，朝日食堂所燒出黎o既地雞毫不肥膩，皮脆肉嫩，肉食者一定要試！

我地其實嗰日仲食咗好多其他小碟，如生牛肉、枝豆、雞翼、炸豆腐、炒雜菜等，不過因為我地喺香港都食得到，又唔係話超級特別，所以XO仔決定唔喺度續一介紹啦，如果大家有意試「朝日食堂」，個人會推介以上食品，唔夠先叫其他菜式。

既句號，真係好多謝貴子同學咁好介紹！

我地喺東京凱悅酒店訂嗰幾間房，全部都可享用設於酒店九樓o既Hyatt Regency Club所提供o既餐飲同wifi配套；如果住客想邀請朋友一同於club內用膳或飲野，必先同服務生登記及付款。Hyatt Regency Club地方寬敞舒適，分開四方形木枱區域以方便攜帶電腦o既住客，及氣氛較輕鬆、設有數張長梳化櫈o既偏聽區域，望出窗可清楚睇見路面交通情況。當日落緊初雪，街道舖上一層薄薄o既白雪，同時又可以睇到雪花喺空中漂浮，團友們都讚嘆不已！

每朝六點半至十點，住客可於club內進食自助式早餐，自助餐包括多款麵包、水果、果汁、粥、乳酪等選擇，熱食有兩種，當中必定有一款係蛋造o既，款式每天不同，食物味道及質素都唔錯。Club內有部自助咖啡機，操作方便簡易，咖啡味道亦不俗。服務生會不時添置食物，但可能客人人數多，佢地就未能盡快清理枱上不潔o既餐具，新o既客人黎到，大多數都要等一陣先有個乾淨位坐。

小肥因為好耐冇睇過雪，食早餐時居然掛住影雪而忘記咗拍攝食物，真係對唔住各位讀者！

因東京朝早已經落緊雪，團友們都擔心如果越區遊玩，回程時可能會偶到交通問題，所以想盡量留喺新宿，哥哥位日藉靚女朋友介紹我地喺新宿高島屋百貨公司最頂嗰三層o既“Restaurant Park”覓食。Restaurant Park內有成三十五間餐廳，有不同國家o既料理，有平有貴，其網頁內更附有中、英、韓文簡介（http://www.restaurants-park.jp/language/#page=1）；我地黎日本玩，當然係挑選和食啦，結果就揀咗間日式炸豬扒かつくら（Katsukura）。

據悉，Katsukura係一家炸豬扒專門店，源自日本京都，但就只限於依間新宿分店內提供「桃園豬扒」。平時午飯時間，Katsukura門口必定排哂長龍，故餐廳門口設有長櫈，以供食客等位時坐；咁啱我地去嗰日落雪，高島屋內人流少咗好多，炸豬扒店一啲都唔滿，我地一行十人唔洗等位，仲可以坐喺開放式廚房旁o既吧枱度。我地所坐o既吧枱櫈唔算太高，長輩們上落都冇乜問題，女士們尤其欣賞櫈底有嗰籃比佢地擺放手袋同大衣。吧枱簡潔衛生，桌上有多款醬油、餡菜及餐紙；姐姐仔雖然不太懂中文或英語，但眼見我地班大鄉里唔多識講日文，又唔係好識用桌上o既配料，就主動呈上多份中文餐牌及醬油說明以供參考，大家都大為感動！

既然知道Katsukura只係喺此間分店內提供「炸桃園豬扒」，我地每兩個人都叫咗一份「桃園豬炸外脊肉套餐」（1,980日元120g；2,700日元170g；3,180日元200g）及「桃園豬炸里脊肉套餐」（2,180日元120g；2,880日元170g；3,300日元200g）黎分，每款套餐都包咗前菜、醬汁、白飯、湯。前菜可選豆腐或蘿蔔，個人唔係好鍾意食豆腐，所以揀咗蘿蔔；日本料理中o既蘿蔔好有保證，Katsukura嗰個亦不例外，非常爽脆開胃。主角炸豬扒果然名不虛傳，外層o既炸皮香脆鬆化；兩款豬扒當中，個人喜歡肥膏多啲嗰款，因鎖住肉汁o既豬扒更為鬆軟，可惜小弟唔記得邊款桃園豬扒肥啲，不過服務生絕對可以為食客指出。

既幾位男士們就覺得早一晚

喺新宿高島屋o既美食廣場“Restaurant Park”度食完晏，團友們都非常雀躍地要行街購物。雖然我地有成十個人，各人o既喜好亦有所不同，不過高島屋入面有好多舖頭都適合哂我地咁多個人，例如運動層、Uniqlo、Tokyu Hands等。團員中以大肥爸爸及Auntie M買野買得最開心；爸爸一再叮囑細佬要喺openrice個平台上推介店內所賣o既加加加大碼睡衣，因為睡衣全為外國牌子，但就製於日本，而且絕不出口，即係話只可以喺日本買得到，最重要係棉質超靚勁噤，著完包保唔會再著第二個牌子咁話，大家要留意一點，就係千奇唔好買束手束腳嗰啲款，因為大肥話就算係加加加大碼，嗰束位都會唔舒服wor！

喺日本買野，每次超過10,001日元就可以申請退稅，食物、化妝品、藥物等除外。喺高島屋購物完，辦理退稅非常簡易快捷，只要購物當日晚上八點前，去其設於二樓o既退稅櫃檯，出示護照及所有單據，服務員就會幫你結算，立即退錢；雖然高島屋係會收取手續費，但係都會有份禮物送返比顧客。請留意，喺商店如Uniqlo度買係唔會享有退稅，而商店如Tokyu Hands則有自己o既退稅櫃檯。

正當XO仔去辦理退稅時，團友們就落咗去底層o既超市度買魚生返酒店做下午茶。啲魚生價廉物美，新鮮肥美，食完大家都後悔買得太少！

晚餐原本訂咗位出去食天婦羅，無奈因大雪影響到交通，我地就算可以離開酒店，食完飯都未必搵到車返酒店，所以最終去咗酒店個coffee shop度進膳。

其實上一次入住東京凱悅酒店時都已經黎過個酒店間coffee shop，不過嗰陣時只係食房間包咗o既自助式早餐。事隔四年，咖啡室冇乜大改變，地方依舊寬闊整潔，皮櫈又大又舒適，唯一唔同o既就係啲燈光好似暗咗少少。

喺酒店工作，識講英文唔出奇，不過負責招呼我地嗰位高高瘦瘦o既美少女，居然可以用流利o既普通話同我地溝通，大家都嚇咗一跳囉！佢雖然口講普通話，但絕對不失傳統日本人o既氣質及禮貌。

因為我地喺九樓個Hyatt Regency Club度已經享用咗多款小食及酒品，所以都唔係話十分肚餓。喺coffee shop度，團友們有幾位只食沙律，有位淨飲湯，有兩位就分咗份主菜，而小肥就叫咗個Hamburger Steak w/ Mozzarella & Demi-glace Sauce（2,500日元）。此味漢堡扒係日式西餐中較普遍o既一款，另上o既醬汁味道帶甜，肉質鬆軟，做得好合格，價錢亦屬正常酒店價。

為咗要避開香港日本兩地o既週五交通繁忙時間，大肥爸爸同哥哥特別揀選乘搭國泰航空早上8:45起飛o既CX 548班機，前往人流較少，而且離Hyatt Regency較近o既東京羽田機場。
 

國泰航空o既地勤好友善，除咗幫我地辦理登機手續同安排媽媽一早預訂o既輪椅之外，佢地都好樂意為我地同行o既兩位團友加多兩張輪椅。雖然結果要等成半個鐘，不過負責推輪椅o既嬸嬸態度極佳，而且往閘口路程實在遙遠，大家覺得都好值得。

因為實在太早起身出發，所以飛機未起飛小肥已經訓著咗，到起身時亦過咗派飛機餐o既時間，小肥唯有食空中小姐叮翻熱o既雞粥黎充飢。雞粥屬和暖，不過就有陣燶味，估計因翻叮所引致；雞肉全為白肉，質感嚡嚡地。雖然小弟喺機上清醒時間不多，不過都覺得空中小姐們比較懶惰，唔按鈕係絕對見唔到佢地o既蹤影囉！

除咗清晨五點鐘食過早餐之外，我地一行六人整個上午都只喺食過國泰嗰份唔多夠飽o既飛機餐，所以我地喺酒店一搞掂好check-in手續就立刻坐酒店巴士去附近o既新宿小田急百貨覓食。因為實在太肚餓，而且天氣頗涷，團友們好想食碗熱烏冬，我地就上百貨公司樓上餐廳層，求其揀咗一間叫「大志滿」o既日本料理醫肚。

「大志滿」o既室內裝修，餐具碗碟以及服務生o既一身和服打扮都好有傳統日本feel。餐廳地方頗為闊落，座位與座位間以屏風分隔，人多都完全唔會好嘈吵，大家都覺得好舒適；如果客人有要求，餐廳亦有四人、八人、廿四人房，不過就有額外收費。

打開餐牌先發現原來「大志滿」主打懷石料理，不過好在餐廳亦有提供其他粥、麵、炸物等，唔係恐怕大家可能要食魚精之類o既傳統懷石料理食品。穿著和服o既姐姐仔不太明白英語，幸好小肥略懂日文，所以對答都由小肥負責；雖然細佬啲日文真係有限公司，不過都勉強溝通得到，亦足以令同行o既契姨媽大吃一驚呀，嘻嘻，當然係「驚喜」個「驚」啦！和服姐姐非常有禮，雖則我地只係叫咗一份懷石套餐，及幾客粥同烏冬黎分，姐姐並未因此而改變或作出藐視等態度，真係好專業！

我地一落完單，和服姐姐隨即為各人送上一細杯桃酒（因為聽見「momo」，所以知道係桃酒，而並非梅酒），大家都幾意外。冰涷o既桃酒甜甜地，媽咪尤其欣賞杯中o既梅肉，話好開胃醒神！我地叫o既雞雑炊（即雞粥）同熱烏冬都好快上枱，兩味都好夠熱，味道好夠清，隨粥附送o既蘿蔔又好爽甜，暖胃得大家都好滿足！埋單每人約1,500日圓，喺日本食野，價錢唔算貴架啦！

「大志滿」環境舒適衛生，服務及食材同樣高質，價錢合理，團友們都好滿意！

我地四年前黎東京時已經住過「東京凱悅酒店」（Hyatt Regency Tokyo），當時對酒店o既房間、設施、配備、服務、膳食等各方面都好滿意，加上大家對酒店附近o既地區都頗為熟識，所以今次重臨東京，我地再一次入住凱悅酒店。

凱悅酒店其中一個賣點就係其免費來回新宿站o既巴士服務，客人可方便地前往新宿站附近o既商店、百貨公司，如小田急及高島屋，更可容易地轉搭地鐡去其他地區。巴士準時，車長有禮，落雪都冇問題，真係安排得好好！

記得上次黎凱悅酒店時，早餐服務係喺大堂升降機旁o既coffee shop進行。四年後o既今次就唔同咗，酒店喺九樓增設咗個Hyatt Regency Club，客人除咗可以朝早6:30-10:00喺club內享用早餐之外，6:30am-10pm亦可隨時飲用咖啡、汽水、果汁等，Happy Hour 6:00-8:00pm更可嘆番幾杯，仲有多款小食送酒添，其中包括麵包、魚生、生果杯、蛋糕、薯片等，睇相都知豐富呀！哈，唔洗諗，下一次再黎日本都一定會再住凱悅酒店！

我地喺東京第一晚，因為預咗要成八點，團友們先會到齊酒店集合，所以一早就已經諗定喺附近一家牛脷專門店Negishi度食晚餐。Negishi係牛脷快餐連鎖店，淨係喺新宿都有九間分店，凱悅酒店鄰近都有兩間，我地當然係去較近嗰間啦，慢速步行都只係約十分鐘左右。

話明係快餐店，喺Negishi食飯當然係要搭枱啦；雖然有長枱，不過我地一行十一人都要分開坐。服務方面，XO仔覺得以快餐店黎講可算為正常，不過以日本人水準黎講就只屬一般。

Negishi所提供o既牛脷，有厚有薄；雖則話係牛脷專門店，不過如果團友中有人唔食牛脷唔緊要，餐廳亦有咖哩、普通牛肉、豬肉等食品。我地十一個人每人叫咗一份套餐，每份都有飯、有湯、有菜，好完整。如相所示，套餐入面有一碗疑以醬汁o既橙黃色汁液，經哥哥位靚女朋友解釋過後，大家先知原來嗰碗係山藥（yam）攪拌而成o既「山藥醬」。個山藥醬濕濕滑滑，漿漿地，幾得意，雖則個醬已經調咗味，不過好多食客都會再加豉油；眼見靚女姐姐將山藥醬撈入白飯，連同牛脷一齊食，小肥當然係抄足黎食啦！小肥同姨丈每人叫咗嗰份「白たん厚切四枚（八切）しろ4セット」套餐，餐牌上註明每份熱量為780kcal，大家覺得都唔算過份，食得好放心。厚切牛脷每片都咁爽脆，而且又軟又多汁，配上野味o既咸菜，濕滑o既山藥醬，同熱辣辣o既白飯，真係好正；每客1,820日圓，美味、飽肚、又暖胃，個人覺得價錢絕對可以接受！

此外，Negishi亦有做外賣，門口有小冊子介紹訂購方法，包括以電話、傳真、手提電話及互聯網，送禮自用兩相宜。

哥哥個日籍靚女朋友真係非常客氣，除咗免費做我地喺東京o既導遊同「人肉GPS」，帶我地周圍食、周圍買之外，我地一到步，佢喺酒店會合我地時仲送咗一大袋士多啤梨歡迎我地添！知道我地一行十人，雖然當中有幾個團友佢尚未認識，但係人人有份，大家都好驚喜！

靚女姐姐介紹話而家正正係士多啤梨當造o既季節，所以喺日本去到邊都會見到同士多啤梨有關o既產品。佢送比我地o既士多啤梨係溫室培植o既「紅ほっぺ苺」。「紅ほっぺ苺」日文讀音為「Benihoppe Ichigo」，中文譯名為「紅頰士多啤梨」；果如其名，每粒都好似面珠墩般紅潤肥厚，體積亦如面珠墩般大，真係唔講得笑！據說，「紅頰士多啤梨」個名除咗係取自其外表，原來其實仲有另外一個典故。日文中有句常用o既諺語，「ほっぺが落ちるくらい美味しい」，中文譯作「猶如面頰快掉下來般美味」，用作形容食物美味程度；「紅ほっぺ苺」中之「ほっぺ」，即「面頰」，就係引用此諺語黎形容士多啤梨猶如面頰快掉下來般美味！

靚女姐姐話「紅頰士多啤梨」係新鮮採摘，最好係當日食用，以確保美味爽甜。細佬平時唔多鍾意食士多啤梨，因為怕酸，就算食都一定要落好多糖同忌廉黎蓋過任何酸味！嘩，今次依啲「紅頰士多啤梨」真係令XO仔對士多啤梨改觀，原來士多啤梨唔需要多餘o既糖或醬都可以咁香咁甜架，大家去日本真係要買返幾隻黎試吓！

意大利雕刻多到就連酒店入面都以雕像裝飾。酒店o既早餐服務設於La Piazetta Restaurant，有露天及室內座位；大多西方客人都選擇露天位，不過我地就選擇坐入面。餐廳同酒店一樣高雅整潔舒適，服務生態度亦算和藹有善。

眼見自助餐每位未加稅都要成Euro 35，個肚又唔係真係話咁餓，一諗到上飛機又會有野食，小肥當然係散叫啦：

Waffle w/ Chocolate Sauce (Euro 8)：熱辣辣o既waffle香脆鬆化，配上朱古力醬簡真係perfect！

無論從任何一個角度黎睇，Le Navi貴賓室都絕對不歡迎客人！

入去Le Navi Lounge，必先經過一條漆黑o既走廊及陰森恐怖o既升降機，有相為證。貴賓室內所有座位都矮小殘舊，空調不足，食物種類不多（外表亦不大吸引），最差就係啲服務生！大家千奇唔好以為羅馬機場只有超惡o既地勤呀，因為佢地貴賓室o既服務生，除咗眼神兇惡，態度更極之惡劣！

我地回港，由羅馬飛往杜拜嗰程坐A380，同去倫敦時一樣，舒服到小肥唔捨得訓！當日行程只包晚餐：

頭盤之Salmon & Tuna, paired w/ grapefruit, fresh endives & sour cream：三文魚味道唔錯，可惜吞拿魚就比較腥。

因為所有麵包唔係麥包就有nuts，而小肥正正兩樣都敏感，當然係唔敢試啦！

湯之Pumpkin & Mint Soup - rich creamy pumpkin soup, lightly infused w/ fresh mint, garnished w/ thinly sliced toasted baguette pieces：忌廉南瓜湯味道香濃，陣薄荷味亦清新醒神，唔錯！

主菜之Roast Lamb Loin - tender roasted lamb topped w/ a crisp dried fruit & pine nut crust, served w/ thyme gravy, assorted grilled vegetables & golden oven-roasted noisette potatoes：記得大肥同中肥提及過中東人多食羊肉，對其烹調煮法非常講究，所以小肥諗都唔諗就叫咗份羊黎做主菜。羊肉果真香嫩幼滑，大中雙肥真係冇介紹錯！

阿聯酋航空o既食物質素可以話係幾參差。由羅馬飛杜拜嗰程A380總結都還OK，但係由杜拜飛返香港嗰程就…

湯之Broccoli Soup - farmhouse style rich creamy broccoli soup stirred through w fresh sour cream：忌廉西蘭花湯太濃太溜，配上sour cream變得不知所謂，好唔掂！

主菜之Stir-Fried Lobster - sea fresh lobster & plump shrimp wok-fried in an oriental sauce, served w/ Chinese sword lettuce, bai ling mushrooms, spring onion batons & egg fried rice：龍蝦同蝦都非常雪藏，味道亦好味精，小弟情願佢比個公仔麵我食囉！

跟Crystal道別，即代表小肥個悠長假期即將結束，好快又要返香港過住忙碌o既生活，當然係勁唔捨得啦！離開Crystal，腦海不斷浮現出Gary早一晚喺個告別節目中同大家講o既一番說話。佢話我地落船時o既第一刻，應該未必感覺到，不過當大家喺歸家途中，食第一餐飛機餐時，或者喺屋企沖完涼，過咗兩個鐘頭後發現自己條毛巾仲喺地下時，一定會開始回味Crystal美味o既膳食及貼身o既服務！

喺名店廣場行咗一陣，因為大家都有啲肚餓，所以就一邊行，一邊搵野食。唔記得邊個團友咁好眼呢，好似係最為食o既大肥呀，居然喺條橫行度發現咗間意大利餐廳。經團長同意之後，我地就入咗去搵位，不過好奇怪，餐廳入面明明有位，但係姐姐仔堅決要我地坐出面。喺橫行食野，XO仔都係第一次，莫非依啲就係歐洲文化？！身為一個大汗之人，個人唔係好慣一邊食野一邊曬太陽，雖則話有風，始終大汗dup細汗，小肥真係食得好狼狽。此外，因隔離枱有吸煙者，要我地進餐時食二手煙，感覺真係勁唔爽！食飯中途，突然有位肥叔叔行入黎橫行拉小提琴，心諗會唔會就係姐姐仔要我地坐出面o既原因呢（幫肥叔叔賺外快）？

喺上一編遊記提到，小肥對西餐其實有少少恐懼感，所以出外食意大利菜時，都必定會揀選最安全o既意大利粉，話哂都係意大利最傳統o既菜式：

Spaghetti aglio, olio e pepperoncino alla romana- Traditional Italian dish, spaghetti with garlic, oil and chili pepper（Euro 6）:小肥對極為簡單o既Spaghetti aglio可以話係情有獨中，除咗因為對其配料好少會有敏感反應之外，小弟最愛蒜香，此道菜又清又香又唔會太油膩，麵條更是煙韌彈牙，al dente中之al dente，絕對係推介之選！

同行o既團友們比較有冒險精神，除咗食傳統o既意粉（Spaghetti alle vongole veraci e pomodori piccadilly – Spaghetti with clams and Piccadilly tomatoes - Euro 15）同千層麵（Lasagna alla Bolognese – Traditional dish from Bologna, lasagna with beef sauce - Euro 10），佢地仲試咗一道Carpaccio di polpo（Carpaccio of octopus - Euro 12），更大讚八爪魚爽脆獨特。

另外要讚o既係招呼我地嗰位哥哥仔，佢雖然英文唔係太好，同我地溝通有不少問題，落單時一度需要用手語，不過勝在落力，唔明都會聽多幾次，盡量滿足我地o既要求。

Colonna di Marco Aurelio，英文譯名為Column of Marcus Aurelius，位於Piazza Colonna，為紀念羅馬皇帝Marcus Aurelius而建造。圓柱最特別就係上面刻有精緻幼細o既螺旋浮雕，紀錄住Marcus Aurelius生前o既事跡。

當日我地喺羅馬已經見到多條古柱，小肥就不禁向大姨丈問咗句：「小肥今次黎到羅馬，開口埋口都係ABC，你知唔知點解？」因為大家都對佢之前嗰兩個ABC爛gag印象深刻，大肥爸爸仲玩搶答：「哈，咪Another Bloody Column囉！」逗得團友們哈哈大笑！

有人介紹我地其中一位團友黎Hotel Majestic o既Filippo La Mantia Restaurant食飯，大讚其西西里菜式美味特別。大家聽到係酒店餐廳時，都覺得應該唔會差得去邊，當然係冇人異議啦。

我地由InterContinental De La Ville酒店坐的士去Hotel Majestic，車程不需十分鐘，非常方便。酒店入面有種好古典o既氣息，感覺非常高貴優雅！入面有部復古升降機，真係幾得意。上到餐廳嗰層，經過一條走廊，步入餐廳，第一眼就見到個西餅open kitchen，擺放滿甜品蛋糕，極為吸引！Filippo La Mantia Restaurant同Hotel Majestic一樣高雅，所有室內裝修，皮櫈餐桌餐具都豪華得令人嘩然！唯一問題係服務生態度似乎未能配合，而且有少少睇唔起我地中國人之嫌！

因為大家對西西里菜式認識不多，最終都係由Auntie M及團長叫幾款頭盤大家分黎食，主菜就各自決定。

Amberjack Fish Cake w/ Lettuce & Parsley Sauce（Euro 18）：西西里魚餅，貌似豬肉丸，味道酸得黎絕不美味，好在咬落尚算彈牙，叫做係不幸中之大幸。

Rice Prancing w/ Ragu, Peas, Anchovies, & Ragusano Cheese（Euro 18）：上枱時，小肥起初以為係一對桔，點知切開先知原來係西西里版之飯團！飯團外層煙韌，但係個餡就好一pat pat，而且味道苦澀，好采我地八個人每人只係分到一小角，不過都足以令小肥食到眼都凸埋！

"My" Eggplant Caponata 2011（Euro 18）：此道特製茄子，無論係其”pat”狀之外表，定亦或係其帶苦o既味道，都不甚討好，小肥食過一口就冇再接觸過碟餸。

Red Shrimp w/ Avocado Bread Wafer & Pork Jerky（Euro 18）：烹調海鮮，尤其係蝦，可算係最簡單，因只要食材新鮮，蝦身都會好爽口。紅蝦似乎係當晚做得最出色o既菜式，可惜因味道太淡，未能取悅到小肥。

Spaghetti w/ Fried Eggplant（Euro 20）：個人覺得麵條太腍，醬汁味道太酸，矮瓜質感唔知點咁；喺羅馬居然食到如此差勁o既意大利粉，XO只能贈大廚兩個字：「失敗」！

小肥手持餐牌時，最驚訝都係見到有一道主菜叫"Sweet & Sour RABBIT"，咁咪即係咕嚕兔仔肉？！毫無冒險精神o既XO仔當然唔會試啦，結果都係叫咗份牛肉食：

Beef Tagliata w/ Fried Artichokes & the Sauce of Rosemary Potatoes（Euro 28）：如相所見，牛肉真係做到medium rare，但係肉質偏韌，最面層更因過燶而變得嚡過小弟層皮，當時小肥只可以喺心中暗自搖頭嘆息！

Bitter Chocolate Ice-Cream（Euro 18）：雖然話係苦朱古力雪糕，但其苦味不及其甜味，所以小肥勁失望！要兩舊水食個咁o既雪糕，真係認真唔值！

由頭盤食到甜品，除咗覺得酒店餐廳地方豪華高級舒適，XO仔真係唔係好識欣賞西西里菜式，因同桌o既團友們對食物都有不同評價，小肥只可以總結一句：「西西里餐唔係XO仔杯茶。」

食飽晚飯，由團長發起話要行返酒店，所以大懶爸爸唔敢反對。沿住Piazzale Brasile一路行，街上到處都係花朵，不過最離奇都係一個印有中文字o既水牌，張”Glove Factory”譯作「手袋」？！行咗大約半個鐘頭，我地終於返到酒店條街Via Sistina，觀察力極強o既中肥哥哥叫我快啲睇下個月亮幾圓，原來嗰日係十五！

我地三個人落咗郵輪等咗十分鐘左右就上咗巴士，車程約一個鐘，大概一點抵達Porto Venere。Porto Venere，有人譯作為「女神Venus之港口」（Porto = 港口；Venere = Venus），相傳此鎮曾經有座供奉女神Venus o既廟宇。話到明係小鎮，Porto Venere人口當然唔多，據說只有四千多人，所以我地一落車，除咗見到同船o既旅客之外，真係唔係見得到太多居民。

由姨丈帶路，我地慢慢穿插鎮內o既橫街窄巷，途經不少七彩住所，精品商店，以及鎮上o既一座主教堂，San Pietro Church（Church of St. Peter），用咗半個鐘頭就行咗一個圈！Porto Venere比小肥o既感覺好靜，而且啲人o既步伐比較慢，當中最得意就係原來小鎮有一種叫Water Taxi（水上的士？！）o既交通工具！

六月四日乃我地今次郵輪河o既最後一日，所以Crystal特別安排左一場告別綜合節目表演，演出者包括The MacDonald Brothers，我地位Cruise Director Gary Hunter先生，郵輪上o既跳舞老師，以及鋼琴家“Where’s-your-house-key”先生。可以再一次欣賞到佢地每位咁精彩o既演出，一包眼福同耳福之餘，真係足以令人回味無窮。

通常大肥同小肥對西餐都不大愛好，感覺西式廚藝變化不多，所以要我地雙肥日日食西餐，起初未上船前真係有啲驚！今次坐完Crystal郵輪，雙肥同團友共八人都對其膳食讚不絕口，因為Crystal個廚房每日都會好用心地製出不同餐單，款式多元化，佳餚好睇又好食，冇得彈！我地落船前嗰一晚，Crystal更特別邀請名廚Heinz Beck先生作為當晚o既客席廚師，為我地烹調美食：

頭盤之Seared Sea Scallops w/ Pea Puree & Artichoke Vinaigrette：半生熟o既帶子鮮甜幼嫩，假如可以煎香少少效果應該會更好。

熱湯之Cream of Chicken w/ Sun-Dried Tomatoes & Bell Pepper Confetti & Wild Rice：小肥最愛忌廉湯，此道忌廉雞湯又香又滑，味道濃得黎又唔溜，當然係要encore啦！

意大利粉之Rigatoni Pasta "Con Prosciutto e Asparagi" w/ Fresh Tomato Sauce, Cream, Asparagus, Proscuitto & Parmesan Cheese：雖然意粉大大塊，質感仍能保持煙韌彈牙，最重要係蕃茄醬汁唔會過酸，美味得非常醒胃，讚！

主菜之Whole-Roasted Maple Leaf Farms Duckling, w/ Caramelized Orange Sauce, Braised Red Cabbage, & William Potatoes：配上橙味醬汁，鴨仔肉香嫩鬆軟入味，正！

甜品之Coffee Mousse w/ a Cylinder of Rum & Ice-Cream of Milk Reduction：咖啡mousse o既咖啡味不及rum酒味濃，不過個配搭好得意。

甜酒之"Weinlaubenhof Kracher, Burgenland, Austria 2011"：小肥其實唔係好飲甜酒，因為感覺好似飲糖漿咁甜。今次見我地位貌似威廉王子o既sommelier Pierre哥哥極力推介，所以就試咗一杯！果然味道清甜，但絕不過火，好味程度更令小肥加飲兩杯！感激！感激！

Biblioteca Nazionale Centrale di Firenze，英文名為National Central Library (Florence)，係意大利國內最大o既公共圖書館，喺歐洲亦非常出名。圖書館位於River Arno旁，所以1966年嗰場洪水毀壞左圖書館內多本真藏古書。

Piazza della Signoria係一個L字形o既廣場，每一個角落都有裸像。如附圖所見，除左與Uffizi Gallery相連o既Loggia dei Lanzi門前有多個裸像，就連Florence市政廳Palazzo Vecchio（英文譯作"Old Palace")正門都有幾個。喺Palazzo Uguccioni宮殿前嗰座"Bronze equestrian Statue of Cosimo I"可算係整個廣場內最正氣o既雕像。

Chiesa dei Santi Michele e Gaetano，又名Santi Michele e Gaetano，英文名為San Gaetano，位於Piazza Antinori，係Florence多個貴族贊助建成o既。

唔知大家仲記唔記得小肥個大姨丈喺Bordeaux講左個爛gag：「知唔知點解遊客黎到Bordeaux，開口埋口都喺ABC？ABC其實等於Another Bloody Château。」今回黎到意大利，佢就講左個延續編比我地聽：「知唔知點解遊客黎到Florence，開口埋口都仲喺ABC？ABC咪即係Another Bloody Church囉！」哈哈！

Palazzo Strozzi係Strozzi家族曾經擁有o既一所宮殿，現為Institute of Humanist Studies 及 Fondazione Palazzo Strozzi之基地。話說Strozzi家族係Medici家族o既死對頭，當年為左要威，Filippo Strozzi the Elder命人建造此所宮殿，可惜未建好佢就先去世。當宮殿終於起好時，Medici家族就充公左座宮殿，要過三十年後先退還返比Strozzi家族。

當日我地經過Palazzo Strozzi，見門口大開，旅客更可自由出入，所以就走左入去逛逛。大堂入面半空中掛有一件展覽品，真係好有藝術feel。行近望埋張有關新展覽會o既poster，發現「半空」可能係Palazzo Strozzi o既主題，因「美國夢想家」愛在懸崖建大屋（請看附圖）。

黎到Florence，大肥爸爸一心要去參觀Salvatore Ferragamo Museum，可惜博物館卻因重建工程而暫時關閉，真係掃興！大肥天生樂觀，雖然失望，卻不忘講解為何咁期待要參觀此博物館。原來Ferragamo曾經喺南加州大學修讀解剖學，嘗試理解點解外表靚o既鞋都會傷害我地對腳，所以大肥深信Ferragamo所設計o既鞋超級舒適，仲叫大家留意Salvatore Ferragamo Museum係以鞋樣黎做logo，所以真係堅過石堅架！

後記：郵輪河後，XO仔返到屋企，查證過大肥爸爸根本冇一對鞋係Ferragamo依個牌子，所以就多口問大肥點解啦，佢個答案係：「因為我地中國人對腳同鬼佬腳o既構造有少少唔同囉！」哈，咁都比佢諗到，好野！

正當大肥爸爸為Salvatore Ferragamo Museum休息而感到失望之際，佢個肚比較現實，開始打鼓，咁啱又比佢喺博物館斜對面見到一間意大利餐廳Le Antiche Carrozze: Trattoria Pizzeria (Pizza Restaurant)。經團長姨媽同意之後，大家就行左入去醫肚。餐廳標榜其pizza都係用clay oven焗製，可惜同行喜歡食pizza o既只有中小兩肥，所以大家最終都只係叫左湯，頭盤，同意粉。

餐廳舒適得好有屋企feel，到處都有酒樽，似乎午餐飲酒都好正常。客人唔多，不過唔知係咪因為我地係中國人呢，服務生冇乜特別地同我地傾，只係滿不在乎地落單就算，中肥哥哥話歐洲人係咁架啦！

因為喺郵輪所有食物都唔洗比錢，所以XO仔當然係留肚上船食啦，結果只係叫左一份意粉同一罐Cutie可樂（請看附圖）：

Spaghetti alle Vongole w/ fresh clams sauce in white wine, garlic, olive oil & parsley sauce（Euro 13）：喺意大利bor，更係叫意大利粉食最安全啦！果真如此，意粉好夠al dente，味道鮮甜香濃，正！

行完成日，天氣都由多雲轉為天晴！團長見午餐後大家都曬左幾粒鐘，而且離集合時間仲有半個鐘，就揀左間喺Santa Croce廣場o既咖啡室度嘆個下午茶。咖啡室喺Finisterrae餐廳旁，因為忘記左攞咭片，確認唔到咖啡室個名，單憑menu上寫有"S. Croce "字句，唯有估計咖啡室名為"S. Croce Cafe"。

天口咁「hing」，肥肥家族當然係每人叫左杯旺阿姐最喜愛o既「凍咖啡」黎飲啦！同姐姐仔溝通左好耐先知「凍咖啡」o既意大利文係"Caffe Freddo"，每杯五蚊歐元再加稅，一啲都唔平，不過就真係好解渴！

賭場兩旁，一邊係Café de Paris，另外一邊係Hôtel de Paris Monte-Carlo，咁啱兩者個名入面都有Paris依個字。Hôtel de Paris Monte-Carlo被稱為名牌酒店o既其中一個原因係因為酒店內有間米之蓮三星餐廳Louis XV。

如果唔係中肥哥哥叫我望多兩眼，真係完全冇為意到Hôtel de Paris Monte-Carlo門外有好多旅客喺度影緊相。小肥對車認識不多，不過都睇得出泊喺酒店門口嗰啲房車及跑車全部都係名牌，名貴過名貴，唔怪得知咁多人圍觀啦！

我地圍住酒店行左一陣，除左可以離遠望到Prince's Palace，仲見到好多應該係連住酒店o既名店。我地喺其中一間頂級水晶商店o既櫥窗外發現到一個以佛像做主題o既水晶品，中國文化滙入法國產品，覺得實在罕有，所以就影左幅相同大家分享。

我地每一晚睇完表演都會好期待Crystal個廚房會造出啲乜野美食比大家品嚐：

海鮮頭盤之Crab & Spinach Tart w/ Flying Fish Caviar Mayonnaise：蟹肉鮮甜，菠菜份量唔會過多，食落又冇平時嚡口嗰個口感，哥哥大讚refreshing！

湯之Cream of Asparagus "Argenteuil" w/ Lemon Croutons：忌廉湯香滑且唔溜，唔鍾意菜o既小肥當然比哂碗內所有蘆筍粒比中肥啦！

意粉之Mafaldine Pasta w/ Braised Beef Short Rib & Root Vegetable Ragout：意粉麵條彈牙，甜甜o既調味汁又夠香，牛肉鬆軟，XO仔好滿意！

主菜之Tempura Fried Ahi Tuna Roll on Summer Greens w/ Cocktail Tomatoes, Mango, Cucumber, Carrots, Pickled Ginger & Daikon, Drizzled w/ Sesame Aioli：吞拿魚肉半生熟，天婦羅皮好脆，魚肉口感好特別，配上芒果及半日式沙律令整體變得好清新！

晨早起牀，步出露台，發現郵輪正慢慢靠近岸邊，頗為詩情畫意。薄霧中除左睇到勁多遊艇之外，亦可以清楚望到當地著名賭場Monte Carlo Grand Casino及國家美術館Monte Carlo Art Gallery。

據每日一報所講，Monte Carlo的士唔多，喺碼頭更加係少之有少，價錢不但高，仲會因應不同時間而調整，所以Crystal為搭客提供免費Shuttle Service入區。

Crystal個Main Dining Room無論係早餐，午餐，定係晚餐，食物質素以及服務都同樣出色！

同船上其他餐廳一樣，Dining Room所有果汁都係新鮮榨製，小肥飲左杯蘋果汁，好夠涷又好夠甜。此外，熱辣辣o既Cinnamon French Toasts亦非常鬆軟，大肥食完一客仲要追加多客，好味程度真係唔講得笑！

導遊嬸嬸一上車就講起「一級方程式錦標賽」，每年都會有一站喺摩納哥蒙地卡羅摩納哥賽道舉行。XO仔對賽車認識唔深，不過都絕對聽過「一級方程式錦標賽」，只係從來冇諗過賽道會係由市中心o既道路改編而成。

因為2012年度喺摩納哥蒙地卡羅摩納哥賽道舉行之一級方程式錦標賽啱啱喺早一個星期結束，所以我地喺巴士上沿途仍然見到賽道o既不同標記，廣告牌，流動看台及椅櫈。

巴士入左法國區域後，第一站停喺Eze，一個外表平平無奇o既小鎮。Eze之所以係旅遊熱點因其處於高原o既地段，旅客從高向下望就可以欣賞到美麗o既景色。此外，小鎮頂建有一座教堂Eglise Notre Dame de l'Assomption（英語為："Our Lady of the Assumption Church"）及一個種有好多奇花異草o既花園Jardin Exotique de Monaco（"The Exotic Garden of Monaco"）。可惜，因當日巴士喺嗰度只係停左一陣，所以我地無緣入去朝聖或賞花。

巴士遊最大特色就係要遠觀及近看地中海沿岸之蔚藍海岸（法語：Côte d'Azur；"Azur"解作「藍色」）。喺網上睇過好多相，印象中Côte d'Azur個海岸真係好蔚藍，點知去到實地睇就有少少失望。唔知係咪同個天氣有關呢，望落去覺得Côte d'Azur同其他海岸無異；如果唔係見到個燈塔，真係以為未到目的地。

離開法國區域，回到Monaco最後一站，家母好不幸地發生左少少意外。正當大家搭電梯上觀光點時，媽咪前面一位六尺高o既公公突然失足去後墮，好在大肥爸爸身形有返咁上下，幫手頂住，而兩位老人家又有太極底子，媽咪最終只係因撞傷流鼻血及輕微扭傷，可以話係不幸中之大幸。因為依段小插曲，最後我地四人決定派哥哥做代表去繼續觀光拍照，之後再報告比我地聽。

唔知係咪因為最近荷里活由Nicole Kidman主演為已故o既Princess Grace Kelly拍製電影有關，去到Monaco見到同聽到都離不開Princess Grace。毫無意外地，上到地面，哥哥第一站先停Saint Nicholas Cathedral，即著名Princess Grace及其夫君Prince Rainier遺體之葬身處。

一個世紀前於海邊一座大石上建成o既Oceanographic Museum of Monaco係一個同海洋近乎零距離o既海洋博物館，真係好有意思。

當日巴士遊完畢後，我地從返郵輪第一件事就係陪媽咪去船上o既醫療室檢查，因為醫生未返，我地一等就等左成幾粒鐘。雖然為此我地未能參與其他活動，不過喺郵輪上，我地仍然可以欣賞到海中多隻水母及Monte Carlo之靚靚夜景。