個公園好似好大呢~ 之前見過人地D相, 係O向3月初影既, 好大片花海好靚架! 不過4月尾就真係冇哂櫻花, 只有一片片落葉O向地上呢!因為公園唔係我地既目標地方, 所以只係"穿過''佢去吉祥寺咋~ 我知道公園內有大型既人工湖供划艇, 當中有腳踏式的天鵝船, 每船可載二人, 租金 700 yen/30 分鐘, 需要在湖邊登船處的售票機中購票, 不過好似都唔見有既...有時間可以花1/2日O向度, 都幾寫意既~行左大約15分鐘, 就見到吉祥寺站嘞!

知道香港最近開左大戶屋, 應該同呢間係一樣, 不過未去過香港O個間, 見呢度有, 試一試先啦~唔知呢間店出名乜野野食既情況下, 都睇左好耐餐牌, 佢有英文餐牌都冇比我地, 我地睇完一輪問佢先有呢!因為之前去另一間已經同BF share左一個豚肉飯飽飽地, 所以o念住少少地叫左個炸雞扒烏冬, 同埋一個有雪糕+丸子+紅豆+綠茶mousse既甜品唔係等左好耐就有野食, 炸雞扒烏冬原來有好大碗飯的!!! 好似只係800yen 咋!2人share一個都夠啦~何況我地已經食左個飯!! 炸雞扒上既時候好熱呢~ 都幾好味~ 烏冬亦彈牙, 唔錯~我叫既甜品就好好好好味嘞!冇記錯只係350yen, 平過d日本外賣軟雪糕tim呀! 綠茶mousse好有綠茶味, 紅豆好稔好大粒, 起哂沙呢~ 加埋雪糕食, 正啊~呢餐只係12xx yen, 又平又好味, 坐得都幾舒服tim! 有機會食下香港o個間比較下先~(返到o黎睇openrice, 原來呢個甜品香港都有呢~ 個賣相都一樣, 一定要試試!~)