Prince
我是Prince。 我最喜愛到日本,聖基茨和尼維斯,聖皮耶與密克隆群島旅遊 , 最鍾意遊覽自然景觀,主要地標,鄉郊農田,動物園/植物園/水族館, 住宿通常會揀3星酒店,民宿。
留言  留言給此旅遊家
  遊記數目 1
  上載相片 3
  上載影片 0
最近分享過的旅程
東京賞櫻之旅
國家/地點: 日本
旅程日期: 2006-03-15 至 2006-03-19
最新遊記  [ 所有遊記 ]
東京賞櫻之旅 (日本)
(旅程日期: 2006-03-15 至 2006-03-19)
 整個旅程  (共1篇遊記)
 分享至Facebook 
發表日期: 2009-05-08

朝早起身,酒店check-out之後放低行李係酒店,食過早餐之後就用酒店送既觀光巴士車飛同埋地鐵車飛係橫濱四處去,中午經過一間麥當勞見到佢有特別版既麥樂雞,點既係襯晒櫻花梅味醬,一定要買黎試下啦,叫左個兒童餐,因為岩岩當日開始既一期係送龍珠玩具,好吸引呀!靚過香港既多多聲!至於個櫻花梅味醬麥樂雞,味道酸酸地,都OK既!但唔會有下次囉!一點左右就返酒店拎番d行李,坐東急東橫線去東京啦。去到我地住既池袋大陽城太子酒店都差唔多3點,又大件事啦,趕唔切今日既重點節目,就係去台場既Toyota Megaweb度楂車車,話晒我特登係香港拎個國際牌同埋book好左2架車楂架!唯有check-in時叫酒店既姐姐幫我地放行李上房,我地就即走,坐JR山手線去新橋站轉無人駕駛去台場,但都係趕唔切book既第一架車,4點既MR-S。唔緊要,仲有架4點40分既Hybrid Harrier,同埋即場再book 6點既Celica,呢架仲要係棍波,大鑊。

架Hybrid既Harrier好靜,踩油果下都好勁,完全估佢唔到!仲以為佢有番咁上下重應該無乜料到,原來行電既車都有咁勁既加速!呢架都未算精彩,好戲在後頭!一架棍波既Celica俾個考左牌2年幾,但只係楂過一次棍波車既人楂會點?Well,好彩死火既次數一隻手數都仲有剩,唔係就真係極瘀!不過呢架車係一架好好玩既車,坐得夠低,油門好敏感,避震幾硬,棍波車係難楂,但亦都有佢好玩之處!仲俾我意外地玩到佢響晒呔咁起步,自己都嚇一跳!

玩完之後過左去Aqua City一間餐廳度食蛋包飯,呢間餐廳上次黎都食過,真係好好食,所以今次再食!仲俾我用我岩岩學到既日文好成功咁叫到杯熱咖啡同埋凍檸茶tim!食完好味既蛋包飯之後就行左一陣商場,同埋去左便利店買左大江戶溫泉既入場卷!行到8點幾,商場要關門既時候就坐無人駕駛去大江戶浸溫泉啦!浸完溫泉都10點幾,坐車返池袋,又係食宵夜既時候,今晚係松屋既牛肉飯,勁正!無得頂呀!玩下夾公仔又返酒店啦,去到reception度拎番條鎖匙,原來佢俾最高既37樓我地住,個景真係好正,好高!

此遊記內的評論:
  1 個留言    |  加入你的留言
相片  [所有相片]
酒店房外的景觀
酒店房外的景觀
2009-05-08
台場彩虹橋
台場彩虹橋
2009-05-08
橫濱市長選舉
橫濱市長選舉
2009-05-08
影片 

此旅遊家暫未有影片。