淡水老街 (台北, 淡水)

行完紅毛城，坐車落淡水老街，見到間 Easy House cafe 美式蔬食，做緊 promotion，聖代系列買一送一，行到身水身汗，啱晒﹗入到去，環境氣氛都唔錯，waitress好努力咁sale 二人套餐，睇落足夠四人份量，真係好抵，但要留肚掃街，結果點咗兩個聖代，waitress有點失望，不過佢嘅服務態度好好，還不時為我加水，真係要畀個 like 佢。

隔壁間百葉，30年老店，久違了溫州大餛飩的味道，點咗個套餐 ... 餛飩湯加蘿蔔餅，餛飩湯有點失望，蘿蔔餅餡料製法香港不同，蘿蔔絲好像醃製過，辣辣地，好惹味。

跟住掃埋即炸熱辣辣嘅阿香蝦捲，，脆皮嘅味道同質感似過年食嘅蛋散，而餡料似港式雲吞，食完熱氣嘢，飲番杯阿媽的酸梅湯，Perfect。