Brasserie Paul Bocuse Le Musée (東京, 六本木)

10月23日，到位於東京六本木的新國立美術館吃晚餐。

以前曾到位於東京駅大丸大樓的Brasserie Paul Bocuse兩次，都覺不錯所以今次東京遊也安排一晚到較新的美術館分店試吓，頗為失望。

 他們dinner menu 有2款，一款是一般dinner set menu，另一款是special menu 都是 Paul Bocuse 的 signature dishes，咁我梗係要試吓佢嘅名菜。

先來的 amuse bouches，是pork liver ，都幾o.k.

跟住係黑松露湯V.G.E.Black Truffle Soup，menu 介紹這個湯係 Paul Bocuse 在1975年為當時法國總統戴思庭所創作，打開個酥皮有D騷味，可能因為用鵝油或鴨油做酥皮，但飲D湯畧咸而無黑松露味，湯裏有二小片黑色的東西，應該係黑松露但吃到口中也是沒味道。

 主菜是Quenelle of Sea Bas伴以小龍蝦 langoustine 肉，個Quenelle 係用肉醬蒸成糕，我以前在法國食Lyon菜也吃過 Quenelle但以前食口感好D較像 Omelet。呢次個Quenelle本身幾好味，但醬汁太多，又做到似香腸，囉到黎以為我叫錯了香腸。

 甜品係 vanilla ice-cream 伴以多種berry，幾好味。

 

我們碰巧在香港也有大把米芝蓮的同時慕名來到東京，到這挾著很多很多星星（好像是九星）的美譽的餐廳來試試。午飯時間的套餐據說比較相宜，可能為時尚早，人沒有相應地增多，在新美術館拍拍照說說笑去去洗手間，大約半小時便可以入座。

我們人多，幾乎可以試盡tasting menu上的所有菜式。麵包香、脆，又可以任添，底分即時提升不少。

頭盤有牛肉清湯凍，把平淡的牛肉清湯改成者喱狀，再附上他他汁，創新之餘又沒有離經叛道，很好。肝醬配多士和風乾火腿沙律都比較正常，當然在三星餐廳，這類正常菜式的選料也不會差，最少賣相也夠吸引就是。

湯該是南瓜吧？濃淡算適中，吾等愛南瓜湯之人覺得可以再濃一點，不過明白這不是人人受得的，現在是中庸之道。

主菜煙肉鴨脾配豆汁，組合本身很特別。鴨脾吸收了煙肉的香氣，再點那豆汁，竟然出奇地match，而且那鴨仍絕頂嫩滑，絕不是平常的散收收。是為驚喜之一。龍蝦汁鮮蝦risotto，毫無懸念地好，在這個級數的餐廳，這道菜式要好吃，已是必然的要求了。但大家將之放進口中的時候，依舊不願意再多說話，只想靜靜的享受那豐富甜美幼滑的感覺，然後最多用喉嚨發生一聲「唔~」之類的讚嘆，便只能再埋首於這美食之中。。。香檳汁牛仔肉配意粉，三個主菜中這個便搶不了風頭，只是那香檳汁卻仍然是出色的。

好戲在後頭，寶物尋歸底。最最最最令人讚嘆的竟是那甜品。那令人朝思暮想的Cream Brulee，透過落地玻璃射進來和煦的陽光，將布甸照得閃閃發光，就像那放在射燈下的珠寶一般，卻是自然而然地發生，實在是令人感動的一刻。闊口的碟令面層的焦糖大幅地增加，於是那口感的層次頓時倍增，縱使已飽了九成半，也死命要把整個甜品幹掉。吃過它以後再不想吃其他一般貨色了，事實上回來半年，只有一次誤打誤撞下吃過一次，但只得到本人冷淡的回應。餐牌上那些grandma waffle之類就更加無人問津了。

最後來個優質的茶或咖啡，完滿地總結了整個午餐。有趣的是，吃下每一道菜後，人人都扮起蔡潺來試圖形容那超越味覺的感受，再一次證明高質素的藝術應該是平易近人，而又人人都有能力欣賞的。輕鬆的環境（遊客裝絕無問題），相宜的價格，無懈可擊的食物和服務，如此完美的結合，實在配得到滿分。要是只能讓我在整個行程中吃一餐好的，毫無疑問會是這一餐了。

先講講呢間paul bocuse 係東京有多間分店, 其中midtown 和丸之內的都係屬於米芝蓮之列. 而係midtown 既, 更位於美術館之內.... 係美術館地下往上望, e... 都唔知好高啫, 乜d 書影到個餐廳條柱咁高既... 入咗lift, 先發覺, 頭先望到的係矮一大截的cafe, 而住於"三樓"的先係餐廳...真係唔知三樓係咪定義?! 由餐廳往下望, 好高, 有少少腳仔軟...

11:30 開門, 我們真係呢個時候先到, 有d 担心, 唔知洗唔洗等位? 咁限定的午餐又會否無呢... 好彩, 我們係平日去, 唔洗等位, 可以直入, yeah!

要了限定的主菜+甜品午餐. 主菜係雞扒+長通粉, 賣相靚, 雞扒嫩滑, 煎得外脆內軟. 估唔到醬汁係逐條釀入長通粉內, 心機和味道都滿分. 甜品係cream brulee. oh, 救命, 真係超好味... 第一次食cream brulee 的表面係咁廣闊, 咁... 燒焦的部份會更好, 更香. 內裡反而係薄薄的一層. 好滑....今天仲要係2週年, 原來1800yen, 今次更係1500yen, 超抵!

友人的湯係好濃郁的菠菜湯?! 加d 麵包脆脆, yummy! 可惜個主菜點了牛, 又出咗事... 繼sabatini 後, 又一出事的牛! 無錯, 就係那種煲湯牛, 點解久不久就有呢味野... 上枱後, 知"領"咩... 不過無計, 唯有期望係清湯腩, sorry, 係幾有牛味, 不過真係好似煲湯牛....hahaha. 算啦, 都係好的經驗, 奉勸大家下次要問清楚...

友人的甜品係waffle, 脆脆地, 都唔錯. 有三個source, 朱古力跟cream 係意料內的好味. 估唔到餘下的萍果都好好味. 好香好真的果味, good!