箱根塔ノ沢一の湯新館‎ (東京, 神奈川縣)

得到日本人相助, 我地7點去到酒店, 行李都冇放低就去食飯嘞~
dinner係酒店包既, 網上有寫, 都大概知道有乜野食o架嘞~

先黎一碟鰻魚沙律, 鰻魚好味呀!
跟住係豆腐+一隻凍蝦, 本人唔"好"豆腐, 所以覺得麻麻, 不過bf話好滑呢~ 而凍蝦就唔得...冇味~
跟住係係放左o向桌上既蒸豬肉, 加左一d芽菜同紀子一齊蒸, 仲用個大蒸籠tim!網上話係中式既煮法...不過我就從來未見過啦~ 呢個都幾好味, 不過d豬肉好多肥膏, 有d似肥牛呢~佢有個豉油汁比您點, 真係好似shabu shabu敢呢~
再o黎個乾蝦仔+凍烏冬, d烏冬啡色, 初時仲以為係喬麥麵tim! (後尾o向房見到個menu) d烏冬都幾煙un...唔錯啦~ 不過d汁d味好得意...唔係幾o岩我啊!
最後仲有碟煎3文魚....全晚最好味就係呢碟嘞!~ 加白飯就最好呢~
甜品係柚子sobet, ok啦~

食完晚餐上房睇下先~ 都好大間呀! 仲有2粒小饅頭放o向枱做welcome gift呢~ 雖然冇沖涼房(得廁所)要去浸溫泉o個度沖涼, 不過overall間房都好好呢~ 有哂牙刷呀梳呀, 和服等等~ good!~ 同埋都幾大間呢~

視察一輪後就去浸溫泉嘞~ 入去前有個area係沖涼既, 好彩我去個時9點幾冇人呢~ 沖完入去溫泉度....嘩!!!敢既?!!
溫泉好細呀! 好似個大浴江敢呢~ 同我以前去過既有馬溫泉差好遠呢~ 不過好彩冇人, 我自己一個浸哂, 所以就唔迫囉! 如果有幾個人我o念就會迫迫地嘞~

overall黎講呢間酒店都住得過既, 價錢唔貴ma! 不過我會選擇出去食完先返酒店, 因為住過2次溫泉酒店食佢d餐都唔係太岩胃口呢~ 可能d傳統料理唔岩我啩~