搜尋:
遊記日期:    發表日期:    
 
簡介形式      文章形式
共找到 229 篇遊記, 正顯示第 11 至 20 篇遊記
conniecheung
18篇遊記
曼谷之旅 (泰國)
(旅程日期: 2011-03-25 至 2011-03-29 ,  旅程性質: 飲食購物, 消閒度假)
 整個旅程  (共3篇遊記)
 分享至Facebook 
發表日期: 2015-03-04
今天的項目係按摩, 但我們又係冇目的地的行, 去了四面佛, 再行嚟行去後, 就去了食海南雞飯做午餐, 食完飯就係附近看看有冇按摩店, 搵左一間但係佢地搵唔到師傅俾我們, 之後又行下行下見到另一間, 入去按腳, 但唔知點解按按下話要上房按埋身, 好特別呀. 按完摩又行埋去行商場及搵食呀. 今天好HEA.
途經四面佛 ok喇2015-03-04
行過見到四面佛, 當然去望下啦, 映張相當留念. 都幾多人呀, 果然係泰國地標呀.
參觀時段: 早上
入場價錢: 每人0泰銖
評分: 值得去3  
海南雞飯 ok喇2015-03-04
正
正
我們專誠來找這間海南雞飯, 好多人呀, 叫左兩個試下, 雞肉係好白的, 唔肥, 冇皮架, 好滑, 好味, 雞油飯都幾香呀, 飯係一粒粒的, 仲有一碗雞湯添呀.
每人消費: 約20泰銖 (午餐)
評分: 味道4   服務3   環境3   衛生3   抵食4
按腳 ok喇2015-03-04
這間按摩店都好大, 好靚, 入去按個腳都服務周到, 我們先係大堂坐係度, 有人送茶, 又拿一盤水來幫我們洗腳, 洗完腳後話要上房按腳, 我們也好奇怪, 點解要上房呢?? 原來按腳都包埋按身, 好抵喎, 雖然著住衫好難按得舒服, 但按摩的技師都好落力, 舒服到瞓左攪.
參觀時段: 下午
評分: 值得去4  
FOOD COUNT醫肚 ok喇2015-03-04
正
正
晚上去了MBK的FOOD COUNT食飯, 先去買張咭, 然後就可以揀自己鍾意既嘢食, 我們食左雞, 粉, 咖喱啦, 仲有飯椰青.

食物選手都好多, 價錢合理唔算貴呀.
評分: 味道4   服務4   環境4   衛生4   抵食4
我們回到酒店還去飲埋杯WELCOME DRINK添呀. FOOD PUNCH嚟架, 整得好靚架, 味道都幾好, 酒店有個BAR, 可以飲嘢, 幾有情調呀.
評分: 設備4   服務4   環境4   衛生4   抵住4
  0 個留言    |  加入你的留言
conniecheung
18篇遊記
曼谷之旅 (泰國)
(旅程日期: 2011-03-25 至 2011-03-29 ,  旅程性質: 飲食購物, 消閒度假)
 整個旅程  (共3篇遊記)
 分享至Facebook 
發表日期: 2015-03-04
第二日我們去JJ MARKET, 一早就出發啦, 撘BTS然後行過去JJ MARKET, 都唔係好遠呀, 去了六點左右就走, 真的行足全日, 晚餐就去番CENTRAL WORLD食日本菜呀, 之後還要去食DOUNT及雪糕添呀, 好開心的一天.
JJ Market 笑臉2015-03-04
天氣晴朗, 我們早上10點出發前往JJ MARKET, 11點左右到達, 離開BTS跟住人潮方向行去JJ MARKET, 好多人呀, 因為星期六日才開, 所以好多人. 我們都唔知應該點行, 冇方向的行, 真的好大好大呀, 行左去家品區最耐, 大家都買左些戢利品. 係入面都有食左午餐, 食左碗粉, 都好抵呀. 又好味.
然後再行過, 行左好耐先行左一個區, 又食下串燒, 雪條, 有榴槤雪條,朋友馬上去食, 我只能夠食芒果, 我們六點左右就離開了, 已經天黑.
參觀時段: 全日
入場價錢: 每人0泰銖
評分: 值得去4  
刺身船 笑臉2015-03-04
正
正
正
係CENTRAL WORLD見到有一間日本菜都好大, 好似好好味喎, 同埋都好多人等位, 我們就決定係呢度食晚飯啦, 等左唔係好耐就入去啦, 每人叫左一個SET, 我食炸豬扒, 朋友分別食豬扒, 牛扒及鰻魚飯定食, 仲有餐廳自己出的綠茶.

豬扒好味, 唔油, 乾身, 有豆腐, 面豉湯, 白飯, 前菜, 都好豐富呀. 朋友們都說好味. 鰻魚飯賣相都好靚及吸引的呀.

綠茶清清地好味.
評分: 味道4   服務4   環境4   衛生4   抵食4
榴槤DOUNT 笑臉2015-03-04
正
正
正
正
正
食完飯行下街先, 見到有呢間食DOUNT的小食, 朋友們見到有榴槤味道的, 雙眼發光, 馬上話要食, 我唔食榴槤的, 佢地買左一個試下, 入面係軟綿綿的榴槤打成的忌廉. 我食了一口, 好重的榴槤味, 幾香的, 他們都話好好味.

旁邊還有雪糕買架, 又買, 今次叫左三杯一齊食, 係意大利雪糕嚟架, 味道都好多選擇, 唔會好甜的, 有草莓, 朱古力, 芒果, 雪妮拿味道. GOOD AR
評分: 味道4   服務4   環境4   衛生4   抵食4
  0 個留言    |  加入你的留言
為食村姑
2篇遊記
聖誕「泰」快樂 (泰國)
(旅程日期: 2014-12-24 至 2014-12-30 ,  旅程性質: 背包旅遊, 觀光攝影)
 整個旅程  (共2篇遊記)
 分享至Facebook 
發表日期: 2015-01-20
第二天:Eat Am Are>Chao Phraya Tourist Boat>臥佛寺>Asiatique The Riverfront河邊夜市

是日休養生息,沒有認真計畫,不想走路,姑且坐船遊覽去。
要拿籌等候。
要拿籌等候。
飲品
飲品
黑椒豬肉、豬肉腸
黑椒豬肉、豬肉腸
火腿扒、夏威夷雞扒
火腿扒、夏威夷雞扒
餐廳外觀
餐廳外觀
睡至正午才出動,到附近的商場吃早午餐。看到Eat Am Are外有不少泰國人等位,相信食物不會太差,看看價錢,$4X便有一碟兩款扒類,正適合我這個食肉獸。

等了數分鐘便有位。我吃了黑椒豬肉、豬肉腸(139B),豬肉非常嫩,黑椒味不算濃,可自行再加黑椒,而豬肉腸既皮脆又不油膩,配菜的薯條香脆可口,椰菜絲加了沙律醬,感覺清新,方包烘得剛好,不過沒有蒜蓉味。朋友吃了火腿扒、夏威夷雞扒(169B),火腿扒上有帶甜味的黃色調味,而夏威夷雞扒雖則加了一片菠蘿,但那醬油令我覺得像日式燒雞扒,肉質不像雞肉,反而像漢堡扒,不禁懷疑是否點錯或送錯菜。

飲品要另外點,我們喝了凍檸茶(30B)和檸檬梳打(30B),兩者都大大杯,內裏沒有加檸檬,味道跟平時喝到的樽裝飲品差不多,前者偏甜,後者較酸,有大半杯冰,透心涼。
每人消費: 約190泰銖 (午餐)
評分: 味道4   服務4   環境4   衛生3   抵食4
誠心禮佛。
誠心禮佛。
慈祥的佛像
慈祥的佛像
臥姿端正。
臥姿端正。
腳下的大道理。
腳下的大道理。
入場門票包送一樽水。
入場門票包送一樽水。
四不像?
四不像?
好像一個紳士呢!
好像一個紳士呢!
雖則不是第一次去曼谷,但原來我一直沒有去過臥佛寺。之前看到電視旅遊節目介紹,好像挺宏偉,既然整天無所事事,只是吃吃喝喝,就在兩餐中間去逛一逛。

我們在中央碼頭買了別人轉售的一日票(50B一張,原價150B),坐船來到臥佛寺站。跟隨人潮走數步已看到臥佛寺,在大門外無需排隊便買到門票,每張100B,送一樽水。先去看臥佛,要脫下鞋子,再放在寺廟提供的袋內,拿着走,不怕會遺失。臥佛令我有祥和的感覺,可以拍照,不過人太多,較難與之合照。反而寺內其他地方都有很多拍照的好位置,甚有泰國風情,我很喜歡。

令我意外的是:寺內提供一小時免費Wifi服務,登記名字後就會得到登入名稱和密碼。現代人去旅行,果然仍要機不離手,哈哈!
參觀時段: 下午
入場價錢: 每人100泰銖
評分: 值得去4  
Mango Tango
Mango Tango
芒果香蕉特飲
芒果香蕉特飲
實在太熱,要吃些甜品降溫,便到了隨處都有的Mango Tango吃碟Mango Tango(140B)喇!原個芒果夠甜,不會酸。芒果雪糕有雀巢雪糕的影子,不過不失。而芒果布甸則奶味較重,有果肉,卻可以再甜一點。

另外買了一杯芒果香蕉特飲(90B),我只喝了一口便打瀉了,真可惜!店員馬上來清理災區,噢,正正倒在落地玻璃和桌子間的縫隙,極不易抹,店員仍面帶微笑,服務不錯,我卻覺得很尷尬呢!
每人消費: 約115泰銖 (下午茶)
評分: 味道3   服務4   環境3   衛生3   抵食2
琳琅滿目的雪糕
琳琅滿目的雪糕
色彩繽紛!
色彩繽紛!
味道多元化。
味道多元化。
正
環境高雅舒適!
環境高雅舒適!
看到Gelate裝修華麗,加上搶眼的雪糕櫃,剛吃完甜品的我們都不禁要試試。

兩球雪糕只花了100B,非常便宜。本來想要筒裝,可惜已售罄,唯有用紙杯盛載。我們吃了Pocky百力枝味和香蕉朱古力味,前者興士多啤梨味沒大分別;後者朱古力味香濃,不會太甜,好味道!

當我們坐下不久,雪糕櫃前門庭若市,忽然又全店滿座,慶幸我們把握良機,可以坐在舒適的梳化上慢慢嘆。
每人消費: 約100泰銖 (下午茶)
評分: 味道4   服務4   環境4   衛生4   抵食4
Italian Cold Cut Platter
Italian Cold Cut Platter
白酒汁海鮮意大利粉
白酒汁海鮮意大利粉
Golden Gold Cocktail
Golden Gold Cocktail
海鮮薄餅
海鮮薄餅
免費的Mountain Dew
免費的Mountain Dew
室內光線充足又有聖誕氣氛。
室內光線充足又有聖誕氣氛。
Asiatique The Riverfront有不少望海的餐廳,大部分顧客都選擇坐室外,但我們都怕熱,所以選了室內光線充足又有聖誕氣氛的Capri 。

我們吃了~

*Italian Cold Cut Platter(420B):份量比較少,用了大量火箭菜墊底。巴馬火腿不太夠鹹香味,辣肉腸卻相反,非常辣,很醒胃,我很喜歡,整體而言質素尚可。

*白酒汁海鮮意大利粉(290B):用料豐富,有青口、蝦、魷魚、車厘茄,不算特別鮮甜,而意粉是港人習慣的質感,偏軟,本來擔心會有很濃酒味,結果出乎意料,愈吃愈辣,令我舌頭快要受不了。

*海鮮薄餅(350B):芝士又多又香濃,雖則海鮮分佈不平均,但蝦肉爽口,餅底烘得脆,好味道!唯一令我不理解的是:為何大蝦要連着尾部的殼呢?難度是要證明真材實料,用鮮蝦製作?

*飲品:我喝了士多啤梨梳打(120B),由於意粉太辣,飲品一上桌,我就急不及待喝了三分一,忘了拍照,其實這飲品賣相很吸引呀!朋友喝了Golden Gold Cocktail(220B),酒精含量比預期高。看到墊枱紙上有宣傳,上餐廳面書讚好、打卡可以免費得到一罐Mountain Dew,呵呵,我當然不會錯過喇!

總結而言,Capri 環境好、食物不錯、服務周到有禮,值得一試。
每人消費: 約840泰銖 (晚餐)
評分: 味道4   服務4   環境5   衛生4   抵食4
  2 個留言    |  加入你的留言
為食村姑
2篇遊記
聖誕「泰」快樂 (泰國)
(旅程日期: 2014-12-24 至 2014-12-30 ,  旅程性質: 背包旅遊, 觀光攝影)
 整個旅程  (共2篇遊記)
 分享至Facebook 
發表日期: 2015-01-18
第一天:香港機場>Air Asia>泰國廊曼機場>Royal View Resort

在香港機場吃過Pokka Cafe的晚餐才登機。以為Pokka Cafe有半自助餐,可以吃得超飽的,但原來已沒做,只得吃晚市套餐。慶幸大家都吃得飽飽的,吃飽便上路喇!

在飛機上買了一張299B電話卡,以為到埗後可以繼續方便地上網,豈料一直找不到確認碼,得物無所用。早知還是多花100B,在機場出閘後有專人會幫忙設定,無需煩惱嘛!

本來計畫坐機場巴士再轉坐BTS到酒店,但過關實在花了太多時間,唯有坐計程車。酒店位處勝利紀念碑站(Victory Monument),按咪錶計程,最後車資200B,點對點,方便快捷。

到達後喝杯Welcome Drink,回舒適的房間休息去,平安夜就平平安安地過去了。
平價又方便 笑臉2015-01-18
Welcome Drink
Welcome Drink
房間寬敞。
房間寬敞。
浴室清潔。
浴室清潔。
有浴缸。
有浴缸。
有提供牙刷、牙膏等。
有提供牙刷、牙膏等。
選擇Royal View Resort的主因是鄰近Victory Monument站,事關我們要在那兒坐小巴到華欣,一大早就出發,當然是能徙步就到達車站的酒店最方便喇!

結果酒店比預計更好,房間寬敞,感覺很舒服,最重要是清潔衛生。酒店在小巷內,面向公園,環境寧靜。職員很友善,辦理入住、退房的手續都很有效率。我們退房後把行李寄存數天,行李會放在一間專用的房間,令人安心。

每晚只需$300(不包早餐),非常經濟。
每晚價錢: 300港元 (大床房)
評分: 設備3   服務4   環境3   衛生4   抵住5
  0 個留言    |  加入你的留言
conniecheung
18篇遊記
曼谷之旅 (泰國)
(旅程日期: 2011-03-25 至 2011-03-29 ,  旅程性質: 飲食購物, 消閒度假)
 整個旅程  (共3篇遊記)
 分享至Facebook 
發表日期: 2014-11-20
同三個朋友一齊去泰國曼谷, 酒店做緊推廣, 住兩晚送一晚, 所以我地就早左一晚坐晚上的飛機去泰國啦, 第一晚落機已經好夜, 一早叫酒店安排車到機場接我地, 之後就參觀一下間房, 第二天早上在酒店食個早餐, 都食到10點幾先出發, 經過有路邊的小檔口, 我們又坐底食左一碗麵, 勁平又好味, 仲送椰青水俾我地添呀. 之後去左BIG C附近唱錢, 唱完錢又去BIG C又食個雪糕, 食完就去BIG C SUPERMARKET SHOPPING, 我地行左半天, 買左好多嘢, 返酒店放低戰利品, 就出發去唐人街食晚飯啦.
這間酒店係新的, 做緊推廣住兩晚送一晚, 所以我們就提前一晚出發啦, 酒店可以安排車到機場接我們, 價錢都唔係好貴的, 我們四個人訂左一間APARTMENT. 間房勁大呀, 有兩間房, 一間係主大套房連廁所的, 一間係雙人房, 廁所就係對面, 好方便. 成間屋咁大, 有一個大廳, 露台, 大的客廳, 有厨房. 設備好齊全的啊.
評分: 設備4   服務4   環境4   衛生4   抵住4
酒店早餐 笑臉2014-11-20
正
正
第二朝早上係酒店食早餐. 餐廳都好大, 好靚, 我食左一隻熟雞蛋, 一碗粟米片, 同埋一些麵包, 點心, 什菌等等, 他們的蛋好有唔同的選擇, 有奄列, 炒蛋, 半生熟蛋, 煎太陽蛋等. 好美味.
每人消費: 約0泰銖 (早餐)
評分: 味道4   服務4   環境4   衛生4   抵食4
出名的甜品 笑臉2014-11-20
正
正
呢度食甜品好出名, 我們叫左兩個一齊食, 咩都試下呀麻, 一個香蕉船, 另一個一大杯雪糕芭菲, 賣相好靚, 用料都好充足的呀, 香蕉船有一條香蕉, 雪糕, CREAM, 一塊餅, 好味呀, 另一杯芭菲入面都多生果, 雪糕.
評分: 味道4   服務4   環境4   衛生4   抵食4
唐人街晚餐 笑臉2014-11-20
正
正
正
正
正
正
夜晚去了唐人街, 食呢間最出名的海鮮魚翅餐廳, 好多人啊, 好熱鬧, 有三層的, 門口見到好多燒的食物, 好香呀, 我們食左翅, 魷魚, 生蝦, 燒大蝦, 仲有叫左汽水.

翅都好味,入面有些雞絲的, 足料呀, 那一碟魷魚勁大碟, 好鮮甜, 好好味呀, 又爽口又彈牙. 大蝦燒到燶燶地, 香口, 肉質彈牙, 好味, 夠爽.

生蝦辣辣地好惹味, 個醬好正.
評分: 味道4   服務4   環境4   衛生4   抵食4
  0 個留言    |  加入你的留言
Yanomich
127篇遊記
華欣自駕遊8天之旅 (泰國)
(旅程日期: 2014-09-20 至 2014-09-27 ,  旅程性質: 觀光攝影, 飲食購物, 慶祝生日, 消閒度假)
 整個旅程  (共20篇遊記)
 分享至Facebook 
發表日期: 2014-09-30
今次選用Expedia訂購機票+酒店~篩選後..比其他更方便快捷
因為航空公司及酒店方面~可以貼合到我需要..唔駛分開訂咁煩
價格要視乎自己揀選既航空公司而定~有得揀..我地會首選"國泰航空"
另外..今次都同樣係自駕遊~交通方面..我始終信任另一半多過其他司機
同樣有得揀..我既生命會交托比另一半~但近年各地自駕遊意外既新聞唔少
出發前都嚴謹叮囑佢~自己要好小心外..都要留意其他魯莽司機
身在外地..唔係自己地方~凡事要更加忍讓..反正不趕時間ma(最緊要小心)
~ ~ ~ ~ ~ ~ ~ ~ ~ ~
9月20日(星期六)~48小時前已經online check in~7點多去到機場寄行李..好快等上機
我地乘坐"國泰航空"..CX713 - HK > BKK(8:50am-10:40am)
兩個多鐘機程..眨下眼就過~但因為起飛延遲左20分鐘
當地時間11點先落機~起飛及降落都非常穩定
過關..取行李..出數據卡..取車~正式出發
(待續) 
dtac 笑臉2014-09-30
HK > BKK
HK > BKK
起飛後..送上早餐~我揀"西式早餐"
起飛後..送上早餐~我揀"西式早餐"
另一半揀"中式早餐"~不論網上服務..地勤及空中服務..食物及機艙舒適度~不愧國泰航空..2014年再度成為"全球最佳航空公司"(讚)
另一半揀"中式早餐"~不論網上服務..地勤及空中服務..食物及機艙舒適度~不愧國泰航空..2014年再度成為"全球最佳航空公司"(讚)
兩個多鐘機程..眨下眼就過~但因為起飛延遲左20分鐘  當地時間11點先落機~起飛及降落都非常穩定
兩個多鐘機程..眨下眼就過~但因為起飛延遲左20分鐘 當地時間11點先落機~起飛及降落都非常穩定
出卡counter
出卡counter
取車前..先去dtac出張數據卡~除左方便另一半無時無刻上網
又可以開動google map~7日(299b)/10日(499b)..另仲有個更長plan
我地去8日..買張7日卡~反正地圖已經入晒腦..最後一日用到就用
用唔到都完全無問題~但估唔到第8日都仲用到呢
揀好plan+$..服務員會幫手換埋卡及setting
價錢平~讓旅程更加方便
評分: 值得去5  
曼谷 > 華欣 笑臉2014-09-30
中途會經過入口收費亭~先取卡..係出口收費亭比卡比錢(40b)
中途會經過入口收費亭~先取卡..係出口收費亭比卡比錢(40b)
路牌無直接去hua hin/cha am~要記認不同省區  好簡易..最緊要功課做足~我揀由motorway 7 > 9 > 35 > 4
路牌無直接去hua hin/cha am~要記認不同省區 好簡易..最緊要功課做足~我揀由motorway 7 > 9 > 35 > 4
出完卡..再去Hertz取車~check完車攪掂晒..12:15pm開始出車
由曼谷>華欣車程約3小時(另預計塞車0.5小時)~中途會take a break
今次有人肉GPS+衛星GPS(輔助)~因為本身有唔同路線可以去華欣
但都會跟我做果條路線~反正只比另一條路線多走3分鐘..但簡單d

評分: 值得去5  
鐵皮頂係廚房..超大
鐵皮頂係廚房..超大
太熱..唔想飲冬蔭湯~先叫2個"冰凍椰青"..超甜 解渴
太熱..唔想飲冬蔭湯~先叫2個"冰凍椰青"..超甜 解渴
"BBQ螄蛤"  螄蚶剛好熟透..雖然無水份但唔算乾  伴上既泰汁超正~酸中帶勁辣..好正宗既辣度
"BBQ螄蛤" 螄蚶剛好熟透..雖然無水份但唔算乾 伴上既泰汁超正~酸中帶勁辣..好正宗既辣度
"BBQ琵琶蝦"
"BBQ琵琶蝦"
本身食過琵琶蝦..肉質係無龍蝦咁爽既  依個肉質同樣微粗~但好有海鮮味..肉質非常有彈性  蝦膏味道有d似食蟹膏..帶甘香
本身食過琵琶蝦..肉質係無龍蝦咁爽既 依個肉質同樣微粗~但好有海鮮味..肉質非常有彈性 蝦膏味道有d似食蟹膏..帶甘香
"蒜茸炸小魚"
"蒜茸炸小魚"
小魚炸得好透徹..勁香脆  伴上炸蒜料..唔辣又唔太鹽~蒜味十足~伴上既泰汁又係勁開胃 惹味
小魚炸得好透徹..勁香脆 伴上炸蒜料..唔辣又唔太鹽~蒜味十足~伴上既泰汁又係勁開胃 惹味
在場全部都係local食客
整體食物都好ok..環境舒適夠靜(總消費:630b=$155.5)

評分: 味道4   服務4   環境4   衛生4   抵食4
  2 個留言    |  加入你的留言
Wilson CK Lo
2篇遊記
2014 慢活曼谷 (泰國)
旅程性質: 飲食購物, 消閒度假
 整個旅程  (共1篇遊記)
 分享至Facebook 
發表日期: 2014-08-29

現在我的strategies就係揀D冇咁多同鄉的酒店,因一些popular如連住Siam Paragon, Central World 或Terminal 21的酒店,除了住到貴晒外,最大問題是人聲沸騰,怎relax?
在酒店附近小區venture下,在coffee shop坐兩三小時,和店主談談天,鍾意就瞓個晏覺,游下水,避開街頭的烈焰當空,之後再出動吃飯聽歌行夜市,不是更悠閒自在?
不過,每次回程在天空中望香港,也更喜愛她,希望大家一起守護這片自由的小天地!

型格花園Cafe 笑臉2014-08-29
這兒别具一幟的選用乾花作裝飾,有點Tim Burton feel加工業風,不是一般白屋綠林的美,地方超大,亦可真的讓人偷閒半天,不會有人在你身邊出出入入,顧客好像都有共識的分散不同角度。
點了Iced Latte,是average standard,另外也要了一件小蛋糕Almond Lemon,杏仁蛋糕濕潤清香,配上檸檬牛油cream,不死甜也不太油 ,看着店家提供的Monocole,一晃眼,便兩小時,若不是有行程,真的想賴着不走!
每人消費: 約250泰銖 (早餐)
評分: 味道3   服務4   環境4   衛生4   抵食3
我心中常有疑問,為何在國際Brand進駐(如Harrods, Dean & Deluca) 及自家品牌coffe shops這範疇上,香港總不及Bangkok? 我想除了租金外,就是創意及個性的多元化不逮,例如仍有大量港人以揸着星星杯為榮,自以為高人一等,我親身到過其Seatle總店,又在那兒上過咖啡課程,但我只當她是其中一個choice,咖啡還是瑞士的好喝,未聽過?根本唔夠外銷!
這兒的Brownie雪糕三文治絕對出色,Brownie雪過後不會死實,仍會散發朱古力香,且不過甜,配冰凍不快溶雲尼拿雪糕,加點草莓粒,朱古力醬及cream,怎會不和諧美好?當然,仲有很多款雪糕甜品值得一試,就讓大家感受自我尋寶的樂趣吧!
和店主閒聊,原來這小店是她和姐妹共同創立,她負責出品,另一位包辦店舖裝修及設計,難怪這麼有特色,有個性!
後來發現,隔離的Dessert Bar也走去光顧,便知厲害! 
每人消費: 約200泰銖 (宵夜)
評分: 味道5   服務5   環境5   衛生5   抵食5
剛吃完Somboom(這間分店的咖哩蟹水準極一般),經過Cheese Cake 店,梗未有胃口,但看見門口的顯示板寫着Soft serve cheese cake,即刻想知是什麼葫蘆,原來相片中一杯杯色彩繽紛的甜品是由鮮果和cream cheese 層層疊疊而成,再混入果仁或曲奇碎,成件事即刻無咁heavy!點了Peach Melba,難得是那叫即製,大方的加入大量蜜桃粒及軟滑芝士忌亷,底部則是牛油消化餅碎,有點像吃Froyo的感覺,不知不覺便清晒。
另外,這兒的Iced Thai Milk Tea不會是橙啡色那麼恐怖,茶味清,奶滑,不過甜,非常好喝。(可能是新開業的關係,奶茶免費!)
這小店更有不同款式的傳統美式芝士餅,曲奇及爆谷供應。
推介菜式: Iced Milk Tea, Soft Serve
每人消費: 約180泰銖 (下午茶)
評分: 味道4   服務5   環境5   衛生5   抵食5
除了在東京築地或北海道小樽,吃過讓人感動的寿司外,這兒可以排到第三了!先講沙律,數起上來可能有超過十種不同蔬菜,不是生菜三塊,青瓜兩片,一粒車厘茄搭粟米粒,然後加曰式芝麻沙律醬的貨色,汁料是橄欖油醋,柚子加芝麻,故吃下去不會蓋過每種蔬菜的爽甜。自家製凍豆腐比上次來好像迷你了一半,但仍然味道豐富,有紅麵豉芝麻醬,wasabi,薑蓉,混合起來,很有趣。今次喝的是白麵豉湯,很温順,讓人感到舒適。
 
寿司盤一 上桌,看見魚片色澤已知新鮮,另外一提的是,每一款的調味也不同,有加上水果啫喱,有抹上甜醬油,故不用再沾太多豉油,較驚喜的是熟花竹蝦寿司,香港很多也是很薄的0.3cm,但這兒有1cm以上的厚度,更灑上少許青檸皮,三文魚籽更像神蹟般0腥味,很難做到的,因在曰本魚市場的海鮮丼,有時也有少少腥,這次是0腥味,腐皮寿司以為平平無奇甜甜地啫,點知中間有少量炸腐皮碎,這些就是心思。
 
甜品是不跟餐的,今次點的芒果椰子雪糕,好吃但是意料之內的味道,反而上次吃的士多啤梨甜品更要多花心機製作,有布甸,有果汁冰,有雪糕,更精彩!
每人消費: 約1000泰銖 (午餐)
評分: 味道5   服務4   環境5   衛生5   抵食4
其實很久前常常見很多本地青少年排隊的了,今天六時經過,看見不用排長便入去吃個早飯。主要以Combo Set形式叫炸雞胸,翼,槌,分大中小,即件數多寡計,分兩種調味:香辣與豉油香蒜,再加白米飯,糯米飯或coleslaw沙律。我揀了帶甜味的豉油香蒜雞翼及槌,雞皮真的像薯片那種乾脆,肉卻仍嫩滑,讓人吃不停口,不過糯米飯就過硬。
另一推介的是荔枝檸檬茶,少有的配搭,郤極好喝! 
若是上機前經過,會是打包回家的滋味手信。
每人消費: 約300泰銖
評分: 味道4   服務4   環境4   衛生4   抵食5

雖然過了中午吃飯時間才到埗,Thai Lao Yeh 將暫時休息,但侍者仍熱情招待,主動建議可在Joy Luck Club本主要用來品茶或淺酎的地方用膳。
這兒主要提供泰寮菜 ,食客可品嚐很多不常吃到的菜餚,如用糯米發酵而成的泰北烤香腸,竹筍排骨清湯,馬沙文咖哩牛肉,香辣惹味,拌以白米飯同吃,風味絕佳!
不得不提的就是這兒的室內裝修,令人置身於古代探險家的大宅中,四處也是古董,海陸動物標本,旅行箱等,每個角落也饒富趣味,引發無限遐思!
用膳完畢,酒店負責人葉小姐更帶我參觀這座白色大宅,三房套房是一般酒店較罕見的,極適合大班親友租用,浴室的手工浴缸古樸雅致,天台的游泳池夠長夠深,加上附近有不少型格傢俬店及餐廳,將會是我下次到曼谷的居停。

每人消費: 約500泰銖
評分: 味道4   服務5   環境5   衛生5   抵食4
長龍粉麵店 笑臉2014-08-29

有時候,小食店反而令你印象難忘,以這家庭式經營的粉麵店為例,因早上跑步經過,看見員工正在準備及格局也算衞生乾淨,便想入內光顧,但其中一名煮食工人,對我說湯底還要15分鐘才可,就知這是一間堅持質素的小店,轉頭再回去,已坐滿七成人了!
試了一碗肉片魚片湯米及一碗什錦撈粗及凍菊花茶,盛惠100B,當中最正的是魚蛋及魚片,質感介乎潮式及寧波魚丸之間,魚味極濃,加入短粗清甜芽菜,令人回味不已!
中午再經過,已見人龍。 

每人消費: 約100泰銖
評分: 味道4   服務4   環境3   衛生4   抵食5

那時Greyhound 還未進駐香港,每次到曼谷,頭尾兩餐列必到訪,鍾愛情度接近瘋狂,現在其大部分菜式已經品嚐過,驚喜驟降,係時候發掘新味道。幸而,發現了這間Mint,試了它的大蝦煙肉火箭菜意粉,簡直驚為天人,超簡單的材料,但樣樣新鮮高質,配合甜美蕃茄茸,是吃過的意粉中的Top 5。另外,其心太軟,令本身對此甜品頗抗拒的我,吃到一滴不留,全因朱古力蛋糕表層微脆,下面鬆軟,中心的朱古力漿濃度適中,不會過甜過漏,水準超班。

每人消費: 約700泰銖
評分: 味道5   服務4   環境4   衛生5   抵食4
只有甜品為Fine Dining並提供3-course menu及wine pairing的dessert bar在香港並不普及,品牌源自紐約,另外杜拜,東京及曼谷也有分店。
此三道菜menu,會有Amuse小吃,主菜多款任揀,再加Petit Four,加一點錢,便多配相應的酒。但我覺得更值回票價的是,師傅會即席調製你落的柯打,這樣眼耳口鼻也會同時享受!
今天的Amuse是椰子雪糕配奇異果香草碎冰,必然十分清爽,而侍者會和客人了解其口味喜好,再向客人推薦合適主菜,我就挑選了香蕉批配黑白雪糕,香蕉粒清甜,批底脆卜卜,配黑朱古力及雲尼拿雪糕必夾,最後的小點也樣樣稱心!
每人消費: 約700泰銖
評分: 味道5   服務5   環境5   衛生5   抵食4
地方清雅,服務一流,食物味道卻一般,若像本人居於Oriental Residence或在附近如Conrad,Okura Prestige住的話,也可一訪,長途跋涉而來就不必了!
本人試了其早餐Buffet,味道不俗,但在款式及汁料味道上,比Four Seasons及Sheraton的仍有大距離。另外,其海鮮Lunch Buffet,海鮮種類是可以的,但不知是來貨定處理問題,如Alaska蟹腳,肉不爽甜,生蠔味也帶點苦,只有中華海草沙律及蟹肉炒飯可稱為美味。
不過,這裡的Cappucino, latte 及果汁Mocktail也有水準!
每人消費: 約1000泰銖
評分: 味道3   服務5   環境5   衛生5   抵食3
  0 個留言    |  加入你的留言
美食兵團
41篇遊記
美食兵團去清邁+芭堤雅+曼谷10天遊 (泰國)
(旅程日期: 2013-07-12 至 2013-07-21 ,  旅程性質: 飲食購物, 消閒度假)
 整個旅程  (共3篇遊記)
 分享至Facebook 
發表日期: 2014-04-27
去完清邁, 跟著嘅行程就係去芭堤雅同曼谷, 朋友一家未去過, 所以指明想今次泰國之行兜一轉, 亦希望喺芭堤雅陽光與海灘, 仲想去曼谷Shopping.......為咗朋友嘅要求, 好啦, 所以就用隨遇而安嘅心態去計劃呢5日嘅行程。
當日沙美海灘較大浪, 不太適合游泳
當日沙美海灘較大浪, 不太適合游泳
沙灘上九成的女士們係著比堅尼, 而且大部份都係歐洲人
沙灘上九成的女士們係著比堅尼, 而且大部份都係歐洲人
租沙灘椅好平, 40B連傘, 而且好新淨
租沙灘椅好平, 40B連傘, 而且好新淨
藍天白雲, 配水清沙幼, 陽光與海灘, 好正啊呀
藍天白雲, 配水清沙幼, 陽光與海灘, 好正啊呀
芭堤雅公眾碼頭內去珊瑚島的櫃位, 出船時間及價錢150B
芭堤雅公眾碼頭內去珊瑚島的櫃位, 出船時間及價錢150B
去沙美灘要在C碼頭上船
去沙美灘要在C碼頭上船
去沙美海灘的公眾船, 多數逼爆, 遲上船要硬企
去沙美海灘的公眾船, 多數逼爆, 遲上船要硬企
碼頭櫃位頂嘅沙美灘出船時間表
碼頭櫃位頂嘅沙美灘出船時間表

17/07/2013 一早起床出外食早餐,然後坐爽條去公眾碼頭搭9:30船去珊瑚島嘅沙美灘。

朝早8:00,整個芭堤雅都仍在休息,想入去Central Festival 食早餐,又未開,原來真係「食宵夜易,食早餐難」。最後去咗Subway食咗個豐富嘅三文治,馬上截咗架爽條去公眾碼頭。

去到啱啱9:00,船家話剛走了一班船,叫我哋搭9:30,原本就係咁打算。

去Samae Beach 較去Koh Larn其他沙灘貴,一般公眾船去Koh Larn Na Ban pier係35B,到達後再坐電單車(即雞車)去一般跟團去嘅Tong Lang 沙灘或Twaen 沙灘。當日所見,較多強國人去坐35B公眾船,而去Samae 或Tien就較多外國人,買咗船票,船家已叫我出去上船位置,但另一半話太曬,想過15分鐘至行出去,點知.........

其實應該聽船家講,即刻行出去。我哋喺響9:15行出,行到C碼頭時,仲差5分鐘就開船,原來船上已坐滿乘客,下層只得四個位,所以都係應該聽人講嘅。約坐咗45分鐘,就到Tien Beach,呢處冇泊岸碼頭,要坐駁艇上岸,然後再坐船家安排嘅電單車或爽條去Samae Beach,呢程車都係船家包嘅,唔駛再比額外錢,約5分鐘就到喇!船家帶領我哋進入沙灘,一排綠色沙灘椅,船家會問要幾多張椅,40B一張連太陽傘,平布吉蛋島好多,我哋要3張,另外佢哋又細心問會唔會玩水上活動、又問要唔雪糕汽水啤酒,甚至小食午餐,都一條龍服務,真係好叻做生意。當然我哋都樂意幫襯。講番嗰灘,都幾清,沙亦滑,雖然冇布吉或沙巴那邊咁靚,亦冇魚睇,又冇得玩浮潛,但都有75分,只因較大浪,所以亦不太適合游水,不過可在近岸玩浪亦唔錯喎。另外Samae 好多歐洲人,特別係俄羅斯人,亞洲人只有我哋同另一強國人家庭,直至到下午1:00之後,至有多幾組年青港人到。總括而言,Samae感覺係舒服,冇旅行團,幾正。 PS : 回程時, 全船逼爆, 主要在Tien Beach再上超多人, 連企位都冇, 但船家仍然照舊上人, 所以船家非常草管人命, 妄顧遊客安全, 希望泰國旅遊部關注吧!

參觀時段: 早上
入場價錢: 每人150泰銖
評分: 值得去5  
船家開設的餐廳
船家開設的餐廳
餐廳包羅萬有
餐廳包羅萬有
冬陰公好多蝦, 好好味; 中蝦沙律好清新
冬陰公好多蝦, 好好味; 中蝦沙律好清新
甜酸蝦好啱送飯
甜酸蝦好啱送飯
菠蘿炒飯主要材料是蝦同菠蘿, 炒得好乾身
菠蘿炒飯主要材料是蝦同菠蘿, 炒得好乾身
蕃茄洋蔥炒海鮮意粉, 同甜酸蝦味道差唔多, 海鮮好新鮮
蕃茄洋蔥炒海鮮意粉, 同甜酸蝦味道差唔多, 海鮮好新鮮
到中午,船家拎住餐牌過嚟問每家人是否要叫嘢食,我哋見價錢唔貴,而且周圍都冇乜食肆,都決定幫襯船家,點完菜,佢話安排好,就會過嚟叫我哋埋位。15分鐘後,佢哋已擺好位,餸菜就跟住上,我哋全叫中size,所以都算夠份量。  

冬蔭公,微辣,海鮮材料多,特別係蝦,班港童個個讚。

菠蘿炒飯,菠蘿好多但肉唔多,只有火腿,但味道都OK,炒得幾乾身。

甜酸蝦意粉,汁好多,送飯一流,唔辣,班港童搶哂嚟食。 

大蝦沙律,酸辣味,有好多青瓜作底,so fresh。又飲又食又雪糕啤酒,加埋3張沙灘椅連傘,都只是850B,真係好抵,比布吉平好多。總括而言,船家的一條龍服務非常到位,雖然每樣都要收錢,但價錢合理唔貴,食物質素都唔錯,令我哋感到非常滿意。 
每人消費: 約150泰銖 (午餐)
評分: 味道5   服務5   環境5   衛生4   抵食4
平靚正SPA 笑臉2014-04-27
始終乾淨企理, 價錢公道
始終乾淨企理, 價錢公道
好有私隱嘅一人房
好有私隱嘅一人房
去完沙美灘,完成一個鐘嘅船程,就去搵爽條去Health Land,問咗幾架爽條,佢哋都企硬價30B,算喇早去早按摩,上車出發。 其實由碼頭到Health Land 都幾遠。

Health Land Pattaya 分店貫徹Health Land style,乾淨企理,豪華中帶平實,最重要係平做Spa麻,朋友非常喜歡。推油淨做價係800B/1.5 小時,我哋亦是買6500B/10張coupons,佢哋嘅coupon可以喺其所有分店使用,返到曼谷,我哋亦會去Asok嘅分店做推油。完成1.5小時舒服嘅享受,大家都一致讚好,所以都比按摩師每人50B,真係非常感謝佢哋嘅手勢。 
推介項目: 推油
參觀時段: 下午
入場價錢: 每人650泰銖
其他消費: 貼士50B
評分: 值得去5  
义燒拉麵, 仲有餃子白飯, 好飽呀! 180B
义燒拉麵, 仲有餃子白飯, 好飽呀! 180B
最貴係呢set壽司刺身套餐, 320B
最貴係呢set壽司刺身套餐, 320B
燒豬排定食 180B
燒豬排定食 180B
最平嘅蛋丼豬排, 120B
最平嘅蛋丼豬排, 120B
做完Spa, 都已經成下午6:00,係時候醫肚喇,所以截番架爽條返Central Festival搵食。班港童話要食日本菜,梗係帶佢哋去Fuji啦,又唔貴,仼佢哋叫定食都唔算大出血。

Fuji喺芭堤雅其中一間分店就在Central Festivial地下,對我哋嚟講相當方便。大家一致叫定食,每人一份,最貴係320B嘅壽司刺身定食 ,最平係炸豬排蛋丼定食,120B,豐儉由人,泰國嘅連鎖食店嘅價錢真係唔貴。讚! 
推介菜式: 定食
每人消費: 約150泰銖 (晚餐)
評分: 味道5   服務4   環境5   衛生4   抵食5
香蕉船 65B
香蕉船 65B
西瓜汁做特價, 45B/2杯, 好抵呀!
西瓜汁做特價, 45B/2杯, 好抵呀!
火鍋紙巾盒, 好鬼盞呀!
火鍋紙巾盒, 好鬼盞呀!
食完日本菜,班港童又話要食甜品,朋友就行過對面嘅MK Restaurant 睇Manu,原來MK除食火鍋外,都有甜品食,咁方便,唔諗喇,就行入去食。除咗我,大家都叫咗一個香蕉船,而我就叫咗個特價鮮果汁,45B兩杯,有西瓜、橙、同蜜瓜。其實我哋都想再去MK食火鍋,可惜泰國美食多,未能食到,下次吧! 
每人消費: 約60泰銖 (晚餐)
評分: 味道4   服務5   環境5   衛生5   抵食5
凍Mocha及凍Latte, 65B/大杯
凍Mocha及凍Latte, 65B/大杯
蝦餅 95B/6件
蝦餅 95B/6件
卡邦屁煙肉意粉 108B, 份量太少
卡邦屁煙肉意粉 108B, 份量太少
蕃茄汁蘑菇肉碎飯, 85B 汁多過飯, 雖然味道唔差, 但賣相唔靚囉
蕃茄汁蘑菇肉碎飯, 85B 汁多過飯, 雖然味道唔差, 但賣相唔靚囉
炸薯條含有香濃薯味, 62B, 唔似麥記出品, 好食!
炸薯條含有香濃薯味, 62B, 唔似麥記出品, 好食!
甜酸蝦炒金邊粉, 98B
甜酸蝦炒金邊粉, 98B
排骨意粉, 中西合壁, 108B
排骨意粉, 中西合壁, 108B
18/07/2013 今日返曼谷,約咗Tim哥架靚Van 2:00pm,所以可以瞓晏D,約定大家11:30出外搵食。當然就腳去番Central Festival啦!昨晩去咗Fuji同MK,今日上1樓,經過Black Canyon,有個特價咖啡大招牌喺門口,凍Mocha同凍Latte 大杯都係65B,班港童一見,即刻衝入去坐底,順利成章我哋就喺處開餐喇!除咗咖啡,我哋各自叫了自己嘅心水。

蝦餅,幾厚,蝦膠算實及爽。煙肉卡邦尼意粉,分量略少,味道不過不失,另一半話自家製好食D。泰式酸辣蝦炒河,蝦爽,河粉較濕,唔夠乾身,但味道唔錯少辣少酸,啱啱好。 肉碎鮮茄飯,我就覺得太水汪汪,唔吸引,但班港童就話好食。日式咖哩炸豬排飯,朋友話好隱陣,雖然普通,但味道唔錯。總括唔差又唔貴,環境舒服,而且泰國好多地方都有分店,推薦! 
推介菜式: 凍Mocha
每人消費: 約200泰銖 (午餐)
評分: 味道4   服務4   環境4   衛生4   抵食5
標準大床房, 床係4呎半, 房間好細, 牆紙好舊, 但好過雙床房
標準大床房, 床係4呎半, 房間好細, 牆紙好舊, 但好過雙床房
雙床房, 只得床旁的梳妝台燈及一盞小射燈, 所以房間好黑暗, 呢間房地毯有霉味
雙床房, 只得床旁的梳妝台燈及一盞小射燈, 所以房間好黑暗, 呢間房地毯有霉味
房間好細, 根本冇地方擺行李
房間好細, 根本冇地方擺行李
酒店大堂都幾有氣派架, 比佢呃咗
酒店大堂都幾有氣派架, 比佢呃咗
Receiption嘅職員外表都好Professional架, 可惜笑容欠奉
Receiption嘅職員外表都好Professional架, 可惜笑容欠奉
酒店門口唔好亂過馬路呀!唔止巴士的士, 仲有火車, 頭頂就係机鐵, 轟隆隆啊!
酒店門口唔好亂過馬路呀!唔止巴士的士, 仲有火車, 頭頂就係机鐵, 轟隆隆啊!
18/07/2013 由芭堤雅去到曼谷Nasa Vegas只須個半鐘,比由曼谷去芭堤雅快15分鐘。去到曼谷NASA Vegas係3:30 pm。Tim 哥收我哋呢程2,050B。

呢間酒店係響12年12月喺AirAsiaGo訂嘅,當時係做promote,標準雙人房連稅一晚只係港幣88元,睇咗其網站及房相,又睇埋其他訂酒店網站及評語,大概比分都有7.2分左右,又話交通方便、房間幾好唔錯等等,而以前亦曾響AirAsiaGo訂過平酒店,諗住博一鋪,就訂三間房住三晚,但訂完後唔知點解,仍然忐忑不安,一路出發前幾個月都有留意住呢間酒店嘅評語同周圍嘅環境,而且都做埋後著,搵定後備酒店.....點知真係用得著。

落車時,朋友見間酒店外型新淨宏偉,又有Bell Boy出嚟幫我哋搬行李,大堂lobby都唔差,Reception女職員一律穿紫色泰式製服,又有大電腦螢幕指引客人如何遊曼谷,又提供Gym房比客人,器材唔差架,只係冇冷氣咋,朋友同另一半都猛講平靚正喎,但我就話睇埋間房先至讚啦!

我所訂都係大床房,全部係13樓,入房後,大家都緊係打個突啦! 尤其係班港童,嚷著要upgrade間房,佢哋覺得間房好陰暗好唔舒服,我哋大人都唔滿意啦!但諗住咁平,都打算忍三晚,但.....

房好細、好舊、好黑、燈好暗、牆紙甩、地毯臭,唯一係廁所乾淨,有洗頭水護髮素沐浴露提供。落去同reception講,我哋想upgrade,但佢哋竟然唔建議,只話同我哋換雙床房,轉上18樓,Bell Boy帶我哋睇完ok至轉,最後港童𨍭,為方便照顧,我哋都跟住𨍭,而朋友就按兵不動。行完街,10點半至返到酒店。晚上酒店亮燈後,外形都討好架,但內部真唔得囉。而最基本嘅風筒竟然冇提供,打電話到服務部要求,佢哋話冇呢個服務,話比錢租,都話唔能夠幫到我,令我哋要等到差唔多凌晨三點,頭髮只有七成乾都要瞓喇,在等瞓期間,就用番之前嘅兩手準備再搵酒店......

由於房細,根本冇櫈或椅喺房內,唯有坐在床上上網,而就坐在床上呢三個幾鐘,我所瞓嘅床係呈U形,中間床褥位置簡直係下陷,真係令我決心𨍭酒店。而朋友嘅大床同港童嘅雙床都有此情況,但冇我嗰張咁嚴重呢!另一要提上網每位計24小時要400B,冇電視,加上我嗰間房有兩盞射燈壞咗,只得一盞黃燈,令我更感房間陰森。真係唔明白網評會有平均7.1分囉?? 
每晚價錢: 88港元 (雙人房)
評分: 設備2   服務1   環境1   衛生2   抵住5
標準大床房, 床係5呎, 好溫馨典雅嘅歐式設計
標準大床房, 床係5呎, 好溫馨典雅嘅歐式設計
浴室冇浴缸, 係淋浴設備, 水力好夠
浴室冇浴缸, 係淋浴設備, 水力好夠
我哋嘅房號分別係308, 208及107
我哋嘅房號分別係308, 208及107
107號房的標準大床房
107號房的標準大床房
107號房的另一角
107號房的另一角
308號房係三樓中最大的一間
308號房係三樓中最大的一間
308號房的另一面
308號房的另一面

19/07/2013  我整晚搵酒店嘅幸勞都冇白費,最後搵咗三間4星,價錢都約四百多元左右,至四點至瞓。

第二朝,同朋友商量後,馬上晌酒店大堂上網訂房,最後都係揀Salil,舊年我住過Salil Though Lor,覺得唔錯,包早交通又方便,今次試下呢間開業不到一年嘅另一分店- Sali Sukhumvit Hotel,見相中裝修精緻華麗,班港童一見相就鍾意。

馬上check out Nasa Vegas, 打的直去Salil,果然冇揀錯。

由於時間尚早,酒店未能check in,酒店櫃台職員亦好細心將我哋嘅行李擺好,叫我哋先出外食午餐,而且有禮貌地向我哋解釋希望能提供一個乾淨舒適嘅房間給我哋,有禮親切同冇禮木口木面嘅reception女職在一小時內都見識過,真係強烈嘅對比啊!更加令我冇決定錯誤,放棄其餘兩睌cheap 房。

講番間房,由於標準房嘅twin bed room已滿,我哋要咗三間大床房,房裡裝修果然典雅華麗,同網站相片一樣,我們三間房都分別在一樓、二樓及三樓,四樓起係Delux Room。三間房嘅面積都唔一樣,最大係三樓嗰間,應該有二百多呎,浴室都幾寬敞,花灑水力好夠,五尺大床好舒服,枕頭床褥軟硬適中,同Nasa Vegas差好遠,真係一分錢,一分貨。

每晚價錢: 1900泰銖 (雙人房)
評分: 設備4   服務5   環境5   衛生4   抵住4
後巷小食店 笑臉2014-04-27
雙蛋泰式肉碎飯, 40B 雖然肉碎好辣,但非常冶味
雙蛋泰式肉碎飯, 40B 雖然肉碎好辣,但非常冶味
魚蛋+肉丸河, 40B, 好味, 只係丸較細粒
魚蛋+肉丸河, 40B, 好味, 只係丸較細粒
泰式雞翼, 好味唔油膩, 想再叫多碟都冇喇, 賣哂!
泰式雞翼, 好味唔油膩, 想再叫多碟都冇喇, 賣哂!
海南雞飯, 好食, 40B
海南雞飯, 好食, 40B
小食店內自成一角, 自製園林, 小橋流水, 係幾特別, 但就好多蚊呢!
小食店內自成一角, 自製園林, 小橋流水, 係幾特別, 但就好多蚊呢!
小食店在後巷內, 日頭唔太多人行, 晚上整條後巷熱鬧非常
小食店在後巷內, 日頭唔太多人行, 晚上整條後巷熱鬧非常
一整晚至朝早都掛住搵房,都冇理個肚,終於喺Salil 放底咗行李後,就叫咗出嚟,加上又未係時候check in,出去搵嘢食先。

由Salil 向BTS Nana站方向行約幾個舖位,見有一小巷,右旁一面有湯粉小食檔,走入去,小橋流水,竹棚下有小高台作用餐區,入內亦有其他的用餐位,幾特色,而且亦兼有學泰菜班。

我哋因太餓,除咗辣嘢外,餐牌上的粉麵飯及小食都叫哂,好食:

海南雞飯,40B,油飯不太油,雞亦滑;

魚蛋肉丸河,40B,雖然細粒D,但算爽,粉亦滑,湯底係清鷄湯,配合唔錯;

酸辣肉碎飯,40B,好野味,唔算好辣,加埋隻荷包蛋,好食;

炸雞翼,40B,外表好似乾身,但實質幾juicy,味道好好,想再叫多兩碟,但已賣晒,噢!

總括食店環境唔錯,雖然冇冷氣,但唔算好熱,唯一係有蚊,可能係食店種咗好多植物,有造了條小河(好似坑渠),所以要注意蚊患,食品唔錯,價錢唔貴。 
推介菜式: 海南雞飯
每人消費: 約100泰銖 (午餐)
評分: 味道5   服務4   環境4   衛生3   抵食5
搭ASIATIQUE 免費船嘅碼頭, 要等15至20分鐘船
搭ASIATIQUE 免費船嘅碼頭, 要等15至20分鐘船
Asiatique上嘅小商店賣嘢唔貴
Asiatique上嘅小商店賣嘢唔貴
除小商店及小攤檔外, 亦有好多食肆及Food Court
除小商店及小攤檔外, 亦有好多食肆及Food Court
Asiatique 的碼頭
Asiatique 的碼頭
除了Food Court及連鎖式食店外, 仲有小食攤檔, 迎合喜歡掃街人士
除了Food Court及連鎖式食店外, 仲有小食攤檔, 迎合喜歡掃街人士
街頭表演
街頭表演
Asiatique掠影
Asiatique掠影

去完大路嘅 Siam Centre 同Siam Pigenon等遊客必去嘅商場, 我哋就出發去Asiatique。

我哋由Siam BTS 站搭BTS 深綠線去S6 Saphan Taksin 站, 喺2號出口出, 大把人都喺去呢個方向, 行到Central Pier, 轉左邊, 已有條長龍排隊等上免費船, 我咃約等咗15~20分鐘, 隻船雖然大, 但人實在太多, 好多人要硬企, 完全企滿, 根本就係超載.....泰國流行麻。

Asiatique 前身係貨倉, 現活化成河岸夜市, 我覺得佢哋好成功, 店舖食肆林立, 人流當旺。

上岸有幾間較高檔嘅餐廳, 價錢OK嘅, 再入就有泰式小攤檔, 煎炒煮炸甜品壽司樣樣齊, 迎合大眾, 豐儉由人。

經過完小食攤檔, 就係衣履飾品小店, 係小小型嘅翟道翟, 雖然冇翟道翟咁多選擇, 但就好行好多, 而且店與店之間夠寬敞及涼爽, 冇翟道翟咁焗促同熱, 最緊要係價錢唔算好貴麻。

行過小店及食店, 盡頭會見到地標 - 摩天輪, 由於時間關係, 我哋為有下次至幫襯啦!

 

 

 

參觀時段: 晚間
評分: 值得去5  
香港冇Sukiya 連鎖式餐廳
香港冇Sukiya 連鎖式餐廳
細牛肉飯, 加錢有沙律, 牛肉較吉野定鹹些少
細牛肉飯, 加錢有沙律, 牛肉較吉野定鹹些少
日式咖哩牛肉飯, 附加溫泉蛋, 港童最愛
日式咖哩牛肉飯, 附加溫泉蛋, 港童最愛
細雞飯, 雞肉都幾多, 豉油味重D
細雞飯, 雞肉都幾多, 豉油味重D
豚肉豆角飯, 豚肉同豆角味配合得宜, 冇牛肉咁鹹
豚肉豆角飯, 豚肉同豆角味配合得宜, 冇牛肉咁鹹
豬排飯, 同雞飯味差唔多
豬排飯, 同雞飯味差唔多

喺Aisatique買完又行到咁上下, 又喺食晚飯嘅時候, 左睇睇, 右睇睇, 真係好多選擇, 搜索一輪, 因為仲有其他地方未行, 所以想坐低速食一餐後再買過, 就揀咗呢間日式牛肉飯店 - Sukiya。

香港冇Sukiya分店, 牛肉飯嘅味道完全同吉野家唔同, 我就覺得偏鹹D, 跟餐加錢有沙律及麵豉湯, 唔太貴; 而Sukiya唔止牛肉飯, 仲有好多款式嘅飯餐揀, 我哋仲叫咗不同嘅飯餐試吓:

日式咖喱牛肉飯, 唔辣帶甜, 牛肉約有五件, 算係咁啦, 朋友話滿意。

細雞飯, 同吉野家完全唔同口味, Sukiya冇把雞烤焗及煎過, 只用炆煮方法, 豉油味幾重, OK啦!

最好味係豚肉豆角飯, 肉片簿身入味, 配合豆角一齊送飯, 好正!

至於沙律, 有兩種汁揀, 我哋全部揀咗千島汁, 生菜+青瓜及栗米, 穩陣。

總括嚟講,牛肉飯以吉野家較合口味,但試吓其他亦冇妨。

 

每人消費: 約100泰銖 (晚餐)
評分: 味道4   服務5   環境5   衛生5   抵食5
晚上的Nana 區比日頭熱鬧好多
晚上的Nana 區比日頭熱鬧好多
攤檔在傍晚時分擺檔至零晨至收檔
攤檔在傍晚時分擺檔至零晨至收檔
Soi Sukhumvit 11 近街尾BTS站, 已有多間藥房
Soi Sukhumvit 11 近街尾BTS站, 已有多間藥房
Soi Sukhumvit 11周圍有好多Live Band 餐廳同Pub
Soi Sukhumvit 11周圍有好多Live Band 餐廳同Pub
呢間cafe' 價錢同Starbuk差唔多
呢間cafe' 價錢同Starbuk差唔多
夜晚嘅Breakfast & Lunch Sukhumvit 唔係食早午餐, 變成一間Pub
夜晚嘅Breakfast & Lunch Sukhumvit 唔係食早午餐, 變成一間Pub
Nana區嘅日與夜完全係兩個世界。

日頭唔係太多人行, 周圍有垃圾, 清潔工人忙於清理, 遊人不多; 而夜晚人來人往, 車又多, 熱鬧到不得了, 酒吧, 餐廳, 小販, 通通係為夜鬼服務, 住呢區嘅酒店住客完全唔駛擔心個 "悶" 字跟住尾!

 
參觀時段: 晚間
評分: 值得去5  
小小地下街 笑臉2014-04-27
地下街最好係有冷氣, 但店舖就只有十多間
地下街最好係有冷氣, 但店舖就只有十多間
雖然舖店唔多, 但賣嘅貨品都唔差架
雖然舖店唔多, 但賣嘅貨品都唔差架
除店舖, 有四五檔小食檔在做生意, 我哋幫襯咗三檔
除店舖, 有四五檔小食檔在做生意, 我哋幫襯咗三檔
呢檔主要係賣泰式湯粉及粉卷, 呢個素粉卷入面好多菜, 好清新, encore咗兩次, 40B
呢檔主要係賣泰式湯粉及粉卷, 呢個素粉卷入面好多菜, 好清新, encore咗兩次, 40B
好味魚蛋粉, 隱陣之選
好味魚蛋粉, 隱陣之選
第二檔主要係泰式濃味菜式為主, 靚姐主理, 亦係即叫即做
第二檔主要係泰式濃味菜式為主, 靚姐主理, 亦係即叫即做
冬陰公蝦麵, 好好食啊! 45B
冬陰公蝦麵, 好好食啊! 45B
蝦炒飯, 乾身粒粒米, 料多味道唔錯,
蝦炒飯, 乾身粒粒米, 料多味道唔錯,

21/07/2013 一早10:00便到翟道翟行咗三個鐘,當然未行完啦! 另一半都話唔夠喉,但朋友已投降,要搵地方休息吓,仲要食吓嘢!

 

雖然當日天氣唔算熱,仲有風添,但我知另一半一定唔肯响翟道翟嘅大排檔食,所以諗住坐地鐵去番Asok食,一落Kamphaeng Phet MRT站,就見有一條商店街,雖然得十多間小商店,但感覺唔差,最重要係有冷氣,小街內仲有幾檔小食粉麵,而且又設有枱櫈,方便食客,相當體貼,順理成章,就喺度開餐啦!

我哋主要揀咗相中兩位阿姐級主理嘅小食檔,肥阿姐那檔主要食湯粉類及泰式春卷,味道較清新,魚蛋粉及素粉卷做得唔錯,特別係素粉卷,我哋encore咗兩次。

另一檔靚太阿姐主要提供煎炒類食品,味道較濃,冬蔭公湯粉味道吸引,炒飯乾身蝦仁又爽,泰式炒河夠鑊氣,雖然阿姐用電爐炒。

最好係兩檔價錢唔貴,平均都係40至50銖,同翟道翟大排檔價錢差唔多,而呢處有冷氣,唔駛食到大汗疊細汗呢!

 

參觀時段: 早上
評分: 值得去5  
4樓主題國家係英國
4樓主題國家係英國
4樓厠所門口, 以英國為主的樓層
4樓厠所門口, 以英國為主的樓層
4樓入廁所必經之英倫地鐵, 直入就係廁所
4樓入廁所必經之英倫地鐵, 直入就係廁所
此層係以日本做主題, 所以較多時裝店
此層係以日本做主題, 所以較多時裝店
日本相撲模型
日本相撲模型
好有心思嘅T-shirt店, 門口有小豬模型作裝飾
好有心思嘅T-shirt店, 門口有小豬模型作裝飾
呢層以美國做主題, 亦是食肆林立之處
呢層以美國做主題, 亦是食肆林立之處

熱門旅遊點 - Terminal 21, 內部裝修主題係機場離境大堂,每層亦有不同國家作背景主題,所有店舖食肆都緊貼主題,最有特色係四樓嘅英國主題及六樓嘅美國金門橋,嚟呢處行街shopping外,仲可以當景點周圍影,設計師真識諗計。

最好係商場內的店舖唔係全部係連鎖式,好多都係小店舖,而且亦有自家設計,衣履配飾都好有創意,唔係大財團壟斷整個商場,但食肆就主要係連鎖式經營,不過唔算貴,頂層亦有food court,豐儉由人,唔怪得此處咁受大眾市民年輕一代歡迎啦!

參觀時段: 下午
評分: 值得去5  
不過不失 ok喇2014-04-27
炸魚薯條
炸魚薯條
炸魚炒飯+薯條, 這款係咁多樣中最夠份量了
炸魚炒飯+薯條, 這款係咁多樣中最夠份量了
三啖就飲完嘅忌廉湯
三啖就飲完嘅忌廉湯
海鮮茄汁意粉, 好酸, 調味唔得
海鮮茄汁意粉, 好酸, 調味唔得
烤雞意粉, 好一般嘅味道
烤雞意粉, 好一般嘅味道

喺Terminal 21行完買完,梗係要搵食啦!

班港童話想食西餐,所以就選咗呢間美國餐廳。 

當然Manhattan Fish Market  𣎴能同清邁嘅Duke's相比,無論格調、食物質素等,都係Duke's好好多呢!Manhattan係名符其實嘅連鎖式餐廳,莱式係一般,冇驚喜,但又唔係太差,只係份量冇想象中豐富及多。尤其餐湯,三啖飲完;海鮮意粉同炸魚意粉份量唔大,只夠女士們份量,男士一定唔夠,可再去食消夜。以上兩種味道oK,只係意粉未夠入味啫!

 

每人消費: 約200泰銖 (晚餐)
評分: 味道3   服務3   環境4   衛生4   抵食4
熱食如粥及白飯, 就在此處攞
熱食如粥及白飯, 就在此處攞
炒麵, 多士及火腿
炒麵, 多士及火腿
香腸及白烚蔬菜
香腸及白烚蔬菜
沙津吧
沙津吧

Salil Hotal 間房唔錯,但早餐就不過不失啫!

早餐是自助餐形式,熱盤主要係粥,有炒麫同白飯,其他都係冷盤為主,選擇唔多,OK啦!唔難食,最緊要可以填飽個肚。

評分: 味道3   服務4   環境4   衛生4   抵食4
海鮮湯飯套餐, 唔錯
海鮮湯飯套餐, 唔錯
雞飯套餐連三件雲吞, 都幾好味!
雞飯套餐連三件雲吞, 都幾好味!
蝦撈麵套餐連炸雲吞, 都唔算太乾
蝦撈麵套餐連炸雲吞, 都唔算太乾
燒肉飯套餐連燒賣兩粒, 算OK喎!
燒肉飯套餐連燒賣兩粒, 算OK喎!
舊機場只得三四間食店, 選擇唔多
舊機場只得三四間食店, 選擇唔多
此間以套餐為主, 約250B - 350B左右
此間以套餐為主, 約250B - 350B左右

21/07/2013  嚟到最後一站,泰國舊機場 - 廊曼機場,此機場主要係以廉價航空為主,嚟呢處唔係太多公共交通,只得兩架機場巴士,冇新機場咁交通方便,我哋當然喺搵咗丅im哥車我哋去機場啦! 其實應該同佢講價,應該可以平D,因為Nana 區比NASA Vegas Hotel 較近舊機場。

去到機場,check 完 in, 朋友話有D肚餓,就响泰國食埋呢餐,舊機場食肆唔多,得3、4間㨂,遲D應該好D,佢哋依家裝修緊幾間餐廳,希望下次嚟可以多D選擇啦!

總結旅費, 泰國因貨品及飲食比較迎合港人, 所以特別用得多D錢 :

1) Early Bird B&B 4晚平均住宿 : 約HK$1600

2) Sabai Wing 2晚平均住宿 : 約HK$950

3) Nasa Vegas Hotel 3晚平均住宿 : 約HK$400

4) Salil Hotel 2晚平均住宿 : 約HK$1460

5) 唱錢 : HK$8500 (包括食, 玩, 交通及購物)

6) 澳門船票 : HK$420

7) 機票 (澳門>清邁, 清邁>曼谷, 曼谷>香港)共3程連稅, 行李及飛機餐 : HK4940

全程約每人: HK$18270/3 = HK$6090

 

每人消費: 約220泰銖 (午餐)
評分: 味道3   服務3   環境3   衛生3   抵食2
  0 個留言    |  加入你的留言
franktschan
20篇遊記
曼谷遊 (泰國)
(旅程日期: 2013-11-16 至 2013-11-19)
 整個旅程  (共13篇遊記)
 分享至Facebook 
發表日期: 2013-12-02
最後一餐當然是在機場裡處理。到這餐廳其實全是因為它近要入閘的地方,然而這美味的茶式卻使人留下了印象。
最後午餐 笑臉2013-12-02

去旅行的其中一個情況就是可以叫人的胃口增加。雖然明知道在上飛機的不久後,便會有飛機餐送到,但總是要把握最後的機會來品嚐當地的真味道。

就在這裡嚐了這旅程的第一個椰青, 汁很清,很甜,肉也嫩,很稱心。

而茶式就是咖喱豬肉配簿餅, 雖然簿餅較韌,不鬆軟,但咖喱味真的很好,小小辣,但不會蓋了豬肉的味道,不錯。

每人消費: 約240泰銖 (午餐)
評分: 味道4   服務3   環境3   衛生3   抵食3
  0 個留言    |  加入你的留言
franktschan
20篇遊記
曼谷遊 (泰國)
(旅程日期: 2013-11-16 至 2013-11-19)
 整個旅程  (共13篇遊記)
 分享至Facebook 
發表日期: 2013-12-02
經旅遊書介紹到這新興的泰式餐廳,整體的感覺是夠新潮,但價錢頗貴而食物份量較少。
新派泰式茶 ok喇2013-12-02
炒牛河
炒牛河
生蝦
生蝦
香草炒飯
香草炒飯
雪糕朱古力蛋糕
雪糕朱古力蛋糕
位於Grand Hyatt底層的餐廳已想像到是不同凡響的了,再看到這裡甚有情調的裝修就更加証明這預感沒錯。

先來的生蝦味道可以,夠鮮,而醬汁的味道也很濃,不錯。

到熱食時的炒牛河香草炒飯味道都可以,香草炒飯更是招牌茶,紫色的外表令人不知如何是好,而味道和一般炒飯沒有太大分別。美中不足的就是份量太少了,一個人吃也不夠吧。

最後的甜品則不錯,選了的是雪糕朱古力蛋糕。冷冷雪糕放在微溫的蛋糕上,一冷一熱的配搭很協調。而濃濃的朱古力味跟淡淡的雲呢拿配搭,一濃一淡,很是享受。 
每人消費: 約400泰銖 (晚餐)
評分: 味道4   服務4   環境4   衛生4   抵食2
  0 個留言    |  加入你的留言