超市比起香港的普通的百X和惠X還差不多大，
種類算多了，在沙巴的話，
但是他們的工作效率真的很低，
付款常常都要等好耐，
接著我們今次便坐第一次的士回酒店轉酒店，
呢度搭的士不是睇錶的,要先講好價錢，先上車，
一般市內行走的士為RM12一程。

呢間酒店離機場十至十五分鐘車程左右，
因同行一個朋友在過關入境時被廷遲，
雖然成八點四十分先出到去機場外，
但我地在機場磨蹭左一陣再坐專車去到酒店CHECK﹣IN都係九點左右，
呢間酒店大堂無冷氣的，比較焗，
不過都無所謂，
其實都唔會在大堂留好耐，
呢度如果你想WIFI無限上網的話，
RM10一日，我就無俾喇！
都出左電話咭啦！無限上都係RM5一日。
入到房間了，兩間是TWIN﹣﹣﹣有WINDOW，兩間是DOUBLE無WINDOW。
哈！好細，好窄呀！
係個TOILET好D啦，只住一晚，用來留宿一宵，
乾淨企理，熱水充足就可以了，
一早已知會無牙膏，牙刷，但有毛巾，洗頭，冲涼液，
熱水同水力都非常好，
隔音就差少少，瞓到半夜對面房情侶嗌交都聽得一清易楚呢！
平平地住一晚的話，算不錯了。 

呢日一早已經PLAN好去呢個SUNDAY MARKET，
已知沙巴D SHOPPING MALL無枣東西可買口，
所以便來碰運氣，
順便過來感受一下馬來西亞人的風土習慣，
一食完就行過來了，
乘沙巴前睇地圖仲以為好大，
點知經過第一晚的夜行摸索後，
發現沙巴市嘅面積大過元朗市唔係好多，
沿途有講有笑，
一邊影下相，由CITITEL行過去， 15分鐘左右便會見到一個小小公園同牌坊，
呢個時候就到了，
街頭有一個搭起的帳蓬，一些穿著傳統服裝的馬來人正在唱歌跳舞，
在36度嘅烈日當空下，我對這些表演提不起興趣呢！
不過我還是很佩服他們忍熱的忍耐力。
跟我同行的伙伴約好哂時間地點後，我和家姐就開始血拼市場了，
呢個市場真係好多遊客，
而且售賣類型參差，
一些賣衣服的，賣首飾，賣食物，賣眼鏡的....
有些卻賣貓隻,狗隻,盆栽, 電鑽...實在有些預計不到,
嘻! 我都有買到一些自己喜歡的衣物呢! 

到埗後，當然想立即出關啦！
但原來當地嘅海關仲係好落後，
而且一定要記住填好張申報表同唔好排有小朋友嘅隊
我在八個人中第一個出到去，
拎哂八件行李，都仲有兩個朋友未出來呢！
最後要八點半先出到去！
好彩一早約定的當地導遊的免費專車已在守候，
令我們可以方便快捷地去酒店。
弊！我們未唱錢呢！
要找數俾導遊，
機場的兌換率較低，
一心諗住到達後去CENTRAL POINT唱錢丫嘛！
導遊小X仲要話CENTRAL POINT D兌換店一到九點就落閘放狗,
你地唱唔到錢架喇!
好彩導遊小X很好人，肯收港幣....
小X問我們去邊到食,
我便說去雙天囉!
但她說:去雙天嘅話,畢如去海王城啦!
果邊而家已經不是大排檔價錢,
果度有四檔:雙天,珍珠, XX同XX(唔開名喇),
有一間好平,但真係超難食喎!
聽到佢咁講,都窒一窒,
仲食唔食雙天好呢?
唔理喇!摶一搏啦!
酒店CHECK-IN完放低行李就GO!GO!GO!
首先都係去CENTRL POINT出張増值電話咭,
RM8.5一張,充左RM20入去,RM5一日無限上網，
去到CENTRAL POINT已經九點幾，
好彩仲有兩間兌換店未閂，
兌換率都高過機場呢！
最後先浩浩蕩蕩行去雙天，
這時卻忽然落大雨，
雙天卻巳在我們面前了，
我們選擇了坐在有冷氣的圓枱，
便選擇海鮮了，
由於太夜了，一心想吃的奶油老虎蝦只賣剩D蝦毛仔，
仲細隻過D海蝦，
最終我們選擇了
1，炒鮮魷，
2.  炒菜
3.  蒸斑 (呢條最抵食,平時香港食要＄800，呢度＄400就食到！仲好好味！）
4．炒沙白（好少，細粒，炒完好似無哂咁）
5．炒深海蟹 （好好味！但隔離果班HK C9不停投訴他們的蟹唔得，又問有冇投訴機制，跟住重擺隻腳上櫈，一路抓一邊叫我地去食佢D蟹，可能佢地五個C9見到我地有6個單身壯男啩！好失禮香港呀！）
6．白灼海蝦（爽，新鮮！）
7．本地炒米粉 （個樣睇落白散散，但竟然幾好味，估佢唔到）
8．雞 （最難食，唔係個FD無啤酒飲，要用雞去滿足佢，都唔叫呀！） 

 

一早起身便去酒店大堂與朋友食個早餐，
 唔！我最後一PAIR先落去，看見大家已停哂手，
我巳不打算在這裡食得太飽，
只食隻煎蛋便算，
跟著當然是立刻拉大伙行到半分鐘路程的富源食早餐啦！
呢度用先選擇好早餐再拿著食物去付錢，
如果要奶茶和加央多就直接到付款處落ORDER，
聽NO．去拎就得了，
當時九點幾，真係人頭湧湧，
果度有炒米粉，馬來嘅炸物，旦等等，
我當然首選呢度嘅加央多啦！
店內有不同味道選擇，我選擇了牛油加加央，
正，薄多士香脆可口，裏頭的醬料適中，可以清楚看到黃色和啡色，
食落去一D都唔滯，果然名不虛傳。  

第一日食 Imperial (房費包左o既)早餐
早餐係頂樓, 景觀ok，但係唔知點解出面要有個圍牆遮左一半景
完全唔想再上來食 ... 又唔係話難食o既，不過都無理由凍啦
食物一般, 有放係熱盤o既食物都係凍~唯有即煎蛋同熱茶/咖啡係熱o既

個早餐唔好食唯有落街
途經 急凍/乾貨海鮮舖 -> 亞比中央菜市場 -> Centre Point

急凍/乾貨海鮮舖 好吸引，價錢起碼平香港一半，不過哩o的更係最後個日先買啦

亞比中央菜市場 一見到街市就想入去，雖然係熱左o的不過入到去都算通爽 入面每個檔口通常會主打一種貨，賣西瓜就淨係賣西瓜，賣芒果就淨係賣芒果...

Centre Point 最好係地牢個超市，入面應有盡有

令外我地發現唯一有華人按摩師父o既按摩店，而且都係最平o既
點解要搵華人按摩師父 ？! 因為當地人完全滿足唔到我 .. 隻腳 ~

哩日主要行程係下午出發o既長鼻猴 + 螢火蟲

join 左 local tour，由酒店出發，沿途會係小食店停下歇下
小食店都好企理，不過要去洗手間就要比 $$ 啦

導遊有問必答，好好人，而且越傾越開心
去到水果店仲請我地食水果添

local tour package 包o既下午茶都唔錯，有之前o既串燒同炒面
去到紅樹林更係多蚊啦，我自己就不留唔惹蚊，不過我隔離個小朋友就 ....
睇婆羅洲獨有o既長鼻猴要帶備望遠鏡，我地更係無帶啦 .. 不過導遊早有準備~

今次除左見到長鼻猴同螢火蟲
仲有微雨後o既雙彩虹，真係夠晒浪漫

食過間單o既自助晚餐
我地就出發搵螢火蟲喇~
夜晚有o的涼，不過著住件救生衣都頂到下 ~

最 ok　都係個蝦 同沙白
蝦係比較普遍，不過多肉，無沙，鮮甜o既沙白就唔係時時食到
其他野可以 Skip ~

哩晚去左當地人開o既按摩店，因為老細趕住收工，我地淨係可以做1個鐘。
師父手勢ok，多野講，又 nice ，不過對骨精來講就唔係好夠力
我見師父都滴晒汗，就費事再叫佢大力o的啦 ...

難得放下香港的煩瑣事務, 想大吃一頓海鮮餐又怕旅費不足.

這個海邊美食區位置亞庇中央市場及The Waterfront酒吧中間,

晏晝逛完亞庇城(KK Plaza), 到菲律賓人市場食海鮮的確一流!




柔和的燈光, 惹味的海鮮, 樸素的風土人情.

若然再加上一支啤酒, 與友人把酒當歌, 確是人生幾何.

沙比島是沙巴的其中一個熱門旅遊的小島, 大部分本地旅行團通常包括了酒店來回,

兩個小島的船程, 小島入場費, 救生衣及浮潛用具的費用, 以及自助海鮮午餐.

團費大約是HK$500/人 左右, 早上8時出發, 4-5時回程.



大部分當地人的臉上都帶著親切的笑容, 有些還會神奇地說出流利的廣東話!

一問之下, 原來他們都是TVB的忠實粉絲!

經過一個半鐘頭多的車程才知道原來沙巴不是想像中細.

說真的, 日間花費約兩小時觀看長鼻猴的行程算是頗為沉悶,

在船上等著觀看一隻又一隻猴子, 四周只有樹木和污濁的河水實在不太吸引.

而旅行團安排的晚間膳食亦算不上美味, 故而有些失望.



幸好能夠看到浪漫紫紅色的晚霞和晚間一閃一閃的螢火蟲才為該天的行程挽回不少分數.

雙天及一眾的海鮮酒家都位於Sedco Square, 晚市才開始營業.

一落機已經係夜晚
因為好少見亞航有黑色機，好多人一落機就影相，一邊影一邊比工作人員趕 ... 唔通幫你地宣傳都唔得 ?!

去到得返三幾抬,好彩燒雞翼未收檔
好味到 晒咀, 雖然好多人都會推介係海鮮檔旁o既燒雞翼
但係哩間o的味唔同，香o的，當然係加多左香料啦 ~

除左燒雞翼姐姐之外 哩度o的人唔識英文，不過我地指手劃腳都無問題

哩度係熱左o的, 唔賣啤酒, 話政府唔比喎... 不過有好多其他冰涼選擇，我杯桔仔冰就大杯到飲唔晒啦

雞飯d雞個汁好味過味雞, 濃味少少, d雞就無味雅咁白雪雪 (雖然兩種都應該係雪雞, 但係五星果d雞有少少'血色'囉), 個飯就五星夠味d, 但係太濕, 我吾係太鐘意d爛雞咁~~
杯奶茶完全無味, 睇個色水都知淡茂茂咁, 早知係怡豐買杯外賣好過(吾知有無呢),
個魚丸湯就好好味, 個湯好清, 少少葱花, 少少生菜(真係好少架咋), 有d似滾湯咁.. 而個魚丸就好彈牙好爽口, 仲有魚味, 細細粒容易食, 最緊要個湯夠熱, 個人覺得d湯吾夠熱就算幾好飲都會扣左分~

夜晚去左好多blog友都激讚既toscani @ waterfront
叫左個頭盤, 白汁肉碎扁意粉, 蘑菇湯, 炭燒虎蝦, 薄荷lemon tea, coke
個頭盤有1隻焗蘑菇, 都幾大隻, 幾juicy, 吾會乾爭爭
蘑菇湯正如blog友所講, 好濃味, 好似用左好多蘑菇做湯咁.... 好creamy, 好稠身, 好好味呀!!!!
炭燒虎蝦, 呢度既虎蝦仲好味過雙天, 又彈牙, 食到蝦本身既味道
白汁肉碎扁意粉, 嘩, 呢個都係好好味呀, 個白汁, 好似奶油咁, 又香又滑, d意粉又吾會淋patapt咁
叫左咁多野都係hkd$4xx, 好抵, 仲要有個無敵seaview伴住食, 好好feel, 但係耐吾時有d 臭味lo~~~~~