在朋友的介紹下，我跟友人到了這間藏於小區的意大利餐廳吃飯。要找也不是太容易，要邊問路上的人和警察才找到。

餐廳擁有雅典的裝潢，予人一個舒適的感覺。 

三道菜的午餐只是 THB330++，我真的有衝動點兩個餐來試。如果我在香港，這樣的一個午餐我想 HKD330+ 都一定不可以。

午餐包了頭盤，主菜和甜品；每道菜其實也做得很有水準，我最愛的是 Spaghetti with Clams，不知道是否泰國近海的關係，海鮮都是比較新鮮可口的。而甜品也沒有叫我們失望，尤其是那個 Creme Caramel，布丁有香濃的蛋香，配合焦糖醬一起吃，為此午餐帶來一個完美的句號。

港幣一百元能夠享受一道高檔的午餐，你還期待甚麼？

 

第二晚我們入住了君悅酒店後面的 Courtyard by Marriott。

位置也不算偏僻，只需要多五分鐘路程。很窩心的是酒店有車免費給客人送到街口，雖然不算很遠的路程，但對於遊客來說已經是不錯了，聊勝於無！

登記入住的前台職員很努力的跟我們交談，很友善，但也不可以蓋過 slow check-in 的反感，登記了十分鐘也不可以上房...

房間當然沒有君悅的大，不過作為一個旅客，最重要的是床鋪和浴室夠乾淨，這點它的確做到了。我也只不過是過客，睡一晚也便要離開了。



 

選擇到曼谷中心的酒店 ﹣ 曼谷君悅酒店。

這個酒店位置十分方便，就在四面佛的旁邊，Chitlom 地鐵站出口（雖然我沒有搭過）。步行的距離可以去到 Central World 和 Siam Paragon，當你買完東西後可以迅速放回酒店然後再接再厲。

酒店正在進行裝修，我們被安排住在高層，是最接近裝修樓層的旁間。我建議你要求住在低層的新房。房間是比較古色古香的，不過勝在夠大，多買一點東西也不怕。酒店早上十時正準時開始進行工程，我們不得不離開酒店展開我們早上的行程。  

還有最叫我喜歡的是它們的大堂，跟香港的半島酒店一樣，樓底高而又有樹和流水，很漂亮哦！



 

這個商場是於2010年Q4開幕，以旅遊/機場作主題，入口處以 Gate 來稱呼，職員打扮成空中服務員咁，接待處頭頂上有好幾個時區既時鐘，而看似航班資料既水牌則是電影場次，leaflet 制作成護照，玩味十足。

每層以唔同國家嚟佈置，如M層(即與BTS站連接樓層)為巴黎，1樓為東京，2樓為倫敦，3樓為土耳其伊斯坦堡，4樓﹑5樓係食肆同 Food Court樓層，有中國風及三藩市作主題，地下係羅馬等，就連每層既洗手間，其裝修都配合番該樓層既國家主題架，詳情可瀏覽網址。(http://www.terminal21.co.th/main/index)

除了可讓遊客大影特影，這裡既食肆包括 Food Court 都好正！此外，小老闆(紫菜)專門店也在此，大家可以喺度入貨。持有護照者只需到接待處登記，便可得到商場 wifi 既 login name and password，雖然收得麻麻，但喺曼谷僅佢一家慷慨提供，讚！

因為朋友，才於曼谷吃這墨西哥餅卷，最開心係可以整車仔Taco，可選牛肉或雞肉，汁有數款，配菜有蕃茄﹑洋葱等，逐款計錢，另送車打芝士或酸忌廉，當然，肯加錢又係可以兩樣都要，餅卷可選麵粉或玉米，有硬同軟既分別，一般我都係食軟既。肉﹑汁﹑芝士同酸忌廉，連同餅卷一拼咬下去，正到冇朋友，自始我每次到曼谷總會找機會吃，又回味中呢！

網址：
http://sunrisetacos.com/

每次喺天橋望落嚟，我都會停一停，為其門口既吉祥物熊人影相，因為佢猶如時裝表演一樣，每次都有新裝，好似有點心思咁呢！

網址~

http://www.amarinplaza.com/

這個商場是以和風做主題的，不過主要和風佈置只集中於地下及連接BTS站既樓層，由入口﹑電梯位﹑柱等，都有日系佈置，其中又以不同做型既公仔放置於商場既不同位置，就是要影齊所有公仔都用了我個幾鐘。

以M樓層最有東洋風味，全層既食肆都係日式的，包括拉麵店﹑日式蛋糕店﹑居酒屋串燒﹑燒肉料理﹑日式料理等，其實好想試勻每一間... 不過又係Mission Impossible，得個想字囉！

同一樓層有日式超市(主打日用品嗰隻)，價錢唔貴，幾多野睇。地下又係Food Court 及其他大路食肆之類。至於其他樓層，其實一係電器﹑美容，就係上到最高既 Playgroup等，真正可shopping 既地方唔多，同埋未入哂伙，所以未算係必到之地，但冇乜特別野做，又或你係哈日族，咁就嚟囉！

網址～
http://www.gatewayekamai.com/

註：Ekkamai 附近有個Bus Terminal (East)，來往芭堤雅﹑羅勇等其他城市

影左個幾鐘既公仔，係咁咦都show啲出嚟啦！

Tune Hotels Asok 係超方便超經濟既酒店，2012年8﹑9月左右才開，所以好新。佢既位置非常便利，就在BTS Asok站附近巷仔入面，距離車站步程10分鐘內，行番出大路上天橋就可到人氣商場 Terminal 21。

酒店之所以咁平係因為佢採用者自付既方針，每樣野都同客人計數，包括電視﹑冷氣﹑毛巾﹑wifi，早餐就唔駛講啦！雖然係咁，由於位置真係唔錯，價錢實惠，仍然好多人幫襯。對於我成日回鄉而言，酒店只係用嚟訓唔係嘆，冇電視冇上網又有乜所謂，一於慳家至上，最緊要夠乾淨同方便呢！推！

網址~
http://tunehotels.com/my/en/our-hotels/asoke-bangkok/

這酒店其實真的很不錯，距離BTS Nana站5分鐘路程左右，雖然位處酒吧樓上，但一啲都唔嘈，係見倒好多性感泰妹兜生意，又多老外揾食咁囉！單獨女子出入就要小心。

酒店大堂好細，但有間玻璃房提供電腦免費上網。大堂亦有免費提供熱飲如咖啡﹑泰式奶茶同朱古力，可以坐喺大梳化享用。對面有吃早餐既地方，全餐包蛋﹑煙肉﹑多士同飲品等都係100baht，好抵！

講番間房，地方算大，攤開哂啲行李都好鬆動。床同枕頭尚算舒服，地方乾淨企理，洗手間空間也夠。房間同大堂都可免費上網，整體很不錯。唯獨係房間冇雪櫃冇風筒，如果有提供會好好多！

網址~
http://www.icheckinn.com/hotel.php?sukhumvit

每到Bangkok必吃兩次以上，西泰fusion菜清新可喜，可留意特別餐牌，會提供香港也没有的菜式。所有Shakes如荔枝，菠蘿，芒果也不容錯過，比稍貴的Healthy Cocktail系列，更能嚐出原味。基本上沒有任何東西是難食的，Siam Paragon店裝飾較華貴，帶任何人去都No Complaints。但本人更偏愛Emporium老店，食物水準更佳。
結尾必吃Tub Tim Krob，是傳統泰式甜品Greyhound版 ，最愛超爽粉團馬蹄粒及鮮滑椰肉條，混合椰子雪葩，口感味道豐富精彩，若售罄，剩叫椰子雪葩已好味到顛！