呢間小店外放滿左唔少韓式食品的相片，其中見有部隊鍋，又有綠豆餅，正合心意！我地先叫部隊鍋，以為一個鍋就搞掂晒，點知店員話個鍋份量好少，兩人只吃一個唔夠飽！原來呢度賣的唔係網上見到的超大號部隊鍋，亦唔係開住爐烚下烚下的水鍋；奉上的其實係一個迷你石鍋，幸好鍋內都有齊部隊鍋的食品（午餐肉、香腸、拉麵等），而且同樣熱辣辣，湯底好濃郁惹味。食完迷你部隊鍋後，果然唔多夠喉，於是追加多一個海鮮綠豆煎餅。

海鮮綠豆煎餅超大塊，海鮮其實主要係八爪魚，勝在又係熱辣辣，煎得好香口。結果，兩人要監生先食得晒成塊煎餅，真係當堂飽晒！

埋單，合共28,000韓元，唔貴，亦好味！難怪咁多本地人幫襯啦！

不過，我對工藝美術品沒有多大興趣，反而食左一條扭扭雪糕條（3,000韓元），凍到入心肺！

沒有時間逛了，要逛回民宿提行李去機場了！

Western Coop Residence屬於公寓式酒店（service apartment），位置好方便，由機場坐6001號機場巴士直達，免卻坐地鐵（地鐵站的石級真係行到怕，日日上上落落都好吃力！）將行李搬上搬落的麻煩，步行往東大門幾個大型商場（Doota、Good Morning city、Hello aPM等）都只係十零分鐘腳程，而且有體育用品地下街可以直通東大門歷史文化公園站（地鐵路線包括2、4和5號線）12號出口，去邊度都咁就腳。酒店旁邊有CU 同埋GS 25便利店，要買T Money和增值都好方便。

房間方面，乾淨整潔，空間比想像中大，甫進入房門，先有一個方形廳，左面牆上有層架和檯椅，方便拽放和點算戰利品，廳的右邊則有廚櫃和鋅盤，並有少量家電（雪櫃、微波爐、電水煲等），想買東西返酒店下廚話咁易。

廳後放左兩張單人床，床鋪的確比較窄，只有兩呎半闊，肥人可能感覺迫狹不太舒適，不過，我覺得尚可接受啦。

浴室只有企缸，最初以為房間唔提供沐浴用品，結果發現居然有洗頭水和沐浴露，不過牙刷牙膏就要自備啦！

唯一不太方便的係鎖匙只有一條，若兩個人要分頭行動時，就有少少麻煩啦～

由仁川機場坐機場巴士到達Western Coop Residence，只係朝早八點幾，未到Check In時間（下午二時），所以決定放低行李，到韓劇主角們好鍾意去的汗蒸幕體驗一下！睇過網友推介，覺得東大門Sparex既近酒店兼且又夠新，價錢仲好抵（非繁忙時間只係7,000韓元）！Sparex位於Good Morning City商場地庫B3，由酒店步行約十零分鐘就到，好方便。

在櫃枱交了7,000韓元入場費後，店員就會俾一套衫褲、兩條毛巾和一條鎖匙（鞋櫃和儲物櫃共用呢條鎖匙）。先到鞋櫃放鞋，再到裡面的女更衣室放下行裝和除衫，就可以進入澡堂。澡堂內，大家記得先沖身和洗頭，然後先至跳入唔同溫度的浴池慢慢浸呀。呢度一共有六個池，有熱（30幾至42度左右）有凍（18度左右），仲有桑拿室和蒸氣室，單單在此已可以消磨一個小時。

浸完浴後，穿上店員俾的衣服，就可以落下一層吃東西和玩汗蒸幕～我地當然先醫肚，小食部只收現金，記得落去前帶定錢傍身！我地揀左呢度必飲的甜米汁（2,500韓元）再加炸醬麵（5,000韓元），兩者都係韓劇主角經常食用的東西，幾大要試試！甜米汁味道似薏米水，清清甜甜，幾好飲。炸醬麵甜甜的，完全唔辣，不過好大碗，實在食唔晒，而且味道不外如是。

 飲飽食醉之後，就出去搵地方眠一眠。大堂布置好有中國Feel，古色古香，見到唔少人就咁攤在地上，又或捐入窿窿內休息，其實呢度仲有睡眠室（男女分開，不過係碌架床，無乜Feel！），亦有唔同的小房可以攤屍，我地揀左間女士專用小房，便直接搵個枕頭在地上大覺訓啦～

睡足覺後，可以到另一邊的窰室試下烤箱的滋味，其中最熱（標示：中溫！）的高達82度！我入去感受一下，已經立時要出番來，坐得耐的話隨時變烤雞！仲有60、50、40幾度三個熱的窰室，60幾度個間其實都好熱，但我居然見到有人訓著左，仲要拉鼻鼾，勁！我都係坐到幾分鐘，已經要起身！除左熱窰室之外，亦有一個冰窰室，三溫暖的滋味原來就係咁架啦！

結果，我地由八點幾玩到下午一點，玩足四個幾鐘，只係幾十蚊，真係好超值！

景福宮沒有很多楓葉可賞，但來到首爾不去景福宮好像沒有到首爾旅行般。

在首爾只要你走幾步路就會看到Coffee Cafe的，真的很多很多！

紫菜天堂！這裡也可以買到韓式餐具，很便宜的。因為時間未能掌握得好，所以大概逛逛就去梨大進行極速Shopping大行動了！

食物愈平民就愈體驗到當地人的飲食文化，這是絕對正確的

如果大家想來秘苑參觀，一定要選擇在賞楓時期來，因為楓葉襯托得整個秘苑美得很有魅力！秘苑等於後宮，是需要有導賞員帶領才能入內參觀！

參觀秘苑必需網上預約，中文團每日只有一個時間12:30，只有50人，請準時哦！

昌德宮和昌慶宮是連接著的，很方便哦！

原本想掃貨的，但晚上八點多去很多都還未開，所以只好走了！可是在短短的一小時，姐姐買了兩對boot了！

因為明天的時間不太懂掌握，所以姐姐的朋友建議我們晚上去一趟看看弘大買的東西適不適合我們！

這裡有很多1,000won的髮夾、耳環等等，真的超便宜，真想全部擁有呀！

到達目的地！附近除左便利店外，還有很多食店，在這裡還第一次看到當地人賣炸人參呀！嚇了我們一跳！問過在韓國生活的朋友，他說那些人參應該是水參，不值錢的那一種！噢…但他們也很捨得嘛！

在KTX上吃了早餐，所以買了兩枝COFFEE當口渴來喝！因為內藏山真的超大，當你買了門票進入後，沿途不會有很多買小食的地方，只有在坐纜車上山的那處才有小食店讓你買東西吃或喝！

第3次去韓國 今次聖誕之旅plan好了去首爾+釜山7天遊 真係好掛住釜山呢個地方 釜山人好熱情 好好人 小妹略憧韓語 足夠溝通 讀大學時識到1班可以交心既韓國好友 好開心今次去順便同埋距地gathering! 今次選擇了JEJU AIR 同airBusan一樣 都係當地經營既細plane 成架機都係韓國人坐既 23rd晚到機場準備 搭乘2a.m. 班機 約3小時後落機 響釜山機場食左個快餐 之後搭機場巴士到釜山KTX站 每人W6,000 (後來發現搭的士仲抵…) 上網已Book好KTX到首爾 坐了約3小時的火車便到了.

到了立即轉乘地鐵 到酒店check-in 酒店在鐘路5街 去東大門好方便 不過出站後要行大約15分鐘… 想不到酒店11點幾就俾我地Check-in! 真好!! 房間很好 很整潔 wifi 信號強

訓左幾個鐘後出發醫肚! 第1站: 鷺梁津水產市場  滿心期待的海鮮餐!! 最後都有D失望.. 本以為跟釜山的海產市場一樣 都是買了材料後幫你煮的 一般會收取你一點料理費 點知呢餐太唔值了! 本想吃赤𩶘 但一問下發現呢度特別貴 1kg要約HK$300 一條普通size都要$6-700 比起釜山實在貴好多 最後我地買左一條比目魚做刺生 最抵係用了$50買了約15隻生蠔 一半生食 一半BBQ 正! 買了2隻大虎蝦拎尼燒 超甜起香! 另外有仙貝都幾鮮甜. 食魚一定唔好浪費魚頭魚尾 叫阿珠媽拎尼煲辣魚湯就一流! 最一人叫一碗白飯 咁就完美了

總結呢餐飯我地買材料用了二百尾差不到HK$300 但料理費竟然收左我地三百幾蚊!!!!!!!!!原來係每一樣item咁樣收錢 唔係成餐飯收! 真過份!!! 而且呢度係無前菜食嫁!!!  建議大家會去釜山既話 都係留番個肚去到釜山先食吧.  最後都不忘問下D員工點解好似特別貴咁響呢度食 距地話首爾沒有海域 海鮮要入口 所以較釜山貴 (明曬^^) 不過感受下地道氣氛都係好值得去嫁

***俾個TIP大家: 有某幾間店只工係識講普通話 但小妹發現距地都係會開天殺價既 所以要小心選擇哦