搜尋:
遊記日期:    發表日期:    
 
簡介形式      文章形式
共找到 186 篇遊記, 正顯示第 21 至 30 篇遊記
cho_bo
11篇遊記
Hea 遊泡菜國 (韓國)
(旅程日期: 2014-09-30 至 2014-10-06 ,  旅程性質: 觀光攝影, 飲食購物, 消閒度假)
 整個旅程  (共7篇遊記)
 分享至Facebook 
發表日期: 2015-02-08
終於去到最後一日了,我地晚機才回港,所以有大半日俾我地去埋梨泰院,以及戰爭博物館,這樣7日泡菜國之旅就完滿結束了!
前美軍機地 ok喇2015-02-08
條街咁影幾有味道
條街咁影幾有味道
後面條街好像成條酒吧街咁!
後面條街好像成條酒吧街咁!
這是區內有名的咸美頓酒店!
這是區內有名的咸美頓酒店!
這區以前有美軍駐紮,所以很多老外來這裡住,正因為多外國人,個人認為這區既消費相對較貴,找換店兌換率也較差,我去了韓國數次都沒去這裡,所以於去年10月的行程加了這區,總算是到此一遊了!
評分: 值得去3  
吸睛雪糕 ok喇2015-02-08
喺地鐵站看到這個即刻揾嚟食呀!
喺地鐵站看到這個即刻揾嚟食呀!
內有乾坤
內有乾坤
原本冇諗過嚟呢度,因為根本唔熟梨泰院,旅遊書也沒有太多篇幅介紹這區,我地係喺地鐵站上地面時看到海報才知有這店,海報內容當然就是放了這蜜瓜雪糕吸睛啦!因為五年前在北海道渡蜜月時吃過軟雪糕拼夕張蜜瓜覺得超好味,為了回味,我地就行嚟行去咁揾呢間店。

找了好一陣子,終於喺一條巷仔找到,店老闆都有點意外我地點解識嚟,解釋完一輪讓佢明白,佢在地鐵站貼海報是有作用的。初時以為店很細,原來往內行別有洞天,間了一間房可以同朋友包場咁呢!

蜜瓜軟雪糕定價唔平呀!要成19,000韓圜,軟雪糕味道唔錯,奶味夠又軟滑,但蜜瓜得面頭部份甜,食多少少未到皮已覺苦的,所以還是北海道的好吃!

幫襯嗰日除了我地及一枱客(2人),冇人嚟呢!甚至路過既也冇,人流麻麻,唔知係咪因為Weekday關係呢!這Cafe有免費Wifi,嚟開呢區可以嚟飲下咖啡上吓網,但就唔駛特登來了! 
評分: 味道3   服務3   環境3   衛生3   抵食2
抵食 笑臉2015-02-08
地方不小
地方不小
大醬湯
大醬湯
人蔘雞湯
人蔘雞湯
問我食店喺邊,真係唔知,去到憑記憶可能都仲識行既,食店係喺地下,要行落一層,落去地方寬敞,有好幾個老外(有啲穿軍服的)已在用餐,我地隨便坐低,翻開餐牌,點了我愛吃的大醬湯(7,000韓圜而已),老公則點了人蔘雞湯(12,000韓圜),食物好快就到,兩樣都好味,大醬湯夠濃,豬骨夠鬆化。蔘雞湯雞肉夠滑,湯既味道也不錯,起碼唔淡,定價合理,味道唔錯,值得幫襯呢!
評分: 味道4   服務3   環境3   衛生3   抵食3
兄弟情 ok喇2015-02-08
這是以戰爭作主題公園及博物館,吸引我去既係一個兄弟相擁既銅像,說是兩兄弟被分隔在南﹑北韓,內戰時兩兄弟喺戰場上以敵方身份相遇,繼而相擁既情景,雖然我對泡菜國歷史認識近乎零,但對於這一幕感受至深,覺得好感動,所以在最後一日唔太多行程安排下來了。

除了這銅像,還有很多舊時用過既戰機﹑坦克﹑戰艦供人拍照,另外,喺公園較入位置既博物館是要收費,對韓國歷有興趣既朋友可以一看。 
評分: 值得去3  
The Saem
The Saem
Primera
Primera
Beyond
Beyond
Innisfree
Innisfree
Etude House
Etude House
A'Pieu
A'Pieu
Primera
Primera
Tony Moly/ Missha
Tony Moly/ Missha
到了遊記尾聲,點都想同大家分享下每次買啲咩戰利品既,主要係護膚品及零食,呢篇先講前者。

大家對韓國護品牌一定唔會陌生,事關已有好幾家喺香港已有專門店,就算冇舖頭,喺水貨店或網購都可能看過,我唔係化妝既人,護膚也有點懶,所以唔算好有研究,買既都係大路既牌子,最喜歡既係較貴既Primera,這牌子跟雪花秀是同一間母公司的,所以對其貨品既質量絕對有信心,最出名既係西蘭花成份既去角質啫哩及磨砂洗面膏,前者相對温和。另外佢既面膜都唔錯。

繼而鐘意既牌子都係同母公司既Innisfree,重點係貨平,如大部份店既面膜入門價是1千韓圜,這店則平50韓圜,所以平平地粗用或送人都很不錯。其次係佢既綠茶成份既潔面用品﹑日霜﹑精華﹑眼霜嗰條線都係該店皇牌。

第三個要講既牌子係Etude House,品牌行公主路線,無論店舖裝潢,定產品包裝都少女到暈,店前影相也好,買包裝也好,啱哂行少女feel既粉絲。另外,我喜歡呢個牌子主要係佢既甲油,曾經賣得好平,1千韓圜已有交易,顏色也不少,不過現在買少左了,一來佢既價錢調番高了,二來市場上選擇太多嘛!

第四個會幫襯既係Beyond,點解?我既男神金秀賢代言嘛!買products會送SooMan既海報﹑扇等紀念品,唔係唔買呀!不過中肯的說,佢既產品定價唔算高,洗面用品不錯,另外佢有頸膜﹑小腿膜及肚腩膜,賣既產品跟其他店稍有不同(雖然已被抄了),所以都值得入去行一圈既!

下一個要講既就係Missha,因為喺香港無聲無色咁執左,唔想喺水貨店買,咁去到韓國自然就去入貨啦!朋友一般會幫襯其美思系列,而我則買甲油...是的,我愛塗甲!Missha既甲油顏色唔錯,個掃幾好掃,所以買得過既!

Tony Moly既特色是用蔬果造型作其包裝,如美白既面膜(要過水的)以蕃茄盛著,潤唇膏以桃﹑橙等盒包裝,去黑頭粉刺的雞蛋連蛋盒包裝也很吸睛,最新產品有香蕉造型既手霜及睡眠面膜,香到呢!我最近嗰轉就掃左10支呢!

G-Dragon 代言既The Saem我也買過,但產品一般,包裝只是在產品上加張包裝紙就算,定價平是主要賣點吧!至於A'Pieu,也好像跟雪花秀有關,我最記得買過一支Cool Gel係連按摩轆的,塗腳用,舒緩疲勞,才100港幣左右,幾抵玩。另外,沒有拍照的 Nature Republic也是多人搶購的,皇牌用品是蘆薈啫哩,但The Saem出品價錢更平宜,蘆薈成份更高,所以我會推介大家買The Saem。
評分: 值得去4  
購自首爾站樂天超市
購自首爾站樂天超市
購自龍頭站Home Plus
購自龍頭站Home Plus
購自首爾站樂天超市
購自首爾站樂天超市
大合照是不少得的!
大合照是不少得的!
日用品也很值得買
日用品也很值得買
購自首爾站樂天超市
購自首爾站樂天超市
購自龍頭站Home Plus
購自龍頭站Home Plus
購自明洞樂天超市
購自明洞樂天超市
送俾女性朋友就可以用護膚品,男性朋友﹑同事就梗係買食得架啦!想買平既主要去三大超市,分別係樂天﹑E-mart及Home Plus,但如時間太趕,喺便利店也會買到零食,另外,喺南大門也有紫菜天國(海苔天國)有大量手信俾你揀,但遊客區喎!梗會貴啲啦!自己度度啦!

樂天超市(Lotte Mart),常去既係首爾站的,夠大,其中有柚子茶既專柜,總之唔怕買唔到吃的喝的韓國產物啦!而且內有Daiso,買下文具或銅煲也不錯,我就買Lock Lock盒,好平,即使唔係Lock & Lock也好用,抵!(夠三萬韓圜可辦退稅)除了首爾站,蠶室站﹑明洞及清涼里站也有的。

E-mart,在龍山站的I Park Mall有,另外朋友說往十里站的E-mart既貨品最平,我冇去過,不肯定,有時間自己去格價吧!

Home Plus,龍頭站的Home Plus既貨品相對冇咁齊,如住在附近(近東大門)可以去行下既!

買既內容看相也看到,主要係薯片﹑送飯既紫菜碎﹑柚子蜜﹑各式韓國蛋糕﹑餅食等等,Market O, Dr. You, Crown, Lotte, Orion...每個牌子都有其特色零食,梗有一樣啱你呢!

希望前後7篇分享對大家首爾行有幫助啦!再會! 
評分: 值得去5  
  0 個留言    |  加入你的留言
cho_bo
11篇遊記
Hea 遊泡菜國 (韓國)
(旅程日期: 2014-09-30 至 2014-10-06 ,  旅程性質: 觀光攝影, 飲食購物, 消閒度假)
 整個旅程  (共7篇遊記)
 分享至Facebook 
發表日期: 2015-01-21
嚟到第6天,接近旅程既尾聲,睇完大自然風光,係時候回歸石屎森林,做乜?梗係要最後衝刺,血拼個夠啦!先去高速巴士站地下街,然後學人去新沙洞林蔭道吸收潮氣,最後番去東大門商圈再拼過,雖然唔算大出血,但都買了幾件衫,嚟梗既行程會再去地下街拼過呀!
血拼重地 笑臉2015-01-21
這裡有吃的,也有櫈讓人小休
這裡有吃的,也有櫈讓人小休
彷彿看不到盡頭
彷彿看不到盡頭
一端主要賣時裝
一端主要賣時裝
另一邊賣家品多
另一邊賣家品多
由中段踏入這條江南地下商街,向左望好,向右望也好,彷彿看不到盡頭,冇頭緒由哪兒行起,就向Etude House方向(即背住地鐵站的左邊)行,一路店舖賣既東西差不多,褲﹑衫﹑鞋﹑美妝店﹑內衣褲等等,普通衫褲大部份一萬韓圜就有交易,也買到5千韓圜的,邊快行邊scan邊買,快極都要差不多半小時才到盡頭,盡頭有賣吃的,也有座椅讓人休息,唔怕行到攰冇得回氣。

至於另外一邊,主要係賣家品呀﹑床單呀﹑甚至係園藝擺設嗰啲,有需要就行,冇的可以skip,免得費時呢!這條地下商街主要係本地人行多,仍未被港人﹑強國人攻陷,不過人還是很多,掃貨時都要小心自己荷包呀! 
評分: 值得去4  
林蔭大道 ok喇2015-01-21
角度攞得不錯吧!
角度攞得不錯吧!
超多人的咖啡店
超多人的咖啡店
沒門口的,感覺開揚,賣點是也!
沒門口的,感覺開揚,賣點是也!
呢張也影得唔錯
呢張也影得唔錯
到晚上仍是很多人呢!
到晚上仍是很多人呢!
狎鷗亭也好,羅得里奧街也好,是江南那邊出名既潮服區,好多名店﹑時裝店都喺嗰區設旗艦呢!而最近開始竄紅既新沙洞,就喺林蔭大道兩旁開了很多型格店舖,時裝﹑ Accessories,型格家品也有。除此之外,Cafe也有不少,我們也有幫襯其中一家。

因為"來自星星的你"一劇,掀起左醬油蟹熱潮,新沙洞也有一條醬油蟹街,有名既PRO醬蟹也在此呢!還有,這裡有很多整形醫院,韓國真係好開明,視整容為美容,由地鐵站廣告,一路到大街建築都看到呢!

雖然我沒有潮流觸覺,來這裡純為見識,以及想看看林蔭大道兩旁綠樹(外子很喜歡這樣既大道),不過,當你去過南怡島後,就會覺得這裡失色了!對時裝潮流有興趣既,或同我一樣有時間純粹到此一遊既,可以來hea下呀!
評分: 值得去3  
好開揚
好開揚
座位寬敞,空間感夠
座位寬敞,空間感夠
蕃薯窩夫拼雪糕,仲要係Haagen Dazs,超讚!
蕃薯窩夫拼雪糕,仲要係Haagen Dazs,超讚!
杏仁芝士火腿多士也很好吃!!!
杏仁芝士火腿多士也很好吃!!!
一開始忘了拍咖啡店外觀,晚間再經過時才補拍
一開始忘了拍咖啡店外觀,晚間再經過時才補拍
其實成個首爾之旅好像成日食咁,喺高速巴士站行完一輪,老公則在咖啡店內坐住等,飲過咖啡,去到新沙洞,又被我帶去另一家咖啡店再吃過飲過,真係辛苦老公呀!

這間咖啡店名為Ginkgo,地方很大,裝潢以木為主,日間陽光從露台照入店內,晚上燈全開了,在大街上也看得到燈火通明,雖然店太光亮顯得不夠hea,但座位寬敞,坐得尚算舒服。

我們點了兩杯飲品,一客雪糕蕃薯窩夫,一客杏仁芝士火腿吐司,沒想到食物質素很不錯,韓國窩夫外脆內鬆軟是常識,但內裡竟有蕃薯蓉,口感層次豐富,而且任選兩球哈根達斯雪糕呢,好好味呀!繼而吐司無論火腿﹑芝士﹑杏仁片,所有材料份量剛好,都好夾,又係意想不到既好味呢!不枉我捉老公上嚟坐呀!
推介菜式: 雪糕蕃薯窩夫,杏仁芝士火腿吐司
評分: 味道4   服務3   環境3   衛生3   抵食3
東大門及明洞一樣,間中在商場門外搭舞台讓人表演
東大門及明洞一樣,間中在商場門外搭舞台讓人表演
商場老大哥Doota
商場老大哥Doota
還有Miligoze
還有Miligoze
一直想行的 Nuzzon
一直想行的 Nuzzon
Maxstyle這個場好靚,外邊... 但入面好吉的
Maxstyle這個場好靚,外邊... 但入面好吉的
喺商場群後還有這個機動遊戲
喺商場群後還有這個機動遊戲
雖然有多條地下街可以掃平貨,但東大門商圈仍然深受遊客歡迎,除了Doota﹑Miligoze﹑ Hello apm等,還有批發區中的U:US﹒Nuzzon等,總之要敗要拼既地方相當集中,有些地方還可講價。如第一次來首爾,或行程太趕去不到地下街的,仍會建議來東大門走一圈呀!
評分: 值得去3  
地下招牌
地下招牌
對面看過去
對面看過去
豬形處處
豬形處處
彩色卡片好靚
彩色卡片好靚
好震撼呀!
好震撼呀!
泡菜海鮮湯味道正,但海鮮唔係新鮮貨
泡菜海鮮湯味道正,但海鮮唔係新鮮貨
好多人幫襯
好多人幫襯
正
這家八色豚肉越做越好,名氣大到香港尖沙咀也開了一家,雖然不是有關連﹐但想止癮也不錯。講回八色豬肉,言下之意即有8款口味啦!分別為人參﹑紅酒﹑松叶﹑大蒜﹑花草﹑咖哩﹑大醬及辣醬,口味由淡至濃吃起,最好味是紅酒及大蒜,花草既香草味則太搶,而松叶則冇乜特別,應該話食唔出叫咩味呢!

除左調味,豬肉用五花腩,肥瘦相間,豬肉味夠但沒有臊味,包菜同吃或淨隊皆讚!而送既泡菜海鮮湯湯頭甜中帶辣,但入面既海鮮則不新鮮,不用浪費Quota呀!這個八色豚肉,唔止好食,又夠睇頭,這樣才三萬韓圜,影相都抵呀!如怕食唔哂,有雙拼或三拼可揀呢!
每人消費: 約15000韓圓 (晚餐)
評分: 味道4   服務3   環境3   衛生3   抵食3
名大於實 ok喇2015-01-21
吸煙房
吸煙房
出名之處是有燒蛋位
出名之處是有燒蛋位
唔覺意找到姜虎東,就上去開餐,其出名之處莫過於肉平,以及可以爐邊烤蛋。本來對此店有期望,但結果係,蛋要好cher咁食,唔滑而嚡口,豬肉定牛肉我已唔記得究竟係點左邊樣,所以你話味道如何?咪冇乜特別囉!如果唔係我點會唔記得自己食過咩呢!價錢仲要唔平,可能我地相對點得多啲或貴啲卦,總之唔會再有下次啦!
評分: 味道3   服務2   環境2   衛生2   抵食2
外形很太空館feel呢!
外形很太空館feel呢!
對面是Lotte Fitin
對面是Lotte Fitin
相信有看"來自星星的你"既人唔會唔識DDP這個東大門最新地標,冇錯,就係劇中千頌伊吊威也發生意外既拍攝場景呢!我也是來東大門時順便打卡追星呀!

所謂DDP,就是"Dream", "Design"及"Play"的簡稱,這裡有唔同既文化展覽,也有商店售買創意用品,更有數間餐廳,其中一間是以賣健康飲品有名的果汁店呢!可以一逛! 
評分: 值得去3  
  0 個留言    |  加入你的留言
cho_bo
11篇遊記
Hea 遊泡菜國 (韓國)
(旅程日期: 2014-09-30 至 2014-10-06 ,  旅程性質: 觀光攝影, 飲食購物, 消閒度假)
 整個旅程  (共7篇遊記)
 分享至Facebook 
發表日期: 2015-01-20
嚟到旅程既第5天,感覺留在首爾好耐呢!(比起平時既3日4日trip,這次真係算耐)

今日一於出發去南怡島,為著唔會捱住餓去,我地先到新堂,為的是想吃Running Man主持劉在石代言既炸雞,點知去到未開門,咁新堂又名年糕鍋街,我地就諗住行個圈,睇下有冇好野食啦!最後去左一家名為"Red Mango"既乳酪雪糕店吃Waffle,首爾隨便一個地方吃窩夫都好得呢!食飽就向南怡島出發。

還好火車時間都算夾得唔錯,不至於要等好耐才可上車,去到加平站,又喺便利店買了漢堡,不過味道一般。吃飽八卦問下停在面前既巴士司機,原來佢架車開去南怡島乘船處的,急忙上車,終於順利到達南怡島,好開心咁遊島﹑影相﹑又食過!

上一趟行程冇去南怡島,但就去了追星既小法國村,兩個景點其實也可一天處理,所以我會在這裡分享埋小法國村呢!另外,還有一個地方叫晨靜樹木園,也是很值得去既地方,嚟梗出發既首爾血拼之旅,我就準備跟團友一次過掃呢三個地方呢! 
年糕一條街 ok喇2015-01-20
啱啱有啲節目,熱鬧但幾嘈下!
啱啱有啲節目,熱鬧但幾嘈下!
年糕公仔好得意呀!
年糕公仔好得意呀!
叫得新堂洞辣炒年糕街,賣年糕鍋既食店當然不少,但翻看旅遊書,很多都推介馬福林奶奶這家,話佢賣既辣中帶甜,年糕又煙韌彈牙喎!不過由於老公唔太好,所以我地冇試,而嚟到當日咁啱見到有啲表演,阿豬媽唱歌跳舞,非常熱鬧呢!
評分: 值得去3  
一早未有太多人客,店內好幽靜
一早未有太多人客,店內好幽靜
雖然唔係最想吃的香蕉窩夫,但這個也好味呢!
雖然唔係最想吃的香蕉窩夫,但這個也好味呢!
由於炸雞店未開,諗唔倒食乜,喺家鄉成日見Red Mango都冇幫襯過,所以就決定在此開餐,原意是想吃香蕉窩夫,但揀完一輪店員話冇做... 咁唯有食普通一級既杏仁窩夫啦!賣相冇香蕉的吸引,但窩夫一樣外脆內鬆軟,吃罷一口又接一口,超好吃,配埋芝士忌廉及果占更佳,首爾窩夫真係唔講得笑,好吃到不行呢!
評分: 味道4   服務3   環境3   衛生3   抵食3
辛苦也值得 笑臉2015-01-20
登島要坐船,圖為船飛囉!
登島要坐船,圖為船飛囉!
排隊上船呀!
排隊上船呀!
遊客可選擇以鋼索降落南怡島,快啲﹑風景靚啲,但貴啲!
遊客可選擇以鋼索降落南怡島,快啲﹑風景靚啲,但貴啲!
冬日戀歌既雪人公仔常現島上。
冬日戀歌既雪人公仔常現島上。
入公園了!
入公園了!
見到開始有紅葉,好興奮呀!
見到開始有紅葉,好興奮呀!
去之前沒有抱太大期望,見這地方未到過,又想試下有冇機會看到紅葉,加上本身喜愛綠色,即使冇紅葉,在兩旁綠樹下拍照也很滿足。

猶如引言及上述前往方法所示,去南怡島並不容易,雖然不算難,但相對平時地鐵可至既景點絕對轉折多了,不過,正因為沒抱超大期望,登島後驚喜處處。 首先,船未泊岸前遠遠看到翠綠樹林中有幾棵紅紅黃黃既植物,就讓我幻想它們是紅葉已讓人開懷。

登島後看到用綠色樽砌出來的樹也讓我拍了幾張照片,繼而看到唔太可愛既松鼠,影出來唔夠靚既湖,都讓我感覺舒暢。最讓人興奮的三件事來了,第一是在大草地上看到好幾棵紅葉,不用疑似了,根本就是,雖然同樣實景較美,但我仍是開心滿足地拍了好多張照片。

繼而就是一路想拍的兩旁綠樹作蔭既大道,青綠色的超美,無論自拍還是影景都相當喜歡。嚟梗既trip也會到這裡,不知會否有雪,會否更美!

最後讓我真的好意外既是有鴕鳥呢!我好鐘意動物,最愛遊動物園,在這裡看到唔怕人但又有點笨既鴕鳥覺得賺左呢!即使未能去兒童大公園看動物也很開心!

島上還有很多影相位,尤其是陳年舊劇冬日戀歌既拍攝情景,又有遊樂設施如Bike Centre﹑水上活動,也看到一家家木屋,看來是讓人留島居住的,遊客登島費8千韓圜,島上也有餐廳,總之夠你消磨大半天呢! 
參觀時段: 下午
入場價錢: 每人8000韓圓
評分: 值得去4  
晚上這條路會更美嗎?
晚上這條路會更美嗎?
差一點就想帶傘回家呢!
差一點就想帶傘回家呢!
這條路超美
這條路超美
這角度也不錯吧!
這角度也不錯吧!
意外看到鴕鳥,好開心!
意外看到鴕鳥,好開心!
這裡真的美到不行,要拍照既地方很多,小心用哂相機既電,到下一景點時冇得影相啊!
評分: 值得去4  
吃在南怡島 ok喇2015-01-20
又係冬日戀歌
又係冬日戀歌
好多雪人公仔
好多雪人公仔
辣魷魚拌米線
辣魷魚拌米線
傳統拌飯
傳統拌飯
這附近其實有其他食肆,我們太心急!
這附近其實有其他食肆,我們太心急!
還有千五韓圜既豆沙包
還有千五韓圜既豆沙包
雖然登島前已在新堂及便利店吃過東西,但在島上遊玩了一陣子有啲攰,又為食啦(主因)!所以就入去這間標榜韓式傳統美食的Country Restaurant吃東西了。

食店地方不算很大,但有多張長枱,約可容納80人,食物選擇不多,主要是傳統拌飯﹑湯麵﹑煎餅及一些鍋類,老公點了傳統拌飯,而我則點了辣魷魚拌米線,味道雖然沒有特別,但也稱得上美味,我們很快就把它們幹掉呢!而且價錢比想像的化算,值得進來小休。

如不想吃韓食,附近也有其他食肆(如西餐),又有一個賣豆沙包既涼亭,大家可以慢慢行,研究完才決定要吃什麼呢!
評分: 味道3   服務3   環境3   衛生3   抵食3
追星而來 ok喇2015-01-20
一落車就好興奮呢!
一落車就好興奮呢!
Poster大大張
Poster大大張
經典位置
經典位置
在來自星星的你一劇,男神同千頌伊在小法國村深深一吻訂情,因為中了男神毒,所以知道這裡很細,交通又用了不少時間,也要到此一遊。一場嚟到又係喺度喪影,總之一見到有小王子元素我就影,見到男神我又影,最後一路影一路擔心相機冇電囉。

嚟梗同團友都會再嚟,因為團友未嚟過呀!速遊後會到晨靜樹木園影燈飾,希望到時無論等觀光車或的左都唔會太嘥時間啦!
參觀時段: 下午
入場價錢: 每人8000韓圓
評分: 值得去3  
只有這些可醫肚呢!
只有這些可醫肚呢!
長期重温定情片段
長期重温定情片段
覺得呢度好靚,即使唔知影過未,見呢個角度唔錯又再影!
覺得呢度好靚,即使唔知影過未,見呢個角度唔錯又再影!
小法國村雖然地方小,但要影既地方都好多... 山長水遠嘛...點都要拍個夠!
評分: 值得去3  
燈飾超美
燈飾超美
隨意拍也很靚
隨意拍也很靚
一開始冇打算去的,又係花花草草,唔駛去啦!但最近看雜誌附送既旅遊書介紹,這裡於冬季會有燈飾,景色超美,朋友話隨意拍照已是一道好風景,所以嚟梗旅程加插了這地方,亦先在這裡跟大家介紹一下呢!

特別鳴謝 Swin Lo 提供兩張靚相
參觀時段: 晚間
入場價錢: 每人8000韓圓
評分: 值得去4  
  0 個留言    |  加入你的留言
cho_bo
11篇遊記
Hea 遊泡菜國 (韓國)
(旅程日期: 2014-09-30 至 2014-10-06 ,  旅程性質: 觀光攝影, 飲食購物, 消閒度假)
 整個旅程  (共7篇遊記)
 分享至Facebook 
發表日期: 2015-01-18
嚟到旅程既第四日,原本係想到南怡島的,但因為遲左出門口,又怕落雨,所以臨時改變行程,改到仁寺洞三清洞一帶,今次係第二次到仁寺洞,可以行慢啲之餘,仲去左多年想試既 O'Sulloc Tea House,又陪老公吃了佢好掛住既牛骨湯。

喺仁寺洞食飽飽,就起行到三清洞,上一次行得一半就要折返趕去機場,這次就可以慢慢行,沿途有好多靚Cafe,好想喺嗰度嘆茶呢!(可惜喺"噢!雪綠"已飽了)有機會真係要在三清洞做下偽文青呀!

另外,也在此篇加插4月之旅到過充滿藝術氣息既大學路(惠化站既梨花壁畫村),又一影相影到好開心既景點呢! 
大街上也有不少車仔檔
大街上也有不少車仔檔
這空地間中有"民間"表演架!
這空地間中有"民間"表演架!
這條古大街既美妝品店既店名也用韓字,好特別!
這條古大街既美妝品店既店名也用韓字,好特別!
店舖蠻有特色呢!
店舖蠻有特色呢!
兩年前出遊時有對朋友夫婦住在鐘路附近,我地過去找佢地一齊玩時會先到佢地酒店,然後再出發,喺佢地酒店附近向右行,慢慢就可穿到仁寺洞,反而叫我由安國站行過去我未必識呢!(今年第二個 trip才知原來可由安國站行過去呢...haha) 而鐘路附近都多野食,所以我喺這日既行程也有提到兩家鐘路吃過既餐廳呢!

講番仁寺洞,主要大街可看到好多韓國傳統文化相關既店舖,如韓紙﹑韓國書法﹑民族手工紀念品等等,間唔中會見到韓國女士穿上傳統服飾出現,好像大長金咁!此外,這裡也有傳統茶居,可以品茗及吃韓式傳統甜點。走在大街上,如果遊客唔係太多,感覺好舒服,好有文化氣息﹑古早既味道,除了傳統店,還有兩個大型"商場",賣既東西集新潮及手工於一身的,我也會喺下一篇介紹其中一家。總之,如有時間的話,我都建議大家行下仁寺洞呢!

評分: 值得去3  
人人商場 笑臉2015-01-18
呢個便便紅豆餅好出名咁!
呢個便便紅豆餅好出名咁!
這朵花由地下延伸至頂樓,好特別咁!
這朵花由地下延伸至頂樓,好特別咁!
這個商場,由於韓文符號拼"SS"寫出來是"人人",故又被人稱為"人人商場",第一次到這商場逛時覺得好正,好新鮮,好舒服!除了有樓梯,還可由斜路慢慢繞圈向上行,沿路有很多特色商店,賣的東西不便宜,但好多都是手工貨,獨一無二。一路又看到好多塗鴉,也看到一些雕塑,總之成個環境好藝術。慢慢行到上頂是餐廳來的,陽光充足,喺冬天曬住太陽嚟個Brunch或Tea定必好寫意!
評分: 值得去4  
喺明洞時店面青綠色... 但在仁寺洞呢!則古雅啲!
喺明洞時店面青綠色... 但在仁寺洞呢!則古雅啲!
這裡暗啲,沒有陽光既刺眼... 但相反坐得耐又會覺得好眼訓囉!
這裡暗啲,沒有陽光既刺眼... 但相反坐得耐又會覺得好眼訓囉!
雪糕味道不錯,紅豆夠多,但冰太粗
雪糕味道不錯,紅豆夠多,但冰太粗
這是韓國有名既綠茶店,在濟州自設茶場,此店除了出售自家綠茶葉,也有很多跟綠茶有關既物品,如護膚品。二樓及三樓是茶室,除了綠茶,還有蛋糕及各式綠茶甜品。話明係綠茶控,我又點會唔嚟朝聖吖!

等左半個鐘左右,店員安排我地入座,留低餐牌後就行開了。這裡指示唔清晰,我排了好一陣隊,到我落單時佢話我可以坐下來,店員會嚟同我落單喎!你話係咪唔交帶清楚吖!算啦!坐低左後另一店員就過來幫我地落單, 我地點了綠茶雪冰﹑綠茶卷蛋及一杯綠茶Latte。

過一陣野食來了,賣相係唔錯,但比起弘大Be Sweet On就差一大截呢!而且又貴啲喎!味道方面,綠茶卷蛋不錯,忌廉滑,綠茶味夠﹑香濃而不澀。但個雪冰就唔得了,唔夠幼細,咬到小冰粒既刨冰口感,我都係鍾意好像雪既雪冰多一點。 Maccha Latte也是一般。

首爾好多甜品店﹑咖啡店,選擇多的是... 噢!雪綠嘛... 試一次就夠呢! 
評分: 味道3   服務3   環境3   衛生3   抵食2
難忘牛骨湯 笑臉2015-01-18
店前有食物模型,我們也是被模型所吸引的
店前有食物模型,我們也是被模型所吸引的
我諗我地唔識欣賞韓國拳頭咁大既餃子囉!
我諗我地唔識欣賞韓國拳頭咁大既餃子囉!
超得既炆牛肋骨
超得既炆牛肋骨
牛骨湯也很讚
牛骨湯也很讚
這是四人份
這是四人份
跟老公encore時的牛肉鍋
跟老公encore時的牛肉鍋
好好味呀!
好好味呀!
這家餐廳沒有中文名,我由韓文符號嘗試拼寫出來,如冇錯應為"Kam Nam Mkhn Ok",但第三字好怪,冇響音。此店地方不少,裝修平實,既有席地而坐既韓式座位,也有我們一般既枱櫈,兩者我都坐過。咁講係因為我們吃過番尋味呢!為著既,是一碗牛味濃既牛骨湯。

這裡定價唔貴,幾千韓圜已有交易,除了炆牛肋骨,分大﹑小份,價錢過萬韓圜,但味道不錯。講回牛骨湯,以韓式湯鍋盛著,湯呈奶白色,有三四件牛排骨,並有葱花裝飾,熱騰騰上桌,喝一口湯很甜﹑順喉,有牛肉味道,牛排骨肉質好軟腍,仍有肉味,邊吃邊喝,亦可拌飯同吃,到現在仍很回味。所以此行老公說明必要回來encore!!

另外我們也點了剛說到較貴的牛肋骨,調味很夠,但仍吃到牛肋骨既肉味,炆既火喉也夠,骨肉易於分離,細份都有8條骨,很快就給我們幹掉了。至於水冷麵味道一般。另外,我跟老公回去 encore時則點了牛肉鍋,才兩萬多韓圜,但配料多﹑菜及牛肉也多,吃得好痛快。這裡除了餃子,其他都非常好吃。有機會我們也會再來呢!
推介菜式: 牛肉鍋﹑牛骨湯﹑炆牛肋骨
評分: 味道4   服務3   環境3   衛生3   抵食3
必吃牛肉鍋 笑臉2015-01-18
這食店營業時間較長,我地去完夜街(過9點)如喺附近會嚟呢度食晚飯,除了牛肉鍋,這裡還有豬骨鍋,還有一個係人蔘雞定其他既鍋可揀。前後兩次我們也吃了牛肉鍋,相對剛才提既仁寺洞餐廳,這家牛肉鍋肉既份量雖然較少,但其他配菜就好足,湯頭夠甜,好似食梗壽喜燒咁,每次我地都會加個麵落去食,價錢又實惠,真係超讚!

註:這家店全部都是韓式座位,入店後要先除鞋,有鞋柜讓客人放鞋。 
推介菜式: 牛肉鍋
評分: 味道4   服務3   環境3   衛生3   抵食3
上桌時湯仍在滾呢!
上桌時湯仍在滾呢!
之前喺仁寺洞附近行完,諗唔到食乜,經過呢間,見到門口張易拉架有薯仔大骨湯,所以走入去吃。呢間食店真係好街坊,全部韓文字,冇譯既餐牌,我地手指牆上既圖嚟點單。全場幫襯既都係韓國人,既有阿積司,又有後生男女,有啲食客又飲酒,所以店內都幾熱鬧呢!

湯來了,見只有大骨沒有薯仔,以為嚟錯,但後來發現原來一開始係我地睇錯圖,根本係冇薯仔在內,咁唔緊要啦!就咁大醬湯也很好吃!湯帶辣,少少油,肉唔多但好入味,跟飯吃好飽肚,而且價錢平,好像7千韓圜一客,晚飯喎,抵到呢。

回港後我地都有試過整,但當然有加番薯仔啦!嚟梗去首爾希望可以食到有薯仔版本的。 
評分: 味道3   服務3   環境3   衛生3   抵食3
我很喜歡行這條路,樹加石牆感覺很美!
我很喜歡行這條路,樹加石牆感覺很美!
本地人也好﹑遊客也好,都會前來閒逛
本地人也好﹑遊客也好,都會前來閒逛
這家好像是有名的刀削麵店
這家好像是有名的刀削麵店
就是欣賞建築物都值得來呀!
就是欣賞建築物都值得來呀!
一般去完仁寺洞,我都會繼續向北行(我既前行而矣),往三清洞進發。由石牆大道慢慢前行,兩旁有樹作蔭,人不算多,在陽光下散步,感覺好舒爽。再向前行,兩旁開始出現性格小店,有賣衣服既,有賣飾物既,也有賣鞋履既,總之同時裝有關既都可看到。

除此之外, 也有很多咖啡店﹑小吃店﹑裝潢型格或簡潔既餐廳,行到攰可以隨意找個地方嘆茶,吃件餅,稍作休息後再行過。喺巷弄裡也可找到特色小店(門面﹑裝潢﹑或賣的東西都較吸睛)﹑餐廳,總之細心行逛,會有讓人尋寶既感覺。

整條大街約分三段,都是由不同小店﹑咖啡店﹑餐廳組成,連鎖店舖相對較少,感覺較新鮮,走在這裡,感到商業味少一點,氣質多一點。
評分: 值得去4  
在巷內又會出現店舖
在巷內又會出現店舖
這條又名三清洞咖啡街
這條又名三清洞咖啡街
這店賣公雞有關既精品呢!
這店賣公雞有關既精品呢!
我不吃蛋,但看到也覺吸引
我不吃蛋,但看到也覺吸引
這是回程路上,但又看到新既店舖...
這是回程路上,但又看到新既店舖...
其中一家小店,賣咖啡﹑輕食...
其中一家小店,賣咖啡﹑輕食...
再讓大家看多些三清洞既面貌吧...
評分: 值得去4  
尋畫路上 笑臉2015-01-18
各大旅遊書必見既裝置
各大旅遊書必見既裝置
這個甲蟲很可愛是吧!
這個甲蟲很可愛是吧!
很愛這樓梯畫呢!
很愛這樓梯畫呢!
由惠化站往駱山公園行去,沿路指示不多,但總算去到駱山公園,但喺公園行左一陣,也不知道怎可到達壁畫村,失望之餘又餓,唯有落山先醫肚。吃飽後厚著面皮問店員,原來我們仍要由公園繼續向右前行(我們有向前行,但見一路冇畫冇雕塑,以為行錯而折返),為了不帶任何遺憾回港,故再試試看,終於皇天不負有心人,讓我們找到了!(根本就是一開始笨笨呀!)

沿途由不少雕塑,到大大小小既塗鴉﹑壁畫,邊走邊像尋寶一樣,看到一幅又一幅畫作感覺很興奮,尤其是看到兩堂樓梯畫更是開心不已,相片拍完又拍,直到太陽準備落山才肯離開,聞說這裡既畫會定時變更,確實我們所見跟書本所展示的也有不同,下次到首爾想不到行程,即使再來尋畫也不錯的! 
評分: 值得去4  
另一堂樓梯也很美
另一堂樓梯也很美
藍白永遠是絕配
藍白永遠是絕配
梨花壁畫村畫作真的不少,兩個篇幅也未能盡錄,唯有由你自己去發掘吧!
評分: 值得去4  
魚定食5千韓圜,肉片湯4千5韓圜
魚定食5千韓圜,肉片湯4千5韓圜
要前往梨花壁畫村,大多會經過駱山公園,雖然我們沒有好深入遊園,但也拍了不少花花照片,園內更有"野兔",又可在公園遠眺首爾風光,是個不錯既休憩地方。

公園(山)腳下,有很多藝術館(有啲像公演亂打騷的),又有鎖博物館,更有很多大小食店,我們也在其中一家街坊格局既食堂用餐,相當便宜,才5千韓圜便有一個定食,相當抵! 
評分: 值得去4  
  0 個留言    |  加入你的留言
cho_bo
11篇遊記
Hea 遊泡菜國 (韓國)
(旅程日期: 2014-09-30 至 2014-10-06 ,  旅程性質: 觀光攝影, 飲食購物, 消閒度假)
 整個旅程  (共7篇遊記)
 分享至Facebook 
發表日期: 2015-01-15
第三日既行程較為簡單,主要是到4月之旅錯過了的可樂洞吃長腳蟹,然後到樂天世界影相。雖然下雨,但樂天世界好大部份是在室內的,所以對我地不構成大影響。不過樂天世界也好,側邊既樂天百貨也好,都好快關門,想行完樂園再轉戰超市不遂呢!提起食蟹,在此也分享第一次跟老公嚟鷺梁津食海鮮及附近的汝矣島公園吧!
大但好吉
大但好吉
2樓是海鮮加工食堂,收人頭費及加工費
2樓是海鮮加工食堂,收人頭費及加工費
鮑魚10000韓圜3隻,蝦是送的
鮑魚10000韓圜3隻,蝦是送的
松葉蟹4萬5韓圜,鱈場蟹則講價到7萬
松葉蟹4萬5韓圜,鱈場蟹則講價到7萬
第一次到可樂洞時,我們出了地鐵站左望大大個區被圍板了,看到"市區重建"既圖片,以為整個市場暫停營業,我倆失望而回。後來從朋友既朋友口中得知圍板是另一地方。所以國慶假期決心再去一次。

這次揀啱出口,跟足指示而行,但四周人很少,去到市場所在地時... 嘩!好大呀!有一點一無望際既感覺(是的... 是誇了一點),但一路看到是蔬果標誌既市場,小販也不多,不是所有檔也有開,總之好唔對路咁。我地繼續行,再過條大馬路,咦!似樣了...我地找到像書介紹的加工食堂,樓下是禽畜既檔口呢!上到加工食堂望下,懂普通話既店員指一指海鮮檔既方向,原來要再往後行,經過有蓋停車場才到呢!於是我地馬上起行揀海鮮去。

其實冇乜心水,行了兩三檔,見其中一檔老細較友善,於是就幫襯了一隻鱈場蟹(講價到7萬韓圜)﹑又買了三隻鮑魚(1萬韓圜),老細送了4隻蝦給我們,跟住我們就再行,喺第二檔看到松葉蟹,4萬5韓圜一隻,買埋,就番去剛才的加工食堂了。

這個加工食堂附加費合理,油料加工費每kg5千韓圜,人頭費2千韓圜一人,汽水也是2千韓圜,所有海鮮用最簡單既方法-蒸嚟處理,以吃海鮮既鮮味,我地喺食堂額外俾左1萬8韓圜,成餐約港幣千一有找,價錢可以啦!

講回食堂,大部份是韓式的要席地而坐,得兩張枱配椅子的,整個格局好街坊feel。我們揀左韓式座位,之前無論在鷺梁津定釡山機張都有免費前菜的,但這裡卻沒有,所以我地只有乾等。先來既係鮑魚及免費蝦,前者新鮮,味道鮮甜,後者則是死蝦來的,猶幸肉質不至太脢。跟住兩隻蟹來了,如想像一樣,松葉蟹較鮮味,鱈場蟹雖較大隻兼啖啖肉,但味道較松葉蟹遜色。不過總結三次喺泡菜國食蟹既經驗,以喺機張食既最佳呢!
參觀時段: 下午
入場價錢: 每人550港元
其他消費: 買﹑食海鮮
評分: 值得去3  
頭兩次去首爾時完全冇諗過去樂天世界,一來冇時間,二來家人不怎麼愛樂園,到第四次踏足此地,就把這樂園編排在其中一日,一於做個typical 遊客啦!

出左蠶室站,跟住人群走,慢慢會看到樂園吉祥物,其實我個人係幾鐘意逛樂園的,所以看到吉祥物即拍了好幾張照片,遠遠看到樂天城堡,好興奮,即去買飛。入場票分幾種,全日票﹑下午4時後入場票﹑晚間票等,入場費請參考照片。

購票後衝入樂園,先往室內走...(其實當時已忘了有城堡那邊既"外島"),
地方較想像的大,大大個溜冰場,遠遠看到空中既熱氣球緩緩繞圈,不遠處也看到經典喊戲"天國的階梯"內既旋轉木馬,又有大舞台做表演,四處人來人往,氣氛熱鬧得很。邊行邊拍了幾張照片,我就拉著老公往熱氣球去。這室內熱氣球可算係人氣玩點,過左4點幾都有長長既人龍呢,等既時候我去了買什果冰條吃,味道不錯,但價錢不算平宜,3千韓圜1支呢!食完整支雪條隊仍在排,差不多一個小時後才到我們。看人玩得輕鬆,到自己喺上面時都有點怕呢!好像有4﹑5層樓高左右,繞一圈約10分鐘左右,對於唔玩機動遊戲既我們嚟講,有樣活動做下也不錯。

之後經過3D美術館,有幾幅畫讓人影相。由於十月是Halloween的月份,樂園內也設了鬼屋,不過每度都要排隊,所以我們沒有再玩其他野,只係食下熱狗,四圍影相咁。本來想買紀念品,但職業病發,硬係覺得啲禮品唔值咁貴,所以閃人。

出左樂園,我才發現漏左去城堡影相,為免帶住遺憾離開,厚住面皮問職員我地可否重新入園,重點係解釋俾佢知我地有幾白痴所以錯過左,仁慈既姐姐俾我地番入去,於是我又好興奮咁呢度影嗰度影,又同老公自拍咁,如果日頭都記得影就好了,另有一番味道呢!


評分: 值得去3  
檔口超齊,感覺好熱鬧
檔口超齊,感覺好熱鬧
韓國名產但我從不挑戰既海菠蘿
韓國名產但我從不挑戰既海菠蘿
當地人喜歡用菜包海鮮,再沾韓式辣醬吃呢!
當地人喜歡用菜包海鮮,再沾韓式辣醬吃呢!
鮮味得很!
鮮味得很!
我很醜,但我好味!
我很醜,但我好味!
可以加1500韓圜煮蟹蓋(羔)炒飯的
可以加1500韓圜煮蟹蓋(羔)炒飯的
講到喺首爾食海鮮,除了可樂洞,更多人去鷺梁津呢!這個漁市場除了大,檔口多,而且好集中,又喺地鐵站附近,較可樂市場佳及方便,時間緊迫既真係唔駛諗,去鷺梁津就啱哂!

兩年前去既時候唔大貪,又或就住吃,我地只買了一隻松葉蟹(28,000韓圜)﹑1萬韓圜有6隻蝦及同樣係1萬韓圜有6隻既扇貝,松葉蟹清蒸,其他兩味則用烤的處理。前者雖然少左一隻蟹腳,但我地都好滿足,啖啖肉既蟹腳吃得好爽。後者用烤的但沒有烤的香味,勝在夠鮮,蝦夠彈牙,好吃!不過樓上既加工食堂收費好像相對唔老實,我記得當時埋單要7百多港幣,以為會較香港吃的平宜好多,但勝在夠新鮮,所以嚟梗都將會 encore!!!! 
評分: 值得去4  
汝矣島公園吸引人之處,主要係每年櫻花季節喺輪中路兩旁開滿櫻花既大道,屆時猶如嘉年華/櫻花祭咁好熱鬧。本來4月既行程就是想去睇櫻花,可惜今年花期早了,加上下了一場大雨,我地連櫻花屍骸都睇唔到呢!雖然有點失望,但我地喺公園租單車遊一圈,沿途停下睇下風景影相,輕輕鬆鬆就過了一個好寫意既下午,這裡又有遊樂場設施,好適合一家大細嚟遊玩呢!
其他消費: 租單車
評分: 值得去4  
  0 個留言    |  加入你的留言
Irene盈
61篇遊記
Happy Together with my Korea best friend (韓國)
(旅程日期: 2013-11-21 至 2013-11-25 ,  旅程性質: 背包旅遊, 探訪親友)
 整個旅程  (共5篇遊記)
 分享至Facebook 
發表日期: 2015-01-11

今晚,便要搭飛機回香港去了.

這幾天都沒有外出Shopping購物,今天就讓我拿半天時間行行東大門的Shopping Mall.

下午時份,便到了旅遊書及各blogger推介的-明洞餃子.

吃完餃子,便順度在明洞再作最後衝刺,之後回到backpackers收拾行李,準備到仁川機場回香港去了.

Lotte Fitin,地鐵內裏的入口
Lotte Fitin,地鐵內裏的入口
東大門內裏的樂天商場. 裝修得好靚呀.
東大門內裏的樂天商場. 裝修得好靚呀.
整坐Lotte Fitin,有數層. 每一層也有不同的概念
整坐Lotte Fitin,有數層. 每一層也有不同的概念
Lotte Fitin的裝修及設計,真的很時尚
Lotte Fitin的裝修及設計,真的很時尚
期待香港有也一個青年人為主的大型商場
期待香港有也一個青年人為主的大型商場
這是剛矗立的樂天
這是剛矗立的樂天

很多朋友也說,如沒有去過東大門,明洞這兩個熱門Shopping勝地,就等如沒有來個Seoul.

明洞,我前幾天去過,東大門,距離我住的地方不遠,但可惜這幾天行程密密麻麻,最後在回程回香港的最後幾小時來了一趟.

地鐵一出,便是Lotte Fitin,就來行一趟吧!

Lotte Fitin是Seoul最新的流行百貨潮聖之地,樓高數層,有電器生活百貨,不同年齡層次的衣服鞋物,美食廣場及為食街之類,襯托返Lotte Fitin主要目的,Fit In -符合顧客需求,適合每位顧客的概念而來.

評分: 值得去3  
明洞餃子正門
明洞餃子正門
我Order了第三張相片,W8000
我Order了第三張相片,W8000
白飯及泡菜倒落這碗湯餃子一起進食. 正正正
白飯及泡菜倒落這碗湯餃子一起進食. 正正正
9成都是韓國人,韓國人都幫襯,証明旅遊書無介紹錯喎!
9成都是韓國人,韓國人都幫襯,証明旅遊書無介紹錯喎!

之前看了不少韓國旅遊書,也推介明洞餃子是區內又好食及尚算平宜的食店。

中午在明洞作最後衝刺,經過明洞餃子又真的很多正宗韓國人等位,於是我也走上前,計不到,剛好一個人可以直入。

我普通order了一個湯餃子,之後職員跟著泡菜,白飯便送上。

我跟著坐我旁邊的韓國型男,把白飯及泡菜倒落這碗湯餃子進食。

嘩,詁不到,雖然辣到噴火,但真係辣得好好味。

旁邊的韓國型男見到我這樣,便叫職員再給我一杯冰水。

於是,我繼續,一口泡菜飯,一口泡菜湯餃子之後冰水進食,真的辣得過癮。

有機會去明洞,真的要試試呀!

推介菜式: 餃子
每人消費: 約8000韓圓 (午餐)
評分: 味道5   服務5   環境5   衛生4   抵食4
Incheon Airport
Incheon Airport
上機了.再見韓國
上機了.再見韓國

機場真的是一個開心及難離的地方.

晚上8:00的飛機,我6:30才到達,Check in及退回wifi機,已經沒有時間退稅了.

幸好,我今次旅程也不是買了很多,主要都是食,交通費等.

很感恩,今次這旅程讓我再次和好朋友見面. 朋友是在機場附近工作的OL,她一下班便到機場和我Say Goodbye.

走的時候,我也忍不住,咀了她的臉蛋約5~6次,因我真的不捨得她。

今次見完之後,下次不知何時何日了。

機場,真的是一個又興奮又難捨難離的地方.

 

評分: 值得去4  
  0 個留言    |  加入你的留言
Irene盈
61篇遊記
Happy Together with my Korea best friend (韓國)
(旅程日期: 2013-11-21 至 2013-11-25 ,  旅程性質: 背包旅遊, 探訪親友)
 整個旅程  (共5篇遊記)
 分享至Facebook 
發表日期: 2015-01-10

第四天旅程,也是我最後一天full day在韓國,必要早出晚歸才可以珍惜旅程.

0700起床,在backpackers煮好早餐準備出發到明洞天主教聖堂參與彌撒

中午1200,約了我的好友到地鐵站清涼里,一起出發到Chuncheon.

下午時份到了Chuncheon,這是春雞發源地,當然要找間春雞店試試啦.

下午至黃昏時份,我和好友很浪漫地在海邊漫步.

晚上,便來了這個旅程沒有吃過的韓式Pancake及品嚐自家製韓國米酒.

2130,趕上快鐵準備回到Seoul.

明洞天主教聖堂正門
明洞天主教聖堂正門
明洞天主教聖堂門側
明洞天主教聖堂門側
天主教彌撒中
天主教彌撒中
這是奉獻箱,和其他國家很大分別呀!
這是奉獻箱,和其他國家很大分別呀!
明洞天主教聖堂出外的聖母山
明洞天主教聖堂出外的聖母山
很靚的彩色蠟燭呀!
很靚的彩色蠟燭呀!
韓國教友正在向聖母轉求
韓國教友正在向聖母轉求

出外旅行時,我最愛揀選有星期日的日子.

因我是天主教徒,我愛出外旅行,到不同國家,不同的聖堂參與當地語言的彌撒,一來當作朝聖,二來更加體會到當地天主教的文化.

今次來的,便是韓國最有名的-明洞天主教聖堂.

天主教教宗方濟各在南韓明洞天主教聖堂,主持亞洲青年節閉幕彌撒,這一刻的我,立即覺得擁有親切及感動的感覺.

親切就是,我也到過明洞天主教聖堂參與彌撒.

感動就是,教宗來到亞洲地區,感覺很近呀!

還記得有一個香港女生問教宗,會否來到香港. 雖然答案是很例行式,但我也會繼續祈禱,希望有生之年,他能來到香港,看看今時今日香港的天主教教會. 希望到時他來的時候,他沒有被阻擋,也希望香港仍是有宗教自由啦!

 

評分: 值得去5  
剛開始烹調的春雞
剛開始烹調的春雞
春雞差不多可以熄火了.
春雞差不多可以熄火了.

我的好友介紹我,難得來到春川驛,當然要吃春川發源的-春川炒辣雞.

正所謂,來到春川,不食春川炒辣雞就好似無來到春川這般.

起初還以為春川炒辣雞真的會辣,但他落了不少芝士,味道中和了,所以辣的程度我可以接受到,內裏還有我喜愛的韓式年糕,超正.

食辣雞,當然要配啤酒,咁先夠爽爆啦!

推介菜式: 春雞
評分: 味道4   服務5   環境5   衛生4   抵食5
Chuncheon Station
Chuncheon Station
韓國的另一面.
韓國的另一面.
小白兔
小白兔

我的朋友問我,你有什麼地方想去?


我說,我不想shopping也不想去一些很多旅客的地方。有沒有一些簡簡單單,當地人也喜歡,反而旅客很少到的地方。

最後,她便帶我來到春川驛過了一整天。

 當我一來到,立即覺得,這地方很舒服,很遊閒,遠離明洞,東大門的繁華地方,加上星期日真的怕人多多。嘩,我的朋友真的很體貼,很清楚我去旅行的目的,可能大家也是backpackers la.

在遊春川的時候,我倆也一起覺得,我們很像回到愛麗斯泉,因四周也是光禿禿的。

現在,我們就置身在還未出太陽,溫差很大的愛麗斯泉裏。

評分: 值得去4  
馬上回想起,小時候和爸爸在大陸一齊坐
馬上回想起,小時候和爸爸在大陸一齊坐
這條路,真的很舒服呀.
這條路,真的很舒服呀.

這天,我和朋友沿著海邊一直行一直走,不停地講了大家私底下秘密心事,真的很爽快。

旅行,不一定去著名旅行勝地,也不一定要周圍掃貨。

只要和好友一起遠離繁囂,到另類的地方,足膝談心,之後再重新認識自己,旅行也會變得很實在。

很多朋友到韓國都是去明洞,東大門買衫,化粧品,而我便選擇放棄這些,跟朋友遊另一面的韓國.

這裏,最好的,就是一個"字遊痕"也不見.

評分: 值得去5  
韓式Pancake 笑臉2015-01-10
韓國Pancake
韓國Pancake
正在燒韓式Pancake
正在燒韓式Pancake
真的很傳統韓式餐廳呀!
真的很傳統韓式餐廳呀!

到了晚上,他們便問我,晚餐想吃什麼類型? 海鮮刺身,韓式BBQ還是Pancake. 他們說韓式Pancake最好就是配韓國米酒。

韓式Pancake,我這個旅程還未嘗試過,就來試試吧!

以下這麼多種類,我最愛的便是泡菜Pancake.

朋友說,這兒的韓國米酒,是這餐廳自家製的,所以比起超市,便利店買的更fresh,更清甜.

推介菜式: 韓國米酒
評分: 味道4   服務5   環境5   衛生5   抵食4
車廂裏的坐位,像飛機的頭等坐位
車廂裏的坐位,像飛機的頭等坐位
車卡上,乾淨的洗手間.
車卡上,乾淨的洗手間.

朋友介紹我到Chuncheon 目的是離開Seoul市中心這個大城市,因她知道我想看看Seoul簡單的另一面,於是便帶我來到Chuncheon.

在香港,想遠離"字遊痕"這三個字,真的沒有可能,只能唯有回家吧!

Seoul裏,明洞,東大門這些熱門地方,到處也聽到"字遊痕"大叫,真的想清靜一點也不能.朋友知道我不想聽到他們在街上大吵大鬧,於是便帶我來到一個只有正真韓國人的地方-Chuncheon.

來Chuncheon,首先先要搭地鐵到清涼里,之後搭上這個快速地鐵. 一入到車廂,坐位舒服,整齊,地下沒有垃圾.

最值得讚許的,就是快鐵裏設有洗手間,岩哂我這些飲完啤酒之後容易去洗手間的人.

大家可以看看,這洗手間又光猛又乾淨又先進又大,是我在整個韓國旅程中,最正的一個洗手間.我當然不能獨霸這洗手間啦,因整個車廂只有唯一一個獨立洗手間. 這一刻的我心想,幸好Chuncheon真的沒有一個"字遊痕",否則洗手間有可能變成了一個不敢想像的洗手間了.

評分: 值得去4  
  0 個留言    |  加入你的留言
Irene盈
61篇遊記
Happy Together with my Korea best friend (韓國)
(旅程日期: 2013-11-21 至 2013-11-25 ,  旅程性質: 背包旅遊, 探訪親友)
 整個旅程  (共5篇遊記)
 分享至Facebook 
發表日期: 2015-01-09

今次韓國這旅程,除了我之前從未來過韓國所以來遊一遊之外,另有一個重要目的,便是來見見我在working holiday時的好朋友-Inyoung.

Inyoung是我在澳洲Working Holiday時,最好的韓國朋友,她在我心目中,已經有一個重要位置.雖然我已經回了香港,她已回了韓國,但我盈會掛住佢的.

我的朋友是一名OL,她只有星期六及日才有全日時間陪我的.今天是星期六,我終於可以見到她了.

星期六的早上,我們相約在我backpackers附近的地鐵. 當我們一見面,立即來一個開心大擁抱,之後我們便一起搭地鐵來了我們第一個拜訪的地方-鷺梁津海鮮市場.

 

鷺梁律海鮮市場指示牌
鷺梁律海鮮市場指示牌
鷺梁律海鮮市場
鷺梁律海鮮市場
好多不同類型的海鮮呀.
好多不同類型的海鮮呀.
面前的魚生,一碟只是KOR$5,000,超平呀!
面前的魚生,一碟只是KOR$5,000,超平呀!
很多亞豬媽,亞豬爸也在裏吃海鮮呀!
很多亞豬媽,亞豬爸也在裏吃海鮮呀!
買完海鮮,我們就選擇這間餐廳幫我們烹調
買完海鮮,我們就選擇這間餐廳幫我們烹調
走的時候,也要和鷺梁津水產市場說聲再見.
走的時候,也要和鷺梁津水產市場說聲再見.
鷺梁津水產市場是韓國著名遊客區之一
鷺梁津水產市場是韓國著名遊客區之一

我們到了海鮮市場,已經有很多心水選擇.當中我們買了皇帝蟹,生蠔,魷魚,三文魚...... 我還首次吃生八爪魚. 嘩,生的八爪魚在我口中游來游去,正! 真的是一個另類的體驗.

我和Inyoung也愛旅行的. 我們一起也說,來了鷺梁津,覺得Sydney Fish Market,Auckland Fish Market,真的濕濕碎。

 在海鮮市場買了海鮮,我們便步行二樓的餐廳幫忙烹調.

有個當地朋友帶領真好.

我也問Inyoung,你幾耐未黎過鷺梁律,她說她雖然是首爾人,但她從未來過這裏,因這是遊客地方. 就是住在Sydney的人也很少去Sydney Fish Market,明白. 如我,不是朋友來香港找我,我也不會去太平山頂一樣.

評分: 值得去5  
Flea Market圍外
Flea Market圍外
自創Converse
自創Converse
Flea Market,大多數都是買自家製品,所以價錢都會是貴少少.
Flea Market,大多數都是買自家製品,所以價錢都會是貴少少.
Flea Market也是人頭湧湧的,人的質素也是高尚的
Flea Market也是人頭湧湧的,人的質素也是高尚的
卡式錄音帶記事簿,我也買了一個給朋友當手信
卡式錄音帶記事簿,我也買了一個給朋友當手信
Flea Market. 也有街頭表演的.
Flea Market. 也有街頭表演的.

之前旅遊,也遊了不少國家的Flea Market,每個國家的跳蚤市場都有保留著這個國家的原本特色.

今天,和好友遊了弘大的Flea Market.一來到,這個Flea Market,立即感受到年青的藝術特色. 因每一個小檔,都是賣本地創作,全是他們創意出來的. 我最喜歡便是自家製作手繪布鞋及錄音盒帶記事本. 我也買了給朋友作手信.

這Flea Market除了有小攤檔之外,還有live band show

入場價錢: 每人0韓圓
評分: 值得去4  
和好友同床
和好友同床

前一段日子,身邊有很多朋友也參觀過香港的3D Museum.

香港的,我還未有機會參觀,但也是同一題材的3D Museum,我在韓國也遊過.

這晚,我便和我的韓國好友Inyoung一起來到,我們不停地試了多個造型.

現就放我,本人覺得最有趣幾張相片給大家看吧!

評分: 值得去5  
Inyoung帶我去吃正宗韓燒
Inyoung帶我去吃正宗韓燒
韓式水冷麵
韓式水冷麵

還記得我和Inyoung準備離開澳洲前一星期,我們也一起落Club一邊飲著啤酒一邊吃著Fish & Chips. 這一刻,我也向她說,我會飛來韓國見你一邊飲著韓國燒酒,一邊吃著韓式BBQ.

詁不到,我真的沒有辜負她,真的飛來韓國找她,她時常說我Crazy Crazy.

晚上,Inyoung憑她的第六感,揀選了這間Koren BBQ. 我還學了韓國人一邊品著韓國燒酒Soju ,一邊吃著韓式BBQ,她還教我玩韓國遊戲及韓國基本餐桌禮儀文化.

時常去旅行也覺得,有個當地朋友,真好.

評分: 味道5   服務4   環境4   衛生4   抵食4
  0 個留言    |  加入你的留言
cho_bo
11篇遊記
Hea 遊泡菜國 (韓國)
(旅程日期: 2014-09-30 至 2014-10-06 ,  旅程性質: 觀光攝影, 飲食購物, 消閒度假)
 整個旅程  (共7篇遊記)
 分享至Facebook 
發表日期: 2015-01-03
第二日既行程,主要係去今年4月首爾 Trip 冇去過既梨大同新村,新村主要想吃朋友介紹既立食燒牛肋肉,佢話好味到佢唔食牛都要破戒偷吃呢!除此之外,諗住喺新村會途經新村食堂,結果沒看到!(不過我知新村食堂有點像連鎖店,喺東大門及其他地方也有)

至於梨大,上次冇嚟到,好想補飛去 Shopping,不過今次就冇頭兩次嚟首爾咁好彩俾我買到衫或鞋,反而買了手機套。去完呢兩個地方,我又點會放過機會再去弘大,回味四月所吃既抹茶甜品吖!仲有出名既橋村炸雞,雖然今日景點不多,但可以吃到好多美食,又做左偽文青泡Cafe,超滿足呀! 
舊舊的但內有乾坤
舊舊的但內有乾坤
大大件睇見都流口水
大大件睇見都流口水
差不多有得吃了!
差不多有得吃了!
超好味!
超好味!
朋友介紹必去既食點,說是不吃牛也會偷吃,所以牛魔王既我倆於這趟首爾行也到此朝聖。出了地鐵站向右直行,到有交通燈既地方過對面馬路(有間大大地既酒店的),然後上斜巷就會看到。還好我們早到,不用排隊便能入座,即被安排埋爐吃而已,沒多久門口開始有人等位。

店員除放了兩件牛肋肉在烤爐上,也遞上大膠袋讓我們放外套,細心。又...店員會定時過來幫忙燒肉及剪小塊,邊等邊燒,終於有得吃了。牛肋肉略有牛味,調味亦佳,基本上不點汁也好吃,肉汁豐盈。

初時我們覺得這牛肋肉是好吃,卻不像朋友說得那麼誇張,但相比喺打後數天既膳食,我們就覺得這立食牛肋肉確是不錯,而且不貴,每人百元左右便吃到烤牛,在韓國真的算賺到了!(打後吃的東西不是燒肉,只是我倆有點掛念燒肉而已:P)
每人消費: 約15000韓圓 (午餐)
評分: 味道4   服務3   環境3   衛生3   抵食3
窩夫冇得彈!!!
窩夫冇得彈!!!
首爾出名咖啡店多,而 BeansBins Coffee更有點像便利店般每區都有,其最出名既莫過於是雪糕窩夫,一份可自選兩球Haagen Dazs雪糕,味道有抹茶﹑士多啤梨﹑曲奇﹑比利時朱古力及雲呢拿五款,雖然選擇不多,但抹茶﹑士多啤梨及朱古力已是我最愛既味道,夠有餘呢!雪糕固然好味,但最重要既窩夫當然不可忽略,約7寸大既窩夫烘得剛剛好,外脆內鬆化,像吃蛋糕但又稍輕一點,蛋味不會過重,甜度適中,是我吃過最好既窩夫。除了雪糕,上面還有忌廉及朱古力漿裝飾,賣相相當好看!到現在仍非常掛住呢!(其實喺首爾其他咖啡店吃既窩夫也好好味,首爾既窩夫真係唔講得笑,就是好好吃!)

當時咖啡店還在做以芒果為題既甜品,喺海報上看到甜品賣相也好吸引,貪心的我當然唔放過啦,點了芒果牛奶刨冰,牛奶刨冰奶味唔強,除了芒果及漿,還有一球芒果雪糕,所有東西夾埋一齊好凍,不過芒果太酸,令此道甜品味道大打折扣。

喺梨大既分店環境很不錯,夠大,我地坐喺窗邊可以歎住冷氣曬太陽,超舒服。人又唔多,店員亦唔會趕客,我地喺呢度坐左好一陣子才走,超寫意啊! 
每人消費: 約14950韓圓 (下午茶)
評分: 味道4   服務3   環境4   衛生3   抵食3
不知是燈壞了還是慳電呢?
不知是燈壞了還是慳電呢?
惹味至極!!!
惹味至極!!!
星星熱還未過,炸雞依然熱爆,講起炸雞,又怎能不提橋村呢!上次路經弘大橋村時已吃飽甜品,肚已冇位容納一直想吃既炸雞,繼而當時整個旅程已吃了兩餐,故即使有cap也未必會吃,所以十月這趟特地前來朝聖。

炸雞店黑漆漆的,唔夠光,讓雙眼有點疲倦,甫坐下研究了餐牌一會便點菜,之前在別店吃過原味及蒜味炸雞,今次決定吃韓式炸雞,橙紅色既漿汁平均沾滿整份炸雞,熱辣辣既炸雞外脆肉嫩,絕不嚡口,韓式辣醬甜酸微辣,好滋味!每份雞都有10多件,兩人吃真的好飽,即使有前菜(椰菜絲)同吃也不能消滯,但這炸雞的確好吃,如多兩三個人,可多點其他口味就好了! 
評分: 味道4   服務3   環境3   衛生3   抵食3
露台座位景觀
露台座位景觀
震撼的抹茶甜品
震撼的抹茶甜品
內層是雪白綿滑既冰
內層是雪白綿滑既冰
招牌甜品之一
招牌甜品之一
榛子拿破崙
榛子拿破崙
來這店全是因為其中一個招牌抹茶甜品(WON17,800)太過吸引,喺超高大既抹茶刨冰上加了厚厚既紅豆蓉及一球抹茶雪糕,旁邊放了一件抹茶紅豆卷,一小瓶熱既抹茶,還有四粒小丸子,以及抹茶serum為刨冰調味,份量超大,好震撼!刨冰超細密,好綿滑,遠勝台灣既綿綿冰,撥開抹茶汁既外層,看到入面雪白既刨冰,仿如真既雪山一樣!抹茶味濃而不澀,可中和紅豆蓉既甜,又能為冇味既刨冰提味。由於雪糕及刨冰太好味,平時好鐘意既抹茶紅豆卷也被冷落了,味道也給比下去呢!

除了超巨型抹茶刨冰外,這裡還有好幾款造型靚既甜品,如另一款 Signature Dessert Tarte Tatin (WON10,900),像 Apple Crumble 的變奏版(或蘋果批+拿破崙餅),造型立體,最頂頭既蘋果脆片好香蘋果味,爽脆非常,custard 唔太甜,同鬆化酥皮及蘋果蓉頗夾。而另一款類似既甜品榛子拿破崙(WON10,800)則以焦糖﹑香橙及榛子cream為材料,餅沒前者鬆化,這個薄很多,所以較脆,但整體偏甜,嗜甜者及熱愛榛子的會大喜。

除了甜品,Be Sweet On也提供各式咖啡﹑茶, 地方大兼雅致既裝潢,確實係一個好好 hea 既地方呢!
每人消費: 約20000韓圓 (其他)
評分: 味道4   服務4   環境4   衛生4   抵食4
弘大商圈是指弘益大學向外行幾條街一帶,內裡有勁多咖啡店﹑甜品店﹑多國菜食肆﹑時裝及配飾小店﹑護膚品店等等等等,又有酒吧街,每星期有一日係Ladies Night,恕我現在修心養性,冇乜興趣所以冇記住邊日啦!仲有大熱既Trickeye Museum,約埋三五知己瘋狂影相可以玩半日呀!而由於弘大係有名美術大學,故好多地方又有學生塗鴉,所以話呢區係吃喝玩樂之地呢!

 
推介項目: 食﹑買﹑參觀Trickeye Museum
參觀時段: 全日
入場價錢: 每人0韓圓
其他消費: 食﹑買﹑參觀Trickeye Museum
評分: 值得去5  
其實要仔細行勻弘大商圈不易,前後嚟過三次,每次看都有不同,所以用了4個篇幅上載有關照片。
評分: 值得去5  
又有衫買,又有雪糕吃
又有衫買,又有雪糕吃
唔俾影相的蜂巢雪糕
唔俾影相的蜂巢雪糕
可以一試
可以一試
這間Spoon既雪條賣相好有趣
這間Spoon既雪條賣相好有趣
味道一般
味道一般
但影相一流
但影相一流
弘大梨大都有的大雞肉串
弘大梨大都有的大雞肉串
這個火腿餐肉三文治好吃
這個火腿餐肉三文治好吃
除了Be Sweet On及炸雞,這裡還有很多小吃及甜品啊!
參觀時段: 全日
評分: 值得去5  
貓痴必去 笑臉2015-01-03
懶洋洋曬太陽
懶洋洋曬太陽
比湯圓冇咁靚仔既忌廉貓
比湯圓冇咁靚仔既忌廉貓
貓貓也要開餐
貓貓也要開餐
完全唔怕人
完全唔怕人
同我家大王一樣霸道呀!
同我家大王一樣霸道呀!
2012年跟朋友夫婦一起行弘大,比我們更貓痴更貓奴既朋友一看到有貓Cafe logo即衝上去呢,飲品不怎麼樣,醉用之意不在酒嘛!
評分: 味道3   服務3   環境4   衛生3   抵食3
地標
地標
大學附近既商圈多大學生及年輕人出入,故附近無論食肆定小店,食的買的價錢相宜,故也吸引遊客前來。除此之外,因為全知賢主演既我的野蠻女友也在梨大拍攝,所以又吸引到一班粉絲來朝聖。這版就讓我上載梨大商圈既相片,下一篇幅才post梨大照片吧!
參觀時段: 全日
入場價錢: 每人0韓圓
評分: 值得去4  
因為一套韓劇,讓很多遊客來這裡拍照,男的可能看看有沒有像全知賢一樣漂亮的女生在這出沒,女的則幻想跟片中女角一樣在這裡番學﹑拍拖等。這裡環境很美,紅葉季節也吸引不少遊客來拍照,造成過嘈及多閒人,所以大學曾一度禁止遊客入內參觀,(我也不應標這裡是景點... 羞) 現在假日才讓男生入內"觀光"呢!
評分: 值得去4  
好大鍋!4人份
好大鍋!4人份
水煮開了!!
水煮開了!!
還跟飯同吃,你話夠抵吃冇?
還跟飯同吃,你話夠抵吃冇?
在明洞篇幅提過的一家街坊部隊鍋店,比明洞那名店更正宗,至少跟麵呀!價錢也便宜,味道也佳,不過坦白說不知此食店還在不在,純粹想跟大家分享而已!
評分: 味道4   服務3   環境3   衛生3   抵食4
  0 個留言    |  加入你的留言
supertaster mel
3篇遊記
Eating in Seoul (韓國)
(旅程日期: 2014-11-28 至 2014-11-30 ,  旅程性質: 觀光攝影, 飲食購物, 消閒度假)
 整個旅程  (共3篇遊記)
 分享至Facebook 
發表日期: 2014-12-14
正
正
正
正
正
The chef from Soigne on Day 1 of our trip had recommended Jung Sik Dang to us, a New Korean fine dining restaurant with a branch in New York which is the first Korean restaurant to obtain 2 Michelin stars in the US. We decided to come here for lunch where 4 courses starts from ₩50,000 and it was another highlight of our meals in Seoul! They serve traditional Korean where food is highly refined and the flavors are exciting as traditional dishes are presented in a new and modern way. The decor was classy yet modern while the service was top-notch. Highly recommend and a must-try! 
評分: 味道5   服務5   環境5   衛生5   抵食5
Our last meal in Seoul and we had to go try the legendary samgyetang (ginseng chicken soup) at Tosokchon! I had heard that the queue can be hours long but I was pleasantly surprised that we were seated right away when we arrived at 6pm on a Sunday. The regular ginseng chicken soup costs ₩15,000 which includes a whole chicken stuffed with glutinous rice and one large ginseng root. The piping hot broth was heartwarming in the cold weather while the chicken meat was very soft and tender. I especially love the glutinous rice inside the chicken which was full of flavors. 
評分: 味道4   服務4   環境4   衛生4   抵食4
  0 個留言    |  加入你的留言