就等我總結各地櫻花開花指數，等大家知道我呢次追櫻的心路歷程：

釜山櫻花（包括釜山西面周邊、海雲台、廣安里、龍頭山公園等）
追櫻日期：4 月 7 日 至 10 日
追櫻指數：＊＊
最初以為釜山在4月上旬先開花，點知3月的天氣回暖，提早至3月底已密密開，以至我地抵埗後（4月7日），大部分櫻花樹已有近半落花並已長出新葉。

鎮海櫻花（包括鎮海市內、鎮海海軍學校、余佐川及慶和站）
追櫻日期：4 月 8 日
追櫻指數：＊＊1/2
鎮海也跟釜山有類似的情形，余佐川、慶和站皆如是，幸好鎮海海軍學校近海較涼，所以櫻花未落得太多。

慶州櫻花（包括慶州市周邊如、佛國寺、石窟庵等）
追櫻日期：4 月 9 日
追櫻指數：＊＊＊＊＊
慶州在釜山的北面位置，天氣早晚仍較涼，所以街頭四周仍然盛放的櫻花樹，其中最令人嘆為觀止的係世界遺產佛國寺外的櫻花公園，數以百株的櫻花開得異常燦爛，大風吹時，櫻吹雪的場景煞是好看！

首爾櫻花（包括慶熙大學、汝矣島、梨花女子大學、新村、明洞、南山公園及南山谷韓國村）
追櫻日期：4 月 10 至 12 日
追櫻指數：＊
雖然汝矣島在4月12日開始舉行櫻花祭，可惜我地4月11日去到，仍然唔多見櫻花的蹤影。同日遊慶熙大學、梨大等賞櫻勝地，都係失望而回。最後在南山公園步道和南山谷韓國村，亦只見一兩株稍稍開了部分花蕾的櫻花，相信要多三數天日子，先至可以等到櫻花怒放的壯觀情況。

在南山公園晨運賞花後，折返韓國村。估唔到不過一個小時的時間，韓國村由無人到人聲鼎沸，村內充斥小學生和唔同國籍的遊客，尤以內地人和香港人最多。

韓國村好大，大門入口有小山坡，山坡左側的蓮花池中央，設有泉雨閣，係傳統表演的主要舞台。一旁的五間傳統韓式建築，在朝鮮時代稱為韓屋，係必遊的景點之一，因為韓屋村內的建築都是首爾市內其他地方的住宅，為左保存呢Ｄ文化古物，先將這些傳統住宅遷移到韓屋村裡。韓屋內擺放左好多韓國古時的物品和用具，令人眼界大開。當然，影相留念更正，彷彿時光倒流，進入古裝韓劇裡面，扮演一個半個小腳色～哈哈！另外，韓國村有好多免費體驗活動，大家若有時間的話，不妨參加一下。

逛到十點幾，就打道回酒店！兩個小時的首爾晨運活動就此結束，真係有Ｄ唔夠喉！

我地坐地鐵到回基站下車，一出地鐵即登上1號穿梭巴（用 T Money 拍卡去程免費，回程都只係1,050韓圜），幾分鐘在總站下車。

慶熙大學（韓文:경희대학교），創立於1949 年，是韓國知名的私立高等學府。校園好大，而且有好多宏偉古典的建築大樓，好似置身在歐洲大學校園之內，好有歐陸情懷；聽說當櫻花盛開時，門口那條路會變成一條櫻花大道，可惜我地去到櫻花仍未盛開，只有幾棵白玉蘭做陪襯，先至顯得無咁蒼涼。其實，就算無花，只係在校園內行行逛逛，影相留念，都值得一遊。

順帶一提，上網睇過網友提供的資料，原來慶大出好多明星，好似Rain、尹恩惠、Super Junior 曹圭賢、Big Bang G-Dragon & 大聲、東方神起昌珉 & 有天、Kara 勝妍 、FTIsland 洪基、2AM 趙權等（其中我最熟的只有Rain同埋尹恩惠！）。

回程再坐巴士回地鐵站，然後再附近嘆杯咖啡和芝士餅，順便逛逛街，因為慶大和梨大一樣，附近周邊都有唔少咖啡店和購物小店。

之後再遊另一個賞櫻勝地－－汝矣島，同樣失望而回，真係不提也吧！（不過，唔明點解當地電視報道話首爾櫻花已盛開，仲話好多遊人去賞櫻，真係唔知邊度來呢？！）

今次嘗新口味，試試春川辣雞專門店。呢間店除左有炒辣雞、炒辣雞加章魚（其實係魷魚鬚），仲有炒海鮮。我地揀左雞肉加章魚，只見店員將所有新鮮配菜、魷魚鬚、雞肉、辣醬統統放落我地面前的鐵鍋內，加蓋焗一焗，然後再開蓋係咁少炒炒炒（之前見店員在旁邊食的鐵板有拉麵，所以叫佢照辦煮碗，幫我地加麵），然後，加入麵條，再炒一陣間，熱辣辣又惹味的春川辣雞加麵即時食得啦！

一試之下，真係超好味！係就係辣左少少，但都可以接受得到，只覺惹味而不過嗆喉。雞肉嫩，連魷魚鬚都唔韌，加埋麵條就超飽肚。

呢餐埋單只係16,000 韓圜，即只係 112 港元，真係好超值！絕對值得向大家推薦！

晚上，由那度香的橫街直行幾步，試另一間叫濟州家生牛排的烤肉店。

呢間店主打係本地人，賣的是濟州牛肉，可惜我唔食牛，所以由朋友一力承擔，佢食的叫調味牛排（30,000韓圜），而我揀左濟州生豚三枚肉（應該即係五花腩）（11,000韓圜），再加一個豆腐湯和煎餅。

今次的烤肉唔用那度香的內陷龜背鍋，而係一個傾斜的平鐵板，然後將牛肉和豬肉放在鐵板上烤，烤出來的油慢慢沿斜斜的鐵板滴落長鐵盤內。不過，用呢塊無孔的平鐵板烤出來的肉唔夠香口，無乜燒烤味。朋友直頭佢烤得過熟先俾佢食，須知牛肉烤兩下都可以食，但店員居然等到豬烤好後，先一次過叫我地可以開餐，牛肉唔老就有鬼！而且佢地提供的包肉的菜葉又細又少，加上又無醬料，我真係唔覺得好味。

至於豆腐湯除有豆腐外，仲有菜絲蛋花等，微辣，都不錯！煎餅同樣係魷魚鬚做主打材料，點埋醬料入味好多。

埋單要加一，好似要六萬幾韓圜（折合約400幾港元）（上次那度香只係四萬幾，仲有益力多和明星相送！！！），係全程最貴的一餐，但我真係唔覺好好味！

由東萊站2號出口轉右，步行幾分鐘，便可以落去溫泉川漫步。溫泉川全長15公里，河水清澈，有些少似首爾的清溪川；若踏單車遊溫泉川，也要一小時才可以走畢全程。河川兩旁種左好多櫻花樹和油菜花，又設有行人步道和單車路，最適宜賞花、晨運和踏單車。

當日，櫻花又係落得七七八八，反而油菜花黃得燦爛，長長的黃色花田，好搶眼；相信若加上粉紅櫻花互相輝映，景色更美！

臨離開廣場，記得一定要吃堅果黑糖餅，其中一檔招牌寫著元祖的排晒長龍，就知係好野！每個糖餅 1,000 韓圜（7 蚊港幣）。堅果黑糖餅由搓粉、炸餅，再加入黑糖和堅果，整個過程唔算耐，但人龍實在太長，所以我地都等左 20 分鐘以上！黑糖餅食落軟中帶硬，內有堅果添加左口感，不太甜，幾好味。

行完札嘎其市場，終於完成釜山市內半天疾走遊，返回西面站酒店取行李，再轉往釜山火車站，搭 KTX 到首爾去。

臨離開西面站時，買定兩卷紫菜包飯，以便 KTX (Korea Train eXpress)上做午餐。

呢間位於西面站 7 號出口的紫菜包飯專門店，位於我地每日必經之路上，經常隔著玻璃見阿珠媽幫客人即叫即做包飯，好似好吸引！

每條包飯 2,000 韓圜，裡面有蛋、黃蘿蔔、紅蘿蔔、菜甫、火腿、蟹柳等，長長的一條，好粗大，後尾食落，一條都好飽肚，兩個人其實買最多三條已經好足夠。

酒店在忠武路站的 8 號出口一出，見 World Pet 21 商場的右面小巷進入。雖然有指示牌，但好易錯過。呢條小巷好窄又污糟，兩旁都係印刷廠，入夜後好靜，一個女仔出入要好小心。

至於酒店內的布置則溫馨雅致，大堂細細，用左好多黑板仔手寫左一些溫馨提示，而且色彩鮮艷，好有女生宿舍Feel！不過，房間實在太細和窄，兩張三呎單人床之外，走動的位置差不多完全沒有，執行李就更唔方便。房間內無衣櫃，只有一個掛牆架，電視機居然係畫面充滿雪花的大膽老舊機！（爭在唔係黑白電視！）浴室只有一支牙膏和一隻小膠杯，其他沐浴用品全部欠奉。不過，熱水熱度和力度都超強勁，加上wifi好穩定，呢兩個優點就勝過釜山皇后汽車酒店啦！

論價錢，呢間酒店唔太貴（約 500 港元一晚），而且乾淨簡潔，不過有Ｄ缺點同規矩，大家要多多留意：

＊兩大缺點：
1. 酒店小巷難搵又太污糟（朋友鬧爆！）：雖然酒店近地鐵站（由忠武路站出 3 至 5 分鐘之內），但必須經過小巷，晚間又好靜，一個女仔要小心。若坐的士的話，的士司機也未必搵得到。我地兩晚都搭的士回來，的士司機都唔識路，就算俾埋卡片，佢地都唔知位置，結果要佢打俾酒店經理小姐Yong Yong，由佢親自教路先搵掂！

2. 酒店無Lift（朋友鬧爆！）：酒店樓高四樓，完全無Lift，若帶大件行李上落，都要好考腳骨力。

＊規矩多多（朋友鬧爆！）：
1. 波鞋放Locker：酒店上下走動時要著佢地的拖鞋，波鞋要放在大堂的Locker內，Locker鎖匙要俾 10,000 韓圜，退房時憑匙退錢。

2. 毛巾自理：每日用完的兩條毛巾要放出走廊的籃內，要再用就落大堂領取新毛巾。

3.房間無熱水供應：要取用熱水，只可以落一樓大堂或上四樓尾的service room，自己煲水。

4.早餐食完要洗碗：酒店小大堂供應咖啡機和麵包、花生醬、果醬，不過食完的話，要自己清潔所有用具。

5.房間垃圾自己倒：第二日返房間，唔知點解無人清潔？被鋪完全無執過？但經理小姐明明話會有人換床單，奇？退房時，發現房間垃圾要自己倒在走廊上的垃圾箱內。

若大家認為以上問題唔係問題的話，呢間酒店其實唔錯。畢竟搭一個站就到明洞，行十幾分鐘就到南山谷韓國村和南山公園，再加上在忠武路站 8 號出口旁，即有 6015 號機場巴士直達仁川機場，真係好方便！

坐地鐵到總站老圃站下車，走 3 號出口直達慶州高速巴士售票處，往慶州票價 4,800 韓圜，指定座位，9 點 30 分開車。購票後搭 Lift 落樓下搵月台登車，車程大概50分至1小時，10點半便到達慶州總站。

慶州是韓國新羅王朝的古都（睇過韓劇《善德女王》的韓迷應該都知唔少有關新羅王朝的故事！），據旅遊書形容慶州為「沒有屋頂的博物館」，古蹟處處，一日之內根本無可能遊勻所有名勝，必須作出取捨，我地鎖定必遊的景點為佛國寺、石窟庵、大陵苑、雞林、瞻星台等，遊玩次序由遠至近。從高速巴士下車後，即可旁邊的旅客中心取慶州地圖，並詢問佛國寺的巴士路線和穿梭石窟庵巴士的班次。

由旅客中心過對面馬路乘搭 10 或 11 號，大約半小時便到達佛國寺。在寺外有一個種左數以百株櫻花樹的櫻花公園，係賞櫻野餐的好地方。由於慶州位置較北，天氣較釜山和鎮海清涼，櫻花仍開得好燦爛，亦係整個行程見得最多最靚櫻花的追櫻勝地！

在巴士上結識左兩個阿珠媽，佢地好熱情，居然提議我地一齊在櫻花樹下野餐，仲請我地食年糕、蘋果、番薯、柑，又教我地韓文點樣祈禱和講一至十的韓文，最後，仲驚我地無錢食飯，想俾一萬圜我地，叫我地到附近攤檔買野食。當然，我地梗係無要啦，但佢地的熱情真係令人感動。

離開佢地之後，我地直上佛國寺。據史書《三國遺事》記載，佛國寺為751年新羅景德王的宰相金大城為紀念父母所建立。整個工程在 774 年由新羅王室在金大城去世後完工，並命名為佛國寺。

寺內的多寶塔、釋迦塔、藍雲橋和兩座金銅大佛等7個文物被列為韓國國寶。1995年，佛國寺和石窟庵一同被列為世界文化遺產。在寺內，居然俾我地見埋佛舍利，真的好難得。

遊完佛國寺，見仍未石窟庵的巴士到達時間，便在佛國寺櫻花公園旁的小檔食左魚板等小吃當午飯，爭取多些時間繼續遊玩。

由石窟庵牌匾到達石窟庵主室要經過迂迴的山路，需要至少 15 分鐘，一來一回便要半小時，由於返回佛國寺的穿梭巴士1小時一班，所以大家記得抓緊時間，快速前行！

抵達主室周邊，左邊放左唔少壁石，見有一韓僧為遊客講解，可惜聽唔明，再往上走就係主室，正前方掛滿七彩燈籠，室內有本尊像等菩薩及弟子像，本尊像坐在蓮花寶座上，姿態柔和表情慈祥，不過石像有玻璃保護，我地只可以透過玻璃觀看。

在外面稍稍停留拍照，又要急急腳經過山路返回出口，再等巴士返佛國寺。朋友在巴士站旁的小攤檔買左銀杏（白果）和栗子充飢，我試左一粒銀杏極苦，栗子太乾又硬身而且難搣殼，不建議購買。

下車後，不妨又在遊客中心問問大陵苑位置。大陵苑在驛站的左面，步行一會兒，見右面不遠處的丘陵小坡，就可以過對面馬路向右直走，約步行 15 分鐘左右，就係大陵苑入口。

大陵苑保存左 23 個巨大的古墳，其中以天馬塚最為著名，而天馬塚亦係大陵苑中唯一開放內部的古墳。天馬塚位於大陵苑入口的右面，發掘於1973 年，是新羅特有的積石木棺墳，由於出土的馬鞍墊子上繪有天馬，因而得名。天馬塚高度 12.7 米，直徑 50 米，在封土內部有以石頭堆積成的積石層。積石層裡有個長度6.5 米，寬度 4.2 米，高度 2.1 米的木房，中央放著木棺和屍體（我見已經化左灰，只隱約見到一個人形的輪廓！），出土的遺物有 11,526 件裡，其中天馬圖是韓國古墳中初次出土最珍貴的畫作。

參觀完天馬塚，向左面走，四周滿是黃黃的丘陵小坡，彷彿望不見盡頭，非常壯觀，感覺有點似在沙漠見的沙丘，不同的只係古墳小丘上有綠草，而沙漠的沙丘只有黃黃的沙土。

步行十零分鐘，到達大陵苑的另一個入口，就此路步出，幾分鐘即到瞻星台。瞻星台（睇過韓劇《善德女王》都會見過呢個台啦！）呈圓柱形，由 362 塊 30 公分大小的石塊分27層堆砌而成。距底部4.16公尺處有一扇門，呈正方形，每邊長 1 公尺，門下方還遺留著放置梯子的痕跡（不過我見唔到！）。

睇完瞻星台，繼續往上方斜坡走去，就係半月城和石冰庫。半月城係從西元 101 年婆娑王 22 年到西元935年新羅滅亡為止的一座宮殿，而家只見的係一大遍草地；至於在草地左上方位置的石冰庫建於朝鮮英祖 14 年（公元 1733 年），內部長 12.27 米，寬 5.76 米，其實係用石頭做的冰庫，是古代的冰箱。走到石冰庫的入口附近，就會有陣陣冷氣襲來。石冰庫的一半在地上，一半在地下，地面和墻壁是花崗岩的，頂部是拱形，有通風口。隔著鐵枝望進去，我覺得有少少似鐘乳石洞。

廚房採開放式設計，甫入門口即見裡面廚師正密密手炮製皇南餅的各個過程，保證新鮮熱辣。客人須先俾錢，再憑單取貨，最初見等候領取皇南餅的客人極多，朋友仍堅持要買兩盒做手信，幾驚要等好耐。好在由排隊到取貨大約15至20分鐘左右，都算相當有效率啦！

售價： 20 個裝 12,000 韓圜，30 個裝 18,000 韓圜，48 個裝 28,000 韓圜

坐地鐵沙上站（227）轉乘長途巴士前往鎮海，巴士車程約一小時（回程車較多，需時近一個半小時），11 點前便到達鎮海市外巴士站。原本想先遊余佐川，不過在迴旋處轉左，反而先去左鎮海軍校。錯有錯著，軍校入口附近的櫻花反而仍盛放，兩旁密密麻麻，非常壯觀，不過行左小段路，就俾警衛叫我地搭穿梭巴士直接前往，車資1,100韓圜，在終點站下車。

下車處的大片空地放左海軍紀念圖片、軍機，旁邊則為博物館和海士卒業生戰恐者追墓碑。四處種左唔少櫻花，可能近海位置較涼，櫻花仍未見散落，實在太好。

另外，仲上左依實際大小製作而成的龜船（李舜臣打造的鐵甲船），裡面展示左好多歷史文物。睇完龜船，再坐穿梭巴士（又收 1,100 韓圜），到下一個站下車，呢度有巨型輸送艦獨島艦開放，可以登上甲板參觀同拍照留念，機會實在好難得。

參觀完軍艦，又再坐穿梭巴士（又收1,100 韓圜）返回軍校入口。

魚湯鍋內有明太魚、雲吞、豆腐、大豆芽等，原先驚魚湯太腥，但飲落湯底鮮味帶微辣，味道不錯，試食左一件明太魚，唔太多骨，肉質鮮甜。

海鮮煎餅的材料主要係魷魚鬚，沾埋醬汁同食先夠味道。

冷麵就實在太大碗，魚湯鍋加煎餅已經食到個肚撐住，加上冷麵實在唔係我杯茶，再加埋已發到腍身的麵條，結果我只食左一小碗就算。

埋單合共 23,000 韓圜（161港元），真係超值得緊要。

余佐川橋若兩旁種滿櫻花樹，盛放時會形成白茫茫的櫻花隧道，係鎮海最佳的賞櫻景點。可惜，我地見到的大部分櫻花已剩下花托和新葉，大風吹時，又見到櫻吹雪的淒美場面。不過，下著櫻花雨的的步道和下方的河川道，仍然很美，尤其在美麗的橋上以櫻花為背景更是指定動作，故此遊人絡繹不絕。

行完余左川橋，不妨順便幫襯路邊販售的韓國街頭小吃，朋友就買左發熱按摩珠，只需將裝滿綠色小珠的包包放微波爐或熱水中加熱幾分鐘，即可將包包放在肩膀或痠痛部位，紓緩肌肉不適感。

慶和站原只係位於慶尚南道鎮海市慶和洞的火車沿線上的簡陋車站，並於 2006 年起已停止載客服務。沿著鐵道兩旁生長的櫻花樹形成一條景致絕美的櫻花路，火車每當經過此站時便會慢駛，等遊人可以捕捉列車刮起的風而櫻花紛飛飄落的情景，我地在短短半小時之內，便見到兩次不同方向前來的火車駛過，櫻吹雪的壯觀場面真的令人讚嘆！

沒有火車經過時，遊人可以迎著落下的櫻花瓣漫步在路軌上，幻想自己係童話故事裡的主角，發發白日夢也不錯。

講真，酒店的外觀實在不敢恭維，好似招待所格局，二樓的前台又細又黑沉沉，負責的大叔或阿珠媽完全似家庭式經營，英文唔太靈光。不過，經過幾日的交往，發覺佢地好helpful又親切，真不錯。

不過，呢間汽車酒店真的幾搞笑，好多有趣經驗可以跟大家分享：

＊不用登記個人資料：我列印左 Agoda 的酒店 Voucher 俾佢地之後，阿珠媽唔會核實我的身份，又唔使我填寫個人資料！第二朝，正當我請教大叔wifi問題時，見有兩男一女要求入住，都係十來廿歲，由其中一個高大男問大叔房價，只見大叔講完個價錢，高大男即擦卡即最門匙，另一個男的守候在女的旁邊，而女的就笠住帽遮著自己塊面，三個人都帶有酒氣，好詭異！唔通…..

＊退房唔使去前台：酒店唔使填個人資料同按金外，退房時亦唔需要去二樓的前台，只需將門匙放在 Lift 內的 box 即可，真係大家講個信字！可能係方便某Ｄ住客吧？！不過，我見前台裡面有十幾部CCTV，大叔雖然有時行開行埋，但都會留意 CCTV 的動靜，而且搭 Lift 上房時，無論按左邊一層樓，都會先在二樓停一停並打開 Lift 門，方便大叔睇下有無白撞客卦！

＊住客人種千奇百怪：畢竟係汽車酒店，除左見有酒氣的韓國男女外，又見到兩個日本婆婆、年青單女、外國夫婦（朋友同人地傾過，原來係西班牙來的）等，無論年齡和國籍都好多元化，可能呢度真係好方便吧！

＊設備齊到你唔信：雖然呢間酒店似舊式招待所，但設備相當齊全，應有盡有（如牙膏、沖涼洗頭用品、毛巾、拖鞋、電視機、電腦（但browser只支援韓文）、風筒等）都有，不應有的也有（避孕套同衛生巾都有！二樓甚至有大量影碟可以租添！）。最正係訂房時不包早餐，但原來每朝早可以去二樓的 service room 內自己整早餐，有麵包、雞蛋、咖啡、橙汁、果醬、牛油等任食任飲，不過全部要 self-serviced，結果我地每朝早每人食兩隻煎蛋加四塊多士，再配杯咖啡，真係好滿足！而且日日只得我地兩個使用service room，想整幾耐就幾耐。最後將用過的餐具和垃圾放在指定的位置，然後離開即可！

另外，八樓仲有洗衣機和洗衣粉免費使用，朋友在二樓向大叔查詢時，大叔直頭俾佢用二樓的洗衣機連乾衣機，同樣係免費！真係無得頂！

＊房間超大間：雖然房間有點舊和暗沉，但極為闊落！我地住的係兩張雙人床的Twin bed，面積尤其大，其中一張床有 6 呎闊！另一張就 3 呎，放左兩張床後，房間仍好鬆動，仲有埋洗手盆添！浴室亦好大，既可以企著沖涼外，也可以浸下浴，不過，按摩浴缸太淺，都係當企缸算啦！

唯一要彈的係酒店或房間的 Wifi 唔穩定，成日 connect 唔到，要扣少少分。其他各方面都唔錯！尤其四周愈夜愈熱鬧，酒店附近的橫街又係行車的街道，就算一個女仔返酒店都唔驚，絕對值得向大家推薦！

迎月路（又或迎月嶺）連接海雲台和松亭的山岳（牛耳山），道路旁種滿櫻花樹，景色開揚，可遠眺海雲台全景，係賞花散步的好地方，亦係拍攝新娘照、時裝照的熱門取景地。今年天氣較暖，有近半的櫻花樹已開始落花並長出新葉，大風起時櫻花花瓣墜落，形成櫻吹雪，所以遍地花瓣。剩番花托有近半的櫻花交通方便，景色開揚。

沿著車路慢慢步行上斜路，邊行邊影花，感覺不錯。行至中段，轉入下方的十五曲道，呢條櫻花樹與松樹茂密交錯的林間小路因彎彎曲曲十五次以上，所以被稱為十五曲道。全程約370米，松樹參天，走在泥路上陰涼舒服，所以散步的遊人不少。大約行左20分鐘左右，盡頭上方就會返回迎月路的上方。我地跟住慢慢從迎月路下山，經過跳蚤市場和海月亭，一直往下走，不過今次到山腳時轉左方，前往海邊，逛遊海雲台海濱浴場。

浴場長 1.5 公里，寬30至50米，面積 58,400 平方米，可容納12萬餘人。不過，4 月天氣清涼，浴場浪又大，雖然無游泳人士，但卻見有十來個人在海中逐浪，勁！海灘最多的係海鷗，唔少遊人拋食物餵佢地，一群群海鷗飛來飛去搶住食，完全唔怕人。

沿著沿場直走，最後經過海雲台水族館，返回內街搭地鐵去。

由於想睇廣安里大橋夜色，所以我地先食晚飯，在折返 6 號出口附近的橫街，誤打誤撞入左一間家庭式經營的小食店。雖然餐牌全韓文，幸好牆上有大相顯示，再加手指指其他食客所點的菜式，總算同老闆溝通到～

我地前後叫左兩條紫菜包飯，再加兩大碗拉麵。紫菜包飯即叫即整，好新鮮，內有紅蘿蔔、菜甫、蘿蔔和雞蛋等，唔使點醬都好有味道。拉麵其實係辛字麵，不過加入左雜菜絲和蛋花，熱辣辣食亦好滋味。除包飯和拉麵外，亦食左人地唔少泡菜！埋單居然只係 7,000 韓圜（35 港元！），真係便宜到唔信！！

消費：紫菜包飯每條 1,500 韓圜，拉麵 2,000 韓圜

飯後，向海邊方向走大約十零分鐘，遠遠即見廣安里海灘和廣安大橋。海灘全長約 1.2 公里，至於璀璨燈飾映照下的大橋則果然好靚，難怪不少人不停拍照留念，海灘的左面遠處則是 Centum City（大型購物商場）。大家若想慢步海灘，旅遊書建議可以在金蓮金站出，悉隨尊便。

午餐後，司機叔叔又有好介紹，他帶我們到松岳山一遊，這裡是二次大戰的戰場，日軍在此鑿了十五個防空洞；這裡也是大長今的拍攝地，最後一集長今就在其中一個洞裡為孕婦剖腹產子。雖然這裡的賣點還是山和海，但作為大長今的粉絲，來到這裡份外親切！這裡沒有城山日出峰那麼熱鬧，居民也較少，海天一色，景致怡人。

神秘之路又名神秘道路，現今科學仍未能解釋這裡反地心吸力之謎，為這景點添上神秘的氣氛，據說除了這裡，整個濟州還有幾十處有此現象，莫非外星人曾到訪此地?

到達後，司機把車的摩打關掉，的士就自己上斜路！我倆覺得非常驚奇，這還不止，即使是載滿乘客的旅遊巴也能做到！司機還教我們做人肉摩打，先向後助跑幾步落斜，然後立即掉轉向後跑上斜路，像有股力量把我們推著跑，根本不需用力，還差點刹掣不及，十分好玩 ！

旅程接近尾聲，當然少不了血拼時刻！E-Mart離酒店不遠，司機說地方比樂天百貨大，所以決定在此掃貨。時間有限，我先掃護膚品再拼手信，這裡買護膚品贈品沒首爾多但非常合用，我買一套店家就送一套試用裝及一條手拍，手拍還很精美呢！超級市場地方大，貨品齊，一隻鮮鮑才十元港幣，抵！除了買給自己和朋友的零食，手信主要給四大長老，水果是不二之選，濟州最有名的是柑，冬季夏季品種各異，夏天的個子小，皮光滑，吃下去清甜多汁，無渣無核，好吃！水蜜桃香甜多汁，水準與日本無異，只是運輸困難，我們買了3個膠盒裝並手提上機，結果還是有點壓壞了要立即食用。其實超市我們沒有逛完，只是時間有限，要不然收獲一定更豐！

出機場前，老公應我的要求要到中央地下街作最後血拼，時間不多，只能走馬看花，中央地下街也像香港的街坊商場格局，貨品選擇多，時裝款式不及首爾，但ACCESSORIES實在又多又美，真是花多眼亂！值得一提的是韓國的頭箍除了漂亮，還非常舒服，以前戴頭箍總會頭痛，要戴一段日子才能適應，但這裡買的可以即時戴，拍照也漂亮些！

這次韓國之旅非常充實，我們飽覽美景、體驗民情、購物消閒，這次旅行可說是滿載而歸！所以一定要拖老公再訪韓國，進行首爾板門店濕平購物血拼之旅！

相信濟州民俗村都算得上大部人嚟濟州嘅標準景點，因為佔地16萬平方米，超過100多間屋舍，展現番100年前嘅濟州傳統風貌，加上村內設有唔同嘅民俗工藝坊（如木雕、民俗酒、民俗畫……），以及唔同嘅特色民俗體驗（投壺、打糕杵、墊草棚……），令遊客更了解當時的生活史。

雖然整個民俗村地方頗大，但基本上沿著當中一條主步道圍繞一圈，就差不多行勻所有分區。我哋唔停咁行，唔停咁影，都行咗1.5小時，如果想悠閒啲，再細研吓村內啲資訊，仲想參與一吓工藝坊、體驗活動，相信預2.5小時適合啲。

究竟民俗村內有幾多嘢睇？我都唔嘥篇幅多講，掃描張地圖俾大家參考吓仲好。但喺，其中因晌度拍過大長今而設立嘅「大長今主題公園」，其實好鬼細，得間屋仔放滿唔同展品介紹吓，如劇中嘅道具、劇本……等等，所以唔好抱太大期望諗住晌度對大長今追憶一番。此外，都仲有唔少古裝韓劇晌度取景，如追奴、巨商、金萬德，以及小弟都幾鍾意嘅擁抱太陽的月亮，所以，對一啲好迷古裝韓劇嘅粉絲，又會有另一番味道。

題外話，小弟晌度足足影咗近300張相，之後執番出嚟都有230多張，可想而知民俗村確喺有幾多嘢影，可惜開飯遊蹤上載相片有限！

萬丈窟是全亞洲最長的熔岩窟，總長度達一萬四千公尺左右，現時只是開放其中的一公里。所謂的溶岩窟是指二百五十萬年前，濟州島火山爆發，由漢拏山湧出來的岩漿，於流向海邊的過程中，冷卻而成一條長長的地底熔岩隧道。
這裡的氣溫長年維持於攝氐十五度左右，老公認為這才是「人類適合生活的溫度」，到達後我們急不及待要走入「冷氣窟」，早上過來，遊人不多，而且大部份都是韓國人，所以玩得很舒服。窟裡面雖然又黑又濕，但適當的照明和清晰的指示牌讓我們仍能看清前路，景點管理做得很好，沒有內地鐘乳洞的畫蛇添足，總要勉強把鐘乳岩命名什麼「靈龜出洞」、「八仙賀壽」，再用七彩射燈猛照，這裡盡量保持洞窟原貌，不作無謂的加建，並把不同的熔岩形態簡單介紹，讓人看得舒服。我們邊走邊看，欣賞岩漿流過而產生不同形態，深感大自然的偉大。

我們午餐的地點，就在城山日出峰的後面，在餐廳停車場能清楚看到城山日出峰的背面，頗為壯觀。不過我們的午餐可更加壯觀！可能我們的熱情把司機叔叔嚇倒，所以他這餐沒和我們一起吃，但反而令我們吃不消。

濟州的餐廳一般非常平實，沒有精緻的裝修，就是在旅遊區亦然，我反而欣賞它們的「唔扮嘢」，感覺更加地道。至於它們的出品簡直是豪邁奔放！一人份量至少可以餵飽二人，這天的刺身餐更加誇張，四人一起吃也不為過！點菜時我們也不敢多叫，只叫一份小刺身，但結果變成一桌子的菜！
先是前菜，陣容已非常鼎盛，西方文化已廣為韓國人接受，所以前菜除了傳統的泡菜和小菜，也不乏沙律、芝士焗粟米等西點，但最喜歡的還是傳統的韓式小菜，簡單的烹調反而能吃出食物的原味，蔥煎餅和醋海帶都很出色。除此之外當然少不了刺身，有鮑魚、魷魚和八爪魚，還有一種不知名的海產，上枱時還會動，我們試著用生菜葉夾豆醬和蒜頭，味道清新，但蓋過了海鮮的鮮味，個人覺得有點浪費。
主角上場，看見我們都呆住了，小刺身竟是原條鯛魚切片上！鯛魚屬淡味的魚，但非常新鮮，下箸還會黏著筷子，我特別喜歡魚腩，油脂較豐，口感綿軟，魚的鮮味也濃一點。店方知道我們來自香港，所以預備了日式醬油和芥辣，兩種吃法我還是愛日式的，韓式又是豆醬又蒜，把魚鮮都蓋過了。我們很努力地吃，想不到還有第二輪前菜上枱，經溝通後請店家收回以免浪費，沒想到之後又來了一大鍋湯！我初時還以為搞錯，看清楚原來是用魚尾魚骨煮的湯，煮法簡單，只用大量的香菜和蘿蔔一滾，魚腥不見了，湯又鮮又甜！司機還示範了把魚放在滾湯一灼，半生熟吃又是另一風味，經過我們的努力，我們總算KO了桌上八成的食物，所以要品嚐濟州刺身至少要四人，以免嚇呆兼浪費！

司機叔叔不明白我們為什麼要去五日民族市集，既不是景點又沒賣手信，其實這樣才好，可以體驗當地人的生活。
五日民族市集，故名思議，每月的二號尾和五號尾開巿，和一般的巿場不同，商販多是農戶，貨品特別新鮮，五榖、蔬菜、水果、海鮮、雞蛋、家禽應有盡有，有趣的是，我們視為珍貴食材的人蔘在這裡非常普通，價錢便宜，看見人蔘一盤盤放在地上擺賣，真感到有點匪夷所思！另外韓國人似乎很少吃豬牛，那裡也不見肉檔，但非常愛吃雞蛋，人們都是一盤一盤買的。那裡還有售賣糕餅小吃的地方，我們喝了一杯即製的鮮檸蜜糖梳打，大熱天時，爽！與日本人相比，韓國人要率性得多，商販看見我們，一是嘰哩呱啦推銷，一是趕我們離開，還有免費送我們乾松果的老闆......，在這裡逛逛，算是窺視了濟州人生活的點滴。