搜尋:
遊記日期:    發表日期:    
 
簡介形式      文章形式
共找到 254 篇遊記, 正顯示第 1 至 10 篇遊記
yvonneeee_
8篇遊記
韓國賞楓四天團 (韓國)
(旅程日期: 2019-10-25 至 2019-10-28 ,  旅程性質: 觀光攝影)
 整個旅程  (共1篇遊記)
 分享至Facebook 
發表日期: 2020-01-06
刺激的四天團,第一次在外地生日。
也是第一次有主題的「楓」,便看看外國的月亮是否特別圓吧。
匆匆四天,行景也很緊湊
體力要concern下~ 
不錯不錯 笑臉2020-01-06
房間是很細,兩張床就結束了。
但我和朋友都知道睡覺不是我們最要求的東西
要知道每天行程緊湊我們,在酒店時間不多……
所以價錢將就了空間~

前台人員都會說普通話,大多是年輕人
主動問問看,他們可以幫你叫外賣,
很不錯~ 
每晚價錢: 300港元 (雙人房)
其他消費: /
評分: 設備4   服務5   環境3   衛生3   抵住4
cp值高! 笑臉2020-01-06
雖然在轉角,不起眼的地方,
但朋友介紹的很棒~~(後來才知道是米芝蓮推薦的)
有眼不識泰山啊QQ
第一次吃這樣的豬腳,好好食,
骨膠原都回來了感覺哈哈哈 
推介菜式: 豬腳
每人消費: 約100港元 (晚餐)
評分: 味道4   服務3   環境4   衛生4   抵食4
楓葉是主角,銀杏是大主角。
一片黃澄,遠看真的很壯觀!
去時請準備充好電的手機/照機吧 
推介項目: 賞楓和銀杏
參觀時段: 早上
入場價錢: 每人300港元
評分: 值得去4  
那天我們資料做不足,以為搭了巴士去到原州,很方便找到去雉岳山的轉車。
結果趕時間(買了回程的票)便不想找,搭了的士
忘了確實價錢但不便宜啊……我的心跳和咪錶一起跳啊……

但景色是值得的,大自然的美麗從沒令人失望
有一棵大大的銀杏,我覺得雖然只有一棵,
但它的美不遜色於南怡島的~

看見韓國人都會在溪邊野餐,真好呢~ 
推介項目: /
參觀時段: 早上
入場價錢: 每人2500韓圓
評分: 值得去4  
  0 個留言    |  加入你的留言
美食兵團
41篇遊記
美食兵團去首爾 (韓國)
(旅程日期: 2015-06-26 至 2015-07-01 ,  旅程性質: 飲食購物, 消閒度假)
 整個旅程  (共1篇遊記)
 分享至Facebook 
發表日期: 2017-06-21
原本開心預備重遊首爾, 誰知出發前一個月, 韓國爆發 "中東呼吸綜合症" , 令到人心惶惶, 家人非常反對出發, 而我所選的航空公司 - 香港快運, 真係比佢 "激"到呢 ........   最後我咃一家三口瞞住家人及朋友, 如期出發, 竟然有意外的收穫喎!

講回這次旅程在安排上最令我困擾的, 就係香港快運嘅 " 好心做壞事"。在處理突發嘅  "中東呼吸綜合症" 手法上, 在網上已令大眾髮指, 就以我作例, 約出發前一個月, 佢宣佈因疫症而允許改機票而不用收附加費, 但要補回所選的目的地機票差價, 這亦屬合理, 佢好似為大眾著想, 但原來係越攪越亂同令客人勞氣。 既然宣佈可改機票, 係咪應該要配合大量客人嘅查詢及更改事宜來電, 但原來該公司係未準備好就宣佈, 在宣佈後我已第一時間致電查詢, 當然要先聽3小時以上嘅音樂至搭通熱線啦! 而熱線以官腔的口吻答覆係話唔係由呢條主要熱線處理這次所有韓國機票更改, 現在只會為客人留下訊息, 要等公司再宣佈用什麼方法才可進行更改, 總之其有關同事會直接揾已留訊息的客人云云;  終於三日後, 出了另條一熱線處理, 當然馬上致電做更改, 但聽了3個多小時的音樂, 終於接了我的來電, 但回覆係未能馬上更改到機票, 會跟留下的客人訊息排隊處理, 還叫我放心, 公司一定會致電留了訊息的客人.......

不過當時改機票的差價已跟幾日的價位有好大分別, 如轉去台中, 在宣佈可改機票的第一天, 由原本補差價嘅港幣2000元有找(三張機票), 至我三日後打通熱線問而升至差唔多6000元, 再加埋我本身買了的機票價6900元, 去台中淨機票要成12,000元成本了, 我比得呢個價, 我不如坐國泰去啦, 如轉去日本仲離譜, 由最初的補差價3XXX元(以名古屋線計), 升至要補15,XXXX元, 真係有搵笨及"肉除針板上"嘅感覺囉。

過了幾日, 香港快運嘅客戶服務依然冇打比我!  咁係咪講一套做一套, 真係令客人好困擾同浪費時間, 最後我亦已被高昂的差價嚇親了, 所以選擇唔改啦! 諗住照原定日期出發, 誰知到出發前一星期, 香港快運就發了一個電郵嚟話我當日出發的航班已取消, 當時佢哋由每日兩班機改為每星期只得三班機, 今次可全套機票取消而不收取費用, 但另一半及港童仍然非常想去首爾, 所以選擇先全套機票取消, 然後再重新買機票出發, 這令我哋慳番$2083, 就咁令我哋在首爾享受到一個輕鬆美食之旅。
天羅地網 哭臉2017-06-21
弘大機鐵/地鐵站, 兩旁有自動電梯及升降機, 上落地面亦有自動電梯
弘大機鐵/地鐵站, 兩旁有自動電梯及升降機, 上落地面亦有自動電梯
安國站, 可能地鐵站較舊, 多個出口上落地面都冇自動電梯
安國站, 可能地鐵站較舊, 多個出口上落地面都冇自動電梯


仁川機場一出海關, 馬上去閘口旁的便利店買張T-money, KRW10000一張, 包含咭費KRW3000及KRW7000餘額。

T-money相等於香港的八達通咭, 方便搭地鐵, 巴士及購物, 用它乘地鐵及巴士仲有些少優惠添!

在仁川機場出首爾, 可乘機場巴士或機場鐵路, 巴士可在出境大堂外的巴士站乘搭, 不過先選定下車地點的巴士路線才好, 而機場巴士又分優等和一般兩種,優等機場巴士座椅較一般寬敞。但要注意市中心地點,有多台車同時行經之可能,這時可以自由選擇要搭乘優等或者一般巴士。 而費用大致如下:

優等: 仁川->金浦機場6,500韓元 ; 蘆原,倉洞13,000韓元,其餘首爾各地皆為14,000韓元。
一般: 仁川->金浦機場5,000韓元 ; 首爾各地8,000~9,000韓元。 

雖然搭巴士較方便, 點對點落車不須拎住行李走上走落, 不過我就較推薦乘仁川至首爾的機鐵,  好處係唔怕塞車同慳時間, 而且價錢比乘巴士平差唔多一半, 唯一唔好係要拖行李上落站, 但大致上機鐵站都有自動電梯及升降機設備(注意其他較舊的地鐵站就冇自動電梯或升降機), 當然要不用再轉乘其他地鐵為首選,  及要衡量所住酒店位置如何而決家搭機鐵或巴士呢!

而機鐵亦分兩種, 第一種名為是直達列車, 由仁川直達首爾站, 當中完全冇途經站停, 車廂較豪華及有free wifi, 票價為8000韓元/位; 第二種係一般列車, 由仁川機場出發, 經9個站, 第10個就係終站首爾站, 車程約1小時多些, 與首爾一般地鐵車廂冇異, 但票價就係4150韓元, 如為遷就乘搭機鐵, 就要在機鐵站附近搵住宿, 較多選擇為弘大站, 西江大站 (近新村站) 及首爾站。

首爾地鐵站的路線繁多, 就以明洞為例, 可在綠色線的乙支路站或藍線的明洞站下車, 一個地方有兩條線嘅站, 有D 站仲會重疊在同一地區, 所以要注意出入口地點是否係自己要去嘅地方, 因為有D出口行錯或出錯閘, 係返唔到轉頭的, 我哋亦在弘大站及鍾路站啪錯咭出錯閘而要兜大圈走或再啪多次咭(即比多次錢)而出到所須上落地面出口, 雖然話可以找地鐵職員開閘給乘客, 但很難找地鐵職員, 要按對講機對話, 真係雞同鴨講, 唔想煩咪再 "嘟" 咭囉。

首爾地鐵月台或售票處嘅冷氣只在標準溫度或以上, 特別在月台處, 完全感覺唔到冷氣, 車廂就OK, 好過日本大阪的地鐵同電鐵的弱冷氣, 所以夏天乘地鐵都唔係好似香港咁涼爽。
推介項目: 機場鐵路
參觀時段: 全日
評分: 值得去4  
三人房內的其中兩張單人床
三人房內的其中兩張單人床
另一單人床
另一單人床
寬大的浴室
寬大的浴室
三人房內有一露台, 可作曬衣
三人房內有一露台, 可作曬衣
地下的用餐區, 以綠色小貸車作點綴
地下的用餐區, 以綠色小貸車作點綴
小貨車旁是廚房
小貨車旁是廚房
由弘大地鐵站3號出口一直走, 轉入Yeonnam-dong, 見此街口轉入, 向右望見第一個小巷子, 就係This is Guesthouse
由弘大地鐵站3號出口一直走, 轉入Yeonnam-dong, 見此街口轉入, 向右望見第一個小巷子, 就係This is Guesthouse


由於我哋係搭機鐵到首爾, 所以揀住宿, 都係以機鐵沿線站點為首選, 以首爾站, 西江大站及弘大站為主打搜尋, 最後選定了弘大站一帶, 在出發前一個月就算定了呢間 This is Guesthouse。

This is Guesthouse  距離地鐵3號出口約10分鐘步行路程, 位處住宅小區內, 亦算寧靜, 只是民宿冇招牌, 所以到前要查定Google Map,  搵定條路點樣走。在3號出口走出, 一路直走, 沿途會見到有一路軌小公園及一片小草地,  兩旁是行車小路, 行至第4個車行街口及見到一間叫Yoger Presso 的餐廳, 就轉左走至交通燈位過對面馬路, 然後繼續向前走(不要向左或右走), 會經過一個叫東橋兒童公園及對面有一警局, 那就走對了, 由此再走3個街口, 就係延南路3街(Yeonnam-ro3-gil)街口了(見照片) 轉入及見到右面第一個小巷口的盡頭就係This is Guesthouse了, 如在街口有招牌指示就易見好多。如怕找不到, 可先約民宿主人Mr. Lee在地鐵站3號出口等都可以。

由於中東呼吸綜合症, 當日入住只有我哋一家三口同一對新加坡女孩子, 所以更覺寧靜, 但對主人Mr. Lee 就係好大嘅損失, 不過佢都算樂觀面對整個退房潮, 佢仲奇怪問我為何仲嚟首爾, 我梗係答佢支持首爾旅遊業啦!  

Mr. Lee 是一位約三十多歲的肥先生, 能操流利英語, 好幫忙, 整間三層民宿都係由佢親自參與裝修, 當時佢間民宿有D地方仲未完成修理, 佢一個人自己做, 好投入囉! 而執房佢就聘請咗位泰藉姐姐幫手, 泰藉姐姐年約三十歲, 樣貌不錯, 佢同我講都係嚟咗首爾一個月, 要適應一下, 特別係同韓國人溝通。

整間民宿是3層高的小房子, Mr. Lee 會比密碼兩個給客人, 一個是由外面入屋, 另一個是由屋內大廳上樓, 入房就用拍咭入。房子係冇升降機的, 所以要拿行李自行上房。我哋住2樓的三人房, 所以唔覺上落樓梯太辛苦。

房間以藍色為主調, 房內有三張單人床, 有小雪櫃, 鞋架及一個三層架, 冇椅及枱放嘢, 亦冇電視嘈吓, 所以整間房好簡單, 房內浴室算寬敞, 只係冇提供沐浴露及洗頭護髲設備, 所以去了弘大的Diaso買, 都係6000韓元三支(每支有100ML) , 而椅子就喺隔離的五人房攞嚟用住先,  床, 枕及被都唔錯, 乾淨企理價錢抵, 每晚的三人房都只是港幣461連稅, Agoda訂, 好抵住。

晚上此處靜中帶旺, 有不少餐廳在此, 所以完全不愁食方面, 中西韓日菜式都有, 樣樣都想試, 但都唔夠時間, 附近亦有便利店及一間Homeplus 小超市, 好方便。 

好可惜, 呢間民宿在2016年結業了。
每晚價錢: 461港元 (三人房)
評分: 設備4   服務4   環境4   衛生4   抵住4
套餐含的凍湯, 湯底已結冰, 唔辣, 味不濃
套餐含的凍湯, 湯底已結冰, 唔辣, 味不濃
鹵豬手, 唔辣, 超好味
鹵豬手, 唔辣, 超好味
呢個沙律真令人一試難忘
呢個沙律真令人一試難忘
呢個套餐含鹵豬手, 沙律, 涷湯及配菜, 足夠我哋一家三口享用
呢個套餐含鹵豬手, 沙律, 涷湯及配菜, 足夠我哋一家三口享用


check in 完民宿, 馬上出外發掘弘大區的美食, 當時係傍晚5點左右, 在弘大當旺的和諧廣場走走, 和諧廣場大多是食肆店舖居多, 已是放工時間, 所以食肆開始人多等位, 走了一個圈, 見咁多放工一族特別係OL在等位, 我哋都等埋一份啦.......

Myth Jakbol 原來在首爾是人氣食店, 後來在TVB"街坊廚神" 韓國篇都有介紹。此店主食推介係鹵豬手, 非常啱華人口味, 特別係鹵豬手的汁料, 同我哋華人做嘅味道十分相似。

我哋叫了一個適合3人享用嘅原味豬蹄套餐, 包含有凍湯一鍋, 原味豬蹄, 醋汁沙律及3款醃菜, 29000韓圓。

先講原味豬手, 原隻薄切片上碟, 唔辣, 汁料不但似華人的鹵水汁, 而且味道做得好好, 肥瘦均勻, 整片豬蹄入口即感受到肥肉爽瘦肉入味, 一點肥膩感都冇, 真係正到爆;

雜菜沙律, 用一個長碟端出, 好有份量, 內裡另有生洋蔥及小蕃茄, 最驚喜係佢嘅醋汁, 簡直係整個沙律嘅靈魂, 我到現在仍然回味無窮;

凍湯, 起初不知中間啡色一團是什麼, 以為是材料之一, 點知用湯匙一撥,  才發現呢團嘢是結了冰的湯底, 其實湯的味道清淡, 全冇肉味, 材料有青瓜, 大豆芽, 白蘿蔔等蔬菜, 不過最好係完全唔辣, 這可沖淡豬蹄的濃味及消暑之用, 據知冬天就會改為熱湯+白麵條上。

整體係我在首爾所食的韓菜中最難忘的一餐, 無論味道, 價錢及份量都係100分 。推薦呀!
推介菜式: Myth原味猪蹄套餐
每人消費: 約9667韓圓 (晚餐)
評分: 味道5   服務4   環境5   衛生5   抵食2
芒果雪糕沙冰大大碗, 完全足夠二至三人分享, 13000韓元
芒果雪糕沙冰大大碗, 完全足夠二至三人分享, 13000韓元


食完豬手, 沿住弘大東橋洞慢走, 在Diaso 買完個人護理用品後, 見對面有一間叫Mango Six的Cafe', 樓下Banner上的甜品相都係以芒果為主, 愛芒的另一半同港童見到就已馬上跑上Cafe' 即試。

可能已是9點半後, Cafe'人流不多, 在室外的坐位較多人坐, 可能可吸煙掛, 另一半同港童馬上出去收銀處點了一客芒果雪糕沙冰, 承惠13000韓圓; 嘩!  折實成"舊水"港幣食一個甜品, 咁貴嘅, 點知送到過嚟, 成個湯碗都裝滿, 雖然唔係大湯碗, 但用香港酒樓食飯碗盛起, 都可分到4碗, 份量都算係值番; 至於味道方面, 芒果雖然算多, 可惜係一個酸芒果, 唔夠甜, 好彩係個雲喱那雪糕縱和番個酸芒果, 加上沙冰內加了奶昔, 都算唔錯, 其實酸芒果都可幫助消化呢!
 
每人消費: 約13000韓圓
評分: 味道5   服務4   環境4   衛生4   抵食3
瘋狂購物 笑臉2017-06-21
明洞主街很多小販攤檔
明洞主街很多小販攤檔
有衣屐鞋襪包包外, 仲有小食攤檔
有衣屐鞋襪包包外, 仲有小食攤檔
好多韓國連鎖店都可以找到
好多韓國連鎖店都可以找到
6月尾通常都係減價至7折左右
6月尾通常都係減價至7折左右


6月27日第一個行程, 就係嚟明洞shopping, 最開心嘅係港童, 樣樣都啱買, 最後連上首爾塔同4D藝術館都reject 埋添, 可想而知明洞幾咁吸引年青人啦!

明洞係集中了韓國各大品牌化妝品店, 潮流服飾, 百貸店及免稅店集中地, 高中低檔次貨品都有交易, 而連鎖食店及特式食店都有分店, 而且小販攤檔亦集中在步行街的中央位置, 有食有賣, 有平有貴, 鍾意shopping 同掃街嘅當然在此忙個不停啦!

PS : 由於6及7月不是韓國士多啤梨嘅季節, 去了多個熱門連鎖食店都吃不到, 但在明洞小販檔竟然比我搵到士多啤梨糯米糍, 雖然貴了點, 要成3000韓圓一粒, 但實在可一解想食士多啤梨的渴望, 而且味道相當不錯, 好甜呢!
參觀時段: 下午
評分: 值得去5  
充滿芝味 笑臉2017-06-21
芝士溶緊嘅時候, 係令人非常期待呢!
芝士溶緊嘅時候, 係令人非常期待呢!
食完燒排骨, 最好留番些少芝士嚟做炒飯
食完燒排骨, 最好留番些少芝士嚟做炒飯
捲了芝士的燒排骨好正啊!
捲了芝士的燒排骨好正啊!
明洞店比較難找係在樓上舖, 好彩有招牌
明洞店比較難找係在樓上舖, 好彩有招牌
餐牌
餐牌


上午11點半嚟到明洞, 連早餐都未食, 在中央街行咗個圈, 見到詹姆士芝士排骨個招牌, 馬上走上去食晏喇!

我哋叫了一份輕量芝士排骨(14000 韓圓) 同一份中量芝士排骨 (16000韓圓),  再加一份炒飯 (1000韓圓), 同三罐桃汁(2500韓圓/罐), 合共承惠38500 韓圓。

一鍋滿佈芝士上鋪了約6件排骨, 唔算好大份, 初時想起其他韓國食肆份量, 詹姆士就算小份量了, 叫咗兩份就只得6件排骨, 望落好似唔係好夠食, 後來加了炒飯, 就差唔多了, 可能芝士較飽肚吧!(如喜歡食肉, 真係要叫每人一份嘅量了) 燒排骨 + 芝士捲埋一齊, 果然配搭我好好, 芝士係整鍋嘅主角, 令燒排骨更好味同更膩, 所以不能經常食呢! 完全有犯罪感呀!

炒飯有兩種選擇 :  魚子炒飯 或 白飯加紫菜, 我哋選了後者, 留番些少芝士, 加隻蛋就可炒出完美的炒飯, 個肚好滿足了。

PS : 詹姆士芝士脊骨 其實有好多分店, 在弘大已有兩間, 新村, 東大門, 梨大及惠化都有分店, 去開邊處, 咪喺嗰處食囉!
每人消費: 約12833韓圓 (午餐)
評分: 味道5   服務4   環境4   衛生4   抵食3
美味烤肉 笑臉2017-06-21
王妃家明洞3號店
王妃家明洞3號店
專人用炭烤給客人享用
專人用炭烤給客人享用
牛脊里150g, 34000韓元
牛脊里150g, 34000韓元
醬牛排150g, 33000韓元
醬牛排150g, 33000韓元
牛肉拼盤 150g, 32000韓元
牛肉拼盤 150g, 32000韓元
正在燒牛背肉
正在燒牛背肉
2015年的餐牌
2015年的餐牌
好好味的紫米飯
好好味的紫米飯


行咗成日, 買到冇哂現金, 順便去埋中國大使館旁的大使館找換店唱埋錢, 就沿住大使館條路行落去, 去到今晚食晚飯的餐廳 - 王妃家。

王妃家主要是食韓式定食, 有韓牛, 豚肉及醬蟹等, 今晚我哋主要食韓牛。

王妃家在明洞有三家分店, 街頭街尾街中間都有, 佢都係以做遊客生意多, 雖然疫症令首爾遊客大減9成, 佢亦深受影响, 當晚佢哋都有幾枱客人, 但就冇本哋客喎, 唔知係咪因為遊客價呢?

我哋今晚就食咗整個首爾旅程最貴嘅一餐, 有專人燒埋 :

1) 牛脊肉 150g 34000韓圓, 此韓牛肥紋分佈均勻, 上桌時侍應話此牛肉不會預先醃製, 佢烤好後, 可以海鹽或醬汁點食, 牛味會更突出, 果然冇錯, 不肥不膩, 烤得好均勻, 好食!

2) 醬牛排 150g 33000韓圓, 呢款係侍應推介給我哋嘅, 佢話呢款較多港人點選, 好啱我哋口味, 烤後牛味都唔錯, 醬料果然係容易接受嘅味道, 雖然此牛係預先醃製, 但侍應話絕對係新鮮韓牛, 食後真係喎, 好得!

3) 牛肉併盤 150g 32000韓, 係韓牛大雜會, 侍應講咗包含咗牛嘅幾個部位, 但已忘記了, 總之一句講哂, 好味!

其實每份牛都只是150g, 雖然有青菜包裹韓牛食, 但都係唔夠飽麻, 所以就叫了三碗紫米飯(佢哋就冇白飯供應),  食完都未有7成飽, 咁都好嘅, 咁就可以比籍口食多一餐。







推介菜式: 牛脊肉
每人消費: 約29700韓圓 (晚餐)
評分: 味道5   服務5   環境5   衛生5   抵食3
好藝術呀! 笑臉2017-06-21
Cafe' 外型好搶眼
Cafe' 外型好搶眼
售及取食物處
售及取食物處
蛋糕選擇
蛋糕選擇
黑板餐牌
黑板餐牌
蕃茄芝士蛋糕 6800 韓圓及西柚芝士蛋糕 5800韓圓
蕃茄芝士蛋糕 6800 韓圓及西柚芝士蛋糕 5800韓圓
Tiramisu 6500韓圓, 味道麻麻
Tiramisu 6500韓圓, 味道麻麻
餐廳坐位低密度, 方便客人傾計, 而且樓底高, 唔太嘈
餐廳坐位低密度, 方便客人傾計, 而且樓底高, 唔太嘈
Cafe'內有好多書給客人閱讀
Cafe'內有好多書給客人閱讀


食完韓牛, 便乘地鐵回弘大返民宿, 在3號出口走出回民宿途中, 有好多食肆, Cafe', 西餐廳及韓式餐廳, 好多都好吸引, 由於食韓牛唔係太飽, 港童已嚷著要食宵夜, 後來經過呢間Cafe' Bonjur, 就入去睇吓有咩蛋糕麵包, 可能真係比較晏, 好多麵包都賣哂, 好彩仲有幾款Cake, 我哋就買了以下3款蛋糕做甜品:

1) 西柚芝士蛋糕 5800韓圓, 係三個蛋糕中最好味嘅, 估唔到西柚同芝士Cake 都可以咁夾, 比食檸檬芝士Cake更好, 唔太酸, 中和咗芝士嘅膩, 而西柚又係我至愛嘅生果, 好like呀!

2) 蕃茄芝士蛋糕 6800韓圓, 係三個蛋糕中最貴嘅, 又估唔到蕃茄可以用嚟造芝士Cake, 蛋糕內亦有蕃茄味道, 其實呢個蛋糕味道唔錯, 但我就較鍾情西柚芝士Cake;

3)  Tiramisu 6500韓圓, 係三個蛋糕中最差嘅, 可能放在雪櫃太耐, 唔係太新鮮, 只食到酒味, 整個Cake嘅外形塌咗, 好唔得!

由於已過9點, 所以未有試咖啡, Cafe' Bonjur 室內佈置簡潔舒適, 仲有圖書角給客人挑選圖書閱讀, 而室外亦甚有藝術氣色, 一座兩層的房子改成Cafe', 無論地下, 1樓及天台都有精緻嘅藝術品裝飾整個Cafe', 店主實很有心思又落本, 在此優雅嘅Cafe'品嚐食物, 簡直係一種享受呢!
推介菜式: 西柚芝士蛋糕
每人消費: 約6500韓圓 (宵夜)
評分: 味道4   服務4   環境5   衛生4   抵食3
身心舒暢 笑臉2017-06-21
延南洞文青公園
延南洞文青公園
有噴水池, 又有小草地
有噴水池, 又有小草地
公園兩旁都有好多Cafe'及餐廳, 特別呢間Cafe' Bonjur
公園兩旁都有好多Cafe'及餐廳, 特別呢間Cafe' Bonjur
公園另一邊的Cafe'
公園另一邊的Cafe'


28-06-2015 中午出發, 當日陽光普照, 走出延南路, 慢慢欣賞延南洞文青公園。

由民宿行去公園, 首先會見到中央位置是一組噴水池, 連綿兩條街, 水池邊是小石路和青蔥的樹苗, 可讓行人悠閒散步, 再向地鐵方向走去, 一列小草地有假路軌作點綴(我覺得以前係真路軌), 好有書卷氣息, 果然朝早有年青人坐在公園兩旁的Cafe' 又或在樹下看書, 而每晚亦見好多年青人坐在草地上拿著啤酒邊飲邊傾計,  可能正值夏天, 晚上亦有涼風陣陣, 佢哋都甚為享受在公園的休哉悠哉, 嚟到弘大此區, 都覺回復以前的 "青蔥歲月"
 
參觀時段: 早上
評分: 值得去5  
發現新大陸 笑臉2017-06-21
Lemonade 及橙汁 4000韓圓
Lemonade 及橙汁 4000韓圓
Seafood Cream Spaghetti 13000韓圓
Seafood Cream Spaghetti 13000韓圓
Handmade Hamburger Pan Steak  13000韓圓
Handmade Hamburger Pan Steak 13000韓圓
餐廳水吧位置, 老闆+侍應+大廚共三人
餐廳水吧位置, 老闆+侍應+大廚共三人
餐廳不大, 約10張2人枱
餐廳不大, 約10張2人枱
餐廳在2樓, 樓下係酒吧, 但當日中午有得食Sunday Brunch Buffet 7900韓圓
餐廳在2樓, 樓下係酒吧, 但當日中午有得食Sunday Brunch Buffet 7900韓圓
此小巷一直走出去就係地鐵3號出口
此小巷一直走出去就係地鐵3號出口
星期日冇得食Set Lunch, 只可食Special Plate
星期日冇得食Set Lunch, 只可食Special Plate


慢遊完延南洞文青公園,已經是12點幾,係時候搵食喇!

今次就去公園另一邊嘅小巷探吓路,見了有幾間西餐廳在此,點指兵兵,就揀咗小屋第二層嗰間,枱不多,2人枱約10張左右,老闆係識講英文,真好!可以溝通吓。 

老板約50多歲的紳士, 好nice, 佢經常去中國, 特別係上海同廈門係常去嘅城市, 仲講好鍾意食中國餐, 佢介紹我咃食如下 :

1) Seafood Cream Spaghetti, 13000韓圓, 非常值, 佢哋嘅海鮮唔係急凍海鮮如魷魚, 青口或小蝦等已失去鮮味嘅所謂海鮮, 而係新鮮蟹肉同蝦, 好豪華呀!個忌廉汁煮得好好味, 而且份量都好多, 仲有多兩片法包添!

2) Handmade Hamburger Pan Steak 13000韓圓, 漢堡牛肉係用韓牛造的, 煎後牛肉好香, 調味相當好, 我哋選唔辣, 加埋沙律菜同白飯, 好大碟呢!

3) 飲品係檸檬汁及橙汁, 各4000韓圓, 兩者都好似果汁先生那種, 雖然唔係好抵, 但我哋只叫了兩個主菜三人享用, 唔叫飲品好似唔係咁好, 不過好大杯, 我哋都飲唔哂!

總括而言, 海鮮忌廉意粉好有驚喜, 除好多蟹肉外, 忌廉汁調得好, 整個餐廳氣氛舒適和諧, 老板同侍應待人親切有禮, 如再去首爾, 一定會再到。

 
每人消費: 約12000韓圓 (午餐)
評分: 味道5   服務5   環境5   衛生4   抵食4
由安國站2號出口影出嚟的大街
由安國站2號出口影出嚟的大街
安國站2號出口沿路直上的大街, 有零星的禮品店
安國站2號出口沿路直上的大街, 有零星的禮品店
慢行了10分鍾, 終於到了北村韓屋起點, 韓屋外的一排牆畫
慢行了10分鍾, 終於到了北村韓屋起點, 韓屋外的一排牆畫
韓屋外的小花園
韓屋外的小花園
韓屋仍有人住
韓屋仍有人住
沿路都有一些DIY飾品店, 呢間就賣舊玩具
沿路都有一些DIY飾品店, 呢間就賣舊玩具
禮品店
禮品店
DIY 手作店
DIY 手作店


選了先由安國站2號出口向前直上, 打算行一個半圓, 然後在附近吃午飯後, 再行入三清洞走埋另一邊的韓屋區, 就走番安國站行去仁寺洞。

由安國站2號出口直上, 沿路經過市政府的裁判所, 零星的工藝品店, 較多的是租借韓服店, 港童已嚷著要試, 後來食完晏, 挑了一間韓服店比佢一嘗心願, 就係咁冇時間行埋三清洞那邊的韓屋。

由於韓國一向深受中國文化影響,  佢哋好多傳統嘅文化亦同中國相同, 如中國節日, 飲食習慣, 醫學, 建築等等都同中國文化有著關係, 而韓屋的建築風格跟我哋中國的簡直如出一轍。

在韓屋區不單只看韓屋建築群, 亦有較多飾品店, DIY手作店, 如皮革店, 自製併布等特色小店, 當然亦有好多小型Cafe'及果汁店等, 所以唔係只斋睇歷史建築, 仲可以走入租韓服店租番套韓服, 以韓屋作背景自拍靚相留念, 以我所租那間嘅租金, 租出外約兩小時, 約30000韓圓, 只租在店裡影樓拍照就約20000韓圓, 以上是不包梳頭及化妝, 要另加錢的。


 
參觀時段: 下午
評分: 值得去5  
人參雞湯 笑臉2017-06-21
一進餐廳, 門口就貼滿名人明星的光臨相片及簽名
一進餐廳, 門口就貼滿名人明星的光臨相片及簽名
餐牌
餐牌
有手信賣呢!
有手信賣呢!
人參雞湯其實都幾大碗的
人參雞湯其實都幾大碗的
黑蒜人參雞, 15000韓圜, 湯底較濃及深色, 黑蒜只得3顆
黑蒜人參雞, 15000韓圜, 湯底較濃及深色, 黑蒜只得3顆
普通人參雞湯, 13000韓圜, 湯底較清
普通人參雞湯, 13000韓圜, 湯底較清
室外用餐區, 好雅緻的環境
室外用餐區, 好雅緻的環境
北村百年土種雞湯門面, "突眼雞"卡通造形有突出呀!
北村百年土種雞湯門面, "突眼雞"卡通造形有突出呀!


由Bukchon-ro 的北村韓屋慢走至三清洞入口, 不經不覺已是三點, 另一半話好肚餓, 冇力行了, 就在附近見到北村百年人蔘雞的logo - 突眼雞, 我哋決定就在此午餐。

原本計劃在遊覽北村後品嚐人蔘雞, 已鎖定兩間 : 1) 北村百年人蔘雞湯 2) 土俗村人蔘雞湯, 由於後者未有到達, 而前者就在景福宮附近, 同我哋有一段距離, 所以取了近者。

北村百年位於安國站2號出口附近, 擁有清幽的室內外環境用餐區,  室外被一片青蔥植物包圍, 環境很好, 可惜夏天有蚊, 而且6月尾的首爾下午亦有30度氣溫, 所以梗係留在室內用餐啦!

我叫了一個普通人參雞湯及黑蒜人參雞湯, 當然有2份泡菜及蘿蔔, 普通人參雞湯味道清甜, 小雞內依舊有糯米紅棗, 而人參雖然不是名貴種, 但亦甘甜非常,雞雖不肥膩, 但雞味欠奉; 黑蒜人參雞湯內有4粒黑蒜, 湯味則比普通的較濃, 黑蒜連雞湯一起烹調的, 所以湯有黑蒜的甜味, 人參味就被削弱了, 不過論人參味就以普通的較好, 黑蒜湯底反而一般而已。

其實韓國食肆好守原則, 每人最好叫一份餐, 但由於我哋一路行就一路食, 個肚實在都經常半飽, 所以至叫兩份餐免浪費, 再加每人一杯飲品, 令有原則嘅韓國人都認為每人都有幫襯麻。
 
推介菜式: 黑蒜人蔘雞湯
每人消費: 約9000韓圓 (午餐)
評分: 味道4   服務4   環境4   衛生4   抵食4
工藝品小區 笑臉2017-06-21
森吉街(Ssamzigil) - 人人廣場
森吉街(Ssamzigil) - 人人廣場
森吉街內有很多不同的工藝品店及紀念品店
森吉街內有很多不同的工藝品店及紀念品店
森吉街由地下至上共五層, 每層都有特色飾品舖
森吉街由地下至上共五層, 每層都有特色飾品舖
森吉街第四層有文具店及Cafe'
森吉街第四層有文具店及Cafe'
仁寺洞的食店都以韓式為主
仁寺洞的食店都以韓式為主
仁寺路旁
仁寺路旁
出名的韓文招牌星巴克
出名的韓文招牌星巴克
森吉街頂層
森吉街頂層


影完韓服照, 慢慢行落仁寺洞, 走至地標建築 - 森吉街(Ssamzigil), 此處就係仁寺洞的中心點, 整條仁寺洞路都係步行街。

仁寺洞的店舖主要售賣工藝品或記念品為主, 租韓服的小店亦不少, 感覺文化氣息較濃厚, 食店亦以韓式為主打, 如想買紀念品, 可在仁寺洞尋寶, 特別係在森吉街(人人廣場),  裡面的小店售賣很多特色文具, 飾品及工藝品, 價錢有平有貴, 唔幫襯都要上去window shopping一下, 包你大開眼界呢!
參觀時段: 下午
評分: 值得去4  
韓式糕餅店門口
韓式糕餅店門口
韓式糕餅種類很多
韓式糕餅種類很多
有些包裝精美
有些包裝精美
糕餅禮盒裝
糕餅禮盒裝


沿仁寺洞路漫走, 除了有較多工藝品店及精品店外, 當然亦有一系列韓國化妝品牌店駐守, 在這群商店對面, 有一間韓式糕餅店, 名字是韓文的, 相片1有韓文招牌。

糕餅店內的小糕餅賣相十分似日式的草餅, 外形很討好, 其實味道都很似, 餅餡有紅豆, 豆沙及綠豆蓉, 甜度亦可接受, 我哋買了幾款, 有些雪凍了, 味道仲好, 但保鮮期有限, 所以未能買來作手信, 此店除了賣糕餅, 亦有賣甜品, 可以坐低食架。
每人消費: 約1000韓圓 (下午茶)
評分: 味道4   服務5   環境5   衛生5   抵食4
地道辣火鍋 笑臉2017-06-21
火鍋好大盤, 以蔬菜較多
火鍋好大盤, 以蔬菜較多
豚肉魷魚鍋, 好辣呀!
豚肉魷魚鍋, 好辣呀!
叫了個鴛鴦蛋餅, 最好係唔辣呀!
叫了個鴛鴦蛋餅, 最好係唔辣呀!


由於在鍾路地鐵站內行錯方向, 攪到差唔多9點至返到弘大, 在弘大站3號出口直行至大路口, 見到間宵夜火鍋店充滿人氣, 年青人又多, 招牌是寫韓文, 應是食韓式地道火鍋。

餐牌有中文, 亦有相片, 讓外國人容易點餐,  我哋點了一客豚肉+鮮魷魚火鍋及一客鴛鴦蛋餅, 由於唔記我得叫走 "辣" , 整鍋都是 "紅"色湯底, 馬上問可否換少辣, 侍應亦知我哋係遊客, 有禮告之已順應情況幫我哋少"辣" 了, 可惜另一半依然頂唔順而辣到"飛"起, 狂飲三大支茶, 我同港童尚算頂得住; 事實上, 個辣鍋材料相當豐富份量又多, 除了豚肉和魷魚外, 蔬菜如椰菜, 紹菜及洋蔥特別多, 而由於店員見我哋"辣到飛起", 免費給我哋三碟芽菜解辣, 真周到呢!

至於鴛鴦蛋餅, 雖然很普通, 但蛋味豐富, 又可給我哋解辣, 當然欣賞呢!
 
每人消費: 約13000韓圓 (晚餐)
評分: 味道4   服務4   環境4   衛生4   抵食4
餐廳內
餐廳內
餐牌 1
餐牌 1
餐牌2
餐牌2
飲品餐牌
飲品餐牌
Recotta Cheese Salad - Ciabatta Bread  11500韓圓
Recotta Cheese Salad - Ciabatta Bread 11500韓圓
朱古力Latte  4500韓圓
朱古力Latte 4500韓圓
Strawberry Yogurt  5500韓圓
Strawberry Yogurt 5500韓圓
Rye Bread Bulgogi Sandwich + Saland 9000韓圓
Rye Bread Bulgogi Sandwich + Saland 9000韓圓


29-06-2015, 今日算早出門口, 11:30AM, 由民宿出去轉右方向走, 周圍遊蕩, 經過此間Cafe', 見裡面都坐了四五枱客人, 於是就選此間作早午餐解決之所。

朱古力Latte 4500韓圜, 起初飲時味道剛好, 但飲到尾段就好甜了;

士多啤梨乳酪 5500韓圜, 終於叫到有士多啤梨的飲品, 酸"May May"的, 好好味;

Recotta Cheese Salad + Ciabatta Bread, 11500韓圓, 主角當然是Ciabatta Bread (一種意大利麵包的名稱)及Recotta Cheese, 芝士包住沙律菜及已加沙律醬的薯仔, 加埋提子乾, 麵包鬆軟煙靭, 唔錯;

Rye Bread Bulgogi Sandwich + Salad 9000韓圓, 韓式烤肉唔辣加埋沙律菜同薯仔, 連同麥包一齊食, 都算飽肚;

總括來說,  I'am a Bruch Cafe' 感覺良好, 環境既warm, 飲品同三文治沙律又做得唔錯, 值得推薦。

每人消費: 約9500韓圓 (早餐)
評分: 味道5   服務5   環境5   衛生5   抵食3
兩位女士正在造糯米糕, 好似中式茶果和糯米糍
兩位女士正在造糯米糕, 好似中式茶果和糯米糍
市場有不少賣醃蟹
市場有不少賣醃蟹
韓式囍慶食品
韓式囍慶食品
乾糧雜貨
乾糧雜貨
好多種類的生果
好多種類的生果
熟食攤檔
熟食攤檔
熟食區,  由於當時正是中午時分, 烈日當空, 很熱, 簡直冇胃口掃街
熟食區, 由於當時正是中午時分, 烈日當空, 很熱, 簡直冇胃口掃街
呢檔嘅魚條非常好食, 彈牙非常
呢檔嘅魚條非常好食, 彈牙非常


食完個完美嘅Brunch, 就行出去弘大的Yangtwa-ro大街乘巴士603號去廣藏市場, 巴士上有韓, 英及中文廣播提醒乘客下車, 所以下車不成問題。

廣藏市場咁出名, 真係要拜韓國節目 - Running Man所賜, 而市場售賣貨品種類繁多, 有床上用品, 衣服, 生熟食品, 乾濕貨品等, 就連工藝品都有售, 真係一處包羅萬有嘅大市場。 

由於正值1點多鐘, 烈日當空, 氣溫十分高, 整個廣藏市場又冇冷氣的,  走過熟食區, 見到炸及烤的熟食, 完全冇胃口, 但在熟食與醃蟹區之間有一檔賣魚旦魚條批發小舖, 門口有售關東煮的魚條, 大大條, 1000韓圜, 非常好食又彈牙, 我哋只幫襯此間, 跟住就向賣生果區出發........

老實說, 韓國的生果售價都幾貴, 同日本價錢差唔多, 初頭以為廣藏市場咁出名而提高市場價錢, 但現場見都幾多韓國本地人幫襯, 之前亦在超市睇過吓生果價錢, 見都算比超市平D, 就買了小梨子, 提子, 紅蘋果和西瓜, 約港幣300元, 另一半話同在香港的價錢差唔多, 不過嚟到都要親身試吓嘅......

生果食後感 :  

小梨子酸甜參半, 個人覺得台中的較好同鮮甜;

提子樣子似巨峰, 味道亦相近 - 好酸呢;

紅蘋果, 清甜爽脆, 同中國出品差唔多, 只冇日本黃林蘋果咁香;

西瓜, size比馬來西亞西瓜大, 不過我哋選了個細碼點, 非常多汁甜美, 係四種生果中最好食嘅。
 
推介項目: 食魚蛋
參觀時段: 下午
評分: 值得去4  
舒暢的一刻 笑臉2017-06-21
在東大門
在東大門


去完廣藏市場, 都只係兩點幾, 天氣都幾熱, 而且行咗四日, 成身都散哂, 真係覺得好勞累, 另一半提議話去汗蒸幕體驗吓, 馬上whatapp問香港嘅朋友, 佢就叫我去呢間易去價錢平嘅Sparex。

Sparex就在東大門Good Morning City地庫B3, 乘地鐵就在東大門歷史文化公園14號出口一出就係, 價錢非常抵, 5400韓圜, 呢個係非繁忙時間價錢, 門口幾位女職員係"阿珠媽" 年紀, 比咗套制服給客人, 我咃就分男女進入更衣室, 入更衣室前, 要把鞋子放進鞋locker, 更衣室另有locker放衣服, 由於入了更衣室後, 就不能拿出電話, 裡面亦禁拍, 我哋一路都冇攞手機出嚟影相,  所以此段相片欠奉。
 
Sparex 唔係豪華型嘅韓蒸幕, 係大眾化類型, 所以受好多韓國上了年紀的人士歡迎, 環境算乾淨, 只係拿室好舊, 感覺唔太乾淨外, 其他都OK; 沖涼係冇浴簾或間隔門的, 完全係大解放, 有花灑及坐式沖身, 旁邊有小膠盤供應, 在花灑沖涼位中央位置有三個浴池, 兩個熱嘅, 約40度, 另一個就水喉水溫度兼有按摩的浴池, 而另落一層就係大蒸房及休息室所在地, 蒸房共4個, 各個都係不同的高溫房, 冷凍室共一個, 裡面是零度, 而休息地亦以韓式古代裝修為主, 有餐廳, 價錢唔貴, 我咃買了雪糕, 都係超市價。

如果諗住小休吓, 平平地初試韓蒸幕,  可以到Sparex, 如平時享受慣豪華慣嘅, 就唔好揀呢間了!
推介項目: 睡一覺
參觀時段: 下午
入場價錢: 每人8000韓圓
評分: 值得去4  
文物同新建築融會一齊
文物同新建築融會一齊


去完汗蒸幕, 行過對面就係首爾地標 - 東大門設計廣場, 外型設計非常前衛時尚, 但當中又有歷史意義文物出土, 為咗文物及現代建築, 當然要過去謀殺吓我部相機啦!

設計廊內有售賣來自韓國及外地的設計家的物品, 眼見有文具, 玩具, 家庭用品和裝飾擺設等.....亦有定期嘅展覽, 只係要另比錢參觀, 唔買都嚟欣賞吓呢度嘅建築設計啦!
參觀時段: 下午
評分: 值得去5  
啤酒炸雞 笑臉2017-06-21
東大門分店, 現在已關了
東大門分店, 現在已關了
酸蘿蔔非常好吃
酸蘿蔔非常好吃
水果沙律, 生果很新鮮, 只是太多沙律醬
水果沙律, 生果很新鮮, 只是太多沙律醬
辣味和原味炸雞
辣味和原味炸雞
炸雞餐牌
炸雞餐牌
其他主菜餐牌
其他主菜餐牌


好快行完東大門設計廣場, 就行去two two 東大門店食炸雞,此店亦有中國籍店員為各位客人服務, 我哋叫了一客 "鴛鴦炸雞",有外皮金黃酥脆的原味炸雞和招牌為辣味炸雞兩款,店員話係呢處最有人氣嘅招牌炸雞,兩種口味嘅炸雞肉質都幾滑嫩多汁,在原味炸雞淋上Two Two炸雞獨門調配的醬料,醬汁辣中帶甜,融合雞汁與外皮的辣味,又香、又脆、又辣、都幾好吃!

港童就點了一客去骨炸雞, 但就好"鞋"口, 可能大部份都係雞胸肉吧!  另叫了一大杯啤酒, 果然同炸雞非常配合, 另外鮮果沙律裡的水果非常新鮮, 有蘋果, 梨, 提子乾, 小蕃茄及芒果, 只係沙律醬較多, 附上清爽高麗菜絲配沙律汁,爽口解油膩,
口感清爽的醃酸蘿蔔,吃起來清脆開胃,十分消暑,和其他韓國餐廳一樣都是無限供應呀!

 
每人消費: 約12000韓圓 (晚餐)
評分: 味道4   服務3   環境3   衛生4   抵食3
甜美窩夫 笑臉2017-06-21
Cafe' URP 正門
Cafe' URP 正門
Cafe' 室內環境
Cafe' 室內環境
幾位年青人負責調咖啡及整甜品
幾位年青人負責調咖啡及整甜品
美式咖啡及凍檸茶
美式咖啡及凍檸茶
原味窩夫
原味窩夫
芒果雪糕窩夫
芒果雪糕窩夫


在民宿一出門轉右邊行至街尾, 見到呢間cafe', 最吸引我哋係門口張大banner, 有個好靚嘅士多啤梨雪糕窩夫作招牌, 我哋就入去早餐+午餐了。

cafe'裝修好有書卷味, 整間Cafe' 面積細細但有好多書及雜誌襯托著, 感覺優閒舒適; 當日裡面嘅職員只有3名, 3位都似是90後的年青小伙子, 我點餐時他們都不能簡單會答我, 只能yes or no, 唔緊要啦, 最緊要佢哋都非常有禮貌, 由於6,7月已不是士多啤梨產期, 所以自然令我哋有點失望, 佢指住另一幅芒果窩夫的相片, 示意叫我哋order呢款, 好, 反正我家都是芒果迷, 好可惜, 佢哋又同我講唔夠芒果給我做窩夫, 但會用其他嘢補償云云..... 最後原來係.......

我哋叫了如下飲食 :

1) 原味窩夫和芒果窩夫 : 份量好大, 很脆, 芒果因不夠, 店員送了兩個大雪糕球, 變成芒果雪糕窩夫,     芒果較酸, 雪糕配窩夫當然係最夾啦;

2) 美式涷咖啡, 冇特別之處;

3) 涷檸茶, 以解喝之用

窩夫雖然大大件, 雪糕好好味, 不過窩夫仲未達到好脆口嘅水準, 有可改善的空間。

 
推介菜式: 窩夫
每人消費: 約9000韓圓 (早餐)
評分: 味道5   服務5   環境5   衛生5   抵食4
合井 Mecenatpolis Mall 內
合井 Mecenatpolis Mall 內
合井 Mecenatpolis Mall 內佈置
合井 Mecenatpolis Mall 內佈置
合井Homeplus 超市
合井Homeplus 超市
超市內有好多不同種類的沙律菜, 好新鮮
超市內有好多不同種類的沙律菜, 好新鮮
蘋果很新鮮
蘋果很新鮮
今次韓國之旅最好味的生果就係西瓜
今次韓國之旅最好味的生果就係西瓜
合井Homeplus 在Mecenatpoils Mall 地庫
合井Homeplus 在Mecenatpoils Mall 地庫


食完窩夫飽飽哋, 由弘大慢慢散步到合井, 一條直路, 好好行, 約慢行20分鍾就到, 當然就係去合井Homeplus 超市掃貨啦!

Mecenatpolis Mall 除了包含Homeplus 呢個大品牌超市外, 仲有好多時裝連鎖店, 家品店及食店, 另外亦有樂天影院, 室內以店舖為主, 室外型造成一個優閒花園, 小朋友可暢懷遊玩, 旁邊當然以食店咖啡店為主, 很適合家庭消閒。

Homeplus 就在Mecenatpolis Mall 地庫, 面積都幾大, 包含超市同小型food court, 最開心係買到最愛嘅生果及零食, 大家買得好開心。
推介項目: Homeplus 超市購物
參觀時段: 下午
評分: 值得去5  
炸豬排冷麵定食, 6000韓圜
炸豬排冷麵定食, 6000韓圜
海鮮湯麵5000韓圜, 唔貴
海鮮湯麵5000韓圜, 唔貴
Homeplus的food court 唔係好大, 只得6間食店
Homeplus的food court 唔係好大, 只得6間食店


買完手信, Homeplus 超市旁邊係一個小型food court, 只有6間小食店, 以韓日式為主, 我哋見門口的食物模型同價錢好吸引, 就入去試吓。

我哋各自點了自己嘅選擇如下:

1) 炸豬排喬麥冷面定食, 6000韓圜, 唔錯, 喬麥冷麵好多, 炸豬排很脆;

2) 海鮮湯麵 X 2 , 5000韓圜/碗, 有蝦及扇貝, 亦有蔬菜 , 蝦雖然不大隻但很新鮮, 味道OK。

總括來說, 呢處食嘢係今次旅程最平的, 但又唔差, 滿意! 
每人消費: 約5000韓圓 (午餐)
評分: 味道4   服務4   環境4   衛生4   抵食5
整條街的建築都充滿著東洋風味
整條街的建築都充滿著東洋風味
小店門面設計特別
小店門面設計特別
周圍有好多特式小食店
周圍有好多特式小食店
 好得意的壽司店, 連泊在門前的車都有壽司作裝飾
好得意的壽司店, 連泊在門前的車都有壽司作裝飾


在Homeplus 食完嘢, 行出嚟, 天色唔太好, 快步由Mecenatpoils Mall 行去對面上水區方向, 經過了渣打銀行轉入內街, 又係另一美食天地。

由於走了不到10分鐘已下大雨, 有傘都不能再走了, 唯有就企在街角欣賞上水區內街的特式小食店, 這裡的食店都有自家的門面設計, 令人目不睱及, 真係要多謝天降大雨, 令我這怱忙的都市人有閒情注足細味每間特式小店的設計, 來這裡要慢走同影相呀! 很有味道呢!
參觀時段: 下午
評分: 值得去5  
八種不同味道的五花腩, 一排小碟上, 出場好有氣勢
八種不同味道的五花腩, 一排小碟上, 出場好有氣勢
除八小碟五花腩, 蔬菜出場都好宏偉
除八小碟五花腩, 蔬菜出場都好宏偉
八種味道的五花腩, 各有特式, 好好食
八種味道的五花腩, 各有特式, 好好食
店員會為客人把五花腩剪開, 放在鐵板上, 旁邊放埋芽菜
店員會為客人把五花腩剪開, 放在鐵板上, 旁邊放埋芽菜
店員久唔久走嚟同客人煎吓D五花腩, OK就會再剪細叫客人品嘗
店員久唔久走嚟同客人煎吓D五花腩, OK就會再剪細叫客人品嘗
用粗牙簽插著的白蘿蔔, 唔係比客人燒嚟食, 係用嚟把鐵板擦乾淨
用粗牙簽插著的白蘿蔔, 唔係比客人燒嚟食, 係用嚟把鐵板擦乾淨
呢個湯比在弘大食豚肉的火鍋更辣
呢個湯比在弘大食豚肉的火鍋更辣


店内的招牌是8种不同味道的五花肉(大蒜、葡萄酒、松叶、香草、咖喱、大酱辣椒酱高丽人参)。店員話選用韓国產的新鲜生肉,品質绝對有保证。果然五花肉的肉質超爽, 肉味香, 肉味完全冇比以上八種調味覆蓋, 港童同另一半都食到豎起大姆指呢!

五花腩各種味道都有其特色, 仲好好味外, 我哋好欣賞此店的卓頭, order完畢, 馬上把一排八小碟五花腩擺上, 每隔都有肉的調味資料, 而上蔬菜時亦大堆頭, 一大籃菜是作包裹著燒好的肉食用, 當上大盤湯時, 見湯清澈, 所以未有要求走"辣", 點知就出事了, 呢個湯後來越煮越紅, 更越煮越辣, 湯裡的海鮮有蝦及青口, 但太辣了, 真係吃不消了

我哋所選的是 八色燒肉套餐, 大致供2-3人, 35000韓圜, 份量剛剛好, 蔬菜係冇限添加, 此套餐係冇包含白飯, 如要就要另加錢。
推介菜式: 八式燒肉
每人消費: 約11666韓圓 (晚餐)
評分: 味道5   服務4   環境4   衛生4   抵食4
雪糕並不太甜, 味道清新天然
雪糕並不太甜, 味道清新天然


昭福的冰淇淋是為了追求健康與美味crossover而成,強調没有添加色素、人工调味剂等化学物質。用玄米、白米、豆、南瓜、柿子、糖稀等天然材料,走純自然路線。

昭福的招牌冰淇淋,用玄米、豆、牛奶做出来的雪糕口感很濃郁香甜, 最吸引人的是插在雪糕旁邊的那朵白色的雛菊,點缀在旁的有香軟的豆粉雪球、甜糯的南瓜、香甜可口的蜂巢,仲有香脆的堅果以中和甘甜的味道,口感層次非常豐富,而且還夠兩人享用,非常啱情侶拍拖一齊食。
每人消費: 約5200韓圓
評分: 味道5   服務5   環境5   衛生5   抵食3
餐廳門口
餐廳門口
餐廳外的佈景
餐廳外的佈景
餐廳內
餐廳內
餐廳內的Hello Kitty 場景
餐廳內的Hello Kitty 場景
餐廳內的Hello Kitty 睡房場景
餐廳內的Hello Kitty 睡房場景
Tiramisu 非常唔好食
Tiramisu 非常唔好食
十多啤梨蛋糕仲難食
十多啤梨蛋糕仲難食
調味料擺放處
調味料擺放處


Hello Kitty Cafe' 就在弘大八色燒肉隔離, Cafe' 位於一間大宅內, 有好多大樹圍繞, 如冇招牌就真係好難搵。

在大雨及隱蔽的林蔭下, 無意間見到Hello Kitty 小招牌, Cafe'外的小花園有很多影相位及布景, 而室內的的場景位亦標緻可愛, 有Hello Kitty大廳同睡房

唔幫襯都可以在餐廳影相的, 但一場來到, 當然小試其餅食, 叫了士多啤梨蛋糕(10,000韓圓),  個蛋糕應該雪了太久, 蛋糕嘅質感已變了硬, 那片士多啤梨外層, 太甜了, 非常差嘅出品, 簡直不能下嚥, 至於Tirmisu (10,000韓圓)稍為可以入口, 但都不新鮮, 亦都是雪了太久的主因, 在咁靚嘅主題餐廳吃難食的甜品, 好失望囉!
每人消費: 約5000韓圓 (宵夜)
評分: 味道2   服務4   環境5   衛生5   抵食4
弘大很多小商店, 全部都非常迎合年青人
弘大很多小商店, 全部都非常迎合年青人
弘大是越夜越精彩
弘大是越夜越精彩
弘大的街邊檔, 煎魚條都係廣藏市場好食D
弘大的街邊檔, 煎魚條都係廣藏市場好食D


弘大是一個非常年青嘅社區, 在此地走走, 令人都 "後生"D, 在弘大有很多小店及小餐廳, 大部份都是非常合年青人style, 衣履鞋襪及飾物全部都屬潮流尖端, 餐館都是年青一代的聚腳點, 由於很多年青人都係學生哥, 在此消費都不是太貴, 非常推薦在弘大住宿。
參觀時段: 晚間
評分: 值得去5  
在派出所旁邊, 旁晚才開店
在派出所旁邊, 旁晚才開店
室內以美式為主打裝修, 好多美國歌星黑膠碟
室內以美式為主打裝修, 好多美國歌星黑膠碟
餐廳佈很多懷舊物
餐廳佈很多懷舊物
熱狗+薯條+忌廉湯
熱狗+薯條+忌廉湯
正
正
正
正


行完弘大, 已累到不得了, 港童又嚷著要去近民宿那間熱狗店。

由於仲係好飽, 所以只叫少少試吓味:

1) 雙層芝士熱狗, 4500韓圜, 味道好豐富, 醬汁帶起整個熱狗的味道, size都算大;

2) 芝士薯條, 3500韓圜,不醮茄汁而是沾芝士醬,香脆的薯條+芝士醬,真的好好味;

3) 忌廉湯, 2500韓圜,不太濃,湯有很多麵包粒,好飽肚啊!

完滿地完成整個重遊首爾的旅程,總結後旅費用如下:

1)來回首爾連稅包行李X 3 HK$4578;

2)唱錢HK$2000;

3)This is Guesthouse 5晚3人房 : HK$2305;

4)   食, 買及交通 : HK$8000

合共HK$16883, 平均每人約HK$5628。
每人消費: 約3150韓圓 (宵夜)
評分: 味道5   服務3   環境4   衛生4   抵食3
  2 個留言    |  加入你的留言
周遊遊
6篇遊記
又來首爾hea住玩7日遊 (韓國)
(旅程日期: 2016-10-28 至 2016-11-03 ,  旅程性質: 飲食購物, 消閒度假)
 整個旅程  (共6篇遊記)
 分享至Facebook 
發表日期: 2016-11-17
Day 6 & 7, 寫埋呢編就寫完今次既行程了!
Day 6
今日比較早起身因為最後一日, 想早D去明洞買返早幾日買唔到既雪花秀, 今日終於可以食到早餐, 唔洗講一定係食ISSAC, 又平又好食, 點解香港無呢D架?? 
食完去明洞喇, 去樂天商場買返雪花秀,果然係要早來先買到, 買完就行明洞, 午餐就揀左食炒辣雞, 食完行多陣就去東大門行下, 因為好耐無行過東大門了, 以從第一次去韓國行過之後都無再去過, 行行下發現原來果間 DOOTA商場開左幢DUTY FREE, 所以就去行下, 我地又最高層慢慢掃落黎, 又無咩人又幾好行喎, 如果要買手信都係一個幾好既選擇, 一路落到好似3,4樓左右, 原來有個太陽的後裔拍攝場景, FANS門應該會鍾意, 我雖然無睇呢套戲但都有同隻公仔影下相, 行完行多陣東大門其他平價商場就去新村食烤肉喇, 因為來到韓國唔食返多D烤肉好似唔似來左韓國, 我地去新村一間都有好多人提既烤肉, 我地叫左豬肉片,豬肩肉,豬皮,仲有7分鐘泡菜豬肉煱,果然係好好味!!食完就返酒店整理行理準備明天走LU!
DAY 7
無咩特別, 起身酒店CHECK-OUT就坐巴士去機場, 係酒店行去巴士站大約8分鐘, 去到攪埋退稅, 行多陣就上機, 返香港, 嘩咁快7日就完成左!

去韓國前幾次都係坐HK EXPRESS,我都係買平機票先去, 雖然係廉航, 但我每次都會加錢坐第一排所以都OK, 但佢比CX準時, 因為今次出發及返來都有DELAY, 時間唔長30-45MINS, 但作為咁大間公司應該檢討下運作!!
最後大家記住買上網咭唔好買果張環球8日/5GB, 成日都收唔到架!!下次再同大家分享!!
其實去過咁多次我都仲有好多食店想推薦比大家, 但唔知可以點樣加上來, 因為唔係今次遊記內, 唔知可否開一個新既主題, 我研究下先!!

 
兩份三文治+杯咖啡
兩份三文治+杯咖啡

來到韓國點都要食下ISSAC, 三文治多款揀, 仲要又平又好食, 相信好多人都知, 所以我都唔多介紹喇, 不過咖啡就麻麻地, 食完去STARBUCK買會好D

推介菜式: 三文治
每人消費: 約30港元 (早餐)
評分: 味道5   服務4   環境3   衛生4   抵食5
豬皮
豬皮
豬肉片
豬肉片
7分鐘泡菜豬肉
7分鐘泡菜豬肉
新村一間都有好多人提既烤肉, 行到去看似普通既烤肉店, 但因為好多人介紹所以都試下啦! 我地叫左豬肉片,豬肩肉,豬皮,仲有7分鐘泡菜豬肉煱, 每一樣都好好味, 我特別喜愛個豬皮,好味之餘口感亦幾好, 好似依家D人所講好QQ, 老婆就鐘意個7分鐘泡菜豬肉煱, 點降係7分鐘, 因為佢地話真係只煮7分鐘,煮太耐會韌, 個煱會間一大碗白飯和紫菜, 少見老婆會食咁多飯, 因為撈埋一起食真係好好味, 好彩係韓國最尾一餐都試到間餐廳!!
推介菜式: 豬皮, 7分鐘豬肉煱
每人消費: 約120港元 (晚餐)
評分: 味道5   服務4   環境4   衛生4   抵食5
  0 個留言    |  加入你的留言
周遊遊
6篇遊記
又來首爾hea住玩7日遊 (韓國)
(旅程日期: 2016-10-28 至 2016-11-03 ,  旅程性質: 飲食購物, 消閒度假)
 整個旅程  (共6篇遊記)
 分享至Facebook 
發表日期: 2016-11-15
Day 5 今日主要去未去過既樂天WORLD行下!
今日第一餐要食部隊煱,來到韓國點可以會食返次呢?? 我地就行去梨大站有間有好耐歷史的部隊煱, 我就覺得呢間好好食同埋好平, 一個煱一百蚊港幣都唔洗, 食飽飽就出發去樂天WORLD行下, 係朁室站出, 原來入面都好大, 有樂天商場, FOOD COURT, 超市, 樂天WORLD, 本來諗住去樂天商場免稅店買返雪花秀, 但去到問人先知原來已經無左DUTY FREE, 咁唯有明天返去明洞先買啦!! 周圍行其實都好大有排行, 去到樂天WORLD要俾入場費, 4點後要2百幾蚊, 但因為老婆唔玩機動遊戲又想多D時間周圍行, 所以無入場喇, 但係如果你地有小朋友一家大細, 我都建議可以來呢度, 因為真係可以行全日, 唔入場我地就去超市行下, 呢度比首爾站少好多人, 但係就少野買D, 只係買左少少野就走喇, 返去酒店放低D野就去食飯餐喇!
今晚食我每次來韓國都會食既~孔陵一隻雞, 呢間鋪係酒店附近2分鐘路程, 我地兩個人叫一隻雞加一分馬鈴薯, 阿豬媽會幫你隻雞分屍, 然後叫你等10分鐘先好食, D雞好嫩好滑, 個汁酸酸地好惹味, 食完會問你地要唔要加面同加飯, 如果唔夠飽先加個面, 但最後一定一定一定要加飯, 因為成餐飯個主角返而係過飯, 佢地會將個飯倒落D湯度煮個粥, 加紫菜加雞蛋, 煮好後超好味!!食完就返酒店早D休息, 因為想明天早D起身去明洞買雪花秀 
梨大部隊煱 笑臉2016-11-15
部隊煱,又平又好味
部隊煱,又平又好味
梨大站有間有好耐歷史的部隊煱, 我就覺得呢間好好食同埋好平, 一個煱一百蚊港幣都唔洗, 雖然只係普通既魚旦,餐肉,腸仔,午餐肉, 公仔面, 但就好好食!

因為1月份已經來過,所以今次沒有影太多相, 下次搵返D相再POST出來
推介菜式: 部隊煱
每人消費: 約50港元 (午餐)
評分: 味道5   服務4   環境3   衛生4   抵食5
一隻雞
一隻雞
 我地兩個人叫一隻雞加一分馬鈴薯, 阿豬媽會幫你隻雞分屍, 然後叫你等10分鐘先好食, D雞好嫩好滑, 個汁酸酸地好惹味, 食完會問你地要唔要加面同加飯, 如果唔夠飽先加個面, 但最後一定一定一定要加飯, 因為成餐飯個主角返而係過飯, 佢地會將個飯倒落D湯度煮個粥, 加紫菜加雞蛋, 煮好後超好味!!
推介菜式: 孔陵一隻雞
每人消費: 約80港元 (晚餐)
評分: 味道5   服務4   環境4   衛生4   抵食5
  0 個留言    |  加入你的留言
周遊遊
6篇遊記
又來首爾hea住玩7日遊 (韓國)
(旅程日期: 2016-10-28 至 2016-11-03 ,  旅程性質: 飲食購物, 消閒度假)
 整個旅程  (共6篇遊記)
 分享至Facebook 
發表日期: 2016-11-12
Day 4: 今次有間特別既餐廳推介
HEA 遊就係有呢個好處, 鍾意幾點起身都得又唔會趕行程, 唔洗攪到去旅行仲辛苦過返工咁!今日去新沙洞林蔭大道行, 第一餐去食烈鳳燉雞, 之前一直都想試今次終於有機會了, MENU好簡單, 因為只有:有骨/無骨, 大/中/小, 幾多辣, 咩粉面, 睇落好似好普通, 但原來超好味, 我地揀左無骨小份小辣, D雞好入味, D面連埋汁又好好味, 又列入我下次必食既名單入面喇!!
食完就正式行下林蔭大道, 但其實都無咩睇, D野普遍都貴D, 有D CAFE都幾特別幾靚, 但我地就無入去喇!! 跟住就去朝下聖-LINE SHOP, 但今次去好似少左好多野睇, 本來諗住貫PASSPORT CASE但都只係得兩款, 所以影完相就走喇! 跟住去下一站, 專登來論蜆站只係為左食個晚餐!!
係韓國烤肉,煱類周街都係,但海螺煲又有幾多人食過??  呢間海螺煲之前食個覺得好好味又好特別, 個老闆又超NICE, 上次食知你係遊客又送面又送魚旦, 賣單走時仲送左一袋禮物, 有護手箱,牙膏牙刷,暖包..今年1月同成班專登去搵佢點知搬左, 上網搵左好耐先知搬左去論蜆站, 所以專登去搵下, 好彩真係係度, 但間鋪就好細同埋唔起眼, 有D唔明白果時佢係地下細鋪搬上2樓大鋪仲要成人滿座, 而係韓國D BLOG又有好多好評, 點解會搬返咁細呢?? ANYWAY食品質素無下降到, 我地叫左個中煱, 有好多隻螺, 個湯好清甜加上少少胡椒味, 同埋上網話螺有豐富骨膠原, 食多D飲多D湯皮膚會靚,食完都已經好飽連個面都食唔到!! 今次老闆送左碟醬油蝦俾我, 係韓國從來無食過因為老婆唔食得蝦蟹,會敏感! 第一次食覺得幾特別幾好味, 睇下餐牌原來要成$100港幣一碟, 下次再來佢唔送我都會點!!食完同老闆傾幾句就返酒店喇! 
 
貼在檯上既介紹
貼在檯上既介紹
無骨小辣燉雞
無骨小辣燉雞
烈鳳燉雞, 之前一直都想試今次終於有機會了, MENU好簡單, 因為只有:有骨/無骨, 大/中/小, 幾多辣, 咩粉面, 睇落好似好普通, 但原來超好味, 我地揀左無骨小份小辣, 但都有少少辣, 下次來要叫中辣先, 來到看似普通料, 但食落D雞好入味, D面連埋汁又好好味, 加埋D雞無骨食得特別爽, 又列入我下次必食既名單入面喇!!


推介菜式: 雞
每人消費: 約110港元 (午餐)
評分: 味道5   服務4   環境5   衛生5   抵食4
正門
正門
MENU
MENU
MENU,名,網址, 但個網址經常上唔到
MENU,名,網址, 但個網址經常上唔到
海螺煲
海螺煲
MENU
MENU
點解係終於搵返, 因為年頭1月去左建大諗住食佢, 點知搬左, 上網又無任何BLOG介紹佢, 有都已經係係建大個地址, 留言佢FACEBOOK又無覆, 於是返到香港上網周圍搵, 最後係D韓文BLOG度見到有介紹, 所以都係碰下運氣, 去到好彩真係係度
我地叫左個中煱, 有好多隻螺, 個湯好清甜加上少少胡椒味, 同埋上網話螺有豐富骨膠原, 食多D飲多D湯皮膚會靚,食完都已經好飽連個面都食唔到!! 今次老闆送左碟醬油蝦俾我, 老闆好好人, 知你係遊客會好好客, 上年就送左一大袋日常用品俾我地!! PS: 我唔敢包次次去都有野送, 所以唔保證, 但如果係同佢專登來搵佢, 佢就會好開心, 應該都會有野送掛!!

每人消費: 約150港元 (晚餐)
評分: 味道4   服務5   環境3   衛生4   抵食4
  0 個留言    |  加入你的留言
周遊遊
6篇遊記
又來首爾hea住玩7日遊 (韓國)
(旅程日期: 2016-10-28 至 2016-11-03 ,  旅程性質: 飲食購物, 消閒度假)
 整個旅程  (共6篇遊記)
 分享至Facebook 
發表日期: 2016-11-10
DAY 3:
又係瞓到11點幾, 今次地點明洞, 坐地鐵去乙支路站出,因為唔係轉車及要先到樂天百貨免稅店買雪花秀,我就唔識,但老婆話平過香港好多, 去到先知已經搬左上12樓, 大家留意喇! 照例老婆慢慢揀,我去掛隊先, 因為任何時間都實有強國人係度掃貨, 排左一陣老婆過來話唔洗排, 因為我地想買果D都已經賣哂, 咁唯有過兩日早D起身過來啦!!
跟住就去行明洞先去食返上次1月食過既馬鈴薯排骨湯, 兩個叫一煱(細)+海鮮煎餅, 今次食覺得D排骨唔夠入味,但個湯仍然幾好味!! 但個煎餅就普通D,仲要成HK$80好似好唔抵!!
食完就行下明洞, 都係行下睇下化妝品啦!! 行完就返酒店放低D野行去新村食八色烤肉!!
我地叫左個套餐,有哂8款烤肉+1個泡菜豆腐湯, 係呢度食有樣好, 唔洗自己燒, 店員會幫你燒埋, 呢間我地每一次來都會食一次,唔咁講好好食,但唔食又好似欠緊D野, 加上新村呢間鋪有個開鋪到依家既日子牌,每次來都同老婆影一張, 睇睇日子相隔左幾多日,都可以當係一種回憶!!
其實個餐應該4個人先啱, 因為份量太多真係食唔哂!! 食到飽一飽就行出去大馬路間SNOOPY睇下鞋及下面超市行下!! 個超市就細D但無咩人, 不個都係樂天果個多野買D!行完返酒店
排骨土豆湯
排骨土豆湯
海鮮煎餅
海鮮煎餅
今年1月份我帶左成11人黎首爾, 成個行程都係我安排, 當時係全年最凍, 氣溫負廿幾度, 去到明洞揀左呢間食,仲要係門口排隊個個都凍到縮下縮下, 所以印象特別深刻 食完成個人暖哂, 仲要個個都話好好食, 我地都認定下次一定要再來!!
所以今次再返來食,是午餐, 叫左個小煱+海鮮餅, 今次食就覺得好似唔夠入味, 但D湯都好濃味好好味, 唔知係依家無咁凍沒有上次飢寒交迫既感覺,還是要到夜晚先會入味D呢?? 但都值得來食!
反而個海鮮煎餅無咩特別, 可以唔食!!
推介菜式: 排骨土豆湯
每人消費: 約120港元 (午餐)
評分: 味道4   服務3   環境3   衛生3   抵食4
八色烤肉套餐
八色烤肉套餐
我地叫左個套餐,有哂8款烤肉+1個泡菜豆腐湯, 係呢度食有樣好, 唔洗自己燒, 店員會幫你燒埋, 呢間我地每一次來都會食一次,唔咁講好好食,但唔食又好似欠緊D野, 加上新村呢間鋪有個開鋪到依家既日子牌,每次來都同老婆影一張, 睇睇日子相隔左幾多日,都可以當係一種回憶!!
推介菜式: 八色烤肉,泡菜豆腐湯
每人消費: 約150港元 (晚餐)
評分: 味道4   服務3   環境4   衛生3   抵食4
  0 個留言    |  加入你的留言
周遊遊
6篇遊記
又來首爾hea住玩7日遊 (韓國)
(旅程日期: 2016-10-28 至 2016-11-03 ,  旅程性質: 飲食購物, 消閒度假)
 整個旅程  (共6篇遊記)
 分享至Facebook 
發表日期: 2016-11-10
Day 2: 今日行弘大,話明HEA遊所以瞓到成11點幾先起身,出門都成1點喇! 跟住係酒店行去弘大,買杯STARBUCK慢慢飲慢慢行周圍睇下野,天氣涼涼地好舒服, 行到去近弘大發現原來都有好多特色小鋪, 之前次次坐車去都唔會經過呢D街, 所以如果大家有時間可以慢慢行下, 行左大概30分鐘就到弘大車站(如果正常步伐應該20分鐘就到), 去到先去弘大站3號出口附近間TRAVEL DEPOT唱錢先, 因為昨天係超市差不多洗哂,個RATE當然無明洞咁好, 但我地唔係唱得多, 如果專登去明洞,車錢時間都係返度啦!!


唱完錢返去食我地既午餐-福罔漢堡烤肉,點知CLOSE左,晚市要5點先開始, (所以大家要注意時間喇!),咁就周圍行下隨便搵間CAFE坐下飲杯野食件CAKE,因為無咩特別所以無影相喇! 食完行到夠鐘就去我地想食既福罔漢堡, 坐低叫個2人套餐, 2份漢堡扖加蒜片加雞蛋+1份沙律+2杯飲品!!D野食好好味烤完加片蒜片一起食~正, 跟住一下個沙律,原來個沙律底下有冷面加埋D汁酸酸甜甜又係好好味,食完個扖都忍唔住食埋個面, 食到好飽 非常值得推介!
跟住都係周圍行下睇野,可能近萬聖節條街都好多人又係好多人扮鬼,好好FEEL!
行完差不多走發現有跟賣芝士蛋糕鋪頭好多人排隊, 香港人心態去八下, 老婆先話係網上有好多人講過,所以我地都排埋一份,佢地即做,賣完一底要等下一底, 但都係只等左十幾分鐘!買返酒店食再叫個橋村炸雞, 呢個宵夜又係飽死!!好今日完喇!!
門面
門面
路線
路線
如果要去弘大又無錢, 呢間係唔錯選擇, 個RATE係無明洞大使館咁靚, 但後來比較返都唔係差好多, 如果專登搭車去明洞唱, 車錢同時間都係返度啦!! (如果係唱得多成,要唱1,2萬港幣以上另計)
推介項目: 找換店
評分: 值得去4  
介紹食法
介紹食法
正
漢堡扖
漢堡扖
值得推介!!
係網上睇得多,今次尊登去弘大食, 叫左個2人套餐 :2份漢堡扖加蒜片加雞蛋+1份沙律+2杯飲品!!D野食好好味烤完加片蒜片一起食~正, 跟住一下個沙律,原來個沙律底下有冷面加埋D汁酸酸甜甜又係好好味,食完個扖都忍唔住食埋個面, 食到好飽(搵唔返餐牌張相, 遲D搵到後補)

PS: 有落場時間做完午市會休息, 晚市5點先開始
推介菜式: 漢堡扖加蒜片
每人消費: 約120港元 (晚餐)
評分: 味道5   服務4   環境4   衛生4   抵食4
有幾款俾你揀
有幾款俾你揀
一底分開幾件賣, 唔係話好正但應該都要試一次
一底分開幾件賣, 唔係話好正但應該都要試一次
行完差不多走發現有跟賣芝士蛋糕鋪頭好多人排隊, 香港人心態去八下, 老婆先話係網上有好多人講過,所以我地都排埋一份,但最好笑係佢地寫住MADE IN TAIWAN, 我又係差不多一年去一次台北但都未見過,佢地即做,賣完一底要等下一底, 但都係只等左十幾分鐘!我要了件CHEESE 7000W, 不過好大件, 最後我地都分左兩日食, 因為酒店房有微波爐可以叮返熱! 
唔係話好好味, 但我覺得點都要試一試 
推介菜式: 芝士蛋糕
每人消費: 約50港元 (其他)
評分: 味道4   服務4   環境4   衛生4   抵食4
  0 個留言    |  加入你的留言
周遊遊
6篇遊記
又來首爾hea住玩7日遊 (韓國)
(旅程日期: 2016-10-28 至 2016-11-03 ,  旅程性質: 飲食購物, 消閒度假)
 整個旅程  (共6篇遊記)
 分享至Facebook 
發表日期: 2016-11-09
新手寫遊記,自從登記左OPENRICE開始寫下食評,今次更是第一次係呢度寫遊記,記錄下開心既回憶及分享俾大家知多D好的餐廳地方
首爾一個幾熟悉的地方,第一次去係渡蜜月,從此鍾意左呢度,每年最少去一次,有時兩次

首先寫整個行程跟住再逐日介紹:

機票: 今次坐國泰用ASIA MILES兌換,只需俾稅,兩人大概$950
酒店: 新村Ever8服務式公寓, 6晚大約$4200 (呢間酒店住左4次喇)
上網咭: 因出發前比較忙,出發前一日先去鴨記買左張(環球8/5GB)$140, 但中伏

DAY 1:仁川機場->酒店CHECK-IN->午餐本粥->梨大->晚餐汝矣渡口夜市->首爾站樂天->宵夜炸雞
DAY 2: 酒店行去弘大->午餐(CAFE)->晚餐福岡漢堡烤肉->回酒店->炸雞
DAY 3: 明洞->午餐馬鈴薯排骨湯->酒店->行去新村食晚餐八色烤肉
DAY 4: 新沙洞林蔭道->午餐烈鳳->晚餐論蜆站海螺煲
DAY 5: 梨大部隊煱->樂天WORLD->新村->晚餐梨大(孔陵一隻雞)
DAY 6: 梨大ISSAC->明洞->午餐柳家抄辣雞->東大門->晚餐新村烤肉
DAY 7: 酒店CHECK-OUT->仁川機場
先介紹大概行程,跟住會每日再講細節及介紹餐廳,今次食左幾間都非常值得推介! 
DAY 1: 香港機場坐CX ->去仁川->仁川機場5號出口坐6002巴士,先要係右手邊櫃位買票先每人10000W, 同職員講(衣嗲-即係梨大), 好快就有巴士,但提提大家首爾既巴士係幾焗架,大約50分鐘到達新村第二站,落車行去酒店大約5分鐘, CHECK-IN上房抖一抖就去食野先, 第一餐唔算好餓所以揀左食本粥,食完係梨大行一陣就去首爾一個夜市,但呢個夜市好似只開到10月30日,所以我地第一日就去呢度!
地點係汝矣渡口站步行10分鐘, 大家去前請先CHECK CHECK幾時開返,因為都好多野食值得去下! 
因為當晚實在太凍,所以食完就即走,坐返地鐵去首爾站行一定要去的樂天超市! 
去樂天超市掃完貨就返酒店喇!! (提提大家係樂天超市買野要退稅要排6號後COUNTER)
返到酒店就叫炸雞食, 今日就完喇!! 
新村Ever8服務式公寓,地點非常好,在梨大商圈一落街行前少少就係中心, 徒步行去新村及弘大都得,我和太太都係咁行, 酒店夠大,有冷氣,暖氣設備, 有洗衣機, 都清潔衛生,服務態度很好,夜晚仲可以幫你叫炸雞,他們已有兩張MENU, 橋村及NANA炸雞,今次去有埋中/英文,好方便ORDER
每晚價錢: 700港元 (雙人房)
其他消費: 0
評分: 設備4   服務5   環境4   衛生4   抵住5
蠔仔紫菜粥
蠔仔紫菜粥
鮑魚粥
鮑魚粥
本粥,每次來都要最少食一次,因為真係幾好味,款式又多加埋佢地既泡菜同豬肉條真係好味!
佢地好似招牌係鮑魚粥,仲分普通,一倍及兩倍份量, 我試過普通及一倍分份量其實差唔多,大家想試,食普通份量OK喇!! 但本人覺得其他款好食過鮑魚粥
推介菜式: 蠔仔紫菜粥
每人消費: 約100港元 (午餐)
評分: 味道4   服務4   環境3   衛生4   抵食3
好多車仔檔,真係一架架VAN仔車賣野食
好多車仔檔,真係一架架VAN仔車賣野食
之前有套西片介紹個大廚周圍去賣三文治
之前有套西片介紹個大廚周圍去賣三文治
呢檔係火焰牛柳
呢檔係火焰牛柳
在網上發顯呢個夜市,所以專登去行下,因為去咁多次韓國都唔知有呢個地方,只可惜好似做到30/10, 大家去時要CHECK下!! 主要分兩邊, 一邊食野,一邊賣D小手作,但目測D人主要都係食野,好多野食,但因為掛住食同埋當晚都幾凍,可能近江邊D風吹埋黎都好凍, 但發覺D韓國人好醒,佢地會拎毛毯出街,見佢地好多人都披住
每人消費: 約250港元 (晚餐)
評分: 味道4   服務3   環境3   衛生3   抵食3
  0 個留言    |  加入你的留言
Bigfeet
2篇遊記
走出首爾>京畿道>敗走"龍門山"@楊平 (韓國)
(旅程日期: 2016-08-13 至 2016-08-14 ,  旅程性質: 消閒度假)
 整個旅程  (共1篇遊記)
 分享至Facebook 
發表日期: 2016-08-22
韓國光復節係8.15, 係從日治政府手中奪回韓國
今年好彩連星期六日, 變相有3日連假。根據韓國人特性, 有長連假一定會出遊(3日連假對韓國人黎講係長, 韓國打工一族gea假期係極之珍貴)

連假第一日我地就出發到楊平去, 呢個地方可能大部份香港人都未必知, 我都係最近知道。
我地一般都只知道春川, 加平, 南怡島等......楊平好少遊客會搵到, 加上網上楊平資料唔多。
我都係冇意中搵果度有間龍門寺同復古美術館, 又名青春美術館, 所以決定一日楊平,一日春川(其實位置係一上一下)
坐地鐵去到龍門站(係上鳳站轉京義中央綫, 坐到最後一站), 再轉村巴到龍門觀光地, 足足坐2個多鐘

一到埗, 我地就走搵食, 去左間KBS生生情報通有介紹過的韓食堂
韓食堂 – 有好多韓國人幫襯呢間, 我諗可能因為附近難搵食

食飽之後, 我地去左隔離間青春美術館, 基本上係入面大概花2個幾鐘影相
之後再去龍門寺, 由美術館過去, 可謂一頭一尾......慢走太約30分鐘左右

原本可以係龍門寺留耐d, 但我老公突然好舒服, 唯有提早去度假屋
第二日gea春川之行都要取消, 提早返歸






 
正
正
我地點山菜拌飯定食 – 係有勁多拌菜, 而且可以食完再加…hehehe
感覺比較健康gea山菜拌飯, 價錢7000won。另外再叫多個煎餅, 價錢約10000won

 

每人消費: 約12000韓圓 (午餐)
評分: 味道4   服務4   環境4   衛生4   抵食4
開車的話, 很容易見到個大招牌
開車的話, 很容易見到個大招牌
呢個就係正門, 係側邊
呢個就係正門, 係側邊
裡面有唔少舊時gea遊戲機
裡面有唔少舊時gea遊戲機
其中一場館, 課室...應該岩d鐘意參觀大學gea遊客
其中一場館, 課室...應該岩d鐘意參觀大學gea遊客
售票處
售票處
韓國gea浴場
韓國gea浴場
韓國gea浴場
韓國gea浴場
呢d係以前韓國人玩gea遊戲, 我理解唔到
呢d係以前韓國人玩gea遊戲, 我理解唔到

我覺得應該懷舊館, 好多野都係之前韓國gea東西, 雖然唔係韓國舊時人, 但我一樣都可以儘情玩, 甚至比我老公更享受其中……應該係我唔理解, 所以先敢亂黎; 但我老公就似係懷緬過去多d

如果係開車過去, 一過龍門觀光園地門牌就會見到
真係樣衰得黎好抵死

青春美術館正門係係旁門

有少少簡陋gea售票處
大人- 6000won
小人- 5000won (諗左陣先知小人係指小童..hahaha)

 

參觀時段: 下午
入場價錢: 每人6000韓圓
評分: 值得去5  
龍門寺正門
龍門寺正門

龍門寺係要收入場費, 不過好彩唔太貴, 成人2300won、小童800won
係龍門寺內, 有個不能錯過gea景點, 就係有1100年樹齡gea銀杏樹, 己被列為天然紀念物第30號而受保護龍門寺正門
可惜因為我老公唔舒服, 要提早結束行程, 有好多野都睇唔到 

評分: 值得去4  
  0 個留言    |  加入你的留言
Bigfeet
2篇遊記
超值Brunch & 性愛博物館@韓國弘大 (韓國)
(旅程日期: 2016-08-07 ,  旅程性質: 飲食購物)
 整個旅程  (共1篇遊記)
 分享至Facebook 
發表日期: 2016-08-08

YEAH!!!終於去左首爾果間性愛博物館, 呢間被稱18禁博物館, 18歲以下不能內進!!!

之前搵食時, 經過幾次, 大大個Superman坐係問口等你

成日都好好奇, 想去睇睇裡面係點…….每次見都好多韓國青年(女), 情侶, &外國遊客去

我終於搵到有人肯部我去, 呢個人就係我同相認返gea朋友仔(上星期先相認返)。

星期日一早偷偷蛇出去會蜜友lu~~~~~~~~~~~~~

已經計劃好先去食個brunch, 見ulife有介紹the famous lamb café, 朋友又住係新村, 所以決定去試下佢個抵食brunch……點知人算不如天算, 辛苦搵到間野(天氣實在太熱, 勁曬, 勁流汗), 竟然冇開, 大大隻寫住”暑假連休 8.1-8.10”, 當場有被打敗gea感覺

我地兩個早餐都未食ㅜ ㅜ , 急找另一間, 但普遍都好貴, 連埋咖啡都要成2萬won埋單

諗起9號出口, babeans coffee有brunch, 而價位接受到, 二話不說出發去

經過左性愛博物館, 我地只能過門而不入, 繼續直行, 因為實在太餓啦。唔知係咪太餓, 平時覺得好快見到gea coffee shop, 竟然好似消失左咁。終於係尾尾, 過左droptop同間c開頭café, 就見到babeans

babeans有3層, ground floor果層冷氣最勁

Babeans brunch選擇都ok多, 價錢由9900won(包美式一杯)起~, 大家都知相片同實物會有差, 我同我朋友都係咁諗, 所以一人點一個餐。

出到黎真係有差, 但意外地賣相係比相片好同多, 我地足足坐左兩個幾鐘, 因為份量太多, 又唔想浪費, 所以慢慢食。

走之前, 比多1000won續杯凍美式拎走, 我個人幾鐘意呢間, 感覺唔差, 選擇多

食飽飽, 就出發到性愛博物館

睇d旅遊網見好多遊客都去呢間, 但唔見點解果間位置會咁唔顯眼, 其實如果第一去的話, 好易行過左都唔知

佢B1係性愛館(入場費係8000won), B2係3D主館。3D主館大好多, 原本我想入埋去玩, 難得週未放監出去玩…...但點知我朋友已經去過, 激死!!!又要再搵人, 雖知人在異地難搵

講返性愛館, 岩岩入場時還好, 可以輕鬆對待, 仲可以玩野影相; 但愈行愈尷尬, 最後只能拍擺設

我見韓國d年青還真大膽, 笑聲不斷

其實性愛館唔係話好大, 不過認真影相的話, 1個鐘都未必夠……哈哈

走前遊走佢地3D主館~外面遊戲區, 見到有XBOX同VR, 我朋友話之前冇見過, 應該係新增

XBOX免費, VR就5000won, 我原本都有諗住玩, 但幾多人排隊下, 咁就比朋友拉走(心諗,真係要好好選擇朋友先得)

係地下玩完上返去, 有少少重見天日感覺, 太陽太刺眼啦

快步走去H&M啖冷氣, H&M有好多特價, 同朋友都各買左套泳依, 想趁夏天完之前一齊去海邊玩; 呢個時候好羨慕單身, 話去玩就去玩, 我就要度期……單身時真係要好好享受

難得偽單身週日話咁快就完

性愛館入口
性愛館入口
楚楚可憐的馬小姐
楚楚可憐的馬小姐
無厘頭的兩頭牛
無厘頭的兩頭牛
偷竊
偷竊
新增遊戲virtual reality@B2
新增遊戲virtual reality@B2
新增遊戲xbox@B2
新增遊戲xbox@B2
首爾唯一18禁成戈館, 有年齡限制
入面有好多影相位, 但基於尺度問題, 好多相都唔POST
親身參觀過, 知邊自己思想都係保守的...LOL 
參觀時段: 下午
入場價錢: 每人8000韓圓
評分: 值得去5  
餐牌
餐牌
招牌babeans brunch
招牌babeans brunch
甜品
甜品
正
冇待期下有驚喜
推介菜式: babeans brunch
每人消費: 約9900韓圓 (午餐)
評分: 味道4   服務4   環境3   衛生3   抵食5
  0 個留言    |  加入你的留言