|  深秋賞紅葉關西之旅 (日本)
(旅程日期: 2009-11-01 至 2009-11-08)
京都充滿日本傳統文化色彩, 同大阪好唔同, 有靚人靚景, 睇紅葉絶對一流, 可惜紅葉未到最靚既時間. 但仍然玩得好開心, 好舒服~
**第三日, 朝早本來打算早d起身, 但我太懶了. 所以男友自己食左酒店早餐後先周圍行下等我瞓夠買早餐俾我食先出發去京都.
到京都後先去民宿check in. 中野屋比想象中唔錯. 幾舒服企理. 安頓後去左京都JR站入面食lunch, 食到飽飽出發去期待已久的清水寺. 清水寺影相真係幾靚, 而且附近景點都好近, 全程靠腳行已經ok. 所以去完清水寺後既景點係去地主神社. 行過清水阪後去到八阪神社, 原來好多人都係夜晚先黎, 不過其實入面都close晒, 純綷影下相都ok既. 之後再去祗園. 又一夜晚先去既景點. 夜晚景色唔錯. 加埋柔和燈光. 簡直靚爆 ~~再去旁邊花見小路逛下. 最後去左食旦包飯. 幾好味, 估唔到甜品仲正. 不過細份左少少呢 :P
夜晚踩住單車遊京都. 感覺好特別 ^^ 由於今次行程唔想只有shopping, 希望可以有更多遊覽同欣賞當地傳統文化, 所以我倆選擇兩晚留宿京都.
為了慳旅費, 於編排行程時特意安排於京都住民宿, 順道感受一下當地人的文化.
到逹京都JR站後, 因為唔太識路, 加上事前又沒準備充足, 連民宿位置都不太清楚, 所以繞路繞了差不多半小時才到達民宿, 京都的人好好, 雖然言語不通, 但仍努力解答我倆的疑難, 盡力希望令我倆清楚民宿的位置.
好不容易到達中野屋, 眼前係一座五層高的樓房, 沒電梯, 在門口停泊了很多單車. (最好的服務係可以免費借給住客的!!) 按鐘等了一會, 民宿老闆娘 (估佢係老闆娘吧) 黎接應我倆, 我倆被安排住在四樓, 幸好只帶少量行李, 建議如果帶大件行李的話就早點要求住一樓吧! 上到四樓後, 老闆娘先分配鎖匙同一些需特別注意的事情, 例如單車鎖匙在三樓, 雪櫃的位置等等. 交低埋尾數後, 我倆正式入住. 第一感覺好日本呢. 從未試過瞓塌塌米的我, 感覺好新奇呢! 房間尚算乾淨企理, 只廁所略嫌細很得. 不過幾百蚊的民宿算可以了. 順帶一提, 老闆係可以用國語溝通的! 每晚價錢: 7500日圓 (雙人房)
評分:
設備4
服務3
環境3
衛生4
抵住4  牛扒定食 牛扒close up! 天婦羅蝦定食 天婦羅蝦close up 同男友仔於民宿安頓好後, 到JR附近搵食, 方便之後去清水寺坐巴士. 見呢間餐廳門口唔差, 所以誤打誤撞下入去食喇~ 坐低後先睇睇menu, 第一眼見到牛扒定食已好吸引, 所以二話不說點了呢個set, 男友仔本來都想點呢個, 但俾我快一步, 又不想大家點同一款食物, 所以點了天婦羅蝦定食. 先講講食物牛扒定食的牛扒好淋, 而且牛味十足, 日本的米飯本來已好好味, 加埋醬汁簡直一流! 可惜在嫌飯太少呢. ^^ 天婦羅蝦好脆香口, 唔會太油, 而且蝦好大隻. 但米飯上面沒有醬汁有點乾. 旦蒸得好滑, 雖然細細碗, 但非常足料. 麵豉湯唔會過份濃味. 唔錯! 再講環境&服務
環境都唔錯, 唯一唔好係旁邊的食客食煙呢...雖然唔係sofa, 但櫈都唔會唔舒服. 日本的服務一定不會太差, 呢間食店的服務都唔錯, 侍應全程好好笑容, 就算溝通唔到, 身體語言搭夠一樣ok! 每人消費: 約900日圓 (午餐)
評分:
味道4
服務4
環境4
衛生4
抵食3 今日主要行程之一係遊清水寺, 其實我認為清水寺分兩部分, 一部分係收入場費前的寺廟, 另一部分係收入場費後的壯麗景色!
先講第一部分, 坐巴士到達後, 先跟隨人群行沿路而走, 呢條小路景色都不錯, 兩旁都係有傳統文化的屋仔, 雖然係斜路, 但行得都頗舒服.
首先到達清水寺的仁王門, 如果好彩的話, 呢度已經可以欣賞到紅葉. 檻過門柵, 景色更美! 可以學日本人參拜, 亦可以求番支姻緣簽呢! 沿路而走, 好快就會到達普門閣, 要過呢個寺門, 需要放下入場費呢! 但入寺後會發現, 景色真的很美! 參觀時段: 下午
評分:
值得去5
買了入場券後, 進入了普門閣, 眼前被美麗的景色吸引住. 雖然比預期中少了紅葉, 但依然無損對清水寺風景的感覺! 唯一可惜的是人太多! 參觀時段: 下午
入場價錢: 每人400日圓
評分:
值得去5
因為地主神社就在清水寺的旁邊, 所以一般遊客都會順道遊覽一下.
由於太多人的關係, 我倆都不太認真去遊覽, 來去匆匆, 只是影了幾張相而已....
不過個人認為都不需要留太多時間, 反正大部份寺廟都差不多吧 參觀時段: 下午
評分:
值得去3
幾日行程裡面, 我倆發現太陽落山的時間都比較早, 好多時四點多已經開始落山, 所以安排下午的行程都比較困難
八阪神社其實我倆本打算是安排下午去的, 但由於清水寺用的時間比預計長, 加上太陽好早落山, 去到已經六點多了.
但我倆到達先發現, 原來好多遊人都係安排夜晚先黎的喔! 夜晚的八阪神社, 別具一番風格, 但因為大部份寺廟都較早關門, 所以我地都只能於門外影相. 參觀時段: 晚間
評分:
值得去3
無論係朋友仔, 或者睇遊遊書仔, 都介紹去祇園選擇夜晚較好. 因為夜晚景色較靚. 的而且確, 夜晚的祇園幾寧靜, 而且景色不錯!  參觀時段: 晚間
評分:
值得去3
花見小路就在祇園附近, 所以都順路一遊. 其實沒什特別, 只是一條小小食街而已 參觀時段: 晚間
評分:
值得去2
 差 好好味的朱古力旦糕加雲尼拿雪糕 酸酸甜甜的士多啤梨雪芭加cheese cake 遊完花見小路後, 我倆就返回京都站. 因為天氣太冷了, 我順理成章在Porta 地下街添置少少衣服. 八點鐘過後大部份商店已關門, 我倆都肚餓了. 見到呢間餐廳前的旦包飯好吸引, 所以決定一試.
旦包飯款式都幾多, 我揀了最穩陣的肉醬旦包飯. 而男友仔揀左個我都唔知係乜東東的旦包飯.
侍應先美上兩杯湯, 但湯很杰, 不太吸引, 而且飲落好一pat野的感覺, 結果我都係選擇放棄了...等左一陣, 我的旦包飯先送上, 肉醬幾香, 而旦的色水都幾靚但好似熟左少少. 旦入面的是茄汁飯, 但略嫌唔夠味, 但加上旁邊的肉醬都還可以的. 男友仔的那個有點像白汁加上一些薯仔同雜菌. 都不錯, 我較喜歡這個旦, 因為係滑旦, 而我那個是熟旦呢!
我倆都加錢變甜品set, 甜品我選了朱古力旦糕加雲尼拿雪糕, 朱古力雪糕好香朱古力味, 而且不會太甜, 雪糕好香滑, 男友仔的士多啤梨雪芭加cheese cake都異常味美!! 雪芭酸酸甜甜, 加上不太甜的cheese cake簡直絕配. 我倆都覺得甜品比旦包飯更加出色呢!
最後飲品方面沒太大驚喜... 推介菜式: 甜品士多啤梨雪芭+cheese cake, 朱古力旦糕+雲尼拿雪糕
每人消費: 約1000日圓
評分:
味道4
服務4
環境4
衛生4
抵食3 包裝精美^^ 每次去台灣, 泰國和日本, 都必食Mister Donut! 記得上次去東京時每個冬甩都需要1xx yen, 今次all 100 yen, 真係抵食得多, 雖然我倆剛剛食飽飯, 但都忍唔住手買了兩個返民宿做宵夜!  每人消費: 約100日圓 (宵夜)
評分:
味道4
服務4
環境3
衛生4
抵食4  1 個留言
| 加入你的留言 |
4天前
4天前
請填寫正確出發日期。
