wksm71
53篇遊記
又係最新既環節,旅行社安排d團友去按腳,話按腳收20元,咁既價錢ok.

個度d技師,話係退役咗既運動員.諗住唔差啦....

點知一肚氣....

首先安排我地入咗一間十幾廿個人既room俾我地坐,坐定後,有一個肥嘟嘟既女人,著住北京奧運既運動裝,先介紹一下點解有咁平既按摩.

講咗一大輪野,其中一樣係話,香港霍英東先生,係奧運籌建當中,捐咗好多錢,佢地為咗報答香港人,所以先有咁平,聽完都以為係感謝霍英東先生,而對香港人咁好,點知....

d按摩技師好整齊入黎,好有秩序咁,齊齊幫你按背,然後再幫你浸腳,幫我個女技師,識講廣東話,佢幫我按按下,就話:你駛唔駛磨皮呀,我話好,佢話另外要收錢,後尾叫咗個大肥仔黎幫我整啦,個女技師又講,佢幫你整得咁好,比多d貼士啦,...後尾又同我講,佢整得咁好,你比雙份錢都應該啦.

到個大肥仔走咗,佢又同我講,咦...你腳指好似有灰甲喎,駛唔駛我搵個醫師幫你睇下,我話唔駛啦,我都唔覺有,後尾佢又話,幫我買d藥番去浸,2枝就會好啦 (每枝價錢3百幾),最初我話諗下,後尾到差唔多按摩完,個女技師又問我,你到底買唔買,我話都係唔好啦,即刻俾面色你睇,都唔知咩態度. 仲有係,我同我細妹講野,佢又要插口,後尾我同佢講,我同我細妹講野,唔係同你講野,佢就停咗聲,但係猛望住我.

而我阿媽果一個男技師都好衰,係要我阿媽買藥,我阿媽話唔買,冇錢,佢話叫你d女俾啦,我阿媽當然睬佢都傻,又係俾面色我阿媽睇.

我建議大家下次去北京,堅持唔入呢度,就算入,都唔好買,除非你隻腳係有事啦.

按完腳,就坐車去機場啦,要番香港.

整個旅程原本都好滿意,係食方面差咗少少,都ok既,但係去咗呢一度,真係火都黎埋.
推介項目: 唔值得推介
參觀時段: 早上
入場價錢: 每人20人民幣元
評分: 值得去1  
相關遊記
 
第二次來北京...看新景點  (中國)
(旅程日期: 2009-02-24 至 2009-02-27)
發表日期: 2009-07-21
今次來北京,完全是阿妹同妹夫自己想去旅行,跟住佢地又問阿媽去唔去,阿媽想去,但先要搵個伴同房,就搵我....點解唔搵老爸呢,因為阿媽嫌老爸行動慢,而且天氣涷,驚老爸身體捱不住.

最初我都冇答去唔去,後尾...
此遊記內的評論:
發表日期: 2009-07-22
好早morning call,不過我五點幾就起咗身啦,起咗身,當然要落餐廳度食早餐啦
此遊記內的評論:
發表日期: 2009-07-23

今早吃完早餐,我地要去八達嶺既長城啦,我第二次做好漢了

此遊記內的評論:
發表日期: 2009-07-23
第四日行程,最後一天要番香港啦

一早吃完早餐,肖導遊就帶我地去北京既同仁堂,去到先聽下個醫師講野,然後就安排其他中醫師同你診症,每個醫師都有一個女護士在旁,d女護士都學過中醫,個醫師同你講咗2句,之後...
此遊記內的評論: